رواية النغم الحزين بقلم فاطيما يوسف
رواية النغم الحزين الفصل الرابع والاربعون44 بقلم فاطيما يوسف
ابتسمت "دعاء" وهي بتسأله السؤال اللي صدمه :
ـ قل لي يا "سند" انت ممكن تتجوزها في يوم من الأيام؟
برق "سند" عيونه بصدمة من سؤالها الغير متوقع منها نهائي ورفع حاجبه وهو بيبص لها بدهشة وجاوبها بنبرة حاول تكون باردة:
ـ أه والسؤال دي مبني على ايه يا حرمنا المصون افهم بس دماغك ماشيه كيف علشان اعرف ارد على حسب تفكيرك؟
ضحكت "دعاء" على نظراته وسؤاله وردت عليه:
ـ ما فهماش تفكير ايه اللي اني هفكر فيه علشان اسالك سؤال كيف دي يعني؟
وحطت ايديها على شفايفها وهي بتشهق بدهشـة مماثلـة وقالت له:
ـ انت تقصد اني مثلا ممكن اكون غيرانـة او ما هوافقش او ان الموضوع مزعج ليا انت تقصد اكده؟
كتب جبينه ورفع حاجبه وهو بيسالها تاني:
ـ تمام لو نفترض كيف ما هتسالي اسئلتك داي ايه رايك يا "دعاء" في جوازي من التلاتـة؟
جاوبته "دعاء" على طول بدون تفكير:
ـ والله "دعاء" ما هتحرمش اللي حلله ربنا ربنا حلل للراجل مثنى وثلاث ورباع وانت ادرى بدنيتك مع "نغم" اما من ناحيـة الغيرـة ايه اللي هيخليني امنع حاجـة ربنا قال عنها في القران الكريم؟
"سند" في اللحظـة دي بص لها بصدمـة ولحد دلوقتي تفكيرها ما تغيرش ولسه زي ما هي ورد عليها ببسمـة ساخرة:
ـ تعرفي يا "دعاء" لو في منك 10 ستات في الدنيا ترضى ان جوزها يتجوز عليها كانت رجاله كثير هتدعي لكم من قلبها على تفكيرك الغريب دي.
وكمل وهو بيسالها:
ـ طب ايه السبب اللي خلاكي تساليني السؤال دي من ناحيـة الست "نورا" او ايه اللي حصل وصل لك الاحساس اني ممكن اعملها مرـة تلاتـة يعني؟
مطت "دعاء" شفايفها بابتسامـة وهي بتجاوبه وشايفـة ملامح وشه مائلـة للغضب من سؤالها:
ـ عادي يعني شايفاها في ضيقـة وكمان "سمير" طلقها وعدتها خلاص قربت توفي واهلها راميينها ما هيسالوش عنيها وما لهاش حد واصل وانت دايما هقف جنب الستات المنكسرـة اللي ما لهاش حد.
في اللحظـة دي "سند" اتعصب وضرب كف على كف بغضب وهو بينفض جلابيته بحده :
ـ يعني تقصدي اني ممكن اتجوزها كيف ما اتجوزت "نغم" علشان ظروفهم نفس ظروف بعض؟ بقيتي واعرـة يا "دعاء" وهتقولي كلام يسد النفس على المسا؟
ولسه زي ما هو على نبرة غضبه كمل كلامه:
ـ اظن لو ترجعي بتفكيرك لسنين فاتوا هتلاقي ان جوازي من "نغم" كان بضغط منك وبضغط من اخوي وامي وكل اللي حوالينا ما كانوش فايتينني اني وهي لحالنا غير لما الماذون كتب علينا، يعني اني لكنت هفكر في جوازي "التانيـة" ولا هفكر في "التلاتـة".
طبطبت "دعاء" على ظهره وهي بتهديه لكن ما زالت الابتسامـة على وشها من الموقف ككل:
ـ طب انت معصب روحك ليه دي سؤال عادي يعني لا يستدعي العصبيـة نهائي، وبعدين يا سيدي انت حر تعمل اللي على كيفك ما لم تضر.
اتضايق اكتر من نبرة كلامها وعلى صوته عليها:
ـ للدرجـة دي اني ما فارقش معاكي كزوج الزمن ما هيغيركيش يا "دعاء" انتي كيف ما انتي، وبعدين جواز ايه اللي هفكر فيه وبتي داخله الجامعـة كمان كذا شهر وهيحصلها اخوها هتعقلوها كيف دي ؟
شاورت بايديها قدام عيونه وهي بتعتذر له: ـ خلاص يا سيدي ما تزعلش حقك عليا والله كنت ههزر معاك وهنكشك وانت هتتحمق طوالي ما هتتحملش كلام واصل.
وكملت كلامها وهي بتساله عن "نورا":
ـ طب تفتكر ايه هيكون مصير البنت الغلبانـة داي لو امها ما وافقتش او حتى وافقت مصرها هيبقى كيف اخوها كلها كذا سنـة وهيخرج من السجن دب إن كمل سنتين تلاتـة على بعض هيخرج لها تاني وهيطين عيشتها وهيخليها اسود مما كانت لانه شايف انها السبب في سجنه؟
رد "سند" عليها بقوة:
ـ يُبقى يهوب ناحيتها اكده ولا يقدر من اساسه اني واخد عليه تعهد بعدم التعرض ليا وليها ولاي حد يخصني وقتها هرجعه حبسه تاني بس اهم حاجه تستدرجي امها في الكلام وتعرفي مين اللي كانت بنتها متجوزاه وهتحبه واخوها طلقها منه غصب عنهم وتعرفي تفاصيل عنه وعن مكانه؟
سالته باستغراب:
ـ يعني حتى لو عرفناه هتعمل وياه ايه ممكن يطلع متجوز ومخلف كمان يبقى ايه لازمته؟
اتنهد "سند" بعدم ارتياح:
ـ والله اني هعمل محاولـة وهدور وهشوف يمكن ربنا يكون شايله لها عوض عن المرار اللي شافته ربك رب قلوب يا "دعاء" اهم حاجه على الظهر تكوني هناك وعايزك تبدعي وياها وتاجيلي باخبار زينـة تفرح.
******
سافر "علي" و"شيماء" علشان يعمل العمليـة بقى لهم اكتر من اسبوع خارج مصر بيجهزوا للعمليات وخلاص كلها دقائق ويدخل اوضـة العمليات كانت امه هي كمان مسافرة معاهم والاتنين واقفين جنبه وهو وشه باهت مش خوف من العمليـة لكن خوف من الفشل ويضيع الامل الوحيد ليه في انه يرجع يمشي تاني فطمنته والدته:
ـ اطمن يا حبيبي ان شاء الله ربنا هيجبر خاطرك وهتقوم بالسلامـة وترجع ترمح في الارض رمح يا "علي".
كان متمسك بايد والدته وكأنه متمسك بالحياـة اما "شيماء" كانت واقفـة على يمينه وطبعا بسمتهـا تفتح ألف باب وباب للامل وده اللي كان محتاجه "علي":
ـ انت بطل وقدها وان شاء الله هتخرج بالسلامـة وفترـة بسيطـة وترجع تمشي على رجليك ونعمل فرحنا ونخرج ويا بعض انت تختار لي الفستان واني هختار لك بدلتك يا "علي".
سألها بشجن:
ـ تفتكري العمليـة هتنجح وهرجع اقف على رجل تاني يا "شيماء"؟
اتمسكت بايديه وهي بتحضنهم جامد بين ايديها وابتسامتهـا المرسومـة على وشها تطمن مليون حاير وتعبان:
ـ ان شاء الله هتخف اني واثقـة ومتوكدة ان ربنا هيجبر خاطرك، يلا بقى ارسم البسمـة على وشك علشان ما هخليكش تدخل اوضـة العمليات غير لما اشوف بسمتك يا "علي".
في اللحظـة دي كانت أمه سابتهم لوحدهم وشدها هو ناحيته وابتسم "علي" اخيرا وحضن وشها بين ايديه وهو بيشكرها:
ـ ما انحرمش منك ولا من دعمك ولا وجودك جنبي اللي فارق معايا قوي ربنا يبارك لي فيكي وعلى قد وقفتك جنبي هتدعميني بكل قوتك ، أني بحمد ربنا إنك رزقي الحلو من الدنيا يا حبيبي .
قربت منه وسندت جبهتها بجبهته من غير ما تخجل منه، واتقابلت عيونهم في نظـرة طويلـة، ما كان منه إلا إنه ثبت رقبتها بين ايديه ولأول مرة من يوم ما يكتبوا كتابهم يقبلها ويقرب من شفايفها لدرجـة إن شفايفها ارتعشت وحاولت إنها تبعد عنها بخجل لكنه مقدرش يسيبها ولا يبعد عنها شكل ما يكون قربها في اللحظـة دي كان ترياق للحظات الوجع الصعبـة
اللي هيعيشها، بعد عنها وهو بيغازلها بوله:
ـ طعم قربك حلو يا "شيماء".
وكمل وهو بيطلب منها بقلق:
ـ خلي بالك من نفسك لو جرا...
حطت ايديها على شفايفه ومنعته يكمل:
ـ متكملش يا "علي" إن شاء الله هتقوم بالسلامـة، اطمن وارمي حمولك على الله .
بعد شويـة كان دخل العمليات وفضلوا قاعدين برة متوترين بيقضوا وقتهم ما بين الدعاء والاستغفار لحد أخيراً فرج ربنا
اتفتح باب غرفـة العمليات في اللحظـة دي، والممرضـة خرجت بخطوات هاديـة وعيونها بتطمنهم، فتحركت الدنيا في قلب "شيماء" وأمه اللي كانوا قاعدين على أعصابهم، وقفت أنفاسهم أول ما شافوا الدكتور الأجنبي بيقرب منهم، وملامح وجهه الصارمة كان باين عليها الإرهاق الشديد من دقة العمليـة اللي استغرقت ساعات طويلة ومضنيـة جوه غرفـة الجراحة،
وقفت "شيماء" ووالدته بسرعة ورا بعض، وقلوبهم بتخبط بعنـ.ــف جوه صدورهم، فبص لهم الدكتور وبدأ يتكلم بهدوء عبر المترجم:
ـ أقدر أقول لكم دلوقتي إن العمليـة انتهت وعدت على خير، الجراحة كانت بالغة الصعوبة والدقة، لأن التعامل مع الأعصاب التالفة وفقرات العمود الفقري بيحتاج لحذر شديد عشان ما نسببش أي مضاعفات جانبيـة، ثقب الفقرـة وإزالة الضغط عن الحبل الشوكي أخدوا وقت أطول من المتوقع، لكن الحمد لله، الأجهزة أثبتت استجابة الأعصاب للتدخل الجراحي بشكل مرضي جداً.
تنفسوا الصعداء بصوت عالي كأنهم كانوا محبوسين تحت الميـة وطلعوا يتنفسوا الهوا، بس الدكتور كمل بجديـة ونبرـة صارمـة:
ـ لكن لازم تحطوا في اعتباركم إن اللي اتعمل جوه ده هو نص المشوار وبس، نجاح العمليـة الجراحية لوحده مش كفاية عشان يرجع يمشي طبيعي من بكرة، الشغل الحقيقي بيبدأ من اللحظـة دي، وقدامه رحلـة طويلة وشاقة من العلاج الطبيعي المكثف، العضلات ضمرت نتيجة فترـة الجمود الطويلة على الكرسي، وده معناه إننا محتاجين جلسات يوميـة وصبر وعذاب عضلي ونفسي عشان نرجع ننشط الذاكرة الحركية للأعصاب دي، لو التزمنا بالبرنامج الطبي بدقة تامة وبدون أي تهاون، اضمن لكم رجوعه لحركته الطبيعيـة بنسبة مية في الميـة.
هزت "شيماء" راسها بسرعة ودموع الفرحـة بتلمع في عيونها، وقالت بصوت متهدج:
ـ فاهمين يا دكتور.. فاهمين كل كلمة، وإحنا مستعدين نمشي على أي برنامج تختاره، المهم إنه قام بالسلامـة.
بعد وقت قصير، اتنقل "علي" لغرفـة الإفاقة ومنها للغرفة العادية، وكان لسه تحت تأثير المخدر والبنج الكلي، مع مرور الساعات، بدأ يستعيد وعيه تدريجياً، بس أول إحساس هجم عليه ما كانش الفرحـة بنجاح العمليـة، كان وجع فظيع ومرعب؛ حرق شديد وألم لا يُطاق في ضهره ورجليه كأن فيه سكاكين بتحفر في لحمه وعظمه،
فتح عيونه ببطء شديد، وملامحه كانت مجعدة وحزينة من شدة الألم، وطلع صوته مبحوح كأنه طالع من صدره وهو بيتنفس بصعوبة بالغـة:
ـ آه.. يا رب.. الوجع.. وجع رهيب يا أمي.. مش قادر..
كانت "شيماء" قاعدة جنبه على حرف السرير، مسكت إيده بلهفـة وقلبها وجعها على تعبه، وقالت بصوت حزين متأثر بحالته بس حاولت يكون فيه ثبات واطمئنان:
ـ سلامتك يا حبيبي، ألف سلامـة عليك يا `"علي"`. معلش دي أثر الجراحة والوجع ده نفسه دليل خير، معناه إن الأعصاب بتصحى وإن فيه حياة راجعة لرجليك، استحمل يا بطل، أني جارك ومهسيبش يدك داي أبداً.
قربت أمه بحنان وهي بتمسح العرق اللي كان نازل بغزارة على جبينه، وقالت بصوت مكسور من كتر الحزن على تعب ابنها:
ـ معلش يا ضنايا الصبر من عند ربنا ، ودي وجع الشفا والعافيـة إن شاء الله ربنا هيكتب لك صفحـة جديدـة في عمرك.
حرك "علي" راسه بنفي ووجع شديد، وعيون التعب اتملت بدموع غصب عنه، فالألم كان فوق طاقـة الوصف، وقال بصوت ضعيف بيقطع القلب:
ـ أه مقادرش يا أمي.. الوجع في رجلي كأن حد بيقـ.ــطع في لحمي بسكـ.ـــاكين، معقولـة بعد الوجع دي كلاته هرجع أمشي على رجلي تاني؟
ضغطت "شيماء" على إيده بقوة أكبر، وقربت وشها منه لحد ما أنفاسهم اختلطت، وقالت بنبرة حازمـة وصادقـة تزلزل أي خوف:
ـ اوعاك.. اوعى تُنطق الكلمة داي تاني ولا تشك في قدرـة ربنا لحظـة واحدة! الدكتور لسه طالع من شوي ومأكد إن العمليـة نجحت بفضل الله، وكل اللي هتحسه دي طبيعي لأن الأعصاب بتتحرك بعد سنـة وزيادة من الجمود، إنت طول عمرك هتتحمل وجبل، وهتعدي الأيام دي كيف ما عديت اللي أصعب منها، افتكر وعدنا لبعض، فستان الفرح والبدلة مستنيينك في مصر، وأني مش هقبل ألبس فستاني غير وانت واقف على رجليك قدام الكل وشايلني في عيونك.
ابتسم "علي" وسط ألمه الشديد ابتسامـة شاحبـة وتعبانـة، وحس إن صوتها ونظـرة عيونهم هما السند الحقيقي اللي قادر يخفف عنه جحيم الوجع، بص لها بامتنان وقال بصوت ضعيف جداً:
ـ ربنا ما يحرمني منك ولا من دعمك ليا يا `"شيماء"`.. إنتِ كنتِ الدوا ليا قبل حتى الجراحة ما تبدأ.
في اللحظـة دي، دخلت الممرضـة ومعاها مسكن قوي عشان تهدئ حدة الألم وتخليه يرتاح، وبصت لهم بابتسامـة عمليـة:
ـ المريض محتاج راحـة تامـة، والوجع ده طبيعي جداً في أول تمانية وأربعين ساعـة بعد العمليـة، اطمنوا.
قعدت "شيماء" على الكرسي جنب السرير، وما سابتش إيده لحظـة واحدة، وهي بتبص له وهو بينام بهدوء تدريجي تحت تأثير المسكن، كانت عارفة إن دي مجرد بدايـة الطريق الصعب، وإن المعركة الحقيقيـة لسه هتبدأ مع جلسات العلاج الطبيعي الشاقة، بس قلبها كان مطمن ومؤمن إن بطلها هيحارب لحد آخر نفس عشان يرجع يقف على رجليه شامخ زي ما كان.
*******
خطت "دعاء" بخطوات ثابتة وواثقة نحو عتبة بيت أهل "نورا"، كانت عارفة كويس هي رايحة لبيت عامل ازاي، وواخدة احتياطاتها لكل كلمة هتقولها وكل رد فعل ممكن تقابله من أم "نورا" اللي معروف عنها العصبية واللسان السليط، خصوصاً بعد حبس ابنها "كرم" بسبب المشاكل اللي سببوها لسند،
خبطت على الباب خبطات خفيفة لكن واثقة، وبعد دقايق اتفتح الباب وطلعت "أم نورا"، أول ما وقعت عينها على "دعاء"، وش الست اتغير في ثانية كأنه اتحط عليه مية نـ.ــار، وعيونها طلعت شرار، وقبل ما "دعاء" تنطق بحرف، هجمت عليها بلسانها الحاد وصوتها اللي جاب آخر الشارع:
ـ إنتي إيه اللي جابك داري يا بت أنتي؟! جاية تفرجوا الناس علينا أكتر ما فرجتوهم؟ ولا جاية تشمتي إن ابني في السجن و"سند" بتاعك هو اللي ظلم ابني واتجبر عليه ومرعاش إنه في بيته؟! اطلعي برة بيتي حالا، مفيش بيناتنا كلام ولا سلام، ويلا من اهِنه أحسن ما ألم عليكِ خلق الله كلاتهم!
ما اتخضتش "دعاء" من نبرتها العالية ولا من طريقتها الهجومية، بالعكس، ابتسمت ببرود هادي ودخلت من غير استئذان وهي بتقفل الباب وراها بهدوء أعصاب عالي يجنن أي حد، وقفت قدامها وقالت بصوت رزين وثابت:
ـ اهدي يا أم "نورا"... اهدي وبلي ريقك اكده، الصوت العالي مهيفيدكيش بحاجة واصل، وبعدين شمتانة في إيه وفي مين؟ هو أني جاية راسمة حالي وهتتنطط عليكي يا أم "نورا" ولا حاجة؟ أني جاية لموضوع يخص بتك "نورا"، ولا إنتي خلاص مبقاش يهمك أمرها ورايدة تدفنيها بالحياة؟
اول ما جابت سيرَة "نورا"، صـ.ــرخت أمها بصوت اتقـ.ــطع من القـ.ــهرة والوجع، وضـ.ــربت صدرها بايديها الاتنين:
ـ بتي؟! هي مالها، جرى لها ايه؟
ما انتو قافلين عليها ميت قفل وكذا مرة أبعت لكم مرسال إنها تخرج وتاجيني وأشوفها وجوزك يقول لاااااه .
قربت منها "دعاء" خطوة واحدة وبصت في عيونها بقوة وحسم، وقالت بنبرة قاطعة ما فيهاش هزار:
ـ أولا وطي صوتك شوي يا حاجة واسمعيني زين! ابن حضرتك اللي في السجن دي ما اتظلمش، دي لولا ستر ربنا و"سند" كان زمانه اتلف حوالين رقبته المـ.ــشنقة لو كان اتهور على"سمير"! ابنك يا حاجة هو اللي بدأ بالاعـ.ــتداء، وهو اللي رفع السـ.ــلاح على جوز أخته وكان ممكن يمـ.ــوته بدم بارد، و"سند" وقتها كان شايط لأن ابنك دخل بيتنا ومراعاش حرمة كبيره ولا صغيره، يعني الراجل دافع عن نفسه وعن بيته وعرضه، وابنك هو اللي جاب لنفسه الطين برجليه، فبلاش ترمي ودنك لولدك اللي خسرك بتك الوحيدة وخلاها معندهاش عقل واصل.
اترمت أم نورا على الكرسي من كتر الصدمة والوجع، ودموع القهرة نزلت على خدودها وهي بتشكي حالها:
ـ آآآه يا قهرتي على ولادي.. واحد في الحبس وواحدة بتضيع مني قدام عيوني وكل يوم حالها بيسوء عن الأول، بنتي هتروح مني وأني لاحول ليا ولا قوة.
شافت "دعاء" إن قناع الغضب بدأ يتكسر وإن الأم بدأت تضعف تحت سقف الوجع، فرققت نبرة صوتها تماماً، ونزلت لمستواها وقعدت على كرسي قصادها، وقالت بصوت كله حنية مصطنعة ودهاء مدروس:
ـ ما أني عشان عارفة إنها في خطر ، وعشان قلبي وجعني عليها كيف ما تكون أختي، جيت لك بنفسي يا أم "نورا" أني مش جاية أحاربك، أني جاية أمد لك يدي عشان نلحق البت قبل ما يفوت الوقت ومينفعش الندم ولا هيفيد، بنتك في حالة تصعب على الكافر، والمرض النفسي اللي هي فيه مش هينفع معاها لا دوا صيدلية ولا قعلد لوحدها في أوضة مقفولة، متخليش زياراتك لولدك اللي في الحبس يقومك على أخته ويشيلك منها أكتر من اكده، ولدك دي هو السبب في خـ.ــراب عيشة بتك وضياعها علشان حبة فلوس يا حاجة ملهمش ريحة اللازمة ، البنية كانت عن رايدة تعيش مع اللي هتحبه وقلبها اختاره وابنك معيشهاش يوم عِدل ، فأني قلبي على بتك وجاية أساعدها والمفروض تعامليني أحسن من اكده واصل يا حاجة.
رفعت أم "نورا" راسها بسرعة، ولمعت في عيونها بارقة خوف وقلق مدفون تحت الخوف من ابنها وسألتها بصوت متوتر:
ـ مالها "نورا" ؟ بنتي جرا لها إيه؟ اتكلمي وقولي لو خافية عني حاجة! إنتي قلقتيني عليها.
طلعت "دعاء" تليفونها من شنطتها ببطء، وفتحت الفيديو اللي كانت "سند" مصوره لها، وقالت لها بصوت خافت:
ـ مش هقولك حاجة عِمياني اكده، تعالي شوفي بعينك بتك عاملة كيف، وشوفي الضحية اللي انتم سبتوها لوجعها وصلت لفين؟
مدت التليفون قدام عيون أم "نورا" ، وظهر الفيديو؛ "نورا" كانت منكمشة على نفسها تماماً في ركن الأوضة، ضامة رجليها لصدرها، وشعرها مبهدل، وبتعيط بعياط هستيري ومرعب زي الأطفال الصغيرين، وبتصـ.ــرخ بوجع وتقول؛ متضـ.ــربونيش والله هسمع الكلام.. متضربونيش يا ناس، ومنظرها يقطـ.ــع قلب أي حد شافها، كأنها بتعيش كابوس مرعب مش مفارقة عقلها.
وقفت أم "نورا" وهي حاسة بنـ.ــار قادت في ضلوعها، كأن مية مغلية اندلقت على راسها، وشدت التليفون من إيد "دعاء"، وبقت تبص في الشاشة وعيونها بتوسع من كتر الرعـ.ــب والصـ.ــدمة، وفضلت تبكي وهي بتضـ.ــرب على رجليها:
ـ ياربي.. يا حـ.ــرق قلبي عليكي يا بتي! إيه اللي وصلها لاكده؟ مين عمل فيكي اكده؟! ياريتني كنت أني ولا إنتي يا ضنايا!
سحبت "دعاء" التليفون بهدوء وحطته في شنطتها، وقالت بنبرة جادة وصارمة عشان تربط الكلام ببعضه:
ـ شوفتي؟ البت هتضيع منك يا أم "نورا" الضـ.ــرب والقـ.ــهر اللي شافته منكم ومن فراقها من جوزها الأولاني والتاني كمان كان هيعـ.ـذبها، ومن أخوها "كرم" هو اللي دمـ.ــر عقلها، البت بتك محتاجة علاج نفسي ومعنوي واحتواء وحنان، ومحتاجة طمأنينة مهتلاقيهاش غير لما نعرِف وجعها منين، باختصار بتك محتاجة حضنك وحنانك يا حاجة اللي بخلتي عليها بيهم طول عمرك، ودي أول هام .
مسحت أم "نورا" دموعها بطرف جلابيتها، وبصت لـ "دعاء" بعيون قلقانة وبصوت مرتعش:
ـ والنبي يا "دعاء" يا بتي ساعديني، قولي لي أعمل إيه عشان أنقذ بتي؟ أني ماليش غيرها بنت وحيدة على جدعين وقلبي هيفط من الحزن عليها.
هنا "دعاء" عرفت إنها مسكت العصاية من النص، وبدأت تلعب ورقتها الذكية للآخر مالت عليها وقالت بصوت هامس:
ـ أني هساعدك بس بالمقابل، إنتي كمان لازم تساعديني وتكوني صريحة معاي على الآخر، عاوزة أسألك سؤال، وتبطلي تلفي وتدوري عليّ والإجابة بصراحة فيها مُصلحة بتك، إيه هي قصة جوزها الأولاني دي ؟ ومين الولد دي اللي اسمها على لسانها علطول واللي بتقول أخوها حرمها منه؟
اتخضت أم "نورا" ، ووشها أصفر، ورجعت لورا بتوتر واضح وقالت بعصبية كدابة:
ـ جوز مين؟! مفيش جوز، داي بتخرف! البت اتجوزت قبل "سمير" مرة وبس!
هزت "دعاء" راسها بابتسامة داهية وقالت:
ـ بلاش لفلفة علي يا أم "نورا" إنتي خابرة زين اني هتكلم عن إيه كويس قوي، "نورا" عقلها الباطن مش مرتبط بـ"سمير" ولا أي راجل غيره نهائى، "نورا" عقلها واقف عند الإنسان اللي حبته بجد واتحرمت منه بطرق قـ.ــهر واضحة، ريحي نفسك وقولي لي الحكاية من أولها، لأن دي مفتاح علاجها الوحيد، لو عرفنا إيه اللي كسر قلبها زمان، هنعرف نرجع لها عقلها دلوك.
فضلت أم "نورا" ساكتة لحظات طويلة، صدرها بيعلو ويهبط من كتر الصراع جواها، وبعدين نزلت دموعها بكسرة، وقالت بصوت منخفض ومبحوح كأنها بتسترجع كابوس قديم:
ـ الله يسامحك يا "كرم" الله يسامحه هو اللي عِمل فينا وفي أخته اكده.
سألتها " دعاء" بفضول وهي بتستغل تشتتها وحزنها على بنتها:
ـ ماله "كرم" ؟ احكي لي يا أم "نورا" متخبيش عني حاجة ممكن تكون فيها مُصلحة بتك وانتي مدريناش، سامعاكي.
أخدت أم "نورا" نفس طويل وقالت بوجع:
ـ زمان.. من سنين، "نورا" كانت متعلقة بابن عمها "حسام"، كانوا بيحبوا بعض من وهما صغار، حب طاهر وواضح للشمس، وكانوا مستنيين اليوم اللي يخلصوا فيه تعليم عشان يتجوزوا، "حسام" كان شاب زين، بيشتغل وراجل بمعني الكلمة، وكان بيموت في التراب اللي هتمشي عليه "نورا".
ـ طيب وإيه اللي حُصل؟ وليه متجوزوش؟
خبطت أم "نورا" على ركبتها بقـ.ــهرة وجاوبتها بقلب مفطور:
ـ اللي حُصل إن كان فيه مشاكل كَبيرة بين أبوها الله يرحمه وبين عمها على الميراث والأرض. و"كرم" أخوها، هو يا "كرم" وقسوته، "كرم" كان شيطان في عقل راجل، لما شاف حبهم، رفض تماماً الجوازة دي وقال عمر أختي ما هياخدها ابن عمي، ما تخرج برا البيت دي ولا تروح لعدونا اللي واكل ورثنا دي، وقف لهم زي السد العالي، "حسام" جه طلبها بالإصول وبكل احترام، وهو طرده من على الباب وبهدله وضـ.ــربه علقة كانت هتنهي حياته، وهـ.ــدد "نورا" بالقـ.ــتل لو فكرت تُنطق باسمه تاني.
ـ يا لطيف.. وكل دي عشان حتة أرض وميراث؟
ـ وأكتر من حتة أرض! "كرم" كان عاوز يفرض سيطرته، وجوزها بالغصب لـراجل كبير في السن، كان ظالم وقاسي، وقال لها وقتها؛ يا إما هتتجوزيه يا إما هخلص منك ومن "حسام" دي، البت دخلت في غيبوبة حزن من يومها، واتجوَزته من ورانا وهو عرف في نفس الليلة اللي اتجوَزته فيها وعينك ما تشوف الا النور وراها سنه اسود من كحيل الليل ، وبعدها جوزوها لراجل كد أبوها ومن بعدها "سمير" وهي جسد بلا روح، ووقعت في جحيم مكنش بيُخلص لحد ما بقيت عندكم.
تابعت "دعاء" بذكاء ودهاء وهي بتستشف كل تفصيلة:
ـ طيب.. وفين "حسام" دي دلوك؟ عايش فين؟ إيه ظروفه؟ متجوَز ولا لسه؟
بصت لها أم "نورا" باستغراب من أسئلتها الغريبة وقالت:
ـ "حسام" بعد ما "كرم" بهدله وطرده وجرسه في البلد كلاتها واتهمه بخـ.ــطف أخته، البلد بقت ضيقة في وشه، ساب البلد كلاتها وسافر يشتغل في محافظة تانية، واتجوز هناك عشان يرضي أمه وينسى اللي حُصل، بس عيشته مكملتش، اتجوَز واحدة ومحصلش نصيب وطلّقها، وعنده منها بنت صغيرة عايشة مع أمه اهنه في البلد.
ـ طب ومجاش تاني البلد؟ ولا حاول يسأل عنها؟
ـ "حسام" ؟ لاه، مرجعش وإيه هيجيبه؟ لكن هينزل كل يوم والتاني يشوف بته وامه ويعاود تاني، "حسام" شاف الويل والأسى في حياته، وانكسر كسرة عمره ما هينساها، وسمعت إنه لحد دلوك متجوزش تاني وعايش لوحده مع أمه وبنته، مقفل على نفسه باب الأحزان.
ابتسمت "دعاء" في سرها، وحست إنها مسكت طرف الخيط الحقيقي اللي هيحل عقدة "نورا"، بس دارت ابتسامتها وقالت بجدية:
ـ طيب يا أم "نورا" الكلام اللي هتقوليه دي خطير جداً، ودي السر اللي كان مخلي "نورا" تايهة ومقادراس تتقبل حياتها مع أي راجل ولا مع أي حد تاني، بتك داي روحها متعلقة بـ"حسام" دي، وعقلها رافض يستوعب إنها خسرته للأبد.
خافت أم "نورا" وقالت بصوت مرتعش:
ـ إنتي تقصدي إيه يا "دعاء" ؟ اوعى تكوني عاوزة ترجعيه لها؟ دي "كرم" لو عرف هيولـ.ــع فينا! ومش بَعيد في السجن يجيب رجالة تخلص عليهم لو دِري إنها رجعت له.
قامت "دعاء" وقفت على حيلها، وعدلت هدومها بثقة تامة، وبصت لها وقالت بنبرة حازمة:
ـ "كرم" في السجن ومهبرجعش دلوك، و"سند" هو اللي هيمسك زمام الأمور وهيحميها ، ولدك السجن هيهدي من جبروته والكسرة اللي بقى فيها هتخليه يحس إنه عايز أي حد يتعاطف معاه، ولو فيه علاج لـ"نورا" بجد، فهو مربوط باسم الراجل دي، أني مش بقول لك هنجيبه بكرة، بس على الأقل بقينا عارفين المريض وجعه فين ودواه منين، فكري في كلامي زين يا أم "نورا" وبلاش تعاندي، لأن بنتك لو ضاعت منك المرة دي ما هتعرفيش ترجِعيها تاني ومش بَعيد تفقديها للأبد.
سابتها "دعاء" وخرجت من البيت بخطوات واثقة، وسايبة أم "نورا" قاعدة مكانها بتاكل في نفسها من الندم والخوف على بنتها، وحاسة إن عاصفة جديدة بدأت تقترب من حياتهم كلهم.
وروحت دعاء وهي حاسه بالانتصار وانها عملت اللي سند طلبه منها وزياده وثاني يوم كانت ام نورا عندها واخدتها في حضنها والاثنين بكو في حضن بعضهم وقرر سند ميدخلش قصة حسام في حياتها إلا لما تتعافى شوية ونفسيتها تهدى في حضن امها وبعدين ينفذ خطوة دخوله في حياتها .
******
كان بيتحرك من على السرير عايز يوصل للعكاز بتاعه بكل إصرار وعِند ، تعب جداً وبذل مجهود جبار لحد ما قدر يوصل للعكاز ولما وصل له حاول يقوم زي ما اتعلم في جلسات العلاج الطبيعي، وفجأة وهو بيحاول يتسند على العكاز لوحده اختل توازنه ووقع على الأرض وفي اللحظة دي حس بانكسار لدرجة إن عيونه دمعت من الموقف اللي محطوط فيه والألم اللي حاسس بيه،
كانت في الوقت ده رايحة له معاد زيارتها ليه كل يوم علشان تساعده في علاجه الطبيعي لكن اتأخرت عن معادها ساعة بحالها وده حسسه بإنه بقى تقيل عليها، فحب يجرب يعتمد على نفسه،
طلعت له مع مامته وأول ما دخلوا الاتنين شهقوا بصدمة من وقوعه على الأرض ودموعه اللي بتلمع جوة عيونه ، الاتنين جريوا عليه بهلع وهما بيحاولوا يسندوه زق ايديهم هما الاتنين بغضب ناتج عن إحساس الانكسار اللي هو حاسه:
ـ بعدوا عني انتوا الاتنين مطايقش أشوف حد فيكم، اخرجوا برة، اخرجوووو.
في اللحظة دي أمه بكت علشانه وعلشان إحساسه بالانكسار ولما شيماء شافتها بتبكي طلبت منها بصمود وقوة وهي بتهمس لها جنب ودنها :
ـ معلش يا ماما اخرجي دلوك وسيبيني معاه لحالنا مينفعش يشوفك اكده هو محتاج دعم نفسي وبقوة أكتر ما محتاج يحس بالعطف والشفقة مننا .
طبطبت أمه على ضهرها وهي بتسمع كلامها بطاعة وبتشكرها بامتنان:
ـ حاضر يا بنتي، معلش غصب عني قلبي هيتقطع عليه ومقدراش أشوفه كيف العصفور المحبوس في قفص بعد ما كان هيدب في الأرض بطولها وعرضها.
ابتسمت لها شيماء بأمل وهي بتطمنها :
ـ متقلقيش يا ماما هي فترة صعبة وهتعدي وهيرجع يمشي تاني ويقول يا أرض انهدي ما عليكي قدي .
شكرتها بعيونها وطبطبت عليها وخرجت، وشيماء وطت بنص جسمها ناحية علي ومدت له ايديها ببسمتها الملانك وهي بتدعمه:
ـ كويس جداً إنك حاولت وعافرت وجربت وقمت وحتى لو وقعت فأنت كسبت شرف المحاولة، وإن شاء الله المرة الجاية هتصيب يا علي .
كان من جواه مخنوق علشان شافته وهو منكسر وكمان متضايق علشان اتاخرت عليه ايه وفجاه وبطريقه عنيفه زق ايديها وصدمها:
ـ اللي بيني وبينك لازمن ينتهي علشان أني بقيت إنسان منتهي ولا هنفعك ولا هنفع غيرك ولا حتى هنفع نفسي .
قربت منه وحضنت وشه بين ايديها وهي قاعدة قصاده على ركبتها:
ـ لاااه يا علي انت عملت العملية ونسبة نجاحها كان اكتر من تسعين في الميه وهترجع تمشي تاني وتقف على رجليك.
وكملت باعتذار عن تأخيرها:
ـ أني خابرة زين إنك زعلان علشان اتأخرت عليك بس غصب عني والله ، اتأخرت في المحاضرة الأخيرة بتاعتي.
كان من جواه مكسور وحاسس إنه بقى تقيل عليهم، بقى شايف قربهم واهتمامهم بيه شفقة وعطف وشال ايديها من على وشه ونطق الكلمة اللي صدمتها ومن وجهة نظره شايف إنها الصح وده لأنه اتأخر في المشي بعد مرور اكتر من أربع شهور على العملية ومفيش أي تقدم :
ـ معادش ينفع تضحية منك اكتر من اكده لعاجز زيي، إنتي طااا...
مكملش اليمين وحطت ايديها على شفايفه ودموعها نزلت بصمت وعاتبته بحزن:
ـ بس يا "علي" بقى، بزياداك هتُنطقها كيف يا علي؟!
اتشلّت الكلمة في حلقه، وعيونه الواسعة فضلت ثابتة في عيونها وهي بتطلع له بصدمة تانية خالص غير صدمة إحساسه وهو واقع على الأرض، كان مستني إنها تعيط، تنهار، تزعل، أو يمكن تلومه، لكنه لأول مرة مشفش في عيونها نقطة ضعف واحدة، شاف نظرة حادة، صارمة، ومغلفة بكرامة وجَلد يهد الجبال،
نزلت إيدها من على شفايفه ببطء، وقفت قباله بكل طولها، وعدلت هدومها بثبات كأنها بتنفض عنها أي شعور بالكسرة أو الشفقة، بصت له نظرة أخيرة خلت قلبه يدق بعنـ.ــف، وقالت بصوت هادي بس كان أخطر وأقوى من أي صـ.ــراخ:
ـ تعرِف يا "علي" إنت مش عاجز في رجليك ولا إنك مقادرش تمشي، لااااه؛ إنت عاجز في عقلك وروحك اللي استسلمت لأول قلم من الدنيا! عايز ترمي بلاك على الضعف والاستسلام وتستعطفني بكلمتك اللي كنت هتُنطقها عشان تداري وراها ضعفك وخوفك؟ مبروك عليك ضعفك، ريح واستريح يا سي "علي" ، بس اعمل حسابك، "شيماء" اللي حبتك مش هي هي اللي هتقبل تعامل راجل هارب من معركته!
زادت من كلامها بعـ.ــنف علشان تقدر تستفز ضعفه ويواجه محنته بقوة، ودورت ضهرها من غير ما تستنى تسمع رده، وفتحت الباب وخرجت وسابت له الأوضة كلها ولأول مرة تتعامل معاه بقانون الاستغناء المصطنع؛ من عنا استغنى فنحن عنه أغنى.
الكلمات نزلت على دماغه زي الصاعقة، مبصش للباب وهي خارجة، بس حس إن الحبل الوحيد اللي كان شادد على روحه بالأمل اتقطع، فضل ثابت مكانه على الأرض دقايق طويلة، الأكسجين قليل في صدره، ودموعه اللي كانت محبوسة نزلت سخنة ورا بعضها، بس المرة دي مكنش بيعيط عشان وجع رجله، كان بيبكي علشان حس إن كرامته ورجولته اتهزوا بجد.. كلامها مش كان قسوة، كان عامل زي صدمة كهربا صحت فيه كل أعصابه الميتة
تاني يوم، مظهرتش "شيماء" كعادتها كل يوم في نفس الميعاد، استنى كتير وهو بيبص للباب ساعة والتانية، وقلبه بينبض بقلق وخوف لأول مرة يحس بيه، يا ترى خلاص سابته وراحت وارتاحت من همومه؟
لما دخلت أمه وشافت المكان فاضي، سألته بدهشة وهي ما تعرفش أي حاجة عن اللي حصل بينهم:
ـ "شيماء" مجتش النهاردة ليه يا "علي" ؟ غريبة دي عمرها ما اتأخرت.
بلع ريقه بصعوبة، ونطق بصوت جامد فاقد للأمل:
ـ خلاص مبقاش فيه "شيماء" يا امي، أني اللي جرحتها وخلتها تكرهني وتمشي ى
بصت له أمه بصدمة وقالت بلوم:
ـ عملت إيه يا مجنون؟! دي البت استحملت معاك اللي ما حدش يتحمله!
رد وهو بيشد نفسه وعضلاته بتوجعه، وفي عيونه شرارة فقدان جديدة لأول مرة تظهر:
ـ معلش يا امي سيبيها ومتكلميهاش ، المفروض اصلا مكنتش أخليها تضحي من البداية وتضيع شبابها وعمرها معاي، اني انسان عاجز ومرضي الشفا منه مبقاش مضمون وهي لساتها صغيرة من حقها تختار اللي يوريها الدنيا زيها كيف كل البنات اللي من سنها.
من اللحظة دي، بدأت الحكاية تاخد منحنى تاني خالص، "شيماء" نفذت وعدها لنفسها وليه من بعيد لبعيد؛ كانت بتوصي أمه بكل حاجة ومن غير ما "علي" يعرف، كانت بتسأل الدكاترة وتتابع حالته خطوة بخطوة مع والدته، بس من غير ما تقرب منه ولا تظهر في وشه، كانت عايزة تخليه يعتمد على نفسه هو، مش على عكازه ولا على شفقتها اللي كان دايما بيفسر قربها شفقة،
وعلى الناحية التانية، "علي" دخل في معركة حقيقية مع نفسه ومع الزمن، شكل ما يكون قسوتها عليه كانت هي الدرس الدافع إنه يقوم ويكمل ويثبت نفسه إنه موجود ولسه عنده قوة يعافر ويقدر، كل ما كان يفتكر نظرة الجمود في عيون "شيماء" وكلامها الصارم، كان يحس بنـ.ــار بتسري في دمه، بطل يحس بالضعف وبطل يشتكي، وبطل يستنى حد يمد له إيده،
في أول شهر، كان بيقع مرة واتنين وعشرة، وكان بيصـ.ــرخ من الألم، عضلات رجله اللي ضمرت كانت بتقاوم وعروقه بتشد كأنها بتتمزق، بس كان بيقوم لوحده، يمسك في العكاز، ويعصر على شفايفه من الوجع، أمه كانت هتمـ.ــوت من الخوف عليه وهي شايفاه بيعذب نفسه بالشكل ده، وتقول له:
ـ يا ضنايا بالراحة على نفسك، هتهلك روحك!
فيرد عليها بصوت مبحوح ومرتعب من إحساس العجز:
ـ لو مهلكتش روحي وعافرت دلوك يا امي، هبقى عبد للكرسي دي طول عمري، سيبيني.. "شيماء" معاها حق في كل كلمة قالتها.
في الشهر التاني، بدأ التوازن يتحسن شوية، وبقى يقدر يقف دقايق من غير عكاز، الوجع قل وبدأت الأعصاب تتفاعل مع الحركة، كانت عزيمته بتكبر كل ما الليل يليل ويفتكر إنه لازم يرجع يقف قدامها وهو رافع راسه، مش راجل مكسور بيطلب الرأفة، وكل ده وهي متابعاه وفرحانة بيه فرحة متتوصفش لكن مع كل تقدم منه كانت بتحسسه انها بتبعد أكتر وهو يستفز ضعفه أكتر ويقاوم ويتقدم خطوات كانت بعيدة كل البعد عن ميعادها بكل إصرار وعزيمة،
وفي الشهر التالت، كانت المعركة الحقيقية؛ رمى العكاز على جنب، وبدأ يمشي خطوات بطيئة، مترددة، متباعدة، كأنه طفل لسه بيخطو أول خطوة في عمره، كان بيقع ويقوم، وينزل الجيم والعلاج الطبيعي بجهد جبار خلى الدكاترة نفسهم يستغربوا من الإرادة الفظيعة اللي ظهرت فجأة عند الراجل ده، البركان اللي جواه كان بيزق جسمه غصب عن الوجع وعن أي حاجة،
وبعد مرور تلات شهور كاملة من التحدي والتعب اللي ميتحملهوش بشر والعرق والصبر المرير، كان "علي" بقى إنسان تاني خالص؛ رجله شافت الحيوية من جديد، عضلاته شدت، وبقى يمشي بثبات وثقة عجيبة كأن مفيش حاجة حصلت له ابدا بمعجزة من عند ربنا كان سببها الإرادة،
في يوم جميل، والجو هادي، كانت "شيماء" قاعدة في حرم الجامعة مع صحابها على إحدى الاستراحات، بتراجع شوية محاضرات وراها. كانت ملامحها هادية بس جواها بحر من الشوق والخوف عليه، مكنش بيعدي يوم من غير ما تسأل أمه عنه وتطمن من بعيد وتتابع إنجازاته بفخر، وكانت شايلة هم كبير يا ترى هيوصل لفين في معركته؟
وفجأة، وهي مندمجة في الكلام مع زميلتها، لفت انتباهها حالة من الهمس والحركة الغير معتادة وسط الطلبة اللي رايحين وجايين قدام البوابات الرئيسية للكلية، بنات كتير بدأت تبص وتبتسم، والكل بيتساءل مين الشخص الشيك ده اللي بيمشي بخطوات ثابتة وواثقة ومالي مكانه هيبة،
رفعت "شيماء" عيونها بكسل تبص في الاتجاه اللي الناس باصة له، و.. الهوا وقف في صدرها، والكلمة اتعلق في حلقها،
كان "علي" بس مش علي اللي كان على الكرسي ولا علي المكسور اللي سابته من شهور بوجع وقهر قلبها، كان راجل تاني خالص يخطف الانظار؛ واقف بكامل طوله، عريض الكتاف، لابس بدلة كلاسيكية سودا مظبوطة على جسمه بالمللي، وقميص أبيض من غير كرافتة مدي له وسامة وهيبة طاغية، وشعره متظبط بعناية، وماسك في إيده بوكيه ورد أحمر كبير وجميل وشيك جداً ورقيق زي صاحبته اللي هتتهدي بيه،
كان ماشي على رجليه، ماشي بخطوات واثقة، قوية، وثابتة على الأرض، وكأنه عمره ما عرف الكرسي ولا سمع عنه ولا عانى معاه زيادة عن سنة ، عيونه كانت تدور في المكان بلهفة لحد ما وقعت عليها،
صحباتها اتفاجئوا وبقوا يبصوا لبعض بدهشة، و"شيماء" حسّت إن رجلها ما عادتش شايلينها، قامت من مكانها ببطء شديد، ودموع الفرحة اتجمعت في عيونها وتناثرت على خدودها من غير ما تحس بيها، قلبها كان بيدق بجنون، وكأنها بتشوف معجزة قدام عيونها بتحصل قدام الكل،
قرب منها "علي" بخطوات ثابتة لحد ما بقى واقف قدامها مباشرة، المسافة اللي بينهم كانت مليانة كلام كتير ميتوصفش، نظرات عينيه كانت بتحكي قصص من العذاب، والإصرار، والعشق الجارف اللي مبيخلصش،
مد إيده بالورد قدامها، وابتسم ابتسامة صافية نورت وشه كله، وقال بصوت دافي، هادي، ومليان رجولة وتأثر:
ـ مسا النور يا دكتورة.. أو المفروض أقول؛ شكرا يا أشطر وأعظم درس اتعلمته في عمري، ولولا فضل ربنا ولولاكي مكانش هيبقى في "علي".
غطت "شيماء" شفايفها بإيديها الاتنين، ومن كتر العياط والفرحة مكنتش قادرة تنطق بحرف واحد، فنزلت دمعة حامية على خدها، وردت بصوت متأثر بمفاجئته:
ـ إنت.. إنت مشيت يا "علي" .. بجد مشيت وواقف قدامي؟
نزل " علي" بركبة واحدة قدامها قدام كل الطلاب والناس اللي متجمعة بتتفرج بحب وانبهار، ومسك إيديها باسها بحرارة واحترام قدام الكل، وقال بصوت عالي وواضح يسمعه كل اللي حواليهم:
ـ مشيت وجريت ورجعت "علي" اللي تعرفيه وأحسن كمان! أني آسف على كل لحظة ضعف ضعفتها قدامك، وآسف لأني في يوم فكرت أتنازل عنك، كنتِ أقوى مني، وكنتِ الصح اللي نغزني عشان أصحى من غفوتي، الورد دي ليكي، وقلبي وعمري كلاته ليكي، ويلا بينا نروح نكمل دنيتنا اللي استنيناها، لأن مفيش في الدنيا دي الم يقدر يكسر "علي" طول ما إنتي جنبي.
ضج المكان كله بالتصفيق الحار والصفارات الإعجابية من الطلاب والأساتذة اللي حضروا الموقف الرومانسي العظيم ده، وشيماء من كتر الفرحة نزلت لمستواه، حضنته بكل قوتها قدام الكل، ودفنت وشها في صدره وهي بتعيط بصوت عالي:
ـ الحمد لله.. الحمد لله يا روحي.. مبروك رجوعك ليا ولنفسك.
ابتسم علي وهو بيشدد على حضنها وبيعوض أوقات العجز اللي فاتت، وحس أخيرًا إن الحياة ضحكت له، وإن العاصفة خلصت، وبدأت الجنة بتاعتهم الحقيقية من اللحظة دي وبس