رواية ضره من عالم اخر الفصل الثاني والعشرون22بقلم نوسه حمد
اتصلت علي الولد الشايل رقم سند والضابط اداني عنوان قال لي قولي ليهو تعال فيهو ومشينا اتحركنا طوالي بقينا منتظرين الولد جانا وشكلو النوع البلطجي داك اي شي عندو بالقوه والعنف والمفاجاه كانت معاهو متاب وطبعا هو ما بعرفني ولا بعرف الضابط بس متاب بتعرفنا الاتنين وشكلها اتجمدت في مكانا هو جا سلم علينا وقال لينا دي اختي وصاحب التلفون دا زوجها وجينا ومعانا القسيمه البتثبت انو صاحب الرقم زوجها الضابط قال ليهو دي اختك حقيقه ولا عشان تشيلو الجايزه الولد سكت م اتكلم وعامل فيها حريف ونظام نحنا عاوزين نطلعو كذاب وقعد اتحلف لينا الضابط قال ليهم جيبو بطاقاتكم هو طوالي اتحجج وقال نساها في البيت متاب عاوزه تمش لانها خافت شديد وما عندها البتقولو الضابط قال ليها وين ماعاوزه تشيلي الجايزه سكتت م ردت الولد قال ليهو عاوزين نشيلا كيف ماعاوزين قال ليهم تمام يلا معاي القسم عشان تمضو علي الاستلام متاب ستين يمين قالت م بتمش والضابط قال ليها م علي كيفك وساقهم القسم الولد ما كان فاهم شي اول م وصلنا القسم داير يجري بس الضابط قبضو قال ليهو تلعب علي منو اعترف انت منو والبت دي منو طوالي الولد قال ليهم ما بعرفها قال ليهو طيب الرقم قال ليهو الرقم دا لقيتو في الشارع بدا يكذب بس الضابط طقا ليهو الطربيزه وقال ليهو يا تعترف وتطلع منها وتتورط هي يا الاتنين في السجن الولد بدا يحكي وقال لينا دي بت جيرانا وكانت بتحبي ليها واحد وهو متزوج ورفض يتزوجها رجع لي مرتو وحصل ليهو حادث وفقد الزاكره واهلو مفتكرنو ميت وهي متزوجاهو وانا جبتو ليهم علي اساس انو هو صاحبي ومقطوع من شجره واقنعتو يتزوجها لانها عرفت انو في حادث واسعفتو واتكفلت بي علاجو لغايه ما بقا كويس واهلا وافقو وادتني الرقم دا عشان اتصل لي مرتو ووصفت لي بيتها عشان ارعبها وتفوت من المدينه وتنسا راجلها لانها خافت انها تشوفو في يوم من الايام وكل الكلام دا بي مقابل طبعا متاب حلفت قسم انو هو كذاب الضابط قال ليها طيب انتي موش عارفاهو متزوج قالت ليهو اي قال ليها تبلغي زوجتو ولا تسوقي وتسيطري عليهو وهسي عايش معاك وهو مافاهم اي شي سكتت م ردت ودموعا كانت جاريه وبقت تترجا في الضابط انو يخليها تمشي وانو قسمتو انقطعت مع نسيبه قال ليها لا انتي لا هو ما ح تطلعي وهسي اتصلي لي زوجك خلي يجي اتصلت عليهو ومسافه السكه جا وكان خايف عليها ومرعوب شديد شكلو حباها قال لي الضابط فشنو ومالا متاب قال ليهو خليها متاب وعاين للزوله دي بتعرفها واشر ليهو علي طبعا سعد انخلع وفجاه بقا ماسكني من يدي سند عاين لي وانا دموعي كانت جاريه قال ليهو لا ما عرفتها قال ليهو طيب قادر تتزكر اهلك قال ليهو لا قال ليهو طيب انا قال ليهو انت زميلي وعرفتني عليك متاب قال ليهو عليك نور متاب عرفت من وين مكان شغلك وانك ضابط وانا زميلك سند سكت م اتكلم قال ليهو طيب الشخص دا بتعرفو قال ليهو تقريبا دا الاسعفني قال ليهو حدي هنا كويس بس ركز معاي متاب عرفت مكان شغلك وعرفتني انا من وين طالما هي ما بتعرفك وبعرفك الزول دا سند سكت وقبل علي متاب قال ليها فعلا انتي عرفتي كيف متاب بقت تتمتم الضابط قال ليهو ببساطه م ح تجاوبك لانو الزوله دي اركتبت فيك جريمه قال ليهو كيف لا متاب طيبه وبتحبني قال ليهو البحب ما بياذا والزوله دي كانت سبب في ضياع اولادك قال ليهو اولادي انا م متزوج قال ليهو لا انت متزوج ودي زوجتك عاين لي بي استغراب وبقا ماسك راسو وقال ستين يمين ما بعرفني الضابط قال لي عندك شهادات ميلاد اولادك قلت ليهو اي في البيت سعد قال ليهو انا بمش اجيبا وطلع مشا جاب الشهاداتت وجا الضابط ادا سند الشهادات وسند دموعو بقت جاريه واداهو القسيمه حقتي قال ليهو صدقت انو دي زوجتك وعندك منها اولاد ولا ما صدقت قال ليهو كل الاوراق دي سليمه وجا قرب مني بس سعد وقفو قال ليهو ما تلمسها دي زوجتي سند ابتسم وقال لينا عاوزين تجننوني صاح الضابط قال ليهو والغرض من اننا نجننك شنو القصه طويله وانت لازم تعرفها وشوف الانسانه القلت بتحبك وبتخاف عليك عملت شنو وبقا يحكي ليهو بالماضي والحصل فيهو من لحظه الحادث لغايه ما انا شفتو ومتاب تحلف انها م كذابه ولا عملت كده لغايه ما الضابط كورك فيها وقال ليها لو م سكتي برميك في السجن قال ليهو طيب وين اولادي احتمال لمن اشوفهم اقدر اتزكر الضابط قال ليهو للاسف العملتو متاب من رعب خوف مرتك وخلاها تتكتب رساله وتخت اولادك في الجامع سند قال لي كيف ترمي اولادي وبقا يكورك فيني واول مره اشوف سعد متعصب قال ليهو اول شي كل الحصل دا ماضي وقدر وهي ضعفت لانو المجتمع كلو اتخلو عنها حتي اهلك طردوها بي اولادك قال ليهم اهلي طيب اهلي ديل وين قلت ليهو امك من يوم عرفت الحاصل عليك وقع انشلت وابوك بقا يتكلم برا من راسو قال لي خليك من دا كلو وصليني اهلي متاب قالت ليهو لا ما تصدقها قال ليها اسكتي مني تستغلي ضعفي وتدمري حياتي وانتي طالق بالتلات ومحرمه علي متاب انهارت وبقت تبكي وتداعي فيني قالت لي انتي السبب وربنا انتقم منك قلت ليها من حفره حفره لاخيه وقع فيها والبتبني علي باطل باطل انتي اتحديتيني وبي اي طريقه وصلتي لي زوجي وما اكتفيتي بي زواجك ليهو رعبتيني وعيشتيني في عالم تاني حسبي الله ونعم الوكيل فيك وبقيت اكورك فيها سعد سكتني سند بقا اعاين لي سعد طوالي الضابط فهمو قال ليهو مرتك دي جات كم مر تسال منك وانا الاكدت ليها خبر موتك وما كنت عارف انك نجيت من الحادث وانا الطلعت ليها شهاده الوفاه وبي كده هي اتزوجت ومستقره مع زوجها ووالده منو قال لي عشان كده رميتي اولادي قلت ليهو لا والله انا بعد ختيتهم مشيت خليتهم وجنيت عديل والزول دا لماني من الشارع واتزوجني وطول السنين دي بفتش لي اولادي عشان يربيهم معاي سند قال ليهو م قصرتا وانا اولادي بجيبهم براي وهسي ما طالب منك غير توصليني لي اهلي الضابط قال ليهو انا بكره بوصلك ليهم وتمشي معاي السكن قال ليهو تمام وقبل علي وقال لي بما انو انا طلعت ما ميت عشان ما تقعي في الحرام انتي طالق بالتلاته وامشو اعملو عقد جديد والله يسامحك حرمتيني من اولادي وقال انو الحادث عمل ليهو عقم ما ح يلد تاني انا قلبي انقطع وهو يبكي كان نفسي اطبطب عليهو بس ما عاوزه اخزل سعد لانو بحبني شديد سند طلع والضابط قال للعسكري وديهو الميز هناك وما تخلو يطلع وقال لي متاب انتي م ح تطلعي ولا الولد المعاها ح يطلع قبضو عليهم واعتزر لي وقال لي ح اجيب ليك القسيمه وربنا يوفقك ويجمع بي اولادك وطلب مننا نسجل رقمنا ونكتب ليهو عنوان اهل سند وصفت ليهو واديناهو الرقم ومشينا وانا من لحظتها قلبي مقطوع وكل مره بحس اني مايله لسند وبحن ليهو وعارفه الدنيا دي قست عليهو زيي لا اهل يقيفو جنبو في عز مرضو لا زوجه رغم اني اديتو كل شي بس في لحظه اي شي راح ومتاب السبب حسبي الله ونعم الوكيل فيها سعد قال لي ما قادر اتخيل حياتي بدونك وبدون اولادي وخلاص الحصل ليك دا كلو ماضي انسيهو وابدي معاي حياه جديده وان شاءالله اولادك ح نلقاهم بس بعد ابوهم عرف الحقيقه الله اعلم اخليهم يعيشو معاك ح يتزوج اتزكرت البت الكانت شغاله معاي اليتيمه قلت ليهو سعد ممكن تقيف مع سند اعتبرو اخوك قال لي نوسه انتي لسه بتحبي قلت ليهو لا م بحبو بس العشره ما بتهون وانا اتزكرت البت الكانت معاي بت يتيمه وطيبه وبتحب اولادي سند اتزوجها قال لي انتي بتعرفي مكانا قلت ليهو انا ح اصل لي ناس محمد واوصفوا لينا مكانا قال لي والله دي فكره وانا والله لو وافق اعتبرو اخوي واعرس ليهو وافتش معاهو اولادو لمن نلقاهم قلت ليهو سند ما ح يوافق سريع بس نخلي الضابط يقنعو قال لي تمام م عندي مشكله وهسي انا الشي المفرحني انو سند طلقك وح نستلم القسيمه وتتمي عدتك واعقد عليك من جديد وتكوني حلالي قلت ليهو الحمد لله وانا والله ما ح القا راجل زيك انت طيب شديد وما اهنتني ولا زليتني بالعكس انت اكرمتني شديد قال لي لانك غاليه والما بعرف قيمتك خسران وانا عرفت قيمتك وما ح استغني عنك ولا ح اخليك تستغني عني تمام قلت ليهو تمام
مرت الايام وسند اظنو مشا لي اهلو وقعد معاهم وسعد قال لي انا اقترحت كلامك للضابط وقال لي بشوف رايو شنو بس هي ح توافق تتزوج راجل عقيم قلت ليهو ما عارفه بس هي متعذبه من اهلا احتمال توافق لو وافقت خلاص لو ما وافقت خلاص قال لي تمام علي العموم سند نازل شغل بعد يجي ح اتفاهم معاهو واوريهو الاقتراح دا قلت ليهو تمام انا مسافه تكلمو ح القا رقم لي ناس محمد واصل ليهم قال لي تمام اتزكرت الشركه بتاعتنا القديمه الشغال فيها كان خطيب ابتهال ومشينا سالنا منو وقالو لينا سافر واداني رقمو اتصلت عليهو ما ردا وكتبت ليهو انا نوسه عااوزه ابتهال ومحمد استلم رسالتي وقال لي انا في اجتماع المساء ح اكون في البيت واديك ابتهال فرحت شديد وكنت متشوقه لي ابتهال واعرف اخبار محمد شنو واعزيها في امها
المساء جاتني مكالمه فيديو منهم ولقيتا ابتهال من شافتني انقعت بالبكاء وانا زاتي انفقعتا بالبكاء وبقت تقول لي امي لمن ماتت قلبها عليك وخايفة عليك ودا شنو العملتي في اولادك دا حسيتا عرفت اني جدعتهم بس عرفت من وين تفتكرو ولمن عرفتهم الحصل شنو