رواية العاشق الفصل الثالث عشر13 بقلم ايمان محمد
بيقرب غصب عنها بيبوسها بحدة..بيعور شفايفها وبتنزل دم انا عارف انك بتحبيني صح
لسه بتحبيني يسندس قولي انك بتحبيني
سندس وهي بتعيط بتحاول تفلت من بين ايديه الله يخليك ابعد عني ...سيبني بقي حرام عليك انت سكران مش ف وعيك فوق ابعد عنيييي
عدي. انا اول مرة اكون ف وعيي ولسه مكمل ف الي بيعمله مش بيبعد عنها
بتسحب نفسها منه بصعوبه وبتضربه كف ...انت مجنون
عدي بحزن من الي هو وصله انا ..انا اسف يسندس والله مكنتش اقصد
سندس بدموع ... عن اذنك
عدي بيمسك ايديها...سامحيني يسندس مكنتش ف وعيي انا اسف
سندس. ولا يهمك
عدي بيبدأ يقرب منها وبياخدها داخل حضنه تقبلي تتجوزيني يسندس
سندس بدموع...انا مخطوبه
عدي. انتي لسه بتحبيني صح
سندس بحزن ودموع اه لسه بحبك وبموت فيك كمان
عدي . اوعدك اني اعوضك عن كل مرة اذيتك فيها بكلامي وجرحتك وانا عارف انك بتحبيني
ليطبع قبله علي جبينها وخدها من بعده
لكن لم تصمد كثيرا وتقربو من بعض اكثر. ف اكثر
في صباح اليوم التالي
وسندس بتكون داخل احضانه الشمس تداعب وجهها وهو ينظر اليها
عدي ب ابتسامه صباح الخير يعروستي
سندس . صباح الخير يحبيبي
عدي. مكنتش عارف اني قلبي بيحبك انتي اوي كدا يسندس بجد
كنت شايف اني تبارك ممنوعن عني ف عاوزها وانا قلبي من البدايه كان ليكي
سندس. مش عايزة افتكر الماضي خلاص اتقفل
بتبص لنفسها ع السرير ...
عدي
"قلبه
سندس . احنا هنتصرف ازاي بعد الي حصل امبارح ده
عدي . أول حاجة هنروح نتجوز ف المحكمه عشان عايز مراتي تكون جنبي دايما
سندس . وبعدين ....شادي هعمل معاه اي
عدي. كله هيتحل طول م احنا سوا يحبيبتي
خليكي هنا هروح اجهزلك فطار
سندس ولو حد دخل
عدي .اقفلي ع نفسك من جوة يعمري انتي
بعد مرور اسبوع من الحادثة..
ليل لسه مش قادر يتحرك كويس ....قاعد مسنود على السرير وتبارك بقت هي كل عالمه خلال الشهر الي عاشته معاه من اول يوم عرفها فيه لحد دلوقتي .....محدش رن عليه يسئل عنه هل عايش او ميت
كل يوم الصبح تدخل عليه بصينية الفطار ما ابتسامة ....،
المصمم المشهور بتاعنا اخباره اي النهاردة بقي.....وتكمل حديثها بالنظر اليه اللبن سخن اهو ...هتشربه ولا هتتعبني زي كل يوم
ليل . اللبن مبيحبنيش اعمل اي ومش كل يوم هشربه غصب عني بقا انا زهقت
تبارك . خلاص تشربه برضاك النهاردة
ليل. والله م هقدر مش هعرف
تبارك. علي فكرة بقى انا النهاردة حطيتلك فيه كاكاو عشان تعرف تشربه وضيع طعم اللبن خالص والله حتي دوقه
ليل. هو أنا طفل صغير ولا اي اشربيه انتي
بصتله ب استنكار هو اللبن للطفل بس.. راحت وقعدت قدامه وبدأت تأكله بايديها وهو مكسوف منها بس هو حابب انها بتأكله كل يوم
وبتبدأ تديه اوامر هتاكل اكلك كله وتشرب اللبن قولت ومفيش عصيان لاي طلب بطلبه منك لحد م تخف نهائيا
ليل . كفايه انا شبعت طيب
تبارك . كل كويس عشان تاخد الدوا.. الدكتور قال لو مكلتش كويس مش هتخف وايه شبعت دي ....ده انا باكل ادك اربع مرات
ليل وهو بيبص لها جامد وهو بيضحك انتي ليه مهتمة بيا اوي كده يا تبارك
وبعدين مش انتي دكتورة....كنت سامعك بتصرخي عاوزة دكتور وبتعيطي مع انك كان ممكن تنقذيني ولا كنتي عاوزاني اموت بقي يهانم ومش عاوزة تعالجيني وانا مش ف وعيي
تبارك اتوترت ايديها اترعشت وهي ماسكة المعلقة ...انا لما شوفتك واقع ع الارض نسيت كل حاجة حسيت نفسي شبه مشلوله وبعدين ف الموقف ده كنت عاوزني اعمل اي
وبعدين كفايه بقي خلاص قفل ع الموضوع ده الحمد لله انك بخير وسالم ومعافئ
ليل بيمسك ايديها عايز أقولك حاجة يتبارك
تبارك ب ارتباك في اي
ليل . أنا مش عارف هل انتي حاسه زيي ولا لا بس انا بدأت احس بمشاعر تجاهك مش قادر اخبيها اكتر من كدا
يمكن حبيتك ويمكن لا بس الي انا اعرفه اني عايز أكمل حياتي كلها وانتي معايا فيها ...
كان قدري اشوفك ومامتك توصيني عليكي ....عشان انتي نصيبي
تبارك بتهرب بعينيها عشان.... متنساش تشرب اللبن بقا انا همشي ...
بتتكلم بتهته انا ...انا هروح احجز التذاكر عشان ننزل مصر
ليل شد ايديها قربها منه وقال بهمس ... تخلي بالك من نفسك يمملكتي
سكتت، ووشها بقا احمر قلبها بيدق بسرعة لدرجة انها كانت سامعاه.
في اللحظة دي ضم ايديها بين ايديه وحطها علي صدره .....قلبي جواه شعور غريب اول مرة يحسه معاكي وبس
الاسبوع الي قضتيه جنبي.. خلاني احس اني مش عايز اخف لو هتبعدي عني
رفعت عينها ليه، ولأول مرة مقدرتش تخبي مشاعرها.. كان الحب باين في عينيها بوضوح.
تبارك بصوت واطي مرتعش وانا.... وانا اتعودت عليك ف كل تفاصيل يومي معتش بقدر ابعد عنك
فضلو ساكتين مفيش كلام تاني اتقال بس نظراتهم كانت بتقول كل حاجة.. مشاعر كانت بتكبر كل يوم بهدوء، من بين اهتمام ورعايه حب وحنيه مشاعر بين قلبين قلق ولمسة ايد.
تاهت أعينهم بين مشاعرهم
**********
علي جانب اخر
بتجري بين الشوارع الضيقة الي كانت ضلمة مفيهاش غير صوت نفسها وهي بتجري
كانت بتجري حافيه وشعرها طاير وهدومها مقطعة ووراها صوت رجلين كتير بتجري وصريخ منهم
"هناك اهي امسكوها"
لفت بسرعة في حارة جانبية صدرها بيوجعها من كتر الجري نفسها اتقطع بس مقدرتش تقف.. لو وقفت هيخلصو عليها
اتخبطت في صندوق زبالة وقعت.... قامت بسرعة وكملت جري ودموعها نازلة من الخوف والتعب ماسكة شنطتها حضناها كأنها روحها
سمعت صوت خطواتهم قربت اكتر منها.. قربو يمسكوها.
فجأة شافت باب عمارة قديمة مفتوح نص فتحة دخلت فيه بسرعة واستخبت ورا الباب كاتمة نفسها بايديها الاتنين عشان صوت عياطها ميطلعش.
الناس عدت من قدامها بتجري..
واحد منهم .راحت فين دورو عليها كويس
يجيبه صديقه مش هتروح بعيد.. هنجيبها يعني هنجيبها
صوت رجلينهم بعد شوية.. بس هي لسه واقفة، جسمها كله بيترعش عرقها نازل على وشها من الرعب
فضلت واقفة دقيقة.. اتنين.. تلاتة.. لحد ما حست ان الصمت رجع.
خرجت راسها ببطء تبص..الشارع فاضي مفيش مخلوق فيه
طلعت تجري تاني بس المرة دي بهدوء .. لحد ما وصلت لآخر الحارة واختفت في الضلمة.
********
الباب اتفتح جامد بغل.... دخلت شادية بكل جبروتها لابسة اسود ووشها حجر ما فيهوش رحمة.
الرجالة واقفين عاملين زي الفيران.
شادية بصوت واطي مخيف هربت
محدش رد من كتر الخوف
شاديه بزعيق ردوووو
واحد منهم بيرد عليها ....متأسفين يست هانم والله م هتتكرر تاني
بتبدأ تقرب منهم خطوات ....سمعت الكلام ده اخر مرة واتكررت
بتطلع اله حادة من هدومها وبتغرسها بين احشائه ليحدث طرطشه دماء عليها
بتتكلم بضحكة شر حلو.. حلو اوي.. واحدة عقلها مش معاها هربت من 4 بهايم مفكرين نفسهم رجاله
قربت منهم خطوة خطوة وكل واحد بيرجع لورا.
شاديه . طبعا فهمته اي عقابكم لو مرجعتش
عارفين يعني ايه هربت يعني لو وصلت لـ ليل.. ليل هيكرهني وهيبعد عني وبكدا ده هيكون اخر يوم ف حياتكم
سكتت وولعت سيجارة بكل برود.
بتتكلم وهي بتنفخ الدخان في وشهم "وانا.. لما ليل يبعد عني.. مش هرحمكم... انا ههد الدنيا على دماغ الكل.
هخليكم تتمنو الموت ومتطولهوش لو ليل سابني بسبب غباءكم ده
شادية بصريخ مرة واحدة .،، هتعملو ايه هنجيبوها.. حية او ميتة.. بس قبل ما توصل لليل.. فاهمين
ولو وصلتله.. انا اللي هخلص عليها بايدي وهخلص عليكم بعدها....
الرجالة طلعو يجرو مرعوبين منها هنلاقيها يست هانم
*******
المكان... وادي الريان الطلبة كلهم بيتغدو بعد ما وصلو
بسملة قاعدة لوحدها على صخرة بعيد شوية، بتاكل ساندوتش وبتكتب حاجة في نوتة البحث
زمرد . يستي سبتي كل الايام وجايه النهاردة تكتبي بحث ومش بحث
بسملة . في حاجات مش فهماها خالص من شرح دكتور رغد
طارق معدي بالصدفة شافها قاعدة محتارة طارق ...ايه يا بسملة قاعدين لوحدكم لي روحو اقعدو مع زمايلكم
بسملة.لا يا دكتور عادي انا بس بكتب كذا حاجة كدا
طارق قعد جنبها بمسافة يفهمها النقطة......وريني كده.. لا دي بتتعمل كده ... والملاحظات دي غلط
من بعيد الدكتورة رغد واقفة مع الشلة بس عينيها على طارق.. اول ما شافته قعد جنب بسملة سابت الاكل وجت عليهم
رغد بابتسامة مصطنعة...ايه يا دكتور طارق واخد الطالبة بتاعتك على جنب ليه
طارق ببرود بفهمها حاجة في البحث يا رغد.. فيها حاجة دي
رغد بصت لبسملة بقرف لا يا بسملة البحث مش هيطير عشان تدايقي دكتور طارق بشرحه ليكي قومي يلا روحي مع البنات....الدكتور عايز يرتاح شوية من دوشة الطلبه ف الجامعه وانتي جايه هنا تذاكري كمان
بسملة اتكسفت وقامت. حاضر يا دكتورة
اول ما مشيت طارق بص لرغد بحدة.
طارق .انتي مالك
كل شوية تيجي تعملي شويتين قدام الطلبه الي بيني وبينك انتهي قبل م يبتدي من سنين بلاش تحاولي تاني عشان متخسريش نفسك واخليكي خدامه ف بيعي
رغد قربت منه بمياصة مالي.. بغير عليك يا طارق.. مش شايف اني بحبك ولا اي
وبعدين عادي لو جوزي اعيش خدامه ليك يحبيبي
طارق قام وقف وقال بكل جديه يا رغد انا قلتلك قبل كده.. احنا زمايل شغل وبس.. انا لا بحبك ولا بحب حد.. فبطلي جو الغيرة ورمي البلا ده عشان شكلك بيبقى وحش اوي
وسابها ومشي وبيروح عند الطلبة.
رغد وقفت مكانها ايديها بتترعش من الغيرة والغل فيها اي حلو لدرجه مش قادر تخبي اعجابك بتبص على بسملة اللي ماشية بعيد.
رغد في سرها بغل .. ماشي يبسمله .. انتي اللي جبتيه لنفسك.. هخليكي تكرهي اليوم اللي جيتي فيه الرحلة دي
*********
بنتي ان متجوزتش ليل سرك هيتفضح يشاديه
شاديه ب غل جواها .... انت بتهددني كمان
-خديها زي م تحبي بس انا قولت الي عندي
كانت قاعدة قدام باباها
سهي.ها ليل هيجي يتقدم امتا
لسه ابوها هيرد عليها ....انا رايحه النهاردة ل ليل بيقولو راجع مصر. عامل مفاجأة لعيلته
بتروح بيت ليل بتلاقي شاديه بس الي هناك
بتبدأ تنده للخدم بزعيق
الخدم . نعم يست هانم
سهي ..هاتيلي واحدة لاتيه
وبتبدأ تتكلم بجراة ..ليل لسه مجاش ولا اي
شاديه بجبروت بتكتبي السطور الآخيرة من عمرك انتي وباباكي عشان فكرته تلعبه معايا
سهي .هنشوف يعجوزة
******
كانت تبارك وليل ف الطيارة دقايق معدودة ويوصلوا مصر
تبارك .عيشت معاك وبفضلك ايام حلوة أوي
ليل. العمر كله يحبيبتي
تبارك بكسوف قولت اي
ليل . ف البيت نتكلم يلا ننزل وصلنا ... في عربيه واقفه مستنياهم ب الأسفل
نزلو من الطيارة وركبوا العربيه ووصلو البيت سوا
ليل . هتفضلي عايشه ف البيت عندي لحد م نعمل خطوبه وكتب كتاب سوا واليوم إلي هتوافقي فيه هيكون يوم فرحنا
تبارك قلبها من جوة مبسوط بس لسه مقالتش ليه حاجة
بيدخلو وليل ساند عليها وماسك ايديها
شاديه بتروح تجري عليه مالك يحبيبي
سهي بتسحب ايد تبارك وتشدها من جنبي ابعدي كدا عن خطيبي
تبارك .قولتي اي ؟!