رواية فخ ناعم الفصل الرابع4 بقلم شيماء سعيد عبده

إجابته جعلتها تفر من أمامه بلا كلمة، هذا الرجل خطيرة وهي خام بكل شيء حتي بأفكارها يصعب عليها الوصول إليه.. عادت بجوار فريدة وعقلها يردد جملة واحدة " أصل فريدة مبتعرفش ترقص" ..

هل هذا سبب كافي للخيانة؟!... لا... حسن رجل  نسوانجي إذا الطريق أمامها سهل جدا للوصول إليه.. ضغطت فريدة على ذراعها لتنتبه اليها قائلة:

_ في إيه؟!..

بضيق قالت:

_ في إيه أنتِ بقى لي ساعة بكلمك ولا أنتِ سامعة ما تركزي معايا شوية يا أمينة،  ماتنسيش الحفلة دي عشان تجيبي عريس مش عشان تتفرجي.. 

كتم أمينة غيظها بصعوبة ثم قالت:

_ مش ناسيه قوليلي بقى كنتي بتقولي إيه؟!.. .

بإبتسامة أشارت فريدة على طاولة الرجال الخاصة بحسن وقالت:

_ بصي يا ستي اللي بيتكلم مع حسن ده فاروق الشامي عنده 49 سنه كان متجوز قبل كدة مرتين بس بيمل بسرعة،  بنك فلوس متحرك لو أنتِ شاطرة تبقي الأخيرة اللي مفيش بعدها جوازة...

حدقت بها أمينة بحدة وقالت:

_ أنتِ عبيطة يا بنتي ده اكبر مني ب 19 سنة وعلى كلامك بيغير الستات زي الشرابات هعمل له ايه ده..

بلا مبالاة حركت كتفها وقالت:

_ أنتِ حرة مع إنه لقطة عموما اللي جانبه بالظبط وعينه بتاكلك ده خيري المحمدي عندي 40 سنة..  ده بقى يا ستي متجوز تلاتة وبيدور على الرابعة أكبر تاجر قماش في البلد رأيك إيه؟!.. 

_ عايزاني اتجوز على تلات ضراير إيه الجنان ده؟!..

_ بلاش ولا تزعلي نفسك اللي قدامه وجنب حسن مصطفى صفوان 35 سنه ومتجوز مراته رافضة فكرة الخلفة تماما وهو هيموت ويخلف بس ميقدرش يطلقها باباها تقيل أوي في البلد.من فتره كانت بتدور على العروسة ها أحسن من جواز التلاتة أهي ضرة واحدة.. 

أرتجف جسدها برجفة غريبة، تشعر وكأنها تقف عارية بشهر ديسمبر، كل شيء حولها مريب يضغط على أنفاسها، نظرت إلي فريدة بضياع وقالت:

_ هو كله يا إما متجوز ومطلق يا إما مراته على ذمته مفيش سنجل خالص؟!.. 

خرجت الإجابة من فريدة قاسية قتلت آخر ذرة رحمة بقلب أمينة تجاهها: 

_ السنجل ده هيتجوز واحدة أصغر اختياراتك بقت محدودة يا دكتورة واللي مش عاجبينك دول بعد كام سنة أنتِ مش هتبقي عاجباهم فالحقي نفسك من دلوقتي... 

دارت عينيها بالحفل الكبير، رجال أعمال.. رجال ذات مكانة مرموقة بالدولة كيف لهؤلاء إن يكونوا بالجهل التي تصف فريدة؟!.. عادت فريدة للحديث من جديد قائلة:

_ طيب بصي أنا مش هختارلك اللي أنتِ عايزاه شاوري عليه وأنا أقولك ظروفه إيه، براحتك بقى لحد ما أشوف ضيوفي.. 

تركتها لتجد أمينة حالها اختارت وانتهي الأمر، عينيها عادت إلي حسن وبدأت تتأمل وتتابع أقل تفصيلة تصدر منه، رجل بمواصفات رائعة تتمني أي فتاة الحصول عليها..

وسيم وجدا.. صاحب مقام عالي واضح من تعامل الجميع معه.. وقور... من الخارج مثالي.. مناسب إليها كما قالت فريدة عن الرجل الواقف معه.. متزوج.. نسوانجي.. يبحث عن الأطفال..

رائع أعطت إليها كل المفتاح بسهولة.. وهو قدم لها طرف خيط سقوطه بأعماق خطتها بصدر رحب.. إذا باقي فقط أخذ أول خطوة منها بمنتهى الذكاء..

أخذت نفس عميق ثم همست بقلب تائهة قرر خوض تجربة خطيرة مرعبة:

_ متزعليش مني يا فريدة أنتِ قولتيلي الحفلة قدامك واللي يعجبك شاوري عليه وأنا خلاص شاورت وعادي يعني لا أنا ولا أنتِ هنبقى أول ستات ليهم ضرة.. 

يحب الرقص... جيد يا سيد حسن لنجرب، ظلت دقائق تتابعه حتي أصبح بمفرده ثم ذهبت إليه قائلة:

_ حسن..

حسن؟!.. اللعنة على حسن... منذ متي واسمه ناعمة رقيق؟!.. أثبت يا إبن الديب ماذا بك؟!.. ضبط حاله بأقصى قوة لديه وقال:

_ إيه؟!.. 

خجولة أمينة وما تفعله لا يشبهها بأي شيء ولو من بعيد، هربت الكلمات منها ودت أن تعود مكانها وبالفعل أخذت أول خطوة للفرار من أمامه وضع يده فوق يدها بتعجب مردفاً:

_ استني رايحة فين مش كنتي عايزة تقولي حاجة؟!..

نعم تريد وستقول فنبرة ناعمة قالت:

_ فريدة راحت لضيوفها وأنا معرفش حد هنا غيرك بصراحة يعني، لقيت ناس بترقص سوا فأنا يعني أقصد بحب الرقص بترقص معايا؟!.. .

ذكي حسن... ذكي جدا... يشعر ان بحديثها إشارة واضحة ليه لكنه لا يصدقها أو على الأقل يريد إثبات عليها، بترقب سألها:

_ بتحبي الرقص؟!..

نظرته تقول إنها حمقاء وتم كشفها قبل أو قلم،  أمينة تحلي بالهدوء وديري الأمور بذكاء، ابتسمت وقالت:

_ هو مين مبيحبش يرقص سلو أسأل أي حد في المكان هيقولك بيحب.. 

إمرأة جميلة لديه رغبة جنونية بلمس جسدها وأتت إليه فرصته على طبق من ذهب، لن يجعل الفرصة تذهب من بين يديه ابدا.. مد يده إليها وقال:

_ طيب يلا..

عودي يا أمينة مازال أمامك فرصة واحدة للعودة إلي عالمك البسيط، ربما يكون قرائها وقرر أخذ القرار بدلاً منها فجذب خصرها إليه بذراع واحد ثم قادها لساحة الرقص مردفاً:

_ قوليلي يا دكتورة..

ماذا تقول الطبيبة يا سيد حسن؟!.. مع جذبك إليها فقدت السيطرة على الموقف بشكل كامل، لأول مرة تشعر بلمسة رجل إليها والعجيب إنها معجبة..

بتوتر قالت:

_ أقول إيه؟!..

لا تقولي شئ فقط اتركيه بنعيمه، أغلق ذراعه حول جسدها بتلذذ.. يشعر بلحمها الناعم أسفل يديه مع كل حركة.. تأكد الآن أن هناك ما أجمل من نعومة وطراوة كفها بكثير، لمسة بسيطة جعلت حسن بداخل بحر من المتعة، بحركة ممر يده بطول ظهرها لترتفع حرارته من فرط لذة الموقف، قرب نفسه منها أكثر ليأخذ أكبر قدر من رائحة عطرها ليهمهم بمتعة:

_ ريحتك حلوة.. 

هل أرتجفت.. نعم هذا ما حدث... لا تعلم ما يفعله بها لكنها تائهة... لا لا الأمر أصبح مرعب والحمقاء أحضرت العفريت ولا تعلم كيف يمكنها أن تصرفه، أبتعدت عنه بحذر وأبعدت يده عنها بتوتر قائلة:

_ شكرا..

هل لو أخذها إلي غرفته وألقي بجسدها المهلك هذا على الفراش وبدأ معها حرب جنونية سيحدث شئ؟!.. سيحدث أشياء ممتعة يرغب بأن يعيشها معها فنبرة خشنة قال:

_ ده أنتِ اللي شكراً جدا... شكراً خالص..

ماذا يقول هذا؟!.. بتعجب قالت:

_ شكراً على إيه؟!..

على ماذا؟!.. على جمال رائحتك ونعومة جسدك ومتعة قربك... يا حسن ماذا تفعل يا حسن؟!.. أخيرا قدر أن يعود إلى رشده ليغير مسار الحديث قائلاً :

_ شكلك مقلتيش لفريدة..

_ على إيه؟!.

_ إنك مقلتيش على موضوع الرقاصة.. 

بمكر قالت:

_ مبحبش خراب البيوت ...

انتهت الموسيقي لتبتعد ظل يحدق بها وهي تعود إلى الطاولة ليتنهد بتعب مردفاً:

_ مبتحبيش خراب البيوت والله شكل البيت ده ما هيتخرب على أيد حد غيرك..

وقفت مع شقيقته رنا ثم أطلقت ضحكة رائعة ليقول:

_  أنا راضي يا فرسة أخربي براحتك.. 

______ شيماء سعيد عبده ______

مع نهاية الحفل ذهب الجميع وأصبحت معهم بمفردها ومع إصرار فريدة على تناولها للعشاء ظلت، أخذ حسن نفسه بصعوبة ثم أشار إلى عادل مردفاً:

_ تعالي يا عادل عندنا شوية شغل في المكتب..

بتعجب قال عادل:

_ شغل إيه ده؟!.. 

بحدة نظر إليه حسن مردفاً:

_ شغل وخلاص تعالى ورايا..

تدخلت رنا بحنق قائلة:

_ يا سلام يا سي حسن وأنت الشغل ده مش بيجي عندك غير وقت الأكل إمبارح جوزي أكل من غيري النهارده لأ... 

كل ما يهم حسن الان وبكل صراحة الهروب، فقال:

_ متقلقيش حاجة سريعة وهنرجعلكم اتحرك قدامي يا زفت.. 

دلف لغرفة المكتب وعادل خلفه قائلاً:

_ بقولك إيه أنا مش مرتاحلك بقى لك كام يوم مش مظبوط حكايتك بالظبط؟!.. 

حكاتيه عبارة عن كارثة كبيرة، ألقي بجسده فوق مقعده بتعب وقال:

_ أنا في مصيبة يا عادل..

بقلق جلس أمامه عادل مردفاً:

_ مصيبة إيه دي؟!..

ماذا يقول؟!.. حقاً ماذا يقول ومن أين يبدأ الحديث وكيف؟!.. تنهد بثقل وقال:

_ في واحدة كل ما أشوفها بتجن..  ببقى عايز أسحبها على اوضتي واقفل الباب ومخليهاش تطلع غير وهي معاها مني تلات عيال على الأقل... 

أتسعت عينيه بذهول مردفاً:

_ أنت بتقول إيه ومين دي؟!..

_ المصيبة مش في اللي بقوله المصيبة في مين دي.. 

بدأ عقل عادل يعمل وقام بربط جميع الخيوط ببعض ثم قال:

_ يا نهار مش فايت أوعى تكون اللي في دماغي الدكتورة قريبه فريدة؟!.. 

هل هو مكشوف لدرجة معرفة عادل إلي هويتها بتلك البساطة؟!.. اعتدل بجلسته مردفاً:

_ هو أنا مكشوف أوي كدة؟!.. 

تأكد عادل فقال بجدية:

_ ما دي تاني مره تهرب من الأكل وهي قاعدة على السفرة كان لأزم أعرفها بس متقلقش مفيش حد كشفك الا أنا... وبقولك ان اللي بتقوله ده جنون مينفعش حتى تفكر فيه بينك وبين نفسك أنت مش بس هتبقى خاين لأ ده أنت كمان هتخرب بيتك بأيدك وهتبوظ علاقة مراتك باهلها.. 

عادل محق... ما يحدث مع عبارة عن جنون لابد أن ينتهي قبل أن يبدأ، لكن كيف حقا كيف؟!.. بتعب قال:

_ قبل ما أشوفها ببقى مقرر كل اللي انت بتقوله ده وبعدين ببقى بني آدم تاني...

بترقب قال عادل:

_ تاني ده إللي هو إزاي؟؟..

بجنون قال حسن:

_ وأنا برقص معاها تقريبا كنت بتحرش بيها ولو كانت واحدة عندها شوية خبرة ولو صغيرين كانت فهمت... 

أنتفض عادل من فوق المقعد مردفاً:

_ تحرش إيه هي وصلت معاك لهنا؟؟..

أومأ إليه حسن بتأكيد قائلاً:

_ وصلت وعايزها وعارف إن اللي بفكر فيه غلط بس طول مهي قدامي عيني كده انا ممكن في أي لحظة... 

صمت قبل أن يكمل... بداخله شعور يقوده إلي النوم بين أحضانها مهما كلفه الأمر، زفر وقال:

_ أقفل على الموضوع ده وخلينا نشوف شغلنا.. 

حالته تبدو صعبة للغاية فقال عادل بجدية:

_ عندك حق الموضوع ده لأزم يتقفل عليه ولو هي هتفضل هنا أكتر من كده يبقى سافرلك يومين روح أحضر أنت افتتاح فرعنا في دبي... 

_ ماشي هعمل كدة...

دق باب الغرفة ودلفت فريدة قائلة:

_ يا ترى بقى ناويين تطلعوا تاكلوا معانا ولا زي إمبارح؟!.. المرة دي بجد هزعل منك يا حسن دي بنت عمتي وضيفة عندي مينفعش ابدأ تحس انها تقيلة علينا كدة..

لا يعلم إذا كان خرج معها من أجلها أم من أجل رؤية أمينة للمرة الأخيرة كما وعد حاله لكن النهاية واحدة... دلف معها إلي غرفة السفرة ثم جلس على مقعده لتقول فريدة:

_ هترجعي إسكندرية أمتى يا أمينة؟!.. 

تركت أمينة الشوكة من يدها وقالت:

_ كمان يومين بالظبط بس حابة أعرف حساب الجناح إللي قعدت فيه انا وماما طول فترة وجودنا.. 

بأقل مجهود منها تجذب انتباهه، رفع عينيه إليها وقال بهدوء:

_ عايزة تعرفي الحساب ليه يا دكتورة؟!.. 

بكل بساطة قالت:

_ أكيد عشان ادفعه يا استاذ حسن..

فلتت ضحكة ساخرة من بين شفتي فريدة قبل أن تميل على إذن أمينة هامسة:

_ لمي الليلة اسكتي لو قعدتي 20 سنة مش هتعرفي تدفعي تمن ليلة واحدة..

بنفس السخرية همست أمينة:

_  أكيد هقدر أدفع شكل عيشتك في العز نسيتك ان لحد ما اتجوزتي بابا اللي كان بيصرف عليكي وعلى أهلك جيبي عمران متقلقيش عليا..

منذ أن تزوجت بحسن وأصبحت سيدة مرموقه لأ يجرأ أحد على الحديث معها والآن أعطت اليها أمينة أول ضربة، قطع الحرب بينهما صوت حسن القوي:

_ بكلامك ده بتشتميني وفي نص بيتي يا دكتورة بس عشان أنتِ متعرفينيش أنا هعديها...

أشار إليها بتحذير وأكمل حديثه مردفاً:

_ لازم تعرفي إن أي حد يخصني من قريب أو من بعيد تحت أيدي وملزوم مني... 

أسلوبه استفزها فقالت بنفس قوته: 

_ أنا وماما هنبقى ملزومين من حضرتك ليه؟!.. 

لأجل جمال شفتيكي يا فرسة، أقل حديث معها يجعله يعود إلي نقطة الصفر، جذب كف فريدة ثم قبله مردفاً:

_ عشان عيون فريدة...

إبتسمت فريدة بنشوة ما بعدها نشوة، أما أمينة عضت على شفتيها بضيق، هذا ما كان ينقصه... هو يا يرغب بتذوقها وهي تضغط عليها بكل قوتها... ماذا تركت له الحمقاء  ليفعل؟!.. قام من مكانه فجأة ثم سحب فريدة قائلاً:

_ تصبحوا على خير يا جماعة..

وفقط بعدها فر بعيدا عن سيطرتها، رأي عادل الأمر فقام من مكانه ثم أشار إلي رنا مردفاً:

_ واحنا كمان يا جماعة تصبحوا على خير.. 

أصبحت بموقف لا تحسد عليه، تمنت لو انشقت الأرض وابتلعتها، أفضل حل إليها الآن الرحيل فقالت للسيدة إلهام بإبتسامة هادئة:

_ شكرا يا طنط على الدعوة اللطيفة دي كانت حفلة حلوة أوي.. 

جميلة تلك الفتاة وستكون عروس مميزة الي أحمد إبن شقيقتها فابتسمت إليها وقالت:

_ بتشكريني على إيه أنتِ خلاص بقيتي من العيلة يلا عشان اليوم كان متعب جدا ولازم كلنا نرتاح..

للمرة المليون تشعر بالاهانة ببيته، عائلته بالكامل لا تعلم أي شيء عن الاحترام، حمحمت لعل صوتها يخرج وقالت بحرج قالت أمينة:

_ صح تصبحوا على خير..

حملت حقيبتها فقالت السيدة إلهام:

_ استني أنتِ رايحة فين؟!..

بهدوء اجابتها:

_ هرجع الفندق.

جذبتها السيدة إلهام لتعود إلي مقعدها ثم قالت بجدية:

_ فندق إيه اللي هترجعيه في وقت زي ده لوحدك أنتِ هتنامي هنا.. 

ماذا؟!.. مستحيل أن تظل معهم تحت سقف واحد أكثر من ذلك فقالت برفض:

_ لأ طبعاً أكيد مينفعش..

بقوة قالت السيدة إلهام:

_ اللي مينفعش فعلاً انك تمشي في نص الليل لوحدك ممنوع تمشي قبل الصبح يلا قدامي اوريكي أوضتك.. 

_ بس..

_ أنا محدش يقول كلمة بعد كلمتي يلا...

______ شيماء سعيد عبده _______

أغلق باب الغرفة خلفهما ثم دفعها بخفة للفراش مردفاً:

_ وحشتك؟!..

أبعدت نظرها عنه مردفة:

_ عيب الكلام اللي أنت بتقوله ده يا حسن..

حاول يا حسن... حاول معها حتي تستطيع الفرار من سحر الأخري، مرر يده على ذراعها ثم قال:

_ مفيش بينا عيب وحشتك وإلا لأ؟!..

أكثر ما تكره بحياتها طلب العلاقة وهو يضغط عليها بكل قوته فقالت بضيق:

_ أبعد هروح الحمام..

لا لن يبتعد بصبر قال:

_ فريدة يا حبيبتي للمرة المليون بقولك مش عيب بنا إنك تكوني عايزاني وتقوليها حاجة عادية، إحنا واحد مفيش بينا لا عيب ولا غلط ولا حرام استمتعي يا ماما استمتعي.. 

نفت قائلة:

_ لأ طبعاً كل حاجة لها حدود ومفيش ست محترمة تبين حاجة زي اللي أنت عايزها دي لما أنا اعمل كده أنت هتعمل إيه؟!.. 

آت بآخره معها... دقيقة واحدة وسيغلق عقله ويذهب إلي من يرغب بها، لا لا هو أقوي من ذلك، أبتعد عنها وفرد جسده فوق الفراش مردفاً:

_ طيب يا فريدة مش عايزك تقولي حاجة قومي ارقصيلي... 

أنتفضت من جواره قائلة بغضب:

_ انت مالك النهاردة في إيه؟!.. احنا مش اتكلمنا في الموضوع ده قبل كده وقولتلك اني مش رقاصة أنت مش جايبني من شارع الهرم عشان تطلب مني طلب زي ده.. حسن لو سمحت يلا ننام بهدوء أنا مش حابة بعد الحفلة الحلوة دي نتخانق.. 

نظرة عينيه جعلتها تعلم ماذا فعلت، اللعنة منذ متي ويقدر أحد على الوقوف أمام حسن الديب والحديث معه بتلك الطريقة، أبتلعت ريقها بخوف ثم عادت خطوة للخلف وهمست:

_ أنا آسفة يا حبيبي بجد آسفة والله مكنتش أقصد حقك عليا.. 

دون كلمة تركها ودلف إلي غرفة الملابس، أغلق الباب خلفه بقوة ثم مسح على خصلاته قائلاً:

_ هو في إيه مالك مش على بعضك كدة ليه؟!.. ما أنت عارف فريدة وعارف طبعها إيه الطلبات الغريبة اللي بتطلبها منها النهاردة دي وإزاي أصلا عايز تنام مع واحدة مشفتهاش غير مرتين كأنك عمرك ما شوفت حريم قبل كدة؟!.. 

خلع عنه ملابسه ثم أرتدي بنطلون اسود قطني وترك صدره عاري وخرج.. كانت تنتظر خروجه على أحر من الجمر ركضت إليه ثم وقفت أمامه بتوتر وعينيها أرضا قائلة:

_ حقك علي يا حبيبي أنا عارفة إني غلطانة بس والله غصب عني وأنت عارف إني مش بحب كدة متزعلش مني.. 

لو بوقت آخر كان حسابها سيكون مختلف تماماً إلا أن الآن وضعه خطير ويحتاج إلي مساعدتها وبقوة، ففتح ذراعيه إليها مردفاً:

_ طيب تعالى في حضني عايزك...

بهدوء ألقت نفسها بين أحضانه، هي مثله وأكثر تريده مثلما يريدها لكنها ترفض التعبير ترفض الطلب ترفض فعل أشياء بعد إنتهاء العلاقة تشعر انها قللت من نفسها بفعلها.. 

حملها ووضعها على الفراش، عاش معها بشكل جنوني لأول مرة يصل إليه، قوي تعلم لكن قوته تخطت كل الحدود ومع ذلك هي مستمتعة...

وابن الديب ضائع وأمام عينيه تخيلات لامرأة أخذت شيء من عقله بأقل مجهود منها، أنتهي فنام بجوارها يرغب بالمزيد لم تهدأ ناره ولن يصل إلى بر الأمان..

أغلقت فريدة عينيها وبعد دقائق نامت بسلام، قال وهو يحدق بها:

_ فريدة أنا... إيه ده دي نامت؟!..

______ شيماء سعيد عبده ______

انتهت من أخذ حمام دافئ ثم ارتدت منامة قطنية نظيفة وردية من ملابس رنا، رفعت خصلاتها على شكل كعكة أنيقة بمنتصف رأسها لتسمع إلي رنين هاتفها، رأت رقم والدتها مزين للشاشة ففتحت الخط مردفة:

_ الو يا ماما وحشتيني..

_ وأنتِ كمان وحشتيني يا حبيبتي بس المهم دلوقتي طمنيني عملتي إيه النهاردة؟!.. 

زفرت بحنق وقالت:

_ عملت إيه في إيه يا ماما؟!..

_ بنت يا أمينة متعصبنيش آمال أنا كنت سايباكي هناك تعملي إيه ؟!.. مش عشان تحضري الحفلة مع بنت عمتك وتسمعي كلامها وتشوفي إبن الحلال وتفرحي قلبي بيكي..

بتلك اللحظة بالتحديد طاقتها منتهية فصمتت ليصل إليها صوت والدتها الغاضب:

_  انطقي هببتي إيه ؟!.. إياكي تقوليلي إنك خرجتي منها فاضية زي ما طول عمرك بتعملي هتشليني في أيدك يا بنتي حرام عليكي..

_ في إيه يا ماما ممكن تهدي عليا شوية محساني إني كنت بحارب، كل اللي عرسان اللي جايباهم فريدة المتجوز واحدة واتنين وتلاتة واللي مطلق وعايز يغير الستات زي الشرابات مفيش حاجة عدله يعني.. 

_ يا بنت أنتِ متجننيش ما احنا عارفين من الأول لا فريدة بتطيقك ولا هتجيبلك حاجة عدلة، أنا قولتلك روحي معاها على الحفلة ونقي بنفسك.. تختاري لنفسك يا حبيبتي أنا مش عارفة أعمل معاكي إيه يا أمينة ومش عارفه لو مت هسيبك لمين في الدنيا دي وأنتِ هبلة وعبيطة كدة.. 

مجرد ذكر الموت أرتعبت فقالت:

_ متقوليش كدة تاني يا ماما أنا مليش غيرك وبعدين يا ستي متقلقيش لو على موضوع العريس فأنا في واحد عجبني في الحفلة ومش محتاجاها من فريدة حاجة.. 

أعادت إلي والدتها الروح من جديد فقالت السيدة بسعادة:

_ أيوة كدة فرحي قلبي هي دي الاخبار قوليلي بقى اتكلمتوا مع بعض قالك إيه وقولتله إيه وحصل إيه بالضبط.. 

حمحمت أمينة قائلة:

_ لأ هو يعني لسة ما اتكلمتش معاه بس عرفت عنه شوية حاجات ومنها إنه بيشتغل مع حسن في الدهب يعني عشان كدة أنا قررت أحول ورقي من المستشفي في  اسكندريه لمستشفى هنا في القاهرة.. 

_ مش قبل ما تحولي تعرفي الأول هتقربي منه إزاي ما يمكن بيحب ولا متجوز ولا أي حاجة.. 

_ مش عايزكي تقلقي يا ماما أنتِ عايزيني أتجوز في أقرب وقت وأنا أوعدك أقل من شهرين اتنين هكون مراته.. 

_____ شيماء سعيد عبده ______

ما به اليوم غير طبيعي بالمرة وكثير عليه، بدل ملابسه وأخذ محفظته وهاتفه ومفاتيحه ثم نزل إلي الأسفل، وقف بالحديقة يأخذ بعض الهواء ثم أقترب من حمام السباحة قائلاً:

_ أنزل اعوم شوية؟؟.. لأ طبعاً الجو تلج..

كل الطرق أمامه أصبحت مغلقة فرفع هاتفه وقام بالاتصال على شاهي لتجيب بلهفة:

_ وحشتني يا حسن وحشتني أوي وكنت عارفة إني مش ههون عليك ولا هتسيبني كدة.. 

أخذ نفسه وقال بهدوء:

_ روحي على الشقة يا شاهي نص ساعة وهكون هناك.. 

بسعادة قالت:

_ من عيوني يا باشا قبل ما توصل هكون هناك عشان استقبلك بنفسي زي العادة.. 

أغلق الهاتف بوجهها دون رد وقبل أن يتحرك من مكانه خطوة واحدة آت من خلفه صوت يود التهام صاحبته: 

_ دي الرقاصة اللي أنت تعرفها مش كدة؟!.

هي؟!.. نعم وبكل أسف هي.. للمرة الثانية يتم كشفه على يديها، لابد من أخذ موقف يجب أن يغلق باب نارها قبل أن يفتح دار بوجهه لها بحدة وقال:

_ وانت مالك..

يا ليته لم يعطي وجهه إليها، ماذا ترتدي الحمقاء؟!.. منامة تبدو للبعض عادية لكن أمامه كانت كارثة تطلب منه الذهاب للجنون، لم يشعر بحاله دفعها بقوة للداخل قائلاً بغضب:

_ إيه القرف اللي أنتِ لابسه ده وإزاي تنزلي بيه لحد هنا؟؟.. البيت ده كله شغالين ورجاله وحراس يا آنسة.. 

رأت بعينيه نظرة قرأت عنها كثيرا ولم تراه على رجل من قبل " نظرة الغيرة" هل وقع قبل حتي تنفذ خطتها أو على الأقل رسمها؟!.. يبدو هذا... 

غضبه ارعبها فقالت بتوتر:

_ أنا عارفة إن... إن أقصد الكل نايم بس عشان المكان غريب عليا معرفتش أنام ، فففنزلت يعني أشم شوية هوا وسمعتك بتتكلم  في التليفون ... 

رجفة جسدها المتوتر أمام عينيه أخذ منه عقله، نسي كل ما وعد به نفسه فقال بنبرة هائمة:

_ وبعدين؟!..

أبتلعت ريقها بصعوبة وهمست:

_ وبعدين إيه؟!..

_ بعد ما سمعتيني ..

بللت شفتيها بطرف لسانها لتعطي لنفسها بعض الهدوء وقالت:

 مش عايزك تروحلها..

أقترب منها أكثر وقال:

_ مش عايزني أروح ليه؟!..

قربه مهلك رائحة أنفاسه تغدغت مشاعرها لتجد نفسها تقول:

_ مش عارفة بس خليك..

بمكر أقترب أكثر وقال:

_ بس البيت نايم وأنا زهقان لوحدي..

_ خليك معايا أنا صاحية أهو...