رواية المهندس المغرور الفصل الثامن8 بقلم إيمان أشرف
الساعه 12 ظهراً في شقة ملاك
مرت بضعة أيام وعادت نادية إلي منزلها بحالة صحية جيدة بعد أن تلقت أفضل رعاية طبية كانت الشقة ممتلئة برائحة الورد والبهجة فرح أصرت على البقاء مع ملاك لمساعدتها في خدمه والدتها
جلست ناديه على الأريكة وملاك تقدم لها شوربة الخضار الدافئة
ناديه بابتسامة حنونه ربنا يخليكي ليا ي ملاك ي بنتي ويجازي البشمهندش زين والناس الطيبين دول كل خير
فرح بمشاكسه وابتسامه طبعاً ي طنط البشهمندش زين ده بس مش تكفل بكل حاجه ده كان واقف جمب ملاك طول يوم العملية ومستبهاش لحظه لوحدها
احمر وجه ملاك وشعرت بضربات قلبها تتسارع فقالت وهي تحاول تداري خجلها خلاص ي فرح البشمهندش زين قام بالواجب كمدير في الشركة مش اكتر
غمزت لها فرح مدير ماشي ي ستي بكره نشوف المدير ده ناوي على إيه
الساعه 4 عصراً في شركة الهلالي
كان زين ينسق بعض المخططات الهندسية في مكتبه دخل عليه يوسف دون أن يطرق الباب كعادته وجلس على المكتب وأخذ يلعب بالقلم
زين دون أن يرفع رأسه من على الأوراق إيه الدخله دي ي يوسف أتعلم تطلب إذن الأول
يوسف بضحك إذن إيه ي عم أنا جاي أكلمك في الموضوع إللي بقالك شهر بتهرب منه
رفع زين رأسه وعقد حاجبيه باستغراب موضوع إيه
يوسف بجدية وابتسامة دافئة موضوع قلبك ي زين ملاك مش ناوي تعترف لنفسك الأول قبل م تعترفلها نظراتك ليها في المستشفى خوفك عليها وقفتك جنبها كل ده بيقول إن زين الهلالي وقع وما حدش سمى عليه
ساد الصمت في المكتب لثواني أبتسم زين ابتسامه هادئة غير معتادة وسند ظهره على الكرسي وقال بنبرة صادقه أنا مكنتش بومن في الحب ي يوسف بس ملاك دخلت حياتي وغيرت كل حساباتي هدوءها إصرارها وقسوتها معايا لما كنت بغروري خلتني أشوف الدنيا بمنظور تاني
يوسف بابتسامة أيوا بقي اهوا ده زين اللي بعرفه وطالما اعترفت خطوتك الجايه إيه
زين بثبات وشموخ الخطوه الجايه إننا نطلب ايديهم رسمي أنت وفرح وأنا وملاك
اتسعت عينا يوسف بفرحه عامره بتتكلم جد ي زين يعني هنخطب سوا
زين بابتسامة مغروره هو زين الهلالي بيهزر في الحاجات دي جهز نفسك ي يوسف نهاية الأسبوع ده هنكون في شقة ملاك
الساعه 8 مساء في شقة ملاك
كانت ملاك تقف في بلكونه غرفتها تتأمل النجوم حين وصلت إليه رساله من زين فتحت ملاك الرسالة لاقت زين كاتب جهزي نفسك وخلي طنط ترتاح كويس يوم الخميس فيه ضيوف مهمين جايين عندكم البيت وأولهم رشيد الهلالي وأنا في موضوع محتاجين نتكلم فيه
وقفت ملاك مصدومه والهاتف في يدها وانهمرت دقات قلبها كالطبول هل المهندس المغرور قرر أن يطرق بابها أخير