رواية مهران ابو الليل الفصل الثالث3بقلم سلوي عوض
عبدالرحيم: خلاص نتقابل ف المحكمه وخلي بالك انا عندي كل الادله والاثباتات الكافيه غير كمان أن المرحوم كتب الجنينه الغربيه للسيده نجمه بيع وشراء يعني من حقها تطالبكم بإيراد الجنينه من سنين كتير
كاملة: مرحوم مين الله لا يرحمه دنيا ولا آخره ربنا يولع ف جبره ويولع ف جهنم اكتر واكتر طول عمره عينه زايغه ورمرام يدور ورا الحريم الفطيس
نجمه: بجولك ايه جصري لسانك احسنلك انا هنا زيي زيك
عزب: لهيفاء بجولك ايه مش انتي طلعتي خيتي
هيفاء: اه
عزب: طاب متاجي تلعبي معايا بلايستيشن تعرفي تلعبيه
هيفاء: اعرف ده هبهرك علي جولك تعالي نبعدو عن امك ديه وشاشه جوي ايه ده هوسان
عزب: امال لما تعيشي معاها هتعملي ايه ديه مطلعه روحي
هيفاء: تحط يدك ف يدي وانا اخليك تعمل اللي انته عايزه
عزب: جشطه بس ازاي
هيفاء: متحملش هم المهم انا جعانه خليهم يعملولنا سندوتشات كده ترم العضم ومعاها عصير وتعالي نلعبو
اما مهران فكان يقف مذهولا مما يحدث حوله
نجمه: والله وكبرت يا مهران بس الحمد لله شكلك طالع محترم لابوك
كاملة: فايزه جومي هاتيها من شعرها بت الكلاب ديتي
فايزه: انا مالي يا خيتي انتو مخبرين مع بعضيكم
كاملة: كده
كامل: خد مرتك وغور من هنا جاتكم حنش لما يجرجشكم
كامل: ليقترب منها هنهملوكي كيف يا خيتي مع الاشكال ديتي لازما نبجو جارك
كاملة: طيب اترزعو جطعه تجطعكم وانتي يا وليه يا اللي زفته خلاص معايزنش فضايح غوري وابجي تعالي كمان سبوع اكون جهزتلك مبلغ حار ونار ف جتتك
ثم تتحدث مره اخري بكل غرور
كاملة: روح يا مهران هاتلهم عشر تلاف جنيه هيا وبتها ولو أنهم خساره فيكم
لتضحك نجمه
نجمه: صدجي ضحكتيني عشر تلاف ايه يا كامله انا هنا زيي زيك وبتي هتاخد نص ولادك
رزق: ايوه طبعا
كاملة: يا ابوي علي الكلاب وجعو مخي كفايه نبح شديد يا شديد هات عنتر وتعالي
ليلح المحامي الغدر في عينيها
المحامي: طاب عايزين مني حاجه اصلي لازم اسافر عشان عندي قضية مستعجله
كاملة: ليه متخليك جاعد لسه مجومناش معاك بالواجب
عبدالرحيم: بخوف واجبك وصل يا ست هانم ليخرج عبدالرحيم مسرعا
اما عنتر وشديد فها هم قد دخلوا الي القصر
كاملة: خير يا ستنا عندينا ضيوف وعايزين نجومو معاهم بالواجب بس ذودو السكر ف الشاي
عنتر: أوامرك يا ستنا ليذهب عنتر الي رزق ليمسك به فوت جدامي يا حلو
شديد: وانتي كمان تعالي معايا
نجمه: عايزين ايه منينا
اما هيفاء فكانت تقف علي السلم تصور كل ماحدث
هيفاء: حلو اوي كده كملو عشان انزلكم علي النت وافضحكم ثم تضحك شكلك هيبجي حلو جوي ومنور ف صفحه وزارة الداخلية يا مرت ابوي
مهران: بس منك ليه سيبوهم جري ايه يا اما من ميته بناكلو حجوج الناس اطمني يا ست نجمه انتي هتجعدي هنا معززه مكرمة لغيت منعيدو تجسيم الورث وتاخدو حجكم كامل بفضل الله
كاملة: كيف يعني
مهران: شرع ربنا يا اما ايه عايزانا نترمي ف نار جهنم وناكلو حج اليتيمه
مهران: خاله فايزه طلعي مرت ابوي جناح الضيوف ومن بكره هبنيلهم جناح كبير انا مش هخلي ابوي يتعذب ف جبره
كاملة: ميتعذب وله حتي يتحرج بجي انا كامله الغندور بت الحسب والنسب اعيش مع خدامتي ف بيت واحد وتبجي ست زيها زيي الله يكحمه مطرح ماراح
نجمه: بعد الشر عليه ف جنات النعيم باءذن الله جري يا وليه انتي بتدعي علي المرحوم جوزي وأبو بتي جدامي متشوف امك يا مهران
كاملة: جطع لسانك سيدك مهران
نجمه: جصدك ولدي
مهران: ولدك كيف
نجمه: جصدي ف مجام ولدي
ثم تنزل هيفاء
هيفاء: فين المطبخ عايزه اعمل اكل
مهران: جدامك علي اليمين بس تتعبي نفسك ليه الخدم كتير جوللي عايزه تاكلي ايه وهما يجهزوه
هيفاء: له يا اخوي أنا هعمل بنفسي أصلي مضمنش امك ممكن تخليهم يسممونا
مهران: مش للدرجه ديه
نجمه: واكتر من كده يا ولدي صدجني
كاملة: اخرسي خالص وغورو من جدامي
اما ف القاهره ف منزل الحج عيد الحج عيد رجل طيب القلب علي المعاش يمتلك منزلا مكون من اربع طوابق وله بنتان وولد وزوجته السيده رابحه وابنتيه نجوي وأماني
رابحه: نضفو البيت كويس عشان عريس نجوي جاي كمان شويه
اماني: يا دي العرسان كل يوم عريس وبنتك تطفشه
رابحه: والله يا نجوي لو زعلتي العريس ولا حد من أهله لاغضب عليكي ليوم الدين
نجوي: لاء خلاص موافقه والله ماهزعلهم
وبعد ساعه يصل العريس ووالدته
اماني: العريس وصل بس الحقي يا ماما ده ماسك كيس فاكهه صغير اوي
رابحه: وانتي يا اختي محرومه من الفاكهه ماهي بتقعد ف التلاجه لغيت متضرب وبرميها
اماني: شكله بخيل اوي
رابحه: اخرسي انتي
عيد: ربنا يعديها علي خير
نجوي: بابا المعاش نزل اروح اسحبه
رابحه: اي حجه للهروب لاء يا اختي خليكي وحوليه علي حسابي وانا ابقي اديه لابوكي
وهنا يطرق العريس الباب
رابحه: افتحي يا مذغوده ودخليهم الصالون
اماني: اف بقي هو انا الشغاله بتاعتكم
رابحه: اخلصي يابت
لتفتح لهم اماني الباب ليدخل العريس بكل غرور
رابحه: اهلا وسهلا بيكم نورتو اتفضلو دخليهم يا اماني
العريس: عايز شويت عصير احسن ريقي ناشف
رابحه: عيوني
اماني: ايه العريس البارد ده
ثم تدخلهم اماني الي الصالون وتتركهم وتذهب الي غرفه اختها
اماني: عريسك جيه وعطشان وعايز يشرب عصير ياله تعالي اخرجيله عشان تدخليله عصير يطفحه
لتخرج نجوي من الغرفه
رابحه: خدي دخلي العصير ده ابوكي قاعد معاهم جوه
نجوي: طيب
لتدخل عليهم نجوي
نجوي: اهلا بيكم اتفضلو
يحيي: ايه ده حد يقدم عصير من غير جاتوه أو تورته
لتدخل عليهم رابحه
رابحه: معلش يا ابني فرحتي بيكم نسيتني
عيد: والعريس شغال ايه
سناء: والده يحيي السيده سناء مهندس بترول يا اخويا وعنده شقه تلت اوض وصاله وانتو هتفرشوها وانا طبعا ها اسكن معاهم
رابحه: وماله يا اختي ده انتي تملي البيت بركه
يحيي: انا عايز اوضه مكتب كامله مكمله
عيد: بغيظ اه وماله
اماني: وهيا تقف خلف الباب تستمع لما يقولون ايه الناس ديه بيتشرطو علي ايه ده انتي شكلك هتشوفي الويل معاهم يا اختي بس انا مش هسكت لازم انقذك من ابو قردان ده
يحيي: انا هجيب دبله وخاتم
عيد: ماشي ف قرابه الفاتحه وخلي الشبكه بعدين
سناء: ما هيا ديه الشبكه هو حد لاقي عرسان اليومين دول
رابحه: علي قولك يا اختي
عيد: عن اذنكم اصلي العصر
سناء: يا خبر العصر اذن واحنا لسه متغديناش
لتنظر لها نجوي بتعجب
رابحه: ياخبر ده الكلام خدنا ثواني احضر الغدا
يحيي: بس ياريت يكون في فاكهه عشان نحلي بعد الغدا
ثم تفتح سناء حقيبه يدها
سناء: يا خبر نسيت علاج السكر
رابحه: معاكي الروشته
سناء: لاء بس مصوراه علي التليفون
رابحه: طاب ابعتيهوللي وانا اخلي اماني تنزل تشتريه
سناء: ماشي يا اختي حبيبه ادي حق العلاج لحماتك يا يحيي
رابحه: عيب عليكي انتي كده بتشتميني
سناء: لاء يا اختي معاش ولا كان طاب بالمره بقي عايزه علاج الغده والضغط والقلب والمفاصل هبعتهملك كلهم اهم
رابحه: من عيوني يا اختي
رابحه: تعالي يا اماني هاتي العلاج لخالتك
اماني: يالهوي عليكي يا امي هيا بنتك بايره ده انا اختي زي القمر حتي ولسه صغيره ومتعلمه والف واحد يتمناها
رابحه: بت يا اماني
سناء: تعالي يا اساعدك ف تحضير الغدا ونسيب العرايس يقعدو مع بعض عشان يتعرفو
رابحه: اه صح تعالي يا اختي اتفضلي
يحيي: الا قوليلي يا ست العرايس انتي بتشتغلي
نجوي: اه بشتغل موظفه ف بنك
يحيي: الله اكبر بس يا عيني تلاقيكي بتتعبي ف المواصلات
نجوي: لاء عندي عربيه
يحيي: الله اكبر نوعها ايه
نجوي: مركونه تحت البيت
يحيي: العربية العظمه ديه اللي ساده الشارع ده انا عربيتي جنبها خنفسه عرجه طيب احنا ممكن ناءجر عربيتك للشركه عندي ونستعمل عربيتي
نجوي: افندم
يحيي: ده عين العقل وكمان هنحط مرتبي علي مرتبك ونديهم لامي وناخد منها مصروفنا كل واحد خمسين جنيه
نجوي: نعم
يحيي: هو كده
وهنا تدخل عليهم اماني
اماني: بعد اذنك يا عريس عايزه اختي ف حاجه
يحيي: خير
اماني: خير طبعا
يحيي: طاب متقوللي
اماني: ما انا هقول لأختي
يحيي: وانا خطيب اختك ومن حقي اعرف
اماني: اه طيب هبقي اقولك بعدين ياله بقي يا نجوي
لتخرج معها نجوي
نجوي: جدعه انقذتيني منه
اماني: اسمعي بقي انتي لازم توافقي عليه
نجوي: انتي اتجننتي
اماني: وحياتك عندي انا هخلي امك هيا اللي تفركش الجوازه
اما في الصعيد في منزل عقيله نجد أن أم علاء ذهبت اليها
أم علاء: خلصتي الحاجه يا ام فيروز
عقيله: اه يا اختي تاكلوها بالهنا خدي يا اختي حساب الحاجه وده عربون عشان فرح بنت اختي وعايزينك تعملي الكحك والبسكوت بتاع الفرح وفطير الصباحيه وكده الورقه ديه مكتوب فيها كل حاجه خلي اسم النبي حارسها تقرأها وتقولك علي المطلوب بس اسمعي اوعي تكسفيني وتتاءخري الفرح كمان يومين
عقيله: يافرج الله حاضر يا اختي عيوني
أم علاء: تسلم عيونك اروح انا بقي عشان الضيوف
عقيله: استني اوصلك
ام علاء: خليكي يا اختي انا جايبه توكتوك سلام
وبعد أن خرجت ام علاء
عقيله: بفرحه يا رزه تعالي
فيروز: في في ايه يا عجيله
عقيله: في رزق جالنا وخير كتير الحمدلله خبيز فرح وده العربون
فيروز: فرح مين
عقيله: بت اخت خالتك أم علاء
فيروز: الحمدلله يبقي نشتري الطلبات بالزياده عشان لو حد طلب حاجه تاني يبقي عندنا كفايه
عقيله: ربنا يوسع رزقنا يارب وبالمكسب نشتريلك فستانين وخمارين عشان اللي عندك قدموا خالص
فيروز: ربنا يخليكي ليا يا امي ما انا بجيت بليه الصبي بتاعك يا عجوله
عقيله: طاب ياله اجري الورجه ديه عشان اشوف عايزين ايه بالظبط
ونتركهم ونذهب الي القصر لنجد أن الهام في غايه السعاده لتشفيها ف حماتها وها هيا تجلس مع هيفاء وعز
الهام: الا جوليلي انتي طالعه حلوه جوي لمين سامحيني يعني امك مش جميله حمايا اللي كان حلو بس عرفت يبجي انتي طالعه حلوه زيه
عزب: خلاص بصي فيها كتير عشان تجيبي العيل شبهها
الهام: له أنا عايزاه شبه مهران
لتدخل عليهم كامله
كاملة: والله عال عاملينها محدته انتي يابت يابت نجمه جومي غوري عند امك
عزب: لسه مخلصناش لعب يا اما اصبري لما نخلص وبعدين فيها ايه لما خيتي تجعد معانا
كاملة: انا عارفه انك هتشلني وموتي هيكون علي يدك يا خلفه الشوم
هيفاء: متجوليش كده ده حتي اخوي زي العسل ده اجمل شباب البلد مش كده يا مرت اخوي
الهام: اه كده بس مهران اجمل واحلي الفارس حجي
كاملة: اه فجع المراره طاب جومي منك ليها
كاملة: وانته يا زفت جوم شوفلك حاجه اعملها
عزب: متخليني جاعد وسطيهم الجعده حلوه