رواية عودة عاشق الجزء الرابع4الفصل الثامن عشر18 بقلم منة الله
في بيت العزايزي
كان الكل بيحضروا لكتب الكتاب ورهف شغلت أغاني وفضلت ترقص هي وكايا وورد معاهم.
والكل كانوا فرحانين ما عدا شربات وجليلة....
شربات قامت بعيد رنت على أخوها..
شربات بتصنع الحزن.. الحق يا خوي، رهف مشغلة أغاني وبترقص عشان خلصت منك.
صلاح بغضب.. قصدك إيه؟
شربات بخبث.. مش قصدي حاجة يا خوي، بس هي هنا عمالة ترقص وتتمايل مع الرجالة ولا عاملة اعتبار ليك ولا حزنانة عليك ولا على العيال ولا كأنها ما صدقت إنها تخلص منكم.
صلاح بغضب.. أنا هنزل أوقف المسخرة دي.
شربات بمكر.. لا لا يا خوي، أقولك كيف تقهرها بجد وتربيها.
صلاح بشر.. كيف؟
شربات بابتسامة خبث.. هقولك.
......
وقفلت مع أخوها بعد ما اتفقوا هينتقموا من رهف إزاي.
شربات بخبث.. وبصت على جليلة.. النهاردة هخليه عزا مش فرح.
كايا أخد رهف في حضنه وباس راسها وهمس ليها.. هرجع ولادك لحضنك تاني وده وعد مني.
رهف بصت له والدموع الفرحة في عيونها.. بجد يا كايا.
كايا باس إيديها الاتنين.. بجد يا قلب كايا.
رهف حضنته بفرحة.. ربنا يخليك ليا يا خوي يا رب.
كايا بحنية.. ويخليكي ليا وما يحرمنيش منك أبداً.
رهف طلعت من حضنه.. نفسي نتجمع تاني أنا وانتي وأمي وأبوي ومراد اللي سافر وقال عدولي، ده وحشني قوي.
كايا بص على جليلة اللي كانت بتبص على جاسر بحزن وندم.. بتنهيدة.. هتكلم مع أبوي.. ومراد هخليكي تكلميه فيديو ونعمله مفاجأة إن النهاردة فرح أخوه.
رهف بحماس.. يلا.
أخدها وطلعوا على أوضة كايا وكايا طلع اللاب توب واتصل على مراد فيديو كول.
عند مراد
كان قاعد بيحذف ملفات من على اللاب وشاف ملف قديم كان مكتوب باسم مايا فتحه وكان صورهم مع بعض، بدأ يقلب في الصور وبدأ يشوف حب مايا ليه وقد إيه هي حبته وإن الحب كان باين في عيونها ليه وإنه إزاي ما كانش شايف ده كله، إزاي قدر يجرحها ويعمل فيها ده كله، معقولة عشان الانتقام بس خسر أكتر حد حبه في حياته، بدأت المقارنة بينها وبين إنجي وإن ربنا وجعه بنفس الطريقة، هو خان مايا عشان إنجي وإنجي خانته عشان واحد تاني، قد إيه العدالة الإلهية ما بتنساش حد، بدأت إيده تمشي على صور مايا بحسرة وبدأ كلامه ليها ونظراته ليه وهو بيوجعها ولما إيده اتمدت عليها تيجي في خياله وحس بألم في قلبه...
مراد بحسرة.. ضيعتك من إيدي.
ساب اللاب وقام من على السرير.. وقف في البلكونة عشان يتنفس ويشم هواء نضيف.
شاف جاسيكا قاعدة في الجنينة هي ومازن وماسكة كاس في إيديها وبتشرب، بص لنفسه بقرف.. إيه القرف اللي أنا كنت فيه ده كله، الحاجة الوحيدة اللي كانت نضيفة في حياتي كانت هي.
كور إيده بغضب.. جاك جركام انت سبب ده كله، هرجعها ليا من تاني.
سمع صوت الرنة على اللاب، دخل بسرعة فكرها هي، دخل بلهفة بس لقاه كايا، غمض عيونه بألم.. هترن عليكي ليه يعني، ما خلاص كله راح.
فتح على كايا.. ألو.
كايا بفرحة.. عامل إيه يا بني، إيه قولت عدولي شكلك خلصت الشغل.. ارجع بقى وحشتنا وكمان عندي ليك مفاجأة.
مراد كانت ملامح الحزن باينة على وشه.. إيه هي المفاجأة.
كايا باستغراب.. مالك يا مراد؟
مراد بحزن.. مفيش بس تعبان شوية.
رهف.. مرادي.
مراد بحزن.. رهف.
رهف بحنية.. عامل إيه يا عيوني؟
مراد بحزن.. كويس انتي عاملة إيه وولادك وجوزك.
رهف بصت لكايا وكايا بصلها بحزن.
مراد بقلق.. في إيه؟ ما تنطق انتي وهي، في إيه ولادك فيهم حاجة، مالك يا رهف ليكون عامل فيكي حاجة، أجاي أخليه ليكي على نقالة.
كايا بغضب.. صلاح طلق رهف وأخد منها العيال.
مراد بجنون.. نعمممممم بروح أمه ليه، هي سايبة ملهاش أهل ده ولا إييييه، ده آخرته على إيدي، قال بنت هو مد إيده عليكي؟
مراد اتحول لشخص تاني.
كايا بغضب.. آه مد إيده عليها وطلقها وسابها تنزل لوحدها، طردها بالليل ابن 🐕.
مراد بجنون أكتر.. هقطعها ليه، اللي تمد على أختي هخلص عليه بإيديا، أنا هنزل ليه هعرفه إزاي يبقى يمد إيده على أختي.
رهف بدموع.. اللي عاوزاه دلوقتي إني أشوف ولادي ومش عايزة منه حاجة غيرهم.
مراد بحدة.. لو ما كنتش أجيبه متقطع كده تحت رجليكي هو وأهله ما بقاش مراد العزايزي، كايا تبعت تجيب العيال
دلوقتي شكله نسي مراد وحسابه معايا.
رهف بحب.. ربنا يخليكم ليا يا رب.. ما قولتلوش على المفاجأة.
كايا بفرحة.. عقبالك كده انت ومايا كتب كتابي أنا وورد النهاردة.
مراد قلبه وجعه.. مبروك يا خوي.
رهف.. مايا مايا مين؟
كايا.. فاكرة البنت اللي كانت مكتوب كتابها على مراد هي دي.
رهف بفرحة.. مايا بنت الدكتور أحمد الجارحي صح، دي بت غلبانة واتاخدت في الرجلين بجد راجع ليها يا مراد، تعرف انت عامل حاجة حلوة في حياتك عشان كده ربنا عوضك بالبت دي، ربنا يكمل فرحتك على خير يا روحي.
مراد بحزن.. ما عادش فيها مايا يا كايا.
كايا باستغراب.. ليه في إيه، مايا كويسة حصل ليها حاجة انطق يا مراد عملت للبت إيه؟
كان بيكلم بقلق عليها اللي زاد أكتر من معالم مراد الحزينة ورهف كانت بتبص ليهم بقلق.
مراد بحسرة والدموع اتجمعت في عيونه وبدأ يحكي ليهم اللي عمله كله وضربه لمايا والكلام واللي حصل لمازن.
رهف بغضب.. انت اتجننت يا مراد بتمد إيدك عليها وبتقولها كلام يسم البدن، أنا دلوقتي عرفت حياتي اتخربت ليه، ما هو ربنا بيخلص حقها في حاجة هتوجعك أوي، البت استحملت كلام أمك في الطالعة والنازلة، تعرف ما كنتش أعرف إن أخويا وحش كده.
كايا بغضب.. جاك يوم ما جه هنا عشان ياخد حسناء ما كانش هامه حاجة وكان ممكن يخلص على الكل عادي عشانها، مراد جاك مش عدوك انت عدو نفسك مش جاك.
مراد بغضب.. لاا جاك هو عدوي، جاك اللي خدها مني.
كايا بسخرية.. مصدق الكلام ده بجد، مايا شافت معاك العذاب، حبك هلاك أما هو نجاة، هو اللي نط في البحر عشانها بعد ما سبتها في نص البحر لوحدها وطلقتها، إذا كنت انت ولا مازن وأنا اللي كنت بقول عليكم انتو كبار وعارفين الصح من الغلط، طلعتوا عاوزين حد يعرفكم الصح من الغلط يا كبار يا واعيين، انتو الاتنين خسرتوا أشخاص حبوكم بجد وكانوا مستعدين يضحوا بالدنيا عشانكم، بجد مبروك لمايا مع جاك وحسناء مع كيليان.
مراد بغضب.. بتبارك ليهم مع غيرنا.
كايا بسخرية.. آه وكمان هتصل أبارك ليهم هما إخواتي برضه ولازم أبارك ليهم.
مراد بجنون.. هخلص على الكل وأولهم جاك، هاخدها وأرجعها ليا من تاني، هترجع ليا من تاني هي بتحبني أنا وبس، أنا أنا بحبها وهي بتحبني.
رهف.. مراد ده مش حب ده دمار، انت بس غيرتك مسيطرة عليك، بلاش تظلم البت، افرح ليها إنها بقت مع حد هيقدرها صح.
مراد قفل في وشهم وهو متعصب.. مايا مش هتكوني لحد غيري أبداً.
وقام لبس وهو بيلبس شاف علبة صغيرة في الدولاب فتحها وطلع منها السلسلة اللي كان جايبها في عيد الحب مسكها وبص ليها بقهر، حطها في العلبة تاني وأخد العلبة وحطها في جيبه ونزل على تحت.
ـــــــــــ
عند مايا صحيت لقت نفسها نايمة في حضن جاك افتكرت اللي حصل بينهم وعضت شفتها بكسوف حاولت تقوم من جنبه بس هو كان ماسك فيها كأنها هتهرب من جنبه، مايا استسلمت ورجعت نامت تاني في حضنه وهو ضمها ليه أكتر وأكتر.
عند حسناء
كانت داليا رايحة تشوفها بس اتصدمت لما ملقتش حسناء موجودة في البيت فضلت تدور عليها بقلق ملقتهاش...
داليا رنت عليها كتير وفونها كان في الأوضة، راحت عند كيليان تشوفه ليكون أخدها وخرجوا يتمشوا زي المرة اللي فاتت، لقت كيليان نايم في الأوضة.
داليا برعب... دييييييف جااااااااااااك الحقوووووني.
وفضلت تنادي على الكل.
كيليان سمع صوتها وقام بخضة ونزل لتحت.. ماذا هناك يا خالتي؟
داليا برعب.. حسناء.
ديف جه وجميلة بخوف..
ديف بخوف.. ما بها حسناء؟
جاك كان قام لما سمع صوت أمه ولبس هدومه وخرج ومايا كانت مستغربة ليه خالتها بتزعق كده لبست هدومها ونزلت وراه.
جاك بقلق.. ماذا يحدث لماذا كل هذا الصراخ؟
جميلة بقلق.. داليا فيها إيه حسناء؟
جاك بخوف.. حسناء.
داليا.. حسناء ما هيش في البيت كله وسايبة الفون بتاعها، أنا مرعوبة عليها.
مايا بخوف.. اهدي يمكن موجودة في البيت ندور عليها.
جاك وكيليان طلعوا جري وفضلوا يدوروا على حسناء وديف طلب الأمن وسألهم إذا شافوها خرجت الصبح أو لا ومحدش فيهم شافها.
طلعوا بره وفضلوا يدوروا عليها.
اليوم كله محدش كان لاقيها وجاك رجالته قلبوا المنطقة كلها عليها وكيليان خرج بره المنطقة وكانوا قالبين الدنيا عليها.
مايا وصلها رسالة.. لو عاوزة تعرفي سر موت أختك تعالي لوحدك على العنوان ده، معاكي نص ساعة وإلا مش هتعرفي السر أبداً.
مايا خرجت من غير ما تعرف حد وراحت على العنوان بعد ربع ساعة وكان جراج كبير وفاضي، دخلت وحد حط إيده على بوقها بمنديل ومايا بعدها فقدت الوعي.
ــــــــــــــ
عند مريم
كانت مربوطة وكان جنبها بلال مربوط زيها.
نادر بخبث.. المنقذ اللي شافني وأنا بخطفك كان لازم برضه أجيبه معاكي وأهو تشوفوا بعض وانتم بتموتوا.
بلال بغضب.. هخلص عليك انت مين وإيه علاقتك بيها عاوز منها إيه.
مريم بخوف.. نادر نادر خايف إن حقيقتك تنكشف صح وطبعاً خطفتني عشان ما أقولش لعمر على كل حاجة.
نادر قرب منها ومسكها من وشها بغضب.. هتتعفني هنا محدش هيسأل عليكي انتي وهو، هو المساعد بتاع كايا العزايزي يعني ملوش لازمة وانتي حتة دكتورة لا راحت ولا جت.
بلال بغضب.. شيل إيدك عنها.
نادر طلع سلاحه وحطه في وشهم الاتنين.. واحد فيكم هيودع قبل التاني بس يا ترى مين؟
وقعد يضحك بشر.
ـــــــــــ
عند أم مريم رنت على عمر.
عمر استغرب الرقم ورد.. ألو.
أم مريم.. دكتور عمر صح؟
عمر.. أيوه أي خدمة.
أم مريم.. أنا أم مريم زميلتك يا بني.
عمر.. اتشرفنا يا خالتي، إزيك عاملة إيه أقدر أساعدك في حاجة.
أم مريم بدموع.. مريم ما رجعتش من امبارح البيت، هي لسه معاكم.
عمر بصدمة.. إيه