معقول مكملتيش دراستك ...
قالها بصد.مة فهزيت راسي وقولت :
-الحمدلله على كل حال...
حسيته متضا.يق وقال ،:
-عندك كام سنة ؟
-أربعتاشر سنة ...
-أنا اسف ...
قالها وعلى وشه كآ.بة غريبة فبصتله بدهشة فقال :
-كان لازم نقف معاكي بعد ما والدك الله يرحمه ...بس للاسف خلينا المشاكل تأثر علينا ...حقك علينا يا رحمة ...
دموعي نزلت ومقدرتش اتحكم في نفسي
-امسحي دموعك ...من النهاردة محدش هيقدر يجي عليكي ...ده وعد مني أنا ...
.....
بعد شوية .
كنا قاعدين حوالين السفرة في بيت عادل ومي ...كنا مبسوطين وبنضحك ...مي وعادل كانوا لُطاف أووي معايا ...حسيت ان نفسي أعيط من كتر ما هما بيعاملوني كويس ...
....
ومرت الأيام في البيت ده وكر.ه عمتي مبيتغيرش خاصة بسبب دفاع مراد عني ....رغم كده كنت بساعد في البيت وبحاول مقصرش...ماما كلمتني مرة واحدة بس تتطمن ومكررتهاش تاني ...اللي عرفته أن جوزها نبه عليها لو كلمتني هيطلقها ..وهي خافت على بيتها ....عرفت وقتها اني مينفعش ألوم عمتي كتير ...إذا كانت امي عملت فيا كده ...كان قلبي وا.جعني أن اللي مفروض تكون الآمان ليا هي اللي اتخلت عني ...هي اللي رفضت تصدقني عشان متخر.بش بيتها ...سمحت لابن جوزها يتحر.ش بيها ومنطقتش ...كل الأفكار دي كانت بتو.جع قلبي ....
......
مر خمس شهور
في يوم ...
كنت قاعدة في أوضتي بعد ما خلصت ترويق البيت واتغدينا ...طبعا انا اكلت عند مي لأن لما قعدت اتغدى مع عمتي سمـ.ت بدني وطـ.فحتني الأكل ....
باب أوضتي خبط ....لبست طرحتي وروحت ناحية باب الاوضة وفتحته ولقيت مراد اللي ابتسملي بلطف وقال :
-أز.عجتك ...
هزيت راسي بكسو.ف بمعنى لأ فابتسم وقال :
-رحمة أيه رأيك تكملي تعليمك ؟
...........
-آه ...
صر.خت رضوى لما حسين ضر.بها بالقلم ....بصتله بصد.مة وقالت :
-بتضر.بني بالقلم يا حسين ....أنا مالي أنا...
-أخرسي ...أخرسي وسيبني في حالي ....أنا ابني هيتحـ.بس وانتي بتكلميني عن بنتك اللي متربتش ...
-لا يا حسين بعد اللي حصل ابنك هو اللي متر.باش وشكل بنتي كانت. بتقول الحقيقة أنه اتحر.ش بيها ...لأن اهو واحدة زميلته في المدرسة قالت إنه اتحر.ش بيها ورفعت قضية عليه....
-اخرسي ...قولت أخرسي ...
قالها ومسـ.ك شعرها وفضل يشد فيه وبعدين قعد يضر.ب فيها ...
. ..
كان عمر قاعد في اوضته وهو بيعيط ...هو اتظلم ....هو متحر.ش بحسناء ...هي اللي طلعت معاه ووافقت أنه يلمسها ويحضـ.نها ...بس لما اختلفوا عشان شافت على موبايله شات مع واحدة تاني اتهـ.مته الإتها.م ده وخلت مجموعة من أصحابها وأصحابه كمان يشهدوا عليه ....هي اتبلت عليه ...بس يمكن ده ذ.نب رحمة اللي هو اتبلى عليها انها بتكدب وهو فعلًا اتحر.ش بيها !
.......
تاني يوم ....
اتصدمت وانا بشوف امي في بيت جدي ....باين عليها مضر.وبة .....
كانت عمتي بتبصلها بتريقة وقالت :
-ايه المحروس اللي اتجوزتيه بعد اخويا ضر.بك ..؟
بصت للأرض وقال بصوت مخنو.ق :
-حسين طلقني ...
-متوقع والله ...طيب ها جيتي ليه ؟
-جاية أخد بنتي !