رواية امانة الغائب الفصل الثاني عشر12بقلم جمانه السعيدي
امانة -الغائب
#البارت الثاني عشر
#جمانه السعيدي
@أبرز المعجبين
امل...راح فيصل يشوف هبه
واني بقيت افكر شلون تكدر هيه وامها تخطط هيج خطط
خلت الولد يركض عليها ركض وهيه تضحك علي
زين والى متى يمكن مايصير عدها حمل
شلون راح تحل هاي المشكله
ماكو جذبه تنظم للابد لازم تنكشف بيوم من الايام
من رجع فيصل اجانا كبل اني تعمدت اسئله عنها
لان اني الوحيده الي اعرف هيه اجذب
امل...شلونها هبه
فيصل... زينه عادي مابيها شي صح ممدده بس
شكلها عادي تسولف تضحك
وجها ينفط الدم رغم هيه كالت اتي نزفت هواي دم
مكينه ومبدله
امل....ابجوز صحتها تتحمل
اذا زينه ليش ما جبتها وياك
فيصل...تكول اريد ابقى يومين واجي
بقا فيصل عدنا يومين كاملات مايروح البيته ابد
من الشغل يجي علينا كبل
اليوم الثالث راح جابها من بيت اهلها
ابد مامرت علينا ولا اجت تشوف عمي ولا سئلت على خالتي
عبالك اعدائها
بعد وفاة يحيى بعشراشهر
طلع تعيين فيصل وهبه
شكد فرحنا علمود فيصل خطيه هذا الشغل الي يشتغل بمكان عمي حيل متعب
ولو يحصل منه فلوس ااكثر من راتبه
لان بلبداية كان راتبه ٥٥٠
هبه بعد ما حصلت الوضيفه رجعت تتمرد على فيصل
بعتبار صار عدها راتب حالها حاله
تاكل بلدوام وتجي كبل تنام للمغرب
تكعد من النوم ساعه تقريبا تحجي الامها تفاصيل يومها
وتتعشى تغسل ملابسها وتنام
حتى مالها شغل بفيصل
قبل بس يجي يمنا تتصل علي وتستعجله
هسه مالها شغل بي اصلا تكيف ينزل يمنا ياكل
حتى لا تسوي عشه وتتعب
تريد تنام تسولف على امها اذا هو بلبيت ماتكدر تاخذ راحتها
من ينزل يمنا تكيف
خالتي...يمه مرتك بعد ما حبلت
فيصل...بعد
خالتي.....ليش ماتراجعون انت وياها تحصلون طفل
مادامكم زغار واحنا هنا نساعدكم علي
فيصل.... جاي احجي وياها ماتقبل تراجع تكول بعدني تعبانه من الاسقاط الاول
خالتي... صار اكثر من عشر اشهر من صار عدها اسقاط
شنو تعبانه
فيصل....اني راح أخذها واروح للدكتوره
اكو دكتوره تشتغل ويانا بلمستشفى اخليها تشوفها
بليل فيصل فتح موضوع الاطفال
هبه....انت ليش تلح بعد وكت
فيصل....واني اريد طفل
هبه...مو عندي دوام منو يدير باله علي
فيصل....اني اخلي يم امل
هبه....امل عوع عوع
هاي الهمجيه تربي ابني لو تموت مااخليها تشوف اضفره
فيصل.....اخلي يم امي
هبه ...ولا امك
فيصل....شلون يعني هاي الوضيفه مستمره راح نبقى بدون اطفال
هبه...لا نأجل الموضوع سنه سنتين على كيفنا
فيصل...يمتى بعد مانعرف شيصير باجر
اله بعد سنتين
هبه....اني حاليا ماريد اطفال اني الي احبل لو انت
ضاج فيصل منها اسلوبها مو حلو بلكلام
وكلشي ما يعجبها
ورجعت النفس اسلوبها وعنادها من استلمت الوضيفه لليوم
رغم فيصل يكول اني ماشايف شي من راتبها
وماادري وين تودي
حتى الخط فيصل يدفع فلوسه واذا تطلب شي توصيل
فيصل يدفع فلوسه
جمانه السعيدي
صار فيصل يخلص اكثر الوقت يمنا بلبيت يلعب على الجهال
وبكعد ويا عمي
الحد ماعمي فجر اكبر مفاجئه بلكون
امل...اول شي اني مادري عمي فاتح موضوع زواجي من فيصل
بلبدايه عمي كعد ويا فيصل
هذا الحجي بعد مرور ١١ شهر على استشهاد يحيى
عمي...بويه فيصل اريد احجي وياك بموضوع
فيصل...اي كول تفضل
عمي...اذا اطلب منك.طلب تنفذه اليه
فيصل....من عيوني تامر اامر
عمي....اخوك الله يرحمه مات ووصاني على جهاله
وأمل بعدها طفله وماتكدر على هاي المسؤليه وحدها
واني رجال كبرت ومريض بعد ماكدر
بليل من اخلي راسي على المخده
ابقى افكر بجهال يحيى اخاف اموت وماحافظة على وصيته
فيصل....عمرك طويل يابه اني موجود ومراح اخليهم ناقصهم شي
عمي.....انت تفهمني اول مااحجي هو اني اريد اوصل الهاي السالفه
اني اكو تزوج امل حتى تحافظ على جهال اخوك وعلى هذا البيت
فيصل.....شنو شنو ماسمعت
عمي...لا سمعت انت زوجتك غريبه وماتريدنا
ولا تحب تدخل بيتنا مااعرف باجر اذا متت
ايجوز تخليك تتغير على جهال اخوك
الله اعلم هاي الدنيا مابيها ضمان
وأمل بعدها زغيره توها ٢١ سنه وحلوه
مااعرف اذا باجر بقت وحدها ويا هاي المسؤليه
تكدر ادبرها وتحافظ على جهالها
لو الوكت يخليها تتغير
اني ماللومها ابد بعدها زغيره وحلوه
امل تحملت يحيى هواي وصبرت من حقها تشوف حياتها
ليش تباوع بعيد وجهال اخوك يضيعون
ليش ما تعقد عليها
وتبقون سوا بهذا البيت
وعينك على جهال اخوك
حتى اني من اموت مرتاح وفيت وصية اخوك
وماقصرت ويااا
جمانه السعيدي
فيصل....وهبه
عمي...شبيها هبه بيتها وحدها وعدها راتب ما ناقصها شي
فيصل.. انت فاجئتني بهذا الطلب
عمي...اني ما اكلك تعال هسه ازوجها
لا فكر زين منا لمن تكمل سنة اخوك
ونحجي وياها بهذا الموضوع
بس خلي ابالك اذا ترفض هذا الزواج
اني اسجل هذا البيت بسم امل وعدها راتب زوجها
حتى اضمن جهال اخوك محد يشمرهم بلشارع
لان زوجتك ما تتامن ابد
تريد تزوجها وتسكنون كلكم بهذا البيت وعينك على جهال اخوك
تريد اني اسجل هذا البيت باسمها
وطن الجهالها وعدها راتب يحيى حتى لا تحتاج اي احد
اني كلما اباوع على علاوي جني شايف يحيى
فيصل....صعب صعب حيل صعب هذا الطلب
عمي...حتلو بس عقد حتى لا تبقى وحدها
أعقد عليها حتى تبقى هيه وجهاله كدام عينك
فيصل...وهبه
عمي....شمدريها هبه هيه حتى ما تدخل هذا البيت
بفاتحت اخوك مادخلت بيتنا
ازوجها بدون ماتعرف هبه
وحتلو عرفت انت مامسوي شي غلط
بت عمك وجهال اخوك وتريد تحافظ عليهم
فيصل....خل افكر لان هيج شغله مااكدر اقرر بسهوله
عمي...لا تتأخر بلتفكير اني رجال مريض ايجوز انام وبعد مااكعد
خاف اموت امانه بركبتك تزوج امل
ودير بالك على جهال اخوك
فيصل...اني مستعد احلفلك راح احافظ عليهم
ومااعوفهم حتلو ماازوج امل
عمي....لا وين اكو هيج سالفه
الدنيا هاي كل يوم بحال انت ماتعرف باجر شراح يصير
وشلون ممكن تتغير الأحوال
انت كدامك خيارين واختار واحد منهن
لو تزوج امل لو اسجل هذا الببت باسمها
اذا سجلت البيت باسمها شوفلك مكان تسكن بي
لان بيتها انت ليش تكعد بي انت وزوجتك
امل...عمي يريد ؤخصر فيصل بلزاويه
قدمله خيارين واحد امر من الثاني
طبعا عمي كاعد ويا خالتي وهما ثنيينهم طابخين هاي السالفه
عمي يريد يضغط على فيصل حتى يقبل
كل هاي الخطط واني ماادري ولا عندي علم بلموضوع
ماجنت متوقعه راح عمي يطلب ايدي الفيصل
ولا عمري فكرة بهيج سالفه