ايه اللي بتقوليه ده ؟
صرخت بقهـ ر ودموعي بتنزل فبتصلي بتريقة وقالت :
-غريبة باين عليكي صغيرة ...بس والله مش سهلة في السن ده اتعلمتي تغري وتلفي على الشباب...
-بس بس اسكتي ...
صرخت وانا بعيط ومسكت المقشة اللي كانت في إيدي وضر.بتها بيها وانا حاسة بالقهـ.ر ....
.......
بعد شوية ...
كانت مرام بتعيط في حضن عمتي وهي بتقول :
-أنا على اخر الزمن اتضر.ب من العيلة الصغيرة دي يا مرات عمي ...أنا خلاص همشي مادام مبقاش ليا احترام في البيت ده ...
-لا طبعا مش هتمشي يا مرام أنا هربي قليلة الأدب دي ...
قالها هيثم وهو بيقرب مني ولسه هيرفع أيده ويضر.بني كـ.ف حد زعق...
-هيثم !
ز عق شاب دخل البيت ....وهو شايل شنطة باك عينيه لونها بني ...وطويل ...عرفت مين هو ...صحيح شوفته من زمان بس اتعرفت عليه في وقتها ...ده مراد اصغر واحد في عيال عمتي ....قرب مننا ووقف بيني وبين هيثم وقال:
-ايه يا هيثم هتمد إيديك على ست ؟!
-أيوة لأنها قليلة أدب مدت إيديها على مراتي ....
-متتدخلش في مشا كل الستات يا هيثم ...خليهم هما اللي يتخانقوا ويضربوا بعض لكن أنت راجل مفروض متتدخلش ..
-ليه ميدخلش ..قليلة الأدب دي ضر.بت مراته ...
قالتها عمتي وهي بتطبطب على مرام
فدافعت أنا عن نفسي وقولت :
-هي اللي قالت الاول اني خد.امة وبعدين غلطت في شرفي ..عايزاني أعمل ايه يا عمتي يعني ؟...
-تحطي لسانك في بوقك يا حبيبتي وتتكسفي من نفسك ..لأن ريحتك طلعت والكل عارف ليه جوز أمك طردك في نصاص الليالي ..ولولايا كنتي فضلتي في الشارع كلاب السكك تنهـ.ش في جسمك ....فبدل ما تشيلي الجميل بتمدي إيديكي على مرات ابني يا قليلة الحيا
-جوز أمي ظلـ.مني ...أنا مش قليلة الحيا ...وانا هنا في بيت جدو مش خد.امة ومحدش ليه حق يدوسلي على طرف ...
-يخربيت البجا.حة
صرخت عمتي صباح وقربت عشان تشد.ني من شعري بس مراد منعها وقال :
-أمي لو سمحتي ....
-مراد دي بنت بجح ...
قاطعها مراد وقال :
-ماما دي بنت خالي...اللي يعتبر لسه طفلة واللي لازم نكون أهلها بعد ما خالي الله يرحمه ما ت وهي مش خد.امة عشان مرات اولادك يغلطوا فيها هي صاحبة حق في البيت ده وليها ميراث ولازم تأخذه ...وانا اللي هقف لأي حد فيكم يحاول يأ.ذيها !!!