ادخلي دايمًا فا.ضحانا يا شيخة حسبي الله ونعم الوكيل فيكي !!
قالتها عمتي وهي بتز.قني لحد ما و.قعت جوا البيت ....دموعي نزلت وانا بتأكد أن حياتي هتكون تعيسة معاهم ...عمتي محبتش الا بابا بس لكن دايما كانت بتكر.هني أنا وماما وزاد كر.هها لما ماما اتجوزت ....فبقت علاقتنا باردة يدوب مكالمة متتعداش دقيقة على العيد ...بس طبعا لما جوز أمي الله ينتـ.قم منه اتبلى عليا عشان ينقذ أبنه مقدرتش تتملص من المسؤولية مش خوفا عليا....بس عشان محدش يأكل وشها ....
فضلت على الأرض وأنا ببصلها ...من الناحية التانية كانت جدتي نايمة على السرير ...دي الوحيدة اللي حبتني بعد ابويا ...الوحيدة اللي عاملتني كويس صحيح مكنتش بزورها عشان المشاكل بس هي كانت بتزورنا وبتتصل بيا ...أنا ملقتيش الحب حتى من أمي اللي ر.متني عشان جوزها. ...بس جدتي للاسف عملت حا.دثة من ست شهور ومن وقتها وهي على السرير لا بتمشي ولا قادرة تتكلم ....
-اوضتك فوق في السطح ...روحي اتخمد.ي عشان بكرة وراكي شغل كتير ...أنا هربيكي يا رحمة ...هعلمك الأدب اللي فشـ.لت أمك تعلمهولك ...بسببك الراجل ال*** أتكلم على أخويا المـ.يت...أنا هعيشك أيام سو.ده ...
جسمي اتنفض ودموعي نزلت فصر.خت فيا :
-يالا يا بت غور.ي ....
قومت بسرعة وجريت ناحية أوضتي اللي على السطح ...كانت صغيرة ومش نضيفة والاوضة ذات نفسها تحسها مخيفة ومعزولة عن البيت ...اتنهدت وانا بتقبل مصيري ..وبقول لنفسي أن فترة وهتعدي إن شاء الله ...مكنتش عايزة افكر في اللي عملته ماما معايا وأنها مصدقتنيش ...قلبي كان وا.جعني اووي.....
غيرت هدومي المبلولة ولبست عباية من هدومي اللي جبتها وبدأت أرتب الاوضة على قد ما اقدر ودموعي بتنزل لوحدها...بفكر أن لو بابا كان معايا مكانش ده حصل ...أنا بتذ.ل عشان أنا يتيمة ....
نومت على السرير الصغير ودموعي لسه بتنزل وفضلت اعيط لحد ما نومت من العياط ...
......
-آه ...
صرخت بصد.مة وانا حاسة بميا متلجة اتكبت عليا ...قومت بفز.ع على صوت عمتي وهي بتقول :
-قومي يا حبيبتي ...هو انتي جاية تنامي ولا ايه ..قومي يا ماما ورانا شغل كتير ....
-الساعة كام دلوقتي ؟
قولتها بتعب فقالت بتريقة:
-الساعة سبعة يا عينيا ايه البرنسيسة عايزة تصحى الضهر ولا ايه ...
كنت حاسة البرد بينخر في عضمي...كان نفسي أعيط من القهـدر والظلـ.م ونفسي اتغطى وانام ...كنت حاسة أن جفوني تقيلة والنوم مش راضي يحل عني ...
-قومي يا بنت هنقعد في السرير طول اليوم ولا ايه ....
قومت وانا حاسة بالتعب من غير كلام ...من غير إعتراض ...إذا كان امي اتخلت عني ....متوقعة ايه من عمتي ....بس حمدت ربنا وانا بفتكر أن في الحياة دي فيه ناس حالتهم اسوأ مننا بكتير .....
....
كان بيت جدي كبير ...كانت عمتي عندها تلات شباب. .اتنين متجوزين هيثم وعادل وعايشين هنا مع مراتاتهم وواحد لسه بيدرس في الكلية اسمه مراد ...أنا الصراحة رغم أنهم قرايبي عمري ما اتعاملت معاهم ونادرا كنت اشوفهم...وعيت على الدنيا وفيه مشاكل بين بابا وعمتي لأنها مبتحبش ماما وبالتالي محبتنيش أنا رغم اني بنت أخوها اللي هي بتحبه فبابا كان هو بس اللي بيزروها وانا بكلمها في الأعياد والوضع بقا أسوأ بعد موته ...وأسوأ بكتير لما ماما اتجوزت ....
هزيت راسي وانا بطلع الأفكار من عقلي وبدأت أرتب البيت. .......
... .....
-هو أنتي الخدامة الجديدة ...
قالتها واحدة تقريبا في العشرينات لابسة عباية استقبال حلوة وحاطة طرحة على رأسها ...أنا جيت متأخر فمكنتش لسه شوفت باقي العيلة وهما مكانوش شافوني قبل كده اصلا ....
كتمت غيظي وقولت :
-أنا مش خدامة.
بصتلي وقالت :
-اه افتكرت هيثم حكالي عنك قبل ما انزل ...أنتي بنت خاله اللي حاولت تغري ابن جوز امها !!