فتحت ملك عينيها ونظرت إلى مالك ورأته مازال نائم في أحضانها فقبلته بحنان شديد وقالت: مالك قوم يا حبيبي يلا
استيقظ مالك ونظر إليها وقبل وجهها وقال: صباح الخير
ابتسمت ملك وقالت: صباح النور يا قلبي يلا قوم البس علشان تنزل وانا هروح أصحي عشق وندى وأشوف انس يلا قوم
ابتسم مالك إليها وذهب إلى الحمام ونظرت خلفه ملك ونهضت وخرجت من الغرفة وذهبت إلى غرفة البنات وفتحت الباب ونظرت إليهم وذهبت ببطء وتسطحت وضمتهم كما كانت في الأمس قبلتهم وقالت: عشق ندى قوموا يلا يا بت انتي وهي يلا
قالت عشق بنعاس: ماما سيبيني انام شوية كمان
قالت ملك بخبث: نامي براحتك يا حبيبتي وانا اللي كنت بفكر إن النهاردة هيكون في درس بيانو يلا نامي أحسن
نهضت عشق بسرعة وقالت: لا انا صحيت اهو يلا بينا نبدأ دلوقتي
ضحكت ملك عليها بخفة وقالت: يلا يا بت الهبلة روحي خدي دوش الأول ونفطر وبعدين نشوف يلا ده
قالت عشق بمرح وقبلتها: أولا صباح الخير يا مصر
قالت ملك بحنان: صباح النور يا قلبي
قالت عشق: ثانيا بقى انا مش عايزة أفطر انا هاخد دوش ونبدأ على طول
قالت ملك بنفي: لا انتي تفطري ولو مفطرتيش مفيش بيانو خلاص
قالت ندى ببراءة وقبلت وجهها: صباح الخير يا مامي
قالت ملك بحب: صباح السكر يا روحي يلا علشان تاخدي دوش انتي كمان وانا هساعدكم يلا
نهضت ملك وحملت ندى على يدها وذهبت إلى الحمام وذهبت خلفها عشق وبعد قليل خرجت ملك من الحمام وساعدت ندى في أن ترتدي ملابسها وجعلتها ترتدي
كانت ترتدي بلوزة أنيقة منقوشة بورد فوشيا كبير بقصة رقيقة وأكمام قصيرة، مع جيبة سوداء قصيرة كلوش واسعة وبوت طويل فوشيا برباط أمامي تضحك بشعر طويل منسدل إطلالة بنوتة قمر تفرح القلب
وارتدت عشق توب أسود أنيق بدون أكمام مزين بوردة سوداء وسلاسل ذهبية طويلة وبنطلون أبيض في أسود منقوش بنقشة هندسية دوائر وحزام خصر أسود ونضارة شمس كبيرة وشنطة بيضاء صغيرة إطلالة ملكة عصرية بتحب الموضة والظهور
قالت ملك وقبلتهم: يلا انا هروح أغير انا كمان وانتوا انزلوا تحت بسرعة
أومأوا لها وذهبت ملك إلى غرفة انس وطرقت الباب ولم تسمع أحد يرد عليها فدخلت الغرفة ورأت الغرفة متسخة بشدة فملابس انس في كل مكان في هذه الغرفة وهو نائم على الفراش بهدوء فبدأت ملك أن تأخذ ملابس انس من الأرض وقالت: انس انس قوم يلا كفاية نوم انس
فتح انس عينيه ونظر إليها باستغراب شديد فهي لا تذهب إلى غرفته وقال: الملكة هنا
قالت ملك بابتسامة إليه: ليه يعني ممنوع اجي هنا
نهض انس ونفى وأمسك يدها وأجلسها بجانبه: لا طبعا بس اتفاجئت مش أكتر وبعدين كنتي تبعتي حد لو عاوزاني انتي لسه تعبانة
قالت ملك بهدوء: لا تعبانة ولا حاجة بس حبيت إني اجي أشوفك بتعمل ايه اليومين دول
تنهد انس بقوة كبيرة وقال: عايزاني اعمل ايه
ربعت ملك قدمها وأشارت إليه وقالت: تعالى يا انس
نظر إليها انس ووضع رأسه على قدمها وقالت ملك بحنان وهي لعبت في شعره: ايه حلمك في الحياة يا انس
قال انس بهدوء: مش عارف انا كنت عايش حياة غير دي تماما وانتي غيرتي كل حاجة يا ملكة
نظرت إليه ملك وقالت: انت ندمان إنك جيت معايا يا انس
قال انس بنفي: لا طبعا أحسن حاجة حصلت في حياتي إني جيت معاكي هنا بس انا كنت عايش مكنش ليا حلم ولا شغف في حاجة في الدنيا غير إني أشرب طول الليل والنهار لكن انتي غيرتي ده
قالت ملك بحب: انت لازم تكمل في المدرسة عاوزاك تبقى أحسن حد في الدنيا كلها يا انس عايزة مستقبلك يبقى كويس انت أكبر واحد من ولادي علشان كده لازم تبقى قدوة ليهم انت فاهمني
أومأ لها وقبل يدها وقال: وانا أوعدك إني هعمل كل اللي أقدر عليه علشان تكوني فخورة بيا يا ملكة
ابتسمت ملك وقالت: تعرف إنك الوحيد اللي مبحبش منه لقب الملكة
قال انس باستغراب: وده ليه يعني ما مالك بيقولها أحيانا وعادي
قالت ملك بهدوء: مالك بيقولي ملكة علشان يفكرني بيها مش أكتر
رفع انس حاجبه وقال: إزاي يعني
قالت ملك بحنان وهي تلعب في شعره بيدها: يعني هو أحيانا بيبقى عاوز يتعامل مع الملكة مش ملك علشان ملك بتعمل حاجات بصفتها أم الملكة عمرها ما تعملها فاهم
أومأ لها وقال بخجل: ممكن أقولك ماما
قالت ملك وقبلت أعلى رأسه: قولتلك إنك ابني الأول فأكيد هنبسط لو قولتها يا انس
ابتسم انس لها فهي الأم المثالية بالنسبة له وقالت ملك بابتسامة: يلا قوم خد شاور علشان نفطر مع بعض
أومأ لها انس ونهض وذهب إلى الحمام ونهضت ملك وذهبت إلى غرفتها ورأت من سحبها بقوة كبيرة كادت أن تصرخ لكن وضع يده على فمها بسرعة ضمها وقال: ده انا اهدي
تنفست ملك براحة بعد أن علمت بأنه فهد وقالت: فهد يخربيتك في ايه
قال فهد: مستنيكي من الصبح وانتي اتأخرتي أوي
وضعت ملك يدها على ظهره وضمته إليها وقالت: ومستنيني ليه
قال فهد: كنت عاوز أطمن عليكي وبعدين تعالي هنا انتي كل ده بتعملي ايه
خرجت ملك من أحضانه وقالت وهي لفت يدها حول رقبته: مفيش كنت مع الولاد
رفع فهد حاجبه: كل ده
أومأت له قال فهد بخبث: يعني انتي روحتي لولادك كلهم دلوقتي
قالت ملك وهي لم تلاحظ نظرة الخبث الذي به: أيوه بس ليه
حملها فهد بسرعة وقوة وقال: دلوقتي دور جوزك يا حبيبتي
وضعت ملك يدها على كتفه وقالت بتحذير: فهد اللي بتفكر فيه مش هينفع خالص انا بقولك علشان مترجعش تندم
قال فهد بخبث ووضعها على الفراش: وانتي ايه اللي عرفك اللي بفكر فيه يا ملك علشان تعرفي إنك بقيتي سافلة أوي يا مدام
نهضت ملك وضربته بوسادة وقالت بغيظ شديد: انا برضو اللي سافلة امشي يا فهد من هنا يلا قعدتي معاك مبقتش تنفع خالص
قال فهد وأمسك يدها: اهدي بس يا قمر وبعدين انتي اللي تفكيرك وحش انا ذنبي ايه دلوقتي
نفخت ملك بقوة كبيرة وقالت: عاوز ايه دلوقتي يا فهد علشان انت خلاص عصبتني أوي
تسطح فهد على الفراش وسحبها إلى أحضانه وضمها إليه بهدوء وقال: خلاص اهدي كنت بهزر ليه مقولتليش ليه إن مالك عارف بموضوع جوازنا يا ملك
قالت ملك ودفنت نفسها بين أحضانه: مجتش فرصة أقولك
قال فهد بهدوء: ومالك موافق على الموضوع ولا لا
قالت ملك: مالك حتى لو مش موافق مش هيقولي ده
قال فهد باستغراب: وده ليه يعني المفروض يعترض ده جواز أمه برضو
نظرت إليه ملك وقالت: اللي بيني انا ومالك أكبر من ما تتخيل مش أم وابنها مالك بيثق فيا علشان كده عارف إني عمري ما هعمل حاجة تخليه يضايق وكمان مستني أخلص انتقامي وبعد ما أحكيله يقرر هو
قال فهد بتفهم: علشان كده متكلمش ولا اعترض ومستني يسمع وبعدين يقرر الواد ده ذكي بجد على فكرة
قالت ملك بغرور: تربيتي عايز يطلع ايه
قال فهد بغيظ: أكيد ده ابنك بيزلني يا ملك
تنهدت ملك بقوة وقالت: حاساك مضايق يا فهد مالك
قال فهد: خايف من اللي جاي يا ملك ولأول مرة فهد الحديدي يخاف من حاجة
قالت ملك بحنان ووضعت يدها على وجهه: وخايف من ايه يا حبيبي
قال فهد ونظر إلى عينيها: خايف أخسرك يا ملك أوعي تسيبيني علشان انا مش بعد ما حبيتك الحب ده أخسرك أوعي يا ملك
قالت ملك بمرح خفيف لتخفي هذا الحزن: في ايه يا فهد قلبت على حزين كده ليه عيب يا راجل الكلام ده
قال فهد وقبل أعلى رأسها: مش هتعرفي تخبي عليا حزنك يا ملك ناوية على ايه
تنهدت ملك بثقل وتعب شديد وقالت: هتصدقني لو قولتلك إني مش عارفة هعمل ايه غير حاجة واحدة وهي حقي وبس
قال فهد بهدوء: وانا معاكي في أي حاجة هتعمليها بس متفكريش في حقك وتنسيني يا ملك افتكري إني جوزك
قالت ملك وقبلت وجهه: أوعدك هحاول بس مش أوي
قال فهد بغيظ شديد: إزاي مش أوي وبعدين انتي بتبوسي ابن أختك يا ملك
كادت ملك أن تنهض وقالت: بس يا بابا ويلا روح عايزة أغير هدومي
أمسكها فهد وحبسها بين يده وقال: بس يا بت انتي مش هتمشي دلوقتي غير لما تديني اللي انا عاوزه
قالت ملك باستغراب: وانت عاوز ايه
قال فهد بوقاحة: بوسة يا لوكة ومش أي بوسة عايز بوسة حلوة تتسجل في التاريخ ومش عاوز أكتر علشان انتي تعبانة بس مش هسيبك على طول ودلوقتي البوسة وأهم حاجة البوسة تعجبني يلا
قالت ملك بضيق: فهد ما تهزرش وأوعى يلا
قال فهد بإصرار: يلا يا ملك دي فيها قعدتك هنا لحد الصبح فيلا أحسنلك
نظرت إليه ملك واقتربت منه وعينها على شفتيه وقبلته على شفتيه بخفة وكادت أن تبتعد عنه لكن كان أسرع منها وأمسك رأسها وقبلها بحنان وخوف من المستقبل وأمسك شفتيها العليا ومصها بقوة وهبط على السفلى ومصها هي الأخرى ببطء شديد
وضعت ملك يدها على أسفل رأسه لتقربه منها ولم يتركها فهد إلا بعد أن قطع أنفاسها وابتعد عنها تنفست ملك بقوة وقالت بعد أن هدأت قليلا: يخربيتك كنت هتموتني يا فهد
قال فهد بخبث وجعلها لتكون أسفله: أعمل ايه ما انتي اللي نفسك قصير أوي
قالت ملك بغيظ: انا اللي نفسي قصير ولا انت اللي طولت ايه كل ده وبعدين يلا عايزة أغير هدومي علشان أنزل للولاد
قال فهد بغيظ: على فكرة انا كمان جوزك يعني المفروض ليا فيكي زي الولاد
قالت ملك ونهضت: بس يا بابا وامشي يلا
نهض فهد وأمسكها من خصرها وقال: طب مش هتديني حاجة قبل ما أمشي
قالت ملك بخبث: عاوز تاخد خد بس لما أفرفر بين إيدك مترجعش تتكلم بعد كده ها عاوز ايه
قال فهد بغيظ: لا يا أختي خلاص مش عاوز حاجة بس خلي بالك من نفسك اليومين دول فاهمة
أومأت له ملك بهدوء وقبل فهد أعلى رأسها وقال: هجيلك بالليل بعد ما تخلصي مع الولاد
قالت ملك: ماشي
ذهب فهد إلى الخارج وذهبت ملك إلى غرفة الملابس وارتدت طقم كاجوال أنيق مكون من تي شيرت أبيض مطبوع عليه وجه ميكي كبير وكلمة Mickey وبنطلون أبيض منقوش برسومات ميكي صغيرة سوداء برباط على الخصر وشريط جانبي أسود شعرها المموج منسدل وكعب أسود إطلالة ملكة حتى في لحظات راحتها تجمع بين الرقة والسيطرة
هبطت إلى غرفة الطعام ورأت جميع العائلة يجلسوا جلست بجانب مالك وإياد وقالت إلى الخادمة التي وقفت: هاتيلي قهوة
ذهبت الخادمة لتفعل قهوة لها وقالت عشق بحماس: ماما يلا انا كلت
قالت ملك: اقعدي يا عشق كلي الأول
قال انس باستغراب: انتوا رايحين فين
قالت عشق: أصل ماما هتدربني على البيانو النهاردة
قال انس بابتسامة رأتها ملك لأول مرة منذ أن رأته: وانتي بتعرفي تعزفي
قالت عشق بغرور مصطنع: أومال يا ابني دي لعبتي انا
قال مالك بسخرية: أكيد بأمارة إن ماما كل ما تيجي تدربك بتعزفي لوحدك مش كده يا عشق
قالت عشق بغيظ: بعرف بس ماما بتساعدني صح يا ماما
قالت ملك: صح وبعد ما تخلصي أكل هتعزفي لوحدك وهتثبتيلهم إنك شاطرة أوي
أتت الخادمة بالقهوة إلى ملك ووضعتها أمامها وذهبت لترتشف ملك منها بهدوء وقال نصار بهدوء: انتي مسافرة إمتى يا ملك
قالت ملك بغموض: قريب أوي
أومأ لها بهدوء ولم يتحدث فهو يعلم بأنها لن تقول إليه على الموعد وقالت سارة بحنان ونظرت إلى ملك: الجرح اللي في دماغك وجعك يا ملك
قالت ملك بهدوء: مش أوي عادي بالنسبالي
قالت سارة بحزن: انتي ضروري تسافري اليومين اللي عاملة فيهم حادثة يا ملك
نهضت ملك وقالت: في شغل مهم لازم أعمله يلا يا عشق
نهضت عشق بحماس وذهبت خلف ملك وقالت ندى ببراءة: انا عايزة أتفرج على ماما وعشق
نهض مالك وقال بحنان: تعالي يا قلبي نتفرج عليهم كلنا
ذهبوا الجميع إلى غرفة الموسيقى ورأوا ملك تجلس على الآلة وتجلس عشق على قدمها وقبلتها ملك بحنان وقالت: هاتي إيدك
أمسكت ملك يد عشق ووضعتها أسفل يدها وقالت: سيبي نفسك لإحساسك وهو هيعرف يعمل ايه يا عشق متفكريش في حاجة
أغلقت عشق عينيها ولم تلاحظ هذا الذي تأملها بحب ينمو داخل قلبه وعزفت ملك ببطء ومهارة ويد عشق أسفل يدها عزفت لمدة طويلة لكن فجأة اسرعت العزف وعزفت بسرعة كبيرة وبعد فترة من العزف تركت يد عشق وجعلتها هي التي تعزف وبالفعل عزفت عشق ولم تلاحظ أن ملك تركت يدها ونظرت ملك إليها وابتسمت بحب فهي عزفت ولم تشعر بشيء تركتها ملك فترة على هذه الحالة وأفاقت عشق من الذي كانت عليه ونظرت إلى ملك بصدمة كبيرة وقالت: هو انا عزفت يا ماما صح
قالت ملك وقبلتها: صح يا قلبي عزفتي وحلو أوي كمان
قالت عشق بفرحة كبيرة: يعني انا دلوقتي أعرف أعزف لوحدي
أومأت لها ملك وقالت: أيوه بس محتاجة تدريب وده انتي هتعمليه لوحدك انا هنا مهمتي خلصت معاكي
ضمتها عشق بقوة وقالت بفرحة: شكرا يا أحلى ماما في الدنيا كلها
ضمتها ملك بحب وحنان وقالت: يلا كفاية عليكي كده النهاردة
قالت عشق بغرور ونظرت إلى انس ومالك: شوفتوا إني بعرف وشاطرة
ابتسم انس عليها وقال مالك وقبلها: أكيد انتي أخت مالك الجارحي ولازم تكوني شطورة في كل حاجة
وأمسك يدها وذهبوا الجميع إلى الخارج وجلسوا في غرفة المعيشة وبعد قليل من الحديث المتبادل والمرح بين الجميع أتت الخادمة وفي يدها شيء وقالت باحترام ووقفت أمام ملك: ملك هانم الحارس عطاني دي وقالي إنها جاية لحضرتك
نظرت إليها ملك ونظرت إلى الشيء الذي بيدها ورأت