تاخدي مين يا حبيبتي ؟
قالتها عمتي بتر.يقة ..
بلعت امي ريقها وبصتلي وقالت ؛
-عايزة أخد بنتي يا صباح ...
-بعد خمس شهور افتكرتي أنها بنتك يا رضوى ....ايه هو المحروس ر.ماكي في الشارع زي ما ر.مى بنتك ....
عيطت ماما وقالت :
-أنا عايزة بنتي يا صباح ... عايزاها ومش هروح من غيرها ....
-لا يا حبيبتي النبرة دي تتكلمي بيها مع حد غيري ..أنا لو مزاجي أنها متطلعش من هنا لو وقفتي على شعر راسك مش هطلعها...فا.كتمي كده وابلعي ريقك شوية انتي متقد.ريش تعملي حاجة مش على مزاجي .....بس انا مش حابة ادخل بين بنت وامها ...اللي عايزاه بنتك هيكون
بكت امي وقربت مني ومسكت إيدي وقالت :
-عشان خاطري يا بنتي تعالي معايا ...أنا مليش غيرك دلوقتي بعد ربنا ...أنا غلطت ...وعارفة اني غلطت ومستعدة ابوس على إيديكي بي تعالي معايا ...عيشي معايا .....
دموعي نزلت وانا ببصلها ...قلبي كان و.اجعني عليها ...أنا بحبها وهي أمي ...مهما عملت أمي ...بس كان فيه حاجز بيننا ...
طبطبت عليها بحنان وقول وأنا بعيط :
-أنتي أمي وانا واجبي اسمع كلامك ...بس انا يا ماما حاليا مش قادرة ارجع معاكي ..أنا لسه مجر.وحة من اللي حصل ...متغضبيش عليا لو سمحتي ...خليني قاعدة هنا شوية وبس احس نفس كويسة هرجع...أوعدك هرجع ...لكن دلوقتي أنا مش قادرة ...افهميني ...
قعدت تعـ.يط جامد ...قلبي كان وا.جعني عليها ...أنا مكنتش عايزة ازعلها ...بس انا مش قادرة اسامح...لو هي أصرت كنت هروح معاها عشان مكنتش عايزة اغضـ.ب ربنا اللي أمرني اني اطيع أهلي حتى لو كفا.ر ..
بس هي مأصرتش ومشيت وهي بتعيط ...كنت حاسة بالذ.نب ...حاسة اني بنت مش كويسة ..بس انا كمان مظلو.مة ..أنا اللي اتجر.حت واتطر.دت واتخلى الكل عني ....
بصيت لعمتي وحسيت أنها بتبصلي بشفقة بس بسرعة دارت النظرات دي وقالت بتريقة ؛
-مش يالا يا اختي عشان ترتبي البيت مع مرام ...ولا ايه ...
هزيت راسي وانا حاسة براحة ..
....
مرت الأيام وامي بتكلمني يوميا ...بتعتذر مني عن اللي عملته وعرفت أن عمر ابن جوز أمي لبسته القضـ.ية وخلاص مبقاش أمل في رجوع امي وجوزها تاني ...كانت امي عايشة في البيت القديم بتاعنا الحمدلله عمتي معصلجتش في حوار أنها متقعدش في البيت ...أما أنا فمراد ساعدني أكمل دراستي ...رغم عدم ر.ضا عمتي بس هو نفذ اللي في دماغه وكان بيسعى أني اتعلم ...ولإول مرة من زمان احس أن ليا ضهر وسند بعد ربنا . ...أنا كنت محظوظة بوجوده هو ومي....صحيح عمتي بطلت تعاملني وحش بس معملتش حاجة تدل أنها سندي غير أنها وقفت في وش أمي بس ....
.....
مرت السنين وبدأت اكمل تعليمي بمساعدة مراد .. ..
....
كانت نتيجة الثانوية العامة بتاعتي مفروض هتظهر ..
كنت بلف حوالين نفسي ومُراد بيحاول يفتح الموقع....
-يارب ....يارب ...
قعدت اقولها وانا بترعش فحضنتني مي اللي نزلت من شقتها مخصوص عشان تكون معايا ...
-اهدي إن شاء الله خير .
كانت عمتي بتشرب كوباية الشاي وبتقول ببرود:
-ما تتهدي يا بت شوية...يعني هتكوني دكتورة يا اختي ...أخرك لبيت جوزك ....
مقدرتش تخد.عني بالبرود بتاعها عشان رجليها كانت بتتهز بتو.تر ...يمكن عمتي فعلا مش بتكر.هني .
-٩٦في المية...
صرخ مراد بسعادة فقربت وانا بز.عق وبقول:
-أنا بتكد.ب عليا صح ...بتكد.ب ...
كنت بعيط من السعادة فقرب مني اللابتوب وقال:
-ابدا والله ...مبروك يا رحمة ...
حضتنتي مي بسعادة وكنت شايفة ابتسامة عمتي الفخورة ....
بعدت وقولت :
-,أنا كده هقدم في كلية الألسن اللي نفسي فيها صح؟ ...
ابتسم مراد وهز رأسه .وقال :
-عايزين نحتفل بيكي بقا النهاردة....
ابتسمت بكسوف وهزيت رأسي
بص لأمه وقال :
-ماما ...بتزني بقالك فترة عشان اتجوز صح ؟
بصتله عمتي بحيرة فقال هو :
-أنا عايز أتجوز رحمة.