رواية زين الصعيد بقلم مي محمد
رواية زين الصعيد الفصل الخامس والستون65 بقلم مي محمد
وهنا زين بيلمح حاجة لونها ابيض و هو قايم يجيب الفون بعد ما رماه قماشة بيضاًخارج منها حتة من تحت مرتبة السرير …
زين بيقرب منها وبيشد القماشة دي …
وهو بيبص ب استغراب وفي عقله ايه ده ايه القماشة دي ملفوفة كدا ليه …
مسك زين القماشة وكانت مربوطة ب مشبك من برا بيشيل المشبك وبيفك اللفة وهنا كانت الصدمة الكبري اول م شاف صورة جنة ويدوب باين منها عنيها وملامح وشها وباقي الصورة عليها زي حاجات حمرا و ارقام غريبة بيقلب زين الصورة بيلاقي كلام مش مفهوم بيحول يقرءه مش عارف بيشوف باقي القماشةّ بيلاقي شعر و دبابيس وقطعة قماش تانية عليها دم ناشف …
زين كان هيتجنن وقتها مش عارف يعمل ايه وايه اللي جاب ده هنا وصورة جنة دي و أزي …
خد كل حاجة ونزل تحت علي طول …
___________________ف مكان تاني ف شقة داخل غرفة علي السرير
حيث يجلس ماجد وعلي صدره ملك …وصمت يعم المكان ويقطع هذا الصامت صوت ملك …
ملك /ماجد عايزة اقولك علي حاجة
ماجد /قولي خير
ملك /بس اوعدني مش تزعل من كلامي
ماجد بعد اهتمام /ماشي …قولي
ملك /أنا مش بقيت مرتاحة للوضع ده حاسة اني إنسانة وحشة اني بعمل كدا معاك …
ماجد /هو أنا غصبك تعملي كدا مش كله برضاكي يا لوكا وبيبص لها ولا انتي مش بتحبيني بقا
ملك /أنا بحب اكتر من نفسي يا ماجد مش رضيت أزعلك وبسمع كلامك في كل حاجة تقولي عليها …
وبتتعدل من علي صدره وبتبصله ماجد هو انت ممكن تتخلي عني وتسبني …
ماجد بخبث /بقا أنا اعمل كدا يا لوكا ده انتي الهوا اللي بتنفسه …وبعدين انتي هتبقي حلالي يعني عادي اللي بنعمله ده ما دام كدا كدا هنعمل بعد الجواز ادينا عملنا دلوقتي …فين المشكلة بقا بلاش تفكري كتير
ملك /يعني انت مبسوط مني وبتحبني بجد
ماجد بكل خبث و لؤم /طبعا ي قلبي أنا مش شايف غيرك وبحبك …
وعمري م هتخلي عنك أبدا وهو بيقرب منها وبيحضنها وبكل مكر تعالي بقا علشان وحشتيني اوي وبيغمز لها …
وهنا سأخبركم ي سادة…بأن ملك استسلمت ل ماجد وفعلت معاه م لا يرضي الله واخد منها اعز م تملك الفتاة …وبقا بيتقبلوا ف الشر ف شقة ماجد ليفعلوا الفوا**حش …
والشقة دي كمان اوقات كانت بتروح فيها هدي ل ماجد …___________عند سليم و أزهار …
سليم /مالك ي أزهار سرحانة في ايه ؟!
أزهار /مفيش ي سليم …بس سرحت في حكاية جنة
سليم /جنة !!!اشمعنا جات علي بالك يعني
أزهار /بصراحة ي سليم ارتحت اوي لها ومش مصدقة اللي اتقال عليها ده …
سليم بيبص ل أزهار ومستغرب
أزهار /مالك بتبصلي كدا ليه !!
سليم /اصل أنا كمان حاسس بكدا ممكن فعلا تكون مظلومة …طب انتي حاسة بكدا ليه …
أزهار /مش عارفة ي سليم يمكن الفترة اللي قعدتها معانا هنا كانت قصيرة بس كانت كفاية اني اعرفها كويس من كلامها وطريقتها معايا أنا وأختك مودة …وناضجة في تفكيرها وأسلوبها …ده غير انها حكت لنا ازي هي بتحب زين وهو كمان بيحبها …مستحيل تكون خانته فعلا بس أنا مستغربة من كل ده ازي حامل وازي زين مش لمسها …تحس الموضوع فيه غموض كدا …
سليم /وانا متاكد من كدا …زين مش بيسمع ل حد مش شايف الصح من الغلط يمكن كان متسرع في اللي عمله ده …بس هو برضوا معذور ي أزهار مفيش راجل يستحمل اللي مر بيه ده …كان الله في عونه
أزهار /م تتكلم معاه كدا ي سليم يمكن يسمع منك
سليم /زين رافض الكلام في الموضوع ده تاني خلاص وهو طلق جنا الكلام مفيش منه فايدة ملناش دعوة يعمل اللي يريحه اوعى تتكلمي معه ي ازهار علشان مش يزعل
ازهار /حاضر يا سليم ربنا يظهر الحق _____________________ في قاعدة في قهوة وسط الدخان والشرب
الشخص الأول ايه يا عباس أنا شايف الفلوس رجعت معاك زي الأول يعني الحساب عليك النهارده وبيضحك عباس بيضحك ولا يهمك يا عم كل اللي تطلبه عليا
الشخص الثاني الفكة معاك حلوة بقى الأيام دي عملت ايه صحيح مع بنتك مش كنت قولت انك عايزة ترجعها من عند الناس دي
عباس بيضحك ارجع مين يا عم أنت اهبل أنا كفاية عليا الفلوس اللي باخذها من أمها
الشخص التالت يعني عمرك ما حنيت لها يا عباس
الشخص الأول بضحك أنت عايز عباس يحن ده أهم حاجة عنده المصلحة يا عم ولا ايه عباس
عباس طبعا مدام مصلحتي مع الناس دول هي الفلوس يبقى خلاص عاوز ايه تاني
في الشخص الثاني لولا اللي حكيته لنا وإننا عارفين إنك كل شهر يجيلك فلوس كان زمانك دلوقتي مش لاقي تاكل ولا حتى تشتري الحشيش
الشخص الأول بس أنت يا عباس ضربت عصفورين بحجر واحد منهم خلصت من مسؤولية بنتك بعد أمها ما ماتت ومنها استغلت ده بالفلوس اللي بت تأخذها من أهلها اللي عندهم دول وب ضحك ههههههه لا دماغ ذرية فعلا…
عباس بيضحك عشان تعرفوا بس إن معاكم عبقري بيفكر سيبكم بقا من السيرة دي لف لينا يا ابني سيجارة حشيش كده على الماشي خليني افوق
الشخص التالت بس كدا من عنيا خذ إزارة البيرة دي اشربها لما الف لينا كلنا …
خذ يابا شد السجارة وطلع من الخياشيم وبيضحك
وبيسند عباس ظهره وهو بيشرب السيجارة بيرجع ل ورا
#Flash_Back
عباس ايه حامل في بنت
زينب ايوه بنت يا عباس
عباس قلت لك مش عايز بنات عايز ولد يشيل اسمي لم اكبر
زينب هو بإيدي يعني كل اللي يجيبه ربنا كويس
عباس بغضب الله يخرب بيتك مش كفاية مستحملك و مستحمل مرضك كمان يوم متخلفة تخلفي بنت أنتي عايزة تجيبي لي العار
زينب بحزن ودموع عار ايه بس حرام عليك تقول كده وكمان بتعايرني بمرضي
عباس بيقرب منها وبيزعق في وجهها حرمة عليكي عشتك…
عايزة تخلفي ليا بنت علشان تمشي على حل شعرها
زينب بدموع ايه اللي بتقولوا ده يا عباس أحمد ربنا انه رزقنا بالحمل ده والحمد لله
عباس بيزقها وبتقع على الأرض وبكل غضب البنت دي لازم تنزل سامعه ولا لا وهتنزلي تشتغلي في البيوت من تاني أنتي فاهمة
زينب وقلبها مكسور اشتغل إزاي وأنا حامل كده حرام عليك أنا تعبانة
بدل أنت اللي تنزل تشتغل مش كفاية غسيل الكلى اللي بغسلها كل أسبوع كتر خيرهم أولاد الحلال بيسعدوني في المستشفى
فوق بقى من الحشيش اللي بتشربه ده وبص لبيتك بنتك الجاية كفاية أنا تعبت وقرفت من العيشة دي
عباس بغضب بقولك ايه يا مر**ا أنا مش عايز كلام كتير هتنزلي البت دي سامعة ولا لا
زينب حرام عليك يا عباس لو نزلتها دلوقتي في خاطر على حياتي أنا بقيت في الشهر الرابع ده أنا مش عايزة أغضب ربنا والنبي ربنا يهديك
عباس بيروح ناحيتها وبيضربها بالقلم وفي بطنها وهي عمالة تصوت وبتحط أديها على بطنها الحقوني يا ناس الحقوني عايز يسقطني الحقوني وهنت الجيران كلها جريت علي الصوت وزقت الباب ومسكوا عباس من على زينب وبعده عنها…
زينب بيعيط اه الحقوني عايز يموت اللي في بطني
عباس يا مر**ا يا بنت ال*كلب امشي غوري من هنا مش عايز أشوف تاني وبقولك قدام كل الناس اهو عشان تعرفي إني ما بخاف اللي في بطنك دي مش عايزها ولا عايزك أنت كمان…اتفووووا عليكي …ارجع البيت مش ألاقيكي ي زبا**لة …وبيمشي
وبتفضل زينب حزينة علي حالها والجيران بيساعدوها تقوم …
زينب خايفة تفضل في البيت يرجع يعمل فيها حاجة فكرت أنها تلم هدومها وتمشي خالص من البيت ده وبتروح تقعد عند اختها ويوم ورا الثاني وزينب رغم حملها وتعبها بتنزل تشتغل في البيوت لأنها محتاجة مصاريف وأدويه وعلاج عشان مرضها وبيعدي شهر والتاني لحد ما بيجي معاد الولادة و بتولد زينب على خير
وأختها مرفت هتعملي ايه يا زينب بعد ما ولدتي هتقولي لعباس إنك ولدتي ولا برضوا هتخبي عنه
زينب مش عارفة يا ميرفت أنا حزينة قوي على نفسي وعلى اللي فيه معرفش البنت دي مصيرها ايه ولاهتعيش إزاي
ميرفت أنتي لازم تقرري يا زينب ولازم ترجعي لعباس وتحطيه قدام الأمر الواقع دي بنته وهي مسؤولة منه ولازم تعيش ما بينكم انتو الاثنين هي مالها ربنا يهديه ويمكن لما يشوفها قلبه يحن عليها
زينب بعيط خايفة اوي ميرفت خايفة محدش عارف عباس قدي يعمل فيا حاجة أو يعمل في البنت حاجة أنا جيت كتير اوي علي نفسي وكل مرة قلت هيتغير ومفيش تغيير
محدش حاسس بيا محدش عارف يعني ايه تكوني تعبانة ولا حد طبطب عليكي ولا يقولك معلش ولا يقولك أنا معاكي …
طول الوقت ضرب بيعتبرني خدامة حتى الشغل اشتغلت في البيوت والفلوس اللي باخدها كنت لما برجع من الشغل ياخدها مني عشان يشتري الزفت اللي بيشربه ده إنسان ولا عنده ضمير وحياته كلها حرام ف حرام
ميرفت بتطبطب عليها وبتاخدها في حضنها معلش يا زينب ارجع وأقول لك لازم تستحملي مفيش قدامك حل غير كده هتروحي فين أنتي وبنتك ما ينفعش تعيشي عندي أنا أشيلك فوق راسي يا اختي أو حتى تعيشي في أي مكان تاني لازم يا زينب ترجعي له تخليه يشيل المسؤولية ويعرف يعني ايه حياة وأسرة وبيت هو السهل انك تعيشي عندي زي ما كنتي عايشة بس هو مش هيبقا شايل هم أي حاجة يا زينب فوقي مينفعش تفضلي مغلوبة كده على أمرك …
عباس لازم له وقفة
زينب طب اعمل ايه يا ميرفت شوري عليا أنا حاسة إني تايهه بجد وبتبص ل بنتها اللي يا دوب لسه لحمة حمراء على أيدها وبكل تنهيدة …
حقك عليا يا بنتي أنا السبب في كل ده أنا اللي اخترت واحد مش عارف يعني مسؤولية واحد كنت فاكرة إنه هيشيلني ويحطني في عينه أنا ظلمت نفسي و ظلمتك معايا قبل ما تكبري وتشوفي الدنيا حقك عليا يا نور عيني ربنا يعيني عليكي وأعرف إزاي أعيشك وأكون لك أب وأم واخليكي مش محتاجة لأي حد أبدا …
ميرفت منسميها ايه يا زينب
زينب بتبص في عيونها وبتشوف ملامحها أسميها جنة
ميرفت الله اسم جميل اوي يا زينب ربنا يبارك لك فيها ويهدي سرك أنتي وعباس وتتربى البنت الغلبانه المسكينة دي وسطكم …
وبيعدي يوم والتاني وهنت زينب بتقرر ترجع لعباس يمكن قلبه يحن لما يشوف بنته على ايدها بتروح زينب البيت وبتاخد تنهيدة وترن الجرس وبعد ثواني بيفتح لها عباس
زينب إزيك يا عباس جيت لك أنا وبنتك
عباس بكل برود وقسوة قلب جاية تعملي ايه ومش أنا قلت لك مش عايز أشوف وشك تاني
زينب يا عباس بعد الأيام والشهور دي كلها لسة برضه اللي في دماغك
عباس عمري ماغير اللي في دماغي وقلت لك نزليها مش عايز بنات ولا عايزك مش عايز أشوف وشك ولا وشها
زينب بدموع وعيط عشان خاطري بص لها طيب يمكن قلبك يحن عليها أنا رجعت تاني عشان خاطرها هي يا عباس البنت دي هتروح فين وهاعيش فين أنا وبنتك حرام عليك طب شيلها طيب يمكن تحس بيها تعرف أنها ممكن تكون عوض ليك الولد مش كل حاجة يا عباس ممكن البنت دي تكون احسن صدقني والله
وحياة أغلى حاجة عندك تبص لها دي من لحمك و دمك….
عباس بقول لك اطلعى بره بره
زينب حرام عليك ابوس إيدك وبتنزل زينب على إيده تبوسها ارجوكً دخلني واعملك كل اللي أنت عايزه و هسمع كلامك في كل حاجة بس عشان خاطر الغلبانة دي…
عباس بكل خبث وهو بيبص لها يعني هتسمعي كلامي في كل حاجة
زينب والله العظيم اللي أنت عايزه اعمله لك بس دخلني
عباس بعد مكان موارب الباب فتحوا لها خالص وراح مدخلها وبيبص لها بصي بقى يا حلوة أنا دخلتك اهو بس مليش دعوة بيكي ولا بنتك ودي بنتك انتي وأعتبرها مليش بنات بشرط واحد عشان تقعدي هنا
زينة وهي مغلوبة على أمرها شرط ايه
هتنزلي تشتغلي في البيوت زي ما كنتي بتشتغلي والفلوس اللي بتأخذيها هتديها ليا كل أول الشهر أنا ليا مرتب منك فاهمة ولا لا أنا مش هصرف في البيت مالين ومش أشيل همك ولا همك بنتك
زينب طب لما اديك الفلوس اللي أنا اشتغل فيها اصرف أنا وبنتك منين هناكل منين أنا صاحبه مرض
عباس بكل برود مليش فيه زي ما قلت لك أنا ليا أول كل شهر مرتب منك فلوس وده اللي عندي ….
زينب بتنهيدة ماشي يا عباس
عباس أنا ماشي دلوقتي ارجع ألاقي البيت زي الفل وتكوني عاملة اكل …و راح سابها و نزل ….
زينب حزينة على حالها بتنهيدة جوها يا رب مليش غيرك يكرمني وساعدني وقويني وزينب كانت معاها فلوس وخدها من أختها ميرفت بعد شوية كانت نزلت على ايدها جنة تجيب حاجات للبيت عشان تعمل الأكل وحاطت جنة على السرير وروقت البيت من تاني يوم نزلت تشتغل خدامة في البيوت من تاني ويوم ورا ثاني والأيام بتعد بعضها وهي هي نفس الأيام
وعباس خالي إيدو من كل حاجة تخص البيت أو زينب أو جنة
بيطلع الصبح من القهوة دي للقهوة دي لأصحاب السوء مفيش في حياته غير الستا**ت والحش*يش والشرب وبس ولا بيفكر في بيت ولا مراته ولا بنته وبعد شهر والتاني المرض بيتملك من زينب أكتر و اكتر والغسيل اللي كانت بتعمله في المستشفى مبقاش فيه نتيجة لأن المرض اتمكن منها وبعد شهرين بالعدد زينب بتروح للي خلقها احن عليها من كل ده وبتسيب وراها بنتها اللي عمرها شهرين …
و عباس كان رفضها تماما وراح أخذها و مشي على طريق صحراوي بعيد قوي يا دوب بتعدي عليه عربية كل فين وفين وحطها على جنب
علي مسافة كان راكب عباس الموتوسكل بتاعه براقبها كان عايز يشوف مين اللي ياخذها أو مين اللي ألاقيها وتجي من بعيد عربية وعلى مسافة بينها وبين جنة واحدة واحدة بتهدي وبينزل منها عز و جميلة وهنا قصة البطلة جنة ابتدت مع عز الدين وجميلة …
_______________________ في الدوار ومودة قاعدة وزين نازل من على السلم
مودة خير يا زين نازل من فوق مخضوض كده ليه
زين بيديها اللي في إيدو
مودة ب استغراب إيه ده
وبتفتح القماش وبكل صدمة و خضة يا لهوي ده عمل زين لقيته فين ده
زين بصدمة عمل ومن هيعمل العمل ده لقيته تحت المرتبة فوق
مودة تعال معايا بسرعة قولي لقيته فين بالضبط بيطلعوا على فوق وبيدخلوا الاوضة وبيشاور زين على نفس المكان اللي كان موجود فيه القماش دي …
بيشاور زين على المرتبة ومودة بتقول له لقيته فين عند أي جانب قال الجانب ده وبيشاور زين
مودة بتقول له مين اللي كان بينام على الجنب ده زين بصلها وقال لها دا جنة
مودة بتبص ل زين كده يا زين عرفت انه ممكن يكون في حاجة غلط
في الموضوع في حد عمل لكم عمل
حد بيحاول يوقع ما بينكم زين صدقني جنة مظلومة
زين ايه اللي بتقوليه ده يا مودة مظلومة إزاي العمل ده مش سبب كافي يخليكي تقولي كده إذا كانت مظلومة الحمل ده منين ومن مين
مودة ده اللي لازم أنت تعرفه يا زين وتدور في الموضوع انت مش شايف العمل في صورة جنة وفي شعر وفي دبابيس وكلام مش مفهوم وده يا زين انت مش شايف يوم الفرح ولا اللي حصل لها حاجات اللي كانت تشوفها ولا كانت بتحكيها لك وانت لما كنت بتجي تقول لي كنت مفكرة إنه هي ممكن بتجي لها أو يمكن تكون تعبانة أو حاجة من كده بس العمل ده أكد لي أن هي كان عندها حق في كل كلمة قالتها
زين بيحط يده على رأسه وأنا ما فاهم حاجة ولا عارف حاجة أنا تاية مش عارف افكر الدنيا واقفة
مودة يا زين فكر افتكر جنة كانت عاملة ازي من ساعة م جات هنا مش كانت مضبوطة طول الوقت خايفة متغيرة حد عمل لكم عمل بالأذيه والفراق وانك تشك فيها …
زين يعني خلاص أنا جاي عليها أنتي بتقولي الكلام ده وسليم مصدق إنها بريئة كلكم حبتوها وقفتوا معاها طب محدش فكر فيا محدش فكر منظري قدام الناس وفي البلد كلها محدش عذرني ولا قال إن أنا عملته ده هو الصح وانها حاطت راسي في الطين
مودة وهي بتطبطب عليه فكر يا زين فكر ربنا خليك تشوف مش الحقيقة كاملة يعتبر بس تشوف جزء منها لازم نعرف من اللي حط الحاجة دي لكم كمان لازم نعرف كانت حامل ازي وانت مش لمستها
زين خلاص فات الأوان يا مودة أنا مش عايز أعرف حاجة أنا دلوقتي طلقتها ومش ليا دعوة بيها حتى العمل ده بالنسبة لي مش يهمني خلاص أنا خلصت منها ما بقتش عايز أعرف الحقيقة أنا تعبت من كل حاجة …
مودة يا زين للدرجة دي خلاص كده عاد اتخلى عنها جنة أكتر واحدة أنت حبيتها وانت اللي كنت حاكي لي بكدا كنت بتحكيلي قد ايه هي إزاي كانت معاك كويسة وفي القطاع وكنت بتحكي لي إزاي نظراتك ليها وازي حبيتها
زين خلاص يا مودة عرفت أن الحب ما بقاش له قيمة كنت فاكر إني بحبها وأن هي فعلا بتحبنى بس اللي حصل مش افكر فيها تاني افكر في نفسي وبس وجنة بالنسبة لي انتهت للأبد …
مودة طب مش عايز تبرد نارك وتعرف بقت حامل إزاي ومن مين مش أقول لك يا زين غير إنك لازم ترجع نفسك تاني وتقعد مع نفسك وتفكر وتعرف إن جنة لحد الآن مأذية بسبب العمل ده لازم تشوفها زين وتقعد وتتكلم معاها تاني لازم
جنة مش هتعرف تعيش حياة تاني وفي حد بيأذيها وعامل لها عمل طب ما تعرفش حالها دلوقتي أكيد هي مش بخير ربنا يظهر الحق ويبعد عنها كل سوء ويرد ظالتك يا أخويا هسيبك يا خويا تفكر مع نفسك وبتسيبه وتمشي …____________
جميلة يا جنة في واحدة عايزاكي برا
جنة مين دي يا ماما خليها تدخل بتبص جنة بتلاقي ندى بتفرح اوي جنة أول ما شافتها وخدها بالحضن
إزيك يا ندى وحشاني اوي
ندي وإنتي كمان يا جنة أنا عارفة إني مقصرة معاكي وإن أنا م بسألش بس والله غصب عني حقك علي جيتي على بالي قلت لازم آجي وأشوف
جنة ربنا يخليكي يا ندى والله فيكي الخير
مالك حسك فيكي حاجة متغيرة
جنة بتنهيدة مفيش تعبانة بس شوية
ندى طمنيني عليكي أنتي وزين عاملين ايه
جنة بحزن لا خلاص أنا وزين اطلقنا
ندي بصدمة أطلقتوا أنتي بتهزري إزاي وعشان ايه حصل ايه لكل ده أحكي لي لو مش عايزة تحكي عشان ما اضغط عليكي خلاص ي جنة بس أنا والله كان نفسي أطمن عليكي
جنة عارفة يا ندى أنا احكيلك لأني بجد عايزة أحكي عايزة أطلع كل اللي جوايا محدش جمبي أنا عديت بحاجات كتير اوي يا ندى محدش حاس بيا ولا حاس بواقع أنا عايشاه مر
ندي بتاخدها في حضنها كده قلقت أكتر عليكي يا جنة أحكي لي يمكن لما تحكي تهوني عن نفسك شوية
جنة أنا تعبانة قوي يا ندى تعبانة من كل حاجة زين اللي أنا قولت أنه يكون ضهر وسند ليا مع أول مشكلة قبلتنا في حياتنا سبني…
سبني حتى من غير ما يعرف السبب ولا من غير ما يعذرني سبني وأنا مليش ذنب في كل ده زي يكون كان مستني غلطة علشان يسيبني ويبعد عني بالشكل ده
ندى للدرجة دي المشكلة
كانت كبيرة علشان يطلقك ي جنة
جنة بتحكي لها وكل اللي حصل كل ده ندى بتسمع لها وهي صدمة وإزاي جنة لوحدها مرات بكل ده ومحدش كان مصدقها …
ندي يا حبيبتي يا جنة كل ده كنتي شايلاه في قلبك كان الله في عونك مش عارفة أقولك ايه طب مش حاولتي تتكلمي مع زين تاني وتفهميه …
جنة خلاص يا ندى ما بقاش منه فايدة زين طلقني وأنا مظلومة طلقني من غير ما يتكلم معايا ولا يفهمني وهو ظلمني وجه عليا …
ندى والله أنا لحد الآن مش مصدقة اللي بتحكيها ده زي ما يكون كابوس ربنا يهون عليكي يا جنة بس أنتي مش حاولتي تعرفي مين اللي عمل فيكي كده طيب إزاي الحمل ده على الاقل تثبتي براءتك قدام زين ويعرف إنك مظلوم فعلا …
جنة ودموع في عينيها زين هو اللي كان لازم يثبت براءتي ي ندي قدام الكل قال لازم يوقف معايا قدامهم ويقول إنه أنا مستحيل أعمل كده بس هو معملش كده وقرر ينط من السفينة بدري ويسبني لوحدي بغرق وسمعتي بقت على كل لسان نظرة الناس ليا في القطاع هو السبب في كل ده هو اللي مشي من جنبي…
ندى اعذريه يا جنة زين غصب عنه هو أكيد كان في مكانك وفكر إن هو ازي هيوري وشه برضه للناس بعد كل ده إنتو اللي الاثنين ضحية في الموضوع وإنتو الاثنين كل واحد قرر ميسمعش الثاني… أنا مش بلومك ولا بلومه اللي عمل لازم ياخد جزءه …
جنة أنا تعبت يا ندى تعبت ومش بقيت قادرة استحملت اللي محدش استحمله أبويا اللي أنا كنت فاكرة انه أبويا طلع لاقيني وأبويا الحقيقي طلع واحد معرفوش مش بني آدم أصلا ما بقاش ليا غير ماما جميلة حتى برغم بعد ما عرفت أن هي مش أمي بس هي هتفضل أمي اللي ربتني واللي كبرتني دي اللي ليا دلوقتي واحنا الاثنين ملناش إلا بعض بعد موت بابا عز الله يرحمه…
ندى الله يرحمه يا حبيبتي عايزاكي يا جنة تبقي قوية وترجعي زي الأول فاكرة أول مرة قابلتك فيها أنتي …اللي خذتني على الطريق اللي وديتني المساحة من غيرك أنا كان زماني لسة بقيت في إلا أنا فيه من غيرك يا جنة مكانش حتى يأخذني للطريق الصح ويعرفني أنتي اكتر واحدة كنت واقفة جنبي وأنا معاكي عمري ما أسيبك واعتبري إني لك أخت اسمها ندى وفي ظهرك دائما
وبتحضنها…
جنة حبيبتي ندى أنا ارتحت اوي إني أنا حكيت معاكي وإنك سمعتيني شكرا بجد إحكيلي بقى اللي فكرك بيا
ندى عارفة إن كنت مقصرة معاكي بقالي فترة بس أنا جات النهارده عشان أحكي لكي إن الدكتور عمر طلب إيدي وعايز يتجوزني…
جنة بكل حب ده بجد ده أحلى أحلى خبر سمعته النهاردة الف مبروك يا ندى ربنا يتمملك على خير بجد أنتي تستاهلي كل خير والدكتور عمر طيب وكويس وفي قمة الأخلاق …
ندى حبيبتي يا جنة ربنا يخليكي ليا ويسعدك يا رب و يجمعكم أنتي وزين على خير من تاني أنا واثقة من كده
جميلة بتدخل عليهم بعد كده ومعها حاجة يشربوها اتفضلي يا حبيبتي
ندى ميرسي ي طنط ربنا يخليكي
جنة ندي يا ماما اكتر إنسانة طيبة في الدنيا دي وارتحت اوي إني شفتها وجات ليا النهارده
جميلة ربنا يسعدك يا جنة يا بنتي يا رب و شكرا يا ندى إنك جيتي النهارده حقيقي فرقت جدا في نفس جنة
أنا شايفة بقت احسن …
شكرا على ايه بس يا طنط جنة زي أختي بالضبط وربنا يعلم معزتها في قلبي وهي عارفة ب ده من زمان
جميلة حبيبتي ربنا يسعدكم أنتم الاثنين يا رب ويقدم اللي في الخير لكم انتي لازم تقعدي معانا عشان نتغدى كلنا سوا …
ندي تسلمي لي يا طنط مش عايزة اتعبك والله
لا تعب على حاجة يا حبيبتي أنتي زي جنة بنتي أنا أسيبكم دلوقتي وهنزل أجهز الغدا
وبتنزل جميلة عشان تجهز الغداء …
وجنة و ندى بيفضلوا قاعدين يتكلموا سوا ويضحكوا ويهزروا كل واحدة بتحكي اللي في قلبها…
ربنا بعت ل جنة ندى في الوقت المناسب عشان تهون عليها بتخليها تضحك و شالت من عليها شوية لأنها كانت محتاجة تتكلم كانت محتاجة اللي يسمعها …
بعد شوية بتنادي جميلة عليهم عشان ينزلوا وبيسعدوا
جميلة وبياخدوا الأطباق يحطوها على السفرة وجنة بتعدل السفرة …
وهنا طالعة ندى من المطبخ وشايلة طبق الاكل وماشية ناحية السفرة …
ندى بتتصدم و هي واقفة وفي لحظه كان الطبق وقع منها وبتصرخ اول م بتشوف…