وصلوا الفندق ولقوا أوضة مراد متبهدلة وهو مش موجود فيها.
مازن بجنون.. مراد راح فين؟
جاسيكا بقلق.. أنا لا أعلم.
مازن طلع فونه ورن عليه بس سمع صوت الرنة وإن الفون على السرير، مازن أخده بقلق.. مراد ما بيسبش فونه أبداً، أكيد مراد في خطر.
جاسيكا.. من المؤكد هو مع جاك.
مازن بجنون.. هحرق الكل لو مراد ما ظهرش، وعليّ وعلى أعدائي.
جاسيكا.. دعنا نراجع الكاميرات هنا في الفندق.
مازن سابها وخرج وهي وراه وراحوا للمدير وفرغوا الكاميرات، لقوا اتنين شايلين مراد ومعاهم واحدة لابسة كاب والجاكت مرسوم عليه ذئب وناب.
جاسيكا بتركيز.. انتظر لحظة وكبر هذه الرسمة.
كبروا ليها الرسمة اللي على الجاكت.
جاسيكا بصدمة.. وات؟
مازن باستفهام.. في إيه؟
جاسيكا.. هل يوجد بينه وبين رجال الذئب الأسود صلة؟
مازن بصدمة.. مين ده الذئب الأسود؟ جاك برضه لما كان عندي قال عليه؟
جاسيكا بصدمة.. جاك.
مازن باستغراب.. في إيه؟
جاسيكا بخوف.. الذئب الأسود هو أخطر راجل في العالم بأكمله، هويته مجهولة، بس عائلة جركام من أحد العائلات التابعة للذئب الأسود.
مازن بشر.. يعني عيلة جركام ليها يد في خطف مراد، عشان كده جاك عزاني في حد قبل ما يمشي وكان قصده مراد، عيلة جركام نهايتكم على إيدي.
جاسيكا بشر.. وأنا معك.
مازن خرج وهي وراه بشر.. جاسيكا عاوز كل رجالتك.
جاسيكا وقفت.. انتظر لماذا؟
مازن بشر.. لأني داخل حرب ومش هطلع منها خسران أبداً، يا أنا يا جاك في الدنيا دي.
جاسيكا بشر.. حسناً.. وفي سرها.. غبي، جاك لن يتركك تقترب من عائلته لكن أنا أريد انشغال جاك عن حماية تلك الشمطاء وذلك سوف يجعلها صيداً سهلاً بالنسبة لي.
جاسيكا اتصلت على رجالتها كلهم وراحوا لمازن ومازن قالهم على اللي هيعملوه.
مازن بشر.. الحرب بدأت ومفيش حد هيلاحقك مني.
جاسيكا.. أولاً يجب أن نجد مراد.
مازن.. معاكي حق.
جاسيكا.. سوف أجعل رجالي يتتبعون السيارة وسوف نجده.
مازن.. أكيد دلوقتي تلاقيه محتاجنا.
جاسيكا.. إذن يجب أن نسرع.
رجالته بعد مدة كبيرة قدروا يعرفوا مكان مراد فين، وجاسيكا ومازن راحوا ليه وهجموا على المكان وحصل اشتباك بينهم وبين الخاطفين وقدروا يلاقوا مراد بس كان غرقان مية، كان محطوط في خزان مية ومربوط والمية بتنزل على دماغه، مازن ضرب طلقة في الخزان القزاز والخزان اتكسر وجاسيكا رجالتها فكوا مراد وأخدوه وطلعوا بره المكان.
مازن أخده على المستشفى عشان يطمنوا عليه وعلقوا لمراد محلول.
بعد فترة مراد بدأ يصحى ومازن اتعدل عليه بخوف.. مراد انت كويس؟
مراد بتعب.. أنا فين؟
مازن.. انت بخير.
مراد بتعب.. مازن.
مازن.. أيوه مازن.
مراد.. انت عرفت مكاني منين؟
مازن بص لجاسيكا.. بفضلها هي.
مراد رفع عينه.. جاسيكا.
جاسيكا بتصنع الخوف.. وراحت قعدت جنبه ومسكت إيده.. نعم يا مراد.
مراد.. مين اللي كان خاطفني.
مازن بغضب.. رجالة الذئب الأسود.
مراد خبط بإيده على السرير بغضب.. جاك.
جاسيكا.. جاك تبع الذئب الأسود.
مراد بصلها بسخرية.. بجد.
مازن باستغراب.. تقصد إيه؟
مراد بسخرية.. الذئب الأسود هو نفسه أخو اللي كانت المدام.
جاسيكا ومازن بصوا لبعض بصدمة..
مازن بصدمة.. قصدك مين؟
مراد بسخرية.. في غيره، جاك جركام هو الذئب الأسود.
جاسيكا رجعت لورا خطوة بخوف.. ماذا؟
مراد بسخرية.. بجد ما كنتيش عارفة إنه بيكون جاك وبتقولي إنك تعرفي العيلة دي كويس.. وكمل بشر.. حسابه تقل أوي معايا، هو قعد في الدنيا دي كتير أوي ولازم يروح بقى منها.
مازن بشر.. نحط إيدينا في إيد بعض إحنا التلاتة، ما هو عدو العدو صديق.
مراد بسخرية.. طيب أنا ومازن أعداء جاك، انتي ليه؟
جاسيكا بتوتر.. أنا أنا جاك دمر لبابا شركة قبل كده.
مراد بصلها بغموض.. متأكدة.
جاسيكا.. طبعاً.. وبصت قدامها بشرود.
مراد غمز لمازن من غير ما تاخد بالها.. ومازن فهم.
مازن.. جاسيكا ممكن تنادي الدكتور لحد ما أغير هدوم مراد عشان نمشي.
جاسيكا.. تمام.
ومشيت جاسيكا.
مراد بشك.. البت دي أنا شاكك فيها.
مازن.. تقصد إيه؟
مراد بغموض.. مش ده السبب الحقيقي، يا خوفي لتكون بتسلمنا لجاك.
مازن بشر.. يبقى تسافر هي وجاك في نفس اللحظة.
مراد بشر.. جه وقت الحساب وكل حد هيتحاسب.
مازن بتردد.. مراد عاوز أقولك على حاجة؟
مراد باستغراب.. في إيه؟
مازن بتوتر.. جاك اتجوز مايا امبارح.
مراد فضل ساكت ما نطقش.
مازن بخوف.. مراد انت كويس؟
مراد بتنهيدة.. عرفت إزاي؟
مازن.. أول ما خرجت من السجن بعت رجالة يراقبوا جاك وعرفنا إنه اتجوزها.
مراد بص له.. سجن سجن إيه؟
مازن.. الموضوع طويل أوي.
مراد.. ليه علاقة بحسناء.
مازن بغضب.. بتخوني مع كيليان.
مراد بص له بسخرية.. حسناء وكيليان ومايا وجاك مش ملاحظ إنهم أخدوهم مننا أو إحنا الاتنين اتخنا بنفس الطريقة.. وكنت بتقولي إحنا ما نستاهلهمش.. خليها تروح ليه، ما عادتش تخصني.
مازن.. طيب يلا عشان تغير هدومك دي، بعت جبت ليك هدوم.
مراد بشرود.. تمام.
مازن ساعد مراد بس مراد كان شارد ومازن لاحظ ده وأخده في حضنه وهو قاعد على السرير.. والله لجيب حقي وحقك منهم.
جاسيكا جت ومعاها الدكتور وأخدوا مراد ومشيوا، مراد طول الطريق سرحان وفي سره.. مضايق ليه يا مراد، فكرت إنها هتفضل ليك، معقولة أنا ضمنتها أوي كده وفكرت إنها مش هتحب غيري.
مازن كان متابعه وباين أوي عليه الحزن والسرحان.
جاسيكا أخدتهم البيت بتاعها كانت عايشة فيه لوحدها وأهلها مسافرين بره.
جاسيكا.. مراد تعال أوريك أوضتك، هتفضلوا هنا معايا عشان الفندق بقى خطر أوي عليكم.
مراد راح معاها من غير ما يفتح بقه حتى...
جاسيكا.. هذه هي؟
مراد ببرود.. شكراً.. ودخل وقفل في وشها.
جاسيكا بغضب.. حسناً يا مراد.
مراد دخل الأوضة وراح قعد على السرير.. كان على غير العادة بتاعته.. بقيتي بتاعته يا مايا خلاص.
ـــــــــــ
عند جاك
إيده بدأت تمشي عليها وهي اتوترت أوي، كان بيبصلها بعشق ومش مصدق إنها معاه أخيراً.
مايا بتوتر.. جاك فوق.. اللي إحنا بنعمله ده غلط.
جاك كان مقرب منها وكان هيبوسها فاق على كلمة غلط.. اتكلم بضيق.. خطأ، انتي زوجتي مايا، لا يوجد خطأ بيننا.
مايا بتوتر.. أقصد يعني أنا عاوزة ينعمل لي فرح، افرض افرض حملت منك هبقى عروسة حامل في الفرح.. الناس هتقول عني إيه؟
مايا ما كانتش عارفة هي بتقول إيه.
جاك.. لا يهم رأي الناس، أنا أريدك ولا يهمني شيء.
مايا بخوف.. بس أنا خايفة يا جاك.
جاك بلطف.. لن يحدث شيء دون إرادتك مايا، أردت فقط قضاء بعض الوقت معك ولا شيء آخر مما ذهب عقلك له لكي تخافي، انتي أمانتي مايا.
مايا بحزن.. ما تزعلش مني أنا مش قصدي حاجة أو إني أزعلك لا بس بجد أنا خوفت 🥹.
جاك بهدوء.. لا تقلقي مايا.
وبعد عنها وراح على التسريحة وراح يقلع الساعة والجاكت.
مايا عضت شفتها بندم.. وراحت حضنته من ضهره، هو غمض عيونه وأخد تنهيدة.
مايا بحزن.. بتعتذر يا جاكي لو زعلتك أنا بس.. وسكتت.
جاك بحب لف ليها.. وأخدها في حضنه.. هششش لا تتحدثي، أعلم من الصعب تقبل أنك تكونين مع راجل آخر.
مايا بصت له ومدت إيديها على رقبته وقربت بسته، وهو اتصدم..
مايا بكسوف بعدت عنه.. أنا أنا بس عشان تعرف إني متقبلاك زي ما انت جاك.. أنا حاسة إني رجعت البنت الأولى جاك وده معاك انت.
كانت بتتكلم ورجعت شعرها لورا بكسوف.
جاك بصلها بذهول.. ماذا تقصدين؟ برجوع الفتاة الأولى؟
مايا غمضت عيونها وأخدت نفس وطلعته وكل ده وجاك مستنيها تتكلم.. على أعصابه.
مايا بسرعة.. ومن غير ما تفتح عيونها.. انت حبي الأول يا جاك.. لكن.. وسكتت.
جاك كان مصدوم 😳 وفجأة فرح.. وقرب منها ضمها ليه.. أكملي..
مايا كانت متوترة أوي.. لكن انت كنت بتعاملني زي أختك عشان كده ما جيتش قولتلك حاجة، فكرتك بتحب واحدة تانية عشان كده سكت، ولما جه هو اتعلقت بيه عشان أعرف أنساك.. كنت مفكرة إن حبي ليك كان مجرد تعلق بس إنك ابن خالتي ودايماً واقف معايا، بس إزاي هيحبني وهو بيقولي انتي أختي الصغيرة زيك زي حسناء.
جاك بلطف.. حمقاء، ليتك أتيتي إلي وبوحتي بما في داخلك، لكنتي وجدتي العاشق الذي لم ينبض قلبه لفتاة قط غيرك.
مايا بدموع وبصت في عيونه.. خوفت ترفضني وأخسرك.
جاك بحب.. لن يحدث ذلك أبداً ما دمت على قيد الحياة، أنا العاشق المجنون بيكي، لا تعلمين كم أعشقك، أنا تجاوزت جميع حدود العشق أصبحت مهووس بيكي، صح أجبرت على الابتعاد عنك قبل ذلك لكي تكونين في سعادة مع من تحبين لكن قلبي لم يتوقف عن الهوس بيكي.
مايا بحب.. بحبك.
جاك ما كانش مصدق ودانه.. ماذا قولتي؟
مايا بحب.. ولفت إيديها حوالين رقبته.. بحبك يا جا.. وسكت لما جاك باسها، كانت منسجمة معاه وأول مرة الخوف اللي كان مسيطر عليها راح وبقت بتقرب في جاك مش بتبعده عنها زي ما حصل في الأول
ونسيبهم في حالهم بقى خليهم يفرحوا ليهم شوية قبل العدوان الثلاثي عليهم 😂
ـــــــــ
عند عمر وكايا
جاسر.. استنوا مفيش خروج من هنا، ده بيتك برضه يا ولدي انت وهو، ده بيت الكل واللي مش عاجبه يطلع بره البيت ده بلا رجعة.
شربات حاولت تتمسكن.. بتقول إن مرات عمي تطلع من البيت إزاي، دي ست كبيرة هتروح فين؟
جاسر بقوة.. أنا كلامي واضح للكل وكايا وورد المأذون هيجي يكتب عليكم انتوا الاتنين بكرة، ده لو انتي موافقة، أما لو مش موافقة ابن 🐕 ده مش هجبرك عليه.
كايا بفرحة وخوف.. والنبي وافقي بقى خلينا نرقص ونغني.
عمر بص له بابتسامة سخرية.. لو هي وافقت أنا مش موافق، ملقيش غير كايا وأجوزها ليه.
كايا بغيظ.. ما كانش العشم يا ولد عمي أبداً خالص، بس برضه هاخدها.. وطلع لسانه لعمر.
جاسر.. ما سمعتش رأيك يا بنتي.
ورد بكسوف.. اللي انت شايفه انت وعمر يا عمو.
جاسر بخبث.. تبقى مش موافقة خلاص.
ورد بسرعة.. لا لا موافقة موافقة.
كايا زغرط من كتر الفرحة.
وشوق زغرطت ليهم وحضنت ورد... وكايا طلع لسانه ليها.. خدتها.
شربات كانت منغاظة إن محدش عبرها ولا اعتبر لوجودها أصلاً كلام، وجليلة كانت متعصبة إن جاسر قل منها قدام الكل.
شربات كانت بتبص على جليلة بخبث.. مش هخلي فرحتكم تكمل يا ولاد العزايزي.
ــــــــــــ
عند كيليان وحسناء
حسناء راحت تعتذر من كيليان على اللي حصل.
خبطت ودخلت.
كيليان كان قاعد بيلعب بالفون.
حسناء بتوتر.. عامل إيه دلوقتي؟
كيليان.. أفضل بكثير.
حسناء بعتذر على اللي حصل ليك بسببي.
كيليان بابتسامة.. لا اعتذار ولا شيء حسناء، انتي أفضل؟
حسناء.. أمم الحمد لله.
كيليان.. دايماً.
حسناء.. هروح بقى وأسيبك ترتاح، تصبح على خير 🙂.
كيليان بابتسامة.. وانتي من أهل الخير.
حسناء مشيت وهو فضل يبصلها بشرود.
كانت رايحة تنام بس قالت تشوف مايا قبل ما تنام، كانت رايحة تكلم معاها في أوضتها بس سمعت صوت في أوضة جاك وهي ماشية، ابتسمت وكملت لأوضتها تاني وهي بتضحك.. أخيراً مبسوطين من غير أي هم، ربنا يكمل السعادة دي على خير.
ونامت حسناء.
الصبح جه ومعاه أحداث كتيرة