في عروسه تنام لحد دلوقتي اصحي بقي ردي عليا الجمله دي قولتها وانا برن ع مراتي
سيرين بصوت نايم وكيوت: ألوو.. يا حبيبي في ايه؟
كريم .ألو يا قلب كريم.. أقدر أعرف الهانم مش بترد عليا ليه بقى؟
سيرين بتضحك. كنت نايمة يا قلب الهانم..
كريم. كل ده نوم يا سيرين؟ ده أنا من الصبح مستني أسمع صوتك.
سيرين: ما أنت عارف.. عروستك بتحب النوم.
كريم بحنان.. مشتاقتليش طيب؟
سيرين بصوت واطي كله حب اشتقتلك يا حبيبي.. أوي.
كريم سكت ثانيتين وضحك: يا نهار أبيض.بحبها يناااس
******
في شركه أكمل
السكرتيرة . مينفعش يمش مهندس عمر تدخل بالطريقه دي وحضرتك عارفه القوانين يا كارلا
كارلا بتبص بقرف اسمي المهندسه كارلا
أكمل، في اي بتتخانقو ف الشركة في اييييي...عمر!!! اي الي جابك هنا
عمر . أنا جيت اقولك كلمتين يا أكمل
ابعد عني وعن كريم عشان مئذكش
أكمل . وانت جاي تقولي الجمله دي انا لو عايز اقتلك هقتلك بس بقول اراعي السنين الي كانت بينا وصحاب
عمر . ابعد عننا انا نصحتك وانت ادري بمصلحتك
ويقوم ب الامساك بيد كارلا يلا يقلبي ويخرجو
ف الخارج
كارلا. انت عبيط.... انت ازاي تمسك ايدي كدا قدام أكمل
هيفكرني بحبك ويسبني
عمر ، يبنتي بخليه يغير عليكي امشي ورايا بس ... بقولك اي
تيجي نروح نسهر عشان مخنوق اوي
كارلا . موافقه عادي
في شقه عمر كانو داخلين ماسكين ايدين بعض مش عارفين يقفو
عمر وكارلا كانوا شاربين قعدوا يتكلموا كتير وهم مش في وعيهم.... كل واحد بيحكي عن الوجع اللي جواه.. عن سيرين وأكمل..
الليل عدى.. وتاني يوم الصبح صحيوا وهما حاسين إنهم غلطوا غلطة كبيرة وكل حاجة بدأت بطريقة غلط خالص.
كارلا قامت بتعيط:
إحنا إيه اللي عملناه ده؟ أنا مكنتش عايزة كده..
عمر كان ساكت ومش عارف يرد، وحاسس بالذنب لأنه عارف إنها مجروحة ومش بتحبه بجد وهو كمان مش بيحبها
كارلا قاعدة على السرير بتعيط وملفوفة بالملاية.. وعمر واقف بعيد ومش قادر يبص في وشها.
كارلا بعياط: اللي حصل ده مينفعش يعدي كده يا عمر..
عمر بتوتر. انا عارف.. أنا عارف اننا كنا مش في وعينا.. وغلطنا.. بس..
كارلا قامت وقفت قدامه: بس ايه؟ انت ضيعتني يا عمر.. أنا طول عمري محافظة على نفسي.. ازاي هبص في وش الناس واكمل
عمر حس بالذنب
عمر .أنا مش ههرب يا كارلا.. الغلطة غلطتنا احنا الاتنين.. وأنا هصلحها.
كارلا: هتصلحها ازاي؟
عمر راح فتح الدرج طلع بطاقته
عمر. هتجوزك.. دلوقتي.. حالاً.. هتصل بالشيخ.. هنكتب الكتاب ونصلح اللي حصل.. وجواز في السر لحد ما نظبط أمورنا.. عشان سمعتك وبعدين اطلقك عشان تعرفي تتجوزي اكمل
كارلا مسحت دموعها: بجد يا عمر؟ هتتجوزني بجد؟
عمر: آه.. عشان الغلطة دي متبقاش في رقبتي.. انتي دلوقتي تخصيني.. ومحدش هيقدر يتكلم عليكي كلمة.
بعد ساعتين
الشيخ جه وكتب الكتاب.. .. عمر مضى وكارلا مضت وإيديها بتترعش.
الشيخ: كده بقيتوا على سنة الله ورسوله.. ربنا يصلح حالكم
*******
نور داخلة الشركة بنقاب بيج جديد وفستان بيج واسع جمالها مبهر وواضح اوي بالدريس ده
الموظفين كلهم:
الله يا نور ايه الجمال ده..
نور مكسوفة. شكراً.
أكمل شاف المنظر من مكتبه، قام مرة واحدة وطلع
أكمل بصوت عالي قدام الكل نور.. على مكتبي حالاً.
نور دخلت وهي متوترة: في ايه يا بشمهندس؟ زعقت ليه كده؟
أكمل قفل الباب
أكمل ، ايه اللي انتي لابساه ده مش حاسه انه ديق سنه
نور: ماله؟ وحش؟
أكمل: وحش. ده قمر.. وده اللي مجنني.. كل اللي برا عمال يبصلك
نور: دول زمايلي وبعدين الدريس مش ديق
أكمل قرب: أنا عارف انك لسه موافقتيش عليا يا نور.. بس غصب عني بغير عليكي.. بغير عليكي من قبل حتى ما توافقي.. من أول يوم شفتك فيه وانتي بتاعتي في دماغي.
نور قلبها دق يا أكمل..
أكمل. أنا عارف اني مليش حق أغير دلوقتي.. بس اعتبريها غيرة واحد بيحبك بقاله سنة ومستني كلمة منك.. ينفع متخليش حد يبصلك بنظرة اعجاب لحد م تبقي مراتي وانسف اي حد ع الارض يبصلك بصه متعجبنيش
نور بكسوف وضحت تحت النقاب
نور: حاضر.. مش هلبسه تاني الدريس ده.
أكمل. طب مش هشرب قهوة بملح بقى
نور: لا لسه بفكر.. بس بفكر أوي يعني..
أكمل ضحك. تفكري براحتك يا حبيبة قلبي.. بس قلبي واقع من سنة ومش قادر يستنى أكتر من كده
بيت كريم وسيرين
سيرين لابسة بيجامة كيوت ولامة شعرها وواقفة في نص المطبخ
الدنيا كلها مبهدلة.. دقيق على الرخامة ملوخية مدلوقة على البوتجاز والحلة بتفور.
سيرين بتكلم نفسها وبتعيط:
يا ربي.. مامت كريم قالتلي قلبيها بشويش.. أنا بوظت كل حاجة.. كريم هييجي يقول عليا مش بعرف أعمل حاجة.
في اللحظة دي الباب اتفتح.. كريم داخل من الشغل رامي الجاكت وتعبان.
كريم: يا سيرين.. يا حبيبتي جيت.. عام...
سكت أول ما شاف المطبخ.
كريم: إيه اللي حصل هنا
فيه قنبلة انفجرت؟
سيرين لفت بسرعة وعينيها مليانة دموع وماسكة المعلقة
سيرين .والله كنت عايزة أعملك ملوخية زي ما بتحبها.. بس اتحرقت مني.. أنا آسفة.. أنا عارفة اني فاشلة ومش بعرف أطبخ زي مامتك..
كريم رمى كل حاجة من إيده وجري عليها شال المعلقة من إيديها ومسك وشها
كريم.فاشلة؟ مين قال فاشلة؟ انتي ست البنات.
سيرين: بس المطبخ..
كريم: ماله المطبخ؟ زي الفل.. على فكرة دي أحلى ملوخية شميتها في حياتي حتى لو محروقة.
سيرين ضحكت وسط دموعها بتضحك عليا
كريم شالها وقعدها على الرخامة قدامه
كري أنا اضحك عليكي ده أنا أضحك للدنيا كلها عشان انتي مراتي. تعالي هنا.
وحضنها جامد
كريم وهو حاضنها .بصي.. احنا هنطلب أكل من برا دلوقتي.. وبعد ما ناكل.. هاجي أعلمك الملوخية بنفسي.. ايه رأيك؟
سيرين .رفعت راسها بجد هتعلمني
كريم باس راسها بجد.. وهتبقي أشطر واحدة بتعمل ملوخية.. بس دلوقتي سيبي الحلة دي هتولع فينا.
سيرين نطت من على الرخامة: طب هات حضن تاني كدا.
كريم فتح دراعاته: ده حضن وبوسة وكل اللي انتي عايزاه.. انتي تؤمري يا قلب كريم
.*******
نور خلصت شغل وواخدة آيهم في إيديها وماشية بسرعة عشان متشوفش أكمل تاني وهي مكسوفة.
آيهم:.ماما.. هو عمو أكمل زعقلك ليه؟
نور: مزعقليش يا حبيبي..
صوت من وراها:
أكمل. عشان كنت بغير على ماما يا بطل.
نور لفت اتخضت.. أكمل واقف وراهم وساند على عربيته.
أكمل. آيهم.. ممكن تسيبني أنا وماما دقيقتين تروح مع خالتو مي
آيهم.هتديني شوكولاتة تاني
أكمل ضحك .هديك المصنع كله.
آيهم جري يلعب مع مي .. أكمل قرب من نور.
نور بتوتر تكمل.. الناس بتبص..وقفتني لي كدا
أكمل.سيبيهم يبصوا.. نور أنا عايز أقولك حاجة بقالي سنة كاتمها.
نور. ايه؟
أكمل بجدية أول مرة:
أكمل أنا مش هينفع أفضل متعلق كده.. يا توافقى نبدأ حاجة بجد.. خطوبة حتى.. ولو رسمي قدام أهلك.. يا تقوليلي انسي يا أكمل وانا والله هحاول أنسى.. بس مقدرش أفضل في النص.
نور سكتت ودموعها نزلت تحت النقاب
نور . انت عارف أنا برفض لي
أكمل أنا مخلفه ومتجوزة مرة انت لا
أكمل مسك إيديها قدام كل الناس في الجراج:
أكمل . اوعدك اني هفضل شايل آيهم في قلبي قبل ما أشيلك انتي.. ابنك ابني يا نور.. ووجعك وجعي.. اديني فرصة أمسح كل الماضي واكون مستقبلك والحاضر
نور. تقدي تيجي تشرب قهوة بملح بكرا
أكمل عينه لمعت
أكمل: بكرة؟ الساعة 7 هكون عند بيتكم.
نور ضحكت وهي بتمسح دموعها مستنياك
ومشيت بسرعة وهي شايلة آيهم اللي بيضحك.... وسابت أكمل واقف في الجراج بيتنطط زي العيال وبيقول بصوت عالي
وافقت أخيراااااااً وافقت بعد سنه .....