ـــــــ
جاك بصّ له بتحذير.. وانعدل ليه وبصّ له بجمود.. اجلس يا مازن.
مازن استغرب وقعد.. كمّل بسخرية.. أكيد مش جاي تطمّن عليا.
جاك بسخرية.. لا أنا هنا لشيء آخر.
مازن باستغراب.. إيه هو؟
جاك بابتسامة ماكرة.. تريد الخروج من هنا صحيح؟
مازن باستغراب.. جاك أنا عارفك كويس أنت مش هنا عشان تساعدني قول أنت عاوز إيه من الآخر.
جاك بمكر.. التخلص من أحدهم.
مازن بصدمة.. مين هو؟ مراد.
جاك بضحك.. مراد أحمق والتخلص منه شيء سهل جداً.
مازن بصدمة وبلع ريقه.. مين تقصد؟
جاك.. نفس الشخص لا أريد تلطيخ يدي بدمائك القذرة مازن.
مازن بصدمة.. أنت عاوز تتخلص مني أنا.
جاك بابتسامة ماكرة.. نعم.
مازن قام بغضب وضرب على الترابيزة اللي قدامه.. أنت اتجننت.
جاك بنفس النظرة.. أنت تفعلها أفضل مني مازن أنت لا تريد جلب العذاب لنفسك وأنا لو تدخلت لن ترى الرحمة قط ورفقاً بالصغير الذي تحمله شقيقتي في داخلها لا أريد ذلك، وأنت! أيضاً ولا أريد أن يبعث الصغير ويراني قاتل ولده القذر.
مازن اتجنن وقام مسك جاك من هدومه.. أنت عبيط أنت عاوزني أموت كافر.
جاك بنظرات ثابتة.. وبص على إيده اللي على هدومه.. بسخرية.. مازن أنا أعلم عن جميع جرائمك جميعها وأيضاً جرائم الاختلاس من شركة عائلتك وجميع الأوراق المزورة ولدي أدلة كفيلة أن تجعلك ترقد في سلام على يد عائلتك ها مازن تريد خروج كل ذلك للنور أنا ليس لي أدنى مشكلة.
مازن رجع بصدمة لورا خطوة.. وبص له بذعر.. أنت عرفت منين؟
جاك بمكر.. أنا أعلم كل ذلك مازن استمتع بالوقت المتبقي لك في هذه الحياة.
جاك قام ونفض هدومه من إيد مازن ومشي وسابه بس وهو خارج من غير ما يلف ليه.. مازن دماؤك على يد الذئب الأسود.
مازن بصدمة.. الذئب الأسود ده هو هو اللي دمّر مراد قبل كده وأنت إيه علاقتك بيه.
جاك بسخرية.. علاقتي بالذئب الأسود كبيرة مازن أمثالك لن يعرفوها جيداً وأيضاً أريد تقديم التعازي لك مازن.
مازن بصدمة.. في مين؟
جاك بشر.. قريباً ستعلم مازن وداعاً.
وساب مازن وهو مصدوم وكركب دماغه مازن قعد وحط إيده على راسه برعب.. أنا غبي أنا نسيت إن الموضوع مش هيبقى بيني أنا وحسناء بس نسيت ده لازم أتكلم مع حسناء أو مراد لازم أطلع من هنا المجنون ده ليه أكيد رجالة هنا وممكن يخلصوا عليا في أي لحظة غدر.
جاك خرج وحط النضارة الشمسية على عيونه وخرج وهو الشر بيطير من قدامه ورجالته حواليه.. ركب ومشي.
ــــــــــ
عند مراد بدأ يفوق بس التنفس كان اتعدل شوية.. أنا فين ومين جابني هنا حد يرد عليا أنتم مين أنتم متعرفوش أنا مين فكوني.
الأوضة اللي فيها مراد.. بدأ يشتغل مكبر صوت وأصوات مزعجة وبصوت عالي أوي مفيش حد يقدر يستحمله
ومراد فضل يزعق وعاوز يكتم ودانه بس هو متربط.. أنتم مين وقفوا الزفت ده آاااااااااه وفضل يترجاهم عشان يسمعوا ليه ويطفوه بس للأسف كان الصوت بيعلى أكتر والدوشة عالية أوي.
"مين اللي بيحب مراد أوي كده 😂"
ــــــــــ
في المحكمة.
القاضي شاف الكاميرات ولقى إن المستشفى كانت مقفولة في اليوم ده ومحدش كان فيها غير عمال الصيانة لأنهم كانوا بيعدلوا فيها حاجات
المحامي.. سيادتك شفت الكاميرات ممكن تقولنا فيها إيه؟
القاضي.. بجدية.. فيها عمال صيانة.
المحامي.. فعلاً سيدي لأن اليوم ده كانت المستشفى فيها صيانة ومفيش ولا عملية اتعملت فيها وكل الدكاترة كانوا إجازة وبكده لعدم وجود أدلة كافية لا دليل لا إدانة.. دي أول قضية تاني قضية تجارة سلاح سيدي من فضلك أريد سؤال موكلي بعد الأسئلة.
القاضي.. اتفضل.
المحامي.. دكتور عمر أنا معايا قطعة سلاح ممكن تقولي مواصفاتها إيه.. ورفعها لعمر.
عمر.. بصدق.. أنا معرفش في السلاح ولا أنواعه.
المحامي.. معلش حاول تحدد من أنواع السلاح الموجودة في السوق.
عمر بجدية.. ممكن تكون قطعة سموز صغيرة.
المحامي.. بضحك.. دكتور مفيش نوع بالاسم ده أصلاً حضرة القاضي لو هو فعلاً تاجر سلاح أكيد هيبان إنه بيكدب أو لا وبعدين اللي بيبقى تاجر بيبقى عارف أنواع السلاح حتى لو غلط ممكن يجيب نوع من الأنواع التانية غير النوع بتاع القطعة اللي هو بيعاينها دي مش هيقول نوع مش موجود نهائي.
وفينا برضو نستدعي اللي اعترفوا عليه إنهم تابعه ييجوا هنا ويقولوا مين في الموجودين دول هو المعلم بتاعهم مش عشان الاسم اتقال يبقى هو ممكن يكون حد مستعمل اسمه عشان يورطه.
نادر بلع ريقه بصعوبة.. لأنهم عارفين نادر مش عارفين عمر.
القاضي.. هاتوا المتهمين لهنا.
شوية وجه المتهمين.. والقاضي اتكلم.. مين فيهم المعلم بتاعكم؟ فين عمر فيهم؟
بقوا يبصوا ليهم كلهم جوه القفص ويبصوا لبعض..
واحد منهم.. مش موجود هنا يا بيه.
المحامي.. اتأكدوا تاني..
واحد تاني.. متأكدين عمر العزايزي مش حد فيهم
المحامي.. سيادتك اتأكدت بنفسك.
نادر قام وقف.. ما يمكن متفقين معاهم عشان يطلعوا عمر من القضية.
شوق.. باستغراب.. أنا ليه الصوت ده مألوف ليا حاسة إني سمعته قبل كده.. ولفت تشوف اللي بيكلم لقته راجل كبير.
المحامي.. حضرتك معاك حق بس دول متهمين كانوا محبوسين وأكيد المتهمين زي ما قالوا إن عمر العزايزي هو المعلم بتاعهم أكيد شافوا وشه.
واحد منهم.. أيوه احنا عارفين وش عمر العزايزي كويس ومش موجود في دول.
نادر قعد تاني مكانه وسكت ووائل بعت ليه رسالة.. كده عمر هيطلع براءة اتصرف.
المحامي.. كده تاني قضية لموكلي التالتة إنه أمير الجماعة.. تقدر تقولي يا شيخ أنت اللي جنب موكلي اسمك إيه.
الراجل.. اسمي الشيخ عتمان.
المحامي.. شيخ عتمان أنت قولت موكلي إنه أميركم صح إيه رأيك في موضوع ميراث النساء.
الشيخ عتمان بغضب.. ده كفر بالدين ولا يجوز.
عمر رد عليه.. من أي دين ولا أي حديث قال كده ولا إيه إثباتك الكلام ده الدين الإسلامي عظّم المرأة وشأنها ليه يعني أنت بتجيب أدلة منين بكده.. ده ربنا قدّر ليها ميراث ليه ناخد حقها.
الشيخ عتمان بغضب.. يا أميرنا المرأة كانت تورث في الميراث.
عمر بغضب.. دي أيام الجاهلية ولما دخل الإسلام حفظ ليها حقها إزاي عامل إنك من الجماعة وعارف شرع ربنا وأنت مبتنفذش بشرعه ومش بتقول أنا أميركم يبقى لازم الطاعة ليا.. وعدم الاختلاف معايا.
المحامي.. زي ما سيادتك شفت لو فعلاً أميرهم كانوا اختلفوا في كده وهو بينفي شرع ربنا في الأرض.. كده قدمت لحضرتك كل الأدلة الموجبة بعدم تورط موكلي مع أي من القضايا الملفقة إليه.
الشيخ عتمان بهمس لعمر.. لو مخرجناش سوا هتتقتل بره.
عمر ببرود.. أنا روحي في إيد اللي خالقها مش هخاف منكم ولو موت هيكون عمري مش خوف منكم.
القاضي.. نظراً إلى حديث الشهود وعدم وجود أدلة كافية حكمت المحكمة حضورياً على المتهم عمر مكرم حامد العزايزي بالبراءة من جميع التهم الموجهة إليه وحبس الشهود للتحقيق معاهم وتضليل العدالة..
عمر غمض عيونه بفرحة.. يا ما أنت كريم يا رب الحمد لله.
الكل حضنوا بعض بفرحة..
شوق بفرحة.. يحيا العدل.
ورد بدموع فرحة.. شكراً يا رب ألف حمد وشكر ليك.
جاسر قام وسلم على المحامي وأخده في حضنه بفرحة.. عمرك ما خذلتني يا أستاذ.
المحامي بفرحة.. ألف مبروك.
رهف قامت عشان تطمن على عمر.. مبروك يا حبيبي.
عمر بفرحة.. الله يبارك فيكي.
جليلة.. دلوقتي الواحد قلبه استريح عشان اطمن عليك يا ولدي.
عمر بابتسامة.. تسلميلي يا رب يا مرات عمي.
شوق بدموع.. ألف مبروك 🥹.
عمر بحب.. الله يبارك فيكي يا حبيبي.
كايا بغلاسة.. أحـم أحـم إحنا موجودين هههههه.
ورد خبطته في كتفه.. بغيظ.. اتلم.
والكل قعدوا يضحكوا عليهم.
فاطمة.. مبروك يا حبيبي حمد الله على السلامة.
عمر.. الله يسلمك يا رب.
المحامي.. عمر أنا هروح أكمل إجراءات طلوعك ألف مبروك.
عمر بشكر.. شكراً بجد ليك على تعبك معايا.
المحامي.. ده واجبي.
ومشي مريم كانت قاعدة جنب وائل وكانت متوترة أوي مش عارفة تحكي لعمر اللي سمعته ولا تسكت وتكمل الفرحة وخلاص وكانت بتبص على وائل بتوتر.
وائل كان مضايق إن عمر طلع ومشي هو ونادر خرجوا بره.
مريم.. مبروك يا عمر.
عمر.. الله يبارك فيكي.
خرجوا بره عشان يستنوا عمر لحد ما يخلص الورق ويخرج مريم..
مريم.. أنا همشي بقى عشان زمان ماما قلقانة عليا حمد الله على سلامة عمر.
جاسر.. إذنك معاكي يا بنتي اتفضلي كايا وصّل الدكتورة.
ورد بغيرة.. نعم يروح فين يبقى ينتقل.
جاسر بضحك.. هو هيوصلها مش هيجوزها.
ورد بغيرة أكبر.. لا.
بلال.. خلاص أنا هوصلها.
مريم.. ملوش لزوم التعب أنا هاخد تاكسي.
بلال.. ولا تعب ولا حاجة وخد مريم ومشيوا.
شوق.. البت مشيت وماخدتش العلبة بتاعتها.
كايا باستغراب.. علبة إيه؟
ورد.. ادتنا علبة قبل ما ندخل وقالت خليها معاكم بس كانت متوترة أوي مش عارفة.
كايا.. يمكن كانت قلقانة زينا على عمر.
بعد ساعتين كان عمر خرج معاهم ومروحين بيه البيت
الكل استقبله بفرحة وقعد معاهم فترة وبعدين طلع فوق هو وشوق.
شوق أخدته في حضنها أوي وفضلت تعيط.. وحشتني أوي يا عمر.
عمر بحب.. وأنتي أكتر وحشتيني أوي أوي أوي.
شوق اتكسفت..
وعمر كان ماسك إيديها وهيبوسها بس لقى لزقة على إيديها.. مالك.
شوق اتوترت.. مفيش.
عمر.. شوق في إيه.
شوق.. بتوتر.. طيب ارتاح الأول وبعدين أبقى أحكيلك.
عمر بجدية.. شوق في إيه لآخر مرة؟
شوق بتوتر.. عمر أنا سقطت.
عمر بصدمة.. إييييييي.
ــــــــــ
بلال ومريم
مريم كانت متوترة وبتفرك في إيديها..
بلال.. هنا صح.
مريم.. أيوه شكراً حضرتك تعبتك معايا.
بلال.. بابتسامة.. ولا تعب ولا حاجة.
مريم.. اتفضل معايا.
بلال.. فرصة تانية إن شاء الله.
مريم.. إن شاء الله.
ونزلت وهو فضل واقف لحد ما طلعت فوق وهو ابتسم ومشي.
مريم طلعت فوق ولسه بتفتح الباب لقت حد بيكتم نفسها....
ــــــــــــ
عند كيليان
كان فاق وأخدوه وراحوا بيه البيت بس اتصدموا.