في الصباح...
عند فارس...
المنبه بيرن، فارس بيصحى، وياخد شاور، ويلبس بدلة سودا وقميص أسود من تحت، وفاتح أول تلات أزرار منه، وساعة رولكس، ويحط البرفان بتاعه، ويخرج من الأوضة.
عند ليالي...
الباب بيخبط للمرة اللي مش عارف عددها ، لكن صحبتو في علم تاني ومش بترد.
فارس، آخر ما زهق، فتح الباب براحة ودخل، لقاها نايمة زي الأطفال؛ شعرها نصه على وشها والنص التاني حواليها، ولابسة بيجامة لونها أبيض وفيها فراولة، ووشها أحمر من النوم. شكلها كان طفولي ومغري في نفس الوقت.
قرب منها وهزّها.
فارس: ليالي... ليالي!
ليالي وهي ليه مغمضه عينيها اتقلبت للناحيه التانية وفالت بنعاس: بس يا نور، اخرجي بره!
فارس: ههههه، بس أنا مش نور!
ليالي بتحاول تستوعب الصوت، وبتقوم مرة واحدة بخضة.
ليالي: إنت دخلت إزاي؟!
فارس ببرود مصطنع: من الباب أكيد،ولا كنتي مستنياني ادخل من الشباك وبعدين، غيبوبة إيه؟ أنا بقالي ساعة بخبط على الباب!
ليالي بتوتر وإحراج: بجد أنا مسمعتش حاجة خالص!
فارس باستعجال: طب يلا، اجهزي بسرعة.
ليالي فجأة بضيق: ثانية بس! أنا مش قولتلك تبعت الدادة تصحيني؟ ليه جيت إنت؟ وبعدين، إزاي تدخل أوضتي وأنا نايمة؟!
فارس، في سره: استيعابها بطيء على الآخر!
وبيكذب عليها ويقولها:
فارس: أنا بعتها وخبطت، بس إنتِ مصحتيش، فقولت أتصرف. ويلا، أنجزي، هستناكي تحت.
وبيخرج بسرعة قبل ماتتكلم.
ليالي بضيق: أوف! هو إزاي يدخل كده؟ وكمان شافني بالمنظر ده! أووف!
بتدخل تاخد شاور وتلبس، وبتخرج تلبس فورمال؛ بدلة نسائية لونها أسود، البنطلون زي ستايل الـ Wide Leg، وعليه جاكيت قصير، ومن تحت توب أبيض واخد وضع الجسم، وهيلز أسود الكعب بتاعه لونه أحمر.
واكتفت بالكحل وليب جلوس، وشعرها بتسرحه وتسيبه على ضهرها، وبترش من البرفان الخاص بيها، وبتنزل.
على السفرة...
أول ما بتنزل، بتلاقي الكل صحي وقاعدين يفطروا، والكل بيبصلها باستغراب، وهي باللامبالاة دي بتقول:
ليالي بالامباله: صباح الخير.
الكل: صباح النور.
أحمد بجمود: رايحة فين كده يا ليالي؟
ليالي ببرود ولامباله : فارس عرض عليّا أشتغل معاه في الشركة بتاعته، وأنا وافقت، وهو مستنيني عشان رايحين الشركة.
أحمد بغضب: وإنتِ مفكرة إن ليكي الحرية في كل حاجة؟ بتوافقي من غير ما تسأليني؟!
ليالي بثابت: أسألك ليه؟ دي حياتي أنا، وشغلي أنا، وأنا بختار اللي يريحني.
فاطمة، بحقد وخبث، بتحاول تبين عكس اللي جواها.
فاطمة: بس يا حبيبتي، كان المفروض تعرفي أبوكي وتاخدي رأيه.
يارا بضيق: وبعدين، لحقتوا اتفقتوا إمتى؟ أو اتكلمتوا إمتى؟ ع...
ليالي، بمقاطعة للكل: لو خلصتوا، يبقى أحسن، عشان اتأخرت ولازم أخرج.
فاطمة لسه هتتكلم، بيدخل فارس.
فارس، بهدوء طاغي عليه وصوته الرجولي: يلا يا ليالي، خلينا نمشي.
أحمد بيبص ل فارس ويرجع يبص لليالي بضيق: ليالي، لينا كلام لما ترجعي، فاهمة؟
ليالي ببرود: أوكيه.
وبتخرج هي وفارس.
ــــــــــــــــــــــــــــــــــــ
في العربية... 🚘
ليالي: فارس...
فارس في سره: يا خربت! فارس اللي هتجيبي أجله قريب!
فارس: إيه يا ليالي؟
ليالي: إنت مقولتليش اسم شركتك إيه.
فارس: F&M.
ليالي: أمم، طب الـ F فارس، مين الـ M؟
فارس: مازن، صاحبي وشريكي. بدأنا كل حاجة مع بعض من الصفر، وكل خطوة في الشركة دي إحنا الاتنين كنا فيها سوا.
ليالي: أممم... حلو أوي إن يبقى عندك صاحب بالشكل ده. مش سهل تلاقي حد يفضل جنبك ويشاركك كل حاجة.
فارس بحب: مازن مش مجرد صاحبي يا لي لي، ده أخويا. وفي حاجات كتير مريت بيها، وملقتش حد جنبي غيره.
ليالي بصت له باهتمام، لكنها محاولتش تسأله عن الحاجات اللي يقصدها.
ليالي: ربنا يخليكم لبعض
.
فارس: يا رب. وصلنا.
داخل شركة F&M... 🏢
بتنزل ليالي من العربية، وبتدخل الشركة مع فارس، وبيركبوا الأسانسير، وبيطلب الدور.
وأول ما بيوصلوا الدور، بيخرجوا، وفارس بيمشي وليالي جنبه.
أول ما بيدخل، الكل بيبص له باستغراب. أول مرة يشوفوا مديرهم العصبي والجبل داخل ومعاه بنت، وبنت حلوة أوي كمان!
فارس بهيبة وجمود: نادين هاتيلي ملف آخر تصميم اتعمل.
وبيدخل هو وليالي المكتب.
ليالي: نفسي أعرف بتجيب الجمود ده منين يا جبل!
فارس: ههههه، متشغليش بالك إنتِ. اقعدي.
وبتقعد على كنبة في المكتب.
ليالي بانبهار: بس الشركة تحفة، والمكتب بتاعك حلو! تصميمك صح؟
فارس بسعادة إنهم عجبوها: آه، لو تحبي أخليهم يعملولك زيه.
ليالي بسعادة حاولت تخفيها: لا، مفيش داعي إن...
فارس بحب: ولا أقولك، إنتِ شوفي عايزاه يبقى إزاي، وهما يعملوهولك.
ليالي بتوتر: بس ليه التعب و...
فارس: لي لي، تعب إيه؟! كده كده كان لسه هيتجهز، فإنتِ شوفي عايزاه إزاي وهما يعملوهولك.
ليالي بابتسامة ورقة: أوكيه، بس أنا كده هقعد فين لحد ما يخلص؟
فارس بجدية ومن غير ما يديها مجال للاعتراض: هتقعدي هنا معايا في المكتب، تشتغلي لحد ما يخلص، ومن غير اعتراض.
ليالي باستسلام: أوكيه.
بس كان في حاجة جواها فرحانة إنها هتبقى معاه في مكان واحد.
(ليالي في بالها ..انا ليه فرحت كدة ايه الجنان ده انا جاية أشتغل وبس بس ...)
بتدخل نادين، السكرتيرة.
نادين: مستر فارس، الملف.
فارس: سيبيه على المكتب، واطلبي فطار وعصير مانجا للآنسة ليالي، وبعد كده في أي وقت تيجي تدخل مكتبي من غير استئذان، وابعتيلي محمود من قسم تنفيذ الديكور.
نادين: أوكيه يا فندموبتخرج.
بيقوم فارس، بيقلع جاكت البدلة ويحطه على الكنبة، وبيفضل بالقميص الأسود اللي من تحت، وكان مجسّم عليه وبارز عضلاته، وأول تلات أزرار مفتوحين.
بيتجه للمكتب، يجيب اللاب، ويرجع يقعد جنبها.
فارس بيفتح اللاب: بصي يا لي لي، التصميم ده كدة ، مبتردش
وبيبصلها، بيلقيها بصلو سرحانة ومش مركزة معاه في اي حاجة
بيحرّك إيده قدام عينيها.
فارس: لي لي... لي لي.
فارس بمشاكسة ... يا انسة يا مهندسة.
بتفوق ليالي من سرحانها بخجل وتوتر.
ليالي: كـ... كنت بتقول إيه؟
فارس بابتسامة مشاكسة: بس إيه رأيك؟ حلو، صح؟
ليالي بتوتر: ه... هو إيه؟
فارس بابتسامة تسلية: هيكون إيه بس يا لي لي؟ التصميم طبعًا!
ليالي بعد ماكان قلبها هيقف بصت للشاشة بسرعة، وبدأت تحاول تدارك الموقف.
ليالي: طيب، وريني التصميم كده.
فارس قرّب اللاب توب ناحيتها.
فارس: اتفضلي، شوفي وقوليلي رأيك بصراحة.
ليالي بدأت تركز في التصميم فعلًا، وبعد لحظات قالت:
ليالي: بص، الفكرة حلوة، بس أنا شايفة إن الجزء ده محتاج تعديل بسيط، لأن توزيع المساحات مش عملي بالشكل الكافي.
ولو غيرنا مكان الجزء ده، هنقدر نستغل المساحة بصورة أفضل من غير ما نخسر الشكل الجمالي للتصميم.
فارس بص للشاشة، وبعدها بص لها بإعجاب.
فارس: حلو. كمّلي.
ليالي بدأت تشرح له وجهة نظرها، وتناقش معاه بعض التفاصيل، ومع كل نقطة كانت بتقولها، فارس كان بيكتشف إنها مش بس عندها ذوق، لكنها كمان فاهمة شغلها كويس.
بعد ما خلصت كلامها، فارس قفل جزء من التصميم وبصلها.
فارس: ده هيبقى أول شغل تستلميه، وإنتِ اللي هتشتغلي عليه.
ليالي: أوكيه، بس أنا حاليًا اللاب بتاعي مش معايا، هشتغل إزاي؟
فارس: بصي يا لي لي، النهارده إنتِ بتتعرّفي على كل حاجة هنا، وبكرة ممكن تبدأي لو حبيتي.
ليالي بابتسامة: أوكيه.
وفجأة... الباب بيتفتح!