ياليله العيد انستينا وجددتي الامل فينا يا ليله هلالك هلل علينا فرحناله وغنينا وقولنا السعد هيجينا علي قدومك يا ليله العيد
وفي الزقازيق كان منجي يجلس مع عائلته وفجاه يسمعون صوت طرق علي الباب
ماهر ★: انا هقوم افتح
ليجد أمامه سالم وسقط ولقط
سالم ★: الاستاذ منجي موجود
ماهر ★: اه نقوله مين
سقط ★: قوله سقط
ماهر ★: طاب اتفضلو ضيوف عشانك يا منجي
—
منجي ★: اهلا وسهلا
سقط ★: ايه يا استاذ عنينا طلعت عشان نعرف مكانك
منجي ★ (بفرحه): سقط ولقط اهلا بيكم نورتو
سالم ★: يعني هما نورو وانا ضلمت
منجي ★: مين الاستاذ
سقط ★: ده سالم اجدع صاحب ممكن تقابله
منجي ★: هنتكلم علي الواقف كده اتفضلو
—
وبعد أن اجلسهم
سالم ★: هو فيه ايه يا عم الاستاذ ايه الغيبه ديه كلها يعني انته تختفي وفي ناس هتتجنن عليك
منجي ★: مش فاهم
لقط ★: انا هفهمك
—
ليقص عليه ما حدث لشيكا
منجي ★ (بخضه): يعني هيا هتتجوز
سقط ★: لاء
سالم ★: طفش عريس الغفلة
منجي ★ (بتنهيده): الحمدلله
سالم ★: طاب لما انته قلقان عليها اوي كده بعدت عنها ليه ووجعت قلبها احنا بقالنا 15يوم بندور عليك لغيت ما ربنا وفقنا وعرفنا نوصلك بفضل الله ثم الأبله سنيه
منجي ★: وهيا اخبارها ايه
لقط ★: المعلمه
منجي ★: لاء الأبله سنيه
سقط ★: حرمنا المصون بخير الحمد لله
منجي ★: انتو اتجوزتو
سقط ★: تاني يوم العيد إنشاءالله
منجي ★: الف مبروك
سالم ★: طاب ايه منجي ايه سالم هتيجي تخطب المعلمه أمته
منجي ★: والله مش عارف
سالم ★: بقولك ايه كله الا المعلمه ديه مافيش منها اليومين دول ماهو يا تيجي تخطبها وتفرح قلبها وقلوبنا كلنا الا والله اشيلك زي ما انته كده اه
—
ليضحك منجي
منجي ★: طاب خلاص قلبك ابيض يا عم سالم تعالو نتكلم جوه
سالم ★: خلينا معاك
—
اما شيكا فكانت تجلس في غرفه الصالون
شيكا ★: تعالي ورايا يا ام صلاح
ام صلاح ★: حاضر
—
لتدخل ام صلاح خلفها
شيكا ★: عيديتك انتي والولاد
ام صلاح ★ (بفرحه): ده كتير اوي
شيكا ★: كل سنه وانتي طيبه ابعتيلي بقي الستات واحده ورا واحده
—
وبعد أن انتهت شيكا من اعطاءهم العيديه وبعد الانتهاء من عمايل الكحك
نعمات ★: معلش بقى نزلو انتو الصيجان علي الحلوين يرجعو عشان نلحق نفرء علي أهل الحاره وأدعو لشيكا براحه البال
الجميع ★: اللهم امين يارب العالمين
—
وبعد توزيع المخبوزات علي أهل الحاره وها هو اءذان الفجر وكان الرجال قد عادو من عند منجي
سقط ★: يالهوي المعلمه رانه عليا كتير
سالم ★: وانا برده
لقط ★: وانا زيكم
سالم ★: طاب ياله تعالو نعلق اليافطه
—
وبعد تعليق اليافطه
سالم ★: ياله بقي نغير هدومنا عشان صلاه العيد
—
وها هيا صلاه العيد والماءذن تصح
الماءذن ★: الله اكبر الله اكبر ولله الحمد الله اكبر كبيرا والحمد لله كثيرا والشكر لله بكره واصيلا اللهم صل على محمد وعلى ال محمد وعلى اصحاب سيدنا محمد وعلى ازواج سيدنا محمد وسلم تسليما كثيرا
—
لتنزل شيكا الحاره لصلاه العيد
شيكا ★: انتو كنتو فين
سالم ★: كل سنه وانتي طيبه يا ام الخير
شيكا ★: وانته طيب ايه ام الخير ديه
سالم ★: بصي كده علي اليافطه ديه
—
لتفرح شيكا
شيكا ★: ايه ده انتو غيرتو يافطه الحاره
سقط ★: ديه أقل حاجه نعملها عشانك يا ام الخير
لقط ★: روحنا المحافظه وغيرناها
شيكا ★: تعيشو تعالو بقي نصلي العيد وخدو عيديتكم
—
تقترب منهم اسماء
اسماء ★: انته كت فين يا حلو وسايبني طالع عين امي ف الكوافير فجاءه الكوافير اتملي ستات علي آخره ولسه مخلصه حالا اتشفطت ف المحل عشان صلاه العيد
شيكا ★: ربنا يوسع رزقك خدي بقي العيديه
اسماء ★: كل سنه وانتي طيبه يا معلمه ياله نصلي
—
وبعد صلاة العيد
شيكا ★: اجهزو انتو بقي عشان فرحكم بليل
سالم ★: لاء الفرح بكره انشاء الله
شيكا ★: اخرتوه ليه
سالم ★: عادي يعني ماهم هيجوزو هيروحو فين
اسماء ★: متيجي اعملك شعرك
شيكا ★: بكره انشاء الله
—
شيكا ★: تعالو نطلع بقي الا ام شيكا دابحه فسيخ ورنجه
سالم ★: قشطه ده احنا هنورم النهارده
—
وبعد الأكل
شيكا ★: انا هنام بقي احسن البصل دوخني
اسماء ★: انا عايزه أخرج
سالم ★: والله فكره تعالو نروح حديقه الازهر ونتفسح ونركب مراجيح
اسماء ★: الله يرحمك
سالم ★: يرحم أمك بتاعت رجول الفراخ
سالم ★: بس انتي هتسيحي تعالي يا اختي افسحك
شيكا ★: روحو انتو انا هنام
—
لتنام شيكا وتحلم
منجي ★: قومي يا احلي عروسه عشان نتجوز ونفرح وتبقى حرمنا المصون
شيكا ★: انته روحت فين
منجي ★: هقولك بس بعد منتجوز يا عروستي
—
في حديقه الازهر
سالم ★: مالك يا خالتي
نعمات ★: سلامتك يا ابني بس زعلانه علي حال شيكا كل البنات هتتجوز الا هيا
سالم ★: طاب اقولك علي سر
نعمات ★: قول
—
وبعد أن تحدث معها
نعمات ★: الله يسعدكم فعلا ونعم الإخوات
سالم ★: نروح بقي عشان نجهز للحنه وزي ما فهمتك
—
وفي البيت
نادين ★: اصحي بقي انتي هتقضي اليوم كله نوم
شيكا ★: اتبسطتو
نادين ★: اوي ياله بقي عشان نجهز الحنه قربت
—
شيكا ★: ملوش لازمه
نادين ★: والله اخاصمك احنا مسافرين كمان يومين
شيكا ★: هتوحشوني اوي
نادين ★: وانا هقول لبابا ينقل مدارسنا هنا عشان افضل معاكي علي طول
—
أجواء الحنه
سالم ★: السلام عليكم اولا كل سنه وانتم طيبين وفرحانين واحب اهني اخواتي العرسان والعرايس علي الحنه
اسماء ★: وحيات امك
سالم ★: بهزر
—
سالم ★: لو سمحتي يا ام الخير عايزينك علي المسرح الحديده معاكي
—
لتصعد شيكا
شيكا ★: الف الف مبروك لأخواتي وربنا يتمم بخير وربنا يفرح الناس جميعا انتو فعل أهلي واخواتي
سالم ★: الحديده بعد اذنك ادخل يا سمسم
—
يدخل منجي علي حصانا ابيض
شيكا ★: انته منجي صح أنته كنت فين وايه اللي غيرك كده انته بقيت حلو اوي
منجي ★: وحشتيني اوي
شيكا ★: بتقول ايه
منجي ★: بقول بحبك ووحشتيني يا عروستي
—
لتزغرت نعمات
نعمات ★: النهارده حنتك يا شيكا
شيكا ★: حنتي انتي كنتي عارفه أن منجي راجع
نعمات ★: اشكري ربنا سبحانه وتعالى ثم صبيانك فاكره لما كانو بيختفو اتاريهم كانو بيدورو عليه وانا لسه عارفه النهارده سالم وش السعد علينا
—
وهنا تدخل عليهم الحاره
نجيه ★: الله مش حضرتك اللي كنتي ف الفندق
حسنيه ★: اه يا اما هيا ووزعت علينا حلويات
نعمات ★: مش قولتلك اني شوفت منجي ف الحرم
شيكا ★: اه صح
نجيه ★: اه هو يا اختي اصل ربنا كرمنا اخر كرم وكسبنا قضيه الأرض وبناتي اتكتب كتابهم علي جدعين ولا حلال
نعمات ★: الف بركه
—
نعمات ★: تعالي يا شوقيه سلمي علي خالتك ام منجي
شوقيه ★ (بفرحه): اهلا وسهلا الحمدلله ربنا عوض صبرك خير يا اختي كده اسافر وانا مطمئنه
محمد ★: مافيش سفر انا مسافر لوحدي انهي شغلي هناك وانقل مدارس العيال كفايانا غربه
—
وهنا يدخل الحاره ماهر ونادر ووالدتهم ومعهم فرقه الحنه
—
ليفـرح الجميع وتمضي ليله الحنه واليوم هو زواج الجميع وسط فرحه أهل الحاره
شيكا ★: انا مش مصدقه اللي انا فيه ياما انته حنين وكريم يارب
—
ليتم الزواج
—
وبعد سنه كانت شيكا ف المستشفى تلد واسماء أيضا وسنيه ونسمه
شيكا ★: لتلد ولدا وبنتا
منجي ★: الله خلفت جوز
سالم ★: وانا جيبت بت
سقط ★: وانا جيبت ولد
لقط ★: وانا ربنا كرمني بشيكا
—
وتمر السنين وقد أصبح منجي معلم كبير وكبر الاولاد وها هم ف السنه السادسه
—
ونجد أن أسماء تجري خلف طفلتها نور
اسماء ★: ايه ده نور مالها رجول فراخ وفري ودبري
اسماء ★: منك لله يا ام سالم عيبت عليكي والبت طلعت زيك بالظبط
—
اما في منزل شيكا
نادين ★: الله يا خالتو ولادك حلوين وبلعب معاهم وهربيهم
شيكا ★: لاء انتي لسانك طويل ابعدي عن عيالي
—
مصطفى ★: جري ايه ياشيكا انتي قاعده تلعبي معانا وسايبه جوزك تحت البنات تعاكسه
مني ★: قولها يا اخويا اللي ماحاطه ف وشها احمر ولا اخضر مش هو ده اللي كنتي هتموتي عليه
شيكا ★: ايه
—
لتضحك نادين
نادين ★: اصلي حكيتلهم حكايتك
—
لتجري شيكا خلفها
شيكا ★: اه يا بنت القرود قعدتك مع العيال خلت لسانهم طويل زيك
—
ثم تقذفها بالحذاء
—
ليفتح منجي الباب ويصتدم بالحذاء
منجي ★: هو اوي الاستقبال ده
شيكا ★: معلش جات فيك انا كنت قاصده مقصوفه الرقبه ديه
—
ليحتضنها
منجي ★: ربنا يخليكي ليا يا حبيبه عمري وام اولادي يا هديه ربنا ليا وبحمده واشكره كل يوم عليها
—
مصطفى ★: ايه الحنيه ديه
مني ★: اه وكاءننا مش هنا
مصطفى ★: انا عارف يا اختي الراجل ما صدق شاف مراته
شيكا ★: اه يا ولاد
مصطفى ★: ولاد ايه
شيكا ★: ولاد منجي وللاسف في حد تاني جاي ف السكه انشاء الله يطلع مؤدب مش زيكم
مني ★: ابقي قابليني هيطلع نفس النسخه
شيكا ★: والله لاءربيكي
نادين ★: ههه ابقي قابليني
شيكا ★: كله منك انتي يا قرده
—
ليضحك الجميع
منجي ★: ربنا يخليكم ليا
نعمات ★: ربنا يحفظكم يا ولادي ويسعدكم
—
نادين ★: تعالو نلعب ف الحاره يا عيال النهارده لازم نغلب العيال ف الكوره
—
شيكا ★: سبحان الله اللي كان يشوف منجي من كام سنه ميقولش أنه هيتغير كده
مني ★: ماله يا اختي منجي ده حتي زي القمر والبنات هتتجنن عليه احلي معلم ف الحته كلها
منجي ★: ربنا يخليكي ليا يا بنوتي
شيكا ★ (بغيره): وانا
منجي ★: انتي ست الكل وست الغاليين
—
لتخرج شيكا لسانها لابنتها
مني ★: برده بيحبني انا اكتر منك انتي يادوب مراته لكن انا بنته وحبيبته
مصطفى ★: وانا كمان
منجي ★: أنا بحبكم كلكم وربنا يخليكم ليا
🌹🌹🌹🌹🌹🌹🌹🌹🌹🌹🌹🌹🌹🌹
💚 مرحبا بكم ضيوفنا الكرام 💚
هنا في كرنفال الروايات ستجد كل جديد
حصري ورومانسى وشيق فقط ابحث من جوجل باسم الروايه علي مدوانة كرنفال الروايات وايضاء اشتركو في قناتنا👈علي التليجرام من هنا
يصلك اشعار بكل جديد من اللينك الظاهر امامك
🌹🌹🌹🌹🌹🌹🌹🌹🌹🌹🌹🌹🌹🌹
تمت بحمد الله
لقراءة باقي الفصول من هنا
💚 مرحبا بكم ضيوفنا الكرام 💚
هنا في كرنفال الروايات ستجد كل جديد
حصري ورومانسى وشيق فقط ابحث من جوجل باسم الروايه علي مدوانة كرنفال الروايات وايضاء اشتركو في قناتنا👈علي التليجرام من هنا
يصلك اشعار بكل جديد من اللينك الظاهر امامك
🌹🌹🌹🌹🌹🌹🌹🌹🌹🌹🌹🌹🌹🌹
تمت بحمد الله
لقراءة باقي الفصول من هنا