رواية امانة الغائب الفصل السادس عشر16بقلم جمانه السعيدي
امل...اجا فيصل ويانا للغرفه بقى يلعب ويا الجهال
مصارعه بوكسات مابقى لعبه مالعبو ويااا
كلما اشوفه شلون مهتم بلجهال اذكر يحيى شكد جان يحبهم بس مايلعب وياهم
على كد يشتريلهم وبس كل وقته عينه بلتليفون
وماله شغل بيهم
الجهال هلكد ماضحكو ولعبو ماقبلو فيصل يطلع من الغرفه
نامو ثنيينهم بحضنه على الجربايه
واني نمت من الجهه الثانيه
فيصل....انام هنا لو ازعجكم
امل....بكيفك اذا تحب نام هنا
شلت علي وخليته على الجربايه وبقت زهراء نايمه بينا
لزم ايدي ونمنا للصبح
اول ما رن المنبه كعدنا اني ويا
فيصل...ابقي نايمه اني اروح اتريك بلدوام
امل...لا مايصير
دخل فيصل للحمام واني لبست الثوب الي جابه اليه
ومشيت شعري وخليت معطر
عمي وعمتي نايمين والجهال نايمين
طلع من الحمام لكاني واكفه على الطباخ ولا بسه الثوب وفاتحه شعري
اجا حضني وباسني من خدي
فيصل....الله طالعه تخبلين حلو عليج هذا الثوب
راح اجيبلج بعد واحد
امل....عيونك الحلوات
فيصل....اخذ اجازه اليوم
امل....لا باجر جمعه وراح تبقى بلبيت
فيصل.... شنو رائيج نطلع اني وياج باجر سفره
اليوم واحد والجهال عوفيهم يم امي
امل...ميخالف
اتريك وبدل ملابسه وطلع
رجعت للغرفه لبست ثوبي الاسود وبلشت انظف بلبيت
وغسلت ملابسنا
اليوم قررت مااتغدى وياهم ابقى انتظره لمن يجي ونتغده سوه
غديت الجهال وانطيتهم لعبهم بلغرفه
وعمي وخالتي دخلو غرفتهم لبست تراك بنفسجي
وخليت عطر وشويه مكياج وبقيت انتظره
لمن دخل وشافني فتح عيونه وبتسم
فيصل....لا لا اني لازم اراجع حساباتي من جديد
امل.. خليت ايدي على حلكه لان عمي وخالتي بعدهم كاعدين
فيصل..نزل ايدي وكال خليهم يسمعون
امل.... لا عيب يله اني منتظرتك نتغدا سوه
فيصل... ليش انتظرتي جان تغديتي خاف جوعانه
امل....اي ناكل سوه من زمان اني وياك ناكل سوه تذكر
نكعد نص اليل ناكل حلويات اني وياك ونبقى نسولف ونضحك
فيصل.....اي اذكر
من زمان وانتي الوحيده الي فاهمتني بهذا البيت
هذا الزمن عجيب وعنده صدف غريبه
كلشي مقدر ومكتوب مقسومين اني وياج واحد للثاني
امل....يله نتغدا
كعدنا ناكل وهو مصمم يوكلني
منا لمن خلصنا
فيصل....وين الجهال
امل...يلعبون بلغرفه
فيصل...يصير انام يمهم
امل.. اي يصير
دخلنا للغرفه بس شافو ركضو علي حضنهم ثنيبنهم
هذا المنظر عندي يعادل كل كنوز الارض
جهالي لكو واحد حنيين عليهم ويحبهم
خلاهم بحضنه واني من الجه الثانيه ونمنا للمغرب يله كعدنا
بليل بس تعشينا طلعنا نتمشى حتى عمي وخالتي ويانا
الأجواء تخبل
واني مرتاحه نفسيا واخيرا لكيت انسان يفهمني
ويقدرني ويحافظ على جهالي
جمانه السعيدي
رجعنا للبيت
فيصل...يمه عوفي الجهال هنا اني وأمل نريد نظف بيتنا
صار عشر ايام ما منظف
خالتي....اي عوفهم
فيصل...يله امل تجين
امل....بس اغير ملابسي الاسود تتوصخ بسرعه
فيصل....يله اني راح اصعد قبلج وافتح الباب الداخلي
اصعدي من الدرج الداخلي احسن من الشارع
امل... تمام
لبست تراك قصير ورفعت شعري
وأخذت ماسحه ومكناسه وصعدت
فتح فيصل الباب الداخلي
دخلت فعلا البيت كله تراب
امل....يله منيين نبدي
فيصل.....تعاي نبدي منا اخذني من ايدي وشمر الماسحه
والمكناسه
انتي صدكتي اخليج تنظفين بيت هبه
وهبه شبيها مكسره هيه تجي وتنضف
امل.....بس البيت وصخ
فيصل.. تعالي معليج بلبيت دخلنا الغرفة النوم
شمر الجرجف وجاب جرجف جديد
وخله معطر بلغرفه
فيصل.... اليوم نزوج كافي صبرت عليج هواي
امل.....ياا قشمرتني
فيصل....شسوي انتي ما تجين بلتلميحات
امل...كمت اضحك
فيصل..... احبج ولله احبج اتصدكين كلامي لو لا
من يوم عقدنا لليوم واني مشاعري كلها تغيرت
احس نفسي احبج من زمان
وكلي لهفه حتى اشوفج واحجي وياج
من اكون وياج مايحتاج اشرح اي شي انتي تفهميني من نضراتي
امل....واني والأول مره احس نفسي احب من صدك
عبالك مشاعري كانت بغيبوبه وتوها صحت
فيصل.....انت الحب الي جنت ادور علي من زمان
عبالك ارواحنا نخلقت وحده للثانيه
لحضات حلوه ما تتعوض ازوجنا اني وفيصل
ونكسرت كل حواجز الخجل بينا
شويه والجهال صعدو يدكون بلباب
فيصل....اي اجيت
طلع فتحلهم الباب واني طلعت من غرفة النوم
علي.....وين ماما
امل...هااا حبيبي
علي...يصير نلعب هنا لو هبه ما تقبل
فيصل....بكيف هبه اللعبو براحتكم
الجهال فرحووو من زمان ماصاعدين فوك
وفيصل يلعب وياهم طوبه
واني رتبت بيتهم شويه وكنست التراب
وعدلت فراش غرفة النوم
نزلنا الساعه بلوحده بليل
بليل نمنا اني ويا والجهال بغرفتنا
ثاني يوم طلعنا اني ويا سفره اخذني مكان سياحي يخبل
ورحنا مدينة الالعاب
ورحنا اشترينا شكد شغلات
وحجزنا بلفندق ليله وحده
اول مره افارك جهالي هلكد يوم بليله اني ماشايفتهم
ثاني يوم رجعنا الصبح
بس وصلنا والجهال اخذو لعبهم بدلت ملابسي
وبديت انظف
جمانه السعيدي
للضهر اتصلت هبه بفيصل
هبه..... اني بيت اهلي من البارحه رجعت تعال اخذني منتظرتك
امل....بس سمعت بيها رجعت مزاجي كله تغير
بين عليه ضايجه
فيصل.....شكو شو غيمة وتريد تمطر
امل....لا ماكو شي
فيصل.....اني حافظ هاي الملامح شلون ماكو شي
امل.....بعد ما تجي هنا
فيصل....شلون مااجي راح اجي لان ماكدر مااشوفج انتي والجهال
امل....وهبه
فيصل....ممكن ما تفكرين بهبه
اني هنا ارتاح اكثر وراح اخلص وقتي كله هنا
طلع راح يجيبها واني سبحت وبدلت وتمكيجت
بقيت اروح وارجع يم الدرج الداخلي
سمعتهم دخلو للبيت
صعدت على كيف كعدت على الدرج اريد اموت واسمعه
شلون يحجي وياها
مشتاقلها شراح يحجون
اول مره اكون غيرانه الهاي الدرجه
سمعته دخلت شافت بيتها وصخ
هبه...ليش البيت وصخ
فيصل....اصلا اني ما صعدت فوك من اول يوم رحتي اخذت ملابسي ونزلت يم اهلي
هبه....يعني ماتكدر تنظف
فيصل....شنظف اجي من الدوام تعبان اكل لكمه وانام كبل
لليل يله اكعد همزين اهلي متحمليني يغسلون ملابسي
ويحضرولي الاكل
انتي هسه اجيتي نظفي بيتج
هبه....تعبانه اريد انام وبعدين انظف
فيصل...والعشى
هبه...اني موجوعانه اذا تريد اطلب اكل من برا
لو انزل يم اهلك وتعشى اني راح انام
فيصل...بشرفج صار عشر ايام وانتي مو بلبيت
تجين كبل تنامين واني شنو هنا حايط
لا سئلتيني شلون خلصت يومك لا كلتي مشتاقتلك
هيه هاي الي اجيتي بيها
هبه...اهووو المن رجعت مو جنت مرتاحه وراسي بارد
فيصل...ارجعي بيت اهلج وارتاحي احسن من هذا الاسلوب الخايس الي جاي تعامليني بي
هبه....شتريد بلضبط
فيصل...شوفي طريقتج بلكلام شلون انتي مجبوره تعيشين وياي
هبه....فيصل خل انام وباجر نحجي
جمانه السعيدي
فيصل.....اذا باجر واذا اليوم انتي هذا الاسلوب ما تغيري
شايفه نفسج وانانيه
واني بعد مااكدر اتحمل اكثر
هبه....هسه شتريد ارجع بيت اهلي واعوفلك البيت
مو كتلك تعبانه
فيصل....لا اني الي راح اعوفلج البيت نامي اخذي راحتج
امل....سمعت فيصل طلع وطبك الباب حيل
فرحت ااي همزين تعاركو راح يجي يبقى يمنا
نزلت ونتظرته بس مااجانا حضرت العشى
شويت دجاج وسويت زلطه ومقبلات
عمي وخالتي مايدرون فيصل تعارك ويا هبه
بس اني ادري
كعدو يتعشون هما والجهال
خالتي.. ما تجين تتعشين
امل...منتظره فيصل
خالتي...فيصل هسه تعشى ويا هبه تعاي تعشي
امل....لا انتظره
اتصلت علي مارد عليه
رجعت اتصلت مره ثانيه
فيصل....الو
امل....هلو حبيبي منتظزتك نتعشى سوه
فيصل...مااريد اتعشي لا تنتظريني
امل....ابد ولا اكل اذا ما تجي نتعشى سوه
فيصل... مااريد
امل...ويهون عليك ابقى بدون عشى
فيصل.....ضايج ومالي خلك الاي شي
امل....تعال واني اغيرلك جووو بشرفك تعال
فيصل...هسه اجي
امل حضرت الاكل وبقيت منتظرته
بس دخل حضنته هاي اول مره احضنه هيج
بدون ماخاف احد يشوفنا
امل...مشتاقتلك
فيصل...... اني هم مشتاق
امل...تعال نتعشى ونطلع نغير جوووو
كعدنا ناكل بس هو حيل ضايج كمت اسوي لفات زغار واخلي بحلكه
امل.. احنا مو اصدقاء احجيلي ليش ضايج
فيصل....تعبت تعبت من هبه ومن اسلوبها الزفت
امل...ياا وانت هسه ضايج علمود هبه يمعود
الدنيا ماتسوه عيونك الحلوه تزعل
كملنا اكل جبتله جاي كعدت افرك برجلي
بعدين الجهال اجووو للغرفه كمنا نتعارك بلمخاد
الغرفه صارت هوسه والكطن ترس الكاع
زهراء تصعد على ضهر فيصل وتتعلك بي من ركبته
وعلاوي يضربه بلمخده
واني اجيب المخاد واضربه بيها
لمت تعبو فيصل يلهث من التعب
علاوي...عمو نروح نشتري حلويات
فيصل....يله نروح امل يله تعالي نطلع شويه
جمانه السعيدي
طلعنا نمشي اول ما رحنا الشارع بي ناس من رجعنا فارغ
امل..تعالو نتسابق منو يوصل قبل
فيصل....ولله تركضين انتي وعباتج
امل...غير اني بات مان اذا ما سبقتكم
فيصل...اني اشيل زهراء واركض
امل...اني يله ادبر روحي اني وعباتي
وكفنا بلشارع اول ما عد فيصل للتلاثه
ركضت كل قوتي لازمه العبايه اركض وفيصل مات من الضحك عليه
منظري يضحك صدك عبالك بات مان
وصلت قبلهم اباوع فيصل نزل زهراء بلشارع ويضحك بصوت عالي
علاوي يركض وراي
رجعت علي ليش تضحك
فيصل....ولج خفت الناس تشوفنا شيكولون هاي شبيها تركض ايجوز هذا يريد يخطفها
امل...خل يكولون اهم شي احنا نتونس ونضحك
عوف زهراء وتعال نركض اني وياك
فيصل...من اشوفج تركضين انتي وعباتج مااسيطر على نفسي من الضحك
امل....كول كبرت ومابيه حيل اركض
فيصل....افه اني كبرت
امل.. يله نعيد العبه
فيصل....ذاك رجال اجا مناك بلشارع
امل.. وشعلينا بي خل يجي يتسابق ويانا
يله بدون ما تغش
فيصل..يله من اكول ٣ نركض
امل..هو كال ٣ واني طرت يركض يريد يلحك بيه ماكوو
امل وصلت قبلهم كمت اكمز هي هي سبقتكم
فيصل...ولج الجهال بقو ورانا
امل.. حلال لا تخاف هسه يجون
رجعنا اني فيصل جبناهم واجينا
فيصل....فحطت من الضحك مو من الركض
امل.....بعدك ماشفت كل مواهبي العجيبه
فيصل.. الله يستر من هيج مواهب
مارجع فيصل البيتهم نام ويانا بغرفتنا
وهاي اسعد لحظات حياتي
