رواية جميلة وادم الفصل الثالث3بقلم ايلول احمد
_ادم.. الحقني!
اتكلم عُمر بشر.
_اللي هيقرب منها هقتلها.
بصله ادم ببرود وهو بيقول.
_متقدرش.
عمر اتعصب.
_انت شكلك عاوزها تموت.
اتكلم ببرود.
_تؤ تؤ مش هي.. انت.
عمر بصله بستغراب.
_قصدك اي.
ادم بص لي يوسف ويوسف بص في الساعه وقال.
_فاضل دقيقتين.
ادم هز راسه وقال ببتسامه تخوف.
_حلو اوي.
البنات مكانوش فاهمين اي اللي بيحصل
ولي ادم ويوسف هادين كده.
_ادم انت مستني اي.
بص في ساعته تاني وقال وهو بالقرب من عمر.
_مستني دي.
وهوب اداله بوكس خلاه يقع على الارض.
_يوسف خد كريم
وسيبلي عموره في كلمتين سر عاوز اقولهمله.
_اشطا يا صاحبي.
قال ادم بغضب.
_بقى بتاخد حد يخصني؟
كانت جميله اخدوها البنات.
وعمر كان واقع على الارض.
_بس جميله متخصكش، كان ممكن تاخد اللي يخصك وتمشي وتسيب اللي تخصني انا.
ضربه تاني والمرادي كانت اقوة.
_لا ما هي كمان تخصني
عندك مانع.
واداله بالرجل وقعد يضرب فيه لحد ما عدمه العافيه.
_ادم كفايا الباقي علي البشاوات.
كان صوت يوسف وهو بيشاور على المقدم محمود اللي نزل بالعساكر.
_اظن شغلكو خلص لحد هنا.
وقفت وسبت اللي بياخد نفسه بالعافيه ده.
_ايوه، تمام كده.
_يبقى الباقي عليا وعلى الشباب.
ربط علي كتف يوسف واخد العيال دي بالكلبشات ومشي.
فريده كانت تعبانه اوي، من الجري والكدمات اللي في جسمها، هي بنت برضو وجسمها ضعيف مش زي الشاب، فكانت رجليها مش شايلاها.
وكانت خايفه اسن متطلعش قد المسؤوليه والبنات يحصلهم حاجه.
ادم قرب منها وقال بهدؤ وحنيه اول مره يتكلم بيهم.
_متخافيش احنا كلنا جمبك، والعيال دي هياخدُ جزائهم وكل واحد هيتحاسب
يلا يا بنات خدوها على العربيه.
جميله رفضت حد يسندها وقررت تمشي لوحدها، مشيت كام خطوه وبعدها الدنيا لفت بيها، ورجليها خانتها ووقعت.
..
كنت مستنيه المس الارض وانا مغمضه عيني
بس اللي حصل غير كده، كان حد مسكني قبل ما اقع، والرؤيه بنسبالي كانت مشوشه ومش شايفه مين
الحد ما اتكلم وقال بغضب ممزوج بخوف.
_بلاش تنشفي دماغك تاني، عشان بدري نفسك كده
متقلقيش هتبقي كويسه.
هنا عرفت انه ادم، اطمنت مش عارفه لي
احنا على طول مش طايقين بعض بس اول مره اشوفه خايف عليا بجد، وكأني شئ غالي خايف انه يخسره.
ـــــــــــــــــــــــــــــــــــــــــــــــــــــ
دخلتها العربيه، وقولت للبنات يبقو معاها.
فريده وهي خايفه على اخوها.
_ادم.. انت رايح فين؟
حط ايده على كتفها عشان يطمنها وهو بيقول بحنان.
_متخافيش يا فيرو، هشوف بس يوسف هيعمل اي وهنيجي على طول.
اتكلمت ليلى بقلق وتوتر فى نفس الوقت.
_و.. ويوسف يعني هيجي معانا ولا هيروح لي شغله.
كشر ادم شويه وبعدها قال ببتسامه.
_متقلقيش، هيجي معانا.
ليلى اطمنت وبان على شفايفها ابتسامه بلهاء متعرفش اي سببها.
اتحركت لي يوسف.
_شكرآ يا صاحبي بجد من غيرك مكنتش عارف هعمل اي.
ابتسم يوسف بحب وهو بيشد ادم لحضنه.
_عيب عليك يا صاحبي، وبعدين من غير افكارك مكناش لقيناهم.
>>>>>>>>>>>>><<<<<<<<<
||فلاش باك|في عربية يوسف||
_يوسف اكيد اللي خطفهم معاه سلاح.
قال التاني يتفكير.
_اكيد يعني، بس احنا ممعناش اي سلاح.
_وفين سلاح يا حضرة الظابط.
يوسف ضحك على نكش صاحبه.
_يبني هو انا في مأموريه ولا اي
انا انهارده اجازه عشان كدا مش معايا.
_طب لازم نتصرف
بص احنا لازم نبلغ الشرطه كده كده.
_بس ده هيبقى خطر على البنات.
ادم حول نظره للطريق وقال.
_عارف بس بطريقة ما مش هيبقى خطر.
انتبه يوسف لادم بتركيز زي شاب مراهق في حصة الرياضيات بيحاول يفهم اي حاجه.
اتكلم ادم بهدؤ عكس النار اللي جواه.
_احنا هنروح الاول
هنشوف اي الاوضاع، ولو في اي خطر على اي حد مش هنسمحلهم بالدخول، لكن لو مفيش اي خطر وطلع جبان ومش هيعرف يقتل يبقى ندخلهم.
_وانت هتعرف ازاي يا ذكي انه مش هيعملهم حاجه بقى ان شاءلله؟
بان في عيون ادم الجمود والمرادي كان متاكد من كلامه.
_اللي بيبقى ناوي يقتل يا يوسف مش بيأجل القتل
ولو هو بيهدد بيبان في عيونه اللي بتتجول في كل مكان الا لي ضحيته، وايده اللي بيبقى فيها رعشه بسيطه
فالقاتل اللي متعود بيبقى مش كده واللي بيبقى ناوي يقتل مش كده.
يوسف ساب الدركسيون وصقف لي صاحبه.
_ااي ده ياعم انت بتدرس فنون القتل ولا اي.
ادم ابتسم بحزن بان في عيونه.
_لما تعيش ده بتبقى خبره فيه يا يوسف
بعيد الشر عنك يا صاحبي.
يوسف حس بندم انه اتكلم، هو ميعرفش سبب حزن صاحبه فجاه
بس حس انه فتح جرح قديم.
_االمهم كلم القسم واطلب حمله بسيطه عشان نعرف نمسكه.
يوسف مسك الفون وشرح للمقدم اللي حصل وهو تفهم الموضوع وقد اي حساس.
_تمام يا حضرة المقدم محمود
ان شاءلله هنمسكه هو مش قوي للدرجادي.
_تمام، خمس دقايق ويبقو عندكو.
>>>>>>>>>>>><<<<<<<<<<<
||بااااك||
اخدو عُمر وكريم تحت تهديدهم لي ادم وعمر.
_يلا يا يوسف بسرعه عشان جميله تعبانه اوي.
يوسف غمزله وضحك.
_يلا يا عم ادم.
قال ادم بغضب مصتنع.
_ولد! قدامي.
هنا يوسف ضحك بصوت عالي.
_تمام يا فندم.
اتجه يوسف مكان السواقه
وادم جمبه.
_على المستشفى يا يوسف.
اومأ يوسف بتمام وهو باصص للطريق
وهم بيحاولو يفوقو جميله اللي غابت عن الوعي تاني.
_يلا وصلنا.
نزل ادم بسرعه فتح الباب اللي ورا
نزل فريده واخد جميله بين اديه.
_اي ممرضه او دكتور بسرعه.
قربت منه ممرضه ودكتوره.
قاستلها النبض وكان ضعيف نسبيآ.
_غرفه العنيه بسرعه.
اتكلمت فريده بقلق.
_هي هتبقى كويسه مش كده يا دكتوره.
_اان شاءلله هتقوم بسلامه،هي محتاجه عنايا كويسه دلوقتي عشان اتعرضت لضغت وكمان غير الكدمات اللي في جسمها والجروح،ادعيلها وهي هتبقى بخير.
الدكتور مشيت، وليلى وفريده انهارو من العياط.
_اادم هي هتبقى كويسه مش كده؟
ادم اخد فريده في حضنه وطبطب علي شعرها.
_اكيد يا فيرو بس ندعيلها زي ما الدكتور قالت وان شاءلله هتبقى كويسه.
فريده هزت راسها كتير وهي بتعيط وبتدعي ربنا تقوم بسلامه.
ليلى كانت بتعيط في صمت لحد ما يوسف قرب منها مسك ايديها بحنان عشان يطمنها شويه.
_لي لي متخافيش جميله هتبقى كويسه، اهدي عشان خاطري.
ليلى بصتله بعيون مليانا دموع وقالت.
_انا خايفه عليها او يا يوسف.
يوسف بنكش عشان يفكها.
_تصدقي اول مره اعرف ان اسمي حلو اوي كده.
خدودها اتحولت لي طماطم وهي بتبعد عنيها عنه بخجل وبتحاول تخفي الابتسامه اللي ظهرت على وشها.
زين شافهم فا ادايق.
_فيرو ثانيه وجاي.
اومات له وهي بتبعد عن حضنه.
اما ادم قرب منهم وهو بيقول بحده.
_ياختي قالك اي عشان خدودك تبقى طماطم كده بقى ان شاءلله.
اتكسفت اكتر وانا بقوم عشان اروح لي فريده، بس قبل ما تمشي ادم مسكها من اديها وهو بيقول بصوت واطي.
_حسابك معايا بعدين.
بلعت ريقي بالعافيه وانا بهز راسي وبتمنى الارض تنشق وتبلعني.
قربت من استاذ يوسف وانا بمسكه من الجاكيته.
_اايوه انت بقى ما صدقت ورايح تستفرد بالبت، لو ناسي افكرك يا حضرت الظابط ها.
حمحم بتوتر واتكلم بتلعسوم.
_ا.. اي بس ملك كده متبقاش قفوش ياعم
دي دي زي اختـ.. ـي ياعم.
قولت بتوعد.
_اوختك ااممم.. طب لو شوفتك حوالين ليلى تاني يا يوسف مش هرحمك وانت عارفني لما بتغابه.
حط ايده على بتلقائيها مكان كدمه قديمه وهو بيهمس.
_يباي عليك.. لا راضي ترحم ولا راضي رحمة ربنا تنزل.
زقه في كتفه.
_اذا كان عاجبك.
دقيقه والدكتور طلعت وطمنتنا علي جميله
وقالت حد يعمل إجراءات المستشفى عشان جميله تطلع معانا..
_تمام يا دكتور.
ااخدت يوسف وطلعنا نعمل الاجراءات المستشفى وسبت البنات يشوفو جميله ويفضلو جمبها لحد ما نخلص.
خلصنا الاجراءات وروحنا للبنات.
خبط على الباب لحد ما جالي صوت ليلى.
_ادخل.
دخلت انا ويوسف ورايا، وجهت نظري لي جميله اللي كان باين عليها الارهاق.
_الف سلامه عليكي يا جميله.
اكتفت بي ايمائه بسيطه.
اتكلم يوسف بمرح.
_الف سلامه عليكي يا جوجو
يلا بقى عشان تروحي ترتاحي، ويلا يا.. ليلى انتي وفريده
الوقت اتاخر وخالتو منال وهنا خايفين عليكو اوي.
ادم بصله بتوعد، فيوسف حس بالعك اللي عمله وطلع بره بتوتر.
_فريده هاتي جميله وتعالو.
فريده هزت راسها بالموافقه.
_تمام.
طلع ورا يوسف وهو مش طايقه.
_بدات تعك جامد اوي ها، وانا ساكت من بدري.
يوسف حاول يضحك عشان يعدي الموضوع.
_ياعم بقى متبقاش قفوش كده.
بصله بغضب ولسه هيتكلم الفون رن.
_دي ماما
الو يا امي.
جاله صوته القلقان.
_انت فين كل ده يا ادم
دي ام جميله ياعيني مصبرتش ومش عارفه تتلم على اعصابها فا جتلي.
اتكلم بحنيه.
_قوليلها متقلقش بنتها كويسه وشويه وهنكون عندكو.
مامة جميله اخدت الفون من منال.
_انت بتتكلم جد يابني.
ابتسم بهدؤ وهو بيجاوبها.
_بجد يا طنط.
قعدت تدعيله كتير لحد ما خلصت وادم طمنها تاني وقفل معاها
وكانت جميله والبنات جم.
قربت منهم وانا بقول.
_قادره تمشي ولاا..
يوسف ضحك وجميله وشها جاب الوان وكانت مكسوفه اوي.
_ما خلاص يا صاحبي انت استاحلتها ولا اي.
_والله ما عارف اي اللي مصبرني عليك.
طلع راسه من شباك العربيه وقال.
_لو مش عجبك طلقني.
ضحكت على مناكفتهم لبعض وحقيقي دمهم عسل
او دم يوسف بس، امٰ الكائن التاني ده لسه الفكره متغيرتش من ناحيته
احم الا حااجه بسيطه بس يعني عشان انقذني وكده.
فتحتلها الباب عشان تدخل وبجد مش عارف انا مالي وفي اي
انا اول مره اخاف على حد كده!
فوق يا ادم ده مش وقته خالص.
خلصت وطلعنا بالعربيه لحد البيت عندي!
قالت جميله بستغراب.
_انتو جايبيني معاكُ البيت ليه؟
رد يوسف وسبق ادم في الكلام.
_عشان مامتك هنا.
ادم كان بيحاول يبان طبيعي رغم عصابيته من التافه اللي جمبه ده.
_ها وصلنا
يلا يا ليلو انتي وفريده.
قالت ليلى بمشاكسه.
_حاضر يا دومي.
_قلب دومي انتي.
ضحك ادم وهو بيبص على يوسف المتعصب.
_اي ده انا شامم ريحة شياط.
الكل ضحك الا جميله اللي ابتسمت بس.
قرب منه يوسف وقال بهمس.
_بتردهالي يعني!
غمزله وسابه واقف مولع لوحده وطلع.
اول ما خبطو الباب اتفتح بسرعه وماما اخدت ليلى وفيرو في حضنها وطنط هنا حضنت فريده.
_الله الله وانا فين بقى ان شاءلله من كل ده
على اساس ان انا كمان كنت معاهم.
ضربته منها بخفه على كتفه وضمته هو كمان.
حم حم يوسف وهو طالع.
_احم انا جيت.
كان بيحاول عيونه متجيش في عيون ليلى
وده كان بيوترهم هم الاتنين بس يوسف مش بيبان عليه التوتر قد ليلى.
دخلو كلهم قعدو وفريده كانت تعبانه شويه.
_ااي اللي حصل حد يفهمني.
قالتها طنط هنا وهي مش فاهمه اي حاجه.
_ممكن ثانيه بس.
سمحتله وقامت معاه في البلكونه.
_عُمر اللي قولتيلي عليه هو اللي كان خاطفها
بس معرفش السبب لحد دلوقتي
والحمدلله الانسه جميله قامت بالواجب وزياده.
قالت بتساؤل.
_اكيد عدمته العافيه
بنتي وعرفاها مبتسكتش ابدا.
_وده كان كويس كده لولا انها عملت كده كان ممكن لقدر الله حد فيهم يحصله حاجه.
حطت ايديها على قلبها بطمئنان.
_االحمدلله بجد
انا مش عارفه اقولك اي والله يابني.
مسك ايديها وقبلها بحب.
_متقوليش اي حاجه انتي زي امي.
ملست على شعره وقالت.
_كان نفسي يبقى ليا ابن بس ربنا عوضني بيك.
_تسلمي ياامي.
سمعو صوت يوسف وهو بينادي عليهم.
_يلا يا عصافير الحب الاكل جاهز.
ضحكنا كلنا عليه.
_يوه يا بكاش، ما خلاص راحت عليا بقى.
يوسف غمز لي ماما
وقدامي عادي مفيش دم.
_ده انتي لسه مزه لي هم الرجاله اتعمو ولا اي.
ماما قلدت انها مكسوفه.
_يوه بقى متكسفنيش.
صقف يوسف وهو بيضحك وكلنا ضحكنا عليهم.
_بجد كان يوم جميل اوي.
قالت خديجه.
_رغم كل اللي مريتي بيه يا جميله؟
ضحكت.
_يابنتي هو انتي شوفتي حاجه
ده كده بنسبالي لعب عيال
بس نفعتوني بالتدريب بتاعكو ده، كنت خايفه عليكو اوي احسن معرفش احميكو.
طبطبت على شعرها ليلى.
_بجد كنا خايفين عليكي كُلينا.
وجهت نظري ليها وانا بستوعب.
_كلكو اللي هم مين؟
_اانا وفريده ويوسف و وادم.
عقدت حواجبي وانا بسأل نفسي
"وهو يخاف عليا لي؟"
_هو في حد شالني اصل انا مش فاكره.
ضحكو البنات وقالو مع بعض.
_ده ادم.
_الله مين بيجيب في سيرتي بقى.
تنحت!
هو مش كان طلع اي اللي جابه تاني، وبعدين بقى مع الراجل ده.
_ااي ده ادم جيت لي.
قال وهو بيرجع لي بروده تاني.
_لو مش ملاحظه ده بيتي.
كان بيقولها وهو بيشاور على البيت وبعدها على الاوضه.
_ودي الاوضه بتاعتي كمان لو مش واخده بالك.
بلعت ريقي بالعافيه من كمية الاحراج اللي اتعرضتلها.
_احم انا عاوزه اروح، قولي لماما يلا يا فريده.
ابتسم شويه وهو بيديني كيس قبل ما اقوم.
_خدي.
عقدت حواجبي.
_ااي ده؟
قال ببساطه.
_العلاج!
اتكلمت بنفس الا مبالاه اللي عنده ببتسامه مستفزه.
_لا.. شكرآ
مش باخد حاجات الدكاتره دي.
استغرب ردي بس مهتمتش، اديته ضهري وانا بتجه لبرا.
قالت ليلى بهمس.
_شكل الحرب هتقوم بجد.
اتكلمت فريده بنفس الهمس.
_ووانا شايفه كده بردو.
_يلا على بركة الله.
