رواية عاصفة النسور(فريق النسور)
الفصل الواحد والعشرون21
بقلم جمال المصري
#عاصفة_النسور
#الحاديه_والعشرون
#بسم_الله_ولا_إله_إلا_الله_وحده_لا_شريك_له
محمود .. بيقف وبيبصلها خلاص محصلش حاجه بعد أذنك
نجلاء .. أنا آسفه إني فكرتك بيهم
محمود .. ومين قالك إني نسيتهم هما اللي مخليني عايش لحد دلوقت وبيسيبها وبيمشي
نجلاء .. واقفه مكانها والزعل ظهر علي وشها وهي بتبص علي محمود وهو بيبعد وبعد كده بتتحرك وبتوقف تاكسي وبتطلع على المستشفي
.. الفريق بيتجمع وبيتحرك سوا علي الكتيبه وبتكون كل الفرق اللي في الكتيبه مجموعه في ساحة التدريب والكل مستعد والفريق بيوقف امام مكتب العقيد أسامة والنقيب محمود بيخبط علي الباب ..
اسامه .. أدخل
محمود .. بيدخل وبيوقف انتباه وبيدي التحيه العسكريه الفريق جاهز ومستنيين أوامر حضرتك
اسامه .. حمدلله بسلامه يا نقيب
محمود .. الله يسلم حضرتك
اسامه .. طمني صحتك تمام
محمود .. الحمد لله تمام يا فندم
اسامه .. بيوقف الحمد لله يا ابني وبيحط ايده علي كتف محمود وبيطلع من المكتب وبيوقف امام الفريق حمدلله بسلامه يا ابطال
الفرق .. الله يسلمك يا فندم
اسامه .. بعد اللي حصل في الكنيسه احتمال كبير الارهابين يحاولو يعملو اي عمليه بكره وهما عارفين ان ان السادس من اكتوبر يوم فخر لكل مصري عشان كده كل الفرق دي هتنتشر علي مستوي مصر كلها اما انتم هيكون ليكم دور كبير جدآ في التأمين عشان كده انتو هتأمنو ميدان رامسيس وهتكونو بملابس مدنين
الفريق .. تمام يا فندم
اسامه .. يلا ابدئو بالتجهيزات
محمود .. تمام يا فندم فريق النسور لليمين دور
الفريق .. الفريق بيلف نحيت اليمين
محمود .. بالخطوه العسكريه سريعآ مارش
الفريق .. بيتحرك بخطوات منظمه وسريعه نحيت مخزن الاسلحه والذخيره وبيتسلحه وبيتحركه علي ميدان رامسيس وبيكونو قاعدين في عربيه مجهزه وفيها شاشات بتعرض صور مباشره للميدان لحظه بلحظه
محمود .. محمد وكريم اتحركو علي المحطه
محمد وكريم .. تمام يا فندم
محمود .. ليلي وخالد هتتحركو علي المتحف المصري
ليلي وخالد .. تمام يا فندم
محمود .. ضياء واحمد هتتحركو علي متحف السكه الحديد
ضياء واحمد .. تمام يا قائد
محمود .. سامح ومصطفي هتكونو في وسط الميدان
سامح ومصطفي .. تمام يا فندم وبيتحركو
محمود .. عبود انت هتفضل معايا عايزك تفتح عينك كويس ولو لحظت اي حاجه غريبه تقولي
عبد الرحمن .. تمام يا فندم
.. والفريق كل واحد فيهم بيكون مفتح عينه وسلاحه في جنبه وكل واحد فيهم في مكانه ..
كريم .. انا هجيب قهوه تشرب معايا
محمد .. ياريت يا صاحبي لسا قدامنا يوم طويل
كريم .. بيشتري القهوه اتفضل يا محمد
محمد .. تسلم ايدك يا صاحبي
.. تليفون احمد بيرن وبيطلع التلفون وهو جنب ضياء وبيرد ..
احمد .. السلام عليكم
امل .. وعليكم السلام انا عارفه انك مشغول بس انا تعبانه اوي ومش عارفه اعمل ايه وحسه اني هولد دلوقتي
احمد .. انا في مهمه حاليا
امل .. ماشي يا حبيبي انا هتصرف
احمد .. بيتجمد مكانه وهو مش عارف يعمل ايه
ضياء .. لاحظ ان وش احمد اتغير اقترب منه في ايه يا احمد مالك
احمد .. شويه وهكلمك يا امل وبيقفل ما فيش يا فندم
ضياء .. اتكلم يا احمد احنا اخوات في حاجه معاك
احمد .. مراتي شكلها هتولد واحنا نقلين جديد في القاهره ومالناش حد هنا وانا مش عارف اعمل ايه
ضياء .. بيطلع التليفون وبيرن علي مراته
نجاة .. صباح الخير
ضياء .. صباح النور يا حبيبتي
نجاه .. مش متعود تتصل الصبح خير في حاجه
ضياء .. مرات احمد صاحبي شكلها هتولد دلوقتي ومالهمش حد هنا
نجاه .. ابعتلي العنون وانا هروحلها علي طول
ضياء .. هبعتلك الموقع علي الواتس
نجاه .. تمام يا حبيبي وانا هلبس واتحرك علي طول
احمد .. مش عارف اشكرك ازي يا فندم
ضياء .. احنا اخوات يا ابو حميد يلا ابعتلي الموقع عشان ابعته لنجاه
احمد .. حاضر وبيبعت الموقع لضياء
.. ضياء بيبعته لنجاه اللي بتتحرك علي طول واحمد بيكلم امل وبيقولها ان مرات النقيب ضياء هتجيلك وفعلآ نجاه بتكون قريبه منها وخلال دقايق بتوصل عندها وبتطلع الشقه وبتضرب الجرس وأمل بتقوم بالعافيه وبتفتح الباب ونجاه بتتعرف بيها وامل بتطلب منها تتفضل لكن نجاه بترفض انتي شكلك تعبانه اوي يا امل يلا نروح علي المستشفي وفعلآ بتخدها في عربيتها وتتحرك علي المستشفي وبتكلم ضياء وبتقوله انها وخداها علي المستشفي ضياء بيقولها في دكتوره هناك اسمها نجلاء صديقه الدكتوره ليلي هخلي ليلي تكلمها عشان تستناكم وبيقفل معاها وبيكلم ليلي في الاسلكي ..
ليلي .. افندم
ضياء .. كلمي الدكتوره نجلاء عشان نجاه مراتي ومرات احمد رايحين علي المستشفي
محمود .. ليه خير يا ضياء حصل حاجه
ضياء .. مرات احمد هتجبلنا بيبي صغير
محمود .. ربنا يقومها بالسلامه كده فيه عزومه عندك يا ابو حميد
احمد .. عنيا ليك يا قائد انت تؤمر
ليلي .. لا طول ما فيها عزومه يبقا هكلم نجلاء
عبد الرحمن .. يا فندم
محمود .. ايوه يا عبود
عبد الرحمن .. العربيه دي السواق واقف هنا من حوالي ٣ دقايق وبيتلفت حوليه كتير وغير كده عرقان مع ان الجو مش حراره
محمود .. فريق النسور كل واحد يفضل مكانه وفتحو عنيكم سامح انت ومصطفي خليكم حوالين العربيه من بعيد
سامح ومصطفي .. تمام يا فندم
محمود .. عبد الرحمن خليك هنا وفتح عينك وانا هنزل أشوفه
عبد الرحمن .. تمام يا فندم
محمود .. يقترب من السياره لو سمحت عايز اروح الازبكيه
السائق .. معرفش شوف حد غيري اساله
عبد الرحمن .. مصطفي في اتنين علي يمينك لبسين جواكت وأول ما النقيب اتحرك نحيت العربيه هما كمان اتحركو ومسكين حاجه ومخبينها في الجواكت
محمود .. بيطلع حقنه مخدره وبيضربها في رقبة السواق
.. الاتنين بيطلعو بنادق وبيوجهوها نحيت محمود ..