رواية الغرور والحديد الفصل التاسع9 بقلم فاطمة محمود
دخل هشام الشقة وكان في أثار التراب من التنضيف حط إيده علي وشه بضيق: يعني النهاردة اللي افتكرتوا تنضفوا
لما ابقا موجود
سمعته هاجر من البلكونة: ما انت طول عمرك موجود دا العادي ايه الجديد
سمع كلامها هشام وراح البلكونة وقف وبصلها: قصدك ايه
هاجر: قصدي انك فاشل مش بتعمل حاجه عدله في حياتك
ابتسم هشام بسخرية: طيب ونتي ايه اللي مقعدك هنا مش خايفه من منصور يطلع يتخانق معاكي من غيرته عليكي
هاجر: انا اقعد في المكان اللي عايزة
هشام: شكله مزعلك جامد
سكتت هاجر وهي باصه لشارع
هشام: طول عمري كنت بقول لنفسي يا واد يا هشام طالع لمين انت مبترتحش غير لما تعمل اللي في دماغك واتاكدت دلوقتي اني شبهك يا جميل
هاجر: شبهي ياريت دا انا كنت هطير من فرحتي
هشام: هنعمل ايه في الاخر ابنك مفيش قدامك حاجه غير ترضي بنصيبك
اتفتح الباب وبص هشام علي ياسر وكانت ملامحه مدايقه
هشام: اهو جيه ابن أمه
خرج هشام من البلكونة ووقف قدام ياسر: عامل ايه يا ياسو
بصله ياسر وسابه وراح البلكونة لما لمح هاجر
هشام: عيل تافه انا غلطان أن بتكلم معاك
سابهم ودخل اوضته رزع الباب وبص قدامه شاف دنيا بصاله
بخضه وصدمه
هشام: دنيا..!
في البلكونة
قاعد ياسر علي الكرسي قصاد هاجر
حطيت ايديها هاجر علي ايديه: مالك يا حبيبي
ياسر: مدايق يا امي
هاجر: ايه حصل يدايقك بالشكل دا يا قلب امك
ياسر: هو ليه بيحصل كل دا معانا ليه حياتنا ما تبقاش عاديه من غير اي مشاكل يعني دي حاجه صعبه لدرجادي
هاجر: حياتنا اتغيرت من سنين ونت اتعودت وعمرك
ما اشتكيت يا ياسر
ياسر: تعبت من كتر المشاكل كل حاجه زفت وبتبقا اوحش
اكتر يوم عن يوم كنت فاكر لما ابين اني اتاقلمت مع الوضع هيتغير حاجه بس مفيش اي حاجه هتتغير
المشكلة اني مفيش في أيدي اي حاجه اعملها أو اصلح من
اللي اتكسر انا عاجز وحاسس اني هفضل كدا
هاجر: بص يا حبيبي كل حاجه قادره تتغير في ثانيه وحده
في الدنيا دي يمكن هتتاخر بس هتحصل خلي املك في ربنا
كبير هو قادر علي كل شي
ياسر: يارب
هاجر: ايه الحاجه المديقاك كدا عشان الموضوع دا مربوط بيها
ياسر: مفيش حاجه يا ماما انا بتكلم عموما
هاجر: يا واد دا انا حفظاك
ابتسم ياسر: اوعدك اني عمري ما هعمل حاجه غلط
هاجر: متاكده يا حبيبي ربنا يسعدك ويريح قلبك
مسك ياسر ايد هاجر وباسها: متحرمنيش من دعوتك دي ابدا
هاجر: قلبي معاك في كل وقت يا ابن قلبي
ياسر: طيب يا حبيبتي انا هقوم ادخل اوضتي اغير هدومي
هاجر: انا بقول خليك هنا البيت لسه مكركب شويه هقوم بس اشوف اوضتك لو فيها حاجه
ياسر: طيب ما تقعدي انتي ونا هعمل دا بدالك
هاجر: مقدرش انت عارف مبعرفش اقعد غير لما اشتغل شغلي بيتي بنفسي
ياسر: عارف بس هساعدك
هاجر: ناوي علي تعب انت يا ابن هاجر
ياسر: اللي يبقا عنده ام زي هجوره يتعب السنين كلها
هاجر: حبيب قلبي اللي مريحني في الدنيا دي
ابتسم ياسر: طيب يلا بينا
هاجر: يلا
خرجت هاجر من البلكونة هي وياسر وبدأ ياسر يحرك اثاث البيت ويحطوه مكان ما هاجر عايزة
في اوضه هشام
بصتله دنيا بخوف ومشيت خطوات تجاه باب الاوضه
حط هشام أيده قدامها قبل ما توصل
هشام: دنيا انا حابب اتكلم معاكي
دنيا: انا شايفه مفيش اي كلام نتكلم فيه
هشام: بس انا شايف ان فيه
رجعت دنيا خطوة وهي بتحاول تبعد عيونه عنه
هشام: انا مش عارف ابدا منين أو اقول ايه بس بجد انا آسف علي اللي حصل والله ما كنت عايز اعمل كدا
دمعت عيونها دنيا: مفيش اي حاجه هتتغير من اللي حصل
هشام: عندك حق في كل كلامك بس انا عمري ما عملت كدا معاكي يا دنيا انا كنت شارب ومكنتش في وعي ومش عارف انا بعمل ايه وحاولت اتكلم معاكي الفتره اللي فاتت مقدرتش
أقف قدامك واقولك كلامي دا انا آسف انسي اللي حصل
عشان خاطر علاقتنا
دنيا: علاقتنا.. احنا من أمتي كان في بنا علاقة انتي واخدني شفقة يا هشام عمرك ما حبتني ولا عاملتني اني خطيبتك
عمرك ما حسستني اني بنت ينفع اتحب وكنت بشوف معاملتك وبسكت عشان
سكتت دنيا ودموعها نزلت غصب عنها: عشان بحبك للأسف
بصلها هشام بتأثر وقرب منها اخدها في حضنه: متعيطيش
حطيت ايديها دنيا علي كتفه ودموعها بتنزل فاقت لنفسها وبعدته عنها وبصيت بعيد عنه
هشام: انا اسف أن حضنتك انا كنت عايزك تهدي
دنيا: انا هاديه عن ازنك
مسك هشام ايديها: سامحتيني
بصتله دنيا وسحبت ايديها وخرجت من الأوضة وقفلت الباب
ضحك هشام: والله يا دنيا ما في اسهل منك اكيد اتصالحت
بس هتكابر دلوقتي في الاخر متقدرش تعيش من غيري
قعد علي السرير ونام: دلوقتي الحضن دا مش هتقدر تنسي
بس مكنتش عارف أن حضنك حلو كدا يدودو
ضحك تاني ورن الفون بتاعه رد بسرعة: حبيبة قلبي وحشتيني
برا الأوضة في الصالون
وقف دنيا لما شافت ياسر وهاجر بيتكلموا سوا وبصولها اول ما طلعت
ركز ياسر علي ملامحها وشاف اثر دموعها: انتي كويسه
يا دنيا.. كنتي بتعملي ايه جوا والزفت دا كان معاكي
دنيا: ياسر انا مش عايزة اتكلم دلوقتي لو سمحت انا ماشية
مشيت دنيا وخرجت من الشقة
بص ياسر لاوضة هشام ولسه هيمشي تجاها مسكت ايديه هاجر: بلاش تتخانق معاه اكيد اتكلموا مع بعض وحاولوا يحلوا المشكلة
ياسر: مشكلة ايه اللي تتحل يا امي ابنك دا عمره ما هيحس بيها ولا هيتغير
هاجر: ياسر ممكن تسمع كلام امك وتسيبه في حاله اكيد هو مدايق دلوقتي
ياسر: هشام يدايق.. حاضر يا امي انا هسكت
~~~~~
في ورشة الاكسسوارات
الورشة هديت أخيراً بعد دوشة طول اليوم بواقي الخرز الدهبي واقع على الأرض
نيللي فردت ضهرها بتعب وسيليا قاعدة على الكرسي الهزاز ماسكة موبايلها مقلوب على رجلها وعينها مش عليه عينها على الباب
نيللي وهي بتلم العلب: جوعت اوي.. ما تيجي ناكل أي حاجة في الكافيه اللي جنبنا
سيليا هزت راسها من غير ما تبصلها: اوك
نيللي وقفت وبصتلها كويس هي حافظة سيليا لما بتسرح كدا
نيللي: سولي.. مالك
سيليا انتبهت وعدلت قعدتها: مفيش
نيللي قربت وقعدت قصادها: لا في... بتفكري في عمار
سيليا اتنهدت بتعب: لا مش بفكر فيه
سكتت ثانية وبصت للفون
سيليا: رنا كل شوية تكلمني ومش عارفة ارد عليها
نيللي مسكت ايدها: بصي يا سولي.. لو هتتعبي بلاش تردي بس لو هتردي من باب الذوق ردي بكلمتين واقفلي متديش فرصة لأي كلام يرجعك لنفس الدوامة تاني
سيليا بصت لنيللي وابتسمت لأول مرة من الصبح: عندك حق
نيللي قامت وشدتها من ايدها: يلا.. قومي نفك شوية شكلك محتاجة تاكلي وتفصلي
سيليا قامت وهي ماسكة ايدها: يلا
~~~~~
في مطعم من مطاعم كمال المنياوي كان قاعد في مكتبه
وبيخبط الباب وقاله كمال اتفضل
اتفتح الباب ودخل نبيل المصري: انا قولت نستني يا راجل
وقف كمال وقرب منه: معقول الكلام اللي بتقوله دا يا نبيل
سلم عليه نبيل: في كل مره بستني منك رد بطنشني
كمال: مشغول في الشغل يا نبيل.. اتفضل اقعد
قعد نبيل: ما كلنا مشغول يا راجل ومع ذلك لازم نشوف حبايبنا ونتكلم معاهم
كمال: يا راجل معقول اللي بتقوله دا انت عارف ضغط الشغل
نبيانا ولا يهمك انا قولت اجي اشوفك بنفسك.. اخبارك واخبار الشغل ايه وطمني علي نيللي
كمال وهو بيكدب: الحمدلله كله بخير لسه شفتها النهاردة زي الفل وبتشتغل علي الشغل اللي نزلته جديد
نبيل: ما انا متابع وتيم مصدعني بكل شغلها
نهي كلامه نبيل بضحكه
ابتسم كمال: ابننا وبراحته
نبيل: كنت جاي اشوف الشغل إخباره ايه بس قبل دا جاي
لحاجه اهم من كدا
كمال: حاجه ايه
نبيل: تيم ونيللي الولد عايز ياخد خطوة معاها
كمال: اكيد هيحصل انت اول ما قولتلي انا بلغتها وهي كانت مرحبه بالموضوع جدا وحابه كمان بس عايزة شوية وقت
ترتب شغلها عشان تعرف تاخد الوقت يتعرفوا فيه علي بعض
كويس
نبيل: طيب انا هبلغ تيم بالكلام دا اهو بهدي شوية وان شاء الله قريب يبقا في قراية فاتحة
كمال: أن شاء الله.. تحب تشرب ايه
نبيل: عايز قهوة
كمال: أوامر
~~~~~
في فيلا شاهين الصياد
شاهين ومرام قاعدين في حضن بعض في الريسبشن بيتفرجوا على فيلم
دخل إلياس الفيلا وشافهم: بتتفرجوا على ايه
مرام قامت من حضن شاهين وقربت على إلياس باست خده: الحمدلله على سلامتك حبيبي، كيف كان يومك؟
إلياس: كويس
شاهين بغيرة مصطنعة: طب يرضيك كده اهو اخدها من حضني يا استاذ إلياس
إلياس: هي لمين غير ليك في الآخر يا شاهين بيه
مرام وهي بتشد خد إلياس: صرت بتعرف تحكي كمان
إلياس: يا ماما انا بقيت كبير على الحركات دي
مرام: انت لو بتصير شحط رح تضل صغير بعيوني لا تكتر حكي ويلا روح غيّر تيابك وانزل الأكل صار جاهز
إلياس: تمام
طلع إلياس على جناحه ورجعت مرام قعدت جنب شاهين
شاهين: بدل ما انتي عمالة تدلعي في ابنك دلعي جوزك شوية
مرام: طول عمرك نكّار يا شاهين كل هاد وما عم بعمل شي
شاهين ضحك: بهزر معاكي يا مرامي
~~~~~
ورشة الحديدي بالقاهرة
الريحة كلها زيت وشحم وصوت المفاتيح بيخبط في الأرض
عمار واقف قدام عربية وهدومه كلها متوسخة: حسن خلص شغلك في أسرع وقت عشان النهاردة هنرجع السيدة زينب
طلع حسن من تحت العربية وقعد: ايه نرجع ليه
عمار: احنا بقالنا كتير هنا والشغل مش لازم يقف هناك
حسن: جلال وخالد شايلين المسؤولية
عمار: عمي جلال مش هينفع لوحده
حسن: بقولك معاه خالد
عمار: ما انت عارف خالد مالهوش خبرة في شغلنا وحتي لو عرف لازم حد مننا يبقا هناك وهنا الشغل ماشي تمام وأحمد
شايل كل حاجه فلازم نرجع
حسن: خالد دا اللي مستقل بيه هنرجع وهنلاقيه موقف الورشة كلها علي رجله
عمار: حسن انا عارف اللي بتفكر فيه ومش هيحصل
حسن: انت عرفت انا بفكر في ايه انا بس عايز نخلص كل الشغل اللي هنا
عمار: لا والله ما الشغل ماشي تمام اهو
حسن: لا في شغله مش عايز تمشيه ابدا
عمار: خلص الشغل بتاعك دا
مشي عمار وبصله حسن: طول عمرك دماغك ناشفة
~~~~~
دخلت خديجة السيدة زينب وعدت قدام ورشتهم وشافت
خالد واقف: هو اللي انا شايفة دا صح
بصلها خالد: ايه رايك بقا انفع ولا منفعش
خديجة: تنفع فين يلا روح علي شغلك هو عشان وقفت
في الورشة كام ساعه هتفتكر نفسك بقيت ميكانيكي
خالد بغيظ: تصدقي انا غلطان اني خدت رايك
خديجة: مش دي الحقيقة فكرك لما هتوسخ هدومك تبقا
كدا ميكانيكي
خالد: يعني اللي ميكانيكية دلوقتي نزلوا من بطن امهم متعلمين ما كله خد وقته
خديجة: بس عارف تعجبني جدعتك مش سايب جلجل لوحده وخدت إجازة النهاردة عشانه ابن عيلة الحديدي
بحق
خالد بغرور: هو في زيي
خديجة: وبعدين في الغرور اللي بشوفه النهاردة يا اخي
عليا متنرفزنيش
ضحك خالد: دا انتي متعصبة بجد مالك يا ديجا
خديجة: اتمرمطت النهاردة في الشغل
خالد: نعملك ليه ما احنا عايزين نجوزك مش راضية ومتمسكه بالشغل
خديجة: هو انت هتقبل علي آمنة كدا ليه مش كفايه لما اطلع
خالد: والله صعبانة عليا
خديجة: ميصعبش عليك غالي.. هو بابا فين
خالد: جوا
خديجة: ادخل اشوفه
خالد: اطلعي يلا يابت تدخلي تشوفي مين في رجاله جوا ويلا عشان الناس اللي واقفة دي
خديجة: ماشي يا سيد الرجاله
ابتسم خالد ومشيت خديجة
اول ما دخلت العمارة مسكت ضهرها وافتكرت وقعة نديم ليها في الكلية فبرطمت: روح ربنا ياخدك يا بعيد ما تتنهي في حياتك ولا تدوق طعم الراحة ابدا
وصلت خديجة لشقتهم ولقيت باب شقة عمها قاسم موارب
فتحت الباب ودخلت وراحت اوضة رنا فتحت الباب رمت خديجة الدفتر علي السرير وهي لسه ماسكة ضهرها: خدي دي محاضرات صاحبتك اللي روحت الكلية مخصوص عشانها وآخرتها وقعت علي ضهري
قامت رنا من علي الكرسي وبصت لخديجة قعدت علي السرير وماسكه ضهرها: ايه اللي وقعد علي ضهرك يا خوخا
خديجة: منه لله اللي كان السبب سيبك مني هو حصل ايه
معاكي
رنا: اتخانقنا
خديجة: ما انتوا شفتوا بعض عشان تتصالحوا
رنا: يدوب لسه هيصالحني انا عكيتها وزعل مني
خديجة: انا عارفه انتي مترتحيش غير لما تحصل مشكلة
رنا: يا خوخا والله ما كان قصدي
خديجة: وهببتي ايه المره دي
رنا: قولت كلام مش حلو عن أبوه
خديجة: ونت مالك ومال منصور مش تركزي في ابنه اللي زهقتينا فيه معاكي
رنا: يعني بدل ما تهديني بدايقيني اكتر بجد انتي مستفزه
خديجة: معلش يا رينو والله انا ما عارفه افكر في أي حاجه
بسبب وجع ضهري
رنا: ايه اللي حصل نديم السبب
خديجة: هو في غيره الزفت دا كل ما اروح الكلية تلاقيه في وشي مش عارفه هو دكتور بجد ولا بيستظرف شايف نفسه محصلش ومغرور علي الفاضي
رنا: طيب وهو وقتك ليه
خديجة: انا خبطت فيه وفضلت اقول عنه كلام واول ما مسك ايدي وقعني
ضحكت رنا: معلش يا خوخا حقك عليا انا السبب
خديجة: محصلش حاجه انتي حاولي تصلحي وهدي الجو شوية
رنا: حاضر.. بس غريبة هو بيتعامل معاكي كدا ليه ونتي شاغله باله
خديجة: هو مين دا
رنا: نديم سالني عليكي قبل كدا وقالي كمان اسمك بالكامل وبتشتغلي ايه وكلام ونا اتصدمت منه
خديجة: انتي عببطة يا رنا ما ممكن اي حد يعرف المعلومات دي عادي
رنا: بس انا حاسه أنه مش مجرد بس عرف معلومات عنك
خديجة: بلاش تتكلمي عنه لانه مش طايقة اسمعه اسمه
رنا: حاضر
خديجة: هروح انام شوية لاني تعبانة
رنا: ماشي يا خوخا
قامت خديجة وطلعت من الأوضة وطلعت رنا معاه
خديجة: سلملي علي عمي قاسم وهجيلك تاني
رنا: يوصل يا حب
طلعت خديجة وقفلت باب الشقة وخبطت رنا علي باب
اوضة باباها ودخلت
كان قاعد قاسم علي السرير ماسك مصحفه وخلص الآية وقفله بص لرنا بابتسامة: في حاجه يا حبيبتي
قعدت رنا قصاده علي السرير: هو لازم يكون في حاجه
عشان اشوف قمري
قاسم: انتي تشوفيني وقت ما تحبي يا رينو
رنا: قلب رينو انت.. قاسومي
قاسم: نعم يا حبيبتي
رنا: تعال نقعد في البلكونة ونتكلم مع بعض
قاسم: حاضر بس كدا
رنا: هات ايديك اساعدك
مسك ايديها قاسم وساعدته رنا يقوم وخرجوا من الأوضة
~~~~~
كان هيدخل خالد جوا الورشة وقف علي صوت ياسر: بتشتغل من ورايا يا واطي طيب خدني معاك
ضحك خالد: بس كدا انت تنورني
ابتسم ياسر: ايه الحلاوة اللي انت فيها دي
خالد: دي حلاوة عيونك يا ياسورة عمار وحسن في القاهرة ونا قولت انزل اساعد عمك جلال
ياسر: طول عمرك جدع ياض
خالد: حبيبي.. رايح فين كدا
ياسر: والله زهقت قولت انزل اشم شوية هوا نضيف
خالد: احنا عندنا هوا نضيف بس كله بحسابه
ابتسم ياسر وسكت
خالد: مختفي بقالك ايام يعني كنت فين كل دا
ياسر: اسكت يا خالد والله ما عارف الاقيها من فين ولا فين
المشاكل نازلة علي راسي وحده وراه التانية قرفت يا اخي
خالد: حصلت حاجه تاني
ياسر: لا
خالد: يبقا تستهدي بالله وأرمي ورا ضهرك هدايق نفسك ليه
ياسر: مش كل حاجه ينفع تترمي يا خالد
خرج جلال من الورشة وبص علي ياسر: ازيك يا ياسر عامل ايه يا حبيبي
قرب منه ياسر وحضنه: الحمدلله انتي عامل ايه يا عمي جلال
جلال: هدومي وسخة عليك يا ابني
ياسر: متقولش كدا على قلبي زي العسل
جلال: تسلملي يا ابني.. واحشنا يا ياسر
ياسر: ونت كمان والله يا عمي جلال
جلال: عن ازنك يا حبيبي اقعد شوية مع خالد
ياسر: حاضر
رجع جلال لشغله ورجع وقف ياسر مع خالد
خالد: نجيب كرسيين ونتكلم شوية
ياسر: لا انا مش جاي اعطلك وبعدين شكله الشغل كتير
المفروض جاي تساعد عمي جلال مش جاي منظره
خالد: ياعم جاي منظره متصدعنيش اترزع خلينا نتكلم كلمتين علي بعض
ضحك ياسر ورفع عينه بالصدفة على بلكونة عم قاسم لمح رنا واقفة بتبص عليه
شال عينه بسرعة وقعد على الكرسي كأنه مشافهاش
فوق في البلكونة...
رنا فضلت واقفة مكانها وعينها لسه عليه
قاسم: هو ياسر دا اللي قاعد مع خالد
رنا وعيونها لسه عليه: ايوا هو ياسر
قعدت رنا علي الكرسي وبصت لقاسم: بابا هي ليه ماما قطعت علاقتها لخالتي
قاسم: ومين قالك أنها قطعت علاقتها لسه بتكلمها بس كل فترة ونا طلبت منها تكلمها علطول دي في الاخر اختها مالهاش غيرها
ابتسمت رنا: انت بجد مفيش زيك يا قاسومي بعد كل اللي حصل مخليتش ماما تقطع علاقتها بيها رغم أنه جوز خالتي عمل كدا
قاسم: يمكن عنده أسبابه الخاصه
رنا: انت طيب اوي يا حبيبي وحنين ومفيش منك اتمني اتجوز واحد زيك في كل حاجه حتي جماله
قاسم: ربنا يكتبلك الاحسن مني يا حبيبتي
رنا: مفيش احسن منك اصلا يابخت هدهد بيك
أبتسم قاسم ومسك ايد بنته وباسها قربت منه رنا وحضنته
~~~~~
دخلت امل من البلكونة وبصت لنادية كانت قاعدة حاطه أيديها علي خدها
امل: ياسر قاعد مع خالد
بصتلها نادية: ما هما صحاب طول عمرهم
امل: بس الغربية خالي جلال خده بالحضن دا مبيطيقش سيرة ابوه
نادية: ياسر غير أبوه خالص الناس كلها عارفة كدا
امل: فعلا مختلف تماما.. هو عمار اتاخر كل دا ليه اكلمة واسأله امي جاي
نادية: انتي اتجننتي يابت
قعدت امل: اعمل ايه يعني ما انا ادايقت من طول غيابه
نادية: ونتي عايزة ايه يفضل قاعد جنبك
امل: عايزة اتجوزو انا خلاص مبقتش قادره وهروح اطلبة من خالي
نادية: عشان تفضحينا في السيدة والناس تاكل وشنا
ويقولوا بنت عبدالله العطار راحت تطلب ابن خالها
امل: طيب يا نادية اما نشوف اخرتها معاكي تعالي ننزل نقعد شوية مع حريم خوالي
نادية: لا انا تعبانة ولا قادرة انزل ولا اطلع
امل: انتي كويسه محتاجه لدكتور
نادية: لا كويسة متقلقيش
امل: طيب انا هنزل اقعد شويه واطلع بعدين
نادية: ماشي
~~~~~
في شقة نيللي
سيليا نايمة على الكنبة ونيللي قاعدة قدام اللابتوب
سيليا قامت مرة واحدة: نيللي أنا بفكر أرجع أمريكا
نيللي بصتلها ورجعت بصت اللابتوب: انسي
سيليا: انا بتكلم بجد انا مش لاقية نفسي هنا يا نيللي حاسة اني غريبة عن مصر
نيللي: اتعودت على وجودك يا سيليا انتي الوحيدة القريبة مني كمال بيه عمره ما سأل عليا غير لمصلحته متمشيش انتي كمان
سيليا مسكت ايدها: هفضل أكلمك كل يوم زي الأول والله
نيللي سكتت واتكلمت بعد ثواني: طيب يا سيليا بس ممكن مش دلوقتي خليني اتقبل الموضوع خليكي اخر الشهر امشي وتكوني رتبتي كل امورك
سيليا: تمام
غيرت الموضوع نيللي عشان متتاثرش: في رقم مش مبطل رن عليا وكل ما اعمل بلوك يرن من رقم مختلف
ضحكت سيليا: دا عاشق مجهول دا ولا ايه
نيللي: متوصليش الموضوع للعشق
سيليا: نعم دا انتي تتحبي ونص كمان
بصتلها نيللي ودموعها نزلت قربت منها سيليا وحضنتها: متعيطيش يا نيلو عشان خاطري
هزت راسها نيللي وفضلت حاضنه سيليا
~~~~~
في منزل قاسم الحديدي
كان قاسم قاعد في البلكونة لوحده بعد ما رنا دخلت اوضتها
دخلت هدي الشقة تطمن عليه شافته في البلكونة راحت عنده: قاسم قاعد هنا لوحدك ليه
قاسم ابتسم: ايه الحلاوة دي يا هدهد
ابتسمت هدي: شوف الراجل انا بكلمه في ايه وهو بيقول ايه
قاسم: اعمل ايه يعني ما انتي اللي قمر دي مشكلتك
هدي: يا سلام
قاسم: اها والله
هدي: طيب قولي ايه جابك هنا مش كنت قاعد في اوضتك
قاسم: كنت قاعد مع رنا ودخلت من شوية اوضتها
هدي: طيب وتسيبك لوحدك ليه الجزمة دي
قاسم: طيب ما البت بتفهم دخلت ونتي جيتي كان وجودها
مش هيبقا لي اي لازمه
هدي: قاسم وبعدين معاكي
قاسم: طيب ممكن تساعديني ادخل اوضتنا
هدي: حاضر يا حبيبي
ساعدته هدي ودخلوا اوضتهم سوا
~~~~~
خبط باب شقة نيللي وطلعت من أوضتها: ايوا جايه
فتحت الباب وكان شاب معاه ورد ابيض: اتفضلي يا آنسة
الورد دا ليكي
نيللي: حضرتك اكيد غلطت في العنوان دا مش ليا
الشاب: حضرتك مش دا الدور الخامس
نيللي: اكيد غلطت في الشقة برضو
الشاب: يا انسة حضرتك تبقي نيللي كمال المنياوي
نيللي: ايوا انا
الشاب: يبقا اتفضلي عشان مستعجل
حط الشاب الورد علي ايد نيللي ومشي
نيللي: استني يا استاذ
خرجت سيليا من اوضتها ووقفت جنب نيللي: لمين الورد دا
نيللي: مش عارفه الشاب جابه ليا وقالي ليكي
سيليا: طيب ما تشوفي يمكن عليه كارت
نيللي: مش عليه اي حاجه
سيليا: مش مهم اهم حاجه انك انبسطتي
نيللي: وانبسط ليه
سيليا: يوو يا نيللي ما الورد حلو
نيللي: خديه انتي يا سيليا مش عايزة
سيليا: دا انتي بت قفل انا هنزل
نيللي: راحه فين انتي كمان
سيليا: هنزل اغير جو تنزلي معايا
نيللي: ياريت بس معايا شغل
سيليا: طيب انا مش هتاخر
نيللي: خدي بالك من نفسك وكلمي البنات يسهروا معاكي
سيليا: اوك باي
نيللي: باي
نزلت سيليا وقفلت الباب نيللي
خرجت سيليا من العمارة وشغلت عربيته بالمفتاح
وقفت اول ما شافت عمار واقف قدامها وبيبص في
الشارع وماسك ورد في ايديه
فضلت تبصلة شويه
عمار كان بيكلم نفسه: منك لله يا حسن.. طيب اعمل في الورد دا دلوقتي
سيليا قطعت كلامه: هتفضل تكلم نفسك كتير
اتلفت عمار اول ما شافها سكت ومعرفش يتكلم: مسا الخير
قربت سيليا خطوة منه: مسا الخير.. هو حضرتك جاي تشوف حد ومش عارف عنوانه
عمار: بصي يا سيليا مبعرفش الف وادور كتير انا جاي اشوفك
سيليا: ايه اللي خلاك تغير رايك
عمار: عشان وحشتني.. وآسف علي اللي عملته المره اللي فاتت كان المفروض اجي
سكتت سيليا وبصت للورد: الورد دا ليا
عمار: ايوا اتفضلي
اخدت سيليا الورد من عمار: شكله حلو
عمار: انتي احلي
ابتسمت سيليا وفضلت تبص للورد
تنفس عمار قبل ما يتكلم: بحبك يا سيليا
رفعت سيليا عيونه عليه وضحكت بعدم تصديق: دا بجد
عمار: ايوا بجد للاسف
ضيقت سيليا عيونه وابتسمت فجاه وقربت منه كام خطوة واتفاجي عمار بحضن سيليا اللي مكانش متوقعة بص حواليه وركز معاه احساسه وهي قريبه منه واتجاهل اي حاجه تانيه ومفكرش للحظه غير فيها وحط ايديها علي ضهرها وضمها لي وابتسم
فرحت سيليا برد فعله من قربها ليه وغمضت عيونها وهي حاسه باحساس غريب وهي في حضنه وبعدت عنه بعد دقايق لاكن كانت في نفس الوقت لسه قريبة منه ووشها قريب من وشه
اتكلمت بطريقة هادئة ورقيقة: تعرف اني كنت مستنية اللحظة دي من زمان كان عندي احساس ان عمرك ما تتخلا عني أو تفكر تنساني
عمار: دا مش معناه اني هفضل معاكي
بعدت سيليا عنه: يعني ايه كنت بتكدب عليا
عمار: انا عمري ما اكدب في حاجه زي دي بس انا عندي شغلي وحياتي وفي فرق كبير بنا مش عارف الخطوة اللي
حصلت النهاردة دي اخرتها ايه وفي نفس الوقت مش عايز
اجبلك مشاكل انتي فهماني صح اكيد
سيليا: لا مبفهمش لما تتكلم بالطريقة دي وانسي كل كلامك
دا انا مفيش اي مشكلة من ناحيتي
عمار: متمسكة بيا
سيليا: جدا
ابتسم عمار: كنتي نازلة فين
سيليا: زهقت وكنت نازله اغير جو
عمار: طيب اطلعي دلوقتي وهكلمك اول ما اروح
سيليا: اوك
مشيت سيليا ودخلت العمارة وهي بتبص وراها علي عمار ابتسم ليها واستني لحد ما طلعت وركب عربيتة ومشي
~~~~~
واقفه رنا قدام شباك اوضتها والفون علي ودنها
بترن علي ياسر ورد عليها
رنا: مبتردش عليا ليه
ياسر: طيب عامل ايه مساء الخير الاول
رنا: رد عليا يا ياسر مبتردش ليه
ياسر: رجعت من الشغل لقيت الشقة مقلوبة فوق تحت ساعدت امي وبعدين اكلت ودخلت انام صحيت نزلت شوية وشوفت خالد قعدت معاه رجعت البيت اول ما رنيتي دخلت اوضتي وبكلمك
رنا: انا فين من كل دا
ياسر: ما انا حكيتلك يا رنا اشرح ايه تاني
رنا: انت عايز تفهمني مفضيتش دقيقة وحده تكلمني بعد مليون مكالمه مني
ياسر: كنت هكلمك
قاطعته رنا: كنت اها تمام يا ياسر
ياسر: حاولي تفهميني مكنتش فاضي
سكتت رنا
تنهد ياسر: يعني انتي الغلطانه ولازم انا اللي اصالح
رنا: ونا غلطت في ايه ما انت اللي بتتغير
ياسر: انا زعلت منك يا رنا ومش فكرة اني مرديتش عليكي يبقا بتغير معاكي انا مدايق ومش عايز اخسرك بعصبية مني غصب عني
رنا: بجد
ياسر: بجد يا هبلة
رنا: متزعلش مني يا ياسر والله ما اقصد انت عارف اني مبفكرش في أي كلمة بقولها بذات معاك انت ياريت لو تفهم
انا بحبك ازاي
ياسر: ايه مش سامع
رنا: بقولك متزعلش مني
ياسر: ياستي دي سمعتها انا عايزة اسمع اخر كلمه
ضحكت رنا: مقولتش حاجه
ياسر: رنا قوليها
سكتت رنا وفجأة جيه صوت من عند باب الأوضة
قام ياسر وكان الباب مفتوح شوية وواقعه مقشة
رنا بخوف: في ايه
ياسر: مفيش دي المقشة وقعت
رنا: هو في حد سمعنا
ياسر: لا مفيش حد اكيد وقعت بالغلط
رنا: متاكد
ياسر: ايوا متاكد.. كنا بنقول ايه
رنا: ولا حاجه
ياسر: بتتهربي من الموضوع يعني طيب انا مش متنازل اني اسمعها
ياسر: بحبك حلو كدا
ابتسم ياسر: ونا بعشقك
نام ياسر علي السرير واتوجع من ضهره
رنا بقلق: ياسر في ايه
ياسر: كويس يا حبيبتي
رنا: كويس ازاي ونت بتتوجع كدا
ياسر: لا بس لما ساعدت النهاردة هجورة في نقل الكنب وباقي البيت ضهري محستش بيه غير دلوقتي
رنا: امم طيب كويس خلي هجورة تتعلم فيك لحد ما اجي
انا عشان محدش هيشيل شغل البيت غيرك
ياسر: بس كدا من عنيا
رنا: طيب نام دلوقتي وبكرا اكلمك اطمن عليك
ياسر: ماشي يا حبيبتي
~~~~~
دخل عمار الشقة وكان النور الشقة مطفي وفجاه نورت اباجورة وكان قاعد حسن علي الكرسي
عمار: ايه جو الرعب اللي انت فيه دا يا حسن
حسن: كنت فين يا استاذ
عمار: وكمان متعصب لا دي فيها حكاية
حسن: رد عليا ونا بكلمك يا عمار متنساش اني عمك
عمار: حلو الدور بفكر اقدملك في ورشة تمثيل
حسن: بتتريق كمان
عمار: ما انا كنت بهبب اللي طلبته مني
حسن: وانا امتي طلبت منك حاجه
عمار: انت نسيت الموضوع
حسن: انت قصدك سيليا
عمار: ايوا
حسن: والله ما مصدق ازغرط طيب ولا اعمل ايه
عمار: يجدع مش لدرجادي اتحزم بس
حسن: هعملها لما تفرحني الفرحة الكبيرة
عمار: طيب انا هدخل انام دلوقتي عشان اعرف اصحي بدري
حسن: ماشي يا عمور تصبح على خير
عمار: ونت من اهله يا ابو علي
دخل عمار أوضته ورن علي سيليا
سيليا: الو
عمار: افتكرتك نمتي لما اتاخرت عليكي
سيليا: لا بس انت كنت بتعمل ايه كل دا
عمار: وصلت من شوية واتكلمت مع حسن كمان
سيليا: هو حسن يبقا ايه ليك بجد
عمار: عمي بس اكبر مني بسنة وحدة غلطة جدي سالم
ضحكت سيليا: بس باين عليه سكر
عمار: هو سكر فعلا
سيليا: عيتلك كدا فيها لفه كبيرة يا عمار ونت لازم تحكيلي
عمار: اكيد هحكيلك بس دلوقتي نامي
سيليا: انا ما بنامش دلوقتي
عمار: ليه
سيليا: مبعرفش
عمار: سيليا انتي عندك كام سنه
سيليا: دا لي علاقة بفكرة اني مبنامش
مشي عمار تجاه البلكونة ووقف فيها يبص علي الشارع:
لا بسال عادي
سيليا: عندي ٢٦ سنه
عمار: لا والله كنت فاكرك قد رنا
سيليا: لا انا اكبر من رنا سافرت اكتر من سبع سنين اكلم دراستي في امريكا وبعد ما خلصت دراسة فضلت هناك سنتين استقرت حياتي ورجعت بعد محاولات كتير من اهلي
عمار: يعني انتي بجد كنتي في امريكا
سيليا: ايوا
فضلوا يتكلموا ويحكوا لبعض عن بعض لحد ما سيليا نامت وعمار سمع صوت أنفاسها ابتسم ودخل ينام
~~~~~
في فيلا شاهين الصياد
الساعة ١ بالليل مرام قاعدة في الريسبشن لوحدها بعد ما إلياس طلع ينام كل شوية تبص من إزاز الفيلا على البوابة وتتصل على شاهين ومبيردش قامت تاني تبص: وينك
يا شاهين..
~~~~~
وصل نبيل المصري فيلته ودخل شاف تيم واقف قدام شباك
الجنينه
قرب منه نبيل ووقف قدامه: سهران لحد دلوقتي ليه
بصله تيم: مستنيك اتاخرت جدا كنت عايز أسألك عملت ايه
نبيل: البنت محتاجه شوية وقت
تيم: يعني هي موافقة
نبيل: ايوا هما شوية دلع بنات محتاجين يشوفوا لهفة الشاب عليهم
تيم: انا بعتلها علي الفيس ومقبلتش
نبيل: ونت فاكر نيللي منصور هتبص لادد.. انت لو عايز البنت دي بجد روح لابوها الاول اكسبه هي هتيجي لوحدها
تيم: اول مره بنت بنت تعجبني مبقاش عارف ابدا معاها ازاي
البنت دي مختلفة مش زي البنات اللي اعرفهم.. بس تفتكر
لو عملت كدا هتوافق
نبيل: مفيش بنت مبتحبش الراجل اللي بيعافر عشانها.. بس
خليك تقيل ابن نبيل المصري مبيجريش ورا حد
هز رأسه تيم
نبيل: هطلع انام ونت كمان عندنا شغل الصبح
تيم: حاضر
طلع نبيل علي السلم
وفضل تيم واقف مكانه يبص علي جنينة الفيلا وبيفكر في
نيللي
~~~~~
اليوم التالي...
في صيدليه الحياة
خديجة: الباقي حضرتك
البنت: شكرا
خديجة: اهلا وسهلا
خرجت البنت ودخل شاب
كريم: ازيك يا خديجة
بصتله خديجة بابتسامة: اهلا يا كريم عامل ايه
كريم: الحمدلله.. هنا فين
خديجة: لسه مخلصه شفت دلوقتي
هنا: ايه اللي جابك بدري كدا
كريم: قولت اعدي عليكي قبل ما اروح الشغل اوصلك البيت
هنا: ما تحرمش منك يا كيمو
خديجة: طيب خدها يا كريم وارحمونا من المحن دا
ضحكت هنا
كريم: عنيا
هنا: باي يا ديجا
خديجة: باي
مشيت هنا مع كريم وطلع معاذ من جوا: خديجة
خديجة: خضيتني ياعم في ايه
معاذ: ايه رايك نشرب اسبريسو مع بعض
خديجة: لا مش عايزة شكرا وسيبني في حالي
معاذ: انتي بترفضي ليه
خديجة: عايز الحقيقة
معاذ: ياريت
خديجة: عشان مش بطيقك ونا حاولت ابقا لطيفة باي شكل ونت منفعش معاك
معاذ: طيب يا خديجة آسف ليكي
مشي معاذ وبصيت خديجة عليه باستغراب اول مره ميرغيش معاها زي ما متعود
~~~~~
عمار كان بيتكلم مع احمد بس احمد مكانش مركز معاه
كان بيبص ورا عمار
لف عمار لقي سيليا واقفة مستنياه
عمار لاحمد: طيب امشي انت يا احمد دلوقتي
مشي احمد وبص عمار لسيليا: احنا فينا من كدا يعني
سيليا: عايزة اشوفك
عمار: طيب كلميني الاول
سيليا: ما لو كلمتك كنت هترفض قولت اجي واقولك صباح الخير
عمار: صباح الورد
ابتسمت سيليا
عمار: فطرتي ولا تحبي تفطري معايا
سيليا: انا مفطرتش وكنت احب بس في مشكلة
عمار: وايه المشكلة
سيليا: مبعرفش اكل الاكل اللي هنا
عمار: طيب ممكن تقوليلي الحاجه اللي حابة تاكليها
سيليا: ممكن ماك اند تشيز
عمار: حاضر
اتفاجئت سيليا: تعرفها
عمار: ايوا
اوك.. هو حسن فين
رفع عمار حاجبه
ضحكت سيليا: ايه بسال عادي
عمار: سيبك من حسن خليكي معايا انا
سيليا: هفكر
نهت كلامها سيليا بضحكة
~~~~~
في السيدة قدام ورشة منصور العطار
قاعد منصور والشيشة في ايديه مسك الفون ورن علي صبحي: ايوا يا صبحي ايه الاخبار
صبحي وهو بيبص حواليه في ورشة الحديدي وموطي صوته: مفيش جديد يا باشا جلال هو اللي ماسك الشغل
منصور: وعمار وحسن أمتي هيرجعوا
صبحي: بكرا هيوصلوا
منصور: خلي عينك في نص راسك اوعي تنكشفش
صبحي: متقلقش يا منصور بيه
منصور: ماشي
~~~~~
في أوضة الاجتماعات في شركة شاهين الصياد
شاهين بيخبط بإيده على الترابيزة: أنا أغيب يوم واحد عن الشركة، أرجع ألاقي العربيات لسه موصلتش
أنور: يا شاهين بيه هنسلمها في معادها
شاهين: في معادها ازاي وانت مأجلها من دماغك العربية فجأة بقت محتاجة تصليح
أنور: ايوه يا بيه ظهر فيها عطل فجأة
شاهين ببرود: قدامك ساعتين والعربية دي تبقى خلصانة فاهم
أنور: حاضر يا بيه
قام شاهين زق الكرسي وخرج على مكتبه
~~~~~
نزلت مرام ووقفت اخر السلم
مرام: هاله وينك
خرجت هاله من المطبخ: نعم يا هانم
مرام: ناديلي لعبد الرحمن بدي شوفو واعمليلي قهوة
هاله: حاضر يا هانم
مشيت هاله ومشيت مرام تجاه التراس
بعد شوية دخل عبدالرحمن
مرام: شاهين بيك ايمتي رجع مبارح المسا
عبدالرحمن: رجع حوالي الساعه ٣
مرام: شفتوا لما طلع الصبح
عبدالرحمن: ايوا الساعة ٧ خرج من الفيلا
مرام: طيب يعطيك العافية فيك تروح
خرج عبدالرحمن من الفيلا ومسكت الفون مرام ورنيت علي شاهين ومردش عليها ادايقت ورميت الفون علي الكنبة
~~~~~
في مكان هادي بعيد عن الدوشة الناس
قدام البحر قاعده سيليا علي العربية وساند عمار
علي العربية وباصص قدامه علي البحر
سيليا: عمار انت ساكت ليه
عمار: ممكن اقولك حاجه متزعليش مني
سيليا: اكيد
عمار: انتي ايه اللي لابسه دا
سيليا: دا استايلي في اللبس يا عمار
عمار: نغيره يا قلب عمار
سيليا: بس دي حاجه مستحيله عمار انت عارف انا قضيت نص عمري برا ودرست لبسي دا يعني دا العادي بتاعي انتي
عايزني ابقا وحدة تانيه
عمار: سيليا انتي عايزة علاقتنا تستمر
سيليا: اكيد
عمار: يبقا تحاولي معايا نشوف حل وسط انا مقدرش أفضل اشوفك كدا واسيب كل الشباب تبصلك ونا معاكي معلش يبقا مفيش عندي رجوله
سيليا: وايه دخل رجولتك بالموضوع دا يا عمار
عمار: انا بغير عليكي يا سيليا بدايق لما حد يبصلك بمسك نفسي بالعافية
سيليا: ده اسمه عقد
عمار: سميه زي ما تسميه بس حاولي تفهميني.. يلا عشان ورايا شغل
عمار: انتي رايحه فين
سيليا: هسوق
عمار: انا اللي هسوق اتفضلي
سيليا: تمام
~~~~~
فتحت الباب سيليا ودخلت الشقة
سيليا: نيللو
نيللي من المطبخ: تعالي انا هنا يا سيليا
مشيت سيليا تجاه المطبخ: بتعملي ايه عندك
نيللي: بعملك حاجه تاكليها عشان حضرتك مبتقدريش تأكلي اي حاجه تانيه
سيليا: دايما مدلعاني
ابتسمت نيللي: طيب ثواني والاكل يكون جاهز
سندت سيليا علي رخامه المطبخ: براحتك خالص.. نيللي
انا النهاردة هرجع الفيلا
سابت نيللي الطبق وبصتلها: ليه
سيليا: عارفه انك هتزعلي بس لازم ارجع اشوف مرام
وهرجع اشوفك تاني
نيللي: طيب تعالي عشان تاكلي
سيليا: أنتي مدايقه مني يا نيلو
نيللي: لا يا حبيبتي تعالي يلا
خرجت نيللي ومعاها طبق من أكل سيليا المخصص
وخرجت سيليا معاها
~~~~~
في فيلا شاهين الصياد
رايحه جايه مرام قدام التراس وهي أعصابها وقطع توترها دخول شاهين
قرب منها شاهين وباسها من خدها: مسا الخير يا حبيبتي
بعدته مرام: انت فاكر انه عندك بيت
شاهين: مرام انا علي اخري لو سمحتي مترسميش سيناريوهات من غير ما تعرفي حاجه
حسيت مرام بعصبيتة واتكلمت بهدوء: شو في شاهين
خبرني شو صاير
شاهين: مشكلة في الشغل ودا السبب اللي اخرني امبارح
مش طايق اتكلم انا هطلع اخد شاور ويبقا اتكلم بعدين
مرام: طيب حبيبي
سابها شاهين وطلع جناحه
~~~~~
واقف خالد في البلكونة بيشرب سيجارة دخلت خديجة فجأة
خديجة: يا لهوي انت بتشرب سجاير يا خالد
اتخض خالد وبص حواليه: وطي صوتك، حد هيسمعك
خديجة: طب ولما انت خايف بتشرب ليه
خالد: كل فين وفين مش على طول
خديجة: هقول لبابا
خالد: خديجة بطلي هبل اهي طفيتها اهو
خديجة: ايه اللي يخليك تشرب اصلا
خالد: الزهق بيعمل أكتر من كدا
خديجة: زهق ايه انت محاسب الصبح وميكانيكي بالليل الفلوس بتجري وراك
خالد: اها من فقرك وانا اقول الرزق ماله قل ليه أتاريكي انتي اللي باصة فيه
خديجة: اها باصة اوعى تنسى خروجة بكرة
خالد: مش ناسي يا اختي نفسي تتجوزي واخلص منك
خديجة: مش هيحصل قاعدة على قلبك
خالد: طب ايه اللي مسهرك لحد دلوقتي
خديجة: الساعة ١ بس
خالد: شكلك بتسهري وتنزلي تلفي في السيدة
خديجة: بفكر اعملها بس مستنية حد يشجعني
خالد: ورنا راحت فين ما هي نفس دماغك
خديجة: صح راحت من بالي
خالد: طب اطلعي نامي بدل ما ارمي الشبشب عليكي
خديجة: ماشي يا خالدو تصبح على خير
خالد: وانتي من اهله
~~~~~
وصلت سيليا الفيلا ونزلت من العربية
عبدالرحمن: حمدالله على السلامه يا هانم
مشيت سيليا من غير ما ترد عليه
عبدالرحمن: هي عيلة كلها قليلة زوق
دخلت سيليا الفيلا
سيليا: مسا الخير
شاهين ومرام: مسا الخير
مرام: ما عجبتك الاقامه عند نيللي كرمال هيك رجعتي بكير
سيليا: انا راجعه عشان الكلمتين دول بالذات
شاهين: نورتي يا حبيبتي
سيليا: ميرسي يا دادي هطلع انا انام
مرام: سيليا
سيليا: ايه
شاهين: مفيش حاجه يا حبيبتي تصبحي علي خير
سيليا: ونت بخير
طلعت سيليا
مرام: ليش ما خليتني خبرها
شاهين: خليها تعرفي هي بنفسها هو طلب مني يعملها مفاجاه
مرام: والله انا مو مرتاحة حاسه في شي نحنا ما بنعرفه
شاهين: متكبريش الموضوع يا مرام
مرام: طيب
~~~~~
دخلت سيليا الجناح وكان اسود في اسود
شغلت الانوار وبصيت حواليها كانت هتمشي تجاه الحمام
لقيت حد حضنها من ضهرها اتخضيت: وحشتيني يا سيليا
اتصدمت سيليا واتجمدت مكانها الصوت دا تعرفه كويس...