-نعم يا اخويا تتجوز مين ؟
ز.عقت عمتي في وشه ...فحسيت بالإرتباك بعد فرحتي إني هتجوز اللي قلب دق ليه ...اتكلم مراد ببرود وقال :
-هتجوز رحمة يا ماما فيها ايه ؟
-ايه هو اللي فيها ايه انا مش موافقة طبعا عليها ...ايه هتعـ.صي اوامري يا مراد ....
ربع إيديه وقال ؛
-ماما أنا اللي عايزها وانا اللي هتجوزها وانتهى أنا عمري ما هقلل منك لكن مش هظـ.لم نفسي واضيع من إيدي البنت اللي أنا حبيتها....
كنت حاسة بالر.عب اني ادخل حر.ب تاني مع عمتي ..أنا حسيت ان تعاملها اتحسن شوية الأيام اللي فاتت مش عايزة ترجع تاني المعاملة و.حشة ...فكرت ارفضه وارتاح بس هو الشخص الوحيد اللي قلبي دق ليه ...الشخص اللي حاسه أنه سندي بعد ربنا هتخلى عنه ...لحد امتى هتخلى عن الحاجات اللي بحبها عشان الناس ....عشان كده قررت أنا كمان اتمسك بيه
....
مرت الأيام ومراد اقنع عمتي بيا ..
صحيح لسه معاملتها ناشفة بس كفاية أنها موافقة أننا نتجوز ...كمان أنا ووالدتي رجعت علاقتنا تتحسن ...بزورها وبتزورني وهي اللي ساعدتني اجهز نفسي عشان الفرح ...كنت أنا اصلا كملت السن القانوني قبل الكلية بسبب خروجي من المدرسة ومراد كان عايز يخليني اكمل تعليمي في بيته عشان يتطمن عليا والكل شاف أن الحل ده احسن ...
......
مر شهرين ...
كنت قاعدة في أوضة الكوافير لوحدي قلبي بيدق جامد جدا وانا مستنية جوزي يجي ياخدني ...كنا كتبنا الكتاب من اسبوع وقولنا مش هيكون فيه وقت بين كتب الكتاب والفرح ....
فجأة جسمي اتر.عش لما دخلت عمتي وقربت مني ...كانت أول مرة أشوفها بتبتسم في وشي بالطريقة دي ....قربت مني فقومت ...باست راسي وعينيها بتلمع وقالت :
-أنا حبيت اخويا اكتر مما تتخيلي يا رحمة ...حبيته أووي ...وعشان كده شوفت أن أمك مش مناسبة ليه ...كانت شخصية هشة ...بياعة وانا محبتهاش ...عشان كده للاسف كنت بعاملك و.حش ...بس من جوايا مقدرتش اكر.هك زيها ...ده طبعا مش تبرير ...ويمكن اللي فوقني شوية مراد ..مراد اللي وقف ظلـ.مي وده جميله اللي هشيله فوق راسي لاني مكنتش هسامح نفسي لو اتماديت في ظُلمك ....
دموعي نزلت فقالت بسرعة :
-لا لا لا ...بلاش عياط ..هتبوظي الميكب القمر ده ....
وبعدين حضنتني وقالت:
-سامحيني يا بنتي ...
ابتسمت وحضنتها ....
.....
بعد شوية ....
كنت في القاعة برقص مع جوزي حبيبي مراد...الإنسان اللي مد أيده ليا لما كل الناس ادتلي ضهرها ....كنت ماسكة دموع السعادة...ابتسم وقال :
-عيونك مدمعة ليه ؟...
ابتسمت وقولت بحب :
-عشان في الوقت اللي لقيت نفسي لوحدي ربنا بعتك ليا عشان تكون معايا يا أغلى حبيب ❤️
-وهفضل معاكي دايما يا اغلى حد في حياتي ❤️
ابتسمت وبصيت لماما اللي واقفة جنب عمتي ...سامحتها وبقيت اتعامل معاها ..لأنها أمي...وحقها عليا عظيم ...مهما كان شيطا.ني بيقولي لا أنا قاومته ...بس رغم كده عمري ما هنسى الطفلة اللي وقفت في المطر بتواجه اتها.م بشـ.ع وامها مش قادرة تدافع عنها أنا وقتها عرفت ان فيه جر.وح مهما عدى الزمن من بتتنسي وده هيبقى منهم ...بس الحمدلله ربنا بيعوض ومراد هو عوض ربنا ليا ❤️
تمت بحمد الله