انا بحبك يسيرين ..ويقوم ب اقتحام منزلها ويدخل غصبا عنها
سيرين ، انت مجنون اطلع بره بقولك هطلب الأمن حالا
عمر . رجالتي محاوطين المكان خلاص ..
يضحك ضحكه خبيثه الدكتور قالك انتي حامل صح ....
تعالي نتجوز يسيرين انا بحبك كريم مش بيحبك
سيرين . عرفت منين اني الدكتور قال كدا لتتذكر كلام نعيمه ..... انت ، انت الي عملت كدا
انا هقتلك يعمر اطلع برررره
عمر ، مفيش حد غيري تعالي متتكسفيش
كان كريم قد اتي ليمسكه من لياقته انت مجنون .... ازاي تيجي هنا واقسم بالله م هرحمك .....
كل من رجال عمر اصبحو داخل الشقه وقامو ب امساك كريم وتقييده
عمر بضحكه شر وانتصار..هتشوفها وهي معايا دلوقتي بتكتب الكتاب بدال ما نشوف جث*تك وراسك تتقدم ليها هديه
كريم . يابن ال....... ابعد عنها بقولك
يشير الي واحد من رجاله
روح هات مأذون حالا
كريم . ابعد عن سيرين والا موتك علي ايدي يعمر هتموت ف ايدي
عمر . انت غبي اوي يكريم
صدقت اني سيرين حامل ورميتها زي م بترمي هدومك وفاكر انها هترجعلك ..ده انت تبقي عبيط
يسحب يديها ويمسكها ويقوم بتهدديها ان سحبتي ايدك اتأكدي اني راسه هتبقي تحت رجلك حالا
سيرين بدموع..انت عايز مننا اي
عمر . عايزك .. وكل حاجة كنت بعوزها كريم ياخدها بس خلاص كفايه انتي مش لحد غيري
ومتقلقيش هجبلك ضُرة
يوجه كلامه لكريم بضحكه انتصار حبيبتك ومرات اخوك هيبقو ليا يكريم
كريم بغضب هتندم جامد اوي يعمر بس الصبر
عمر. ادخلي اوضتك يعروسه والبسي فستان ابيض عشان لو رفضتي تتجوزيني يتملي د*مه فستانك
سيرين بدموع بتعمل لي كل ده بس لييي
عمر ، كل م يملكه كريم هيبقي ليا حتي انتي
سيرين . لي بتكرهه اوي كدا ده حتي ابن عمك وصديق عمرك
عمر . كل حاجة كانت ملكي وهو رجع مصر خد كل حاجة ... انتي كنتي المفروض ليا من وانتي صغيرة وبردو خدك
وانا هرجع كل حقوقي حتي لو بالقوة
بعد مرور وقت قد آتي المأذون تبع عائلة عمر
المأذون .فين وكيل العروسه
عمر بيطلع سلاح ... اكتب واخلص بدال م تروح لل خلقك
المأذون بتلبك موافقه يعروسه ع الجواز؟؟!
سيرين عينيها غارقتان بالدموع وهي تتذكر أن كريم بالداخل مقيد وان رفضت فسوف يُق* تل
كريم في نفسه اتأخرت اوي لي كدا يا اكمل
وفي وسط كل هذا الشرود قد آتي أكمل وجميع رجاله حصنو المكان
أكمل، والله ووقعت يعمر
كانت معه نور ذهبت الي سيرين سريعا فكانت تبكي بحرقه اكثر
كريم جوه ينور ... خايفه يكونو آذوه تجري الي الغرفه تجد من معه واقع ارضا لا ينطق ولا يسمع فاقد الوعي فقد
بتفكه من الاحبال
انت كويس يحبيبي صح
كريم . ايوا يروحي كويس اهدي
أكمل ونور بيدخلوا الاوضه
نور . اهدي يروحي بقا بطلي عياط بس
سيرين .كان عاوز يتجوزني غصب عني ينور.. الحقير الغبي
نور . اي رأيك تيجي تنامي معايا النهاردة يسيرين
سيرين بخوف يريت بجد يريت
كريم . ممكن نتكلم شويه يسيرين
سيرين . لا معتش بينا كلام
خديني معاكي ينور
أكمل ، انت كويس يكريم
كريم . ايوا كويس
نور . يلا تعالي وصلنا لو سمحت يا اكمل
أكمل . هروح اوصلهم وارجعلك عايزك فموضوع
كريم ، تمام
*********
في بيت نور
سيرين قاعدة على السرير وحاضنة ركبتها وبتعيط بصوت مكتوم
نور دخلت ب كباية عصير
نور: اشربي يا سيرين عشان خاطري.. من ساعت م جيتي وانتي مكلتيش حاجة
سيرين بصوت متقطع: انا تعبت يا نور.. تعبت اوي.. كل ما اقول خلاص مفيش حاجة تبوظ حياتي ... يحصل الاسوأ
نور: اهدي يا حبيبتي.. كريم بيحبك والله.. عمر هو اللي ملعون وعمل كل ده
سيرين: بيحبني؟ لو بيحبني كان صدقني.. كان وقف جنبي لما الدكتور قال اني حامل.. مكنش سابني وصدق الكدب
نور سكتت.. مش عارفة ترد
***
كريم داخل بيزعق وعينه حمرا من الضرب
نعيمه . مالك يابني
كريم. عمر يماما عمر كان عاوز ياخد مني سيرين....يكمل حديثه انا ظلمت سيرين ومكاانتش حامل
نعيمه . روح يابني صالحها قبل م كل المشاعر تموت متسببهاش وهي موجوعه كد
ربنا يسعدكم يابني
كريم سابها وطلع.. ركب عربيته وراح على بيت نور
قدام بيت نور - الساعة 2 بليل
كريم بيرن الجرس.... سيرين بتفتح لاني هي الوحيدة الي صاحية واول ما بتشوفه بتتصدم
سيرين: انت ايه اللي جابك هنا؟
كريم: عايز اتكلم معاكي دقيقة واحدة بس.. دقيقة
سيرين: مفيش كلام بينا يا كريم خلاص.. انت صدقت اني كدابة ... ثقتك فيا مفيش
كريم مسك ايديها: انا اسف.. والله اسف.. انا كنت غبي.. عمر لعب بينا احنا الاتنين.
. انا جيت اقولك اني عمري ما هسيبك تاني.. حتى لو العالم كله حاول عمري م هتخلي عنك تاني يحب عمري
سيرين دموعها نزلت تاني بس المرة دي مش من الخوف.. من الوجع
سيرين: بعد ايه يا كريم؟ بعد ما شكيت فيا وموثقتش فيا؟!!!
وسابت ايده ودخلت وقفلت الباب في وشه
تاني يوم الصبح - في بيت أكمل
أكمل قاعد وكريم قدامه وعمر مربوط على كرسي ووشه متبهدل
أكمل: كنت فاكر انك هتعقل يا عمر.. بس انت كل مرة بتثبت انك اوسخ من اللي قبلها
عمر بضحكة وهو بينزف: هتعمل ايه يعني هتموتني؟ موتني.. بس سيرين هتفضل طول عمرها شايفة كريم هو اللي سابها وموثقش فيها ويضحك ضحكعهوالشريرة
أمة نو هتفضل طول عمرها شايفة نفسها رخي*صه عشان اتحرشت بيها
كريم قام مسكه من لياقته: انت اللي لعبت في دماغنا يا زبالة..
اكمل بغضب شديد سبهولي يكريم و يقوم بضربه اكثر حتي صف سنانه قد وقع
عمر بتحدي.انا اللي كنت عايزها.. سيرين دي طول عمرها ليا من واحنا صغيرين وانت جيت خطفتها
كريم: سيرين عمرها ما كانت لحد.. سيرين اختارتني.. وانا اخترتها
أكمل: بص يا عمر.. انا مش هسلمك للبوليس.. انا هعمل فيك حاجة اوحش.. هخليك تشوف كل حاجة بتروح منك وانا بتفرج وانك بصيت لنور دي مش قليله وهتتحاسب بالتقيل اوي
شاور للرجالة: خدوه برا مصر.. ولو قرب من مصر تاني انتو عارفين هتعملو ايه
عمر وهو بيتسحب: هتندم يا كريم.. هتندم!
في نفس الوقت - بيت نور
سيرين سكتت شوية وبصت من الشباك.. لقت كريم قاعد على الرصيف وحاطط راسه بين ايديه وشكله تعبان
نزلت جري من غير ما تفكر
سيرين: كريم..
كريم رفع راسه بسرعة: سيرين!
سيرين بدموع: قوم.. قوم انت بتعمل ايه هنا
كريم قام وقف .مش همشي غير وانتي معايا.. مش هسيبك تاني يا سيرين والله ما هسيبك
سيرين. مش قادرة اسامحك علي عدم ثقتك
كريم حضنها جامد وسط الشارع. انا بحبك يسيرين.. ولو عايزة نبدأ من الصفر هنبدأ.. لو عايزة تسافري وتبعدي عن هنا هسافر معاكي.. المهم متبعديش عني والله العظيم كنت واثق فيكي لاخر لحظه
سيرين عيطت في حضنه جامد
نور واكمل كانو واقفين كل منهم في اتجاه نور في البلكوونه واكمل بالاسفل ينظر اليها كم هي جميله
كريم بعد عنها ومسح دموعها
كريم: تتجوزيني يا سيرين؟
سيرين ضحكت وسط دموعها موافقه
كريم. بحبك
عمر وهو في العربية اللي واخداه برا مصر.. بيبص من الشباك وبيبتسم ابتسامة شر
وبيطلع تليفون صغير من جيبه..
وبيتصل..
عمر: أيوة يا.. لسه اللعبة مخلصتش
دي لسه بتبدي