رواية حب المراهقة بقلم نور ربيع
رواية حب المراهقة الفصل الحادي والثلاثون31 بقلم نور ربيع
في يوم جديد واحدث جديده على الابطال ..
في المستشفى عند أمينه.
الدكتورة كتبت لامينه خروج هي والاطفال بعد ما اطمنت عليهم و اتأكدت إن حالتها بقت مستقرة،
وكانت أمينة قاعدة على السرير، بتلم حاجتها بهدوء، وملامحها فيها ابتسامة صغيرة ممزوجة بحزن كبير، كأنها خارجة من المستشفى بجسمها بس، إنما قلبها لسه مليان وجع من اللي شافته وعاشته الفترة اللي فاتت ، وحزينه جدا من حال مهران
الدكتورة بابتسامة: حمد الله على سلامتك يا مدام أمينة، خدي بالك بقى من نفسك، ومن رائف ورهف، وعايزاكي ترتاحي كويس وتبعدي عن أي ضغط أو زعل الفترة الجاية.
أمينة بابتسامة كلها حزن: الله يسلمك يا روحي، حاضر، تسلميلي يا حبيبتي، تعبتك معايا الفترة دي،
الدكتورة بابتسامه لطيفه: تعبك راحه يا حبيبتي حمد لله على السلامه
أمينه: الله يسلمك يا حبيبتي
وجهزت حاجتها وهي مستنيه هاني .. يجي ياخدها
هاني جه في الوقت ده
بابتسامة حنينه: جاهزه يا حبيبتي .؟
أمينه أبتسم بسيط: جاهزه يا حبيبي يلا بينا .
واخد بعضهم وراحوا على البيت معاهم اطفالهم .
_________________________
في منزل السيوفي…
في أوضة شهد…
أمال دخلت الأوضة بهدوء، ولقت شهد قاعدة على السرير، سرحانة ، وعيونها باين عليها مليانه بالدموع ..
قربت منها وقعدت جنبها بهدوء ، عشان تعرف ايه اللي بيدور في دماغ بنتها.
أمال بعتاب: برضه مش هتقوليلي كنتي فين امبارح؟ ولما ناديت عليكي، ليه مردتيش عليا؟ ها يا شهد، أنا بكلمك
شهد بحزن وهي بتفوق من شرودها: مكنتش سامعاكي يا ماما والله، أنا أصلا مكنتش مركزة في أي حاجة حوالي .
أمال بحزن: أومال عقلك فين يا بنتي؟ إيه اللي واخدك من الدنيا كلها بالشكل ده؟ أنا عايزاكي تفوقي لنفسك بقى، وتطلعي كل حاجة من دماغك، كفاية لحد كده
شهد بدموع وقهرة: أطلع إيه بس يا ماما؟ أطلع إيه ولا إيه؟! أنا جوايا حاجات كتير أوي، ومش عارفة هتطلع ازاي من جوايا وهنساها ازاي او ابدا منين حياتي اللي وقفت دي ..
أمال اتنهدت بحزن، ومدت إيدها تمسك إيد بنتها، لكن سرعان ما اتغيرت ملامحها وهي بتتكلم بجدية.
أمال: والله يا بنتي بإيدك، انتي اللي لازم تساعدي نفسك وتخرجي من الدوامة دي. وبالذات أحمد... لازم تطلعيه من تفكيرك ومن قلبك، لأن اللي انتي بتعمليه في نفسك ده تعب على الفاضي، وفوق كل ده، التفكير بالطريقة دي مش هيوصلك لحاجة ترضي ربنا.
شهد بعياط وقهر: أحمد يا ماما! أنا عمري ما توقعت منه كده، والله ما توقعت! كنت فاكرة إنه أكتر واحد ممكن يفهمني، أكتر واحد يكون عارف وفاهم الحقيقه... مش عارفة إزاي قدر يبصلي بالنظرة دي، وإزاي قدر يقسى عليا بالشكل ده ويظلمني .
أمال بمرارة: لأن أحمد، لو شاف الحقيقة بعينيه، ساعات بيبقى صعب عليه يعترف إنه غلطان. بيبقى شايف اللي قدامه هو الغلطان، حتى لو الحقيقة غير كده. ولما يفوق ويعرف إنه ظلم حد، ساعتها بس ممكن يفهم هو عمل إيه... لكن إنتي مش هتفضلي واقفة مكانك مستنياه يفوق يا شهد
شهد هزت راسها وهي بتعيط، وقالت بوجع: ليه يا ماما؟ ليه يعمل فيا كده؟ أنا عملتله إيه لكل ده؟! ده أنا حبيته، والله ما حبيت حد غيره... كنت شايفاه غير كل الناس، وعمري ما تخيلت إنه يكون قاسي كده.
أمال مسحت دموعها بإيدها، وبصتلها بنظرة كلها شفقة على حالها، وبعدها قالت بعتاب ممزوج بالغضب ..
أمال: شوفتي بقى؟ شوفتي إزاي أول ما وقعتي في الفتنه جه عليكي وظلمك ازاي وما صدقكيش، صدق كل حاجة عليكي من غير ما يتأكد؟! صور، وكلام مهران، واتهامات مش من حق حد يصدقها لمجرد إنه شاف صورة أو سمع حكاية! فين الحب اللي كان بيتكلم عنه؟ فين الثقة اللي المفروض تكون بينكم؟
سكتت لحظة، وبعدين كملت وهي بتضغط على إيد شهد ..
أمال بوماسيه: يا بنتي، اللي بيحب حد بجد المفروض يسمعه، ويديله فرصة يتكلم، مش يحكم عليه ويديله ضهره من أول موقف! أنا مش بقولك إن أحمد لازم يفضل غلطان طول عمره، ولا إنك لازم تكرهيه... أنا بقولك بطلي تعذبي نفسك عشانه. انتي مش مطالبة تثبتي براءتك لحد اختار يسمع الناس قبل ما يسمعك
شهد بوجع ودموع: بس أنا لسه بحبه يا ماما... والله لسه بحبه، حتى بعد كل ظلمه فيا. أنا نفسي أنسى، نفسي أبطل أفكر فيه، بس مش عارفة! كل ما أفتكر كلامه ونظراته ليا، بحس إني اتكسرت من جوايا أكتر... أنا مش قادرة أستوعب إن ده أحمد اللي كنت بحلم بيه يعاملني بالقسوه دي كده هو كمان طلع اقوى من مهران .
أمال بغضب من خوفها عليها: يا شهد، فوقي بقى! هتفضلي أسيرة لوجعك لحد إمتى؟! هتفضلي كل يوم تصحي وتنامي وانتي بتفكري في واحد مش عارف انتي بتعاني قد إيه من قسوه الحياه .؟ كفاية تضيعي نفسك وسط كل ده، كفاية تسيبي الحزن ياكل فيكي! إنتي محتاجة تقفي على رجلك وتبصي لحياتك، مش تفضلي عايشة في اللي فات
شهد سكتت، ومسحت دموعها بطرف إيدها، وحاولت تجمع نفسها قدام أمها، رغم إن قلبها كان مليان كلام ووجع مش عارفة تطلعه.
أمال بهدوء بعد ما لاحظت سكوتها: بصيلي يا شهد.
شهد رفعت عيونها ليها بصعوبة بانكسار.
أمال: أنا مش هقولك انسيه في يوم وليلة، ولا هطلب منك إنك تتحكمي في مشاعرك كأنها زرار وتطفيه ، او هقولك انسي في لحظه كده او ثانيه اللي مهران عملو فيكي أنا عارفة إن الموضوع مش سهل، وإن اللي انتي مريتي بيه مش قليل. بس كل اللي بطلبه منك إنك متخليش حبك لاحمد، او تفكيرك في الماضي واللي عدى .. يضيعك، ولا تسمحي لوجعك يسرق منك باقي عمرك. سيبي الأيام تعدي، وسيبي كل واحد يتحمل نتيجة اختياراته، وانتي اهتمي بنفسك وبحياتك وباللي ربنا كتبهولك.
شهد فضلت باصة لأمها، ودموعها بتلمع في عيونها، قبل ما تهز راسها بهدوء، كأنها بتحاول تقنع نفسها بالكلام اللي سمعته.
أمال قربت منها، ومسحت دمعة نزلت على خدها، وبعدها حطت إيدها برفق على بطنها، وابتسمت ابتسامة صغيرة وهي بتقول ..
أمال بحنان: وبعدين يا حبيبتي، إنتي مش لوحدك... ربنا بعتلك أمانة صغيرة محتاجة منك تكوني قوية، وتستقبلي الأيام الجاية بقلب أهدى. يمكن البيبي ده يكون بداية جديدة ليكي، وسبب يخليكي تتمسكي بالحياة وتبصي لقدام بدل ما تفضلي واقفة عند وجعك.
شهد بابتسامة باهتة وسط دموعها: إن شاء الله يا ماما... ربنا يقدرني وأبقى قوية، وأعرف أعدي كل ده.
أمال بحنان: ربنا يقويكي يا حبيبتي، ويجبر بخاطرك جبر يليق بقلبك، ويعوضك عن كل لحظة وجع عيشتيها.
شهد ابتسمت بحزن، وبعدين قالتلها بفضول
شهد: طب قوليلي يا ماما، هو ميار سافرت فين دلوقتي؟
أمال: ميار في أوروبا يا حبيبتي، دخلت كليه طب في اوروبا ، وامتحاناتها قربت خلاص كلها اسابيع . وهتنزل اجازه الشهر الجاي باذن الله
شهد بابتسامة هادية: ما شاء الله، اللهم باركلها يا رب، ربنا يوفقها ويكرمها.
أمال بابتسامة بسيطة: آمين . وعلى فكرة، هي كمان اتخطبت، ووليد كمان بقى مرتبط دلوقتي بيها خلاص هانت هيكتبو الكتاب في الاجازه دي
شهد بصتلها باستغراب للحظة، وبعدها ضحكت ضحكة قصيرة فيها سخرية من نفسها أكتر ما فيها فرحة.
شهد: كمان؟ ياااه ده أنا فاتني كتير أوي بقى... دا انا بقى على كده طلعت الدنيا احلى بكتير عن اللي كنت عايشه فيها ..
أمال بحزن: كتير يا شهد، بس الحمد لله على كل حال. المهم دلوقتي إنك تكوني بخير، وتقدري تقفي على رجلك من تاني. اللي فات فات، وربنا وحده أعلم بالخير اللي مخبيه لينا.
شهد وهي بتتنهد: الحمد لله يا ماما... الحمد لله على كل حال.
سكتت شوية، وبعدها بصت لأمها وكأنها أخدت قرار مفاجئ.
شهد: أنا هكلم ميار يا ماما، وحشاني أوي، ونفسي أسمع صوتها ، واقولها الخبر الحلو ده انا لسه عايشه .. هتنبسط جدا وهتفرح
أمال وهي بتقوم من جنبها: طيب يا حبيبتي، كلميها براحتك. وأنا هروح أشوف ورايا إيه تحت، ولو احتجتي أي حاجة نادِي عليا.
شهد: حاضر يا ماما.
أمال قربت منها وباست راسها بحنان، وبعدها خرجت من الأوضة وهي بتدعي في سرها إن ربنا يريح قلب بنتها ويهون عليها اللي شافته.
أما شهد، ففضلت قاعدة مكانها للحظات، بتبص قدامها بشرود، قبل ما تمد إيدها وتجيب تليفونها من جنبها.
مسكت تلفونها اللي كان وحشها من زمان جدا .. فتحت صفحتها ، وجبت الاكونت بتاع ميار . وهي متشوقه جدا تسمع صوتها .
_________________________
اما عند ميار في أوروبا…
كانت ميار نايمة بعمق، وفجأة صوت الفون بدأ يرن جنبها. اتقلبت على الناحية التانية بزهق، وشدت المخدة على ودنها، لكن لما الرنة استمرت بتاع الماسنجر ، فتحت عيونها بالعافية ومدت إيدها جابت الفون.
ميار بنعاس: مين الرخم اللي بيرن ده دلوقتي ، ما صدقت جه اليوم ده اجازه في كليه؟
رفعت راسها عن المخدة، وبصت للشاشة باستغراب لما لقت الاتصال جاي من أكونت شهد. فتحت عيونها أكتر، واعتدلت في قعدتها وهي بتتمتم بعدم تصديق.
ميار باستغراب: إيه ده؟! مين اللي بيتصل من أكونت شهد . لما هو تليفونها مقفول اصلا من وقت وفاتها .
فتحت المكالمة وهي لسه مش مستوعبة.
ميار: ألو، مين؟
شهد بضحكة مخلوطة بالتعب: مفاااااجأة آآآنااا شهههد... وحشاااانييي كتييير أوي يااا مرمررر
ميار بصدمة: شهد مين؟!
سكتت لحظة، وركزت في الصوت اللي جاي من الناحية التانية، قبل ما عيونها تتوسع فجأة.
ميار بعدم استيعاب: استني... استني بس! ده فعلًا صوتك انتي يا شهد؟! إنتي بجد؟! إزاي؟! انتي عايشة إزاي؟! لا لا، أنا أكيد بحلم... صح؟ أنا لسه نايمة وبحلم
شهد بسرعة ودموعها بدأت تتجمع في عيونها: لا يا بنتي، مش بتحلمي أنا شهد فعلًا، والله أنا عايشة يا روحي
ميار حطت إيدها على بقها من الصدمة، وقلبها بيدق بسرعة وهي بتحاول تستوعب الكلام.
ميار بصدمة: إزاي عايشة يا بنتي؟! إنتي مين بالظبط؟! طب ومين اللي ماتت دي؟! أنا مش فاهمة حاجة
شهد مقدرتش ترد عليها، ففتحت الكاميرا، ميار فتحت الكاميرا ايضا بدون تردد .. علشان تتاكد اكتر انها شهد
وبمجرد ما وش شهد ظهر على الشاشة، ميار قامت من السرير بسرعة، وقربت الفون من عيونها، وفضلت تبصلها بذهول، كأنها خايفة ترمش فتختفي من قدامها.
شهد بدموع وابتسامة موجوعة: وحشاني يا ميار... وحشتيني أوي والله
ميار بانهيار ودموعها نزلت: يا نهار أبيض! أنتي فعلًا شهد! أنتي عايشة يا شهد؟! طب إزاي؟! أومال مين اللي ماتت دي؟! أنا مش قادرة أصدق، والله مش قادرة
شهد بوجع: هحكيلك يا ميار، هحكيلك على كل حاجة... ده أنا اتبهدلت في حياتي والله، وشوفت أيام عمري ما كنت أتخيل إني أشوفها
ميار مسحت دموعها بسرعة حاولت تهدى وتستوعب، وقعدت على طرف السرير وهي لسه مش قادرة تشيل عيونها من على الشاشة.
ميار بلهفة: طب احكيلي يا شهد، أرجوكي احكيلي! انتي كنتي فين كل ده؟! وإيه اللي حصل؟! وليه كنتي مختفيه الفتره دي كلها؟! أنا عندي أسئلة كتير أوي ومش عارفة أبدأ منين ومش فاهمه حاجه والله يا حبيبت قلبي
شهد وهي بتاخد نفسا متقطعا: حاضر يا ميار... هحكيلك كل حاجة من أولها، بس بالله عليكي اسمعيني للآخر، عشان اللي حصل معايا مش سهل أبدًا.
ميار بدموع: أنا سامعاكي يا حبيبتي، والله سامعاكي... اتكلمي، أنا معاكي.
_________________________
في اسطنبول ..
باب جناح الفندق اتفتح ، ودخلت سارة وهي بتنفض فستانها من قطرات المطر ،
وكان في الايد الثانيه صندوق كبير كبيراً فخماً باللون الأبيض ومربوط بشريط حريري أحمر.
بصتلها جميله بابتسامة .
نور: ساره وين راح نخرج اليوم ، وشو بنسوي في هذا اليوم . ما بدنا نضيع وقتنا في هذا الاسبوع بالفندق .
قربت سارة منها بابتسامة واسعة ، وحطيت الصندوق قدامها ..
ساره بابتسامة يا بعد قلبي ما هيفوت يوم على الفاضي هيك لا تقلقي يا روحي ، شوفي كريم مجهزلك مفاجأة تطير العقل، وامرني أسلمك الأمانة. يلا يا عروستنا، البسي ، السيارة تنتظرك تحت
فتحت نور الصندوق بذهول، لقيت فستان أحمر ستان يخطف القلوب حرفيا ويسحر العين ، ومعاه حجاب ستان ايضا، وصندل ذو كعب عال وأنيق. ونقاب بتاعه معاه
غمرتها فرحة لا توصف،
وخلال ساعة كانت جهزت بالفعل ،
━━━━━━━━━━━━━━━━━━━━━━━━━━━━
حِكَايَةٌ بِقَلَمِ الْكَاتِبَةِ نُــــور رَبِــــيــــع NR ♥️👑
━━━━━━━━━━━━━━━━━━━━━━━━━━━━
وصلت العربية للمكان اللي بيطل مباشرة على مضيق البوسفور، ونزلت جميلة وهي رافعة أطراف فستانها الأحمر بحرص، وهي متفاجئه بمكان ساحر متجهز مخصوص عشانها على البحر مباشرة.
الأجواء كانت خيالية بكل معنى الكلمة؛ المطر بينزل رذاذ خفيف بيلمع تحت أضواء جسر البوسفور المتلألئة، والمكان كله كان مليان بسحر خاص، ممزوج بريحة الياسمين والمطر.
على الترابيزة الأنيقة،
كانت الشموع منورة وسط فوانيس زجاجية بتحمي لهبها من نسمات الهوا الباردة، وحواليها بتلات الورد الأحمر متناثرة في كل مكان، عاملة أجواء رومانسية تخطف القلب
وقفت جميله مكانها وهي بتبص حواليها بانبهار، عيونها بتلمع من شدة الفرحة، والدموع بدأت تتجمع فيها من جمال المفاجأة، وكأنها مش مصدقة إن كل ده معمول عشانها هي من كريم.
وفجأة، سمعت صوت خطوات واثقة وراها، فلفتت ببطء، لتتفاجئ بكريم واقف قدامها بكامل هيبته وأناقته، لابس شتوي أنيق يناسب الجو، وعيونه مليانة حب وإعجاب بيها، وكأنه مش شايف في الدنيا كلها غيرها.
كان ماسك في إيده بوكيه كبير من الورد الجوري الأحمر، وقطرات المطر لسه بتلمع على وريقاته.
جميلة فضلت بصله للحظات، مش عارفة ترد من كتر كسوفها وفرحتها، وبعدها مدت إيديها وأخدت منه البوكيه، وهي حاسة إن قلبها بيدق من الفرحة.
ابتسمت ابتسامة رقيقة، ونزلت عينيها بخجل وهي بتشم ريحة الورد، بينما قطرات المطر الناعمة بتلمس وشها، ونسمة الهوا الباردة بتتحرك حواليها.
لكن وسط كل الجمال ده، كانت حاسة بدفا مختلف تماما... دفا اللحظة اللي كريم صنعها عشانها، واللي هتفضل محفورة في قلبها .
━━━━━━━━━━━━━━━━━━━━━
في القاهرة ...
في منزل عائله السيوفي .
واما في اوضه احمد ..
أحمد من وقت ما اكتشف الحقيقة، وهو لسه مش قادر يستوعب أي حاجة حصلت. من وقت ما رجع من مركز الشرطه من عند مهران ، رجع بجسمه، لكن عقله كان لسه واقف عند اللحظة اللي عرف فيها إن شهد عايشة، وإنها رجعت بعد غياب سنتين، وفوق كل ده حامل. كان حاسس إن كل حاجة جواه اتقلبت، وإنه فجأة بقى عاجز حتى عن التفكير ،، كان طول الوقت قاعد لوحده في صمت، ملامحه جامدة وعيونه تايهة، لكن جواه كان في وجع كبير مش عارف يعبر عنه. كان حزين ومصدوم ومقهور، وحاسس إنه مهزوم قدام حقيقة أكبر من قدرته على الاستيعاب، وكل ما يحاول يرتب أفكاره، يلاقي نفسه بيرجع لنفس النقطة من جديد، وكأن اللي حصل أكبر من إنه يكون حقيقي
كانت الأوضة غرقانة في الهدوء، والستائر مفتوحة، وأشعة الشمس داخلة من الشباك ومنعكسة على السرير، بينما أحمد كان نايم بإرهاق شديد، ملامحه باهتة، وكأنه بقاله أيام مش عارف يرتاح من كتر التفكير والوجع اللي جواه.
الباب اتفتح بهدوء، ودخلت أميرة بخطوات خفيفة، وهي بتبص عليه بحنان وقلق. قربت من السرير، لكن قبل ما تلحق تتكلم، شعاع الشمس وقع مباشرة على عيون أحمد، فبدأ يتململ بضيق، ورفع إيده بسرعة يحطها على عيونه عشان يحجب النور.
أحمد بصوت مخنوق من النوم: يمه... اقفلي الشباك بالله، النور جاي في عيني.
أميرة بصتله بحزن، واتحركت ناحية الشباك وهي بتسحب الستائر وتقفلها، لحد ما الأوضة بقت هادية والإضاءة خفيفة.
أميرة وهي بتبصله: كده أحسن يا حبيبي؟
أحمد شال إيده عن عيونه ببطء، وفتح عيونه بصعوبة، وبصلها للحظات قبل ما يرجع يسند راسه على المخدة، وكأنه حتى الكلام بقى تقيل عليه.
أميرة قربت منه وقعدت على طرف السرير، ومدت إيدها على شعره بحنان.
أميرة بقلق: مالك يا أحمد؟ إنت لسه في الدوامه دي يا ابني؟
أحمد اتنهد بتعب، ولف وشه الناحية التانية من غير ما يرد، ففضلت أميرة باصله بحزن، مش عارفة إيه اللي ممكن تقوله لابنها عشان تخفف عنه الوجع اللي واضح في عيونه، حتى وهو بيحاول يخبيه.
أميرة بصوت هادي: يا حبيبي، طب قوم اغسل وشك وتعالى نفطر سوا، إنت من امبارح ما كلتش حاجة .
أحمد اخد نفس طويل وقال بكل جمود: نور مظلومه يا امي
أميرة رفعت عيونها لي ، والدموع لمعت في عيونها بسعاده من براءه بنت اختها وفي نفس الوقت حزن ووجع على حل اللي بيحصل في بيتها
أميرة ابتسمت بفرحه ونفس الوقت بحزن: كنت حاسه كنت حاسه والله العظيم وانتوا اللي حكمتو عليها وحتى ما خليتوهاش تبرر او تدافع عن نفسها ..
أحمد بشرد وتوعد: مش هسكت مش هسكت غير وهي راجعه يا امي وبراءتها هتظهر قدام الكل هنا وهعرف هي فين وهعرف مين الراجل السعودي اللي اخدها ده بظبط
أميرة بقله حيله ونفس الوقت أمل: يارب يا أحمد يارب يا بني يارب
سكتوا قليلا ، ثم بصتله وقالتله بجمود
أميرة بحزن: وشهد مظلومه يا احمد .
أحمد غمض عيونه وقال باستحقار فيها: بالله عليك يا امي اقفلي على سيره شهد خالص
أميرة بحزن وتحذير: هتندم زي ما ندمت دلوقتي على ظلمك لنور يا أحمد
أحمد بسخرية وجع: لما يجي وقتها للندم يحلها ربنا ان شاء الله
━━━━━━━━━━━━━━━━━━━━━━━
في غرفه شهد ...
شهد كانت لسه في المكالمه فديو مع ميار ..
كانت شهد قاعدة قدام شاشة تلفون، عيونها مليانة دموع، وصوتها بيترعش وهي بتحاول تحكي لميار كل اللي حصل معاها. كانت كل ما تفتكر اللي عاشته تحس إن الوجع لسه جواها، وإنها مهما حاولت تتماسك مش قادرة تستوعب إزاي حياتها اتقلبت بالشكل ده في لحظة واحدة.
شهد بقهرة ودموعها بتنزل: شوفتي بقى حصلي إيه؟ شوفتي أنا وصلت لإيه؟ وأحمد... أحمد اللي حبيته أكتر من نفسي، واللي كنت مستعدة أعمل عشانه أي حاجة، عمل فيا إيه!
ميار بصدمة وحزن: أنا لحد دلوقتي مش قادرة أصدق يا شهد، والله العظيم مش قادرة أستوعب إنك عايشة، وإن كل ده حصل معاكي من غير ما نعرف الحقيقة ، ازاي قدرتي تتعيشي كل ده لوحدك؟؟ ،، إنتي متعرفيش إحنا كنا عاملين إزاي بعد ما الدكتور قال إنك موتي... البيت كله كان مقلوب، ومحدش فينا كان قادر يصدق إنك مشيتي وسبتينا. بس استني... هي البنت اللي كانت في الأوضة مكانك دي مين؟ وإزاي محدش اكتشف الحقيقة من الأول؟
شهد بحزن وهي بتبص بعيد عن الشاشة: حتى أنا نفسي مش قادرة أستوعب يا ميار... أنا كنت مبسوطة أوي، وكنت فاكرة إن حياتي هتكمل زي ما أنا بتمنى، وفجأة كل حاجة اتقلبت في ثانية. بقيت لوحدي، وخايفة، ومش عارفة أروح فين ولا أعمل إيه... حتى الناس اللي كنت فاكرة إنهم أماني، بقوا هما أكتر ناس وجعوني.
سكتت لحظة، وشفايفها اترعشت وهي بتحاول تمنع عياطها، لكن دموعها خانتها.
شهد بوجع ودموع كسرها: وأحمد يا ميار... يا وجع قلبي على أحمد! أنا مش عارفة أكرهه، ومش عارفة أنسى اللي عمله فيا. كل ما أفتكر إنه ظلمني بالشكل ده، قلبي بيتوجع... وبرضو مش قادرة أتمنله حاجة وحشة. ربنا يسامحه على كل وجع حسهوني بيه.
ميار بحزن عليها: بصي يا شهد، اللي حصل حصل، ومهما عيطتي أو فضلتي تفكري في اللي فات، مش هنعرف نرجع الزمن ونغير حاجة. بس اللي نقدر نعمله إننا منسمحش للي حصل يدمر الباقي من حياتنا.
اتنهدت، وبصت للشاشة بحزن قبل ما تكمل.
ميار: وبالنسبة لأحمد، فإنتي مش لوحدك اللي شايفة التغيير اللي حصل فيه. أحمد اتغير مع الكل، حتى أنا مبقاش بيتكلم معايا زي الأول، وبقيت حاسة إن وجودي نفسه بقى تقيل عليه. بقى قاسي بطريقة عمري ما شوفتها فيه قبل كده.
شهد باستغراب ودموعها متعلقة في عيونها: بس ليه؟ هو أحمد بقى كده ليه يا ميار؟ أنا مش فاهمة إيه اللي وصله للمرحلة دي
ميار بحزن: من ساعة ما عرف إنك مش عايزاه، وإنك وبعدتي عنه ورفضتي تكملي معاه، وهو مش زي الأول. ولما مهران بعتله الصور بتاع اليوم اللي دخلتي فيه المستشفى، وعرف إن مهران كان السبب في كل اللي حصلك، الدنيا اسودت في وشه أكتر. بقى شايل جواه غضب من كل حاجة، وبدل ما يواجه وجعه، اختار إنه يقسى على كل اللي حواليه.
شهد بدموع وقهرة: بس أنا بحبه يا ميار... والله بحبه! عمري ما كنت أتمنى أكون سبب في زعله أو وجعه، بس كنت أعمل إيه؟ كنت أكمل في حاجة ربنا مش راضي عنها؟ كنت أفضل ماشية في طريق غلط لمجرد إني خايفة أخسره؟ أنا كنت عايزاه يختار الصح معايا، ونرضي ربنا، علشان ربنا يرضى عننا ويباركلنا في حياتنا.
نزلت دمعة على خدها، ومسحتها بسرعة وهي بتكمل بصوت مكسور ..
شهد: أنا مكنتش عايزة أخسره، أنا كنت عايزة أكسبه بالحلال... بس هو مش فاهم ده، ومش عايز حتى يسمعني. وانا ما خنتهوش نفسي اعرف الحقيقه بقى والله ما خنته .
ميار بتنهد: أنا فاهماكي يا شهد، وعارفة إن مشاعرك ناحيته حقيقية، بس إنتي لازم تفهمي إنك مش هتقدري تغيري تفكيره بالعافية. هو دلوقتي مش مستعد يسمع منك، ومهما حاولتي تبرري لي، ممكن يفهم كلامك غلط. علشان كده بلاش تضغطي على نفسك أكتر من كده.
شهد وهي بتمسح دموعها:أحاول إيه بس يا ميار؟ أنا خلاص تعبت... تعبت من الخوف، ومن الوحدة، ومن إني كل يوم أصحى ألاقي نفسي في مشكلة جديدة. والله العظيم بقيت مش عارفة أعمل إيه ولا أروح فين، وكل اللي كنت بحلم بيه راح مني.
ميار بحزم وهي بتحاول تفوقها: لا يا شهد، إنتي مش هتفضلي كده! اسمعيني كويس، إنتي لسه صغيرة، ولسه قدامك حياة كاملة. اللي حصل وجعك، آه، بس مش معنى كده إن حياتك انتهت عنده. إنتي لازم ترجعي لنفسك، ترجعي لدراستك، وتبدئي من جديد.
سكتت ثواني، وبعدين كملت بنبرة أهدى ..
ميار كملت بجدية: ارجعي خدي دروسك، وابدئي من أولى ثانوي من جديد، وركزي في مستقبلك. متخليش لا أحمد ولا مهران ولا أي واحد فيهم يكون سبب إنك تضيعي نفسك. واللي ظلمك دا سيبيه للزمن هو اللي هيجي عليه ،
شهد بيأس شديد : مش عارفة إذا كنت هقدر أعمل كل ده ولا لأ، بس أنا فعلًا مش قادرة أرجع زي الأول. حاسة إن في حاجة جوايا اتكسرت ومش عارفة هتتصلح إمتى.
ميار بعصبية ممزوجة بالخوف عليها: يا شهد، محدش قالك إنك لازم تبقي كويسة في يوم وليلة! خدي وقتك وعيطي لو محتاجة تعيطي، وازعلي لو لسه موجوعة، بس أوعي تستسلمي. فيه فرق بين إنك تكوني موجوعة، وبين إنك تسلمي حياتك كلها للوجع. إنتي تستاهلي تعيشي وتفرحي وتحققي أحلامك، ومش من حق اللي حصل يسلبك ده كله.
شهد بصوت خافت: هحاول يا ميار... والله هحاول.
ميار بابتسامة حنونة:هو ده اللي أنا عايزاه منك. عايزاكي ترجعي شهد اللي أعرفها، البنت اللي مهما وقعت كانت بتحاول تقوم تاني. وإن شاء الله خلاص هانت هنزل القاهره وهجي وأخدك في حضني، وهنقعد نحكي بالساعات زي زمان، وعندي كلام كتير أوي عايزة أحكيهولك.
شهد بابتسامة صغيرة مخلوطة بالوجع: ربنا يجيبك بالسلامة يا حبيبتي، نفسي أشوفك أوي. محتاجة أقعد معاكي وأحكيلك كل حاجة من غير ما أخاف أو أحس إني مضطرة أخبي وجعي والله يا ميار
وفجأة، افتكرت شهد حاجة كانت شاغلاها من وقت ما بدأت تتكلم مع ميار، فاتغيرت ملامحها وبصتلها بعتاب ، في شاشه
ميار باستغراب: إيه يا بنتي؟ مالك اتغيرتي فجأة كده؟
شهد بعتاب: ليه بتقولي لاهلنا إن نور هي السبب في كل اللي حصلي؟ وإن هي وأمينة ليهم علاقة بالموضوع؟ أنتي إيه اللي خلاكي تشكي فيهم بالشكل ده؟
اتلخبطت ميار، وحاولت تخفي توترها وهي بتبعد عيونها عن الشاشة.
ميار بتوتر: أحم... بصي، أنا كنت شاكة فيها، وحسيت إن فيه حاجات مش مفهومة بتحصل، فقولت اللي كان في دماغي وقتها.
شهد بحزن: بس دا كان مجرد شك ما تاكدتيش ليه قبل ما تقولي يا ميار.؟ أنا مش عايزة حد يظلم بسببي، ولا عايزة حد يتهم حد بحاجة وهما ما لهمش يد في حاجه ليه الظلم ده حرام .
ميار بتغير كلام بسرعه: حبيبتي انا قولت انها سبب هي ومرات ابوها معلش يا حبيبتي، خلاص، متشغليش بالك بالموضوع ده دلوقتي. أهم حاجة عندي إنك تكوني بخير، ولما انزل نبقى نتكلم في كل حاجة براحتنا.
وقبل ما شهد ترد، رن تلفونها برقم غريب.
شهد: ميار طيب في حد بيرن عليا اشوف مين اللي بيرن وهكلمك تاني .
ميار بتفاهم: طيب يا حبيبتي، بس متتأخريش عليا، عايزة أكلمك في حاجات كتير.
ابتسمت شهد ابتسامة بسيطة ..
وبعدها فتحت المكالمة وردت بحذر.
شهد: ألو، مين معايا؟
جالها صوت تعرفه كويس، صوت كان كفيل يغير ملامحها كلها في لحظة.
مهران بسخرية: إيه يا روحي لحقتي، نسيتي صوتي بالسرعه دي؟ انا جوزك المهران يا حبيبت قلبي
اتجمدت شهد مكانها، وغمضت عيونها بضيق، وهي بتلوم نفسها على فضولها اللي خلاها ترد على الرقم الغريب.
شهد بعتاب في نفسها: يا ربي! هو أنا ليه الفضول قتلني اني اعرف مين اللي بيرن ، ما كنتش رديت انا أصلا
شهد بتوتر: أحم... إنت عايز إيه يا مهران؟
مهران بجمود؛ شهد طمنيني عليكي انتي كويسه
شهد بحدة: قلقان عليا اوي .؟ مش عايزك تقلق ولا عايزك تفكر فيا لمجرد تفكير خليك في نفسك وتلهي في حالك وخليك في بلوتك يا مهران ، انا كده كده ارتحت من شرك وانت هتاخد تابيده ان شاء الله .. حط في بالك اهلي مش هيسكتوا دا حالفين ليك انهم لا يخلوك تاخد اعدام قريب
ضحك مهران ضحكة كلها سخريه: صلاه النبي احسن الله الله على الكلام اللي بسمعه منك يا مراتي الحلوه ، ثم كمل بجمود وجديه ، ودخل في الحوار بدون مقدمات
مهران بهدوء هريب: مش إنتي عايزة تطلقي؟
شهد بسرعة ومن غير تفكير: أيوه، طبعًغا عايزة أطلق! هو أنا هفضل مربوطة بيك لحد إمتى؟ أنا عايزة أخلص منك ومن كل المصايب اللي دخلتني فيها.
مهران: حلو أوي. يبقى تسمعي كلامي وتساعديني أخرج من هنا.
شهد بصدمة: نعم؟! أساعدك تخرج إزاي إن شاء الله؟ إنت فاكرني أقدر أعمل إيه؟ أنا نفسي مش عارفة أتصرف في حياتي، وهربانة من المشاكل اللي إنت كنت السبب فيها
مهران بغل مكتوم: اسمعيني كويس يا شهد لو عايزاني اطلقك واسيبك في حالك ، يبقى تقفي في وش اهلك وتتنازلي عن كل القضايا اللي عليا الخطف والجوازه والاغتصاب وكل اللي حصل ده تتنازلي عنهم وقضيه المخدرات اللي احمد لفقني فيها ، تشهدي وتقولي ان هو السبب انا عايز اخرب بيته
شهد بدموع وغضب: لا انا مش هعمل كده طبعاً براحتك
مهران بلهجة غامضة: تعاليلي يا شهد تعالي مركز الشرطه ، اطلبي زياره من الظابط اللي هنا وقوليله عايزه اشوف مهران جوزي من غير ما حد من اهلك او احمد بالاخص احمد ده . وهرسيك على كل حاجه
شهد بخوف: لا، لا يا مهران، أنا مش هقدر أجيلك. إنت عارف إني خايفة، ومش ضامنة إنت ممكن تعمل إيه
مهران أبتسم وقال بصوت حنين: خايفه مني؟ ما تخافيش يا شهد خلاص على كده مستحيل أذيكي ما تقلقيش وما تنسيش ان انا دلوقتي في ضيقه مستحيل اقدر ااذيكي اصلا ، تعالي وما تخافيش انا عايزه اشوفك واتفق معاكي على حاجه
شهد بتردد وخوف: طيب... طيب، هفكر وهشوف
مهران بحزن شديد: متتأخريش في التفكير، يا شهد تعالي بسرعه انا عاوز اشوفك في أسرع وقت .
سلام ..
وقفل المكالمة
فضلت شهد باصة لفون في صمت، وقلبها بيدق بسرعة. كانت لسه بتحاول تستوعب كلامه، ومش عارفة إذا كان بيقول الحقيقة فعلًا، ولا بيحاول يجرها لمصيبة جديدة.
كل اللي كانت متأكدة منه إنها مش عايزة ترجع لنفس الدوامة تاني، لكن كلام مهران عن القضايا ، و أحمد كان في صلاحها لكن قلقها اكتر وخوفها.
شهد في نفسها بحيرة: أعمل إيه دلوقتي؟ أصدقه وأروح أعرف الحقيقة، ولا أبعد عنه خالص وأريح دماغي؟ يا رب، أنا مش ناقصة وجع تاني... دلّني على الصح.
━━━━━━━━━━━━━━━━━━━━━
في قسم الشرطه .
كان الممر المؤدي إلى الحجز مليان بحركة أفراد الشرطة، وفي وسطهم كان مهران خارج من مكتب التحقيقات، وإيديه متكلبة، وملامحه جامدة بشكل مستفز، كأنه لسه مش مستوعب إن نهايته ممكن تكون قربت، أو يمكن كان بيحاول يبان بالقوة اللي اتعود يخوف بيها كل اللي حواليه.
على بعد خطوات، كان أحمد واقف منتظر خروجه، وملامحه مرهقة، وعينيه غرقانة في شرود طويل، كأن روحه لسه محبوسة وسط كل المصايب اللي عرفها في الفترة الأخيرة. كان واقف بالعافية، بيحاول يستوعب الحقيقة اللي قلبت حياته، لكنه كان بيحاول يكون اقوى ...
وهاني في اللحظه دي كان موجود ومعاه محامي لمهران ..
أحمد أبتسم بسخرية وجحود وقال: ما تتعبش نفسك يا ابو نور ، اخو مراتك مش هيطلع بسهوله كده ولا انت ولا المحامي اللي معاك ده هتقدرو تخرجوه من هنا دا ورا بلاوي تودي ورا عين الشمس ...
هاني بجمود: احنا سايبينها على الله
أحمد بسخرية: ونعمه بالله
مهران خارج من المكتب وسط أفراد الشرطة.
في اللحظة دي، إيد أحمد اتقبضت بقوة، وعيونه ثبتت عليه، والغضب اللي كان بيحاول يدفنه جواه بدأ يصحى من جديد.
لكن قبل ما أحمد ينطق بكلمة، صوت خطوات سريعة وعنيفة دوى في الممر.
عبد الله ووليد دخلوا القسم .
كان عبد الله بيتقدم بخطوات واسعة، ووشه متغير من شدة الغضب، ووليد جنبه، وعيونه بتدور في المكان لحد ما وقعت على مهران.
وفجأة...
وليد قال بصوت عالي جدا: مهــــــران
مهران لف وشه ناحية الصوت،
وليد اندفع ناحيته بكل قوته، وعبد الله جري علي مهران من غير ما يفكر لحظة واحدة.
عبد الله بصوت مدوي: يا ابن الـ... يا مجرم
في ثانية واحدة، الممر كله اتقلب ..
وليد وصل لمهران وحاول يهجم عليه، لكن أفراد الشرطة اندفعوا بسرعة ومنهم احمد..
مسكو وليد وبعده عنه، وعبد الله كان بيحاول يفلت من إيد العسكري اللي مسكه جامد، وهو بيقاوم بعنف، وعبونهغ مش شايفة قدامها غير الراجل اللي دمر حياة بنته.
وليد وهو بيحاول يفلت من إيد العسكري يغضب : سيبوني احنا مش هنرحمه انا هشرب من دمه على كل حاجه اعملها في بنتنا
عبد الله بغضب وصوت عالي: والله ما هسيبك يا مهران!! والله لأخليك تندم على اليوم اللي اتولدت فيه!! فاكر إنك هتخرج من هنا وتعيش حياتك عادي؟! ده أنا هفضل وراك لحد ما تتحاسب على كل لحظه وجعت فيه بنتي
مهران، رغم إن إيديه متكلبشه، رفع راسه وبصلهم باستهزاء، وكأنه بيتعمد يزود النار اللي جواهم.
مهران ببرود مستفز: إنتوا اتجننتوا؟! إيه اللي بتعملوه ده؟! هو أنا عملت إيه لكل الدوشة دي؟ دي مراتي يا جدعان
الكلمة دي كانت كفيلة إنها تفجر الموقف أكتر.
وليد قدر يفلت إيده للحظة، واندفع ناحيته وضربه في وشه جامد،
لكن العسكري لحقه في آخر لحظة قبل ما تحصل كارثه اكبر ،
واتنين من أفراد الشرطة مسكوا عبد الله، بينما باقي القوة حاولت تأمن مهران وتبعده عنهم.
وليد بصوت غضبان جدا وعالي : عملت إيه؟! إنت بتسأل عملت إيه؟! إنت فاكر اللي عملته في شهد حاجة سهله يا حقير يا مجرم؟! فاكر إنك لما خطفت بنتنا وحرمتها من حياتها وأمانها، إحنا ممكن نسكت دا احنا هندمرك وهنخرب بيت اهلك
عبد الله وهو بيقاومهم بعنف: اسمع يا مهران، أقسم بالله العظيم ما هسيب حق بنتي! هخليك تتحاسب على كل جريمة عملتها، وهطلب أقصى عقوبة ينص عليها القانون! مش هرتاح، ومش هغمض عيني، غير لما أشوف العدالة بتاخد مجراها .
مهران بصلهم بغل وغضب: هو انتوا فاكر نفسكم مين عشان تهددني انت وهو ،
ثم كمل ببرود كبير عكس اللي جواه .. وارتسم الابتسامه على ملامحه بكل غرور
مهران بابتسامة بارده: خدو راي بنتكم واسالوها الأول اذا كانت موافقه انكم ، تحبسوني او لا ؟
أحمد بصوت جهوري وغضب انفجر فجأة:.اخرس . احنا هنخليك تاخد اشد العقاب وهندفعك طبعا كل حاجه وهتاخد اعدام يا مهران
هاني ادخل في للحظه دي بغضب: يا جماعه اللي بتعمله ده ما ينفعش لازمته ايه التهديد ده ، دمرداش ربنا ابدا
عبدالله بصله بنفعل وقال بسخرية: ربنا؟ وهو أنتوا أصلا حاطين ربنا في نظركم ولا البني ادم ده بيخاف من ربنا أساسا .. اللي عندكم اعملو
هاني بغضب شديد: انا عارف مقدر الوضع وعارف ان اللي مهران عمله في بنتك يستاهل عليه عقاب كبير ، بس يا ريت تاخدوا راي بنتكم هي موافقه انها تكمل في القضايا دي ولا هتتنازل
أحمد وضح كلامه لهاني بغضب: لا هي مش هتتنازل لو اخر يوم في عمره ، ما تحسبهاش انها تتنازل اللي عمله اكبر من حده البيه
مهران بص لأحمد بنظرات كرهه وغل جواه لي ،
لكنه ما ردش على كلامه وكان متصنع البرود لانه عارف ومتاكد 99% انه هيخرج هنا بسهوله ..
في اللحظة دي، عبد الله استغل انشغال أفراد الشرط
بالكلام، وحاول يندفع تاني ناحية مهران، لكن العسكري شده لورا بقوة.
عبد الله بغضب معمي وبنفعل شديد: هتتعاقب اشد العقوبه ، وهتاخد اعدام على كل حاجه عملتها بنتي وعلى كثره نفسها اللي كسرتها ليها يا حقير ..
مهران بغل مكتوم جواه وبتحدي قالهم كلهم: اللي عندكم اعملوه . على قد ما تقدروا اعملوا كده كده انا هخرج يعني يا باشا منك ليه ..
وليد انفعل جدا من طريقته وقال: هتاخد اعدام يعني هتاخد اعدام وهنرجع حقها ، مش هنسيبك كده بالسهل عشان تبقى عارف احنا مش هنسيبك
عبد الله بصوت زلزل المكان:
بس إنت هتخاف من حكم ربنا ومن حكم القانون!! وإحنا هنفضل وراك لحد آخر يوم في عمرنا! حق شهد مش هيتنسي، ووجعها مش هيتدفن، وإنت هتتحاسب على كل لحظة رعب عيشتها فيها
الموقف خرج عن السيطره وحصل اشتباك ما بين مهران وما بين وليد وعبد الله واحمد ، و هاني بينما العساكر كانت بتحاول تمنعهم على بعض والظباط ...
أحمد بغضب وأمر: يا عسكري خد المجرم على عربيه الترحيلات بسرعه ما تعرفوش اكتر من كده ..
هاني بحدة: مهران اسمعني كويس! بطل تستفز الناس، وبطل تتعامل كأنك فوق الحساب! كل اللي عملته هيتحط قدام جهات التحقيق، وكل دليل هيتراجع، ولو ثبتت إدانتك، هتتحمل نتيجة أفعالك كاملة
مهران انفعل وقال بتوعد؛ انا خارج خارج من هنا قريب جدا وهتشوفوا بعيونكم وانا منتصر عليكم
عبدالله بستحكار فيه: ابقى وريني يا مجرم
الظابط في لحظه دي خرج بغضب: حضرتك ايه اللي بيحصل ده هنا يا ملازم احمد
أحمد بصرامة: يا فندم، أنا بطلب إن كل الوقائع المتعلقة بشهد تتحقق بشكل كامل، وإن أي دليل يثبت اللي اتعرضتله يتضم للملف، وإن محدش يتهاون في حقها. إحنا مش عايزين ننتقم، إحنا عايزينه يتحاسب بالقانون، وياخد أقصى عقوبة يستحقها لو ثبتت عليه التهم.
الضابط أومأ برأسه، ثم أشار لأفراد الشرطة.
الضابط بحزم: خلاص! ابعدوا الكل عن بعض، ونفّذوا التعليمات. المتهم هيتنقل تحت الحراسة، ومفيش أي احتكاك تاني مسموح بيه هنا
اتنين من أفراد الشرطة أحاطوا بمهران، وبدأوا يتحركو
عبد الله حاول يتحرك ناحيته مرة أخيرة، لكن هاني وقف قدامه فورا.
عبد الله بغضب: إنت اللي لسه ما خلصتش يا مهران! إنت فاكر إنك بكلمتين هتخوفنا؟! والله ما هتقدر! من النهارده، كل خطوة هتتحاسب عليها، وكل جريمة هتواجه نتيجتها، وحق شهد هيفضل في رقبتك لحد ما العدالة تقول كلمتها!
مهران اختفى أخيرًا خلف الباب، وأصوات خطوات أفراد الشرطة بدأت تبعد في الممر.
لكن عبد الله فضل واقف مكانه، صدره بيعلو وينزل من شدة الانفعال،
وليد بغضب وملامح مشدودة: يا فندم مش عايز غير حق شهد عايز مهران ياخد أقصى عقوبة ينص عليها القانون، وعايز يتحاسب على كل اللي عمله، وما يخرجش من السجن أبدًا
الضابط بحزم: اطمن يا أستاذ وليد، كل التهم والأدلة هتتاخد في الاعتبار، ولو ثبتت إدانته، هيتعرض لأقصى عقوبة ينص عليها القانون، ومش هنسيب أي حق من حقوق بنتكم
أحمد قرب بهدوء عكس اللي جواه: ما تقلقش يا عمي عبدالله انت وليد انا مش ساكت الموضوع مش هيخلص كده بالسهل ما تقلقوش ..
وليد حط ايده علي كتفه ، لحتي يطمن فيه
━━━━━━━━━━━━━━━━━━━━
في منزل هاني ...
أمينه قاعده مستنيه هاني بفارغ الصبر يجي ويطمنها على اخوها مهران ..
أمينه بقلق وحزن: يارب طمني علي اخويا وخرجه بالسلامه وطمن قلبي عليه يارب ...
رهف بدأت تصحي وتعيط ،
أمينه ابتسمت بحزن: يا روحي صحيتي .؟
قامت سندت، وشالتها في حضنها وبدات تسكت فيها ...
في لحظه دي جه هاني ..
وباين على ملامحه الحزن الشديد
أمينه بصتله بلهفه: هاني طمني يا هاني حصل ايه ؟
هاني بصلها بتنهيد وقعد بخنقه: الدنيا بايظه خالص يا امينه واخوكي مخرب الدنيا صراحه اوي فوق دماغ الناس دي
أمينه دموعها نزلت وخوف: انا خايفه عليه اوي يا هاني والله العظيم
هاني قرب منها .. يطمن فيها بحنان: اهدي يا امينه وقفت لي محامي ، بس عليه السيوفي مش راضيين يتنزلوا عن القضايا دي الدنيا خربانه علي دماغه .
أمينه بدموع وقلق شديد: طيب والعمل دلوقتي يا هاني هنعمل ايه
هاني بتفكير: سيبيها على الله يا امينه اللي هيقدر يطلعها من الدوامه دي كلها ، غير شهد ، شهد هي اللي تتنازل عن القضايا دي وتشهد
أمينه بدموع وحزن: شهد؟ شهد مش هترضى نهائي تتنازل دا يعتبر دمر حياتها ..
هاني سكت .. بحيرة كبيرة جواه مش عارف يتصرف ازاي
_________________________
و في بداية يوم جديد . واحدث جديده
في منزل السيوفي .
في اوضه شهد
كانت شهد واقفة قدام المراية في أوضتها، بتظبط خمارها الفرنسي الكشميري بهدوء، بعد ما لبست دريس ابيض واسع ، كان رقيق، والخمار نازل بانسيابية حوالين وشها، مديها ملامح هادية وبريئة.
بصت لنفسها في المراية، وعدلت طرف الخمار على كتفها، وبعدها أخدت شنطتها الصغيرة وحطت فيها تلقونها، وخرجت من الأوضة متجهة ناحية الصالة، حيث كانت أمها امال قاعدة.
شهد بابتسامة متعبه: ماما بتعملي ايه كدا؟
امال بصتلها بابتسامة: قاعده يا حبيبتي، لبسه ومتشيكه راحه فين .؟
شهد بتوتر: احم هروح عند تيته يا ماما اشوفها و اطمن عليها .
امال قامت: طيب انا جايه معاكي يلا
شهد بسرعه: لا لا ليه تجي معايا خليكي يا ماما
امال بقلق عليها: لا مش هسيبك لوحدك تاني انا جايه معاكي ..
شهد بضيق: ماما انا مش صغيره يا ماما سيبيني بالله عليكي.
امال بحيرة: لا قلبي مش مطمن مش عاوزه اسيبك يا شهد .
شهد بسرعه: لا لا يا ماما خليكي بس بلاش تتعبي نفسك اول ما اوصل هرن عليكي صدقيني هاخد تاكس وانا رايحه وانا جايه والله.
امال بقله حيله: يا بنتي ا
شهد قطعتها برجاء: سيبيني يا ماما علشان اقدر ابتدئ اعرف ، ابدأ حياة جديدة علشان خاطري
امال بحنان؛ حاضر انا مش هضغط عليكي ، بس خدي بالك من نفسك كويس يا بنتي بلاش توجعي قلبي عليكي يا شهد
شهد ابتسمت بابتسامه حزينه جدا وباست راسها بحنان
شهد بنظرات فيها براءه وضعف: حاضر يا ماما ما تخافيش عليا، مفيش حاجه هتحصل اكتر من اللي حصلت معايا صدقيني
امال بتنهيده حزينه: ربنا يحميكي ويبعد عنك اي شر يا شهد إنتي وللي في بطنك ويجبرك يارب
شهد شدت شطنه علي دارعها وقالت بلطف: يارب يا ماما يارب .. سلام
و مشيت ناحية الباب
اما امال فكانت قلقانه من جواها عليها اوي ..
_________________________
عند السجن العمومي...
وقف التاكسي اللي شهد ، كانت فيه قدام البوابة الخارجية للسجن، لكن شهد فضلت مكانها للحظات، عيونها معلقة بالبوابة الحديدية الضخمة، وإيديها قابضة على طرف شنطتها بتوتر وخوف ..
نزلت من التاكس ببطء، وعدلت خمارها، ومسحت دمعة نزلت من عيونها ، وهي مرعوبه جدا من شكل السجن من بره ...
لكنها كانت مجبوره على امرها عاوزه تشوفه في دماغه ايه عشان يسيبها ويطلقها ...
و بعد ما شهد أنهت إجراءات الزيارة، اصطحبتها إحدى الموظفين إلى قاعة الزيارة، وهناك كان مهران قاعد في انتظارها.
وما إن رفع عيونه وشافها داخلة بخطوات مترددة، حتى لمح علي ملامحها .. شحوب وشها والتعب والحزن اللي كان واضح عليها،
لكن هنا كان عنده بالدنيا انه شافها قدام عيونه انها بخير واخيرا اطمن عليها بعد الالبان اللي حصل في حياته مره واحده واتحرم منها ..
قرب منها بخطوات بطيئه وشدهها في حضنه وهو هيتجنن عليها في للحظه ..
وكان حضنها بين دراعاته بقوة، وكأنه عاوز يخبيها جواه ويبعدها عن الدنيا كلها، وكان بيشدها لحضنه أكتر، رافض يبعد عنها ولو للحظة، وكأن حضنها هو الأمان الوحيد اللي فاضل ليها.
لكن فجأة، اتقبض وش شهد من رد فعله وترعبت منه .. و من شدة الألم في جسمها، وحاولت تبعده عنها بإيديها الضعيفة، بس صوتها خانها ومقدرتش تنطق. دموعها نزلت غصب عنها، وحطت إيدها على بطنها وهي بتضغط عليها بخوف، تحاول تستحمل الوجع من غير ما تقدر تبعده عنها.
مهران، اللي كان غرقان في وجعه ومشاعر الشوق، ملاحظش دموعها في الأول، لحد ما حس بارتجافة جسمها بين إيديه، فبدأ يرخي حضنه بقلق، وهو بيبص لملامحها الشاحبة ودموعها اللي مغرقة وشها.
مهران بلهفه وحزن شديد: انتي كويسه يا شهد ؟ إنتي متعرفش انتي وحشاني قد إيه يا شهد
شهد بقهر ودموع: مش عاوزه اعرف اي حاجه عنك يا مهران، ولا عاوزه اسمع صوتك دا انا أرتاح منك يا شيخ
مهران بنظره عتاب وحزن: ليه كده طيب ليه ؟
شهد بنفس نظرته العتاب والحزن: علشان اللي عملته فيا مش سهل يا مهران بيه
مهران بصدق وحزن منها: عملت كده علشان بحبك والله العظيم بحبك يا شهد
شهد دارت وشها ناحيه تانيه .. وقالتله وهي بتمسح دموعها بجمود
شهد: قول اللي عندك لاني عاوزه امشي يا مهران أرجوك
مهران بغضب مكتوم: مانتي فعلا هتمشي يا شهد هتمشي ما تستعجليش ، يا ام الطفل إللي جواكي
شهد بصتله بدهشة وقالت بتردد: انا مش حامل
مهران ضحك بسخرية: عايزاكي لمي تيجي تكدبي تكدبي علي حد غيري ماشي يا شوق
شهد بدموع وعصبيه: بقولك انا مش حامل، ابعد عني سيبني في حالي بقى يا اخي
مهران بغضب وغل جواه: أنا حالك وانا مش هسيبك بالسهولة دي ورحمه ابويا وامي ما هسيبك دا انا وراكي وراكي والزمن طويل يا شهد يا بنت عبد الله .. انا الزمن والماضي والحاضر وراكي العمر كله لحد ما تدخلي القبر كده .
كمل بغضب أكبر مهران: وبعدين بتقوليلي مش حامل ها مش حامل ازاي ليه واعراض الحمل اللي باينه عليكي دي تبقي ايه ردي عليا.؟
شهد عيطت جامد : عاوز اي مني يا مهران سيبني سيبني عشان خاطر ربنا ، قسما بالله كنت هنزله انا مش عايزه حاجه منك ابدا تفكرني بيك نهائي كده افهم بقى اني بكرهك
مهران اتصدم من كلامها: إنتي بتقولي ايه؟ وعز وجلاله الله ما كنت المره دي رحمتك ما كنتش رحمتك كده كنت دفنتك عايشه حقيقي ما كنتش هتردد مجرد تردد كده عاوزه تموتي روح لسه ما جتش على الدنيا دي ومني انا ..؟ دا انا كنت ناهيتك من على وش الارض انتي واهلك
شهد بغضب: اهلي دول هيقضو عليك ومش هيسيبوك اللي لما يجيبوا اجلك واجل اهلك
مهران كان بصصلها بعيون مليانه شر ليها .. في لحظه دي كان عاوز ينتقم منها علي كل حاجه ، لكن ما كانش عايز يضيع نفسه بسبب غضبه ..
لكن كان بيتوعد ليها
مهران ببرود مصتنع: طيب اسمعي اللي هقولك عليه ، وتنفذي بالحرف يا شهد
شهد بصلته بتركيز . وكانت عاوزه تعرف هو عاوز ايه بظبط
━━━━━━━━━━━━━━━━━━━━━━━
شهد خرجت وهي مش قادرة تستوعب كلمة واحدة من اللي مهران قالها،
كلامه كان بيتردد في ودنها طول الطريق، وقلبها بيتعصر من الوجع. دموعها كانت بتنزل من غير توقف، وخطواتها بقت تقيلة من كتر التعب والكسرة اللي جواها، لحد ما لقت نفسها ماشية في طريق بيت جدتها، من غير ما تفكر تروح فين غير إنها محتاجة حضن يحسسها بالأمان.
وأول ما وصلت، طلعت إيدها وخبطت على الباب بخبطات متتالية، وهي بتحاول تلم شتات نفسها.
فتحت والدة آمال الباب، وأول ما عيونها وقعت على اللي واقفة قدامها، اتجمدت مكانها، وبصتلها بصدمة وعدم تصديق.
والدة آمال بصدمة: شهد؟!
شهد مقدرتش تنطق، وانهارت في العياط وهي بترتمي في حضنها.
شهد بانهيار: تيته...
والدة آمال حضنتها بقوة، وإيديها بتترعش وهي بتبعدها عنها شوية، تبصلها كأنها خايفة تكون بتحلم.
والدة آمال بذهول: شهد! شهد انتي بجد؟! انتي عايشة؟!
شهد رجعت ارتمت في حضنها، وشهقاتها بتتقطع من شدة العياط.
شهد بانهيار ووجع: عايشة يا تيته... آه، عايشة والله العظيم... أنا عايشة
والدة آمال ضمتها لصدرها تاني، ودموعها نزلت وهي بتمسح على ضهرها، مش قادرة تصدق إن حفيدتها اللي افتكرت إنها راحت منها للأبد واقفة بين إيديها، حية بترتعش وبتعيط كأنها شايلة وجع الدنيا كلها جواها.
والدة آمال بدموع: يا حبيبتي يا بنتي... إيه اللي جرالك؟! وإيه اللي وصلك للحالة دي؟!
شهد هزت راسها وهي مسكه فيها أكتر، وكأنها لو سابت حضنها لحظة واحدة هتقع من طولها.
شهد بوجع: مش قادرة يا تيته... والله مش قادرة أتحمل أكتر من كده...
بصتلها بصدمه جدتها ، مش قادره تستوعب اللي واقفه قدامها في لحظه دي ...
كانت شهد قاعدة قدام جدتها، ملامحها شاحبة وعينيها غرقانين في الدموع، وكل ما تحاول تتكلم، صوتها يتكسر من كتر الخوف والوجع اللي جواها.
والدة آمال بدموع وحسرة وهي بتمسح على شعرها: كل ده حصل يا بنتي؟ كل ده كنتي شايله لوحدك ومخبياه جواكي؟
شهد بعياط وقهرة: أيوه يا تيته... وده لسه مخلصش، ده بيهددني كمان! مش عايز يرحمني، حاسة إنه مش هيسيبني أعيش في حالي أبدًا!
والدة آمال بغضب: وانتي تصدقي إنك هتعملي اللي قالك عليه؟ لأ يا شهد، إياكي تضعفي قدامه! اللي زي ده لازم يعرف إن مش كل الناس هتفضل خايفة منه طول عمرها.
شهد وهي بتترعش من الخوف: بس انتي مشوفتيش كان بيبصلي إزاي يا تيته! أنا والله خايفة منه، حاسة إنه ممكن يأذيني في أي لحظة
والدة آمال بحزن وهي بتشدها لحضنها: يا حبيبتي، اهدي... اهدي يا قلب تيته، انتي مش لوحدك. إحنا كلنا معاكي، ومش هنسيبك تواجهيه لوحدك، ومش هنسيبك لوحدك تاني. بس لازم نتصرف صح، ونخلي كل حاجة في صالحك.
شهد بصوت مخنوق ومكسور: أنا تعبت يا تيته... تعبت أوي، والله ما بقيتش قادرة أستحمل. كل ما أفتكر كلامه بحس إن نفسي بيتسحب مني، حتى البيبي بقيت خايفة عليه من كتر خوفي.
والدة آمال مسحت دموعها، وبصتلها بتركيز وهي بتسألها ..
والدة آمال: طب قوليلي يا شهد، هو قالك إيه بالظبط؟ عايزاكي تحكيلي كل كلمة قالهالك، من غير ما تخبي عني حاجة.
شهد سكتت للحظات، وعيونها ثبتت في نقطة بعيدة، وكأنها رجعت للمكان اللي كانت فيه، وسمعت صوته من جديد. قبضت إيديها على طرف هدومها، وبدأت تحكي بصوت مرتعش...
فلاش باك — داخل غرفة الزيارة ـــــــــــــــــــ
كانت شهد واقفة قدام مهران، عيونها حمرا من العياط، ونفسها متقطع من كتر الضغط اللي اتحطت فيه. بصتله بقهر، وهي مش مصدقة إنه لسه بيطلب منها إنها تخرجه من هنا وتقف في وش اهلها عشان يسيبها في حالها
شهد بدموع وقهر: إنت عايز مني إيه بالظبط؟! أنا خلاص تعبت وزهقت، والله العظيم ما بقيتش قادرة أستحمل أكتر من كده! إزاي عايزني أطلعك من هنا بكدبة؟!
مهران ببرود: هتقولي للقاضي إنك هربتي معايا بمزاجك، وإن أنا مخطفتكيش، وإن المخدرات دي أحمد هو اللي حطها ليا. هو اللي بيتاجر فيها، مش أنا. فاهمة ولا لأ؟
شهد بصتله بصدمة، وهزت راسها برفض وهي بترجع خطوة لورا.
شهد بغضب ممزوج بالخوف: أقسم بالله ما هيحصل! أنا مش هكدب، ومش هظلم حد علشان أرضيك! كفاية ظلم بقى، إنت مش حاسس بنفسك؟!
مهران كان بيحاول يقطم الغضب ويبين هادي عشان يكسبها في اللحظه دي ..
مهران ببرود شديد: ليه مش عايزه تعملي كده ..؟ دا انا حتى جوزك وابو البيبي اللي في بطنك يا شهد .. دا أحمد اتخلى عنك وسابك من اول غلطها بعد ما كنتي بتجي عليا عشانه
شهد بدموع وعصبيه: ماهو كل ده بسببك يا مهران بيه
مهران بنبره اهدى: اسمعيني يا شهد فكري في الموضوع ده كويس وطلعيني من هنا ، قدامك خيارين عايزه الاولاني ، عايزه تطلقي هطلقك عايزه تعيشي معايا انتي والبيبي اللي يريحك والله القرار قرارك بس خرجيني هنا إنتي..
شهد بعدم صدق: انت كذاب معقول انت هتسيبني بالسهوله دي .؟
مهران بنبره خبيثه: طبعاً ما سبكيش ليه .. انا ولا كاني عارفك اصلا
شهد كانت بتحاول تدور الكلام في دماغها ، لكنها ما قدرتش تصدق نهائي لان مهما أن كان دا مهران المؤذي
شهد بصتله بجمود وعيونها مليانه دموع: مش موافقه اعمل اللي تعمله. مستحيل اخليك تطلع بعد اللي عملته معايا ده انا عايزك تتعذب في الدنيا زي ما عذبتني
مهران بصلها بنظرات قاسية، وصوته بقى أخطر وهو بيهددها ..
مهران: لو معملتيش اللي بقولك عليه، هتندمي طول عمرك! انتي فاكرة إنك لما تبعدي عني هتعرفي تعيشي في أمان؟ ده انتى لسه متعرفيش أنا ممكن أعمل إيه! أنا هخرج من هنا، وساعتها ابقي شوفي مين هيقدر يحميكي مني ...
اسمعي لو ما عملتيش كل اللي بقولك عليه هتندمي وهاخد العيل اللي معاكي اول ما تولدي هاخدو وهعيشو معايا وأنتي هعيشك في جحيم اكتر واكتر زي اول زي تاني .
شهد كانت بتترعش، والدموع بتنزل من عيونها من غير ما تقدر توقفها.
شهد بعياط وكرهه: حرام عليك بقى! حرام عليك يا أخي! أنا عملتلك إيه علشان تعمل فيا كل ده؟! أنا مش عايزة أظلم حد، ولا عايزة أعيش في خوف طول عمري
مهران بسخرية وغضب: أمال عايزاني أنا اللي أتحبس؟! عايزاني أضيع عمري هنا علشان انتي مش قادرة تقفي في المحكمة وتقوليلهم كلمتين
شهد هزت راسها وهي بتعيط بحرقة: أنا مش عايزة أظلمك ولا أظلم أحمد! أنا كل اللي عايزاه أعيش في حالي، وأربي ابني بعيد عن كل المصايب دي! إنت ليه مش عايز تفهم؟!
مهران بص لبطنها بنظرات قاسية، وبعدها رفع عينيه ليها وقال بتهديد ..
مهران: وابنك ده كمان مش هيكون بعيد عني لو انتى فضلتي تعاندي! لو معملتيش اللي بقولك عليه، انتي اللي هتتحملي نتيجة رفضك، ومحدش هينفعك وقتها!
شهد حطت إيديها على بطنها بسرعة، واتراجعت لورا، والخوف عليها وعلى طفلها غلب أي إحساس تاني
شهد بانهيار: لأ لأ مش هتقدر المره دي مش هتقدر صدقني تقرب مني ولا منه كفايه بقى يا اخي كفايه
مهران ببرود مصتنع: براحتك انتي عارفه اللي بقوله بيتنفذ ما عمريش قولتلك حاجه لما اتنفذت إنتي حره
أتمنى تكوني فهمتي كلامي كويس. يوم الحكم عايزك تكوني عارفة هتقولي إيه، وإياكي تفكري تعملي فيها شريفة وتغيري كلامك
شهد بصتله بوجع، و استحكار وكرهيه في قلبها لي
شهد بقهرة: أنا مش مسامحاك يا مهران... مش مسامحاك على كل لحظة خوف عيشتني فيها، ولا على كل وجع إنت السبب فيه. ربنا وحده عالم أنا شيلت جوايا قد إيه
خرجت من المكان وهي بتحاول تتمالك نفسها، لكن أول ما بعدت عنه، انهارت دموعها من جديد، وحطت إيديها على بطنها بحماية، وكأنها بتحاول تطمن طفلها إنها لسه معاه، رغم إنها هي نفسها مبقتش حاسة بالأمان.
ــــــــــــــــــــــــ عودة للواقع
شهد كانت لسه بتعيط، وعيونها معلقة في الأرض، كأنها لحد دلوقتي سامعة تهديداته في ودنها.
شهد بخوف وانهيار: شفتي يا تيته؟! شفتي قالي إيه؟! أنا مش قادرة أنسى نظراته ولا كلامه... خايفة يطلع وينتقم مني، خايفة على الطفل، والله ما عارفة أعمل إيه
والدة آمال اتنهدت بحزن، لكنها مسكت إيديها بين إيديه
وبصتلها بجدية.
والدة آمال: اسمعيني كويس يا شهد، اللي حصل منك وإنتي خايفة على نفسك وعلى طفلك مش معناه إنك لازم تفضلي تحت رحمته طول عمرك. الراجل ده بيهددك علشان يكسرك ويخليكي تعملي اللي هو عايز، وانتي مش مطلوب منك تواجهيه لوحدك.
شهد بدموع: بس لو نفذ تهديده يا تيته؟!
والدة آمال بحزم: يبقى نتصرف بالقانون، ونحميكي، ونخلي كل كلمة قالهالك وكل تهديد صدر منه معروفين. إنما إنك تشهدي زور وتظلمي نفسك وغيرك علشان خايفة منه، ده مش حل يا بنتي.
سكتت لحظة، وبعدها قربت شهد منها ومسحت دموعها بإيديها، وصوتها رقّ وهي بتكمل ..
والدة آمال بحنان: يا بنتي، بصيلي... أنتي فاكرة إنك
ضعيفة علشان بتعيطي؟ لأ يا شهد، انتي عديتي بحاجات صعبة محدش يعرف وجعها غيرك، ولسه واقفة على رجلك لحد دلوقتي. وده في حد ذاته قوة.
شهد بصتلها بعيون مليانة دموع، وشفايفها بتترعش وهي بتحاول تتكلم.
والدة آمال كملت وهي بتضمها لحضنها: مخفيش يا حبيبتي، قوي قلبك. أنتي مش لوحدك، وأنا معاكي، وأهلك معاكي، وربنا عمره ما هيسيبك. بس لازم إنتي كمان تساعدي نفسك، ومتخليش خوفك منه يخليه يتحكم في حياتك ومستقبلك. أنتي والعيل تستاهلوا تعيشوا في أمان، ومحدش لي حق يسلب منكم الأمان ده.
شهد انهارت في حضنها من جديد، لكن المرة دي كان
عياطها مختلف؛ عياط واحدة نفسها تصدق إنها ممكن تنجو من الخوف اللي عايشة فيه.
والدة آمال فضلت تربت على ضهرها بحنان، وهي بتهمس جنب ودنها ..
والدة آمال: طلعي كل اللي جواكي يا شهد، عيطي لو عايزة، بس متستسلميش. أنا مش هسيبك، ومهما حصل مش هخليكي تواجهي ده لوحدك.
شهد تمسكت فيها أكتر، وغمضت عيونها وهي بتحاول تاخد نفسها وسط شهقاتها، ولأول مرة من وقت ما خرجت من عند مهران، حست إن فيه حد شايل معاها جزء من الخوف اللي كان واكل قلبها.
لكن جواها، كان لسه فيه سؤال واحد بيطاردها...
هتقدر فعلًا تواجه تهديدات مهران، ولا الخوف هيجبرها ترجع تاني لنقطة الصفر؟
ـــــــــــــــــــــــــــــــــــــــــــــــــــــــــــــــــــــــ
في المساء
في منزل السيوفي .
امال بقلق: شهد تأخرت اوي كده ليه عند امي .
سميره بهدوء: اهدي بس مالك هي زمانها جايه يا امال والله
امال بدموع: اهدي اي بس تعبت مبقتش عاوزه شهد ولا تروح ولا تجي في مكان ابوها هيجي دلوقتي هيسأل هقوله اي بقا كمان
اميره اتنهدت وقالت: معرفش هتفضلي لحد امتي كدا بالحالة اللي انتي فيها موتي نفسك انتي ، وبعدين ما إنتي لسه مكلماها من ساعه وقالتلك قاعده مع تيته الله اهدي
جه جرس المنزل رن ..
سميرة رحت فتحت ..
سميره بابتسامة: اتفضلي يا ام امال
والدة امال بابتسامة: يزيد فضلك
دخلت هي و شهد
امال قامت بعصبية: والله العظيم ما ليكي حل ابدا
شهد بهدوء: ليه بس يا ماما
اميره حضنت والدة امال بابتسامة: نورتينا يا ست الكل
والدة امال بابتسامة: دا نورك يا حبيبتي
_________________________
بعد شويه ...
والدة امال اتنهدت وقالت بحزن: بلاش خوف وقلق هي مش صغيره والله علشان الخوف والقلق ده. وانا جبتها اهو لحد البيت يا امال
اميره بهدوء: ياريت تقوليلها والله اللي حصل مش هيحصل ابدا لو اي كده والله
امال بغضب: ماخفش عليها اي بس تعبانه و طول الوقت في نكد و تعب و غير الحمل كمان.افهمو اني خايفه من اللي اسمه مهران ده يعمل فيها حاجه والله العظيم خايفه عليها كدا انا هموت من خوفي عليها ، مش عايزه اخرجها من البيت نهائي
شهد قامت حضنتها حطت راسها علي كتفها حضنتها جامد
شهد بدموع: متخافيش عليا يا ماما ربنا موجود معايا في كل لحظه والله
امال باست راسها بحزن وخوف: خايفه عليكي والله انتي و اللي في بطنك
امها بغضب: كفايه بقي اللي انتي فيه ده يا امال
سميره بحزن عليها: مش هينفع كدا ابدا والله يا امال ي ختي اللي انتي بتعمليه
امال بحزن: حقي اخاف والله خايفه يأذيها
امها بعصبية: بس هو
خلاص مش هيعرف حتى كده يأذيها يا امال ولا يقرب منها ، هو فين واحنا فين
اميرة تنهدت بجمود: هو فعلاً خلاص بكره الحكم بتاعه يا امي مش هيعرف يخرج منها لو ايه كده
شهد طلعت من حضن امال وقالت
شهد مسكت ايد امها بحنان ، قبلتها وقالت بابتسامة مليانه هموم وتعب ...
شهد بأمل رغم حزنها وتعلمها: كل مر سيمر .. وبعد العسر يسرا أن شاء الله انا متفائله خير اوي يا ماما بلاش تقلقي عليا . بالله عليكي بنتك بقت جامده وقوية . من بعد ما وقعت في مصيبة، وربنا ما يرجعها في حياتنا تاني ويكتبلنا كل الخير في ايامنا القادمه ..
آمال ابتسمت وهي بتتنهد: ونعمه بالله يا بنتي ونعمه بالله
ابتسمت بلطف: يارب يارب يا شهد
ام امال طبطبت علي أيدها بحنان وقالتلها بابتسامة: عاوزاكي كده علطول تكوني قوية و تاخدي حقك من اتخن تخين في الدنيا دي يا بنتي
سميرة بابتسامة: ربنا يجبرك ويريح قلبك وبالك يا شهد يارب
_________________________
في اسطنبول ...
أشعة الشمس كانت داخلة من الشباك الزجاجي الكبير، والجو في إسطنبول كان بارد ولطيف بعد مطر الليلة اللي فاتت.
جوه الجناح الفندقي، كانت سارة قاعدة على الانتريه بتلعب مع حياة الصغيرة، ونور أيضا
ساره بمرح وضحكه:ما بتقولين ليا وش اللي صار البارح بالليله اللي فاتت ؟
نور بصتلها وضحكت بخجل؛ ولا شئ صار عادي جو رومانسي بسيط
ساره بغمزها علشان تضحكها اكتر : امممم، يعني بنقول فيه نونو جاي بالطريق يا جميلتي؟
نور اتصدمت منها جدا: شو شو شو ؟ اسكتي شو هذا الكلام هيك عيب
ساره بضحكه: شو اللي عيب ؟ هو أنا غلطت فيكي؟
نور ضحكت بخجل شديد .. وتنهدت بغيظ مكتوم منها ..
نور بضحك: اسكتي بالله بقى يا سارو ..
سارة بحنان: جميلة، مو بضايقك ولا شي، بس أبيك تحبين كريم مثل ما هو يحبك، وتكونين زوجته صدق، مو بس على الورق .
نور بهدوء ، بتحاول تتكلم بلطف: سارو، افهميني، أنا كريم عندي بالدنيا كلها، بس أنا ما أبي أحبه ولا أعلق قلبي فيه، لأني خايفة أندم، وخايفة ترجعلي ذاكرتي بأي لحظة، وأكتشف إن الماضي وراه أسرار كثير مخبية... أفهميني يا سارو، تكفين
سكت لحظة ... بعدها اخدت نفس طويل .
وكملت بقلب صادق مليان حب لي كصديق،
جميلة بصوت حنين وصدق: وبعدين يا سارو، كريم هذا أبوي وأخوي وصديقي، وكل شي لي بالدنيا، قبل لا يكون زوجي. ولو الله أراد إننا نرزق بأطفال ونكمل عمرنا سوا، والله إني ما أفرط فيه أبد، وأبيع الدنيا كلها عشانه هو وبس .وعمر ما ازعله أبدا
ساره ابتسمت بتفاهم قالت بحنيه: ماني أبي أزعلك أكثر من كذا، بس والله أتمنى تكونين من نصيب أخوي، وتظلون مع بعض طول العمر يا جميلة.
نور بابتسامة هاديه: الله يكتب اللي فيه الخير، واللي يبيه ربنا يصير يا سارو
كريم في الوقت ده ،،
قطع الصامت اللي كان مالي الجناح ...
كريم بابتسامة لطيفه: خير ؟ وين انتوا
نور قامت بابتسامة وقفت قصاده وقالت بتفكير . بتوجه كلامها لساره وحياة..
نور بحماس وسعاده: سااروووو شو رايك، بننزل تركيا ونتفسح ونشتري اغراض من السوق
ساره قامت بسرعه بموافقه: موافقههههههه
حياه بفرحه طفوليه:وانا كمااااان
كريم خبط علي رأسه بغيظ مكتوم: الله يباركلي فيكي يا جميله يا اللي بتفتحي عليا فاتحه . ملهاش نهايه الله يعلم بيا اني قربت اموت ناقص عمري منك .
نور بصتله في عيونه بزعل مصتنع.
نور بدلع ورقه: كريموووووو بدنا ننزل تركيا الحين
كريم ضحك جامد بغيظ: مصلحجية مررررة، الله يعينني عليكي بسسس 😂
ساره بغيظ فيه وضحك: شو يا أخوي، نلبس ولا وش السالفة؟
كريم بغيظ مكتوم :اممم، اممم . نلبس نلبس، أحسن لا ألقى نفسي أنا اللي لابسة بالحيط في النهاية منكم
حياه ضحكت وسقفت بفرحه: هيهي هيهيهي بحبك باااابي
كريم شالها بحب وباس خدها: وانا بموت فيكي يا عيون البابا ..
نور بسعادة وحماس: راح البس فورا يا كريم ، انتظرنا
جريت تلبس بسرعه..
ساره، وهي بتجيب هدوم عشان تلبس وهي سعيده جدا وطايره من السعاده .
ساره بفرحه: وانا كمان بدي البس ، انتظرني ..
وراحت كل واحده فيهم تلبس فورا وهي سعيده جدا
كريم بص لحياة بقله حيله: بيرضيكي هيك يا حياتي؟
حياه ضحكت ببراءة: ايه بيرضيني يا بابي ؟
كريم ضحك بحب ليها: حتى أنتي عليا كمان مو هما بس اخخ منك يا حياتي
━━━━━━━━━━━━━━━━━
♡حِكَايَة بِقَلَم الكَاتِبَة نــــور ربــــيــــع NR ♡
━━━━━━━━━━━━━━━━━━
في منزل ليلي
كانت ليلى قاعدة على السرير بملامح باهتة ونظرات خالية من الشغف، ماسكة تليفونها وبتقلب في الفيسبوك من غير اهتمام،
لحد ما ظهر قدامها بالصدفة بوست لشركات عائله السيوفي.
وقفت صوابعها فجأة، وفضلت تقرأ البوست بتركيز، وتعرف كل حاجه عنهم ، فين عناوينهم دي بالظبط
واخدت قرار انها لازم تروح علي شركه وليد وتقوله حقيقه ميار .
نزلت التليفون من إيدها وبصت قدامها بشرود، لكن المرة دي نظراتها اتغيرت، وكأنها أخيرًا خدت قرار كانت خايفه تاخده ومش هيصدقها وقررت انها لازم تروح وتحكي الحقيقه.
ليلى لنفسها بحزن شديد: خلاص... كفاية سكوت لحد كده! لازم أروح شركة وليد، وأقوله الحقيقة كلها... لازم يعرف إن ميار هي اللي غلطت، وإن نور اتظلمت . يا رب بس يسمعني ويصدقني، قبل ما يكون فات الأوان.
أخدت نفس عميق، وعزمها المرة دي كان أقوى من خوفها، لأنها عرفت إن السكوت مش هيصلح اللي اتكسر... وإن الحقيقة لازم تظهر مهما كان تمنها .. وبتتمنى من ربنا انه يصدقها
_________________________
مع بداية يوم جديد... وشمس الصباح وهي بتشرق على أبطال حكايتنا
في منزل السيوفي
كل العائله كانو متجمعين سوا ..
كان البيت مليان توتر وقلق، وكل واحد فيهم كان جواه خوف من اللي هيحصل خلال الساعات الجاية.
شهد كانت قاعدة وسطهم، إيديها بتترعش من التوتر، وعيونها بتتحرك بين الموجودين، وكأنها بتحاول تستمد منهم القوة قبل ما تواجه الشخص اللي سرق منها سنتين من عمرها.
محمد بصلها باهتمام، وقال بهدوء: شهد، إنتي جاهزة؟ واخدة القرار بكامل ارادتك ؟
شهد بلعت ريقها بصعوبة، وحاولت تتكلم بثبات رغم الرعشة اللي جواها.
شهد بتوتر: آ... أيوه يا عمي.
وليد بصىها باستغراب، وكأنه لسه مش مستوعب إنها فعلًا مستعدة تدخل المواجهة دي.
وليد: شهد
شهد بتوتر: نعم؟
وليد: واثقة أوي إنك عايزة تجيبي حقك بالطريقة دي؟ ومش خايفة يعني؟
شهد نزلت عيونها للحظات، وبعدها رفعتها لي، وبدأت تتكلم بصوت مليان وجع.
شهد بحزن وجع الدنيا جواها: أنا عايزة آخد حقي منه، علشان اللي عمله فيا، وعلشان كمان ما يقدرش يقرب مني، ولا من اللي في بطني. أنا خايفة منه والله، وعايزاه يفضل في السجن علشان يتعلم من اللي عمله، وما يقدرش يأذيني تاني. أنتوا معايا في ظهري صح ؟
وليد بتأكيد: دا أكيد يا شهد ما تخافيش احنا معاكي .
عبدالله قرب منها، وبصلها بحنان وهو بيحاول يطمنها.
عبدالله: مش هيقدر يقرب منك، وإحنا معاكي في كل لحظة بعد ربنا سبحانه وتعالى. خلاص، على كده المهم دلوقتي إنك تكوني واخدة قرارك ومش خايفة من إنك تتكلمي. مش عايزينك تروحي هناك وتغيري كلامك من الخوف، وساعتها الموضوع يرجع عليكي انتي.
أمال بصت لشهد بصرامة، رغم إن قلبها كان بيتقطع عليها من الخوف.
أمال بغضب: إياكي يا شهد! حتى لو انتي ميتة من الخوف، لازم تاخدي حقك منه. مش بعد كل اللي عمله فيكي ترجعي تتنازلي
شهد بسرعة: لا، لا، خلاص يا ماما، أنا على كلامي والله.
وليد أخد نفس طويل، وبصلها بنظرة جدية.
وليد بهدوء: خليكي على كلامك، وإحنا معاكي. مفيش حد هيقدر يقرب منك، لا هو ولا غيره. بس إنتي لازم تكوني قوية وتثبتي على قرارك.
شهد عيونها اتملت بالدموع، وبصتلهم بخوف حقيقي.
شهد بدموع وقلق: بالله عليكم، لو... لو هو طلع، مش هيسيبني في حالي! وممكن يأذيني أنا واللي في بطني. بلاش تسيبوني لوحدي، أنا خايفة منه أوي.
أميرة ما قدرتش تستحمل خوفها، فقامت ضاماها لحضنها بحنان، وبدأت تمسح على رأسها.
أميرة بحنان: بس يا روحي، اهدي. مفيش حد هيقرب منك بإذن الله. ربنا يحميكي من أي شر يا رب، وإحنا معاكي ومش هنسيبك.
سميرة قربت منهم، وحاولت تتكلم بنبرة هادية علشان تخفف عنها.
سميرة: يا حبيبتي، إن شاء الله اللي يستاهل العقاب هيتعاقب، وهو لازم يتحمل نتيجة اللي عمله. بلاش تخافي بالشكل ده، وإحنا في ضهرك دائما.
وليد، اللي كان متضايق من حالة الخوف اللي مسيطرة على شهد، حاول يشجعها بطريقته.
وليد بضيق: بدل ما انتي شاطرة في العياط كده، فكري في حاجة تانية! سيبك من كل ده، وجمدي قلبك شوية. انتي مش لوحدك.
امجد ابو وليد هز راسه بتفهم، وبص لشهد بنظرة مطمئنة.
امجد: طلعي الخوف ده من قلبك يا بنتي. مفيش حاجة هتحصل بإذن الله، هو دلوقتي في إيد القانون، ومش بالساهل يقدر يعمل اللي هو عايز. حاولي تهدي وتوكلي على ربنا.
أمال كانت لسه واقفة مكانها، عيونها مليانة خوف على بنتها، ومش قادرة تمنع نفسها من القلق.
أمال بخوف شديد: والله العظيم أنا خايفة عليها أوي .
عبدالله بصلها بضيق، وقال بنبرة حازمة:
عبدالله بغضب: إنتي كمان اللي موترة البنت ومخوفاها بالطريقة دي! يا ريت تهدي شوية، علشان هي مش ناقصة.
محمد تدخل بسرعة قبل ما الكلام يتحول لخناقة جديدة.
محمد بهدوء: وبرضه الغضب والعصبية اللي جواكم دول مش هيفيدوا بحاجة. يا ريت تهدوا شوية وتفكروا كويس إنتوا بتقولوا إيه وبتعملوا إيه. استهدوا بالله، واللي فيه الخير ربنا يقدمه.
شهد خرجت من حضن أميرة وهي بتمسح دموعها، وحاولت تسيطر على نفسها. أخدت نفس عميق، وبصتلهم واحد واحد.
شهد بحزن وهدوء: خير إن شاء الله... والله خير. مفيش حاجة هتحصل بإذن الله. أنا هتوكل على ربنا، واللي ربنا كاتبه هيحصل.
أمال قربت منها ومسكت إيديها.
أمال بحزن وخوف: إن شاء الله هنرتاح من كل ده قريب أوي يا بنتي. كل ده هيعدي، والتوتر والخوف اللي جوانا ده هيخلص. المهم إنتي ما تخافيش من حاجة، وإحنا جنبك.
شهد هزت راسها، لكن جواها كان فيه خوف أكبر من إنها تقدر تحكيه. كانت عارفة إن اللحظة اللي هتواجه فيها مهران قربت، وإن قرارها ده ممكن يغير حياتها كلها.
━━━━━━━━━━━━━━━━━━━━━━━━
في الوقت ده، كان مهران قاعد في مكان احتجازه، وعلى وشه ابتسامة ثقة غريبة، وكأنه متأكد إن كل حاجة ماشية زي ما خطط ليها بالظبط.
كان جواه أمل كبير إنه يخرج من القضية، وإن شهد هتلتزم بالاتفاق اللي بينهم، وتقول الكلام اللي يوقع أحمد بدل ما يوقعه هو.
مهران سند ضهره، وابتسم بسخرية وهو بيكلم نفسه.
مهران بثقة: خلاص، خلاص... هانت! النهارده بس، وكل حاجة هتخلص، وهخرج من كل اللي أنا فيه ده.
سكت لحظة، وبعدها اتغيرت ملامحه، وظهر الحقد في عيونه وهو بيتخيل أحمد واقف قدامه عاجز.
مهران بحقد: كل حاجة هتبقى فوق دماغك يا أحمد! كل حاجة. حقي هيرجع، واللي هيرجعهولي هي شهد نفسها... شهد اللي إنت كنت ملهوف عليها وعايز تاخدها مني، صح؟ أهو كل حاجة رجعت فوق دماغك يا غالي
ضحك بسخرية، وهو متخيل إن انتصاره بقى مسألة وقت.
لكن اللي مهران ما كانش يعرفه، إن شهد اللي هتقف قدام القاضي النهارده مش هي نفس البنت اللي كان بيخوفها وبيهددها.
شهد المرة دي كانت رايحة تسترد حياتها.
━━━━━━━━━━━━━━━━━━━━━━━━
في نفس الوقت .
أحمد خرج من البيت، ركب عربيته، وانطلق في طريقه للمحكمة. كان سايق وهو غارق في أفكاره، وعقله مشغول بكل الاحتمالات اللي ممكن تحصل.
كان عايز يعرف الحقيقة، وفي نفس الوقت كان جواه خوف من إن شهد تكون فعلًا ناوية تساعد مهران وتوقعه في القضية.
مسك الدركسيون بقوة، وعيونه ثابتة على الطريق، لكن تفكيره كان في مكان تاني تماما.
أحمد بشتات: لو هي فعلًا مظلومة زي ما بتقول، يبقى النهارده هنشوف مين المظلوم ومين الظالم. لكن لو فضلت ساكتة، وطلّعته براءة، يبقى مالكيش عندي غير الكره وبس يا شهد
ضغط على دواسة البنزين، وكمل طريقه وهو مصمم إنه يعرف الحقيقة مهما كانت.
━━━━━━━━━━━━━━━━━━━━━━━━
في منزل هاني
كانت أمينة قاعدة على طرف السرير، وإيديها متشابكة في بعض من شدة القلق. بتدعي ربنا أخوها يخرج من المصائب دي كلها.
هاني كان واقف بيجهز نفسه للخروج، ولما لاحظ حالتها، اتنهد بضيق وقرب منها.
أمينة بقلق: هاني، أنا خايفة عليه والله! خايفة شهد ما توافقش وتقول كل حاجة ضده.
هاني بصلها بحزن، وحاول يختار كلامه بعناية.
هاني بتنهيد: يا أمينة، سيبيها على الله. هو اللي هيحصل هيحصل، وإحنا مش هنقدر نغير إرادة ربنا.
سكت لحظة، وبعدها بصلها بجدية.
هاني بضيق: بس ما تزعليش من اللي هقوله دلوقتي... لو شهد ما وافقتش تساعده، فأخوكي يستاهل يتحمل نتيجة اللي عمله. الغلط اللي عمله فيها كبير أوي، وأنا لو بنتي مكانها، ما كنتش هقبل بكده أبدًا. دا فتنه وخطف فوق كدابه جواز بالاجبار واغتصاب ، دا غير أنها حامل وهي صغيره اللي حصلها حقيقي مش سهل . حرام نجي عليها نقول الحق اللي لينا وعلينا
أمينة بصتله بدموع، وكأنها بتحاول تدافع عن أخوها بأي طريقة.
أمينة بدموع: بس هو كان بيحبها يا هاني
هاني هز راسه بأسف.
هاني بعدم موافقه بكلامها: اللي بيحب ما بيأذيش، يا أمينة. الحب مش خطف وتهديد وخوف. الحب أمان، مش إنك تكسري إنسان وتقول إنك بتحبه.
لف ضهره وراح ناحية الباب، وبعدها وقف وبصلها تاني. يطمنها
هاني: اهدي بقى، وخدي بالك من الأطفال، وبطلي تقلقي نفسك بالشكل ده. توكلي على الله وادعيله، واللي هيحصل النهارده هو المكتوب عند ربنا.
خرج هاني، وساب أمينة قاعدة لوحدها، والدموع بدأت تنزل من عيونها.
رفعت إيديها للسما، وقالت بصوت مكسور ..
أمينة بدموع وخوف شديد: يا رب، طلعه منها على خير يا رب... يا رب
━━━━━━━━━━━━━━━━━━━━━━━━
في: المحكمة ..
اللحظه اللي الكل مستنيها بفارغ الصبر من ساعات ..
قاعة المحكمة كانت مليانة حركة وأصوات خافتة، والكل قاعد في أماكنه مستني بداية الجلسة.
عبدالله وشهد ومحمد وأمجد ووليد وأحمد وهاني كانوا موجودين، وكل واحد فيهم جواه حسابات وخوف مختلف عن التاني.
شهد كانت قاعدة جنب عبدالله، بتحاول تثبت إيديها اللي كانت بتترعش من التوتر. كل ما تبص حواليها، تحس إن اللحظة اللي كانت بتهرب منها طول السنتين اللي فاتوا بقت قدامها أخيرًا.
على الناحية التانية، مهران كان بيراقبها بنظرات ثابتة، وبعد لحظات بدأ يوجه ليها نظرات تهديد صامتة، بيفكرها بالاتفاق اللي بينهم، وكأنه بيقولها من غير كلام: إياكي تنسي اللي اتفقنا عليه.
شهد بصتله.
وللحظة، افتكرت كل خوف عاشته بسببه، وكل تهديد كانت بتسمعه منه، وكل مرة اضطرت تسكت فيها وهي من جواها بتصرخ.
لكن المرة دي، نظرتها كانت مختلفة.
كان فيها وجع، وكسرة، وغضب متراكم، ومعاهم قرار إنها مش هتسمحله يسيطر على حياتها تاني.
شهد في نفسها بتوعد: جه الوقت اللي هاخد فيه حقي منك يا مهران. إنت فاكر إنك هتطلع بريء من هنا، وإن أحمد هو اللي هيتلبس الكذب، صح؟ بس المرة دي مش هتعدي زي ما إنت عايز. هقول كل حاجة، وهخليك تواجه نتيجة كل اللي عملته فيا.
عبدالله لاحظ التوتر اللي على وشها، فمد إيده وحطها على إيدها، وضغط عليها برفق علشان يطمنها.
شهد بصتله بعيون مليانة دموع، وهو هز راسه ليها كأنه بيقولها: إنتي تقدري.
أخدت نفس عميق، وحاولت تجمع شجاعتها قبل ما تبدأ المواجهة الحقيقية.
━━━━━━━━━━━━━━━━━━━━━━━━
بدأت الجلسة وسط أجواء مشحونة بالتوتر، والقاعة كانت هادية بشكل يخلي صوت أي حركة مسموع. القاضي بيتابع الأوراق الموجودة قدامه، والمحاميين قاعدين مستعدين، كل واحد فيهم عارف إن كلمة واحدة ممكن تغير مسار القضية بالكامل.
محامي مهران وقف بثقة، وعدل روب المحاماة قبل ما يتكلم.
محامي مهران بهدوء: سيادة القاضي، موكلي بينكر كل الاتهامات الموجهة ليه، واللي حصل إن المدعوة شهد سافرت معاه بإرادتها، وبعد خلافات شخصية بينهم، قررت تبعد عنه، ومفيش أي دليل يثبت إنه أجبرها على السفر أو احتجزها زي ما بتدعي.
شهد رفعت عيونها لي بصدمة وبغضب،
محامي شهد وقف من مكانه بثبات، وبص لمهران ومحاميه قبل ما يوجّه كلامه للقاضي.
محامي شهد بثقه: سيادة القاضي، الكلام ده غير صحيح تماما، وموكلتي عندها الحقيقة كاملة، ومستعدة تحكي كل اللي حصل معاها بالتفصيل، وعندنا أدلة تثبت إن موكليكم بيحاول يزوّر الحقيقة ويتهرب من مسؤوليته.
القاضي بص لشهد بجدية.
القاضي بحزم: اتفضلي يا شهد، احكي كل اللي حصل من البداية، من غير خوف
شهد أخدت نفسا مرتعشا، ومسحت دموعها، وبصت لمهران اللي كان بيراقبها بثقة، قبل ما تتكلم بصوت مخنوق.
عبدالله بهمس وصوت حنين: يلا يا شهد يا حبيبتي امي ما تخافيش وقولي كل اللي جواكي من غير تردد .
قامت شهد بجمود وهي ما ترتعيش حرفيا وبصيت . لكل واحد فيهم ..
وليد بصلها وبيطمنها: روحي يا شهد ما تخافيش إحنا معاكي يلا ..
هزت راسها شهد ،
وراحت شهد وقفت قصاد القاضي، بتحاول تلم شتات نفسها وتتماسك قد ما تقدر، لكن قلبها كان بيدق بعنف، وذكرياتها بدأت تتزاحم قدام عيونها، كأن كل لحظة وجع عاشتها بترجع تتكرر من جديد. أخدت نفس عميق، ومسحت دموعها بإيد مرتعشة، وبدأت تحكي من أول لحظة، وكل كلمة كانت بتخرج منها شايلة وجع وخوف وكسرة عمرها ما قدرت تنساها، بينما عيون الموجودين كلها كانت متعلقة بيها، ومهران مستني كلامها بثقة، من غير ما يتخيل إن الحقيقة اللي هتقولها شهد هتكون بداية النهاية لكل حاجة حاول يخبيها
شهد بانهيار وجع: يا سيادة القاضي، الشخص اللي اسمه مهران راشد ده دمر حياتي وخربها! البني آدم اللي قدام حضرتك ده كسرني، وخرب بيتي وبيت أهلي، وخطفني واتجوزني بالإكراه، واعتدى عليا ، وحط جثة واحدة تانية مكاني، وأهلي افتكروا إني أنا اللي مت
سكتت لحظة، وحطت إيدها على صدرها وهي بتحاول تاخد نفسها، لكن الكلام كان محبوس جواها، ووجع السنين كله كان بيخرج مع كل كلمة.
شهد بانكسار ودموع: يا سيادة القاضي أنا كنت عايشة في خوف طول الوقت، وكل اللي كنت بتمناه إني أرجع لأهلي وأعيش في أمان، لكنه كان رافض يسيبني... وأنا النهارده جاية أحكي الحقيقة كلها، ومش هسكت عن حقي تاني
اتغيرت ملامح مهران فجأة، واختفت ابتسامته، وهو بيبص لشهد بصدمة،
مهران لنفسه بصدمه وغضب منها: والله وتقويتي يا شهد مع اهلك .
أما أحمد، فكان واقف في مكانه بصفته ملازم شرطة، متابع الجلسة بكل هيبه وثقه من حالو ..
بتركيز شديد، لكن الصدمة كانت واضحة على وشه. وعيونه اتعلقت بشهد، وهو بيسمع اعترافاتها وبيكتشف حجم المعاناة اللي عاشتها، وحجم الجريمة اللي اتهمت مهران بارتكابها
في اللحظة دي، القاضي رفع عينه من الأوراق وبص ناحية مهران، اللي حاول يرجع لثباته، لكنه يخفي توتره.
القاضي : المتهم مهران راشد، هل عندك رد على الاتهامات الخطيرة اللي وجهتها ليك الشاهدة؟
مهران وهو بيتماسك اعصابه وبلع ريقه بصعوبة، قبل ما يبص لمحاميه اللي أشار لي إنه يتكلم بهدوء.
مهران بتوتر بيحاول يخفيه: الكلام ده كذب يا سيادة القاضي، وأنا ما عملتش أي حاجة من اللي هي بتقوله ، كل حاجه كانت بارادتها
شهد رفعت عيونها لي، والدموع لسه على خدودها، لكن المرة دي نظرتها مكنتش نظرة خوف، كانت نظرة واحدة أخيرا قررت تواجه اللي أذاها.
شهد بوجع ممزوج بالتحدي: كدابة؟! بعد كل اللي عملته فيا، لسه عندك الجرأة تقول إني كدابة؟! طب والجثة اللي أهلي دفنوها على إنها أنا؟ طب سفري لروسيا؟ طب كل اللي عشته هناك؟! هتنكر كل ده إزاي؟ ولا الصور اللي هكرتها والظلم اللي ظلمتهلي في وسط اهلي دا يبقي ايه ؟
قبض أحمد على إيده بقوة، وهو بيحاول يحافظ على هدوئه، لكن غضبه من اللي بيسمعه كان بيزيد مع كل كلمة. كان عارف إن وجوده في القاعة بصفته ضابط شرطة بيحتم عليه يلتزم بالإجراءات، ويسيب التحقيق والأدلة تتكلم، مهما كانت الصدمة اللي حاسس بيها.
هاني لنفسه بشتات وهو باصص لمهران بياس: مفيش امل علي ما اظن الدنيا مقلوبه عليه خالص ..
شهد بصوت مكسور وهي بتبص للقاضي: يا سياده القاضي أنا مش جاية هنا علشان أنتقم منه يا سيادة القاضي، أنا جاية علشان آخد حقي، وعلشان محدش تاني يعيش اللي أنا عيشته! أنا عايزة حقي يرجعلي، وعايزة القانون يحاسب كل واحد شارك في تدمير حياتي
شهقت شهد، وحاولت تمسح دموعها، لكن إيديها كانت بتترعش، وفضلت واقفة مكانها مستنية حكم العدالة، بعد ما أخيرا قدرت تواجه الشخص اللي سرق منها حياتها، وتقول الحقيقة اللي حاول بكل الطرق يدفنها.
القاضي بجدية: المحكمة هتسمع باقي أقوالك يا شهد، وبعدها هنفحص الأدلة المقدمة في القضية.
━━━━━━━━━━━━━━━━━━━━━━━━
في منزل السيوف
كانت أمال بتتحرك في الصالة بتوتر شديد، وكل شوية تبص للساعة وترجع تبص للباب.
أمال بخوف: يا رب، اتأخروا أوي ليه كده؟ أنا قلبي مش مطاوعني
أميرة قربت منها، وحاولت تهديها.
أميرة بحزن: اهدي يا أمال، كل ده بياخد وقت. استهدي بالله، وقومي صلي ركعتين بدل القلق اللي إنتي فيه ده.
سميرة كانت قاعدة متضايقة من حالة التوتر اللي مسيطرة على أمال، فبصتلها وقالت ..
سميرة بعصبية: يا شيخة كفاية بقى! خلي قلبك جامد شوية، البنت محتاجاكي قوية، مش كل شوية خايفة عليها بالشكل ده.
أمال بصتلها بدموع وغضب، وردت بصوت مخنوق.
أمال: بعد كل ده عايزاني أهدى؟! أشوفها المرة دي بتموت قدامي فعلًا؟! أنا كل مرة بفتكر إني هرتاح، يحصل حاجة جديدة، وأنا المرة دي مش هستحمل
أميرة اتنهدت بحزن، وقالت وهي بتحاول تمنع الخوف من السيطرة عليهم كلهم.
أميرة: لا إله إلا الله... ربنا يبعد عننا أي شر. اهدي بقى، إن شاء الله خير. أنا هرن على أحمد أهو وأطمن.
قبل ما أميرة تتحرك، سميرة قامت ومسكت إيد أمال بهدوء.
سميرة: قومي يا أمال، قومي صلي. كفاية بقى، هتتعبي نفسك والله العظيم.
أمال قامت معاها، وهي بتمسح دموعها، لكن الخوف ما فارقش قلبها.
أميرة فضلت واقفة مكانها، رفعت إيديها وهي بتدعي من قلبها.
أميرة بتنهيد وحزن: يا رب، اهدي الحال من عندك يا رب. واسترها على أولادنا، وما تشتتش عقولنا عليهم. يا رب جيب الخير لينا، وطمّن قلوبنا عليهم.
━━━━━━━━━━━━━━━━━━━━━━━━
سادت حالة من الصمت والترقب داخل قاعة المحكمة، والقاضي ومعاه هيئة المحكمة بدأوا يراجعوا الأوراق والمستندات المقدمة في القضية، وسط متابعة دقيقة من رجال الشرطة الموجودين في القاعة.
محامي شهد كان واقف بثبات،
بينما شهد قعدت مكانها وضمة إيديها لبعض بتوتر، وقلبها بيدق بسرعة وهي مستنية تسمع الحكم اللي ممكن يرجعلها جزء من حقها.
أحمد، اللي كان واقف بجمود مستني يسمع قرار القاضي
أما مهران، فكان واقف في مكانه متصنع الهدوء، لكن ملامحه كانت بتفضحه، خصوصا لما شاف القاضي بيقلب في آخر ورقة من المستندات.
القاضي بحزم: بعد الاطلاع على أوراق القضية، وسماع أقوال الأطراف، ومراجعة الأدلة المقدمة، قررت المحكمة الحكم على المتهم مهران راشد بالسجن لمدة عشر سنوات، في القضية المنظورة أمام المحكمة، مع استمرار نظر باقي الاتهامات والقضايا المرتبطة به أمام الجهات المختصة.
في اللحظة دي، شهد حست إن رجليها مش شايلاها، وحطت إيدها على بقها وهي بتبص للقاضي بصدمة، ودموعها نزلت من عيونها من غير ما تحس.
شهد بدموع وفرحة ممزوجة بالوجع: الحمد لله... الحمد لله يا رب.
محامي شهد ابتسم براحة، وقرب منها وقال بهدوء: مبروك يا مدام شهد، دي خطوة مهمة، ولسه باقي القضايا هتاخد مجراها القانوني.
شهد هزت راسها وهي بتحاول تستوعب اللي سمعته، وبعد كل الخوف اللي عاشته، أخيرا سمعت حكما ضد الشخص اللي تسبب ليها في كل المعاناة دي.
أحمد هنا سمع اجمل خبر في حياته بعد مده طويله بالرغم من انه صدمه لكنه فرح جدا ..
أحمد لنفسه بانتصار: يارب الحمد لله
لكن وسط كل ده...
مهران كان في عالم تاني تماما.
أول ما سمع الحكم، وقف في مكانه والدنيا اسودت في وشه تماما في اللحظه دي .. ، وبص لشهد بعدم تصديق .
مهران لنفسه بجنون: عشر سنين معقول عشر سنين ؟ يا نهار ابيض
هاني بص لمحاميه بصدمه، اللي حاول يتكلم معاه بهدوء، لكنه كان فاقد السيطرة على أعصابه.
مهران بغضب لهاني: اعمل أي حاجة يا هاني الحكم ده مش هينفع يتنفذ بالشكل ده
محاميه بجدية: لازم تهدى يا مهران، وأي إجراء قانوني للاعتراض على الحكم لازم يتم بالطريق اللي حدده القانون.
العساكر قربوا منه استعدادا لترحيله، ومهران فضل يبص حواليه، لحد ما وعيونه وقعت على شهد.
شهد كانت واقفة جنب ابوها، ودموعها لسه على خدودها، لكنها المرة دي ما كانتش دموع خوف منه.
شهد بصتله بثبات، وقالت بصوت مسموع ..
شهد بابتسامه نصر: كنت فاكر إنك هتفضل طول عمرك تظلمني، وإنك هتقدر تسكتني زي كل مرة... بس أهو الحق ظهر يا مهران، ولسه باقي القضايا اللي هتتحاسب عليها.
مهران بصلها بغل، لكنه ما قدرش يرد عليها، خصوصا لما شاف أحمد واقف بعيد وبيبصله بنظرة إنتصار وشماته فيه.
مهران العساكر شدوه ناحية باب القاعة،
شهد غمضت عيونها لحظة، ورفعت وشها للسما وهي بتهمس وسط دموعها بحرقه قلب ...
شهد: الحمد لله يا رب... رجعتلي حقي، وقويتني بعد ما كنت فاكرة إني مش هقدر أقف على رجلي تاني.
عبدالله قرب منها، وحط إيده على كتفها بحنان.
عبدالله: خلاص يا بنتي، إنتي مش لوحدك، وإحنا جنبك، ولسه باقي القضايا هتاخد مجراها، وربنا يكتبلك الخير.
شهد ارتمت في حضنه وهي بتعيط، وكل الوجع اللي كانت كاتماه جواها بدأ يخرج، وأهلها اتجمعوا حواليها يطمنوا عليها.
محمد بابتسامة: مبارك عليكي يا شهد ربنا يعوضك
وليد بابتسامة : مبارك عليكي يا شهد
امجد أبتسم وقال بهزر: كده انتصرنا وانا اقدر نقول حمد لله على السلامه
شهد بصتلهم بابتسامه وهي بتمسح دموعها: الله يبارك فيكم ان شاء الله خير اللي جاي .
━━━━━━━━━━━━━━━━━━━━━
اما بره القاعه ..
العساكر كانوا واخدين مهران ناحية عربية الترحيلات، وهو ماشي وسطهم والغضب والصدمة مسيطرين على ملامحه،
أحمد قرب منه بسرعه بخطوات سريعة ..
وابتسامة انتصار وشماتة باينه عليه.
أحمد همس لامهران: مبارك عليك ال 10 سنين يا زميلي ، اعتبر الاحكام الجايه هيبقى فيها اعدام ، واه ما تقلقش على شهد وعلى العيل اللي لسه جاي في طريق .. دول امانه معايا ده كفايه انه هيلاقي على وش الدنيا اب حنون زيي وليه مستقبل حلو ...
مهران بصله بصدمة وغضب الدنيا جواه، وحاول يتكلم .. نبره تهديد
لكن أحمد سبقه بخطوة وهو بيقول بسخرية ..
أحمد بشمات ونصر: اللعبة خلصت يا مهران... والمرة دي أنا اللي كسبت فيها
مهران بنبره مليانه غل وتوعد: لا لا ما خلصتش يا احمد باشا مين اللي قالك انها خلصت ؟ اللعبه لسه هتبتدي دي البدايه مش النهايه ، وصدقني المره الجايه انا اللي هكسب وهخليك تكره نفسك كده
كمل بغضب مكتوب وغل: وشهد والعيل اللي جواها ما حدش هيقدر ، يمسهم كده واطمن هي مش ليك ليا انا العمر كله
ضحك احمد ضحكه مستفزه وسعاده بالنصر عليه .. ثم وقال للعساكر
أحمد بحزم: خدوه على العربيه يا عسكري
واخدو مهران على عربيه الترحيلات .. وكان مهران في لحظه دي في دنيا تانيه
━━━━━━━━━━━━━━━━━
اما وليد خرج من قاعة المحكمة وهو سعيد من الحكم اللي اخده مهران . وحق بنت عمو رجع ..
وركب عربيته متجه لشركته، من غير ما يكون عنده أي فكرة عن المفاجأة اللي مستنياه هناك. كان فاكر إن اليوم خلاص انتهى على كده، لكن اللي كان مستنيه جوه الشركة كان كفيل يقلب حياته كلها في لحظة...
━━━━━━━━━━━━━━━━━━━━
جرس منزل رن،
وأمال قامت بسرعة، وقلبها بيدق من التوتر. فتحت الباب، وأول ما شافت شهد واقفة قدامها، ملامحها اتبدلت من الخوف للفرحة.
شهد بسعادة: مااامااا! ماما، مهران خسر القضية واتحكم عليه بالسجن بعشر سنوات الحمد لله
أمال اتنهدت براحة كبيرة، وكأنها كانت حابسة نفسها طول اليوم. مدت إيديها وشدت شهد لحضنها، ودموع الفرحة نزلت من عيونها.
أمال بفرحة: الحمد لله يا رب، الحمد لله! مش مصدقة إننا أخيرا خلصنا منه
دخلوا البيت، وشهد كانت بتضحك من قلبها، وملامحها مليانة سعادة.
أميرة بصتلها بابتسامة بسيطة، وقالت ...
أميرة بفرحه: افرحي بقى يا حبيبت قلبي، واطمني انتي ومامتك. كفاية حزن وهموم وقلق ابدئي صفحه جديده يا حبيبتي.
سميرة ابتسمت بفرحة، وهي بتبص لشهد.
سميرة بابتسامة فرحه : مبارك عليكي أخيرا يا رب! إن شاء الله يكون ده بداية الراحة، وربنا يبعد عنكم كل شر.
شهد بصتلهم، وبدأت تتكلم بحماس واضح.
شهد بفرحة: عارفين؟ والله العظيم حاسة إني طايرة من الفرحة! حاسة إني اتحررت من حاجة كانت كاتمة على نفسي طول السنين اللي فاتت. مش قادرة أوصفلكم اللي جوايا دلوقتي، أنا حاسة إن مفيش أسعد مني في اللحظة دي
عبدالله ابتسم وهو شايف الفرحة في عينيها، وقرب منها.
عبدالله بسعادة : حمد لله على سلامتك اخيرا شفت الفرحه والابتسامه بينه في وشك يا حبيبتي ربنا يسعدك وفرح قلبك يا نور عيني
شهد بابتسامه: امين يا بابا ربنا يديمك ليا ..
وبدات شهد تخطط مع باباها وامها ، لبدايه صفحه جديده في وبتخطط لمستقبل جديد لايامها الجايه ..
ـــــــــــــــــــــــــــــــــــــــــــــــ
في اسطنبول...
كانت نور واقفة قدام شباك الأوضة في الفندق بإسطنبول، بتتأمل أضواء المدينة البعيدة، لكن فجأة عيونها ثبتت على منظر خلّاها تحس بإحساس غريب، وكأنها شافت المشهد ده قبل كده.
حطت إيدها على رأسها وهي بتغمض عينيها بألم، وبدأت صور مشوشة تعدي قدام عيونها ، ملامح مش واضحة، وصوت بعيد مش قادرة تميزه، وذكرى بتحاول ترجع من مكان عميق جواها.
نور همست بضيق شديد: آآه... راسي مش قادره ..
اتراجعت خطوتين، وسندت إيدها على طرف السرير .
وأنفاسها بقت متقطعة. للحظات، لمحت صورة خاطفة في خيالها، شخص . كان بيبتسم ليها بكل حب وكان حنين عليها وفجاه مره واحده كده تقلب عليها بقى عدوها ..
حاولت تركز فيه، الصورة كانت بتختفي.
فتحت عيونها بسرعة، ودموع الحيرة لمعت فيها، وبصت حواليها كأنها بتحاول تستوعب اللي حصل.
نور بدموع ولهفه: يا الله يا الله انا بدات اتذكر يا رب الحمدلله ياربي
رجعت تسند رأسها بإيدها، تحاول تفتكر أكتر، لكن الألم زاد، فغمضت عيونها وهي بتاخد نفس عميق، من غير ما تعرف إن الذكرى اللي بدأت تلوح قدامها ممكن تغير كل حاجة في حياتها...
ــــــــــــــــــــــــــــــــــــــــــــــــــــــــــــــــــــــــــــــ
في شركة وليد ...
وليد دخل الشركه ... بكل هدوء وهيبه .. وهو بيخلع نظارته ..
أول ما وصل، دخل بخطوات سريعة، والموظفين رحبوا بيه كعادتهم ..
و من غير ما ياخد باله إن في عيون بتراقبه من بعيد.
ليلى كانت واقفة عند مدخل الشركة، مترددة للحظات، لكن أول ما شافته داخل، أخدت نفس عميق وقررت إنها مش هتسمح للحقيقة تفضل مستخبية أكتر من كده.
اتجهت ناحية موظف الاستقبال وقالت بتوتر ، لكن كانت بتحاول تجمد قلبها ..
ليلى: احم لو سمحت، أنا محتاجة أقابل الأستاذ وليد في موضوع مهم جدا، وصدقني الموضوع ده ممكن يغير حاجات كتير في حياته.
الموظف باستغراب: حضرتك عندك معاد؟
ليلى هزت راسها بالنفي، وقالت بإصرار ..
ليلى: لأ، بس الموضوع مستاهل إنه يسمعني، حتى لو لدقايق بسيطة.
الموظف طلب منها تستنى، وبعدها رفع سماعة التليفون الداخلي واتصل بمكتب وليد.
الموظف: أستاذ وليد، في واحدة بره، بتقول إن عندها موضوع مهم جدًا ولازم تقابل حضرتك عشانه .
وليد كان بيقلب في بعض الأوراق، فرد من غير اهتمام ..
وليد: موضوع إيه؟ ومين دي ؟
الموظف: مقالتش يا فندم، بس واضح إنها مصممة تقابل حضرتك.
ثم بص لليلي : أسمك ايه يا آنسه؟
ليلي بسرعه: اسمي ليلي
الموظف: إسمها ليلي يا استاذ وليد
وليد سكت لحظة، وبعدها قال ..
وليد: طيب خليها تتفضل.
بعد دقايق، باب المكتب اتفتح، ودخلت ليلى بخطوات مترددة. وليد رفع عينه من الورق، وبصلها باستغراب.
وليد: اتفضلي... خير؟ حضرتك محتاجه حاجه يا آنسه؟
ليلى بصتله بجدية، وعيونها مليانة إصرار.
ليلى بجمود : أنا جاية أقولك حقيقة كان لازم تعرفها من زمان... حقيقة تخص نور.
أول ما اسم نور اتقال، وليد ساب الورق من إيده وبصلها بدهشة ، وكأن الاسم ده رجع قدامه حكاية طويلة فاكر إنه فهمها صح ، لكنه ما يعرفش اللي مستخبي كبير جدا هيقلب الدنيا ..
وليد بدهشة: نور؟ مالها نور؟