نظر إليه أنس باستغراب وقالت ملك ببرود شديد: إيه يا نصار هتاكل الولد بعنيك اهدى شوية مش كده
قال نصار بصدمة ونظر إليها: إزاي يعني هو ا
قطعت ملك حديثه وقالت: كفاية يا نصار اهدى شوية
نظرت إلى أنس وقالت: تعالى يا أنس معايا لحد ما عمك نصار يفوق من اللي هو فيه
أنهت حديثها وذهبت إلى المكتب ذهب خلفها أنس باستغراب من هذا نصار ودخلت ملك إلى المكتب وجلست على الأريكة ونظرت إليه وقالت: تعالى اقعد يا أنس
ذهب أنس وجلس بجانبها وقال بهدوء: ليه يا ملكة
نظرت إليه ملك وقالت باستغراب: ليه إيه
نظر أنس أمامه ونظر إليها وقال: ليه تدفعي فيا 15 مليون جنيه
قالت ملك ببرود: أنا مدفعتش فيك حاجة يا أنس
قال أنس بغضب: إزاي يعني مدفعتيش وأنا سامع كل حاجة
ابتسمت ملك ببرود وقالت: وسكت ليه
قال أنس بحزن: عاوزني أعمل إيه وأنا شايف إن خالي خلاص باعني لواحدة ميعرفهاش ولا سأل هي عملت كده ليه
قالت ملك بهدوء: اسمع يا أنس أنا بديك فرصة تعيش حياة أحسن من اللي كنت عايشها هتعيش معايا في القصر وهتلاقي عيلة تحبك وتقف جنبك في أي وقت
قال أنس باستغراب: وأنتي هتستفادي إيه من ده
قالت ملك ببرود: هتعرف بعدين المهم إنك تبطل اللي كنت بتعمله ولو ما اتعدلتش بمزاجك هعدلك أنا بطريقتي أنت فاهم
قال أنس ببرود: بس أنا ممكن أمشي من هنا عادي
قالت ملك ببرود أشد: ابقى اعملها وأنا هوريك وش الملكة اللي متتمناش يظهر لعدو يا أنس
نظر إليها أنس ونفخ بقوة كبيرة وقال: وأنا مش همشي غير لما تعرفيني بس أنا مش عارف إذا كانت العيلة هتحبني ولا لا
قالت ملك بهدوء: مفيش حد هيكرهك وأنا من النهاردة اعتبرني أمك أو أختك أو صاحبتك حتى زي الأول أهم حاجة متخبيش عني حاجة وأنا من النهاردة هعتبرك زي مالك بس خلي في بالك إني ما دام اعتبرتك كده يبقى تثبت إني مغلطش وأوعى تندمني على كده علشان أنت اللي هتخسر
قال أنس بحب مخفي: تمام يا ملكة وإن شاء الله هكون عند حسن ظنك ده
قالت ملك فتح ذراعيها: تعالى
ذهب أنس إليها سريعا لتحتويه ملك بحب فقده أنس بشدة ويشعر أنس بحب الأم فهو كان يريد هذا من وقت طويل يريد حضن الأم وخرج من أحضان ملك بعد فترة وقالت ملك وهي تضع يدها على وجهه بحنان: تعالى أعرفك على العيلة
ونهضت ملك وكانت أن تذهب إلى الباب لكن قال أنس: أنتي تعرفي أبويا
أومأت له ملك بهدوء ليسألها أنس بحزن شديد: ليه سابني لوحدي
قالت ملك بهدوء: مكنش يعرف بوجودك أصلا وكمان أنت شبهه أوي لدرجة إني فكرتك هو في البداية
قال أنس بتفكير: علشان كده نصار اتصدم أول ما شافني
قالت ملك: أيوه يلا
قال أنس بهدوء: عاوز أعرف اسمه
قالت ملك وهي تذهب إلى الخارج: بعدين هعرفك تعالى يلا أعرفك على العيلة دلوقتي
وذهبت ملك إلى الخارج ورأت الذي جعلها تغضب وتفقد أعصابها على الفور
قبل قليل في غرفة المعيشة بعد أن دخلت ملك مع أنس إلى المكتب قالت أسيل إلى نصار الذي جلس وهو لم يستوعب شيئا إلى الآن: مين ده يا أونكل
لم يرد عليها نصار فهو لا يسمعها لتقول بصوت عالي: أونكل نصار
قال نصار بفزع من صوتها: يخربيتك في إيه
قالت نور: البنت قاعدة تكلمك من الصبح وأنت ولا هنا إيه بتحب جديد ولا إيه
قال نصار بغيظ: وأنتوا اللي يشوفكم يعرف يحب ولا يتهنا حتى
قالت عشق بمرح: ليه يا أونكل حد قالك إن إحنا رضوى الشربيني بنقف في طريق الحب
قالت أسيل بفضول: أونكل مين ده
قال نصار: د
قطع حديثه الخادمة التي دخلت وقالت باحترام: نصار باشا أستاذ خالد بره
قالت أسيل بفرحة شديدة: خالد
نهضت بسرعة وركضت إلى الخارج ونظر خلفها أدهم ونهض وذهب خلفها وذهب الجميع أيضا ورآها بين أحضان هذا الشخص وقالت باشتياق: خالد وحشتني أوي
ضمها خالد بقوة كبيرة وقال بحب شديد لها: وأنتي كمان يا قلبي
ذهب إليهم أدهم بغضب شديد وسحب أسيل من أحضان خالد ولكمه لكمة قوية بشدة وتزحزح خالد من اللكمة بشدة ونظر أدهم إلى أسيل وقال بغضب شديد وصوت عالي: إيه يا هانم عاجبك أوي الوضع ده أنتي شكلك واحدة رخ
قطع حديثه التي قالت بغضب شديد: أدهههههههههههههمممم
فزع جميع من في القصر ابعدت أسيل يدها من يد أدهم وركضت إلى الأعلى وذهبت ملك ووقفت أمام أدهم وقالت بغضب: احمد ربنا إنك مكملتهاش علشان لو كملتها كانت حياتك هتكون التمن
قال أدهم بغضب شديد: عاوزني أعمل إيه وأنا شايفها بتحضن راجل غريب قدامي بالشكل ده
قالت ملك ببرود وخبث داخلي: وأنت مالك أصلا تحضنه أو لا ملكش دعوة بيها أنت فاهم يا أدهم
قال أدهم بصوت عالي: لا هي ليا أنا بحبها وعاوزها يا ملكة
قالت ملك ببرود: وأنا إيه اللي يخليني أديها لواحد كل يوم في حضن واحدة شكل
قال أدهم: قولتلك إني مش من ساعة ما دخلت شغلك وأنا بطلت السكة دي أنتي ليه مش مصدقة وكمان أنا بحبها وأنتي عارفة ده كويس أوي
قالت ملك بمكر: واللي عملته امبارح كان بيدل على إنك بتحبها برضو يا أدهم باشا
قال أدهم بتوتر: أنتي عرفتي منين
قالت ملك ببرود: مفيش حاجة بتحصل وأنا مكنش عارفة بيها قبل ما تحصل حتى
قال أدهم بغيظ: هي السبب أنا مليش دعوة
قال عمر باستغراب: وأنت عملت إيه يا أدهم
قالت ملك بخبث: قوله عملت إيه يا ذئب
قال أدهم بتوتر: معملتش حاجة دي الملكة بتهزر
قال فهد بخبث شديد: لا واضح إنها بتهزر بجد
قال أدهم بتوتر ونظر إليه: أنت فهمت إيه
قال أنس بضحك: لا مش لوحده اللي فهم
قالت عشق بعفوية: أوب مين القمر ده يا ملك
نظر إليها أنس وابتسم وقال مالك بهدوء: أيوه صح يا ماما مين ده
نظر إليه أنس بصدمة نظر إلى ملك وقال: ماما هما دول ولادك
أومأت له ملك وقال مالك بهدوء: أيوه ليه
قال أنس: أصل مش باين عليها خالص
قالت عشق بمرح: لا ما هي ملك مبيبانش عليها سن كده
قالت ملك بغيظ: قصدك إني كبيرة يا كلبة
قالت عشق: لا يا ملكة بس محدش يصدق إننا عيالك يا عسل المهم بقى مين المز ده
ابتسمت ملك بهدوء وقالت: ده أنس
نظر إليها مالك وذهب إلى أنس ومد يده إليه وقال: أهلا يا أنس أنا مالك ابن الملكة
قال أنس وهو يصافح بيده: وأنا أنس وأتمنى نكون صحاب
قال مالك بهدوء: أكيد ده شيء يشرفني
قالت عشق بمرح: أهلا يا أسطا وأنا عشق القمر بتاع العيلة دي
قال أنس بضحك: لا واضح من ساعة ما جيت وأنا شايف إنك القمر بتاع العيلة فعلا
قالت عشق بغرور مصطنع: أكيد يا ابني ده شيء معروف في الدنيا كلها
ابتسم أنس عليها وقالت ندى برقة: هاي وأنا ندى
قال أنس بابتسامة وهو قبل وجهها: أهلا يا قمر
قال أدهم بهدوء: وأنا يا ملكة مقولتليش كلمة على موضوعي أنا وأسيل
قالت ملك ببرود: تمام يا أدهم بس أنت عارف الغلطة عندي بإيه وكمان رأي أسيل أهم يعني لو موافقتش يبقى مليش دعوة
قال خالد بحسرة شديدة: يعني أنا اللي خسرت وشي في كل ده
قال أدهم بغضب شديد: أيوه وأنت إزاي تحضنها كده أنت السبب في كل المصايب دي
قال خالد: يا عم وأنا مالي أنت اللي دخلت زي التور الهايج ومعطتنيش فرصة أقولك إني متربي معاها
قال أدهم بغضب: حتى لو مش مسموح إنك تحضنها مهما حصل
قالت ملك إلى خالد: وأنت خلصت الشغل ولا لا
قال خالد بثقة وهو يخرج من ستار الجاكيت ورقة: طبعا يا ملكة وده الشيك بكل المبلغ
قالت ملك ببرود: الفلوس دي متلزمنيش اديها لعلي يوزعهم على الرجالة
قال خالد بصدمة: خمسين مليون هتوزعيهم على الرجالة يا ملكة
قالت ملك ببرود وهي تصعد إلى الأعلى: أيوه اديهم لعلي وأنت ساكت
نظر خلفها خالد وقال: والله الست دي غريبة أوي
قال مالك ببرود: بره يا خالد ومش مسموح تقول حاجة على الملكة تاني
خالد ذهب إلى الخارج وقال: إيه العيلة دي يا ربي أنا غلطان من الأول أصلا
انسحب فهد بهدوء ما بين الجميع وذهب إلى غرفة الملكة وقال أدهم: بعد إذنكم يا جماعة
أنهى حديثه وصعد إلى الأعلى وذهب إلى غرفة أسيل ودخل الغرفة ورآها نائمه على الفراش وهي تبكي بقوة ذهب إليها وقال بحزن عليها وعلى ما فعله بها: أسيل أنا آسف
قالت أسيل بصراخ عالى: آسف آسف على إيه على إنك قلت عليا كلام مينفعش يتقال ولا إنك إهانتي ولا على إيه بالظبط
سحبها أدهم إلى أحضانه وضمها بقوة رغم عنها وقال: أنا آسف أنا آسف بس اتعصبت لما شوفتك وأنتي بتحضني كده
قالت أسيل وهي تضرب في ظهره بقوة: وأنت مالك أصلا أحضنه أو لا أنت ملكش دعوة بيا
قال أدهم بغضب شديد: لا ليا يا أسيل أنتي كلك على بعضك ليا أنتي فاهمة
خرجت أسيل من أحضانه وقالت بغضب هي الأخرى: لا يا أدهم أنا مش ليك مهما حصل استحالة أكون ليك
قال أدهم بتحدي: لا يا أسيل أنتي ليا وهنشوف مين اللي هيكسب في النهاية
قالت أسيل بنفس التحدي: لما تشوف حلمة ودنك يا أدهم باشا
ابتسم أدهم ببرود وقال: هشوفها وأنتي كمان هتشوفي أنا هعمل إيه يا أسيل
أنهى حديثه وذهب إلى الخارج ونظرت خلفه أسيل وقالت بإصرار: عمري ما هبقى ليك يا أدهم
دخل فهد إلى غرفة ملك ورآها تجلس على الكرسي وتمسك في يدها ملفا وفي يد أخرى سيجارة ترتشف منها ذهب إليها وسحب السيجارة من يدها ونظرت ملك إليه وقالت ببرود: ممكن أفهم عملت كده ليه
قال فهد وارتشف من سيجارتها: عاوزها فيها حاجة دي وبعدين أنتي على طول كده
قالت ملك ونظرت إلى الملف: كده إزاي يعني
قال فهد وجلس على الكرسي المقابل لها: غريبة مثلا ليه دفعتي 15 مليون علشان وصاية أنس
نظرت إليه ملك وابتسمت وقالت: يهمني علشان كده عايزاه في القصر هنا يا فهد
قال فهد بهدوء واستغراب: إزاي وأنتي تعرفي أنس منين أصلا
نظرت ملك أمامها وقالت: من فترة عرفت بوجوده وقابلته يوم ما كنت مستنيني هنا
قال فهد بتذكر: آه يعني يومها كنتي معاه
أومأت له ملك قال فهد: وأنتي عرفتي بوجوده من فترة يعني هو ابن حد يخصك
قالت ملك ببرود: أيوه
قال فهد برفعة حاجب: مين
نظرت إليه ملك وقالت: