قال فهد بحزن شديد: المشكلة إني مش هقدر أبعد عنك يا ملك
نهضت من أحضانه وقالت ببرود: عاوز ايه يعني يا فهد
نهض فهد ووقف أمامها وقال: عاوز مراتي يا ملك عاوز أحس إني زي أي واحد متجوز مش اتجوزت زي متجوزتش بقضي معاكي شوية وقت في السر وبكون خايف إن حد يشوفني
قالت ملك بهدوء: بس انا قولتلك من الأول وانت وافقت على الوضع ده يا فهد
قال فهد بغضب: بس مقولتليش إني هعيش كده يا ملك انتي عملتي حادثة وانا مش عارف أدخل ليكي حتى وخوفت لحد يشك في حاجة
قالت ملك ببرود: على أساس إنك مدخلتش يا فهد
تنهد فهد بقوة كبيرة وقال: بس في السر يا ملك من بعد ما الكل مشيوا وانا مش عاوز كده أنا عاوزك تبقي مراتي قدام الناس كلها
قالت ملك ببرود: يبقى طلقني يا فهد
قال فهد بغضب شديد وأمسكها من ذراعها بقوة: في ايه كل شوية طلقني طلقني انتي بتعاقبيني كده ليه يا ملك
قالت ملك ونظرت إليه بحزن شديد: مفيش حل غير كده يا ملك انت مش عاجبك حياتي وانا أكيد مش هجبرك عليها
قال فهد: مش عاجبني الطريقة اللي عايشة بيها تقدري تقولي مين اللي كان بيكلمك من شوية
صمتت ملك ولم تتحدث فتركها فهد وقال: شوفتي يا ملك مفيش واحد في الدنيا يستحمل إن مراته تخبي عليه حاجة ما بالك من حاجة زي دي عايزني أعمل ايه في الحالة دي
قالت ملك بهدوء: سيبني يا فهد سيبني أعمل اللي انا عايزاه يمكن أرتاح وأريحك انت كمان
قال فهد ونظر إليها: اللي هو ايه يا ملك ايه اللي هيريحك ده
قالت ملك ببرود: يعني من النهاردة هعتبرك زيك زي أي حد من رجالتي وكمان انت اعمل كده وبعد ما أخلص من الحوار ده هنعلن جوازنا قدام الكل غير كده يبقى كل واحد فينا يروح لحاله يا فهد
قال فهد بغضب: برضو بتتكلمي على الطلاق يا ملك
قالت ملك بتعب شديد وجلست على الفراش: فهد كفاية بجد علشان تعبانة وكمان ممكن لو مش عاوز تعمل كده يبقى متسافرش معايا أحسن
قال فهد بقلق وجعلها تتسطح على الفراش: طيب نامي دلوقتي وبعدين نبقى نتكلم
أمسكت ملك يده وقالت: اوعدني إنك مش هتعتبرني مراتك من النهاردة وإنك واحد من رجالتي يا فهد
نظر إليها فهد بحزن شديد بأنها لا تفهمه لكن هو لا يريد أنها يتعبها أكثر فقال: أوعدك يا ملك من النهاردة لحد ما تخلصي انتي الملكة بالنسبالي قدام الناس كلها لكن واحنا مع بعض انتي مراتي يا ملك مبسوطة كده
أومأت له ملك ونزل فهد إلى مستواها وقبل شفتيها بخفة وقال بهدوء مصطنع: لازم أمشي دلوقتي قبل ما حد ييجي حاولي تخليكي في المستشفى النهاردة لحد ما تخفي وتكوني كويسة
نفت ملك برأسها وقالت: انا كويسة يا حبيبي متقلقش عليا
ابتسم فهد إليها وقبل رأسها وتركها وذهب إلى خارج الغرفة ونظرت ملك خلفه ونظرت أمامها وقالت بشرود: مش هتستحمل يا فهد وانا عارفة ده كويس بس حتى لو هخسرك هعمل اللي في دماغي
أنهت حديثها وتنهدت بقوة كبيرة وبعد فترة قصيرة دخل مالك وفي يده القهوة الخاصة بملك فنظرت إليه ملك وابتسمت وقال مالك: اتفضلي القهوة اهي
ووضع القهوة على الطاولة التي بجانب الفراش وساعدها أن تنهض وجلست ملك على الفراش لكن وضعت رأسها على حافة الفراش وفتحت ذراعها إلى مالك وقالت: تعالى
ذهب مالك ونام في أحضانها وقالت ملك بهدوء: قول اللي انت عاوزه يا ابن الملكة
قال مالك بهدوء وضمها بقوة: حاسس إنك مخبية عني حاجة ولازم أعرفها
تنهدت ملك بقوة كبيرة فنظر إليها مالك وقال: قولي يا ماما وانتي عارفة إن اللي انتي هتقوليه محدش هيعرف بيه غيرنا احنا
ابتسمت ملك إليه وقالت: وانا واثقة من كده بس انت اللي ممكن تفهم غلط
قال مالك وهو قبل وجهها: متخافيش من دي وقولي اللي مخبياه وخلاص
قالت ملك بحذر شديد: انا متجوزة فهد
قال مالك ببرود كأنه لم يسمع شيئا: أكيد مش دي المشكلة
نظرت إليه ملك وقالت: وفي حاجات عايزة أعملها هخسر فيها فهد بجد
قال مالك ونظر إليها: حاجة تخص الانتقام
أومأت له ملك وقالت: قولي أعمل ايه علشان انا مش عارفة حاجة خالص حاسة إني ضايعة أوي
قال مالك بهدوء: اتجوزتي فهد إمتى
قالت ملك: أول ما رجعت من إيطاليا بس انت عرفت منين
قال مالك بهدوء أشد: شوفته مرة وهو طالع من الأوضة بتاعتك
ابتسمت ملك وقالت: وليه مجتش سألتني على السبب
قال مالك بثقة: علشان واثق إنك مش هتعملي حاجة غلط
قبلته ملك وقالت: هو ده ابن الملكة بيفكر بعقله مش بقلبه
قال مالك ونظر إليها: بتحبيه يا ماما
فهمت ملك عن ماذا يتحدث فقالت: مش عارفة يا مالك بس اللي أعرفه إن لازم آخد حقي حتى لو هخسره
قال مالك بهدوء: بس كده انتي مبتحبيش فهد يا ملك
نظرت إليه ملك ولم تتحدث فهي لا تعرف ماذا تقول فقال مالك: أيوه انتي مش عايزة تضحي علشانه يبقى مش بتحبيه
قالت ملك بغضب: انت ليه مش فاهمني يا مالك مش معنى إني عايزة أعمل حاجة تخسرني فهد يبقى مش بحبه
قال مالك ببرود: أيوه يعني بتحبي ولا لا
قالت ملك بتوهان: مش عارفة مش عارفة حاسة بإيه وهو معايا انا مش عارفة حاجة يا مالك
نفخ مالك بقوة وقال: مادام انتي مش عارفة حاسة بإيه اتجوزتي ليه من الأساس
قالت ملك ببرود: علشان و
قطع حديثها الباب الذي دق في هذا الوقت ودخل علي وفي يده حقيبة وأعطاها إلى ملك وقال: الهدوم اهي
أمسكت ملك الحقيبة وذهبت إلى الحمام ارتدت فستان من الدانتيل الفاخر باللون الروز الملكي بنقشة محفورة فاخرة بقصة عالية الرقبة وأكمام طويلة واسعة من الأسفل على شكل جرس بكشكشة دانتيل أنيقة وقصة ضيقة تحتضن القوام حتى الركبة وشعرها المموج الطويل منسدل على كتفيها فستان لا ترتديه إلا ملكة رقيقة تعرف قيمة نفسها
كان حذاء كعب عالي فخم باللون الروز البودر من القماش اللامع بمنصة عالية جداً مفتوح من الأمام بفتحة صغيرة وكعب ذهبي معدني طويل ورفيع جداً وسوار كاحل ذهبي عريض مرصع يلتف حول القدم حذاء يلمع على الأرض ببريق يخطف الأنظار حذاء لا ترتديه إلا ملكة تعشق الفخامة والسيطرة
شعرت بوجع شديد فجلست على البانيو وأمسكت رأسها بقوة وحاولت أن تتحمل ووقفت وهي تشعر بوجع شديد في كامل جسدها خرجت من الحمام ورأت جميع رجالها يوجدون في الغرفة فقالت ببرود: يلا
قال وليد: الدكتور بيقول إن خطر على حياتك تطلعي من هنا دلوقتي
قالت ملك وذهبت إلى الباب: الكلام ده بله واشرب ميته يلا علشان مش فاضية للكلام الكتير
ذهبت ملك إلى الأسفل وذهبوا خلفها الجميع صعدت ملك السيارة في الخلف وصعد بجانبها مالك وقاد السيارة فهد وجلس بجانبه علي وجميع الرجال في السيارات خلفهم وقالت ملك ببرود: اطلع على بيت الجبل يا فهد
قال فهد باستغراب ونظر إليها من المرآة: بس ليه
قالت ملك: اطلع بس دلوقتي
نظر إليها مالك وفهم ماذا تقصد ملك وذهب فهد إلى منزل الجبل ووقف بعد قليل أمام المنزل فقالت ملك ببرود وهي نزلت من السيارة: خليكم هنا لحد ما أرجع
وذهبت ملك إلى المنزل وفتحت الباب وذهبت إلى الداخل وقال فهد باستغراب ونظر إلى باب المنزل: هي جاية هنا ليه دلوقتي مفيش شغل يعني ايه لزمتها
قال مالك بهدوء: بعد ما تيجي ابقى اسألها
نظر فهد إليه من المرآة ولم يتحدث ونظر أمامه وفكر في السبب الذي جعل ملك تأتي إلى هذا المنزل الآن
دخلت ملك إلى المنزل وذهبت إلى الباب الحديد وفتحت الباب وذهبت إلى صندوق موجود فتحته وأخرجت منه زجاجة صغيرة وأمسكت حقنة وأخذت كل محتوى الزجاجة ونغزت الحقنة في يدها وجلست على الأرض بتعب شديد وبعد خمس دقائق نهضت ملك من على الأرض وأخذت زجاجة أخرى ووضعتها في ملابسها وخرجت من الغرفة وأغلقت الباب
نظرت إلى المنزل ورأت أن النمور يجلسون على الأرض بهدوء فذهبت إليهم وجلست في بينهم ومسحت على رأسهم وقالت: في ايه يعني مجتوش عليا أول ما جيت ليه
وضع النمور رأسهم على قدم ملك التي مسحت على رأسهم وقالت: شكلكم حاسين بيا يا ريت يبقى البشر يحسوا زي الحيوانات يلا لازم أمشي دلوقتي هجيلكم قريب أوي
نهضت ملك وذهبت إلى الباب فسمعت صوت الأفعى الخاصة بها فنظرت إليها ورأتها تنظر إليها بتحد شديد فابتسمت ملك ببرود وقالت: انا مش فاضيالك دلوقتي بس أوعدك إني بعدين هجيلك سلام
وخرجت ملك من المنزل صعدت في السيارة مرة أخرى وقالت ببرود: اطلع على القصر
قاد فهد السيارة إلى قصر الملكة ووصلوا بعد فترة ودخلت ملك إلى القصر ورأت أن الجميع يجلسون في الحديقة ينتظرونها وركضت عشق إليها وضمتها بقوة وقالت: ماما اتأخرتي ليه
قالت ملك بحنان: كان ورايا شوية شغل
قالت عشق: انا عايزة أنام في حضنك النهاردة
أومأت لها ملك وقالت: هطلع أغير هدومي وروحي انتي وأخواتك استنيني في الأوضة
ذهبت سارة إليها وقالت: لا انتي لازم تاكلي الأول وبعدين اعملي اللي انتي عايزاه تعالي معايا
أنهت حديثها وأمسكت يدها وذهبت معها إلى داخل القصر ودخلت إلى غرفة الطعام ونظرت ملك إلى الطاولة ورأت أنه يوجد أكثر الأكلات التي كانت تحبها في السابق فنظرت إليها وقالت ببرود: بس انا مش جعانة دلوقتي
قالت سارة وجعلتها تجلس: اقعدي بس وبعدين نشوف الموضوع ده كلي دي من إيدي
نظرت ملك إلى يدها وفتحت فمها فوضعت سارة اللقمة في فمها وأكلت ملك اللقمة وأغلقت عينيها بقوة فهي لا تستطيع التحكم بهذه المشاعر التي بداخلها الآن فوقفت بسرعة كبيرة وكأنها لدغتها حية وذهبت إلى غرفتها سريعا واستغرب الجميع الذي فعلته وقالت سارة باستغراب: هي مالها انا عملتلها حاجة
قال نصار بهدوء: لا بس أكيد هي تعبانة شوية الحادثة مش سهلة برضو
أومأت له سارة باقتناع وقالت عشق بحماس: تعالي يا ندى نجهز فيلم علشان نحضروا مع ماما
قال إياد بحماس هو الآخر: وانا عاوز أحضر معاكم
قالت عشق بمرح: تعالى يا أسطا ده احنا هننبسط أوي وكمان شوف حتة حشيشة كده تحلي القعدة دي
قال إياد بمرح: تعالي نسأل الملكة يمكن يكون معاها
قالت عشق: لا الملكة مبتديش حد بخيلة أوي
قال أنس بضيق: طب يلا انت وهي علشان نشوف ايه الفيلم ده
نهضت عشق وقالت بحماس طفولي وركضت إلى الخارج: تعالوا معايا
ذهب جميع الأولاد إلى غرفة سينما صغيرة التي توجد في القصر وقال فهد بهدوء: انا طالع أرتاح شوية
أومأ له نصار قال ونظر إليه: آه اطلع انت يا فهد
نظر له فهد وفهم ماذا يقصد وأومأ له وصعد إلى الأعلى وذهب إلى غرفة ملك
قبل هذا الوقت بقليل من أن صعدت ملك إلى الأعلى دخلت ملك غرفتها ونزعت حذاءها ورمته بإهمال ونزعت عنها هذا الفستان ورمته على الأرض هو الآخر ودخلت إلى الحمام ووقفت أسفل الماء البارد ونظرت أمامها وتذكرت
(فلاش باك)
كانت تجلس على مكتبها الذي بغرفتها وهي تدرس فدخل عليها معتز ونظر إليها بصدمة شديدة فهي عينيها متورمة وحمراء بشدة ورأى أن في أكثر من خمسة عشر فنجان قهوة فارغين فذهب إليها بسرعة ونظرت إليه ملك وارتمت بين أحضانه وبكت بعنف شديد لدرجة أن معتز كاد أن تهبط منه دموعه بحزن عليها وقالت ملك من بين شهقاتها: انا فاشلة انا مش هعرف أعمل حاجة يا معتز أختك فاشلة مش عارفة تعمل أي حاجة حاسة إني هموت
قال معتز بغضب: بس يا ملك خلاص كفاية بس
حملها وذهب بها على الفراش ووضعها عليه وهي ما زالت بين أحضانه ونام بجانبها ومسح على شعرها وقال بحنان: نامي يا قلبي وبكرة نتكلم
قالت ملك بدموع: بس انا مش عايزه أنام عايزة أخلص الأول
قال معتز بصرامة وحنان: نامي يا ملك دلوقتي وبعدين ابقي اعملي اللي انتي عايزاه يلا يا روحي
وقبل أعلى رأسها فأغلقت ملك عينيها بعد قليل وذهبت ملك في سبات عميق وأخرجها معتز من أحضانه ورأى ملامحها وقبل وجهها وقال بحزن: انا آسف يا ملك آسف علشان مقصر معاكي اليومين دول آسف يا قلبي
وأمسك هاتفه ودق إلى رقم ووضع الهاتف على أذنه وانتظر الرد وقال بعد أن فتح عليه الآخر: أسر خدلي أجازة اليومين دول
قال أسر باستغراب: ليه يعني
قال معتز بحزن شديد ونظر إلى ملك: ملك محتاجاني اليومين دول ولازم أبقى معاها
قال أسر بخوف: ملك مالها يا معتز انطق هي فيها ايه
قال معتز بهدوء: اهدى يا أسر انت عارف اليومين دول أيام الامتحانات فملك تعبانة نفسيا ولازم أبقى معاها لحد ما الفترة دي تخلص
نفخ أسر بقوة وقال: خلاص احنا ناخد أجازة دلوقتي وكده كده احنا مخدناش أجازة من فترة وسهل ناخد دلوقتي يلا سلام
قال معتز برفض: لا خليك انت في الش
قطع حديثه أسر الذي أغلق الهاتف ونظر معتز إلى الهاتف وقال: يا ابن الكلب ده بيقفل في وشي انا معتز الجارحي بيتقفل في وشي سهلة
نظر إلى ملك وضمها بقوة إلى أحضانه ونام هو الآخر
في الصباح استيقظت ملك وفركت عينيها بقوة ونظرت بجانبها فرأت معتز نائم بجانبها ويضمها بقوة فقبلت وجهه وقالت: معتز معتز انت يالا معتتتتتتتز
قال معتز بنعاس: ملك سيبيني أنام شوية
قالت ملك بغيظ: انت جاي تنيمني ولا تنام انت يا معتز قوم يلا
فتح معتز عينيه ونظر إليها وقبلها وقال: صباح العسل على العسل
ابتسمت ملك وقالت: صباح الورد يلا قوم علشان عايزة أذاكر
نفى معتز وقال: لا النهاردة مفيش حاجة اسمها مذاكرة انتي النهاردة مش هتمسكي كتاب واحد حتى يلا ننزل نفطر ونشوف هنعمل ايه في يومنا النهاردة
قالت ملك بخوف: لا يا معتز انا لازم أذاكر علشان أجيب المجموع اللي انا عايزاه
قال معتز بحزم: أولا انتي كده كده هتجيبي المجموع اللي انتي عايزاه علشان أختي انا مش فاشلة ثانيا الحالة اللي شوفتك بيها امبارح دي مشوفهاش تاني يا ملك ايه كمية القهوة اللي انتي شربتيها دي حبيبتي الدنيا مش كده انتي لازم تكوني متفائلة حتى لو مذاكرتيش حاجة ما بالك إني متأكد إنك مذاكرة يجي عشرين مرة وبعدين عمرك ما تخافي من حاجة وافتكري إنك ملك الجارحي ماشي يا قلبي
قبلته ملك وقالت: انت أحسن أخ في الدنيا كلها أنا بحبك أوي
قال معتز بحب: وانا بعشقك يا قلبي يلا بقى خدي شاور حلو وتعالي علشان ننزل قبل ما حازم يخلص الأكل كلها
ذهبت ملك سريعا إلى الحمام وقالت: صح ابن المفجوعة هيخلص الأكل اللي نادية عملهولي
ضحك معتز على منظرها وهي تركض وخرج وذهب إلى غرفته ودخل إلى الحمام واستحم وارتدى تي شيرت أسود سادة بقصة رجالية ضيقة تبرز عرض الأكتاف وعضلاته وبنطلون أسود واسورة يد سوداء متكئ على سور حديد على ضفاف النهر ونظرته هادئة وثابتة فيها هيبة إطلالة شاب ملك حضوره قوي واثق لا يستهان به ستايل يخطف القلوب
وذهب إلى غرفة ملك ورآها قد ارتدت بلوزة بيضاء أنيقة بأكمام طويلة وياقة عالية رقيقة مع جيبة قصيرة من الجلد الأسود الفاخر بقصة كلوش واسعة بحزام خصر عريض وبوت أسود قصير بكعب تقف ماسكة طرف الجيبة بيدها بكل ثقة أمام حائط رمادي إطلالة ملكة عصرية تجمع بين البساطة والقوة بثقة لا تنحني
وتصفف شعرها فذهب إليها وأمسك منها الفرشاة وجلس على الكرسي وجعلها تجلس على قدمه فهذه عادته منذ الطفولة يفعل ذلك فابتسمت له ملك فهو وأسر يعيشون دور الأب لها فهي المدللة لديهم ومشط معتز شعرها بحنان وقال بهدوء: قلبي بيفكر في ايه
قالت ملك: تعرف إني من ساعة ما اتخلقت وانا ماشوفتش غيرك انت وأسر أب وانا بحمد ربنا إني معايا إخوات زيكم بجد
قال معتز بحنان وهو قبل وجهها: احنا اللي المفروض نشكر ربنا إننا معانا واحدة زيك يا حبيبتي يلا ننزل
أومأت له ملك ونهضت فقال معتز وحملها بين يده: أميرتي النهاردة مش هتمشي
ضحكت ملك ووضعت رأسها على صدره وقالت بحقد طفولي: أيوه خليني أغيظ كل اللي تحت يستاهلوا
قال معتز بضحك: برضو اللي فيكي فيكي يا بت اتهدي شوية
قالت ملك بمرح: بس يا بابا ويلا طير يا حصان
وذهب بها معتز إلى الأسفل ورأت ملك أن جميع أشقائها ينتظرونها في الأسفل ومن أن رأتها نادية ركضت إليها بسرعة وقالت بخوف شديد: ملك حبيبتي انتي كويسة شايلها ليه يا معتز
قال معتز بهدوء: اهدي يا حبيبتي بس هي كويسة
قالت ملك بغيرة شديدة: متقوللهاش حبيبتي وكمان انا كويسة بس هو شايلني علشان أغيظكم
قالت نادية بغيظ مصطنع: يعني انتي واخدة مني جوزي مش كفاية طول الليل ومش مكفيكي كمان يا ملك
أخرجت ملك إليها لسانها وقالت: لا مش كفاية يلا انا جعانة اوعي تقولي إن حازم كل الأكل كله
قال حازم بغضب: ليه يا أختي حد قالك إني مفجوع
قالت ملك بمشاكسة: يا ريت لو حد قالي المشكلة إني شوفت بعيني يلا يا معتز انا جعانة أوي
قالت نادية بحب: تعالي يا قلبي عاملك كل الأكل اللي انتي بتحبيه
قالت ملك ببراءة: مش تخلي حد ياكل معايا
قال معتز: حتى انا
أومأت له ملك وقالت: أيوه ويلا علشان آكل
ذهب معتز بها إلى غرفة الطعام واجلسها على الكرسي وقال: روحي يا بت انا أصلا غلطان من الأول
أومأت له ملك وقالت: أيوه غلطان
قال أسد بحزن مصطنع: ملك حبيبتي أكيد مش هيهون عليكي إنك تسيبيني جعان صح
نظرت ملك إلى نادية التي تضع أمامها الطعام وقالت: انتي ايه رأيك يا نادية أخليهم ياكلوا معايا ولا لا
قالت نادية وهي تضع اللقمة في فمها: مش مهم هما المهم انتي كلي واللي يتبقى منك ياكلوا هما
قال أسد بغيظ: على فكرة انا أخوكي مش هي يا نادية حتى آكل لقمة واحدة
قالت دينا برقة: أيوه والنبي يا لوكة انا جعانة أوي
قالت ملك بغرور مصطنع: خلاص انتوا هتشحتوا ولا ايه اقعدوا يلا وأمري لله
قال حازم وجلس على الكرسي: أهو اللي ييجي منك أحسن منك برضو
رمت ملك عليه الملعقة وقالت بغضب: مين أحسن مني يا حيوان
قال حازم بخوف مصطنع: مفيش يا قلبي انتي اللي أحسن مني
قالت ملك وهي عادت شعرها إلى الخلف: ناس ما بتجيش غير بالعين الحمرا فعلا
(باك)
نظرت ملك إلى حالها ورأت أنها بملابس داخلية فقط فأمسكت منشفة كبيرة ووضعتها على كتفها وخرجت إلى الغرفة فرأت فهد يدخل من الباب ونظر إليها وهي بهذا الشكل ورآها تنزف من جميع جروحها التي في كل مكان في جسدها
كادت ملك أن تذهب إلى غرفة الملابس لكن منعها فهد وأمسك بيدها وقال بغضب شديد: جروحك كلها بتنزف يا ملك ايه مش حاسة بيهم كل ده تعالي معايا
ذهب وجعلها تجلس على الفراش وذهب إلى الحمام وفتح الدرج وأخذ منه علبة الإسعافات وذهب إلى ملك وسحب من عليها المنشفة وظهر أمامه جسدها فاشتعلت رغبته بها بشدة وأكلت به بعنف شديد ولكن نفض هذه الأفكار المنحرفة من عقله فهي مريضة وهو لا يريد أن يتعبها أكثر من ذلك وفك هذا الشاش من جرح رأسها ونظر إليه فهو عميق وأمسك القطن وقال بحنان: هيوجعك شوية استحملي
قالت ملك ببرود: اعمل اللي انت عايز تعمله مش هيوجعني
قال فهد باستغراب: وده ليه الجرح كبير أوي
تنهدت ملك بقوة وقالت: يلا يا فهد عايزة أنزل
بدأ فهد في تنظيف الجرح ووضع عليه مطهر
قال فهد بخوف عليها: ملك هيحرقك شوية
قالت ملك ببرود: فهد قولتلك إنه مش هيوجعني
قال فهد بشك شديد بها: انتي واخدة حاجة يا ملك
نظرت إليه ملك وابتسمت ببرود شديد وقالت: