رواية فخ ناعم الفصل الثالث3بقلم شيماء سعيد عبده

أنت بتخون فريدة مع رقاصة؟!..

لم تفكر قبل أن تسأله، الفكرة نفسها جعلتها بحالة من الذهول، بأول لقاء كان يبدو عليه الوقار تخيلته شخصية مختلفة عن ما سمعته الآن..

وقفت منتظرة منه إجابة ينفي بها التهمة عنه وتسأل نفسها لما تنتظر؟!.. اهتز حسن.. للحظة شعر إن مطلوب منه الدفاع عن نفسه، وجد شئ بداخله يرفض وبشدة أن يتم تشوية صورته بعينيها..

ما بك يا إبن الديب؟!.. ما بك حقا؟!.. أتريد التبرير؟!.. لما ولمن؟!.. بكل وقاحة قال:

_ أنتِ مالك؟!...

حرج الدنيا سقط عليها، خائن ووقح الإثنين معا؟!.. كثير والله كثير... رفعت حاجبها بسخرية وقالت:

_ يمكن عشان مراتك تبقي بنت عمتي مثلاً.. 

قوية... كل لقاء بينهما يثبت إليه كم هي تروقه، اخفى نظره إعجابه وقال بهدوء:

_ حتي لو دي حاجة بيني وبين مراتي يا دكتورة..

إنسان لديه من الوقاحة ما يكفي ويزيد، لم تقدر على الحديث معه أكثر وتحركت من أمامه بخطوات غاضبة إلي غرفة صديقتها، ظل لأكثر من دقيقة يحدق بمحل اختفائها ثم قال بضيق:

_ إيه الحظ ده يعني يوم ما تقفش اتقفش من الفرسة؟!.. 

دلف إلي غرفة الكشف بمعالم وجه أول ما رأتها فريدة علمت إن اليوم عبارة عن معركة كبيرة، رسمت على وجهها إبتسامة بسيطة لعلها تمتص بها غضبه وقالت:

_ استنيتك عشان أكشف وأنت معايا.. 

حاول أخذ نفسه بهدوء ثم وضع قبلة هادئة فوق رأسها مردفاً:

_ طيب يلا.. 

قامت معه لفراش الكشف وبدأت الطبيبة بالكشف عليها، تعالت دقات قلب فريدة من القلق حتي قالت الطبيبة:

_ حضرتك كنتي بتاخدي أي موانع للحمل؟!..

أومأت إليها فريدة مردفة:

_ أيوة أول سنتين جواز مكناش محتاجين أطفال وقتها فكنت بأخد حبوب.. 

سحبت الطبيبة منديل ورقي وقدمته إليها لتأخذه وتمسح به على بطنها، ساعدها حسن بتعديل ملابسها وبعدها خرج خلفها، جلس وجلست فقال بترقب:

_ الحبوب عملت اي ضرر؟!.. 

أومأت إليه الطبيبة بتأكيد قائلة:

_ شوف يا حسن بيه لما كلمتني عن الحالة في الفون وبعت كل الاشعات والتحاليل بتاعتكم كنت حاسة إن المدام بتأخد حبوب ولما هي أكدتلي النهاردة فأقدر أقولكم ان ده السبب الرئيسي في تأخير الحمل...

رأي جسد فريدة يرتجف فوضع يده فوق يدها ليعطي إليها ما تريده من أمان وقال بنبرة حنونة:

_ أهدي.. كملي يا دكتورة..

_  مش كل الحالات ينفع معاها حبوب يعني اول ما اتجوزتوا مكنتوش عايزين أطفال كان لأزم وقتها تروحوا لدكتورة نسا تكشف على المدام وتشوف هل عندها موانع أو لأ وبعدها تكتبلها المانع المناسب لكن التصرف اللي حصل ده هيرجعنا كام خطوة لورا... 

اللعنة... يا ليت الأرض تبلعها قبل أن تعود معه، بنبرة مرتجفة قالت:

_ يعني أنا مش هخلف؟!..

نفت الطبيبة قائلة:

_ لأ طبعا يا مدام فريدة هنعمل تحاليل واشاعات تانية وهنبدأ في علاج جديد غير العلاج اللي كنتي ماشية عليه وان شاء الله خلال فترة قليلة جداً نقولك مبروك.. 

أخيرا قدرت فريدة على أخذ نفسها بالقليل من الهدوء، دقائق وصعدت بجواره بالسيارة قائلة:

_ حسن صدقني أنا مكنتش أعرف إن الحبوب دي هتعمل كدة انا آسفة.. 

لا يعلم لما يشعر بالشفقة عليها... جذبها لصدره مردفاً بهدوء:

_ يمكن مكنتش موافق على تأجيل الحمل لكن أنتِ معملتيش حاجة من ورايا عشان تعتذري وبعدين يا ستي كام شهر ولا سنة زيادة مش مشكلة.. 

أزاح جبل من فوق رأسها فقالت بلهفة:

_ بجد يعني أنت مش زعلان..

تنهد وقال:

_ لأ مش زعلان...

_____ شيماء سعيد عبده ــــــــــ 

بالمشفي..

دلفت أمينة إلي الغرفة الخاصة بليلي، بلهفة قامت ليلي من مكانها وضمتها إليها مردفة:

_ وحشتيني أوي أوي ..

بحب قالت أمينة:

_ وأنتِ كمان وحشتيني أوي يا ليلى طمنيني عليكي عاملة إيه في حياتك؟!.. 

جذبت ليلي حقيبتها وقالت:

_ يلا أنا عازمكي على غدا ونتكلم براحتنا في أي مكان.. 

بعد نصف ساعة قالت ليلي بذهول:

_ هي لسه قليلة الذوق زي مهي متغيرتش؟!.. 

بتعب نفت أمينة قائلة:

_ بقيت اسوء من الأول،  زمان كنت بتحمل لان مكانش عندي عيوب كنت بعدي اللي هي بتقوله وأنا عارفه إنها غيرانة مش أكتر، لكن دلوقتي مبقتش قادرة يا ليلى، مبقاش عندي طاقة ...

شعرت بثقل أنفاسها وكل جملة قيلت لها من قبل تضرب بمنتصف رأسها، زاد شعورها بالاختناق فأكملت بعجز:

_ ماما شوية الجيران شوية كل واحد بكلمة وكإني أنا اللي حابة أعيش حياتي لوحدي، تصوري اني في لحظة كنت هنفذ كلامها واسرق جوزها منها زي مهي قالت أسرقي أي واحد من مراته مش قادرة أصدق اني وصلت لكدة ودماغي وصلتني لكدة، بفكر أسافر وأبعد عن البلد خالص... 

وضعت ليلي يدها فوق يد أمينة بدعم واضح ثم قالت بهدوء:

_ يا حبيبتي لأزم تفهمي ان الناس مش بتسيب حد في حاله لو اتجوزتي هيسالوا على البيبي ولو جبتي بيبي هيسالوا على التاني ولو اتطلقتي هيقولوا ليه ولو كملتي هيقولوا معندهاش كرامة مكملة بعد كل اللي عمله فيها، مش هتقدري تريحي الناس شوفي إيه اللي يريحك أنتِ وأعمليه وبعدين ما أنا متجوزة...

سندت ظهرها على المقعد بحسرة مكملة:

-  إبن أمه كل اللي هي بتقوله له لأزم يتنفذ وأنا كمان لأزم أنفذ وحالة تقرف بس مكملة عشان خاطر العيال هما اللي هيطلعوا خسرانين لو أنا وابوه اتطلقنا متعمليش حاجة غصب عنك.. 

بحديث ليلي تاهت أكثر، لا تعلم أين الصواب وأين الخطأ، مسحت فوق خصلاتها قائلة بقلة حيلة:

_ مفيش حاجة بتريحني أنا وصلت لسن في مجتمعنا متأكدة إن بعده مش هياخد غير راجل يا إما متجوز يا إما كان متجوز.. تعرفي إني أوقات كتير أوي بندم إني كنت طموحة لما ببص لواحدة ماشية مع جوزها وشايلة ابنها على أيديها بقول ما هي الحياة حلوة اهي،  كان لازم يعني أبعد أوي باحلامي؟!.. بقى كل أحلامي بيبي أشيله على أيدي يقولي يا ماما.. 

ذهلت ليلي الي ما وصلت إليه أمينة، الفتاة صاحبة الجمال الراقي والشخصية القوية والأحلام العالية كيف ومتي أصبحت هشة .. ضعيفة..  مكسورة، تنهدت وقالت:

_ طيب هتعملي إيه؟!..

بعجز حركت كتفها قائلة:

_ والله مش عارفة بس هحضر الحفلة دي يمكن فعلاً يكون ليا نصيب هناك مش هقفل أبواب تاني هحاول أبقى زي ما هما عايزين يمكن يكونوا هما صح وأنا غلط... 

على السيرة دق هاتفها وجدته رقم مجهول فتحت الخط مردفة:

_ الو..

آت إليها صوت الأخري:

_ الو يا أمينة أنا فريدة..

بتعجب قالت:

_ ازيك يا فريدة غريبة جبتي رقمي إزاي؟!..

_ اتصلت بماما وماما جابته من مامتك..

_ خير في حاجة؟!.

_ من وقت ما بقيتي في القاهرة مشفناش بعض غير يوم الفرح عشان كده أنا عزماكي النهاردة على الغدا  وبعد كده نخرج شوية نجيب حاجات سوا لحفلة بكرا اتفقنا...

لا لن تتحمل البقاء مع فريدة لوقت طويل نفسيتها مرهقة فقالت:

_ مش هقدر أنا... 

قطعتها فريدة قائلة:

_ مفيش حاجة اسمها مش هتقدري هبعتلك السواق على عنوان الفندق يوصلك لعندي بلاش تبقي غلسة بقى لنا سنين مقعدناش مع بعض.. 

يا الله حتي الرفض لم تقدر عليه فقالت:

_ ماشي...

______ شيماء سعيد عبده ــــــــــ 

ببيت الديب.

أغلقت فريدة الخط ثم أخذت نفسها براحة، ألقي بالهاتف على الفراش قائلة:

_ خليها تيجي تتفرج وتشوف أنا عايشة إزاي ومع مين، عايزاها لما ترجع اسكندرية تعرف إنها الخسرانة، لأنها تستاهل طول عمرها شايفة نفسها مرة  من نفسنا بقى نشوف نفسنا عليها ونعرفها مقامها الدكتورة... 

نزلت إلي الأسفل بخطوات رشيقة ودلفت إلي غرفة المعيشة، جلست بجوار رنا وقالت للسيدة إلهام:

_ هو أنا لو عزمت بنت عمتي على الغدا النهاردة فيها أي مشكلة يا طنط؟!.. 

بإبتسامة هادئة قالت السيدة إلهام:

_ لأ يا حبيبتي مفيش مشاكل ده بيتك..

بيتها؟!.. كتمت غيظها باعجوبة، كيف يكون بيتها وجميع أفراد العائلة به؟!.. لا يا فريدة اليوم هذا مميز لا داعي للضيق به، ابتسمت وقالت:

_ ميرسي يا طنط..

رفعت رنا حاجبها بتعجب مردفة:

_ بس مش غريبة شوية يا فريدة..

رنا مدللة حسن والتعامل معها لابد أن يكون بالشوكة والسكينة، حدقت بها فريدة قائلة:

_ هي إيه اللي غريبة؟!.. 

_ يعني إنك تعزمي حد من أهلك هنا من يوم ما اتجوزتي وأنتِ اللي بتسافري لهم فاستغربت.. 

_ أصل أمينة طول الوقت مشغولة لما بروح هناك بتكون في شغلها الفترة دي اخدة اجازة وهتحضر معايا الحفلة بكرا فقولت اعزمها على غدا ونطلع نجيب شويه حاجات للحفلة ونتكلم.. 

أومأت إليها رنا قامت فريدة من مكانها مردفة:

_ طيب عن أذنكم بقى هطلع اتصل بحسن عشان يكون موجود..

بعد خروجها قالت رنا للسيدة إلهام:

_ مالها النهاردة من شويه كانت بتطلب من الخدم يعملوا تقريبا كل أنواع الأكل وكانت بتشرف بنفسها على التنضيف ودلوقتي كمان عايزة حسن يحضر هو في إيه؟!.. 

_ عادي يا حبيبتي يمكن بتحب قريبتها ..

_ يمكن..

بالحديقة..

دقت فريدة على حسن مرة والثانية حتي آت إليها رده:

_ في إيه طالما رنيتي ومرديتش يبقى عندي شغل؟!.. 

توترت من نبرة صوته لثانية ثم قالت بدلال:

_ حقك عليا يا حبيبي بس بصراحة يعني أنت عارف إن أمينة بنت عمتي مرجعتش إسكندرية فمش حلوة إنها تقعد طول الفترة دي من غير ما اعزمها في بيتي عزمتها النهاردة على الغدا وعايزاك تكون موجود معايا ينفع.. 

أمينة؟!.. لا... من المؤكد لا وألف لا، رؤيته إليها مرة أخري خطر لابد الابتعاد عنه فحمحم قائلة:

_ لأ يا فريدة مش هينفع عندي شغل مهم عطلته لما كنا عند الدكتورة، قضي يومك معاها ولو احتجتي أي حاجة اتصلي بيا هبعتها لك مع حد من الرجاله.. 

بلهفة قالت:

_ لأ يا حسن أرجوك بلاش تعمل كدة دي أول واحدة من عيلتي تيجي بيتي وحشه أوي ان جوزي ميبقاش موجود عشان خاطري.. 

وضعته أمام الأمر الواقع، الكارثة إنه كان لا يحتاج إلا محاولة صغيرة منها وها هي فعلتها، فقال:

- طيب خلاص عشانك هاجي..

أتسعت إبتسامة بسعادة وقالت:

_ ربنا يخليك ليا يا حبيبي ممكن أطلب منك طلب كمان صغير خالص؟!.. 

_ طلباتك كترت بس وماله اطلبي.. 

_ أبعت عربية من عندك تجيبها من الاوتيل لأنها متعرفش العنوان وبصراحة محبتش اخليها زي تاكسي.. 

يبعث أحد من رجاله لأخذ الفرسة؟!.. يتركها مع رجل بمفردها حتي ولو لدقائق؟!.. لأ لن يحدث فقال دون شعور منه:

_ أنا كده كده عندي إجتماع في الاوتيل هجيبها معايا.. 

أغلق الخط قبل أن تنطق فريدة بكلمة وبعدها ألقي بالهاتف فوق سطح المكتب، لحظة لما فعل ذلك؟!.. لما لم يرسل إليها سيارة تأتي بها؟!.. عاد عقله للعمل فقال:

_ إيه إللي أنا بهببه ده وأنا مالي ومالها؟!.. شكلك بعد الأربعين خرفت يا حسن.. 

_____ شيماء سعيد عبده ______

ما بين أن يرسل إليها سيارة وأن يذهب إليها بنفسه ذهب هو، وصل إلي محل انتظارها وتجمد، فستان أصفر طويل بأكمام قصيرة وخصلاتها خلفها ترفرف، مظهر بسيط جدا قدرت أن تأخذ به أنفاسه منه..

بدأ عقله ينحرف إلي اماكن بعيدة رفعت من حرارته، كل ما يرغب به الآن ضمها يود أن يتأكد من حلاوتها، طرية وناعمة من بعيد يشعر بهذا وعليه التأكد بأي شكل..

ماذا؟!.. حسن... عود إلي رشدك.. أمره عقله وعاد مرغما، على بعد مسافة رأته أمينة فبكل هدوء ذهبت إليه ثم مدت يدها قائلة:

_ ازي حضرتك..

ما يحدث معه الآن عبارة عن جنون، بكلمة منها ذهب عقله وانتهي تحكمه؟!.. كيف هذا كيف؟!.. حضرته تاه بجمالها تاه بحلاوة صوتها، كان يريد عناق والآن أصبح يريد قبلة... تأمل شفتيها وتخيل القبلة...

زادت حرارته أضعاف... تخيل فقط وأصبحت حالته صعبة، هو غارف بأفكاره وهي تنتظر أن يمد يده إليها طال الوقت فشعرت بالحرج وجذبت كفها..

قبل أن يعود كفها إلي مكانه كان مد يده إليها وضم كفها... نعيم... لمسة يدها نعيم فقال:

_ جاهزة نمشي؟!.. 

لمسته مريبة، ضغطه الرقيق على كفها أصاب جسدها برجفة، غريب عجيب هذا الرجل، جذبت كفها منه وقالت بتوتر:

_ أيوة يلا نمشي...

تابعها بعينيه حتى صعدت للسيارة وأغلقت الباب خلفها فأخرج نفسه قائلاً:

_ إيه الطعامة دي كلها لما أيدها ناعمة كدة باقي الأعضاء عاملين إزاي؟!..

بداخله شعور يقوده على معرفة جمال باقي الأعضاء بنفسه، بصعوبة سيطر وذهب خلفها، صعد للسيارة وبدأ بالقيادة دقيقة والثانية وقرر سماع جمال صوتها فقال:

_ قولتيلي قبل كدة تخصصك إيه؟!.. 

لا تعلم كيف تتعامل معه، بالبداية تخيلته محترم وبالصباح علمت انه خاين والان شعرت بكونه مجنون، حمحمت قائلة:

_ لأ ما قلتش..

_ طيب تخصصك إيه؟!..

_ نسا وتوليد..

هل أرتاح من فكرة أن تعاملها مباشر مع النساء؟!... نعم للأسف هذا ما حدث فقال:

_ ممتاز.. 

بتعجب قالت:

_ هو إيه؟!.. 

بهدوء قال:

- مجالك في الشغل ممتاز..

_ شكراً.. 

إنتهاء الحديث بتلك السرعة ازعجه، لكنه لا يعلم من أين يبدأ من جديد أو ماذا يقول، فقال:

_ شكلك أول مرة تنزلي القاهرة.. 

_ لأ نزلت قبل كده أكتر من مرة في شغل.. 

_ ومجيتيش لفريدة ولا مرة ليه؟!.. 

_ مكانش بيبقى في وقت..

مع كل سؤال إجابة مختصرة والكارثة إن مخزون الأسئلة لديه أنتهي، فقال:

_ وخطيبك أو جوزك بيتعامل ازاي مع طبيعة شغلك ووقتك اللي دايما مشغول.. 

أراد فتح حديث وبعد سؤاله هذا أرادت اغلاق أي باب للحديث معه فوجدت حالها تقول له مثلما قال إليها بالصباح:

_ أنت مالك؟!..

أتسعت عينيه من الجملة ولتكن صريحة صدمت أكثر منه من وقاحة لسانها، كيف قدرت إمرأة على الحديث مع حسن الديب بشكل مثل هذا؟!.. توقع أن يغضب أن يكن وقح مثل عادته ... لكن كيف يفعل هذا وهو سعيد بها؟!.. سعيد جداً بقوة شخصيتها، ألقي عليها نظرة من طرف عينه وجدها تخفي توترها فقال:

_ بترديلي الكلمة بتاعت الصبح وماله... 

لم تجيب ولم يحاول الحديث من جديد حتي وصل بها إلي بيت الديب فقال:

_ وصلنا يا دكتورة...

وأخيرا وصلت، فتحت باب السيارة بسرعة ليقول قبل أن تنزل:

_ حلو اللون الأصفر عليكي بس الأسود احلي بكتير... 

أرتجفت للحظة ثم فرت من أمامه للداخل تأمل جمال خطوتها وقال:

_ شكلها بتعرف ترقص... 

حسن... يا حسن إلي أين تريد الوصول؟!.. ضاق صدره وقال:

_ لأ كدة الموضوع بدأ يكبر أنا واطي آه لكن مش للدرجة دي..

______ شيماء سعيد عبده ______

بغرفة السفرة..

دلفت أمينة مع فريدة بخطوات مترددة لتشير فريدة الي السيدة إلهام قائلة:

_ دي طنط إلهام أمينة مامت حسن ودي بقى رنا أخت حسن وبعتبرها أختي أنا كمان والصغنونه خالص دي كارما بنتها... 

بإبتسامة هادئة مدت أمينة يدها الي السيدة إلهام قائلة:

_ ازي حضرتك يا طنط؟!.. 

ابتسمت السيدة إلهام وقالت:

_ الحمدلله أتفضلي أقعدي نورتينا..

سلمت على رنا ثم أقتربت من الصغيرة وقالت بحنان:

_ ازيك يا صغنونة عاملة إيه؟!..

حدقت بها كارما ببراءة وقالت:

_ كويسة..

يا الله كم هي بريئة وجميلة، رفعت نظرها لرنا وقالت:

_ ممكن اشيلها؟!.. 

بمرح قالت رنا:

_ طبعاً وممكن تاخديها بالكل وأنتِ مروحة مفيش مشكلة.. 

حملتها أمينة بقلب مرتجفة، تأملت الصغيرة بحب وقلبها يسأل بلهفة " هل سيكون لي بيوم فتاة جميلة مثلها؟!.." أبتلعت غصتها المريرة ثم قبلت الصغيرة قائلة:

_ أمورة أوي أنتِ يا كارما..

قالت رنا:

_ شكلك بتحبي الاطفال أوي يا أمينة.. 

أومأت إليها أمينة بتأكيد قائلة:

_ بحبهم جداً وكان نفسي اتخصص في الطب الأطفال وأنا في الجامعة بس ماما صممت ادخل نسا وتوليد.. 

قالت السيدة إلهام:

_ ما شاء الله عليكي أنتِ دكتورة اللي يشوفك يقول إنك لسه بتدرسي..

بخجل قالت أمينة:

_ شكراً يا طنط..

ماذا يحدث؟!.. حتي ببيت زوجها قدرت على أخذ مكانة إليها بكل بساطة؟!.. مهما فعلت معها ستظل تنتصر عليها؟!.. لا والله هذا مستحيل فقالت بضحكة:

_ أمينة أدي في السن يا طنط كنا نفس الدفعة بس هي بقى محظوظه لحد دلوقتي متجوزتش فعشان كده وقتها كله لشغلها ونفسها وده بيخلي الست تبان أصغر بكتير من سنها... 

ضربتها بمقتل، تغيرات تعبيرات وجه أمينة بلحظة لتأخذ فريدة نفسها براحة قبل أن تقول:

_ على ما أنتوا تتعرفوا على بعض براحتكم هكون أنا طلعت اشوف حسن، معلش يا أمينة هسيبك دقايق بس حسن من غيري مبيعرفش يعمل حاجة، بكرا تتجوزي وتجربي ساعتها بقى مش هيبقى ليكي أي وقت لنفسك.. 

أعطت إليها الضربة الثانية بكل مهارة وخرجت من الغرفة، شعرت رنا بأمينة فقالت بمرح:

_ اهي إللي بتقولك حسن أخد كل وقتها دي بتشوفه صدفة سيبك منها واحكيلي بقى أخبار الشغل معاكي إيه.. 

حاولت أزاحت ثقل حديث فريدة من فوق صدرها وقالت:

_ الحمد لله كويس جداً..

قامت رنا من مكانها وجلست بالقرب من أمينة وقالت:

_ كنت عايزة أخد رأيك في استشارة معينة ينفع؟!.. 

بصدر رحب قالت أمينة:

_ اكيد طبعاً..

بغرفة المكتب الخاصة بحسن قال عادل بتعجب:

_ مالك يا إبني بقى لنا ربع ساعة قاعدين في وش بعض بحجة الشغل ولحد دلوقتي متكلمتش في الشغل، ما تقول في إيه يا سيبني اطلع اقعد مع مراتي... 

قبل أن يتحرك من فوق المقعد قال حسن بحدة:

_ أترزع مكانك إياك تتحرك لا أنا ولا أنت هنطلع من هنا غير لما قريبة فريدة تمشي ولو فريدة دخلت دلوقتي تقولنا يلا معاد الغدا هتقول بنفسك ان عندنا شغل مهم ومش هينفع نطلع فاهم يا عادل.. 

تعجب عادل قائلاً:

_ هو ده ليه بقى ان شاء الله مش فاهم منك حاجة؟!.. 

_ مش مهم تفهم المهم تنفذ.. 

بنفس اللحظة دقت فريدة على باب الغرفة فقال حسن:

_ أدخل...

دلفت وقالت بإبتسامة:

_ مش يلا كفاية شغل لحد كدة دلوقتي ميعاد الغدا.. 

بقوة نظر لعادل فحمحم الآخر بتوتر قائلاً:

_ مش فاضيين يا فريدة حصلت حاجة فجأة في الشغل لأزم حسن يعملها بنفسه دلوقتي روحوا انتوا واحنا لما نخلص هنيجي وراكم.. 

بضيق قالت:

_ يعني إيه الكلام ده يا حسن؟!..

لم يجد أي طريق للفرار سوا الغضب فقال:

_ في إيه يا فريدة ما قالك ورانا شغل مهم روحي شوفي وراكي إيه بلاش عطلة ..

رجعت فريدة خطوة للخلف ثم خرجت قبل أن يزيد غضبه فقال عادل:

_ في إيه يا إبني؟!.. 

بحنق قال حسن:

_ اتنيل أسكت أنت كمان دلوقتي لما أشوف المصيبة اللي أنا فيها دي هتخلص إزاي.. 

_____ شيماء سعيد عبده ______

أنتهي العشاء فقامت أمينة من مكانها قائلة:

_ شكرا جداً يا جماعة على العزومة اللطيفة دي بس أنا تاخرت ولأزم أمشي.. 

وقفت أمامها فريدة قائلة:

_ لأ طبعاً هتمشي فين إحنا لسة مقعدناش نتكلم مع بعض وبعدين مش قولتلك هنخرج سوا نجيب حاجات للحفلة بكرا... 

تنهدت أمينة وقالت:

_ اليوم قرب يخلص مش هينفع..

بإبتسامة هادئة قالت فريدة:

_ متقلقيش هوصلك بنفسي للفندق وبعدين مالك يا بنتي بتتكلمي وكأن في راجل مستنيكي في البيت مثلا أو في عيال محتاجينك تذاكري لهم المفروض اللي يقلق من الخروج متأخر أنا لأن حسن ممكن يتعصب لكن أنتِ مين هيسالك كنتي فين؟!.. مش عارفة تستغلي حريتك خالص أنتِ... 

من البداية كانت تعلم طريقة فريدة جيداً ومع ذلك بكل غباء أتت إليها بقدميها، ترقرقت الدموع بعينيها وحدقت بحرج إلي السيدة إلهام ورنا التي قالت بحدة:

_ إيه طريقتك المستفزة دي يا فريدة ما تأخدي بالك من كلامك؟؟..

نظرت فريدة إلي أمينة قائلة بحزن:

_ مقصدش حاجة أوعي تكوني زعلتي يا أمينة أنتِ عارفة أنا بهزر معاكي.. 

بأعجوبة سيطرة أمينة على دموعها وقالت:

_ مش زعلانة بس مش لأزم يكون في حد مستنيني عشان أمشي على الأصول... 

يكفي إلي هنا يا فريدة الأمر خرج عن السيطرة فقالت:

_ عندك حق بس زي ما قولتلك متقلقيش هوصلك لحد الاوتيل..

_ طيب..

ابتسمت فريدة وقالت:

_ دقايق وهكون جاهزة...

انتظرتها نصف ساعة ثم خرجوا معا صعدت أمينة بجوار فريدة بسيارتها لتقول فريدة:

_ قوليلي يا امينة قدرتي تجيبي عربية والا لسة؟!..

بهدوء قالت:

_ لسه شوية لما أفتح العيادة بتاعتي الأول وقتها أبقى أجيب عربية.. 

بسخرية ضحكت أمينة:

_ يعني بقى لك أربع سنين بتشتغلي ومش عارفة تجيبي عربيه والاسم الدكتورة راحت والدكتورة جات بجد يا خسارة، أنتِ عارفه ان حسن جابلي أربع عربيات من يوم ما اتجوزنا لحد النهاردة.. 

ابتسمت إليها أمينة وقالت:

_ ربنا يخليكم لبعض..

_ يا رب... 

بعد نصف ساعة أخري كانوا بأحد أكبر مكاتب مصممي الأزياء، قال المصمم:

_ الفستان لحضرتك طلبتيه جاهز يا فريدة هانم..

_ طيب هو فين عايزه أشوفه..

خرجت أحدي المساعدات ومعها الفستان لتقول فريدة بانبهار: 

_ تحفة يا شاكر بجد تحفة.. 

قال شاكر:

_ ظبطنا كل حاجه زي ما طلبتي وبقى على مقاسك بالظبط نعمل بروفا أخيرة؟!.. 

أومأت إليه قائلة:

_ ماشي متقلقش ال 20 الف دولار هيكونوا في حسابك كمان نص ساعة بالظبط بس عايزة منك فستان تاني يكون جاهز لأن ما عنديش وقت للانسه اللي معايا..

قبل أن يجيب قالت أمينة بحدة:

_ فستان إيه اللي أنتِ عايزاه ليا أنا مش محتاجة فساتين.. 

بكبرياء قالت فريدة:

_ حفلة بكرا كلها ناس تقيلة أوي ولأزم لبسك يبقى مناسب وأنا عارفة إنك معندكيش حاجة مناسبه وبعدين متخافيش مش هدفعك حاجة حسن اللي هيدفع.. 

هذا كثير.. كثير جداً عليها، فقدت السيطرة فقالت بغضب:

_ جوزك يدفعلي بتاع إيه وإذا على الحفلة اللي كلها ناس تقيلة أنا مش عايزة احضرها.. 

قبل أن تتحرك جذبتها فريدة من كفها قائلة بغل:

_ مهي مناخيرك المنفوخة على الفاضي دي هي اللي وصلتك لهنا وخلتك عانس، بطلي غباء جوزي بيدفعلي مش بيدفعلك، أنا عايزاكي تلمعي عشان تعرفي توقعي لك واحد من الناس دي ولا أنتِ عايزة تفضلي الباقي من عمرك ما بين المستشفيات الحكومي والبيت لحد ما شعرك يشيب.. 

كسرتها... نعم بأقل الكلمات كسرتها، لن تعاتبها فوقت العتاب قد ذهب ووقت العقل أنتهي، حدقت بالمكان حولها بعجز ثم أخذ نفس مرتجف لعلها تحصل على القليل من القوة ثم قالت:

_ عندك حق بس خلي لون الفستان أسود... 

بمساء اليوم التالي بوقت الحفل..

كان يقف حسن مع بعض الضيوف يتحدث بعملية ليقول أحدهم وهو يحدق بمكان ما:

_ مين القمر إللي واقفة مع المدام دي يا حسن بيه؟!.. 

بتلقائية لف حسن محل إشارة الآخر، ويا ليته لم يفعل، رآها بفستان أسود أخر أكثر جمال عليها من الأول، خطفته بلحظة ليجد حاله يسير في اتجاها، كانت عينيها عليه ابتسمت مع رؤيته يقترب فاستغلت إنشغال فريدة مع إحدى السيدات وذهبت إليه، وقف أمامها بذهول قائلاً:

_ أمنية... 

بنعومة قالت:

_ حلو الفستان الأسود عليا؟!.. 

_ فرسة..

قالها دون وعي وهو مبهور، للحظة صدمها برده لكنه أعطي إليها مفتاح أول طريقها معه فقالت:

_ شكراً..

حسن مغيب حقا مغيب، لا يشعر بما قاله أو بردها عليه فقط تائه ببحر جمالها لتقترب منه أكثر هامسة:

_ مقلتليش بتخون فريده مع رقاصة ليه؟!.

حالته كانت خطيرة وهي قدرت على استغلال ذلك ببراعة فقال وعينيه تأكلها:

_ مهي فريدة مبتعرفش ترقص..