فهد بصدمة: انتي بتقولي إيه
ملك بهدوء: أيوه يا فهد أنا لسه بنت لحد دلوقتي
ابتسم فهد بفرحة كبيرة وقال: يعني أنا أول واحد في حياتك يا ملك
وضعت ملك يدها على وجهه وقالت: انت أول واحد يقرب مني يا فهد أنا عمري ما سمحت لحد يقرب مني بس انت غير خليتك تقرب وتعمل اللي محدش قدر يعمله
اقترب فهد منها وحملها ووضعها على قدمه وهبط على شفتيها بقبلة قاسية لدرجة أنه أكل شفتيها بشره وقوة شديدة وحاولت ملك أن تبادله لكنها لم تستطع أمامه وهو يأكل شفتيها الناعمة كأنها قطعة من الحلوى بين أسنانه وتركها بس أن شعر بطعم دماء شفتيها في فمه
ابتعد عنها ونظر إليها شفتيها المنتفخة بشدة وضع جبهته على جبهتها وقال بوقاحة: بقولك إيه يا ملك تعالى نكتب ورقتين عرفي وأدخل عليكي دلوقتي بدل ما نستنى كل ده وبعد ما نرجع مصر أكتب عليكي رسمي
ضربته ملك في صدره بقوة كبيرة وقالت: والله انت واحد سافل يا فهد
أمسك فهد يدها وقربها منه وقال: وهو اللي معاكي المفروض يكون محترم المهم كملي يلا
ملك حاولت النهوض من على قدمه: طيب أوعى خليني أقعد وهكمل
أمسكها فهد من خصرها وقربها منه بشدة وقال: لا انتي هتكملي وانتي كده
نفخت ملك بقوة وقالت: يا فهد أوعى خليني أقدر أتكلم
فهد: لا مش هتقومي من هنا يلا كملي وكمان قولولي ازاي عشق شبهك أوي كده
تنهدت ملك بقوة كبيرة وقالت: علشان عشق بنت أخويا يا فهد
رفع فهد حاجبه وقال: انتي ليكي أخ
أومأت له ملك وقالت: معتز الجارحي
فهد باستغراب شديد: طيب ليه مكتبتهوش باسمه هو وليه كتبتيهم باسمك انتي
ملك بابتسامة حزينة: أمهم قبل ما تموت وصتني إن الولاد ميعرفوش حاجة عن أهلهم غير لما أجيب حق أبوهم الأول
فهد باستغراب: ازاي يعني هو فيه أم كده
وضعت ملك رأسها على كتفه وقالت: كانت خايفة إن اللي قتل أبوهم يقتلهم هما كمان
ضمها فهد إلى أحضانه وقال: ومين اللي قتل أبوهم يا ملك
ابتسمت ملك ببرود وقالت: مينفعش أقولك دلوقتي
فهد برفعة حاجب: ليه يعني
ابتعدت ملك عنه وقالت: مينفعش يا فهد صدقني أنا بس قولتلك موضوع الولاد وإنهم مش ولادي بس علشان مينفعش أخبي عليك حاجة زي دي بس مش هقدر أقولك حاجة غير كده دلوقتي لما أحس نفسي جاهزة هاجي وهقولك على طول
ابتسم فهد وقبل شفتيها بقوة وقال: مش مشكلة المشكلة الأكبر دلوقتي إني هتجوز على نفسي عاوز أتجوز يا ملك هنتجوز إمتى
ابتسمت ملك بين شفتيه وقالت: بعد ما نرجع مصر
ابتعد فهد عنها وقال بغيظ شديد: واحنا هنرجع مصر إمتى
ملك: اممم النهارده وبعدين قولتلك إن الولاد ميعرفوش حاجة عن الموضوع ده دلوقتي يا فهد
فهد بهدوء: متقلقيش مش هيعرفوا حاجة غير لما انتي تقولي أهم حاجة نتجوز بأسرع وقت
ابتسمت ملك وقالت: تمام وأنا موافقة بس نتفق الأول
فهد برفعة حاجب: نتفق على إيه مش احنا اتفقنا كده
نفت ملك برأسها وقالت: أنا أول حاجة بفكر فيها هي ولادي يعني عمري ما هحب حاجة أكتر منهم هما أهم مني أنا شخصيا يا فهد
ابتسم فهد وفهمها وقال: وأنا عمري ما هقف في طريق حبك ليهم
ملك: تمام كده اتفقنا يلا نروح بقى علشان أولاد
فهد بخبث: مفيش تصبيرة لحد ما نتجوز يا ملك
نظرت إليه ملك وابتسمت واقتربت من شفتيه وابتسم فهد لظنه بأنها سوف تعطي الذي يريده الآن لكن نهضت ملك بسرعة وقالت: لا مفيش ويلا علشان نلحق علشان ننزل مصر
نظر إليها فهد وقال بغضب شديد: ماشي يا ملك كل ده هيطلع عليكي زودي في عقابك أكتر وانتي اللي هتندمي في الآخر
ابتسمت ملك وقالت: طب يلا وإلا هلغي كل حاجة
نهض فهد وذهب وأمسك شال وقال وهو يعطي إليها: طيب خدي الشال ده حطيه على رقبتك
ملك باستغراب: ليه يعني الجو مش ساقعة أوي كده
سحبها فهد إليه وقبل رقبتها بخفة وقال بخبث: لا يا قلبي مش ساقعة بس فيه علامات على رقبتك ولو حد شافها هيبقى شكلك وحش أوي وهتتفهمي صح قصدي غلط
نظرت إليه ملك وابتعدت عنه وذهبت إلى المرآة التي كانت موجوده ونظرت إلى رقبتها ورأت آثار قبلاته الحمراء عليها نظرت إليه من المرآة وقالت بغيظ شديد: عجبك كده اللي عملته يا فهد أكيد هيقعدوا كده كتير
ذهب فهد إليها وضمها من الخلف وقال: لا يا حبيبتي أنا مش هسمح إنهم يروحوا أصلا لازم علامة حبي ليكي تفضل ومتروحش وكمان بعد ما نكتب الكتاب هخلي علامتي في حتت تانية أحسن من دي بس مش هتكون ظاهرة لحد غيري يا ملكة
أنهى حديثه بغمزة وقحة بشدة لتفهم ملك ماذا قصد وخجلت بشدة وركضت إلى الخارج بعد أن وضعت الشال على رقبتها وضحك فهد عليها بقوة وذهب خلفها لكي يذهبوا إلى القصر وبالفعل بعد فترة دخلوا فهد وملك القصر وقد أمسكوا يد بعض ونظرت ملك إليه وقالت: أنا هطلع أغير هدومي لحد ما الباقي يصحوا علشان نمشي
فهد بمكر: تحبي أجي أساعدك يا ملك
فهمت ملك وقاحته قالت وهي ركضت إلى الأعلى: لا يا سافل واتلم شوية
دخلت ملك غرفتها وأغلقت الباب ونظرت أمامها وابتسمت ذهبت استحمت وخرجت ارتدت جمبسوت زيتي ملكي فخم لف على الصدر بحزام يربط الخصر بأناقة بأكمام طويلة وتطريز ذهبي كورود على الكتف مع ذيل طويل من الخلف كعباءة ملكة أطلت به وكأن هالة من الوقار والفخامة والهيبة العسكرية الناعمة تخرج منها
هبطت إلى الأسفل وذهبت إلى غرفة الطعام بعد أن وضعت القليل من المكياج لتخفي العلامات التي فعلها هذا الفهد على رقبتها ورأت الجميع ينتظرها ذهبت ملك وقبلت أولادها جميعا وجلست بجانبهم وقالت ووضعت اللقمة في فم عشق: احنا هنرجع مصر النهارده
مالك باستغراب: ليه يا ملكة فيه حاجة حصلت
ملك بابتسامة: لا يا حبيبي بس فيه شغل والشباب في مصر مش عارفين يخلصوا
حازم بتوتر: ملك كان فيه حاجة عاوز أقولها
ملك ببرود: روح يا حازم هات عيلتك من فرنسا مفيش مشكلة بالنسبالي
حازم بصدمة: انتي عرفتي ازاي
ملك وتطعم ندى: السؤال ده مش للملكة يا حازم روح هاتهم على القصر في مصر واحنا هنرجع النهارده
أومأ لها حازم وقال: تمام أنا هروح أحجز على طيارة فرنسا
أومأت له ملك وذهب حازم ليفعل كما قال وقالت عشق: ماما احنا هنرجع إمتى
ملك وضعت اللقمة في فمها: بعد ساعتين كده تكون الطيارة جهزت علشان نمشي
نور: ملك كنت عايزه أتكلم معاكي شوية
ملك بسخرية: إيه فيه ماجستير عايزه تحضريه تاني
نور بحزن شديد: ملك أرجوكي خلاص أنا ندمانة كفاية ضميري عليا
نظرت إليها ملك وقالت: تعرفي أنا عاقبتك ليه يا نور
نور: علشان كذبت عليكي
ملك مسحت يدها بعد أن أطعمت أولادها: تؤ علشان غبائك اللي خلاكي تمشي ورا واحدة زي صاحبتك الهبلة دي
نور باستغراب: انتي كنتي عارفه من إمتى
ابتسمت ملك ببرود وقالت: من قبل ما انتي تقرري تعملي كل ده حتى
صدمت نور بشدة وقالت: ازاي يعني هو انتي مش عارفه من ساعة ما قولتلك إن هروح أعمل الماجستير
نهضت ملك وقالت ببرود شديد: ده تفكيرك علشان انتي غبية وده مش ذنبي
نور بغيظ: بس متقوليش كل شوية غبية قدام أولاد يا ملك
ملك بلا مبالاة ذهبت إلى خارج الغرفة وقالت: كده كده هما عارفين إنك غبية مفيش داعي أقول أنا
عشق بمرح: صح يا نور احنا كنا عارفين إنك أغبى واحدة في المجرة كلها
نور بغيظ شديد منها: تصدقي إنك شبه أمك فعلا
عشق بردح وصعدت على الطاولة: ومالها أمي يا دلعدي مفيش غير أغبى إخواتها اللي تتكلم يا بت ده انتي كنتي بتقلي البطاطس في الماية خليني ساكتة بدل ما أسيحلك هنا ها
أنهت حديثها بتهديد قالت نور بخوف مصطنع: لا وعلى إيه ده انتي القمر بتاعتنا يا عشق يا سكر انتي
عشق بغرور مصطنع وهي جلست على الطاولة: أيوه كده كنت هروح أفضحك عند ملك وأخليها تزعل بالمرة
نور: لا يا قمر ده انتي الخير والبركة برضو يا عشق
صفرت أسيل بقوة وقالت بتشجيع: أيوه يا عشق يا جامدة تربيتي يا اسطا
عشق نظرت إليها: وانتي اتربيتي أصلا يا بت يا أسيل
عمر بمرح: أين الجبهة أنا لا أراها
نظرت إليه أسيل وقالت: أقولك فين ومتزعلش
عمر بغباء: لا قولي عادي
عشق بمرح وضحك: عند أمك يا أونكل عمر
عمر بغيظ شديد: ولازمتها إيه أونكل بقى
عشق: لا يا اسطا الست أمي قالت إن احترام الكبير واجب
عمر بغيظ: لا وأمك تعرف احترام أوي
ضربه فهد بقوة خلف رأسه وقال: وانت مالك ومال أمها يا حيوان ولا مش قادر على البنت هتتشاطر على أمها اللي لو موجودة مش هتقدر تتكلم
وضع عمر يده خلف رأسه مكان الضربة وقال: يا عم خليني أتكلم وهي مش موجودة وكمان أنا كبرت على ضرب القفا ده
أدهم بخبث: متأكد إنك كبرت يا عموري
فهمه عمر قال بخوف مصطنع: لا يا باشا أنا لسه صغيرة يا خويا
عشق بمرح: جبت ورا على طول يا اسطا
عمر بمرح هو الآخر: أومال يا اختي العمر مش بعزقة برضو
نور نظرت إلى نصار: أونكل نصار اللي مفيش منه الاتنين في المجرة كلها
نصار بهدوء: مش هقول حاجة أنا مليش دعوة بالموضوع ده
نور برجاء شديد: والنبي يا أونكل قولي بس ملك عرفت إمتى اللي أنا عايزه أعمله
نصار: اللي أعرفه إن ملك كانت مخلية حد يراقب البنت صاحبتك وعرفت إن سكتها شمال وعاوزاكي معاها ومع ذلك مقالتش حاجة وخليتك تعملي اللي انتي عايزاه للآخر
عمر باستغراب: وده ليه يعني المفروض تحذرها منها على الأقل
رفع نصار كتفه وقال: معرفش هي قالت إنها هتخليها تتربى علشان واضح إن أوس معرفش يربيها ونفس الوقت تحميها
نور: أنا دلوقتي فهمت الموضوع ده لكن ليه ملك مقتلتش عاصم وخلت الراجل ده هو اللي يقتله
مالك بهدوء: ملك متعملش كده إلا إذا كان معملهوش حاجة من الأساس
نور بتأكيد وتفكير: صح يا واد يا مالك بس ليه تخليه يقتله أصلا
مالك ببرود ذهب من الغرفة: متقوليش واد دي تاني يا نور أنا مش عيل بلعب معاكي في الشارع
نور بغيظ: شفتوا الولد بيقول إيه
عشق: متزعليش كده واحمدي ربنا إن قال كده بس معملش حاجة تاني المهم يلا علشان نجهز نفسنا علشان ملك متسبناش وتمشي هي أصيلة وتعملها الولية
نهضت أسيل وقالت: أيوه صح يلا بينا
كانت تجلس في المكتب وهي تعمل على الحاسوب بدقة عالية وسمعت دق على الباب قالت بهدوء: ادخل يا مالك
فتح مالك الباب ونظر إليها وقال: هموت وأعرف بتعرفي إن أنا اللي على الباب ازاي
نهضت ملك وذهبت إليه وقالت: انت ابني يعني عارفه كل حاجة عنك يا مالك
ابتسم مالك وأمسك يدها وذهب جلس معها على الأريكة وقال بهدوء: حاسس إن فيه حاجة شاغلة بالك يا ملك
ابتسمت ملك بحنان فهو أكثر شخص يفهمها وقالت: مفيش بس فيه شغل وممكن أسافر ليه الفترة اللي جاية
قبل مالك يدها وقال: اعملي اللي انتي عايزاه بس المهم ترجعي بسرعة علشان مقدرش أعيش من غيرك يا ملك
ضغطت ملك على يده وقالت: مهما بعدت اعرف إني هرجع علشانكم يا مالك بس لو في يوم مرجعتش خلي بالك من نفسك وأوعى تنسى إنك ابن الملكة ومش هوصيك على أخواتك علشان عارفه إنك مش محتاج وصية
ضمها مالك بقوة وقال: انتي اللي هتخلي بالك مننا كلنا يا ملك علشان العيلة دي انتي اللي عملتيها ومن غيرك مفيش عيلة أصلا
ضمته ملك بحنان وقالت: لا يا مالك العيلة دي هتفضل عيلة حتى لو موت انت هتفضل مكاني وأنا عمري ما هرضى إن متكونش فيه عيلة انت فاهم
مالك بهدوء: تمام يا ملكة بس أوعديني إن عمرك ما هتسيبيني وأوعدك إني هكون مكانك هنا وهخلي بالي من كل حاجة بس أنا مين اللي هياخد باله مني أنا
أنهى حديثه وابتعد عن أحضانها نظرت إليه ملك وقالت: أوعدك يا ابن الملكة إني لو عايشة هكون معاك على طول ولو مت هوجهك للطريق الصح
مالك: ربنا ما يحرمني منك أبدا يا ملكة
ابتسمت ملك بهدوء وقالت: مالك لو حصلي حاجة فيه حاجات في البنك باسمك روح استلمها بعد ما تكون جاهز تمام
مالك بمرح: إيه يا لوكة مالك قلبتيها نكد كده ليه
ملك: يلا خلينا نمشي أحسن من النكد اللي احنا فيه علشان الطيارة جاهزة يلا نمشي
نهض مالك وأمسك يدها سحبها إلى الخارج وقال: يلا بينا
ذهبوا إلى الخارج ورأوا الجميع موجودين فقد جهزوا وقالت عشق بمرح: إيه يا مالك كنت قاعد تحب في أمك لوحدك طب خدني معاك
أسيل وهي وضعت يدها على كتفها: معلش يا عشق هما وحشين بس انتي السبب برضو سبتيهم يحبوا في بعض وانتي قاعدة ما بالك بقى وانتي مش موجودة هيعملوا إيه
عشق ببكاء مصطنع: شوفتي يا أسيل علشان أنا الغلبانة ياكلوني كده إيه الظلم ده كله
ملك بغيظ: طب يلا يا اختي انتي وهي الطيارة جاهزة خلونا نمشي
أنهت حديثها وذهبت إلى الخارج وذهب الجميع وصعدوا السيارات وذهبوا إلى المطار وصعدوا في الطائرة وبعد فترة طويلة وصلوا إلى مصر الحبيبة أمسك فهد يد ملك دون أن ينتبه أحد له قال بهمس إليها: أنا عاوز أتجوز دلوقتي يا ملك
ملك بنفس الهمس: مش دلوقتي يا فهد خلينا نروح نستريح من السفر الأول
فهد: والله ما يحصل انتي الليلة مش هتنامي غير وانتي مراتي ويلا شوفي هتيجي معايا ازاي ولا أعمل اللي في بالي وقتها انتي اللي هتتفضحي مش أنا
نفخت ملك بقوة كبيرة وقالت: ماشي يا فهد بس هرجع على القصر علشان فيه عندي شغل عايزه أعمله ضروري
فهد بغيظ شديد: ليه يا اختي حد قالك إنك هتتجوزي سوسن ده حتى عيب في حقي
ابتسمت ملك وقالت: يبقى استنى بعد ما أخلص شغلي الأول أنا لازم أرجع دلوقتي
وكادت أن تذهب لكن سحبها فهد بسرعة وقال: خلاص مفيش مشكلة بس أكتب وتكوني مراتي دلوقتي وبعدها ربنا يحلها يا ملك
ابتسمت ملك وقالت: طب سيبني علشان محدش ياخد باله مننا وأوعى
تركها فهد وذهبت ملك إلى العائلة وقالت ببرود: أنا فيه شغل هعمله مع فهد وهنرجع على طول القصر نصار تعالى عاوزاك
أنهت حديثها وذهبت إلى سيارتها التي أتوا بها الحراس وذهبوا فهد ونصار صعدت ملك السيارة وصعدوا وقاد فهد السيارة ملك نظرت ملك إلى نصار من المرآة وقالت: انت طبعا عارف احنا هنروح فين يا نصار
نصار بهدوء: أيوه يا ملك وأنا موافق أوي على القرار ده
فهد باستغراب: وانت عارف ازاي
نظر إليه نصار وابتسم وقال: وانت مفكر إن ملك ممكن تخطي خطوة زي دي من غيري أنا لازم أكون وكيلها ويلا بسرعة أحسن ما أغير رأيي
زاد فهد من سرعة السيارة وقال: لا على إيه حالا هنوصل
ابتسمت ملك وقاد فهد بسرعة كبيرة إلى مكتب المأذون ليتزوج هذه الملكة وتحمل اسمه ويجعلها زوجته فماذا سوف يحدث معهم