رواية قط وفار والقلب احتار الفصل الثالث3بقلم شيماء يسري زهران
- هي طلعالك اوضتك!!
- بس يا ملك هفهمك.
- تفهمني ايه!!! هي طلعالك اوضتك ليه دي! انا اصلا من الأول وانا حاسة علاقتكم دي غلط!
- الو..يابنت المجا.نين! قفل سكة تاني!
اتوترت لما لقيته بص ليا وقال بغـ.ضب:
- نعم؟ اتفضلي عايزة ايه؟
- خلاص مش عايزة حاجة، هكلمك وقت تاني.
لفيت في احراج عشان اخرج من الأوضة لكنه قام مضايق:
- لأ مانتي متجيش تبوظيلي المكالمة وفي الآخر تقوليلي خلاص! انطقي كنتي عايزة ايه؟
- انا اللي بو.ظتلك المكالمة؟
اتنهد وقال وهو بيرجع يقعد ع السرير:
- أيوة، اضايقت لما سمعت صوتك وانك في الأوضة هنا.
- أنا اسفة والله..يا مراد حاول تفهمها إني والله انا شايفاك اخويا واني فرحانة ليك انك في علاقة كويسة مع حد بتحبه وبيحبك.
- أنا فهمتها ده مليون مرة! وبقولها إني حرفيًا اللي مربيكي وانك اختي، لكن هي عقلية البنات كده..غيرة وخلاص.
قولت بتريقة وانا بعدل نضارتي:
- مربيني؟ مكانوش اربع سنين فرق بينا! مربيني ايه يابني هي اي ظيطة وخلاص؟؟!
- بجد والله؟ اتصلك بيها تقوليلها كده وتبوظي الموضوع اكتر؟
قربت اقعد جمبه ع السرير وقولت:
- انا مش قصدي كده، قصدي يعني اننا اخوات أيوة ومتربيين سوا، لكن مربيني دي صعبة.
اتعدل في قعدته يكون وشه ليا وقال:
- هو أنتِ هتستهبلي؟؟ اومال مين اللي مربيكي بجد!!! انا كنت باخد المعلقة من امك عشان أكلك أنا! العيلة كلها شاهدة عليا بطلي افترا!!
ضحكت وقولت:
- كده انت كنت مربيني يعني؟ عشان اكلتني؟ اومال لو كنت مأكلني من جيبك!
- مش اكل بس على فكرة، فاكرة لما كنت بعلمك ازاي تركبي العجَل؟ ومرة مع مرة اتعلمتي بعد ما كنتي بتقعي، وكنت بوديكي المدرسة معايا.
ضحكت وقولت:
- طب في حاجة اهم المفروض تقولها، متعلقة بالكورة.
ضحك وقال:
- اه كنتي قد الإبرة كده وتيجي عايزة تلعبي معايا في الشارع واطلع ازعق لأمك وانا بردو كنت قد قلم رصاص مبري لراسه واقولها في ولاد تحت لمي بنتك.
ضحكت جامد وزقيته في دراعه وانا مش قادرة اتنفس من الضحك، ضحك معايا وهو بيقول :
- دراعك يا مرام، هو أنتِ كل ما تضحكي تقلبي اللي قدامك!
- مش قادرة بجد، كنت أهـ.بل ولسه مازلت.
- بجد والله؟ احسن ما اكون اسمي عد.سات.
عملت حركة ببوقي وقولت:
- سخيف سخيف...طب بقولك ايه..لو انا كلمتها احاول افهمها ايه رايك؟
- لأ طبعًا، دي مش بتطيقك.
قومت وقفت وسيبت السرير وانا مربعة ايدي في غضـ.ب:
- ليه إن شاءالله! كتها و.كسة تو.كسها ايه يالا هو انت رونالدو دي كابريو! ده انت لسه في نادي مجهول يالا!
رد بسخرية وهو باصص عليا وبيضحك على طريقتي وانا متعصبة:
- يا غـ.بية ده بتاع هوليود، التاني كريستيانو رونالدو.
رفعت صوتي وانا بحرك ايدي في سخرية وبقول:
- التاني كريستيانو رونالدو..ياعم اتوكس بقى.
ضحك اكتر وقالي:
- هو كل ده عشان قولت الحقيقة؟ طب ما طبيعي هي مطقكيش، مستنية ايه؟ تعشقك مثلًا؟
- مقولتش تعشقني ولا تحبني، بس ليه تكرهني!!
- عشان بتغير عليا منك.
- تغير عليك مني انا؟؟ ليه؟اديني سبب مقنع!
- يعني..عشان بقولها إننا قريبين زي الاخوات بالظبط، بتقعد تقولي هي تحل ليك عادي وتقدر تتجوزها يبقى متقوليش اخوات.
ضحكت بسخرية بصوت عالي:
- تتجوز مين!! لأ دي خطيبتك دي دماغها تعبا.نة زيك بالظبط يا جلدة، انت وهي دماغكم جلدة كورة كده.
اضايق وقال:
- بجد والله؟ تحبي اكـ.سرلك عد.ساتك تاني؟
- أيوة اعملها عشان المرة ادي اكـ.سرلك رجلك الحلوة اللي بتشوت بيها.
قال بنبرة رجاء:
- طب بقولك ايه..تاخدي رقمها تكلميها بجد؟ حاولي تصلحي الموقف..عشان هي كده اتقفلت ومش هتتصالح.
- ماشي هات..
ملاني الرقم على تليفوني ودوست اتصال، كان قاعد جمبي قالي افتح الاسبيكر عشان يسمعها:
- الو..مين معايا؟
قولت وانا ببصله:
- مش ده رقم ملك؟
- أيوة مين أنتِ؟
- بالله عليكي ثواني اسمعيني، أنا عايزة اقولك اني مراد ده اخويا صدقيني وعمري ما افكر يعني ابصله، ده بالنسبالي حتة واد جر.بوع كده.
كنت كاتمة ضحكتي وانا شايفة منظره قدامي عايز يمد ايده عليا بس مش عارف من المكالمة، قالت:
- واد جربو.ع في عينك! متتكلميش عنه كده! أنتِ عايزة ايه من خطيبي! أنتِ خرا.بة علاقات هو بيحبني وأنتِ مصممة تلزقي فيه.
- صدقيني مش عايزة اي حاجة منه غير اني اشوفه معاكي ومبسوط، طب يعني انا لو بحبه أو عايزة ابو.ظ علاقتكم زي ما بتقولي هرن عليكي عشان اقولك صالحيه؟
- وترني عليا ليه من الأساس! هو اللي اداكي رقمي! أنتِ بجد ايه!!! هو انتي مفكرة بيا.كل معايا كلام اخوات ومش اخوات؟؟ ده أنتِ تلاقيه بترقصيله كل يوم يابت أنتِ.
خرجت مني ضحكة غصب عني خد الفون مني مخضوض يعمل ميوت:
- يخر*بيتك أنتِ بتثبتي كلامها!
قالت ملك:
- الو..
خدت منه الفون تاني وقولت:
- أيوة معاكي..والله عيب يا استاذة ملك اللي بيتقال ده، ارقص ايه بس..ارجوكي كلمي مراد لأنك قفلتي معاه من هنا ومعرفش ماله حقيقي مش قادر يتكلم وقلبه واجعه جدًا.
- أنتِ بتقولي ايه؟؟ مراد تعبان؟؟
- أيوة ارجوكي رني عليه شوفيه هو اداني رقمك عشان عايز يقولك أنه بيحبك وسامحيه.
قفلت في وشي السكة، قال مراد وهو فرحان:
- يابنت اللعيبة! تفتكري هترن؟ بس لأ دي قفلت في و.شك!
- عيب عليك..هي كده قلقت عليك اصلًا.
قومت اخرج من الأوضة وقفني وهو بيسأل:
- أنتِ طلعتيلي ليه صح؟
- كنت لسه هتكلم لكن فجأة ملك رنت، فرح وقال:
- خلاص غو.ري انزلي دلوقتي.
ضحكت وخرجت اقفل الباب.
ــــــــــــــــــــــــــــــــــــ
| في الليل|
كانوا قاعدين برا في الصالة كلهم عشان جدو برا، هو شقته في الدور الأول بس اغلب الأوقات بيحب يقعد في شقتنا هنا..
اتكلمت حنان:
- يابا خد قشرتلك السوداني يا حبيبي.
- تسلميلي، ألا قوليلي يا حنان ابنك عامل ايه مع خطيبته؟
انتبهت نوال تسمع، اتكلمت حنان:
- والله يابا مش عارفة، اهو شوية حلوين واحس اني راضية عنها وشوية احس مش طيقاها.
اتكلمت فوزية وهي بتقشر موزاية وتديها لضياء:
- ياختي يا حنان عليكي، يا و.لية هو أنتِ اللي هتعيشي معاها؟ ما تسيبيهم حُرين سوا.
ردت نوال وهي متغا.ظة شوية من فوزية بس بتحاول تخبي:
- ازاي بردو يا فوزية! دي أمه ولازم بردو تشوف الوحش من الكويس، هي حصلت حاجة تاني يابت يا حنان؟
رد ضياء:
- مش مرتاحة للبت ليه يا حنان؟ مش ابوها راجل كويس وقولتيلي أنه بيساعد ابنك؟
اتكلم محمود اللي هو بابا:
- هو ده كده جواز مصلحة ولا ايه يا حنان؟
اتكلمت:
- هو المفروض كان اه يعني الحوار بدء كده، إنما الواد خلاص بيقولي اتعلق بيها اصلا ومبقاش قادر يشوفها مجرد بنت صاحب النادي.
شهقت نوال وكحت جا.مد وهي قاعدة بتاكل سوداني، د.بت فوزية على ضهرها وهي بتديها ازازة ماية:
- بسم الله يا حبيبتي خدي.
صوتت وقالت:
- سيرتييي مين ماسك سيرتي اه ياني.
قال فتحي في سخرية:
- سيرتك يا و.لية أنتِ واكلة طبق السو.داني كله في بوقك وتقولي سيرتي، ابلعي الأول.
ضحكوا كلهم، قال ضياء:
- انا فرحت من اللي قولتيه يا حنان، لأني مكنتش مرتاح لفكرة أنه يعلق بنت بيه وهو مش بيحبها، معندناش حد يلعب ببنات الناس.
سمعوا صوت رجل طالعة ع السلم وفجأة ظهر قدام الباب بتاعنا..
- مساء الخير..
ردت حنان:
- مساء الجمال يا نور عيني، مش هتيجي تقعد معانا شوية؟
- لأ أنا طالع.
طلع لفوق وسابهم، قالت نو.ال:
- هو ابنك ده على طول كده في حاله؟
ردت حنان بصوت حزين:
- هو سليم كده ياختي، والله زعلانة عليه اوي، من يوم وفاة أبوه وهو حاله بقى متغير بقى منطوى على نفسه اكتر ماهو منطوى طول عمره.
رد ضياء في نبرة حزينة شوية:
- معلش يابنتي، هو بس متأثر بوفاة أبوه، ده كان صاحبه جامد، كويس إن سليم اصلا قادر يخرج ويشتغل..ربنا يهونها عليه ويصبرنا كلنا على فراق أبوه.
ــــــــــــــــــــــــــــــــــــــ
| في شقة حنان|
دخل سليم الشقة ولقى مراد خارج من أوضته:
- يا مساء الخير على خفاش الليل، ايه يابني مفيش مساء الخير ليا؟
رد سليم في نبرة باردة:
- مساء الخير يا مراد، عايز ايه؟
- عايز ايه؟ هكون عايز ايه! ده انت عايز كورس تأسيس في الأخوة يالا! بتكلمني كده ليه ياعم انا بشحت منك!
- مراد أنا مش فايق للهزار وجاي من الشغل تعبان عايز انام.
دخل سليم اوضته وقفل الباب، نزل مراد تحت شقة فوزية، وصل قدامهم في الصالة:
- مساء النور ع العيلة الكريمة.
- مساء الخير يا حبيب جدك.. هتلاقي الفار بتاعك جوا.
قالها ضياء وهو بيشاور على اوضة مرام وكاتم ضحكته، ضحكوا كلهم، ابتسم مراد بسخرية وخـ.بط على اوضة مرام، فتحت الباب، قولت بسخرية وانا مبتسمة:
- ايه؟ صالحتك؟
- اه.. قالتلي إنها بتحبني وغيرانة عليا.
- يا حياتي عليكم عصافير الجنة..طب عايز ايه يلا بقى من هنا.
- هه سخـ.يفة ود*مك سـ.م خالص.
- زيك انت وخطيبتك كده يا جلدة.
زق الباب واتعافى عليه بيحاول يدخل، بزق الباب أنا كمان انا بضحك جا.مد وهو بيضحك بيحاول يدخل لحد ما فجأة فتحه ووقعت انا في الأرض، اتأوهت وقولت:
- جسـ.مي حرام عليك!
دخل يقعد على السرير يضحك:
- معلش معلش يا عدسات، قومي وتعالي يلا قوليلي كنتي طلعالي ليه الصبح.
اتعدلت وقومت، قربت اقف قدامه وقولت في حماس:
كنت عايزة اعمل بروڤا قدامك على الجزء بتاعي في البريزنتشن.
- طب تمام يلا هسمعك واقيم..
خد طبق المكرونة اللي ع الكومودينو بتاعي وبدء ياكلها:
- انت بتاكل اكلي ليه! ده انت غـ.تت!
قربت اخد منه الطبق بعده عني وقال:
- مانا مش هتفرج ببلاش عايز اسلي نفسي.
- واكلة منه على فكرة.
- لأ عادي مش بقرف منك.
اتنهدت وقولت:
- ماشي يا ر.خم..بص بقى، اول حاجة بدخل اتكلم أنا أول واحدة انا اللي هقدمهم..وبعدين بتكلم اقول "اليوم وهنا والأن..دعوني اريكم...دعوني...اريكم..اريكم..يالهوي!!!
قال وهو بيكمل اكل:
- في ايه! نسيتي؟
- أيوة..مرعوبة ده خلاص بعد بكرة!
- عادي، احفظي تاني يلا دلوقتي وعيدي وانا سامعك.
بصيت في الورقة شوية ورجعت قولت:
- والآن دعوني اريكم..
لقيته ماسك الفون بيشوف حاجة وبيكمل اكل، زعقت عليه:
- انت قليل الذوق!
- معاكي والله بشوف بس الواتساب.
- يعني ايه بتشوف الواتساب! انا واقفة بوريك حاجة وباخد رايك وانت قاعد تطفح اكلي وتتكلم واتساب ومفيش اي تقدير!
ضحكوا كلهم في الصالة برا على صوتنا.
- يابنتي والله ما بتكلم واتساب بقولك بس البت ملك بعتت حاجة فبشوف بعتت ايه.
- يا سلام!! بعتت حاجة فتقوم سايب الشخص اللي قدامك بكل و.قاحة؟؟
- على فكرة دي خطيبتي!
سكت فجأة..هو كمان سكت..لكني فجأة قولت بنبرة باردة:
- وانا مقولتش اني المفروض اكون عندك اهم منها! حصل خير يا مراد.
خرجت وسيبت الأوضة ادخل الحمام، سرح ثواني وساب فجأة طبق المكرونة وقام من ع السرير يخرج برا الأوضة، كلهم برا لاحظوا على وشه أنه مضايق بس محدش اتكلم.
غسلت وشي في الحمام وانا مضايقة شوية من أسلوبه وبعدين خرجت الأوضة ملقيتهوش فهبـ.دت الباب ودخلت انام.
ــــــــــــــــــــــــــــــــ
| صباح اليوم التالي|
كانت الساعة حوالي عشرة الصبح لما صحيت هالة تجهز وجمبها هاجر..
- هالة معاكي حزام غير ده؟ با.يظ معايا.
- اه استني، بصي افتحي الدولاب ده هتلاقي حزام كده اسود..هيليق ع بنطلونك، مروحتيش المدرسة بدري ليه؟
- مقدرتش انزل، وبعدين النهاردة مفيش حصص مهمة كتير..فكرفت للصبح.
- طيب ياختي، انا نازلة..ناوليني الشنطة دي كده.
خدت هالة شنطتها ونزلت ع السلم للدور التالت وفجأة لقت اللي بيقفل الباب، رفع عينه عليها وقال:
- صباح الخير يا هالة..
- صباح النور يا سليم..اخبارك ايه؟
- أنا كويس الحمدلله..وحشتيني يا هالة.
وشها جاب الوان واتحرجت..بس من جواها كانت فرحانة جدًا، قربت منه تبصله وتسأل:
- هتخرج امتى من حالة اكتئابك دي؟ أنا زعلانة عليك..
بص في عيونها وقال بنبرة حزن:
- خرجيني منها..كفاية اني ارجع ابص في وشك..بقالي كتير مش بتكلم معاكي..بس أنتِ بصيص الأمل اللي جوايا.
كانت واقفة بتتصنت هاجر من ع السلم فوق قبل ما تنزل وكانت مصدومة من اللي سمعته وفجأة اتفتح الباب وخرج مراد:
- ايه ده، صباح الخير عليكم واقفين قدام الباب كده خير يعني!
رد سليم:
- لأ أبدًا هالة نزلت بس وانا كنت بفتح الباب فتقابلنا..
نزلت هاجر فجأة هي كمان عاملة عـ.بيطة:
- ايه ده يا هالة لسه منزلتيش يعني!
- اه..اصل..
قاطعتها هاجر وقالت لمراد:
- مراد ما توصلني معاك بالموتوسيكل.
قال سليم:
- ما تغير يابني الموتوسيكل ده وهات عربية.
- لأ ياعم عربية ايه ناقصة خنـ.قة، تعالي يا هاجر.
تحت قدام البيت بعد ما هالة مشيت لوحدها وكذلك سليم، ركب مراد الموتوسيكل وركبت وراه هاجر، قال:
- امسكي فيا يا هاجر متخافيش، اول مرة تركبي موتوسيكل صح؟
- وهركبه فين يعني، أيوة اول مرة معاك..
لفت أيدها على بطنه وضهره وهي قاعدة بجنبها، كانت بتبص على شعره وتشم ريحة البرفيوم اللي حاططها حتى ضر.بات قلبها هتـ.خرم ودني اهيه سامعين؟
ـــــــــــــــــــ
| في الكلية|
دخلت طرقة طويلة فيها قاعات كتير بس مفيهاش حركة كتير عشان جمب مكاتب قديمة كده مقفولة كنت بدور على قاعة المحاضرة لأني نسيت المفروض تبقى في قاعة كام..
لكن اتصدمت لما لقيت ريم وصالح مع بعضهم..شهقت ووقفت مكاني، اتخضت ريم وعدلت نفسها وقالت في توتر:
- ايه!!! اهدي مفيش حاجة!
رد صالح وهو بيعدل قميصه:
- أنتِ جابك هنا!
- بـ...بدور..عـ...على القاعة.
ردت ريم وهي بتقرب مني وبتتكلم بأسلوب لطيف وهي خايفة مني:
- تعالي هنروح كلنا سوا يا مرام عشان نعمل البروڤا.
قال صالح وهو بيضحك وبيخرج سيجارة:
- لسه عاملينها ...
برقتله ريم عشان يسكت، سحب نَفَس السيجارة وقال:
- بس نعملها تاني وماله.
انا كنت لسه في صدمتي، مشيت معاهم لحد القاعة ولقيت مارينا وحليم واقفين بيراجعوا السيناريو:
- ايه فينكم كل ده! انجزوا يارب نلحق نعمل بروڤا الدكتور هييجي.
ولكن لسه هنشغل اللاب توب الدكتور جيه، والدكتور ده كلنا بنخاف منه، قال:
- مش عايز الاقي ولا طالب واقف، كله يقعد ومسمعش صوت.
قعدنا كلنا اي حاجة وللأسف لقيتني جمب صالح وحليم، حاولت متوترش واركز في المحاضرة لكن فجأة لقيت صالح بيمسك رجلي وحليم بيحط رجله على رجلي..حسيت روحي هتخرج..قومت مخضوضة قدام القاعة كلها:
- دكتور من فضلك عايزة امشي.
ــــــــــــــــــــــــــــــ
| قدام مدرسة هاجر|
نزلت هاجر ووقفت تبصله:
- عايزة حاجة؟
- لأ..شكرًا.
حس بنظرات غريبة منها لكنه قال:
- طيب خلي بالك من نفسك سلام.
مشي هو بالموتوسيكل أما هي كانت حاسة إنها خلاص قدرت توقعه في حبها ودخلت المدرسة مبسوطة.
وصل مراد النادي وهناك لقى ملك، شعرها قصير لحد ودنها كده ولابسة تيشيرت عريان شوية وسلسلة د.هب، فرح مراد لما شافها وقرب منها:
- الحتة جات..وحشتيني يا كـ.لبة!
- وانت كمان..سلامتك يا حياتي لسه تعبان ولا لقيت كويس؟ قلقت عليك امبارح.
- لأ أنا كويس عشان شوفتك..بس مش عر.يان شوية اللبس؟
- بتغير عليا؟
- وانا ليا مين غيرك اغير عليه..
- عايزاك النهاردة تبقى اسـ.ـد في التدريب عشان بكرة الدوري، محتمسة اوي ليك يا حبيبي.
ــــــــــــــــــــــــــــــ
كان الوقت حوالي ع المغرب، طلعت حنان من شقة ماما بعد ما كانوا بيساعدوا بعض في الأكل، لقت مراد بيخرج اكله من التلاجة وواقف بياكل وهو لسه بلبس التدريب:
- ايه يا واد جيت امتى؟
- لسه من شوية يا حنون، مش قادر يدوبك هاكل وانام عشان اصحى بكرة بدري..
قال في صوت عالي فرحان:
- بكرة جاي ع التليفزيون يا ام سليييم.
- قبل ما تنام هبخرك..
- تاني بردو! انا قولتلك الله خير حافظ يا حنان..
- هو انت زعلت بنت فوزية جا.مد ولا ايه؟
وقف اكل وسأل:
- ليه بتقولي كده؟
- عا.دمة نفسها عياط تحت ومش طايقة تتكلم مع حد.
|في اوضتي|
قاعدة بمسح دموعي من تحت النضارة وسرحانة، خبـ.ط الباب قولت:
- يا ماما قولتلك عايزة اقعد لوحدي!
فتح الباب ولقيته مراد، دخل وسأل الباب مفتوح، اتخضيت وعدلت نفسي، دخل وقفل الباب وقرب يقعد ع السرير قدامي، بص ليا لثواني وقال:
- انا مكنتش اقصد..أنتِ عندي مش بتتقارني بحد لأنك اختي.
- وانا كمان مكنتش اقصد اخد انتباهك ليا، هي اكيد اهم فعلا لأنها خطيبتك.
مسحت دموعي اللي عمالة تمطر، اضايق من ردي وقال بنبرة زعل:
- أنتِ بتعيطي عشان كده؟
رفعت عيني ابصله وعيطت اكتر، اتوتر وفجأة بقى زعلان هو كمان قرب مني شوية وقال:
- متزعليش انا اسف..طب قومي اعملي البروڤا وهسمعك.
عيطت اكتر لقيته مسك كف ايدي وطبطب عليه:
- يعني كل العياط ده انا السبب فيه؟؟
سحبت ايدي وقولت:
- مراد أنا مخنو.قة شوية ممكن تسيبني لوحدي ..
- مش هعرف، بكرة ورايا ماتش مهم جدًا وكده مش هعرف انام واركز..متزعليش مني.
- مش زعلانة يا مراد..خلاص بجد ارجوك اخرج.
- لأ أنتِ زعلانة..
قلبت كوباية الشاي اللي جمبي اللي مركونة من الصبح، وقعت اتكـ.سرت وقولت بغـ.ضب:
- ابعد عني بقى!
قام يسيب السرير مخضوض يبص ليا في ثواني مصدوم، دخلت ماما بتجري:
- ايه ده! ايه اللي عملتوه ده!
بص مراد ليها من غير رد وفجأة ساب الأوضة وطلع شقته.
| في اليوم التاني|
بيتقلب مراد لقى نفسه متأخر ساعة عن معاده.