حاولت أن لا تغضب الآن وقالت بجمود: لا أبو مالك ربه ملك مش الملكة يا حازم
ابتسم حازم وقال: والملكة إيه غير ملك ولا دي واحدة ودي واحدة تانية
كادت ملك أن تتحدث لكن رأت مالك أمسك الميكروفون وسمعت فهد قال: بس مالك مش محضر كلمة يقولها
عادت ملك إلى الخلف وقالت بغرور: ابن الملكة مش محتاج يحضر حاجة
مالك بغرور وبرود لا يليق بطفل لكن يليق بابن الملكة بتأكيد وهو يمسك الجائزة في يده وفي يده الأخرى الميكروفون: من المؤكد أن لا أحد يفوز على الملكة ولهذا كنت متأكد أنها سوف تفوز بكل سهولة وأنا اليوم سوف أستلم الجائزة مكانها وسوف أهدأ هذه الجائزة إلى شخص جديد في العيلة وهي أختي الصغيرة ندى الجارحي
صفقوا إليه الجميع بشدة وركضت ندى إليه وضمها مالك بحنان شديد ونظرت إليه ملك وابتسمت بفخر شديد هبط مالك من على المسرح وذهب إلى الجميع بعد أن أعطى الجائزة إلى ندى وقالت عشق بغيرة مصطنعة: كده يا مالك وأنا يعني مش أختك دلوقتي
مالك بحنان وحب: لا طبعا يا عشقي بس ندى أول مرة تحضر سباق لملك لكن انتي على طول بتاخدي الجايزة
ندى ببراءة: بصي يا عشق لو انتي عايزاها خديها بس أهم حاجة متزعليش مني علشان أنا مش عملت ليكي حاجة وحشة
ضمتها عشق وقالت: بس يا هبلة أنا بهزر معاكي
ندى ضمتها هي الأخرى: يعني انتي مش زعلانة مني
عشق بمرح: لا يا اسطا وبعد كده أي جايزة البت ملك تاخدها أنا واحدة وانتي واحدة ماشي
أومأت لها ندى بطفولية وقالت: ماشي
ملك بغضب مصطنع: البت ملك يا تربية ناقصة
ابتعدت عشق عن ندى وقالت: الله فيه إيه بس يا لوكة
نهضت ملك وقالت: مفيش يا اختي يلا علشان عايزه أغير هدومي وأطلع
عشق بغيظ: من غيري حتى عيب يا ملك والله
ملك ذهبت إلى خارج هذا النادي وقالت: شغل يا آخرة صبري شغل
ذهب الجميع إلى القصر تحت ضحك الجميع على عشق وهي تشاكس ملك ووصلوا إلى القصر وقالت ملك إلى الشباب: يلا علشان ورانا مشوار هطلع أجهز وانتوا اجهزوا كمان
أومأوا لها الشباب وصعدت ملك إلى غرفتها لكي تجهز حالها
وبعد فترة كان فهد في انتظار ملك في الأسفل ومازال الشباب في الأعلى يجهزون رآها هبطت وارتدت فستان سهرة أحمر ناري من الستان اللامع بقصة أوف شولدر بأكتاف مكشوفة وأكمام طويلة ضيقة وفتحة صدر على شكل قلب وقصة ملفوفة ضيقة تلف الجسد بكل رقي وقصيرة فوق الركبة بفتحة أمامية صغيرة.مع تشوكر مرصع بكلمة BABE حول عنقها ويديها على خصرها بثقة فستان يليق بملكة تغوي بثقتها وتسيطر بحضورها مع حذاء كعب عالي أحمر من الشمواه بتصميم فاخر جريء منصة أمامية عالية وكعب رفيع طويل جداً مدبب بسوار كاحل عريض ذهبي لامع يلتف حول القدم ببكلة كبيرة وحزام ذهبي آخر يزين مقدمة القدم تصميم مكشوف يبرز جمال القدم حذاء ملكي لا ترتديه إلا من تعشق الفخامة والهيبة
نظر إليها فهد بغضب وغيرة شديد بسبب ملابسها ذهب إليها وسحبها من يدها بقوة ودخل بها المكتب وقال بغضب شديد: إيه القرف اللي انتي لابساه ده يا ملك
ملك ببرود: فيه إيه ماله يعني ده عجبني أوي
ضرب فهد الحائط بقوة كبيرة وقال بصراخ غاضب بشدة: فيه إنك تروحي تغيري الزفت اللي انتي لابساه ده وإلا قسما بربي لأطربقها على الكل فاهمة
خافت ملك من هيئته وحاولت أن تخفي خوفها وقالت ببرود مصطنع: ماشي يا فهد بس دي أول وآخر مرة أسمع كلامك
وذهبت إلى الخارج لكي تبدل ملابسها كما قالت وقال فهد إلى نفسه: على طول يا ملك هتسمعي كلامي يا ملك لأني أكيد مش هخلي مراتي تخرج بشكل الزفت ده احنا ناقصين هبل
أنهى حديثه وذهب إلى الخارج ورآها هبطت بعد أن ارتدت فستان سهرة نبيتي فاخر من القطيفة الناعمة بتصميم لفّ أنيق يلف جسدها بكل رقي نصفه مرصع بالترتر اللامع الذي يخطف الأنظار مع أكمام متوسطة وفتحة صدر على شكل V وتشوكر من نفس قماش الفستان يلتف حول عنقها بكل فخامة فستان يليق بملكة تخطف القلوب بهيبتها مع حذاءً ملكياً بكل ما تحمله الكلمة من معنى كعب عالي نبيتي من الشمواه بمنصة أمامية عالية تزيد من شموخ صاحبته وسوار كاحل عريض ذهبي لامع يلتف حول القدم بكل قوة وكعب رفيع ذهبي طويل مدبب تصميم جريء مكشوف من الأمام يكشف عن أظافر مطلية بعناية حذاء لا ترتديه إلا من تعرف قيمة نفسها
قال لنفسه بحرارة شديدة: ماشي يا ملك بس أكتب عليكي وهقطعك وهطلع عليكي كل ده بس اصبري شوية كمان وهربيكي يا ملك
وقفت ملك أمامه واقتربت منه وقالت بهمس بجانب أذنه: متقدرش يا فهد متنساش إني الملكة برضو
نظر إليها فهد بصدمة بأنها علمت بماذا فكر الآن وقال: انتي عرفتي ازاي
ملك بغمزة إليه: ما أنا بقرأ الأفكار يا فهودي
هبط الشباب ابتعدت ملك عن فهد بسرعة قبل أن يلاحظ أحد قربها منه وقالت: يلا بينا
أدهم: بس احنا رايحين فين باللبس ده
ملك ببرود: هنحتفل إيه مش عايزين نحتفل ولا إيه
عمر بحماس شديد: هنروح فين
ملك ذهبت إلى الخارج وقالت: فيه نايت مفتوح جديد هنجربه
بعد قليل وصلت ملك إلى ملهى ليلي ودخلت مع الشباب خطفت الأنظار إليها وذهبت إلى البار وجلست عليه وجلس فهد بجانبها وجلس الشباب وقالت ملك إلى النادل: هاتلي كأس
أدهم بهدوء: بس ازاي يا ملك بتشربي ومبتسكريش
ارتشفت ملك الكأس الذي أتى به النادل مرة واحدة وقالت بلا مبالاة: مهما شربت أي حاجة مبتأثرش فيا بتكون عادي يعني
عمر باستغراب: ازاي يعني
ملك ببرود: يعني شربت أو مشربتش زي بعض ومبيفرقش وعقلي بيكون مصحصح في كل الأوقات فهمت
أتت فتاة جلست بجوار أدهم ووضعت يدها على قدمه بوقاحة وقالت بدلع: انت لوحدك هنا
نظر إليها أدهم وفهم ماذا تريد على الفور وقال: أيوه
الفتاة حاولت أن تجعله يفعل ما تريد: وأنا كمان لوحدي إيه مش هتيجي
أبعد أدهم يدها عنه وقال: طيب يلا شوفي حد تاني أنا مش ناقص دلوقتي
الفتاة بوقاحة: ليه جرب وانت مش هتندم خلاص
أدهم بغضب: قلت غوري من وشي مش ناقص
ذهبت الفتاة بخوف شديد من هذا الذي أمامها وقالت ملك ببرود قبل أن ترتشف من الكأس: غريب أدهم الشرقاوي الدنجوان بيقول للبنت لا ده حتى عيب أوي في حقك
أدهم بهدوء: من ساعة ما دخلت شغلك وأنا سيبت السكة دي خلاص
نظرت إليه ملك انزلت الكأس من على فمها وقالت ببرود شديد: اممم ودي بركاتي ولا فيه حد تانية مخبياها
نظر إليها أدهم وقال: مش عارف بس حسيت إني كنت غلطان لما مشيت في سكة البنات بطريقة دي من البداية يا ملك
نظرت إليه ملك ولم تتحدث ونظرت أمامها ببرود وأتى في هذه اللحظة مغني يضع قناع على وجهه من على المسرح وهو يغنى وذهب إلى ملك وسحبها من يدها على المسرح حاول فهد أن يمنعه لكن ذهبت ملك مع هذا المغني ورقص المغني مع ملك واقترب منها وقال: وحشتيني أوي
ملك بحب: وانت كمان إيه أخبارك
المغني وهو يرقص معها بمهارة شديدة: تمام إيه الجديد
ملك: مفيش حاجة جديدة كله زي ما خطتنا ماشي اطمن
اشتم المغني رائحة الخمور قال: مالك بتشربي كتير اليومين دول يا ملك
وضعت ملك رأسها على كتفه وقالت: تعبت من ده كله وعايزه أخلص من كل ده تعبت بجد
ضمها المغني إليه وقال: إن شاء الله كله هيعدي وهنخلص قريب أوي المهم شايف فيه حب ولا إيه
نظرت إليه ملك بعدم فهم مصطنع وقالت: حب إيه
المغني بخبث شديد: الفهد يا لوكة ده عينيه هتطلع من مكانها وهو بيبصلك دلوقتي
نظرت ملك إلى فهد ورأته يغضب بشدة من أفعالها ونظرت إلى المغني المقنع وقالت: لا متهيألي
المغني: لا يا ملك لو شايفه إنه يستاهل اديله فرصة
ملك: انت شايف كده
أومأ لها المغني وقال: أيوه يا ملك عيشي حياتك وانسي شوية الملكة وافتكري ملك وخليها تعيش شوية ماشي
ملك: ماشي بفكر أرجع مصر بكرة إيه رأيك
قبلها المغني وقال: براحتك عايزه ترجعي ارجعي المهم أنا لازم أمشي دلوقتي
نظرت ملك إلى عيونه وقالت: انت لسه مصر على رأيك لو عرفك هيقتلك بلاش تعمل اللي بتعمله ده وارحمني شوية
ابتسم المغني وقال: العمر واحد لازم أمشي الفهد جاي علينا
ابتسمت ملك دون أن تنظر إلى فهد شعرت به اقترب منهم بالفعل وقالت: تمام أول ما يقرب ارميني عليه وطير انت قبل ما يمسكك
وبالفعل اقترب فهد منهم ودفع المغني ملك على فهد الذي امسكها بسرعة قبل أن تسقط وقال بغضب شديد: مين ده وكان بيقولك إيه
وضعت ملك يدها على رقبته بدلع شديد وقالت: كان بيسأل على حاجة مهمة أوي
أمسك فهد يدها وسحبها خلفه وذهب بها إلى مكان لا يوجد به أحد سحبها إليه وقال بغضب شديد: قولتلك قبل كده وانتي مسمعتيش الكلام يا ملك انتي اللي جبتي لنفسك
ملك: ليه
قطع حديثها فهد الذي هبط على شفتيها وقبلها بقوة وشغف شديد وقبلها وتلذذ بتقبيل شفتيها السفلي وانتقل إلى العليا بخبرة
أما هي فكانت تطير في السحاب فقبلاته أشعلت نار الرغبة في جسدها فحاولت مجاراته في قبلته بعد أن شعر فهد بها تقبله بنفس الوتيرة قام بالضغط والتعمق حتى يكون هو المسيطر عليها
قام برفعها من خصرها وهو يقبلها بقوة كبيرة إلى أن انقطعت أنفاسهم هبط على رقبتها وقبلها بقوة كبيرة وترك ملكيته على كل جزء من رقبتها ورفع وجهه إليها رأى شعرها المتشابك وشفتيها الحمراء بشدة من أثر قبلته وهبط عليهم مرة أخرى وامتص شفتيها السفلية ببطء ومهارة
ابتعد عنها بعد قليل ونظر إليها وهي بهذا الشكل المستفز لكيانه ورجولته وقال بصوت حاول أن يكون طبيعي وهو مازال يحملها بين يده: ليه يا ملك مش موافقة نتجوز ونكون مع بعض
ملك بصوت خافت من فرط مشاعرها معه: فيه حاجات كتير انت متعرفهاش عني يا فهد
فهد قبل وجهها ببطء: وأنا مش عاوز أعرف حاجة بس كفاية إنك تكوني معايا
نظرت إليه ملك وقالت: وأنا موافقة يا فهد بس لازم نتكلم الأول قبل أي حاجة
انزلها فهد وأمسك يدها بعد أن قام بتعديل مظهرها وسحبها خلفه وخرج بها من باب آخر في الملهى صعد سيارته وقادها بسرعة كبيرة نظرت إليه ملك وقالت باستغراب: فهد احنا هنروح فين
أمسك فهد يدها وقال: هنتكلم مش انتي عايزه نتكلم
ملك: فهد الولاد وكمان أدهم وعمر مستنيينا دلوقتي مينفعش كده هيقولوا علينا إيه
أخرج فهد هاتفه ودق على أدهم وسمعه قال: إيه يا ابني انت روحت فين
فهد: أدهم أنا وملك في شغل بره النايت روحوا انتوا وكمان قول للولاد إن ملك في شغل مهم وهترجع الصبح
أدهم: ماشي ب
قطع حديثه فهد الذي قام بغلق الهاتف وقال عمر باستغراب: فيه إيه
أدهم: الحيوان قفل في وشي يلا خلينا نروح الأستاذ مطول مع الهانم
ضحك عمر بقوة وقال: دي شكلها أيام عنب يا شقيق
ضحك أدهم عليه وذهبوا إلى السيارة وقاد أدهم إلى القصر
كانت تقف وهي تنتظر ملك في الأسفل لكي تتحدث معها ولكن نظرت إلى السيارة التي دخلت القصر ورأت أدهم وعمر فقط سألت عمر بعد أن دخل أدهم إلى القصر: هي ملك فين يا أستاذ عمر
عمر بمرح: أنا أول مرة حد يحترمني كده بس أنا مبحبش الشغل ده أنا عمر بس عادي
ابتسمت نور وقالت: طيب يا عمر ملك فين
عمر: والنبي يا اختي ما أنا عارف هي وفهد راحوا شغل المهم إيه اللي مسهرك لحد دلوقتي
رفعت نور كتفها وقالت بحزن: مفيش كنت عايزه أتكلم مع ملك شوية
شعر عمر بحزنها قال بابتسامة: ممكن تتكلمي معايا لو مش هيضايقك
نفت نور وقالت: لا طبعا مش هتضايقني ولا حاجة
عمر بترقب: هي ملك ضربتك ليه ده طبعا لو مش هيضايقك سؤالي
نور جلست على الكرسي: ضحكت عليها علشان كده عملت ده كله
عمر باستغراب: ازاي يعني هو فيه حد يعرف يضحك على الملكة
نور: ما أنا كنت فاكرة إني ضحكت عليها بجد بس ملك كانت عارفه بكل حاجة
عمر جلس على الكرسي الآخر الذي أمامها: لا أنا مش فاهم حاجة انتي فهميني كل حاجة من الأول
ابتسمت نور بحزن شديد وقالت: أنا كان عندي أخ مكنش بس أخ كان الأب ليا كمان كان هو صديق ملك الوحيد وكان هو وملك يعملوا كل حاجة مع بعض هو كان اسمه أوس كان هو عنده 17 سنة وملك كانت 14 سنة وقتها
عمر باستغراب وفضول: ازاي يعني هو 17 وهي 14
نور بابتسامة: اتعرفوا على بعض في المدرسة في خناقة وأوس مات مقتول بس معرفتش ازاي ملك هي اللي تعرف كل حاجة وأنا كل ما آجي أسألها كانت تقولي انتي ملكيش دعوة لحد ما جه يوم وواحدة صاحبتي قالتلي إن ملك مش هتقول حاجة وإني لازم أعرف أنا كل حاجة وقتها عرفت إن أوس كان ليه صاحب اسمه عاصم وقتها قررت إن أدور وراه روحت لملك وقولتلها إني هقدم على ماجستير في أمريكا وهي قالتلي ماشي وعملت نفسي إن هسافر بعد كده روحت أجرت شقة بعيد عن هنا وراقبته وروحت اشتغلت عنده سكرتيرة وكل ما يقرب مني يحصل حاجة لحد يوم الحفلة وملك أخدتني اكتشفت إن ملك هي اللي بتبعت الناس دي علشاني ولولا ملك أنا كنت ضعت خلاص دلوقتي
عمر باستغراب: أومال إيه اللي عملتيه تاني يوم معاها
هبطت دموع نور وقالت: كنت عايزه أعرف أوس مات ازاي وليه ملك مقتلتش عاصم وأنا عارفه إن هي لو عايزه تقتله كانت هتعمل ده
عمر بهدوء: انتي غلطانة من الأول يا نور
نور بدموع: أنا عارفه بس دلوقتي أهم حاجة ملك تسامحني مش عايزه حاجة تاني
عمر بمرح: طيب بطلي عياط شكلك وحش وانتي بتعيطي
نور مسحت دموعها: أنا شكلي وحش ده أنا قمر
نهض عمر وقال: قمر بستار يا اختي قومي يا بت يلا روحي نامي معندناش بنات تسهر لحد دلوقتي
نور بمرح ركضت إلى الأعلى: أومال انت إيه اللي مسهرك لحد دلوقتي
عمر بصدمة: يا بنت الإيه يعني أنا بنت ماشي يا نور بس قمر بنت اللذين يلا أروح أنام أنا كمان
كان أدهم يسير في طريق غرفته ونظر إلى غرفة أسيل رأى أن ضوء غرفتها مازال مفتوح ذهب إليها وطرق الباب سمحت له بدخول دخل رآها جالسه على الحاسوب وكانت ترتدي فستان تي شيرت رمادي واسع ومريح من القطن الناعم يصل لمنتصف الفخذ بطبعة كرتونية مرحة لشخصية سيلفستر وكلمة Sunday باللون الأصفر الكبير بأكمام قصيرة وقصة فضفاضة تمنحها حرية الحركة مع خصلات شعرها البني الطويل المنسدل على كتفها بكل نعومة ويدها موضوعة على خصرها بثقة إطلالة بريئة
قال بهدوء: أسيل انتي زعلانة مني
أسيل ببرود: خير إيه اللي جابك هنا يا أدهم باشا
نظر إليها أدهم باستغراب من هذا التغير وقال: أسيل أنا آسف غصب عني ماكنتش أقصد زي ما انتي فهمتي
أسيل نظرت إليه ببرود: وأسفك مش مقبول
أدهم: قولي أي حاجة أعملها وأنا موافق بس متزعليش مني كده
أسيل: اطلع بره يا أدهم
أدهم بحزن: ماشي يا أسيل أنا طالع بس افتكري إني دايما معاكي
خرج من غرفتها نظرت خلفه أسيل وقالت بخبث: بقى بتزعقلي أنا يا أدهم ماشي إن ما ربيتك مبقاش أنا تربية الملكة
أنهت حديثها بخبث شديد فكرت في الذي تريد فعله معه
وصل فهد إلى هذا المكان لم يكن مجرد كوخ بل كان قصر صغير يطفو فوق الماء مبني من الخشب الفاخر بسقف من القش الاستوائي، أرضيته الخشبية تمتد فوق مياه فيروزية صافية تشف ما تحتها في وسطه جلسة فاخرة وسرير كبير يطل على المحيط وتراس واسع به مقاعد للاسترخاء تحت أشعة الشمس مكان لا يذهب إليه إلا من اعتاد على الرفاهية والثراء الفاحش ملاذ ملكي بعيداً عن صخب عالمها
نظرت ملك إليه وقالت: واو حلو المكان ده بس انت تعرفه منين يا فهد
سحبها فهد من خصرها وقال: ليه فاكرة إني قليل في البلد دي ولا إيه لا يا ماما أنا فهد الحديدي برضو
ملك لفت يدها حول رقبته: امممم ماشي يا فهد الحديدي
ابتسم فهد وسحبها معه إلى الأريكة وقال: تعالي نقعد أحسن
أجلسها وجلس بجانبها على الأريكة التي كانت موجوده في المنزل وقال: ها يا ستي إيه اللي هنتكلم فيه دلوقتي
ملك بهدوء شديد: أول حاجة أوعدني إنك مش هتقف في طريق انتقامي يا فهد
أمسك فهد يدها وضغط عليها بخفة وقال: أوعدك إني عمري ما هسيبك حتى لو على انتقامك هساعدك فيه مهما كان إيه ومن مين إيه تاني
ابتسمت ملك وقالت: الولاد مش هيعرفوا إني اتجوزت غير لما أقولهم مين أبوهم
فهد برفعة حاجب: ليه انتي عايزاه تقولي ليهم مين أبوهم
أومأت له ملك وقالت: بعد ما أخلص انتقامي هقولهم مين هو على طول
فهد بهدوء وقلب مشتعل بنار الغيرة لكنه حاول أن يكتم ذلك في قلبه: مين أبوه ولادك يا ملك
ملك بجمود: عايزاك تعرف إن مالك وعشق مش ولادي يا فهد