رواية احلام في عيون وقحه الفصل الثاني والثلاثون32 والثالث والثلاثون33 بقلم منه محمد

رواية احلام في عيون وقحه الفصل الثاني والثلاثون32 والثالث والثلاثون33 بقلم منه محمد
سلطان: اهدي هنلاقي حل للمشكله وهنواجه الأحداث لصالحنا بس ولا من شاف ولا من درى
مايا لسه بتقفل الموبيل لقت الي فتح الباب وبصلها وهي جمدت ملامحها من الخوف : هو انت هنا في البيت مروحتش الشركه النهارده؟
انور: كمان نسيتي النهاره اجازه والشركه مقفوله
مايا نظرات عيونها لبعيد : مفتكرتش
انور حاول يتصنع الهدوء: ايه الحكايه الايام دي بقيتي تنسي كتير خدي بالك وخليكي مركزه افرضي نسيتي حاجه غاليه , وبعدين رايحه فين كدا مستعجله من غير ماتفطري
مايا: بدئت تراقبني كويس انا مندهشه ازاي لقيت وقت فاضي من الشغل
انور بنظره غريبه من عيونه: لازم افضي نفسي للامور المهمه مثلا افضالك امشي لتتأخري كفايه راح عليكي معاد امبارح مش انتي رايحه عند امك بفكرك قبل ما تمشي افطري معاها هناك
ماعطهاش فرصه تقول حاجه لأنه طلع قبل ما يسلخ جلدها سلخ !
*****قصص منه محمد كاتب********
قاعده وهموم الدنيا كلها فوق دماغها مشغوله في تفكرها ازاي تقدر تمنع مايا من ارتكاب الجريمه لكن مش عارفه المفروض الحل ازاي
سراج شافها: صاحيه ليه يا بنتي مش هتنامي؟
احلام بصتله واغتصبت ابتسامه خفيفه: كنت لسه داخله انام بس قلت اقعد كده شويه لحد ما يكبس عليا النوم واصحي ع صلاه الفجر
سراج قعد جنبها: انا النوم اختفي في سني فكرت بدل ما ارقد ع السرير اقوم اتمشي انا عارف انك قلقانه يا احلام مروان هياخدك من هنا وهيحس بغلطه
احلام: بس هو مغلطش اي واحد في مكانه هيعمل نفس الي عمله وع فكره انا مش قلقانه بسبب مروان
سراج: طيب ايه الموضوع انا ملاحظ سرحانك من الصبح فيه حاجه قوليلي
احلام: بفكر في المدرسه الشغل كتير المديره عطتني حصص اضافيه وبفكر ياتري هقدر ولا لاء
سراج: بجد ده بس
احلام: اكيد ده بس يله قوم نام وانا كمان هدخل انام
سراج: عيشي سعيده بلاش تكوني حزينه كده اوي وبعدين انا مش شايفك لابسه دهبك هو فين
احلام: حطيته جوه الدولاب مليش مزاج البسه
سراج هو راسه : البسيه الدهب بيزين الست انا قايم انام وانتي كمان قومي
********قصص منه محمد كاتب*********.
في بيت اهل زوج رنا دق الباب ملهوف يعرف الحقيقه لحد ما الشغاله فتحت ودخلته
مروان: مساء الخير يا طنط
حماه رنا بأبسامه وترحاب: اهلا وسهلا اتفضل ياحبيبي عامل ايه
مروان ابتسملها: انا الحمد لله انتي الي عامله ايه
حماه رنا: انا زي الفل احلام عامله ايه مجبتهاش معاك ليه
مروان: هي كويسه بس مشغوله
حماه رنا: المره الجايه جيبها نفسي اوي اشوفها واقعد معاها
مروان : حاضر
رنا طالعه قربت عليه وبحده: انت ليه جاي هنا
حماتها بتعنيف: ايه الطريقه دي , ده بيته يجي اي وقت متزعلش من اختك يا مروان هقوم اعملك كوبايه شاي
مروان: الف شكر يا طنط
حماتها خبطتها في كتفها بخفيف: وانتي اتعدلي شويه مع اخوكي
رنا: عايز ايه وليه تاعب نفسك وجيت
مروان بصوت فيه غصه : اتكلمت مع سناء الشغاله وكلامها قلقني قالت لي ان مايا مكنتش عايزني افضل انا واحلام في البيت محتاج اعرف ايه الي حصل وامي عرفت ايه , الله يرحمها الحياه معطتهاش فرصه للاسف ماما كانت دايما عايزنا انا واخويا سوي انا متاكد ان فيه سبب خلانا نختلف
رنا رفعت حواجبها لفوق:واذا
مروان بغيظ: ايه اسلوبك البارد ده, رنا انا اخوكي مش عدوك
رنا : عشان انت اخويا الي ظلمت بقيت عدوي
مروان : وانا مش هزعل منك مهما تقولي لان مصارين البطن بتتخانق واحنا في النهايه اخوات حتي لو من الاب
رنا بصتله بغيظ: ماما سلوي كانت اكتر من امي الله يرحمها واحلام اختي اعز عندي منك انت شخصيا
مروان : ده واضح مش محتاج كلام , رنا افهميني فيه حد خلق سوء فهم بيني وبين احلام وجايز خطه مدبره من مايا
رنا بسخريه: سلامات اخير وصلت, بعد كلام سناء , اتهمت مراتك الي كانت شريكه في راحتك وسعادتك وحزنك لو وقت طويل اتحملت ظروفك واعتبرت نفسها جزء منك ,لكن انت فقدت الثقه فيها في لحظه وسبتها
مروان : احلام كمان كانت غلطانه ليه خبت لو قالتلي مين الي جه كان الموضوع انتهي وقتها ومكنش حصل كل ده بس هي مقلتش مين الراجل الي جه مين الي مصممه تحميه اعترفي انها غلطانه
رنا : وافرض انها مقلتش لحد دلوقت مين هو هتعمل ايه بس قبل ما تجاوب انا مش مبسوطه بمجيتك لاني عارفه انك هتجرح احلام اكتر من الاول لحد ما يختفي الشك وهتكرر معاها نفس اسلوبك الهمجي خد الكوبايه دي
مروان : ايه
رنا: بقولك خد الكوبايه
مروان بغيظ: اخدتها اهو
رنا: ارميها ع الارض
مروان مش فاهم : ليه
رنا: بقولك ارميها ع الارض
مروان بنفاذ صبر حدفها: اهو رميتها
رنا: تفتكر الكوبايه دي ممكن ترجع سليمه تاني زي الاول , اهو انت كسرت قلب احلام كده واتجرحت تفتكر تسامحك
مروان سكت شوي وقال : انا عايز اشوفها ممكن
رنا : وانا طالبه منك حاجه واحده متقابلش احلام لحد ما تتأكد من برائتها
.........................
انور قرر يغير طريقته معاها ويهتم بيها يمكن اهملها وهو بينجح وخلاها تفكر في غيره وقرر يقعد معاها ويحدد هيعمل ايه قبل المواجهه والحد الفيصل
سراج بسعاده: انا مبسوط جدا لما شوفتك ابقي تعال زورنا عارف انك مشغول كتير بس حاول تلاقي وقت
احلام مدتله الفنجان: اتفضل يا ابيه
انور اخده مبتسملها: شكرا
سراج: انور كنت عايز اتكلم معاك عن مروان شوف انا عارف ان فيه خلاف بينكم بس هو اخوك لازم تتكلم معاه انت الكبير خالي قلبك كمان كبير اتصالح معاه عشان خاطر احلام
اسيا: ازاي يعني يتصالح معاه وهو موقفش جنبه
سراج بصلها بغيظ انها تسكت وهو بيحاول يتمالك أعصابه لما كملت
اسيا : هو اخوه الكبير كان لازم يهتم بيه انا رآي متحملش نجاح انور نار الغيره وحشه جدا بتخلي كل الناس انانيه حتي الاخوات
انور بهدوء: لاء يا طنط مروان مش كده اطمن ياعمي كل حاجه هتبقي كويسه
سراج اتنهد: اتمني من الله
انور : احلام بلغي مايا اني جيت اخدها نروح نتغدي
احلام ضيقت عيونها وبصتله بعدم فهم وراحت بنظراتها لخالها الي مش فاهم حاجه , واسيا اتوترت
انور: حصل ايه هي نايمه صحيها احنا متأخرين
سراج اتحرك بنزعاج: مايا مجتش هنا
انور : مجاتش هنا
اسيا غمزتها: قومي يا احلام شوفي مايا فين
احلام قامت من مكانها بخطوات سريعه وانور حط الموبيل ع ودنه
سراج : ها يابني ردت عليك
انور: بتصل تلفونها مقفول يعني مش عايزه تتتكلم يظهر مشغوله
اسيا: يمكن حصلت لها مشكلة ولا ليه هتبقي كل الوقت ده بره البيت من غير ما تقولنا , انت اتخانقت معاها
سراج داس ع اسنانه: بتقولي ايه اسف يابني متزعلش من كلامها
اسيا : اسمع يا انور بنتي حساسه جدا متتحملش كل ده مفروض تاخد بالك منها هي مختلفه شويه عن باقي البنات
انور نبره محمله بالسخريه : عندك حق هي فعلا مختلفه تماما عن باقيه البنات ع كلا انا ماشي
سراج بصلها بحده : راحت فين لحد امتي هتخلينا في نص هدومنا وانتي تأنبي انور من غيرذنب هو راجل محترم مقلش كلمه ومشي في هدوء المفروض بنتك متخرجش من باب بيتها الا بأذن جوزها
اسيا بحده: الغلط كله ع انور عشان كدا مشي بسرعه عشان عارف نفسه غلطان
احلام طلعت وقالت: اتكلمت معها رجعت البيت بس كانت مستعجله مقلتليش تفاصيل اطمنوا
اسيا: شوفت اهي رجعت البيت وانت بتشك فيها من غير سبب
...............................قصص منه محمد كاتب....................
فتحت الباب ودخلت وطالعه ع فوق وقفها بصوته الحاد
انور: كنتي فين وراجعه منين
مايا بصتله: ياه من امتي بتسألني
انور: ماهو انا من هنا ورايح لازم اسأل كذا مرة؟
مايا : جرالك ايه انت مكنتش كده قبل كده
انور حط ايده الاتنين في وسطه بتهكم : وانتي كمان مكنتيش كده او يمكن كنتي كدة وانا معرفش ليه كدبتي عليا
مايا مسكت راسها وبشخط: اسكت راسي بدئت توجعني, قلت لك اتصلت بيا صاحبتي القديمه روحت اقابلها هيكون ايه يعني غير كده
انور: صاحبه قديمه ولا جوزك القديم ( فتح شاشه الموبيل وحطه في وشها ) سلطان روحتي تقايليه يا احقر واحده في العالم
مايا بصت للصوره : انت بتراقبني
انور بقهر: ده الي فارق معاكي ومش فارق انك دوستي ع كرامتي دوستي عليها مش عارف امتي حصلت الخيانه يمكن من اول يوم اتجوزتك فيه وانا عشت مخدوع انا غبي ومغفل
مايا: مفيش حاجه من دي قابلته من يومين مكنش هنا ومتصلش بيه
انور: بس كفايه مستحيل اثق في كلامك ابدا انا عايز ارميكي حالا بره الييت ليه عملتي فيا كده
مايا: متصرخش فيه شغالين في البيت فكر ع الاقل في منظرنا واتكلم بهدوء
انور وشه احمر وشرار طالع من عيونه : ليل ونهار كنت ماكينه فلوس عشان اسعدك كنت شغال في طاحونه زي الطور عشان تعيشي سعيده في رفاهيه وانتي بتخونيني
مايا بعين قويه : انا معملتش حاجه تخليني اتحمل اهانتي متأفورش الموضوع
انور بعصبيه وصريخ: متبقيش بجحه حتي بعد الصور قادرة تقولي قدامي كده الي زيك تبقي مكسوره وعينها في الارض
مايا : مكسوره انت الي تتكسف لما تشك في مراتك متوصلنيش لمرحله الزهق منك وبعدين تقول دي بتخوني متبقاش صاحب الفعل الغلط وتقول انت صح وبعدين الراجل ومراته لو فضلوا يطارده في بعض ويحققوا مع بعض بيوت كتير هتتخرب
انور باحتقار: بتعرفي كويس تقلبي التربيزه وتغيري الكلام بدل ما تعترفي بغلطك وانا كنت دايما بسمعلك
مايا بعصبيه : الصوره دي مجرد لحظه معرفش مين لقطها
انور بصوت كله غضب: واحيانا تكفي اللحظه الواحده تحكي خيانه كامله _ مقرب عليها
بنظراته المرعبه ومسك إيدها بخشونه وقال من بين سنانه: وكنت اتمني اللحظه دي متجيش
مايا خافت ورجعت ع ورى خطوتين: متلمسنيش ابعد عني انا عايزه اتحرر منك طلقني وحالا
انور زقها علي الحيط: معنديش اي اعتراض لكن هتفضلي في البيت هنا لحد ماتولدي ابني وبعدها غوري متقلقيش مش هحملك مسؤليته عارف انك مش محتاجاله بس انا محتاجله
.............قصص منه محمد كاتب..................
ع السفره 9 صباحا
احلام قاعده وواضح إنها بتفكر
سراج رفع عيوه وبصلها: احلام يله حبيبتي افطري
احلام : ماليش نفس يا خالي افطر
سراج: ازاي ملكيش نفس اظن من صغرك بفهمك ان وجبه الفطار دي اهم وجبه وبعدين ايه الحكايه قلقانه من حاجه ولا حد قالك حاجه
احلام: لاء ياخالي مفيش حاجه
سراج بشك: فيه وانا متاكد من ليله امبارح انتي مش طبيعيه فيه حاجه مخبيها مفيش داعي تخبي عليا قولي
احلام بهدوء: مروان اتصل بيا وعايزنا نتقابل النهارده
سراج بفرحه بانت ع ملامحه: حلو جدا , انتم متجوزين عادي تتقابلوا وتتكلموا سوي وانهوا سوء االفهم ده قابليه يله افطري
احلام :انت افطر
سراج الابتسامه ماليه وشه: هاكل فاكره يا لولو وانتي صغيره كنتي تسرقي مني السندوتشات وتحطيلي عليها مربي انا النهارده هعمل زيك واحطلك مربي
احلام ضحكت : لسه فاكر يا خالي
سراج بضحكة :ايوه وقابليه ربنا يهدي ما بينكم
...............قصص منه محمد كاتب.......................
في اخر اليوم الدراسي
رنا كشرت: يعني قررتي تقابلي مروان رغم رفضي
احلام حطت ايدها في دراعها: متزعليش مني ارجوكي مروان اصر عليا كتير بيقول فيه كلام مهم وكان متوتر وقلقان
رنا : ايوه بس قبل المقابله كان المفروض يعتذرلك عن اسلوبه وياخدك بيته بكل احترام
احلام : يمكن مكسوف وعايز يقابلني ويعتذر
رنا رفعت نظراتها وبصتلها بضيق
احلام: بقول يمكن يارنا
رنا عقدت حواجبها بضيق : لو كان كده كان الاول اعتذرلك وبعدها قابلك بس هو معندوش النيه لانه لسه شاكك فيكي
احلام بصوت مخنوق: طب ازاي رفض هو لسه جوزي وبحبه كتير
رنا بغيظ: هو مش واثق فيكي وانتي بتقوليلي بحبه ايه فايده الحب الي يهين احترم الانسان لنفسه اسمعي ع الاقل خليه يحس بغلطه
احلام : طيب مرة واحده عايزه بجد اقابله عارفه انك رافضه لمصلحتي لكن جايز يحصل صلح هو جاي ياخدني بعد المدرسه
رنا قامت ومشت بغضب وغيظ وهي بتقولها: براحتك
احلام فضلت منتظره مروان لكن للاسف مرحلهاش لان العربيه اتقلبت بيه ودخل عمليات
الفصل الثالث والثلاثون33 

شاب: تمام يبشا الهدف راقد في حاله خطر في المستشفي
سلطان: تمام ارجع القريه وحاول تسافر في الليل عشان متبقاش في خطر
الشاب: انا هسافر ع المغرب عشان محدش يشوفني
سلطان: تمام حاول تستخبي فتره طويله هناك متجيش المدينه
الشاب: امرك يا بيه
سلطان شاورله يمشي ومسك موبيله يتصل بيها
مايا بنرفزه: قلتلك متتصليش بستمرار المشاكل ذادت انور عرف امرنا وانا متأكده انه بيراقبني كل لحظه انا خايفه منه
سلطان: مفيش داعي خالص تخافي منه انتي مش لوحدك انا معاكي واحسن انه عرف بسرعه كدا يطلقك بسهوله
مايا: الموضوع مش بالبساطه دي ليه مش عايز تفهم الامر معقد ومش هعرف اشرحلك ع التلفون
سلطان: انا عايز اعرف هو قالك ايه , خلينا نتقابل ونتكلم براحتنا
مايا: لايمكن نتقابل مقدرش اخرج من البيت انور طول اليوم قاعد هنا مرحش الشركه لمده يومين
سلطان: في البيت
مايا بغيظ: اوف امال هيبقي فين ايوه قاعد معسكر في البيت
الشغاله دخلت مفزوعه: ست هانم جه تحت ظابط وعايز يقابل انور بيه
مايا: يقابله ليه
الشغاله: بيقول البشمهندس مروان عمل حادثه
مايا: ايه مروان عمل حادثه
................
في المشفي
الدكتور: حاله المريض صعبه جدا نزف دم كتير وعنده كسر عميق وغاب ع ما جالنا المستشفي
انور: وحالته هتوصل لايه
الدكتور: احنا بنبذل كل جهدنا عشان تستقر حالته لكن لازم تبلغ الشرطه لان شكله حادث مدبر عن اذنك
احلام اترنحت وسراج اخدها في حضنه لحد ما تهدا وبعدين لما حس انها هديت خالص خرجها ومد ايده ومسح دموعها ووجعها والمها
احلام بصتله ببكاء: كنت مستنياه طول اليوم قلت هيجي ونتصالح ولا ليه اتصل بنفسه وطلب يقابلني رغم مش طايق يشوف وشي
سراج: ان شاء الله يقوم بالسلامه وكل حاجه تبقي بخير
احلام: مفيش حاجه هتبقي بخير انا خسرت مروان وخسرت سعادتي معاه انا حظي قليل كل ما اقول خلاص هحس بالسعاده يجي حزن كبير يكسرني ويحاصرني ده بيحصل معايا دايما
سراج: بلاش تتكلمي كده انتي قويه وواجهتي مشاكل حمل الجبال وصبرتي كتير خليكي صبوره دلوقت واجمدي
انور: احلام بأذن الله مروان يخرج من مرحله الخطر اطمني
سراج: ان شاء الله
احلام: يارب
سراج: قلت لك هيبقي بخير
احلام راحت وقفت وري الازاز ولقته نايم وشكله تعبان جدا اما انور راح عشان يدفع الفاتوره سكرتيره اللاستقبال رفضت
انور كشر: بس انا عايز ادفع فاتوره مروان بنفسي انا اخوه الكبير وده واجبي
السكرتيره: حاول تفهمني مراته دفعت الفاتوره ومقدرش اخد منك المبلغ تاني متأسفه جدا
انور: تمام هتكلم معاها بنفسي شكرا
.............قصص منه محمد كاتب...............
في بيت سراج
مايا بعين قويه: مجاتش القيامه عليكي عشان تتعصبي كده اهدي افرضي تعبتي
اسيا اتعصبت: هو انتي معندكيش شويه دم واحده غيرك تتكسف وتموت نفسها سلطان راجع تاني يدمر حياتك وانتي ولا هامك بالي هيحصل انا مشفتش بت بجحه زيك لحد اليوم ارحمنا يارب
مايا: انور دمر حياتي مش سلطان انا مش سعيده معاه بتنخنق في بيته مشتاقه للابتسامه لمرة واحده وهو معندهوش وقت ليا ولا للبيت ملناش اهميه عنده كل همه شغله ونجاحه وبس
اسيا : بطلي كلام فارغ فراغه العين وقله الاصل ونكران الجميل له حدود , انتي بقيتي صاحبه البيت ومالكه كل فلوسه وهو راجل كويس مش هسمح ابدا تخربي حياتك هروح لـ انور اعتذرله وابوس رجليه
مايا بغرور: مفيش لزوم تعملي كده انا واحده حره , وقادره اخد قرارت حياتي بنفسي واخدتها قبل كده وهاخدها بنفسي دلوقت
اسيا: ازاي واخده الحياه من غير ما تعملي حساب للعواقب احترمي شرف الراجل الي سترك وعيشي له خدامه والمفروض تعيشي تحت رجليه حسي ع دمك شويه
اثناء كلامهم جرس باب الشقه ضرب
اسيا بتحذير: يظهر ابوكي رجع متقوليش كلمه قدامه معرفش ممكن يعمل فيكي ايه
مايا : مش هيقدر يعمل حاجه ومتخافيش اوي منه واطمني ده مش بابا
اسيا ضمت حواجبها: امال مين الي جه
مايا ببرود: سلطان انا طلبته هنا مفيش مكان تاني نتقابل فيه اسمعي اياك تخرجي
اسيا: عامله زي الدبور الي زن ع خراب عشه
...............قصص منه محمد كاتب....................
في المستشفي
زوج رنا: متقلقيش يا احلام ع فاتوره المستشفي الشركه متكفله وهتدفعها
احلام: الف شكر
زوج رنا : كدا بتزعليني مروان اكتر من اخويا انا كنت عايز ابلغ الشرطه لكن انور بلغ بنفسه
احلام عقدت حواجبها: ليه بلاغ وشرطه مفيش داعي
سراج بستفهام: اه يابني اعتقد مفيش حاجه لكده دي مجرد حادثه غير مقصوده ومروان بقي بخير الحمد لله ع كده
زوج رنا : عمي قدر مشاعر انور هو بيحب مروان كتير وانا اعرفهم من زمان وهو بيشك انه مش مجرد حادثه لكن مقصوده فيه حد اتعمد يؤذي مروان
احلام بستغراب: ليه حد يعمل كده مروان ملوش عداوه
زوج رنا :سيبه انور يطمن ده حقه لو منعتوه هينجرح بجد اتمني تفهموا
سراج: ماشي يا بنتي حقه
..................
سلطان بنفعال: ايه التهريج ده يا مايا , ليه مرفضتيش كلام انور هو هيحبسك في البيت عبده عنده , ومش هيطلقك بسهوله متاكد من كلام
مايا بنبره عتاب: و ازاي انت قدرت تسبني بسهوله , لو كانت ليا قيمه كبيره ليه غلطت في حقي وفرطت فيا
سلطان: مفيش فايده نعيد ونقلب في الي فات مش هنستفاد اي حاجه , وانا ندمت ع خطئي كتير عشان كده عايز ارجعك ليا بأي ثمن شوفي لو ولدتي الطفل ده وجه الدنيا مش هنعيش سوي مبسوطين
مايا :ليه قدرت اننا مش هنبقي مبسوطين الطفل ده مش هيقف حائل بينا هو مسؤليه انور وهو قال كده
سلطان :هو فيه طفل يقدر يعيش من غير امه حتي لو هي قررت تسيبه و تمشي هيفضل بينهم ومش هيخليكي تبعدي عن انور لانه هيبقي رباط قوي بينك وبينه حتي لو كارهين بعض دي تجربيتي
مايا: تجربتك بس انت معندكش اطفال من فريال فاليه بتقول كده
سلطان : قصدي اصداقائي حصل معاهم كده لو اتشجعتي شويه ممكن نخرج من المشكله مفيش داعي تقلقي من انور ولا احلام
مايا :ولو ده مش ممكن قصدي اسمع كلامي انور وعدني انه هيطلقني
سلطان: انا هجبلك من الاخر مقدرش اعيش مع ست مقسومه نصين القرار في ايدك اشربي بؤء مر دلوقت افضل من الندم طول حياتك
اسيا دخلت وهي ع اخرها وبغضب قاتل :انت تطلع من هنا حالا امشي
سلطان قام وقف وبصلها وابتسم باستهزاء وخرج
مايا النار طلعت من عيونها شدت امها من كتفها بقوه ولفتها ناحيتها و بصوت عالي :انا قلت لك متدخليش كنا لسه بنتكلم
اسيا لطشتها بالقلم : اخرسي ولا كلمــه مش عايزة أسمع صوتك سامعه
مايا حست إنها ولعت نار لما اسيا بصتلها من فوق لتحت اخدت شنطتها وجريت ع بره ورزعت الباب وراها بكل غضبها
..............قصص منه محمد كاتب................
في المستشفي
انور مبتسم بسعاده: اتكلمت مع الدكتور وسمحلنا نشوفه ادخلي يا احلام اطمني عليه
احلام مسحت دموعها وابتسمت: روح حضرتك اطمن عليه الاول
انور :هشوفه لكن انتي الاول هو هيبقي سعيد لما يشوفك
سراج : روحي يابنتي
انور: يله هو مستنيكي
احلام دخلت لقته مغمض عيونه اتقهرت ولفت عشان تخرج لقت الي مسك كف ايدها وقال مفيش داعي اشوفك عشان اتاكد من وجودك اقدر اعرف من غير ما افتح عيني انك هنا( فتح عيونه وبصلها )
احلام : متتكلمش كتير وتضغط نفسك الدكتور محذر من الكلام
مروان برجاء: متسبنيش وتمشي خليكي معايا انا محتاجلك
احلام باست جبينه بحنيه: انا هنا
......................قصص منه محمد كاتب...................
في بيت سراج
سراج: هو فيه حد جه يا اسيا؟
اسيا بتوتر: اه مايا جات
سراج اتغير وشه واتنرفز: كمان بدئت تدخن
اسيا: لاء دي صاحبتها جات تزورها ومعاها اخوها بيدخن ونسيت انضف الطفايه هقوم حالا
سراج كشر بضيق: ايه الوقاحه دي ميعرفوش انه عيب يدخنوا في بيوت العالم
اسيا توهت: كنت عايزه اروح معاك المستشفي
سراج بسخريه: انتي ليه من امتي بتهتمي بالاحلام فاكره لما مروحتلهاش لما تعبت ايه الي جد اليوم
اسيا كشرت: متتريقش عليا اقوم البس
سراج: زي ما تحبي لكن لوجهه الله متقوليش كلمه تضايقهم هما بيمروا بوقت صعب جدا
اسيا وهي بتقوم: حاضر مش هقول صدقني
*****قصص منه محمد كاتب*******
في الشركه قدامه كشف المرتبات بيراجعها واتصدم لما لقاه مروان مش من ضمن القائمه القديمه
انور اتغيرت ملامح وشه بغضب: ليه الباشمهندس مروان مقبضتش مرتبه لمده خمس شهور ازاي ده يحصل ومن غير ما اعرف مين المسؤل
السكرتير بهدوء : الباشمهندس حامد مسؤل عن الامور وهو يقدر يفهمك
انور اتك ع اسنانه : هو الشخص ده لسه هنا نسيته في مشاكلي ابعتهولي
السكرتير: امرك يا فندم
حامد خبط عليه الباب ودخل : مستر حضرتك طلبتني
انور بعصبيه وصريخ: انت ازاي تتجرء وتتصرف كده مع اخويا شغال هنا خمس شهور من غير مرتب وانا معرفش ليه عملت كده ليك عداوه معاه ده انا عطيتك مكانه ومكتبه ورغم كده عملت التصرف الرخيص فيه ليه انطق
حامد: انا مغلطتش اقسم لك ان مايا هانم هي الي طلبت مني اعمل كده صدقني
انور بصدمه: مايا
حامد حط وشه في الارض :ايوه
اتور طحن سنانه وهو بيشاورله ع الباب: امشي من هنا امشي مش عايز اشوف وشك
البارت 33 الجزء الثاني من الحلقه رايكم واكمل
#احلام_في_عيون_وقحه
✿ قصص منه محمد كاتب ✿
يوم خروج مروان من المستشفي احلام الفرحه مش سيعاها وخرجت معاه ساند ع عكاز
مروان بصلها: تعبت كتير
احلام: اقعد هنا
مروان: شويه ميه
احلام: حالا اجبلك
مروان اتنهد: حاسس ان المرض هيفضل ملازمني طول حياتي ازاي هكمل بالوضع ده يا احلام لحد امتي الشركه هتديني مرتب وانا في البيت
احلام مسكت ايده : يا حبيبي كل الامور هتكون بخير ان شاء الله تتعافي وتقوم ع حيلك تاني انت بس خليك قوي شويه مفيش الم بيفضل, الوجع هيمر وينتهي مع الوقت
مروان: ساعات الالم بينتهي مع حياه البني ادم
احلام : بعيد الشر ليه بتقول كده
مروان : بقول ان الوقت بقي واقف في حياتي مش بيعدي وضعي المالي صعب وانتي سبتيني واخويا الوحيد اتخلي عني وجايز نساني ومش فاكر انه عنده اخ , مجاش مرة يطمن عليا ياتري وصله اني عملت حادثه ولا لاء
احلام : ابيه انور كان بيجيلك كل يوم المستشفي مفوتش ولا يوم وكان قلقان وخايف عليك جدا وبلغ الشرطه كمان
مروان ابتسم بسخريه وقال: عشان كده بعد الحادثه مكلفش خاطره يدخل يشوفني بلغ الشرطه يتظاهر انه مهتم وعمل الي عليه اهاني كتير وطردني هنت عليه وانا كنت بحبه اكتر من نفسي النظره الي شوفتها من الموظفين وانا بنطردك مش هنساها ابدا
احلام مسكت كف ايده:مروان ممكن تسمعني
مروان قطعها : ارجوكي متتكلميش معايا عن انور ومايا ملهمش علاقه جوه حياتنا انتي رجعتي وده كفايه بالنسبه لي ومن بكره ارجعي شغلك ههتم بنفسي
احلام : ازاي بس يا مروان
مروان اتك ع ايدها: ارجوكي اسمعي كلامي ومتتعبنيش
..........قصص منه محمد كاتب...................
يوم جديد الساعه سابعه صباحا
احلام بتتحرك حواليه: مروان خلص الفطار عشان تاخد الدواء , قدامي لاني عارفه لما امشي هتنساه
مروان ابتسم : هاخده
احلام جثت قدامه ركبتها: خده قدامي
مروان كشر زي الاطفال : بس طعمه مر اوي
احلام ابتسمتله وشدت انفه بهزار: بس لازم تاخده يله امسك
مروان شربه وقفل وشه : وحش اوي
احلام بضحكه خفيفه : معلش هشتري كل حاجه وانا راجعه عشان لما تطلب حاجه تلاقيها وشغل التلفزيون عشان متحسش بملل أتفرج ع برنامج كوميدي او مسرحيه
مروان :طيب فين ريموت التلفزيون
احلام وهي بتلف الطرحه :حطيته فين اه اهو
مروان :انا هعتمد ع نفسي
احلام بتنبه: متعملش حاجه شحنتلك الموبيل واتفضل جنبك ها عايز اي حاجه تانيه
مروان: لاء كفايه مش عايز غير ترجعيلي بسرعه عشان وحشتيني ووحشني صوتك وكمان بتهتمي باموري الصغيره محروم من كل ده
احلام : اوكيه اتاخرت ع المدرسه
مروان مسك ايدها :الف شكر انك معايا
احلام :طيب سيب ايدي
مروان :لاء مش هسيبها
احلام: هتاخر ع المدرسه
مروان بغمزه : ارجعي بدري هستناكي
احلام وشها احمر وقالت : لو احتاجات اي حاجه ولا تعبت اتصل بيا هرجعلك بسرعه
مروان : مش هتعب ارجعي براحتك
احلام : اهتم بنفسك
مروان إبتسم وميل وبصلها : تعالي بدري
احلام قلبها دق بقوه وقامت وهي مبتسمه وقالت:حاضر سلام
مروان : سلام
..............قصص منه محمد كاتب...............
سمعت صوت الباب ..اتفاجأت بيه وشكله كان علي اخره بصلها بنظرات رعبتها
مايا : بقولك عايزه اروح بيت امي اقعد هناك يومين
انور باستهزاء: ليه هو فيه مشكله في قعدتك هنا
مايا نفخت بغيظ : مش هتبطل تريقه , من اسلوبك بدئت اتخنق هنا العيشه معاك تحت سقف واحد بقت بالنسبه لي عذاب عايزه اخرج اتنفس
انور شاور عليها بغضب: الخنقه دي هتلازمك لحد ما تمـ وتي مفكره بعد ما اطلقك وتمشي هتعيشي سعيده . ده مستحيل اللانانيه الي زيك لايمكن تعيش متهنيه في حياتها
مايا ربعت ايدها قدام صدرها: انانيه ازاي تقدر تقولي
انور بحتقار: معندهاش مبادئ وعندها تطلعات وطموحات اكبر من امكانياتها وعندها استعداد تدوس ع اي حد عشان توصلها وافتكري مفيش واحد يطلق واحده من جوزها وربنا هيباركلهم ويسعدهم
مايا : مفيش فايده تخوفني لان قراري مش هيتغير ده مستحيل ع الاقل هبعد عن جحيمك ايام
انور: تمام غوري لكن معاد الدكتوره اياك تفوتيه مش هتحمل اهمال في وضع ابني ياتري فاهمه
مايا واخدت شنتطها وطلعت ركبت العربيه مع سلطان وهي قاعده هطرشق
سلطان بصلها: ممكن تروقي مزاجك اتحملي شويه طالما اتحملتي كتير وبعدها هنعيش سوي
مايا اتأفأت بضيق: انا طهقت زهقت كل يوم اواجهه انور بحس بالقسوه في عينه وكلامه اكتر شخص بيكرهني في الدنيا من نظره عنيه لو مش ابنه كان زمانه قتلني انا بخاف منه
سلطان : متعيشيش معاه في البيت عيشي عند امك او _سكت
مايا حمسته: او ايه
سلطان: او بيتنا منا مش هسيبك تروحي تعيشي هناك تاني
مايا : لو في ايدي مش هتاخر لحظه بيتي وحشني معاك
سلطان: يله وصلنا دي العياده الي كلمتك عنها صاحبها صديقي تعالي
مايا بلعت ريقها ودخلت غرفه الكشف ورقدت ع السرير عشان تتفحصها الدكتوره
الدكتوره بعد الكشف/ انا كشفت عليها وشايفه ان التاخير مش مناسب كل ما عملناه ده اسرع هيكون افضل والا بعد كده هيبقي صعب وممكن تكون حالتها في خطر
سلطان : متقوليش كده انشاء الله مايا مش هيحصلها حاجه معنديش استعداد اخاطر بحياتها ومستعد ادفعلك اي مبلغ تطلبيه
د/ اوكيه خلاص ندخلها عمليات دلوقت
مايا وشها اتخطف: ايه دلوقت
سلطان ميل بجسمه عليها وبهمس: ايه المشكله اعملي الي اتفاقنا عليه وبعدها استريحي
مايا بتوتر: بس انا لسه مقررتش ومفكرتش انا جايه ع اساس كشف بس
د/ كل الحالات الي زيك بيجوا من بيوتهم وهما مقررين يا اه يا لاء وبيكونوا مستعجلين يتخلصوا من ورطتهم
مايا اتغير وشها واتنرفزت: انتي بتهلفطي تقولي ايه انا متجوزه مش حامل فيه من حرام عشان اتخلص منه اتكلمي كويس
سلطان: حاولي تكوني بارده شويه واعصابك هاديه ليه تشدي اعصابك وتنفعلي اوي كده ده لمصلحتك كل لحظه مكسب بالنسبه لنا قوليلي حالا عايزه تكملي وقت اطول تحت رحمه انور ولا تسيبي الي يحصل يحصل خليكي جامده وخرجي نفسك من الورطه دي
مايا وزعت نظراتها ما بينهم وقامت متعصبه
سلطان طلع يجري وراها ويزعق : مايا استني (مسك دراعها) بقولك استني
مايا سابته وماشيه وفورا لمعت فكره خبيثه في راسه وبسرعه حط رجله كعبلها وقعت بكل جسمها ع بطنها وصرخت وهو فرح جدا
د طلعت ع الصوت وشافتها بتنزف / كدا مش هنستني دقيقه وهعملها العمليه فلوسي تكون جاهزه وبالمبلغ الي طلبته
سلطان: انا متهمنيش الفلوس وانتي عارفه ومش هننصب ولا نهرب
د إبتسمت بسخريه/ مش مكتوب ع وشك نصاب ولا هتتهرب من دفع العمليه بس انا بعرض حياتي للخطر والمبلغ قليل قصاد الي هخليها تواجهه بيه العالم
مايا ببكاء بألم : انا مش شمال ومعملتش حاجه غلط عشان اخبي وشي فاهمه ولا لاء
د/ سيبي الغلط والصح ع جنب ومش هتدفعولي ملايين وانتي عارفه انك مش جايه لعمل خيري عشان كدا انسي الامور الي بتخبيها وري الاجهاض ومش عايز اتناقش فيها معاكي
سلطان بنفعال : خلاص بطلي رغي اعملي شغلك
د/ انا بتكلم عن شغلي البنت دي بدئت مشاكل ملهاش معني
سلطان عقد حواجبه بغضب ومسك كف ايدها وحط رزمه وقال : امسكي فلوسك وخلصينا
د/ نريس انقليها لغرفه العمليات بسرعه
*****قصص منه محند كاتب*****
احلام: مروان بدء يحبط كتير مش عايزه اسيبه بالمعاناه دي لكن اعمل ايه مضطره
رنا : اصحاب العقول في راحه ناس بتشتري تعبها ووجع القلب بايديها ومروان محظوظ بيكي لانك بتحبيه كتير , بعد ما ظلمك واهانك لو واحده تانيه مكانك كانت سابته من فتره
احلام : كان غضبه مؤقت ورد فعله قاسي للموقف الي اتحط فيه هو شك فيا ودلوقت نسي كل حاجه
رنا : ذاكره الراجل قويه جدا بيفكر في غلط الست احلام قوليله كل حاجه حصلت في الليله دي عرفيه ان سلطان جه يقابل مايا مجاش يقابلك متخافيش من حاجه هي تستاهل الي هيحصلها هي رخيصه ورخصت نفسها
احلام: لو عملت كده بيت مايا هيتخرب بسببي وابيه انور هيطلقها في لحظه وخالي قلبه مش هيتحمل الفضيحه كل ده يجبرني اسكت
الفراش: ميس احلام فيه واحد بيقول عايز يشوفك اسمه انور
رنا بتعجب : اخويا انور هنا ليه
احلام وهي بتتحرك من قدامها: هشوفه واقولك
رنا: سلم يارب سلم
احلام راحت له: خير يا ابيه فيه حاجه
انور بندم: جاي اعتذر عن الظلم الي عملته معاكم, لايمكن انساه طول حياتي لكن لو اخدتي الشيك جايز يخف العبئ عن قلبي
احلام بستغراب : ايه ده؟
انور:مرتب مروان لخمس شهور مش مصدق اني تجاهلت اخويا وكان بيمر بمعاناه في عشته وانا كنت مغمي عن افعال مايا وبقفل عيوني
احلام: انسي الي فات بلاش تفكر فيه وخد ده مش محتاجله
انور بقهر: متقولش كده انا تعبان اوي خربت كل حاجه وخسرت الي حواليا وانا بنقذ علاقه فاشله ومش هتكمل
احلام: متقولش كده ارجوك انتم هتبقوا اب وام وبأذن الله ربنا يهديها وترجع لعقلها لما تولد طفلها وتشوفه
انور: انتي طيبه اوي ومايا شيطان في صورة انسان تعرفي ان الطفل بقي عبئ عليها ونفسها تتخلص منه بأسرع وقت بعد ما تولده هطلقها
احلام: متعملش كده بلاش تاخد قرار بسرعه هي لما تبقي ام هتتغير ومش هتقدر تسيب ابنها
انور : هي اخدت قرارها انا مشفق علي الطفل الي جاي لانها هتبقي امه بس انتي الي هتربيه يا احلام طالعيه طيب وخلوق زيك مش عايزه يتربي مع مايا ويطلع زيها هيبقي محترم لما انا وانتي ومروان نربيه ويكبر قدامنا مش كده
احلام: ابيه انور خد الظرف ارجوك مش هقدر اخده
انور: خليه معاكي عشان خاطر اخوكي الكبير
احلام حطته في الشنطه لقت تلفونها بيرن واسيا بتبلغها ان مايا طفشت
يتبع 
تعليقات



<>