رواية حب المراهقة بقلم نور ربيع
رواية حب المراهقة الفصل السادس والثلاثون36 بقلم نور ربيع
دخلت نور أوضتها بخطوات سريعة، وابتسامة واسعة مرسومة على وشها، عيونها بتلمع بدموع الفرحة والانتصار. وقفت في نص الأوضة، أخدت نفس عميق، وكأنها اخيرا قدرت توصل للحظة اللي استنتها كتير.
رفعت إيدها تمسح دمعة نزلت على خدها، وهي لنفسها ..
نور بانتصار كبير : أخيرا يا نور... أخيرا
اتجهت ناحية الدولاب وفتحته بحماس، وبدأت تحرك الشماعات واحدة ورا التانية، وعيونها بتتنقل بين الأطقم بحيرة ممزوجة بالفرحة.
مسكت طقم شيك، رفعته قدامها وبصتله في المراية، لكن سرعان ما رجعته مكانه وهي بتبتسم بمكر.
نور بتركيز: لأ، النهارده لازم أكون مختلفة... النهارده يومي أنا .
ورجعت تدور بين هدومها من جديد، وابتسامتها بتكبر . بانتصار كبير جواها وسعادة .
━━━━━━━━━━━━━━━━━━━━━━━━━━
وقفت ميار في نص الأوضه ، وهي بتنهار بشده . ولحد الان مش قادره تستوعب ان فرحتها اتقلبت. بالشكل ده وكل حاجه بقت ضدها ..
وايديها الاثنين كانت بتترعش وهي بتشد فستانها الأبيض بعنف، وقصت فيه بالمقص من كل ناحية، وطرحتها وقعت على الأرض وسط بقايا القماش. كانت بتنهار، ودموعها مغرقة وشها، وصرخه عاليه طالعه من قلبها بحرقه ..
وفجأة، خانتها رجليها، فوقعت على الأرض واتخبط ضهرها في طرف السرير، والمقص وقع من إيدها. رفعت عيونها بغل، وملامحها اتبدلت من الوجع لغضب مرعب، وقالت بتوعد
ميار بغل وانتقام: هقتلك ... هقتلك يا نور والله لاقتلك مش هسيبك تفلتي من اللي عملته فيا أقسم بالله ما هسيب حقي... وهخليكي تدفعي تمن كل دمعة عيطتها بسببها
وسكتت فجأة، وهي بتبص للفستان الممزق قدامها، ودموعها لسه بتنزل... لكن المرة دي، ملامحها مرعبه جدا ما كانش فيها غير انتقام من نور .
━━━━━━━━━━━━━━━━━━━━━━━━━
كان وليد قاعد لوحده في ركن الأوضة، والظلام محاوطه من كل ناحية، عيونه ثابتة في الفراغ وكأنه مبقاش شايف الدنيا حواليه. ضهره محني، وإيديه متشابكة، وأنفاسه تقيلة كأن الهم بقى أكبر من قدرته على الاحتمال. رفع إيده على وشه، وغمض عيونه بقهر، ودمعة خانته ونزلت على خده.
فلاش باك.....
رجع وليد بذاكرته لليوم اللي اكتشف فيه حقيقة ميار، اليوم اللي حس فيه إن كل حاجة كان مصدقها انهارت في لحظة. كان واقف بعيد، عيونه مليانة صدمة ووجع، باصص للمشهد الصادم .
بعد ما ميار نزلت من العربيه ،،،
كان وليد سايق عربيته ورايح اتجاه شركته ، وفجأة عيونه وقعت على فون ميار
وليد: يوهه ميار نسيت الفون ، لما ارجع اديهلها .
فرمل بالعربية على جنب، ولف بسرعة ورجع بيها تاني ناحية البيت،
لكن وليد أول ما وصل، عيونه وقعت على ميار، ومعاها ست واقفه معاها .
اتجمد وليد مكانه، عيونه بتتنقل بصدمة بين ميار والست اللي واقفة قصادها، وصوت خناقهم وكلامهم الصادم بيتردد في ودانه. كل كلمة كان بيسمعها كانت بتهد جواه كل حاجه ..
، ووشه شحب وهو بيقول ..
وليد بصدمه كبيرة: لا... لا، مستحيل أنا مش مصدق اللي بسمعه
طلع تليفونه بسرعة بتركيز، وبدأ يعمل فيديو للمشهد ده ، مش قادرة يصدق اللي ميار بتقولوا بتعملوا في اللحظه دي .
رجع وليد لأرض الواقع، عيونه لسه ثابتة في الفراغ، وملامحه غرقانة في قهر عمره ما حسه قبل كده.
فجأة، صوته علا وهو بيقول بكراهيه هي ليها
وليد بصوت مكسور : ليهههه كده يااا ميااار؟! ليههه؟! أنا أذيتك في إيه عشان تعملي فيا كده
كمل بحرقه قلب اكبر: منك لله يا شيخة... منك لله أنا كنت مصدقك، كنت شايفك أنضف من كل الناس...
وسكت، وانحنى براسه بين إيديه، بينما صدى صوته لسه بيرن في الأوضة المظلمة... كان موجوع من الحقيقة، لكن الوجع الأكبر كان إنه لسه مش قادر يستوعبها.
━━━━━━━━━━━━━━━━━━━━━━━━
♡ حـكـايـة بـقـلـم الـكـاتـبـة نـور ربـيـع NR ♡
━━━━━━━━━━━━━━━━━━━━
رن جرس الباب، فقامت سارة تفتح،
وهي بتلبس نقابها .
وكانت ليلى و هاني وأمينة ،
هاني بهدوء: السلام عليكم
ساره ابتسمت باستغراب: عليكم السلام ورحمه الله وبركاته
يا هلا ، حياكم الله، تفضلوا.
ظهر كريم من ورا سارة، وابتسم ابتسامة ترحيب ، وقال ..
كريم بابتسامة: يا هلا والله، حياكم الله، تفضلوا تفضلوا، البيت بيتكم.
دخلوا الصالة، وفجأة طلعت نور من أوضتها، وأول ما عيونها وقعت على أبوها وأمينة، اتسمرت مكانها، وشحب وشها في لحظة.
دموعها اتجمعت في عيونها، وكل ذكريات الماضي رجعت تضرب قلبها ، قسوتهم عليها، ووجعها اللي عاشته لوحدها، وكل مرة احتاجتهم فيها وملقتهمش جنبها.
حاولت تتكلم، لكن صوتها خانها، ودموعها نزلت غصب عنها، لحد ما رجليها مبقتش شايلينها، وانهارت وهي واقفة، باصة لأبوها بوجع وكأنها بتسأله من غير كلام ..
ليه يا بابا؟ ليه كسرتني وأنا بنتك ..
أول ما هاني شاف نور، ملامحه اتغيرت، وابتسامة مليانة فرحة ووجع ظهرت على وشه، وعيونه ثابته عليها ، قال بلهفه
هاني : نور... يا بنتي
أما أمينة، فابتسمت وسط دموعها وقالت بلهفة عليها اول ما شافتها ..
أمينه براحه جواها: أخيرا شفتك يا نور، أخيرا الحمد لله انك بخير يا حبيبتي
هاني مقدرش يستنى ثانية، جري عليها وضمها لحضنه بقوة وحنان، وكأنه بيحاول يعوضها عن كل لحظة غياب.
نور انهارت في حضنه، وقالت وهي بتعيط بكسرها .
نور بدموع وعتاب: ليه يا بابا؟ ليه القسوه هذا كلها ، ليه قسيت عليا؟ أنا بنتك... كيف هان عليك تكسرني بهالشكل هذا
هاني غمض عيونه، وضمها أكتر، وصوته اتكسر من الندم ..
هاني بضمير موجوع وندم : حقك عليا يا بنتي، حقك عليا يا نور عيني... أنا غلطت في حقك، ومهما أقول مش هقدر أمحي الوجع اللي سببتهولك.
وباس راسها وهو ندمان جدا ،، ونفس الوقت بيحمد ربنا انه شافها بخير قدامه .
هاني بابتسامة سعيده: الحمد لله إنك بخير يا حبيبتي... الحمد لله إني شوفتك قدامي تاني وانك بألف خير وسلامه
أما نور، ففضلت في حضنه بتعيط، مش عارفة تسامحه ولا تنسى، كل اللي قدرت تعمله إنها فضلت تردد وسط شهقاتها ..
نور بدموع: وجعتني كتير يا بابا... وجعتني كتير والله العظيم.
اقتربت منها أمينه بابتسامه وسط دموعها ... وقالتلها
امينه؛ نووور
رفعت راسها نور من حضن أبوها بصتلها ، وهزت راسها بوجع كبير منها .
قربت أمينة من نور، وفتحت دراعاتها بدموع وندم، ولما نور سابت حضن أبوها، ضمتها أمينة لحضنها وهي بتقول بصوت مليان ندم كبير حرفيأ .
أمينه بدموع فرحه: اللهم لك الحمد على رجوعك يا نور، الحمد لله إنك بخير ورجعتي بالسلامة... سامحيني يا حبيبتي، سامحيني على كل حاجة عملتها في حقك.
نور هزت راسها ببطء، ودموعها بتنزل من غير توقف، وبعدها رفعت عيونها لأمينة وقالت بصوت مرتعش وموجوع ..
نور : لأ... مش مسامحاكي
أمينة اتجمدت مكانها، وبصتلها بحزن شديد، بينما نور كملت بوجع ..
نور بدموع وجع: إنتي مو عارفة أنا شفت إيه وعشت إيه بسببك... ومو كل شئ بيتضلح بكلمتين اعتذار
قربت ليلى منهم، وحطت إيدها على ضهر نور بحنان، وبصتلها بابتسامة دافية وقالت بصدق ،
ليلي: والله العظيم يا نور، أمينة كانت أكتر واحدة هتتجنن عليكي، وكانت نفسها تشوفك وتطمن عليكي بأي طريقة يا حبيبتي.
نور فضلت ساكتة، ودموعها بتنزل، لكن ملامحها كانت لسه مليانة وجع، كأن كلام ليلى مش قادر يمحي اللي عاشته.
نور بصتلها بدموع، وقالت بصوت مكسور: بس أنا اللي انوجعت يا ليلى... أنا اللي عشت كل هالوجع لحالي، وتحملت كل هالشي من دون ما يكون معي أحد.
━━━━━━━━━━━━━━━━━━━━━━━━
الصمت كان رهيب جدا في بيت عيلة السيوفي، صدمة ميار كانت أكبر من إن حد يستوعبها، وكل واحد فيهم جواه غضب ووجع وأسئلة ملهاش إجابة، إزاي بنتهم تعمل فيهم كده؟ ، ازاي تصدمهم بالشكل ده ؟؟.
كانت أميرة قاعدة على كرسي، بتعيط بحرقة وتهز راسها بعدم تصديق، وهي بتهمس بصوت مصدوم فيها ...
أميرة بحرقه قلب: ليه يا ميار؟ ليه يا بنتي تعملي فينا كده؟ إحنا قصرنا معاكي في إيه عشان تكون دي آخرتها ...!!
غطّت وشها بإيديها، وانفجرت في العياط، مش قادرة تستوعب إن البنت اللي كانت شايفاها ملاكها، هي نفسها اللي وجعت قلبها بالشكل ده. وأنها تتطلع هي سبب دمار نور .
وأما باقي العيلة كل واحد فيهم في مكان بعيد عن الثاني، في صمت تقيل، الغضب مالي قلوبهم، لكن وجع الصدمة كان أقوى من أي كلام، لأن أصعب وجع مش إنك تتأذى من غريب... أصعب وجع لما الخذلان ييجي من حد من دمك، حد كنت فاكر إنك تعرفه أكتر من نفسه.
━━━━━━━━━━━━━━━━━━━━━━
كانو قاعدين في الصالون كلهم متجمعين ، والحزن مسيطر على هاني جدا ، بسبب اللي بيسمعه من كريم .. كان كريم بيحكيله عن كل اللي حصل لنور بنته، وكل كلمة كانت بتوجع قلب هاني ،
وعلى الناحية التانية، كانت أمينة قاعدة جنب نور، بتحاول تقرب منها ودموعها متجمعة في عيونها، وقالت بندم شديد
أمينه برجاء؛ سامحيني بقى يا نور سامحيني ، والله ما كان قصدي أوجعك، أنا عارفة إني غلطت في حقك كتير .
نور بصتلها بحزن، وعيونها لمعت بالدموع، وردت وهي بتحاول تتمالك نفسها .
نور بقسوة:الله اللي يسامح يا أمينة، مو العبد... الله يسامحك يا أمينة.
نزلت كلماتها على قلب أمينة زي السكينة، لأنها فهمت إن الوجع اللي جوا نور أكبر من اعتذار يتقال، وإن فيه حاجات مهما اعتذرنا عنها، بتفضل سايبة أثر في القلب.
أما هاني، فرفع عيونه لبنته، وحس بوجع عمره ما حسه قبل كده، لكن حاسس إنها شايلة في قلبها حكايات من الألم هو ما كانش يعرف عنها حاجة.
ساد الصمت للحظات، وأمينة نزلت عيونها وهي بتحاول تمنع دموعها، لكن نور قامت من مكانها بهدوء، فهاني بصلها بحزن وقال ..
هاني: نور، تعالي يا بنتي اقعدي جنبي.
قربت منه، فقعدها جنبه ومسك إيديها بحنان، وقال بصوت مخنوق ،
هاني: حقك عليا يا بنتي، سامحيني إني ما كنتش جنبك وقت ما كنتي محتاجاني.
نور بصتله، ودموعها نزلت من غير ما تحس، ورمت نفسها في حضنه وهي بتقول ،
نور أبتسم ابتسامه مليانه وجع: بنتك أقوي من إي شئ يكسرها يا بابا
هاني ضمها ليه بقوة، وهو بيطبطب على ضهرها، أما كريم فكان متابعهم بصمت، و أبتسم بحب ليها .
وفي الناحية التانية، أمينة كانت بتعيط وهي شايفة نور في حضن أبوها، وعرفت إن الوجع اللي عاشته نور أكبر بكتير من إنها تقدر تصلحه بكلمتين اعتذار.
ساره اقتربت منها مسكت أيدها بحنان وقالت: لا تزعلين، والله إن قلبها أطيب مما تتخيلين، ما فيه أحن منها. هي بس لحظة غضب وتعدي، وبعدها تهدأ وتنسى وتسامحك يا حبيبتي.
ابتسمت أمينه وهي بتتنهد بحزن: عارفه والله العظيم تعرفي نور مفيش أحسن ولا اطيب منها و غلبانه اوي كمان ..
ثم سكتت قليلا ...
بعدها بصتلها وقالت لساره بتأنيب الضمير وبحزن
أمينه: بس إللي هي عاشته وشافته كان صعب ، بس ربنا يسامحني علي كل حاجه. عملتها فيها
ساره ابتسمت بلطف: ابشري يا عيوني ابشري بتسامحك والله، بس هي مسألة وقت يا حبيبتي، ادعي ربك يهدي قلبها ويلين خاطرها، وإن شاء الله الأيام تهون عليها وتسامحك.
أمينه بابتسامة حزينه: أن شاء الله يارب
ليلي بابتسامة هاديه: متزعليش يا أمينه مصيرها تجي وتصالحك والله
بصتلها أمينه بحزن: يارب يا ليلي يارب
فجأة طلعت حياة من الاوضه بتاعتها، بصتلهم بنظرات مليانه عصبية لكريم ونور وساره ، وقالت ببراءة
حياه بطفوليه وبراءة: شو.؟؟ وينكم يا عالم ليه مختفين هيك؟
الكل بصلها فجأة ..
نور قامت وهي بتضحك: يا عمري صحيتي تعالي ..
ضحك كريم بابتسامة: هذا تبقي حياة بنتي يا ابو رائف
هاني بابتسامة: ماشاء الله ماشاء الله ربنا يباركلك فيها ويحفظها .
قربت نور بابتسامة . وقعدت وهي حامله حياة بحب ...
نور: بابا هي تبقي بنتي ونور عيوني شو رايك فيها. ؟
امينه و هاني بصو لبعضهم بصدمه ،
ليلي ضحكت بسيط: اهدو يا جماعه هي مش ام
قطعتها نور بسرعه بحزم وقالت بكل حب: حياة بنتي، واللي ما تعرفه إن الأم مو بس اللي تولد، الأم هي اللي تربي وتخاف وتحب وتضحي عشان بنتها. وأنا أمها، وهي كل شي بحياتي، وبتظل معي طول العمر، بحضني لين تكبر وتصير عروسة، وأسلمها لزوجها بيدي إن شاء الله. حياة بتظل بنت نور هاني، وأبوها كريم السعود، ومحد يقدر يغير هالشي أبدا ♥️.
أبتسم هاني وقبل رأس حياة بحب ، ثم بص لنور وقال بفخر بيها
هاني بابتسامة فخر: أنا فخور بيكي اوي يا نور يا بنتي ، ربنا يقدرك وتقدري تساعديها . ويجعله في ميزان حسناتك
امينه بابتسامة : ربنا يجعله في ميزان حسناتك يارب
نور درت عليهم بابتسامة هاديه: أمين
أما كريم فكأن حس انه اسعد انسان في الدنيا كلها بوجود نور في حياته وحبها لحياة بالطريقة دي ...
نور بابتسامة لحياة وهي بتعرف حياة فيهم: شوفي حياتي هذا جدو هاني، وهذا أمينه تبقي مرات جدو هاني .
هاني ضحك جامد بغيظ مكتوم: حرام عليكي يالا نووور جدو ايه دا أنا لسه في عز شبابي يا بنتي ليه تكبريني بطريقه دي دا أنا عيالي لسه صغيرين ..
أمينه بذهول: لا لا بالله جدو ايه حرام عليكي
هنا الكل انفجر في الضحك ،
كريم بابتسامة وضحكه : يا الله عليكي يا جميلة جدو ايش هذا جدو هو مو كبير لهذا الدرجه لسه في عز شبابه يا بنتي إنتي عاوزة تكبري بالعافية . وتقوله جدو 😂
نور وهي بتضحك جامد؛ يلا يا حياتي، روحي لجدو سلمي عليه بسرعة يا حياة، وريه شطارتك يا قلب جدو .
و نزلتها ، وهي راحت وقفت قدامه بابتسامة بريئه ...
حياه ببراءة؛ جدو
هاني أبتسم بحب ، وشلها واخدها في حضنه بكل حب
هاني: يا حبيب قلبي جدو من جواه إنتي .
━━━━━━━━━━━━━━━━━━━━━
༺ بداية يوم جديد ༻
مع أول خيوط النهار، كان يوم جديد بيبدأ على أبطال حكايتنا، شايل معاه أحداث محدش يعرف نهايتها إيه...
وفي الزنزانة...
كان مهران قاعد في ركن الزنزانة، ملامحه شاحبة ووشه غرقان في العرق، حاطط إيده على راسه وهو بيتألم بشدة، وعيونه مغمضين من التعب. حاول يسند ضهره على الحيطة وياخد نفسه، لكن الألم كان أقوي منه .
رفع عيونه للسقف بصعوبة، وهمس بصوت متعب .
مهران بتعب شديد: يا رب... هو أنا هفضل كده لحد إمتى؟
وسكت لحظة، قبل ما ملامح شهد تظهر في خياله، فيشد على عيونه بوجع ويبعد وشه، كأنه بيهرب من ذكرى مش راضية تسيبه في حاله.
وفجأة، مهران صرخ بصوت عالي هز هدوء الزنزانة، وهو حاطط إيده على جنبه بيتألم على نفسه من شدة الألم، وعرق بارد غرق وشه، وصداع عنيف كان بيخلي الدنيا تلف بيه. حاول يقوم ويسند على الحيطة، لكن رجليه خانته، فرجع قعد على الأرض وهو بيشهق من التعب.
مهران بصوت متقطع: آااه... الحقوني حد يلحقني... مش قادر
صوته وصل لحد للعسكري اللي جري على باب الزنزانة وبصله بقلق، وفتح ودخله
العسكري بحدة وقلق: إيه يا ابني؟ مالك؟! إنت سامعني؟
مهران رفع عيونه لي بالعافية، وشفتاه بتترعش من الوجع، وقال بصعوبه ..
مهران بألم:جسمي كله بيوجعني... مش قادر أتحمل
العسكري طلع بسرعه ونادى علي ظابط الكبير، بينما مهران فضل مغمض عينيه، بيحاول يقاوم الألم، ولأول مرة من وقت طويل يحس إنه ضعيف ومحتاج حد ينقذه...
━━━━━━━━━━━━━━━━━━━━━━━
كان كريم قاعد قصاد وليد علي كرسي ، ملامحه مرهقة بشكل يوجع القلب، وعيونه مليانة حزن حاول يخبيه، لكن كان باين في كل نظرة منه. ساكت، لا بيتكلم ولا حتى بيرفع عيونه، وكأن جواه كلام كتير مش قادر يطلعه .
الصمت كان مالي المكان، لحد ما كريم بصله بحزن من حالته، وقطع السكوت بصوت هادي . وقال ،
كريم: وبعدين يا رجال، بتظل على هالحال كتير؟ ما يصير تستهلك نفسك عشانها يا وليد، ترى كذا أنت تظلم نفسك! لا تزعل على اللي راح، هذا نصيب، وربك ما يبعد عنك شي إلا لحكمة وخير لك، وهي من الأساس ما كانت خير لك. فوق لنفسك يا صاحبي، وارحم قلبك شوي، مو معقولة تظل تعذب نفسك على وحدة ما تستاهل كل هالوجع
فضل وليد باصص قدامه، وبلع غصته بصعوبة، بينما كريم استنى رده، حاسس بوجع أكبر بكتير من مجرد زعل ...
وليد بصوت مهموم :أنا مش زعلان غير علي الظلم اللي ظلمته للبنت دي، على كل كلمة جرحتها بيها، وعلى قسوة قلبي ليها ، البيبي اللي راح... اللي أنا ملحقتش افرح بيه أساساً، ميار مكنت تستحق كل الحب ده والله العظيم . كل ده واجعني من جوايا يا كريم، والله العظيم حاسس إني مش قادر أبص لنفسي في المراية
سكت، ونزل راسه بين إيديه، وصوته اتهز وهو بيكمل
وليد بغصه جواه: البنت دي اتظلمت بسببي، وأنا كنت فاكر نفسي صاحب حق... يا خسارة يا كريم، يا خسارة لما الواحد يفوق بعد ما يكون وجع ناس مالهمش ذنب
كريم فضل باصصله بحزن، مش لاقي كلام يخفف عنه، ووليد كان غارق في ندمه، لأول مرة يحس إن فيه أخطاء تمني لو الزمن يرجع بيه لحظة واحدة بس عشان ما يعملهاش.
لكن الندم وحده مش كفاية يمحي وجع اتزرع في قلب إنسان بريء... 💔
كريم بحزن شديد عليه : الله يهون على قلبك يا صاحبي، أبشر أبشر، ربي بيعوضك خير بإذن الله، وصدقني بيجي يوم تقول فيه " كريم قال وربك بيعوضك بالزوجة الصالحة والذرية الصالحة اللي تقر عينك فيهم، بإذن الله يا وليد، بس اصبر واحتسب، وربك كريم وما ينسى عباده.
غمض عيونه وهو بيتنهد بوجع كبير جواه وليد ..
━━━━━━━━━━━━━━━━━━━━━━━━━━━━
كانت شهد قاعدة في أوضتها، ساكتة وعيونها مليانة دموع، مش قادرة تستوعب الصدمة اللي سببتها ميار، ولا تتخيل إن واحدة عاشت وسطهم ممكن تعمل كل الأذى ده.
بصت قدامها بشرود، وقالت بصوت مليان حزن كبير ..
شهد: ليه كده يا ميار؟ ليه كل الحقد ده في قلبك شايله لغيرك ؟؟
سكتت، ونزلت دموعها وهي بتفتكر كل اللي مهران عمله فيها، وكل الوجع اللي عاشته بسببه، لحد ما اتغيرت ملامحها من شدة القهر، وقالت بحزن ..
شهد بحزن شديد وجع: الناس بقت وحشة كده ليه يارب؟! انتي بقيتي مفيش فرق بينك وبين مهران... هو إنتوا إزاي قدرتوا تأذوا غيركم بالشكل ده من غير ما قلوبكم توجعكم؟
نزلت راسها وهي بتمسح دموعها، وكملت بتنهيده مليانه وجع من جواها ..
شهد بابتسامه سخريه وجع:حال بيتنا اتغير، وكل حاجة حواليا اتغيرت... ناس كنا بنحبهم بقوا مصدر وجع لينا، وناس كنا فاكرينهم أمان طلعوا هما الخطر نفسه.
الدنيا مبتفضلش على حالها أبدا، بس ياريت... يا ريت القلوب تفضل نضيفة، يا ريت الناس متتغيرش للدرجة اللي تخليها تكسر بعض من غير رحمة... يا ريت الطيبة متبقاش غلطة بندفع تمنها طول عمرنا.
وسكتت شهد، لكن جواها كان فيه وجع أكبر من الكلام... وجع واحدة كانت فاكرة إن أصعب حاجة عاشتها انتهت، لحد ما اكتشفت إن لسه فيه قلوب قادرة تصدمها أكتر من اللي فات.
فجأة فونها رن ..
فتحت شهد بدون تفكير من غير ما تبص لفون حتى وتشوف مين .
شهد: احم الوو
هاني بصوت ليطمئن: السلام عليكم ورحمه الله وبركاته معايا شهد.؟
شهد باستغراب: عليكم السلام ورحمه الله وبركاته ايوه مين معايا؟
هاني بهدوء: أنا عمك هاني يا شهد عامله ايه
شهد بصوت مليان حزن: الحمد لله في نعمة ، خير في حاجه؟
هاني بحزن شديد؛ مهران تعبان اوي يا شهد ونقلو علي المستشفى ، وطالب يشوفك ضروري لأنه تعبان جدا
شهد بخضه: تعبان ؟ تعبان مالو مهران كمان حصله ايه ؟
هاني: هو تعب فجأة في السجن ، ونقلو علي المستشفى وهو عاوز يشوفك اتمني تجي وتشوفيه يا شهد لانه هو محتاجك جنبه
شهد دموعها نزلت بحزن شديد جواها ، علي الوضع اللي بقيت فيه والحيرة إللي هي فيها بسبب مهران ..
شهد بدموع وتردد : حاضر حاضر أنا جايه حالا اديني العنوان يا عمي ..
واخدت القرار أنها لازم تروح تطمن عليه بعد اسرار كبير مع نفسها ، بعد ما ادها عنوان المستشفى.
━━━━━━━━━━━━━━━━━━━━━━━━━━
في بيت كريم ..
كانت أميرة جت لنور
نور وقفت قصدها ملامحه جامده ، وهي مربعه أيديها الاتنين بابتسامة بارده
نور: امم خير ؟
أميرة بدهشة فيها : نور انا خالتك أميرة يا حبيبتي
نور ضحكت بسخرية: والله؟ معليش أنا ما ليا خالات الأسف
أميرة بدهشة ودموع: ليه يا بنتي بتقولي كده ليه اتغيرتي كده ، ارجعي يا نور ارجعي نور القديمة بتاع زمان علشان خاطري
انهارت نور فجأة في البقاء وقالت بقهر: اللي أولادك سو فيني خلوني أصبحت شخصيه عاليه كتير عاليه فوق السحاب ، أولادك علموني درس ما في مثله بالحياة .
أميرة برجاء ودموع: حقك عليا من اي حياه وحشه حصلتلك بسببنا حقك عليا يا بنت أختي أنا عارفه اننا وجعنا فيكي اوي ،
سكتت نور . حاولت تهدي ، ثم تنهدت وقالت بابتسامة بسيطة
نور: مو صار شئ إلي صار صار وخلاص انتهي كل شئ ، وحقي رجع الحمد لله ، الله ما بيترك عبد مظلوم ابدا الا لما يرجع حقه وينصرة . ضاقت الا لما فرجت من عند الله سبحانه وتعالى
أميرة: ونعمه بالله يا بنتي ، المسامح كريم يا نور ، إللي حصل حصل انسي ورجعي علي حياتنا ونعيش زي زمان في حب و امان سوا
نور بدموع وقهر؛ مستحيل مستحيل ما راح يصير ابد لو شو صار هيك .
أميرة اخدتها في حضنها جامد ، ودموعها بتنزل بحزن شديد واضح عليها جدا .
اما نور فكانت بتحاول تتماسك نفسها وهي قلبها مليان كلام كتير جواها لكنها كانت مدريه كل حاجه .
━━━━━━━━━━━━━━━━━━━━━━━
دخلت شهد بسرعه المستشفى ، وقبلت هاني قدامها
شهد راحتله بسرعة . وقالت بدموع
شهد بلهفه: فين مهران
هاني بحزن واضح عليه: تعالي يا شهد معايا هو في اوضه جوه
ومشيت معاه بسرعه .
كانت أوضة المستشفى هادية، وصوت الأجهزة الطبية مالي المكان، ومهران راقد على سرير المستشفى، وشه شاحب وملامحه مرهقة بشكل يخوف، وفي إيده المحاليل، ومعصمه متكلبش في طرف السرير، بينما العسكري واقف بره الأوضة مستني أي تعليمات من الدكتور .
دخلت شهد بخطوات مترددة، وأول ما عيونها وقعت عليه، قلبها اتقبض، وحست بوجع غريب جواها وهي شايفاه بالحالة دي، رغم كل اللي عمله فيها.
قربت من الدكتور بسرعة، وسألته بصوت مرتعش ..
شهد بقلق ودموع: معلش يا دكتور، هو ماله؟ إيه اللي حصله؟ هو هيبقى كويس، صح طمني؟
الدكتور بصلها بجدية، وبعدها قال بهدوء: التحاليل أثبتت وجود جرثومة المعدة، لكن المشكلة إن الفحوصات بينت كمان وجود قرحة في المعدة، والقرحة دي حصل بسببها نزيف في الجهاز الهضمي العلوي. النزيف ممكن يكون جاي من القرحة نفسها، وده اللي سببله هبوط وإرهاق شديد. إحنا بدأنا الإجراءات اللازمة، وهنفضل نتابع حالته عن قرب، لأنه محتاج رعاية طبية ومتابعة دقيقة.
شهد حطت إيدها على صدرها، ووشها اتغير من الخوف.
شهد بصوت مخنوق: نزيف؟! يعني حالته خطيرة يا دكتور؟!
الدكتور: الحالة محتاجة اهتمام، وإحنا بنتعامل معاها. المهم دلوقتي إنه يرتاح ويستجيب للعلاج، وإن شاء الله نقدر نسيطر على النزيف.
هزت شهد راسها بصعوبة، وعيونها راحت ناحية مهران اللي كان مغمض عيونه، وكأن جسمه مبقاش قادر يشيل كل التعب اللي جواه.
استأذنت الدكتور، وقربت منه واحدة واحدة، لحد ما قعدت على الكرسي اللي جنب سريره.
هاني فونه رن في الوقت ، بص لاقي أمينه
هاني بهدوء: طيب انا هسيبك مع مهران براحتك يا شهد ، انا بره لو عاوزتي حاجه
هزت راسها شهد ، بهموم بعدها بصت لمهران
فضلت باصة لملامحه في صمت، بتتأمل وشه الشاحب، والتعب اللي رسم خطوطه على ملامحه، والهالات اللي تحت عيونه، وكأن الهموم اللي عاشها واللي تسبب فيها لغيره اتجمعت كلها فوق وشه في اللحظة دي.
مدت إيدها بتردد، ومسكت إيده بحنان، والدموع بدأت تتجمع في عيونها.
شهد بدموع: سلامتك يا مهران...
فتح مهران عيونه ببطء، وبصلها بنظرة مليانة تعب وحزن، ولما استوعب إنها قدامه، عيونه لمعت بدموع محبوسة، وشد على إيدها بضعف.
مهران بصوت ضعيف: شهد... اخيرا جيتي يا شهد
شهد هزت راسها وهي بتحاول تسيطر على دموعها.
شهد: أيوه، جيت... إنت بس حاول ترتاح ومتتكلمش كتير.
لكن مهران هز راسه بعناد ضعيف، وكأن فيه كلام متراكم جواه وخايف ميقدرش يقوله لو سكت.
مهران برجاء، وصوته بيتقطع: طلعيني من هنا يا شهد... أرجوكي، طلعيني من هنا
شهد اتجمدت مكانها، وبصتله بدموع، لكنه كمل وهو بيحاول يرفع إيده اللي فيها المحلول، فشد الأنبوب من غير قصد، واضطر يهدى لما حس بالألم.
مهران بدموع وتعب: أنا تعبت يا شهد... تعبت أوي. مش قادر أتحمل أكتر من كده قاعده السجن ... سامحيني، أرجوكي سامحيني
سكت لحظة، وبلع ريقه بصعوبة، وعينيه ثبتت على بطنها، وكأن كل اللي في الدنيا اختفى من قدامه، ومبقاش شايف غير الطفل اللي لسه مجاش للدنيا.
مهران بصوت منكسر: علشان خاطر اللي في بطنك يا شهد... متحرمنيش منه. أنا اتحرمت من أمي وأبويا وأنا صغير، وعشت عمري كله حاسس إني لوحدي... متخلينيش أتحرم من ابني أنا كمان. أنا عارف إني أذيتك، وعارف إني معنديش حق أطلب منك أي حاجة... بس ده ابني يا شهد، قطعة مني... نفسي أشوفه، نفسي أحس إنه ليا.
كانت كلماته بتخرج متقطعة، وعيونه بتقفل وتفتح من شدة التعب، وهو مش مستوعب بالكامل هو بيقول إيه، ولا قادر يرتب أفكاره من الإرهاق والألم.
وشهد كانت بتسمعه، وكل كلمة بتخبط في قلبها في حتة مختلفة.
افتكرت كل اللي عمله فيها، وكل ليلة نامت فيها وهي خايفة، وكل دمعة نزلت منها بسببه، وكل مرة حست فيها إن حياتها اتسرقت منها.
وافتكرت ميار...
افتكرت الوجع اللي ميار ثابته لقلب كل أحد فيهم جواهم ، الوجع اللي رجع يفتح جروح قديمة كانت بتحاول تتعافى منها.
شهد بدموع وجع جواها: يا رب، هو أنا قلبي هيفضل يتوجع لحد إمتى؟
بصت لمهران، ولقت عيونه بتدور عليها برجاء، كأنه متعلق بوجودها في اللحظة دي، ومش لاقي حد تاني يطلب منه الرحمة.
مهران بصوت مهزوز: شهد... متسيبنيش هنا...
وقتها شهد مقدرتش تتمالك نفسها.
نزلت دموعها بغزارة، وحطت إيده بين كفوفها، وهي بتحاول تتكلم، لكن صوتها كان بيختنق من العياط.
شهد بوجع: ليه يا مهران؟ ليه وصلتنا لكل ده؟ ليه وجعتني ووجعت نفسك معايا؟!
مهران بصلها، ودمعة نزلت من طرف عيونه، لكنه ملاقاش كلام يرد بيه.
وفجأة، شهد قامت من مكانها، وقربت منه بحركة عفوية، وانحنت عليه، وضمته لحضنها بحذر علشان المحلول اللي في إيده، وفضلت تعيط وهي حاسة إن قلبها بيتقطع.
كان حضنها لحظة ضعف إنساني، مش نسيان للي حصل، ولا غفران لكل اللي فات... لكنها ببساطة مقدرتش تشوف، إنسان موجوع قدامها من غير ما تحس بألمه.
شهد وهي بتعيط في صمت في حضنه: اهدي و ارتاح علشان خاطري . أنا مش قادرة أشوفك كده...
مهران غمض عيونه، ودموعه نزلت أكتر، وحاول يرفع إيده السليمة ويحطها على ضهرها، لكنه كان أضعف من إنه يتحرك كويس.
مهران برجاء:هتسامحيني يا شهد؟
شهد سكتت، وفضلت حاضناه وهي بتعيط، لحد ما قدرت تتكلم.
شهد بصوت مرتعش: أنا مش عارفة أسامحك يا مهران... والله مش عارفة. إنت وجعتني أوي، واللي حصل مني ومنك ومن الناس اللي حوالينا مش حاجة سهلة تتنسي.
أبعدت وشها عنه شوية، وبصت في عيونه، وقالت من وسط دموعها:
شهد بوجع: .بس ابنك ملوش ذنب في أي حاجة. اسمعني كويس... أنا مستحيل أحرمك من ابنك، ومش هخلي الطفل يدفع تمن ذنوبنا إحنا. هتفضل أبوه، وحقك إنك تشوفه هيتحفظ، وكل حاجة هتمشي بالطريقة الصح.
مهران بصلها بذهول، وكأنه كان مستني يسمع منها أي كلمة تطمنه، حتى لو مش الغفران اللي كان بيترجاه.
مهران بصوت ضعيف: بجد يا شهد؟ مش هتحرميني منه؟
شهد مسحت دموعها، لكنها مقدرتش تمنع دموع جديدة من النزول .
رجع مهران غمض عيونه، ووشه ارتخى شوية من التعب، بينما شهد فضلت ماسكة إيده، بتبص للمحلول اللي بينزل نقطة ورا نقطة، وقلبها مليان صراع بين وجعها منه وشفقتها عليه.
وبينما هي قاعدة جنبه، افتكرت ميار تاني، وحست بوجع جديد يعصر قلبها.
شهد بوجع كبير لنفسها: حتى بعد كل اللي شوفته، لسه قلبي مش قادر يبقى قاسي... بس يا رب، اديني القوة إني أفرق بين الرحمة وبين إني أرجع لنفس الوجع من تاني.
رفعت عيونها للسقف، وهمست بصوت مبحوح ،
شهد: يا رب اشفيه، واهد قلبه، ورد كل واحد فينا للطريق الصح... وعوضني عن كل الوجع اللي شوفته.
وفي اللحظة دي، مهران فتح عيونه وبصلها، لكنه المرة دي مسألهاش تسامحه، ولا طلب منها تطلعه من السجن.
فضل باصصلها في صمت، وكأن لأول مرة بدأ يفهم إن وجود شهد جنبه في اللحظة دي رحمة منها، مش وعد منها إن الماضي ممكن يرج
━━━━━━━━━━━━━━━━━━━━━━━
في منزل السيوفي .
جه احمد من ورا وليد وكريم . في الوقت ده
أحمد: ايه يا سطا عامل اي
كريم بصله بابتسامة بسيطة: الحمد لله
أحمد حط ايده علي كتف وليد ، و راح قاعد جنبه
أحمد : عامل اي دلوقتي يا وليد
وليد بتعب وهموم واضحة عليه جدا: الحمد لله يا أحمد
أحمد تنهد بحزن وقال: هون علي نفسك يا وليد مفيش حد يستاهل انك تزعل عليه .
أحمد فضل باصصله وهو بيتأمل ملامحه بقلق ،
أحمد بقلق علبه: وليد وشك بقى مالو كده حاسس انو في حاجه فيك انت كويس ؟
كريم بصله هو أيضا: ايه حاسس هيك يا أحمد وليد ملامحه مرهقه جدا واضح عليه التعب .
وليد اتنهد وقال بصوت متعب جدا: مفيش حاجه ما تقلقوش عليا انا كويس
أحمد بحزن عليه: مش بين كده خالص والله، حاول تنسي اللي حصل لان والله لو لقدر الله حصلك حاجه بسبب الزعل ماحدش ينفعك صدقني .
وليد ضحك ضحكه موجوعه كلها سخريه: وهو عاد يفرق يا أحمد
هز رأسه بحزن شديد عليه أحمد وهو حاسس بأنه فيه حاجه قلبه مش ما طمن عليه نهائي ..
وليد بص لكريم وقال بجمود : كريم هي نور هتكمل باقي حياتها معاك ولا هطلقها بعد ما رجعت ذاكرتها؟؟
كريم بدهشة؛ شو؟ بكمل باقي حياتي معاها طبعاً يا وليد ليه هذا السؤال .
وليد سكت لحظه ، بعدها قال بجمود
وليد: طلق نور يا كريم لاني عايزها تكون ليا انا
أحمد بصله بصدمه ، و كريم نفس الشيء ..
كريم بفضب شديد: هذا الشئ مستحيل يا وليد لو شو صار
أحمد بسخرية: ما هي كانت قدامك من زمان يا وليد اشمعنا دلوقتي .
جه يتكلم وليد قطع كلامهم . ظهور سميرة في الوقت ده . قعدت معاهم
سميرة بحزن شديد علي حال ابنها: لسه زي ما انت
وليد أبتسم بجمود رغم اللي جواه وقال: مين قال اني زعلان انا مش زعلان ، انا تمام ما تقلقيش عليا
سميرة بحزن: بلاش تكدب علينا انت جواك كتير وانا عارفه ده كويس
وليد بهموم الدنيا كلها جواه: سيبيها على الله .
قام كريم بهدوء رهيب: انت بتكدب علي حالك يا وليد أنت مو بخير، هون علي حالك ابشر بالخير ..
بعدها اخد بعضه وطلع من البيت ،وهو سرعان في عقله من طلب وليد لي ، حاسس ان شال هم الدنيا كله فوق رأسه ..
أما وليد فضل متابع أثرو وهو ماشي ، ومستني يشوف رد فعله بعد كده هيكون ايه ، علي طالبه
أحمد لوليد بهدوء: وليد ياريت ما تسكتش علي نفسك كتير و خد بالك من نفسك ،لان انت حالتك حاسس انها مش كويسه خالص
سميرة بقلق شديد: في ايه مالو وليد يا احمد
أحمد وهو بيتنهد بضيق شديد: مفيش بس زي ما انتي شايفه . بقا عامل ازاي .
سميرة بصت لوليد بقلق وحزن .
وهي حاسه ان الايام الجايه مش هتعدي كده بالسهل علي أبنها، ولسه في صدمات كتيره جايه لي ، هتوجعه اكتر
━━━━━━━━━━━━━━━━━━━━━━━━
اقتربت نور من كريم بخطوات هادية، وابتسامة رقيقة مرسومة على ملامحها، لكن ورا الابتسامة دي كان فيه قرار كبير أخدته أخيرا... قرار كانت خايفة منه، لكن قلبها المرة دي كان أقوى من خوفها.
وقفت قدامه، ورفعت عيونها الخضر لي بنظرات مليان كلام كتير جواها لي، وبعدين من غير أي مقدمات دخلت في حضنه، ولفت إيديها حواليه، كأنها أخيرا لقت المكان اللي نفسها تفضل فيه العمر كله.
نور بصوت مليان حب وسعادة: أنا بحبك يا كريم. .. وأبي أكمل باقي عمري معك، وأبقى جنبك طول العمر... إنت صرت بالنسبة ليا أكتر من مجرد شخص بحياتي، إنت صرت الأمان اللي كنت أدور عليه من زمان.
سكتت لحظة، وابتسامتها زادت وهي بتكمل: أدري إني تأخرت كتير عشان أقولك هالكلام، بس خلاص... أنا أخدت قراري، وما عاد أبي أبعد عنك أبد أبد.
فضل كريم ساكت، وإيديه ثابتة للحظات، وكأن كلامها نزل عليه بطريقة ما كانتش متوقعة.
وبعدين... اتكلم.
كريم بصوت هادي، لكن كلماته كانت كفيلة إنها تغير ملامح نور في ثانية ..
كريم بجمود: يا نور... أنا بدي احكي شي، ودي يمكن آخر مرة أقدر أكون فيها صريح معك...
وفجأة، قالها كلمة واحدة...
كلمة خلت ابتسامتها تختفي بالتدريج، وإيديها ترتخي وهي لسه واقفة في حضنه، وعيونها تتسع بصدمة، كأنها مش قادرة تستوعب اللي سمعته.
رجعت خطوة لورا، وبصتله وهي بتهز راسها بعدم تصديق، وصوتها خرج متقطع من شدة الصدمة .
نور بذهول: شو بتقول...؟!
كريم ما ردش.
فضل باصصلها بنظرة غامضة، وملامحه ما كشفتش أي حاجة عن اللي جواه، بينما نور كانت بتحاول تفهم إذا كانت فعلا سمعت الكلام ده منه، ولا عقلها من شدة خوفها صور ليها حاجة مستحيل تحصل.
دموعها بدأت تلمع في عيونها، وابتسامتها اللي كانت من ثواني مليانة أمل اتحولت لوجع مكتوم.
نور بصوت مليان خذلان وصدمه: كريم... تكفى، قول إني فهمت غلط... قول إنك ما تقصد اللي وصلني
لكنه فضل ساكت...
والسكوت المرة دي كان أوجع من أي رد.
يا ترى كريم قال لنور إيه؟! وليه اختار اللحظة اللي قررت فيها تسلمه قلبها عشان يقولها الكلام ده؟