رواية حب المراهقة بقلم نور ربيع
رواية حب المراهقة الفصل الثامن والثلاثون38الاخير بقلم نور ربيع
سُبْحَانَ اللَّهِ وَالْحَمْدُ لِلَّهِ وَلَا إِلَهَ إِلَّا اللَّهُ وَاللَّهُ أَكْبَرُ
الباقيات الصالحات ذكر يطمئن به القلب وترجى به الرحمة.
على حافة الفراق... حين يختبر القدر القلوب 🥀
كانت سميرة واقفة قدام نور، وعيونها مليانة دموع وندم… ندم على ظلم، وعلى فتنة فرقت قلوب كانت يوماً بتحب بعضها.
مدت إيدها ناحية نور بصوت مكسور سميرة: نور… يا بنتي، أنا عارفة إن كلمة آسفة مش هتصلح اللي حصل، ولا هتمحي الوجع اللي عيشناكي فيه… بس أنا جاية أطلب منك السماح. سامحيني على ظلمي ليكي، وعلى كل لحظة صدقت فيها كلام ميار من غير ما أسمع منك.
نور كانت واقفة قدامها، ودموعها بتنزل بغزارة… بتحاول تتكلم، لكن كل كلمة كانت بتطلع من قلب موجوع.
وفجأة، رفعت صوتها بصرخة هزّت المكان ،
نور بوجع وعتاب: ليه الظلم ده؟ ليه سويتوا فيني هيك؟ أنا وش ذنبي عشان أعيش كل هالوجع؟! أنا ما ظلمت أحد… أنا كنت أحبكم، وكنت أحسبكم أهلي
سميرة حاولت تقرب منها، لكن نور رجعت خطوة لورا، ودموعها مغرقة وشها.
نور: أنا مو مسامحه أحد من عائلة السيوفي… ولا حتي، وليد وليد اللي كنت أدعي ربي إنه يكون من نصيبي… كنت أحبه من قلبي، وكنت أحسبه شخص كويس، وفي النهاية صدق وحدة منافقة زي ميار، وخلاني أعيش وجع ما يعلم فيه إلا الله
سميرة شهقت من كلامها، ودموعها زادت، لكنها فضلت واقفة مكانها… مش عارفة تقول إيه، ولا إزاي تطلب السماح من قلب اتكسر بسببهم.
وبعد لحظات من الصمت، قالت بصوت مرتعش
سميرة: نور… في حاجة لازم تعرفيها عن وليد.
نور مسحت دموعها بعصبية، وبصتلها بوجع: وش باقي تبون تقولون ليا؟! ما عاد فيني أتحمل أكتر
سميرة بلعت ريقها، وكأن الكلام تقيل على قلبها ،
سميرة: وليد… وليد مريض يا نور. عنده سرطان…
الكلمة وقعت على نور كأنها صاعقة
اتسعت عيونها، ووشها شحب فجأة… حاولت ترد، لكن صوتها اختفى. الدنيا حواليها بدأت تلف، وصوت سميرة بقى بعيد… بعيد جدا.
نور بصوت واهن: وليد…؟ لا… لا، مستحيل…
مدت إيدها تدور على أي حاجة تسندها، لكن رجليها ما شالتهاش… وقعت على الكرسي اللي وراها، وهي مش حاسة بنفسها.
سميرة جريت ناحيتها بفزع: نور! يا بنتي، نور… انتي كويسه
لكن نور كانت ساكنة، عيونها معلقة في الفراغ، والدموع بتنزل من غير صوت… كأن الصدمة سحبت منها القدرة حتى على البكاء.
وفي اللحظة دي، كل الوجع اللي حاولت تهرب منه رجع يطاردها… حبها لوليد، ظلمها، فراقها، وكل الدعوات اللي كانت بتدعيها عشان يجمعهم ربنا.
" سرطان… وليد عنده سرطان '
الكلمة كانت بتتردد جوا عقلها، وكل ما تحاول تصدقها، قلبها يرفض… وليد اللي كانت بتحلم يكون من نصيبها، وليد اللي اتوجعت بسببه، دلوقتي بيمر بوجع أكبر من قدرتها على الاحتمال.
بخطوات مترددة، مدت أيدها تمسك إيد نور، ودموعها بتنزل من غير توقف.
سميرة بصوت مكسور: نور… يا بنتي، سامحيني. أنا عارفة إني ظلمتك، وعارفة إن اللي عملته فيكي مش سهل يتنسي… بس أرجوكي، سامحيني.
نور بصتلها بعيون فيهم دموع وجع، ولما سميرة حاولت تضغط على إيدها، نور سحبت إيدها بهدوء… لكن السحب كان أقسى من أي صرخة.
نور بوجع وقهر: لا ، لا تطلبين مني هالشي الحين. مستحيل .
سميرة نزلت عيونها، وحست إن قلبها بيتفتت. كانت عايزة تقول كلام كتير، لكن الندم كان خانقها، والخوف على ابنها الوحيد كان أكبر من كل الكلام.
سميرة برجاء ودموعها مغرقة وشها: سامحيني يا نور… وسامحي ابني علشان ربنا يشيل عنه المرض… وادعيله، ادعيله كتير يا بنتي. ابني تعبان أوي… تعبان أوي، وأنا خايفة عليه.
خرجت آخر كلمة من سميرة وهي بتنهار، وحطت إيدها على قلبها كأنها بتحاول تمنع الوجع اللي جواها من إنه يكسرها.
سميرة: ده ابني الوحيد يا نور… أنا مش قادرة أتخيل الدنيا من غيره. يا رب، ربنا ياخد من عمري واديه… يا رب اشفيه، يا رب ما تحرمنيش منه.
نور فضلت ساكتة… لا قادرة ترد، ولا قادرة حتى تبص في عيني سميرة. كانت الصدمة أكبر من أي إحساس، وأكبر من قدرتها على اتخاذ قرار أو حتى فهم اللي بيحصل حواليها.
سميرة قامت ببطء، وملامحها مليانة يأس وندم… خرجت من المكان وهي حاسة إن ابنها بيضيع منها، وإنها خسرت قلب نور بسبب ظلمها، ومش عارفة إذا كان لسه فيه فرصة ترجع أي حاجة زي الأول.
أما نور، ففضلت مكانها… عيونها معلقة في الفراغ، وأنفاسها بقت بطيئة، والدنيا حواليها بدأت تسود من جديد.
حاولت تقوم، لكن جسمها كان تقيل… حاولت تتكلم، لكن صوتها ما خرجش.
كل اللي قدرت تعمله إنها همست وسط دموعها ،
نور بوجع وصدمه: يا رب… أنا مش قادرة… مش قادرة أستوعب.
وسابت دموعها تنزل في صمت… مش عارفة تزعل على وليد، ولا على نفسها، ولا على كل الأحلام اللي اتكسرت قبل ما تتحقق
━━━━━━━━━━━━━━━━━━━━━━━
في الصالون منزل عائله السيوفي ،
كانت ميار واقفه وسط الصالون، محاوطة نفسها بإيديها، ودموعها بتنزل بغزارة. قدامها أبوها محمد، وأمها أميرة، الكل متجمعين حواليها .
كلهم كانوا باصين ليها… لكن نظراتهم المرة دي ماكانش فيها حب ولا اهتمام، كان فيها عتاب موجع وخيبة أمل كبيرة.
ميار رفعت عيونها ليهم، وصوتها خرج مخنوق ،
ميار بعياط شديد: سامحوني… أرجوكم سامحوني. أنا غلطت، والله غلطت… بس أنا بنتكم، ومش عايزة أخسركم كلكم
محمد كان واقف ساكت، ملامحه متغيرة من شدة الحزن منها ، بعينين مليانين عتاب، وقال بصوت تقيل ،
محمد بقسوة: بنتي؟! أيوه، انتي بنتي يا ميار… وعشان إنتي بنتي، وجعك بيوجعني أضعاف. بس قوليلي… إزاي قدرتي تظلمي نور بالشكل ده؟ إزاي دخلتي شخص غريب علي بيتنا، وفتحتيله باب يدمر بنت مالهاش ذنب؟
ميار نزلت راسها، ودموعها زادت.
محمد: إحنا ائتمناكي… وصدقناكي. لكن إنتي استغليتي ثقتنا، وخليتي الفتنة تدخل بينا، وخليتي نور تدفع تمن كدبك ،
أميرة قربت منها، وقفت قدامها وهي بتحاول تمنع دموعها
أميرة: أنا أمك يا ميار… كنت أتمنى أشوفك أحسن بنت في الدنيا، مش أشوفك بتكسري قلب واحدة مالهاش غير ربنا. نور اتظلمت واتوجعت، وإنتي كنتي عارفة الحقيقة وسكتي ،
ميار ببكاء وكرهه: ماما… تستاهل تستاهل بكرهه
أميرة بغضب: تكرهيها ليه ليه اذيتك في ايه هي هااا؟ يا انانيه يا جاحده
الكلمة الأخيرة نزلت على ميار كأنها حجر… وانهارت في البكاء.
آمال ، بحزن شديد منها : يا ميار، إنتي مش بس ظلمتي نور… انتي دخلتي الفتنة بين عيلتنا، وخليتي كل واحد فينا يشك في التاني. كنتي بتقوليلنا بكدبك ونفاقك انها سبب موت شهد
عبدالله بنظرات عتاب وحزن شديد: ليهه يا ميار ليهه الحقد ده احنا عيله السيوفي نستاهل كده ؟ الوجع والحزن والفتنه دي كلها ، وليد وليد اللي تكسر قلبه بسببك ، وحرمتيه من العيل
شهد بعيون مليانة دموع، وقالت بعتاب: نور كانت محتاجة حد يصدقها ويقف جنبها… وإنتي كنتي أكتر واحدة عارفة إنها بريئة. إزاي قدرتي تشوفيها بتتوجع وتسكتي؟ ، ازاي تخلي أهلنا تصدق فيها كل ده ازاي رد علينا؟؟
ميار بصتلها برجاء و انهيار: شهد… إنتي أختي الصغيرة ، سامحيني إنتي. أنا مش عايزة أخسرك إنتي كمان
أحمد بحزن شديد منها وغضب: لا يا ميار لا مش هتسامحك . محدش فينا هيسامحك ولا هيديكي فرصه يسمعك حتى . انسي انسي يا ميار .
محمد بصوت قاسي، مخنوق بالحزن: كفاية يا ميار… كفاية تقولي سامحوني انتي فاكرة إن كلمة آسف هترجع اللي راح؟! فاكرة إن دموعك هتمسح دموع نور، أو ترجع كسره وليد ، والعيل اللي فقدته بسبب الظلم اللي انتي كنتي سببه
ميار رفعت عيونها لأبوها، ووشها غرقان دموع.
ميار: بابا… أرجوك، أنا بنتك
محمد هز راسه بألم، وصوته اتكسر رغم قسوته: وأنا أبوكي… وده أكتر شيء موجعني! أنا اللي ربيتك،
وعلمتك إن الظلم حرام، وإن قلب الناس مش لعبة في إيدينا. كنت فاكر إني بزرع فيكي الرحمة… لكن إزاي قدرتي تظلمي بنت بريئة، وتدخلي شخص غريب بينا،و تخلي الفتنة تهد بيت كامل؟!
سكت لحظة، وبصلها بنظرة عتاب تقيلة.
محمد: أنا مش موجوع منك عشان غلطتي وبس… أنا موجوع عشان مش قادر أصدق إن البنت اللي كنت بحضنها وهي صغيرة، بقت سبب في وجع ناس مالهمش ذنب. انتي كسرتي ثقتنا يا ميار… وما عادش اثق فيكي ابدا .
ميار قربت من أمها أميرة بخطوات مترددة، ودموعها مغرقة وشها.
ميار بصوت مكسور: ماما… أرجوكي، بصيلي. أنا بنتك… سامحيني يا ماما.
أميرة وشها مليان غضب ووجع. أول ما ميار حاولت تقرب منها، رجعت أميرة خطوة لورا، ورفعت إيدها تمنعها.
أميرة بقسوة: متقوليش ماما! أمك ماتت يا ميار… انسي إن كان ليكي أم. عيشي حياتك القاسية بعيد عننا، زي ما اخترتي تجرحي قلوبنا وتظلمي نور
ميار اتجمدت مكانها… الكلمة دخلت قلبها زي السكين. بصتلها بعدم تصديق، وشفايفها بتترعش.
ميار بكسرها: ماما… انتي بتقولي إيه؟! أنا بنتك… أنا محتاجاكي
أميرة بانفعال: وانتي فكرتي في احتياج نور ليكي؟! فكرتي في وجعها؟! انتي اللي اخترتي الطريق ده… اتحملي نتيجته
ميار حاولت تقرب تاني، لكن أميرة لفت وشها عنها، ودموعها نزلت رغم قسوتها.
ميار رجعت لورا وهي بتبكي بحرقة… لكن وسط دموعها، بدأت نظراتها تتبدل. الوجع اللي كان مالي قلبها اتحول لغضب مكتوم، ونار الانتقام رجعت تشتعل جواها من جديد.
بصت لأمها وباقي العيلة، وهمست بصوت خافت مليان مرارة ،
ميار: حتى إنتوا… كلكم تخليتوا عني.
وساد الصالون صمت قاسي… صمت كان كفيل يخلي المسافة بينهم أكبر من أي وقت فات.
شهد كانت واقفة بتبص لأحمد وميار، ودموعها متجمعة في عيونها… مش قادرة تصدق إن أقرب اتنين ليها بقوا بالشكل ده.
الشاب اللي كان يوما حبيبها، واللي كانت شايفاه أحن إنسان، بقى قاسي وتخلي عنها من أول اختبار… والبنت اللي كانت أختها وصاحبتها، ميار، بقت أنانية وظالمة لدرجة إنها مش عارفة تتعرف عليها.
بصتلهم بعتاب ووجع، وقالت وسط عياطها ،
شهد: مش مصدقة إنكم أولاد عمي الكبير… تبقوا بالشكل ده في يوم من الأيام! إنتوا الاتنين كنتوا أقرب ناس لقلبي… ليه اتغيرتوا كده؟ ليه؟ ليه؟!
وانهارت في البكاء، ولفت وشها عنهم، وطلعت تجري على أوضتها، سايبة وراها صمت تقيل… وقلوب اتكسرت، وكلام كان أصعب من أي خصام.
━━━━━━━━━━━━━━━━━━━━━━━
كانت حياة قاعدة في حضن أبوها كريم، بتعيط بانهيار، وكل ما يحاول يهديها كانت تتمسك فيه أكتر، وعيونها الصغيرة بتدور في المكان كأنها مستنية نور تظهر فجأة.
حياة في وسط شهقاتها: بابا… أبي ماما جميله وينها؟ أبي ماما الجميلة… أبيها ترجع عندي
كريم حس إن قلبه بيتقطع. ضم بنته لصدره، لكنه ما عرفش يرد عليها… إزاي يقول لطفلة صغيرة إن البنت اللي كانت بتطمنها كل ليلة أنها خلاص مش رجعه علي حياتهم تاني
حياة بيكاء : ماما جميله تحبني… هي قالتلي إني بنتها! ليه راحت؟ أنا أبيها يا بابا… أبي ماما
سارة كانت واقفة جنبهم، ودموعها بتنزل بصمت. قربت تمسح على شعر حياة، لكن الصغيرة فضلت تنادي على نور، وكأن صوتها ممكن يرجعها.
كريم بص لبنته بعجز ،بحزن شديد قال
كريم: يا بنتي… حتى أنا أبيها. ترجع علي حياتنا والله العظيم .
ساره بدموع وحزن: رجعها رجعها يا كريم.
بصلها كريم بحزن شديد واضح عليه .
و حياة خبت وشها في صدره، وفضلت تبكي… وكريم ضمها بقوة، موجوع من فراق نور، وموجوع أكتر إنه مش قادر يداوي قلب بنته الصغيرة.
و كريم حاسس إنه مش قادر يعيش من غيرهه، وإن فراقها كسر قلبه.
بص لحياة، ومسح دموعها، وكأنه أخد قراره من غير أي تردد.
كريم بصوت حاسم: خلاص… مو أتركها تبعد عني اكتر من هيك. نور لازم ترجع لحياتي… مهما صار.
قام بسرعة، وراح الأوضة التانية، وساب حياة مع سارة. طلع تلفونه ، ورن علي نور
وفجأة ...
أول ما سمع صوت نور ،لاقيها انفجرت في بكاء شديد، كأنها كانت مستنية حد يسمع وجعها.
نور بعياط شديد، وسط شهقاتها: اااااه يا كريم… وليد عنده سرطان يا كريم قلبي يتقطع عليه… يا الله
كريم اتجمد مكانه.
تلفون ثابت على ودنه، وعيونه اتسعت من الصدمة… كأن الكلام اتقال بلغة مش قادر يفهمها.
كريم بصوت صادم: وش… وش قلتي يا نور؟
نور بانهيار: وليد مريض يا كريم… مريض سرطان يا كريم وأنا خايفة عليه، قلبي مو قادر يتحمل… ياربي
سكت كريم تماما… لا رد، ولا حتى نفس واضح. اسم وليد كان بيرن في دماغه؛ وليد مش مجرد صاحبه… ده ابن عمته الوحيد، وأخوه اللي عمره ما تخيل إن يوم يسمع عنه الخبر ده.
نور بانهيار عليه: كريم مو قادرة والله العظيم قلبي مو قادر يستحمل هذا حكي
كريم بلهفه عليها: اهدي اهدي مو صار شئ ابشري بالخير. انا هروح اطمن عليه .
كريم اتحرك، أخد مفاتيحه بسرعة وخرج من الأوضة، وسارة بصتله بخضة.
كريم قال هو خارج بجنون: سارة، خدي بالك من نفسك وحياة… أنا لازم أروح لوليد الحين
سارة: كريم! وش صار؟!
كان خرج من البيت، وتلفونه لسه على ودنه، وصوت نور المنهار بيوجعه.
ركب العربية، وقبل ما يتحرك، حاول يطمنها بصوت مكسور ملهوف عليها،
كريم: نور… اهدي يا روحي، تكفين اهدي. أنا بروح لوليد الحين… وبشوفه عند الدكتور، وإن شاء الله ربي يطمنا عليه.
نور ببكاء: كريم… أنا خايفة عليه… خايفة يصيرله شيء
هنا كريم اتفاجئ، وحزن اكتر من لهفه نور علي وليد بالطريقه دي
كريم: لا تقولين هيك… وليد قوي، وربي كريم. بس اهدي… لا تخلين قلبك يتعب أكثر.
قفل عينه لحظة بحزن شديد… كان مصدوم من حال صاحبه وابن عمته، وقلبه موجوع على نور اللي بتنهار لوحدها في اللحظة دي.
داس على البنزين، وعقله مش قادر يستوعب الخبر…
لكن كان بيختنق من جواه بسبب نور وجنونها عليه،
━━━━━━━━━━━━━━━━━━━━━━━━
♡ حــكــايــة بــقــلــم الــكــاتــبــة نــور ربــيــع NR ♡
━━━━━━━━━━━━━━━━━━━━━━━━
في منزل هاني .
صوت بكاء الأطفال كان مالي البيت… رهف بتعيط، ورائف بيبكي بصوت عالي، وأمينة قاعده مخنوقه جدا. و بتنادي على الدادة بقلق.
أمينة بخنقه: يا دادة، تعالي خدي الأطفال شوفي مالهم.
خرج هاني من الأوضة بضيق وقلق، وبص للأطفال اللي الدادة أخدتهم بابتسامة هادية وهي بتحاول تهديهم.
هاني بقلق: مالهم يا أمينة؟ في إيه؟
أمينة بصتله بضيق شديد: معرفش بيعيطو جامد كده ليه
هاني بتنهيده: الداده تاخد بالها منهم انتي حاولي تهدي بس .
أمينه بحزن شديد : هاني… في أخبار عن مهران؟
هاني سكت لحظة، وبان في عيونه أمل صغير رغم الحزن إللي جواه عليه
هاني: شهد مش ساكتة يا أمينة… بتحاول تعمل اللي تقدر عليه. إن شاء الله ربنا يكتب الخير.
أمينة نزلت عيونها، ودموعها لمعت وهي بتقول:يا رب… يا رب يا هاني، قلبي مش مطمن عليه .
هاني قرب منها، وحط إيده على كتفها يهون عليها، لكن هو نفسه كان بيخبي خوفه ورا أمل ضعيف… أمل إن ربنا يغير حال مهران قبل ما يفوت الأوان.
━━━━━━━━━━━━━━━━━━━━━━━━━
وصل كريم المستشفى بسرعة بعد ما عرف أنه في مستشفى، ونزل من العربية وهو مش قادر يهدي دقات قلبه. أول ما دخل، لمح عمته سميرة قاعدة قدام أوضة وليد، عيونها حمرا من كتر العياط، وأمجد واقف جنبها ووشه شاحب.
كريم بلهفة: عمتي… وين وليد؟
سميرة بصتله، لكن صوتها خانها. أشارت ناحية الأوضة، وكريم دخل بخطوات تقيلة.
وليد كان نايم على السرير، وشه مرهق، وعيونه معلقة في السقف. أول ما شاف كريم، حاول يبتسم.
وليد بصوت ضعيف: إيه يا عم… جاي تعمل واجب العزاء وأنا لسه عايش؟
كريم وقف مكانه، والكلام اتخنق في حلقه. قرب منه وقعد جنب السرير، ماسك إيده بقوة.
كريم: لا تقول هيك يا وليد… إنت هتقوم، وهترجع أحسن من الأول أبشر .
وليد ابتسم ابتسامة باهتة، وبص ناحية الباب اللي كانت سميرة واقفة وراه، بتحاول تمنع دموعها.
وليد بهموم كبيرة: أنا خايف يا كريم…بس مش من المرض قد ما أنا خايف أسيبهم. أمي… وأبويا… وكل اللي بحبهم.
كريم حزن جدا عليه .
كريم: وإحنا ما راح نخليك تواجه هالشي لحالك… سامعني؟ بنكون معك بكل خطوة تخطيها.
وليد ضغط على إيده بخفة، وكأن الوعد ده كان كل اللي محتاج يسمعه.
في اللحظة دي، دخل الدكتور ومعاه ملف التحاليل. الصمت نزل على الأوضة، وكل العيون اتعلقت بيه.
الدكتور بهدوء: لازم نبدأ العلاج في أقرب وقت… ولسه قدامنا خطوات كتير.
سميرة غطت وشها بإيديها وهي بتبكي، وأمجد فضل ، يتابع كلام الدكتور ،
أما كريم، ففضل واقف… مش قادر يقول حاجة، بس جواه دعاء واحد ،
يا رب… خليه لينا. ما تخليش المرض ياخده مننا.
وليد كان مهموم جدا حزين متعب من جواه.
━━━━━━━━━━━━━━━━━━━━━━
في بداية يوم جديد
مع أول ضوء للصباح، كانت نور قاعدة جنب الشباك، عيونها مرهقة من كتر البكاء، وليلي بتحضرلها كوباية شاي وبتحاول تخرجها من دوامة الحزن إللي هي فيها .
ليلي بحنان: يا نور اهدي، لازم تاكلي حاجة… انتي من امبارح اكيد ما اكلتيش حاجه. حالتك زفت من امبارح كده علي وليد.
نور بصتلها ودموعها لمعت من جديد.
نور بدموع وحزن:مالي نفس يا ليلي… والله قلبي مو قادر يتحمل. كل ما أغمض عيوني أتذكر وليد، وأخاف عليه أكتر .
ليلي قعدت جنبها ومسكت إيدها.
ليلي: ربنا رحيم يا حبيبتي… ادعيله، وإن شاء الله ربنا يطمن قلبك.
نور هزت راسها، لكن دموعها فضلت تنزل… وفي قلبها دعاء واحد، إن ربنا يعدي الأيام دي على خير.
━━━━━━━━━━━━━━━━━━━━━
كان وليد واقف قصاد ميار ، وملامحه باهتة من التعب. في ايده ورق الطلاق .
ميار اقتربت منه بخطوات مترددة ،
وليد بحزم: ما تقربيش يا ميار ارجوكي
ميار بقهرها: وليد انا كنت حبيبتك ليه الجفا ده ؟
وليد بسخرية: كنتي بقى يا بنت عمي .
وليد رفع ايده ليها بالورق الطلاق، وكان جواه وجع أكبر من قدرته على الكلام.
وليد بصوت متعب جدا: ورق طلاقك يا ميار.
ميار اتراجعت خطوة، ووشها شحب.
ميار: لا… وليد، أرجوك اسمعني. أنا ندمانة والله انا حبيبتك بلاش تعمل كده
وليد بص للورق، بعدها بصلها بقسوة قلب
وليد: مش قادر أسامحك يا ميار… لا على وجع البيبي اللي كان مني، ولا على ظلمك لنور، ولا على كل اللي عملتيه وانتي عارفة إنك بتكسري قلوبنا.
ميار انفجرت في البكاء، وحاولت تقرب منه، لكنه رفع إيده يمنعها.
وليد: سامحيني إني تسرعت… سامحيني إني دخلتك حياتي، وخطبتك، وحلمت معاكي وعلي كتب كتابنا وعلي حملك مني وكل ده. ما كنتش أتخيل إن كل اللي بينا هيوصل للنهاية دي.
صوته اتكسر، وسكت لحظة قبل ما يكمل ،
وليد: بس ندمت على كل لحظة حبيتك فيها يا ميار… مش عشان الحب كان كدب لا انتي بتعشقي حاجه إسمها وليد كده، لكن عشان اللي عملتيه خلى كل حاجة حلوة بينا تتحول لوجع.
ميار بانهيار: وليد، أرجوك… اديني فرصة واحدة! أنا مش هقدر أعيش من غيرك
وليد غمض عيونه، وكأنه بيحاول يمنع قلبه من الانكسار أكتر.
وليد: قدامك مستقبل… سافري، وعيشي حياتك، واعملي كل اللي انتى عايزاه… بس بعيد عني. أنا تعبت يا ميار، ومش قادر أعيش في الوجع ده تاني.
حط ورق الطلاق في أيدها،
وليد بصوت متعب ضعيف: سامحيني… لو تقدري . بس مش هقدر اكمل معاكي
واختفى من قدامها، من غير ما يلتفت.
ميار فضلت واقفة مكانها، عيونها معلقة بالورق… وبعد لحظات انهارت على الأرض، وضمته لصدرها وهي بتبكي بحرقة.
ميار بصرخه وجع: وليد… لا أرجوك… ما تسبنيش انا حبيبتك مياار
لكن… ووليد اختفى من قدامها، وساب وراه قلبين مكسورين، وحكاية انتهت قبل ما أي حد فيهم يعرف يصلح اللي اتكسر.
━━━━━━━━━━━━━━━━━━━━━━
مرت أيام قليلة، لكن حالة وليد كانت بتسوء، وتعبه بقى واضح على ملامحه. وفي وسط خوف أهله عليه، اتخذ قرار كان بيفكر فيه من فترة… إنه يسافر يعمل عمرة، بنية الشفاء، وراحة قلبه، وإن ربنا يغفرله ويسامحه على كل اللي فات.
وقبل سفره، طلب يشوف نور لحتي يطلب منها السامح علشان قلبه يطمن .
━━━━━━━━━━━━━━━━━━━━
دخل وليد بيت نور بخطوات هادية ، كان كريم معاه .
وليلي قاعده جنب نور. أول ما نور شافته، عيونها اتملت بالدموع، وحاولت تتمالك نفسها.
واقف وليد قصادها .
وليد بصوت متعب: نور… ممكن أتكلم معاكي شوية؟
نور هزت راسها، ودموعها نزلت وهي مش قادره تنسي أو تطلع اي قسوته عليها واهناته .
وليد بحزن: أنا عارف إني ما استحقش منك حتى إنك تسمعيني… بس كان لازم أطلب منك السماح قبل ما أسافر.
سكت لحظة، وبصلها برجاء.
وليد بحزن شديد : انا نفسي ربنا يسامحني علي ظلمي ليكي. ويعفي عني ، و نفسي لو ربنا كتبلي عمر جديد، نبدأ صفحة جديدة سوا … وتكوني شريكتي في حياتي. مش بطلب منك تنسي اللي حصل، ولا بوعدك اني عمر ما اقسي عليكي في يوم من الايام … أنا بس بتمنى تديني فرصة أكون إنسان أحسن.
نور انفجرت في البكاء، وحاولت تتكلم وسط شهقاتها.
اما كريم فا نار الغيره اشتعلت جواه وحس بغضب ، لكن حاول يتماسك نفسه في لحظه دي، و يخبي جواه
نور بعياط وحزن: وليد… تكفى خد بالك من حالك، واهتم بعلاجك. لا تهمل صحتك، أرجوك… أنا مسامحتك، بس مو قادرة أنسى إنت سويت فيني إيش. كسرتني يا وليد… اتهمتني في شرفي، وظلمتني ودمرتني، وخليتني أحس إني لوحدي قدام الدنيا كلها ، انت واهلك
وليد برجاء وحزن: سامحيني… سامحيني يا نور، علشان ربنا يعفو عني. أنا عارف إني جرحتك جرح كبير، ومهما قلت مش هقدر أرجعلك اللي اتكسر.
ليلي كانت واقفة متأثرة، لكنها مقدرتش تمنع نفسها من العتاب.
ليلي بحزن: أنا قولتلك يا أستاذ وليد إنها مظلومة، وإنك هتندم على كل حاجة عملتها فيها… بس إنت ما صدقتش، وفضلت متمسك بظلمك ليها.
وليد بصلها بندم شديد، وهز راسه.
وليد: فعلاً… ندمت . ندمت أوي، وكل يوم بيعدي عليا بحس قد إيه كنت ظالمها.
نور مسحت دموعها، وبصتله برجاء.
نور : بس أوعدني إنك تهتم بحالك… لا تخلي اليأس يغلبك، وخلك قوي. ربنا قادر يشفيك ويعطيك عمر طويل.
وليد ابتسم ابتسامة باهتة، وكأنه لأول مرة من فترة طويلة يحس إن قلبه أخف شوية.
أما كريم، فكان واقف بيراقب المشهد في صمت. شاف لهفة نور عليه، وخوفها، ودموعها اللي بتنزل كل ما وليد يتكلم… وحس بوجع جواه، وغيرة حاول يداريها، لكنها كانت بتزيد مع كل كلمة.
وقال بقرار نهائي بدون تردد مره دي من قهره وغيرته عليها
كريم بصوت هادي لكنه مخنوق وغضب مكتوم : أنا ونور انفصلنا عن بعض يا وليد... " ثم ابتسم ابتسامة باهتة كذابة، كانت وراها وجع كبير مخبيه جواه، وقال بنبرة حاول يخليها عادية .
كريم: تقدر تاخدها ليك براحتك يا ابن الحلال...
نور بصتله بوجع . وحاولت تدري وجعها ،
نور بحزن شديد وجع: الله معك يا كريم
ثم قالت لوليد وهي بتتنهد بقهر : الله يحفظك يا وليد… ويكتبلك الشفاء.
كريم لف وشه بعيد، و حاول يخفي اللي جواه. كان حزين على وليد، وموجوع من نور، لكن أصعب حاجة عليه إنه شاف بعينه قد إيه قلبها لسه شايل خوف عليه.
وفي اللحظة دي، فهم إن رجوع نور لحياته مش هيكون سهل… وإن قلبها لسه محتاج وقت طويل عشان يختار طريقه من جديد
━━━━━━━━━━━━━━━━━━━━━━━━━
كانت شهد قاعدة قدام مهران، وعلى وشها ابتسامة حزينة بتحاول تخبي وراها خوفها ووجعها. مدت إيدها ومسكت إيده من بين إيديها.
شهد بحنان: متقلقش يا مهران… بإذن الله هتخرج من هنا، وأنا مش هسيبك في ضيقتك دي. هفضل وراك لحد ما تاخد علاجك وتتعافى، بس إنت خليك قوي.
مهران ابتسم، وبصلها بحب واشتياق.
مهران: أنا بحبك أوي يا شهد… بعشقك. ومش هسيبك إنتي وابني، وهنعيش سوا في سعادة، وهعوضك عن كل لحظة وجع عيشتها بسببي.
شهد ابتسمت ابتسامة باهتة، وعيونها مليانة حزن.
شهد بوجع: إن شاء الله… سيبها على الله يا مهران.
مهران ضغط على إيدها، وقال بصوت مكسور: سامحيني يا شهد… على كل لحظه وجعتك فيها.
شهد قامت ببطء، والدموع متجمعة في عيونها.
شهد بتعب شديد وهموم: خد بالك من نفسك يا مهران… اطمن، مش هسكت إلا لما تخرج من هنا. هفضل أدعيلك، وكل فترة هاجيلك وأجيبلك العلاج، ومهما حصل مش هتكون لوحدك… أنا معاك يا أبو ابني.
لفت وشها عشان تخفي دموعها، ومشيت وهي حاطه ايدها علي بطنها بتعب.
مهران فضل قاعد مكانه، بيتابع خطواتها بعيونه… لحد ما اختفت من قدامه تماما .
ابتسامته اختفت، ووشه اتبدل للحزن. فضل باصص للباب الفاضي، وكأنه لسه شايف أثرها قدامه، وهمس لنفسه ،
مهران بوجع وحزن : متغيبيش عني يا شهد… أنا ما بقاليش غيرك.
وساد الصمت… صمت مليان شوق وخوف من فراق يمكن يطول أكتر مما يتمنى.
━━━━━━━━━━━━━━━━━━━━━━
في منزل السيوفي .
كانت سارة قاعدة مع أميرة وسميرة، وحياة قاعدة على رجلين سميرة ، اللي كانت بتمسح على شعرها بحنان
أما سارة فكانت قدامهم، ودموعها بتنزل وهي بتفتكر أيامها الحلوة مع نور.
سارة بحزن شديد: تدرون؟ أنا كل ما أتذكر نور، أتذكر ضحكتها وطيبتها… كنا نجلس سوا ونسولف بالساعات، وكانت تحسسني إني أختها مو مجرد زوجة أخوها.
مسحت دموعها وبصتلهم بعتاب.
سارة: ليه سويتوا هيك فيها ؟ ليه جرحتوها وهي ما كانت تستاهل؟ نور كانت تحبكم من قلبها، وكانت تشوفكم أهلها… كيف قدرتوا تكسرون خاطرها؟
سميرة نزلت عيونها بحزن، وأميرة دموعها بدأت تنزل، لكن سارة كملت بصوت مليان وجع ،
سارة: والله اشتقتلها… اشتقت لأيامنا، ولضحكتها في البيت. كان كل شيء أحلى وهي معنا.
سميرة بحزن وندم شديد: ربنا يسامحنا علي كل حاجه يا بنتي يا ساره يارب
وأميرة مدت إيدها تمسح دموع سارة، جواها حزينه جدا علي نور .
على جنب، كانت أمال بتتكلم مع شهد في التليفون.
أمال بقلق : تعبانه مالك . إنتي فين تعالي طيب يلا البيت يا شهد
شهد بتعب: أنا رحت أطمن على نور، وقعدت معاها شوية… البنت تعبانة أوي يا شهد.
امال بحزن: ربنا يقويها يا ماما، ويطمن قلبها.
شهد: يارب يا ماما يارب ،
امال بقلق عليها: يلا طيب يا شهد تعالي صوتك تعبان ، تعالي ارتاحي يا بنتي بدل لقدر الله يحصل حاجه ليكي إنتي والعيل
شهد بطمن فيها: لا لا ما تقلقيش يا حبيبتي عليا خير أن شاء الله. قاعده شويه مع نور بس
امال بقله حيله: ماشي خدي بالك من نفسك . وسلميلي عليها كتير ..
وقفلت معاها.
لكن محدش فيهم كان يعرف إن اليوم ده مش هيعدي بالساهل… وإن ابتلاءات كتير كانت مستنياهم، وصدمات هتقلب حياتهم، وتوجع قلوبهم كلهم من جديد.
━━━━━━━━━━━━━━━━━━━━━━
كان وليد مجهز شنطته وواقف وسط أهله، لابس ملابس السفر، وملامحه باين عليها التعب والإرهاق. كان بيحاول يبتسم رغم الوجع اللي جواه.
كان واقف مع أحمد وعمه محمد وأبوه وعمه وعبد الله وكريم، وكلهم بيحاولوا يرفعوا من روحه المعنوية.
امجد بحنان: ربنا يكتبلك الخير يا ابني، وتروح وترجع بالسلامة، ويديك الصحة والعافية.
عبد الله بأمل: ادعي ربنا بقلبك يا وليد، وإن شاء الله اللي جاي كله خير يا حبيبي
كريم قرب منه وربت على كتفه، وقال بجمود: لا تشيل هم يا وليد، بإذن الله ربي يشفيك ويعافيك، وإحنا كلنا بندعيلك. خلك قوي، ولا تفقد الأمل.
وليد ابتسم بتعب، بص لا عنه محمد . إللي واقف بعيد حزين .
قرب منه وليد. وقال بحزن
وليد : مالك يا عمي واقف بعيد ليه مش عاوز تودعني قبل ما امشي
محمد بحزن شديد و بأسف: ربنا يشفيك يا بني ويعفيك ويعوضك . أقولك اي بس حقك عليا يا وليد علي كل حاجه ميار عملتها فيكي حقك عليا يا ابني ..
أحمد بحزن شديد : ربنا يشفيك يا ابن عمي ويعوضك عن اللي فات . و سامح
وليد بحزن شديد جواه: عمي ايه اللي بتقوله ده . ما تقولش كده
وحضنه ، بابتسامة حزينه جدا متعبه: ربنا يخليك لينا يا عمي يارب .
محمد بدله حضن بحنان وحزن شديد: ربنا يشفيك يا حبيبي يارب ويطول في عمرك ويعوضك .
وليد بصلهم بابتسامة باهته.
وليد: ربنا يخليكم ليا… أنا محتاج دعواتكم أوي.
أحمد حاول يخفف الجو، فقال بمرح أحمد: بس اسمع يا عم وليد، ما تنساش تدعيلي في العمرة إن ربنا يرزقني بعروسة حلوة كده تفرح قلبي
ضحكوا بخفة، ووليد ابتسم من قلبه . الأول مره تخرج من قلبه .
وليد بتعب: حاضر يا أحمد… هادعيلك، بس إنت كمان ادعيلي كتير .
أحمد قرب منه وحضنه، وباقي الرجالة التفوا حواليه يودعوه.
وفي وسط كل الدعوات والابتسامات، كان وليد بيحاول يخفي حزنه… لكنه كان متعلق بأمل واحد، إن ربنا يرجعه لأهله بصحة وقلب مطمئن . وربنا مطمن قلبه بأن جاي خير لي .
━━━━━━━━━━━━━━━━━━━━━━
كانت أمال واقفة في المطبخ بتحضر الأكل
فجأة دخلت سارة بابتسامة صغيرة،
سارة: تحبين أساعدك يا طنط أمال؟
أمال بابتسامة حنونة: لا يا قمر، بلاش تتعبي نفسك، انتي ضيفة عندنا.
سارة بزعل :شو بتعتبرين ضيفه معقوله ؟
امال بصتلها بسرعه بزعل من نفسها: إنتي زعلتي حقك عليا. مش قصدك انتي واحده مننا طبعاً بس قصدي انك بلاش تتعبي نفسك وأنتي جايه لينا ضيفه يا حبيبتي والله .
أبتسم ساره بلطف: أكيد، فهمتك، لا تشيلين هم يا حبيبتي، ولا تزعلين أبد.مو زعلت
ضحكت أمال بحب، وقبل ما ترد، دخلت حياة المطبخ بخطواتها الصغيرة، وقالت ببراءة.
حياة: طنط أمال، سارة تبي عصير!
أمال وهي بتبصلها بحنان: من عيوني يا حياة، أنا هعملك أحلى عصير يا حبيبتي.
حياة بفرحة: أبي فراولة
أمال: من عيوني يا روح قلبي.
ضحكت سارة وهي بتبص لحياة، وبدأت تساعد أمال في الاكل ، ويط أجواء مليانة دفء وحنان، محدش فيهم كان يعرف إن في عيون بتراقبهم من بعيد...
كان شخص واقف بعيد، عينه متعلقة بحياة الصغيرة، وبيتابع كل حركة بتعملها، وكل كلمة بتقولها، وملامحه غامضة بشكل يثير القلق.
━━━━━━━━━━━━━━━━━━━━━━
كانت شهد قاعدة جنب نور، بتحاول تفتح معاها أي كلام، لكن نور كانت ساكتة وحزينة، وعيونها شاردة في مكان بعيد.
قربت شهد منها بلطف وحنان، وقالت بابتسامة صغيرة .
شهد: هتفضلي كده زعلانة مني ليه؟ مش عاوزة تبقي صاحبتي تاني؟
فضلت نور ساكتة، فشهد بصتلها ببراءة، وبدأت دموعها تتجمع في عينيها.
شهد: ليه مش بتتكلمي معايا؟ أنا صحبتك يا نور... أنا ذنبي إيه؟ ردي عليا بقى، كفاية اللي مهران عمله فيا، والله وراني أيام صعبة أوي. بلاش تزودي عليا انتي كمان . والله العظيم انا تعبانه يا نور ربنا اللي يعلم بيا
سكتت لحظة، وبصت لبطنها بنظرة مليانة حنان، وبعدها رفعت عينيها لنور بابتسامة وسط دموعها.
شهد: بس اللي مهون عليا كل ده حبيبي عمر... اللي لسه في بطني.
نور بصتلها بحزن واستغراب ، وبصت نور لبطنها الصغيرة وقالت باستغراب ،
نور: طيب وين البيبي هذا؟ بطنك لسه صغيرة
ضحكت شهد بخفة وسط دموعها وقالت: يا بنتي أنا لسه في الشهر التاني
فضلت نور باصلها، وملامحها بدأت تلين شوية، لكن عيونها فضلت مليانة حزن. شهد مدت إيدها ومسكت إيدها بحنان ،
شهد: نفسي تفرحيلي يا نور... ونرجع زي الأول. أنا محتاجاكي جنبي، ومش عاوزة أخسر صحبتك كمان.
نور نزلت عيونها لإيد شهد، وكأنها بتحاول تلاقي كلام ترد بيه، لكن وجعها كان أكبر من قدرتها على الكلام.
نور تنهدت بضيق شديد وقالت بهدوء: انا مو شايله منك بقلبي يا شهد تمام . ممكن تهدي شوي
صحكت شهد بحب . وحضنتها وقالت: لا اهدي أبدا انا بحبك اوي
ابتسمت نور ابتسامه بسيطه. ليها بتهز رأسها بحنان
نور: ياربي مو ارتحتي غير أما خلتيني استسلمت يا استاذه شهد
شهد بابتسامه وحب: والله بحبك اوي يا نور ربنا اللي يعلم يا قلبي
نور بصتلها بحب: وأنا كمان ربنا يديم ما بين المحبه دي يارب
شهد بابتسامه علي ملامحها رغم همومها : يارب يارب يا نوري
━━━━━━━━━━━━━━━━━━━━━━
دخل أحمد البيت، وكان باين عليه التعب، وأول ما شاف أمال خارجة من المطبخ وفي إيدها كوباية عصير فراولة، قال بتعب
أحمد: السلام عليكم يا مرات ياااه، حاسة بيا بقى! الواحد داخل مهدود من التعب و المشوار سفر وليد .ومحتاج كوباية عصير تفوقه.
أمال بسرعة وهي بتضحك: عليكم السلام ورحمه الله وبركاته . استنى يا أحمد! دي بتاعة حياة بنت كريم، هتزعل لو شربتها. كنت هعملك واحدة مخصوص.
لكن أحمد كان سبقها وشرب نص الكوباية، وقال وهو بيستمتع بطعمها
أحمد ضحك جامد: خلاص يا مرات عمي، النص التاني أهو ليها
ضحكت امال: يخرب عقلك انت خليت حاجه ليها .
وفي اللحظة دي جت حياة، وبمجرد ما شافت في إيد أحمد العصير، وقفت مكانها ووشها اتغير، وبعدها انفجرت في العياط.
حياة : لااا! عصيري! هذا ليا أنا
أحمد اتفاجئ، وحط الكوباية بسرعة، وشالها بحب وقال بحنان
أحمد بحنان : يا حبيبي أنا مكنتش اعرف إنها بتاعتك ، متزعليش مني يا روح قلبي.
ساره جت بقلق: شوفي ليه تبكين يا حياة.
حياة بدموع: هو شرب عصيري يا ساره .
أحمد أبتسم بحنان هو بيمسح دموعها: خلاص يا ستي، حقك عليا. يا مرات عمي، اعمليلها واحد تاني بسرعة، وخليه كبير كمان عشان خاطر عيون الأميرة حياة.
أمال بضحكة: حاضر يا سيدي،
ساره بحنان: خلاص يا حياتي لا تبكين تعالي انا بسوي ليكي بنفسي ..
بصت لامال وقالت بابتسامة: لا تتعبين حالك يا طنط انا بدي أسويها ليها ممكن.
امال بلطف؛ تمام يا حبيبتي اللي يريحك .
نزل أحمد حياة وقال؛ أومال فين امي يا مرات عمي
امال: راحت عند نور تطمن عليها
أحمد: امم تمام
━━━━━━━━━━━━━━━━━━━━━━━━━
دخلت سارة المطبخ تعمل عصير، لكن عيونها وقعت على عبوة مكتوب عليها سم فئران، موجودة على الرخامة جنب الأكل.
وقفت مكانها باستغراب، وفي اللحظة دي دخلت أمال.
سارة باستغراب: طنط أمال، وش هالسم؟ ليه موجود هنا جنب الأكل؟
أمال باستغراب: سم؟ دا ايه اللي جابه هنا؟ أنا معرفش اي جابه هنا دا بتاع فئران
وفجأة، ملامح سارة اتبدلت، وجسمها بدأ يرتجف وهي بتفتكر ميار وانها عاوزه تنتقم من كريم و نور، وبصت ناحية الأكل والعصير بعينين مليانين رعب.
سارة بصوت مرتعش: لا... لا، مستحيل
أمال بخضة: مالك يا سارة؟ في إيه؟!
سارة وهي بتصرخ: ميار! ميار أكيد سوت شئ يمكن حطت سم في الأكل أو العصير
اتسمرت أمال مكانها، وبصت لسارة بصدمة، وفي اللحظة دي الاتنين افتكروا حياة وأحمد
سارة جريت على الصالون، ولما شافت حياة، شالتها بسرعة في حضنها ودموعها نازلة من شدة الخوف.
سارة بدموع ورعب عليها: يا عمري انتي! تعالي بحضني... انتي بخير يا حياة؟ أكلتي أو شربتي أي شئ؟
حياة ببراءة: وش فيكي يا سارة؟ ليه تبكين؟
سارة ضمتها أكتر، ومقدرتش ترد من الرعب.
أما أمال، ففضلت تدور بعيونها في الصالون وتنادي بصوت عالي .
أمال: أحمد! يا أحمد! إنت فين؟
دخلت الأوض بتاعته ، وهي بتنادي عليه، لكن مفيش أي رد.
أمال برعب: يا مصيبتي... أحمد مش هنا
طلعت تجري علي ساره برعب .
امال: أحمد مش موجود أحمد ماشي يا ساره .
خرجت سميرة في لحظه دي بخضه
سميرة: في ايه مالكم .
سارة بصتلها بصدمة، وحياة لسه في حضنها، وفجأة جريت ناحية باب البيت وبصت للشارع... لكن عربية أحمد ما كانتش موجودة
سميرة بقلق: في ايه يا امال انتي وساره مالكم .
امال بدموع وصدمه: يا سميرة
ميار ناويه تموتنا كلنا حطيت شكلها كده سم في عصير . وأحمد شارب منه
سميرة حطيت أيدها علي قلبها بصدمه: يا نهار أبيض انتي بتقولي ايه .
وفجاه افتكرت ميار انها . كانت واقفه في المطبخ بالفعل .
سميرة بصدمه ودموع صوتها مرتعش: ميار كانت في مطبخ فعلاً من شويه .
امال بصدمه: يبقي اكيد سمت العصير .
ساره رجعت بسرعه لا امال، ودموعها بتزيد .
سارة: طنط أمال... وين أحمد؟!
أمال حطت إيدها على قلبها، وصوتها خرج مرعوب .
أمال: يا رب استر... يا رب يكون بخير
وفي وسط الصدمة، سارة صرخت: لا أحد يقرب من الأكل أو العصير! لازم نطلب الإسعاف ونتأكد إن محدش اتعرض للسم
كانت لحظات مرعبة... محدش عارف أحمد فين، ولا إذا كان حد اتعرض للخطر،
سميرة كانت بترن علي احمد . لكن كان بيدها مشغول
سميرة برعب عليه: مش بيرد ليه بس مشغول مع مين
فكرت لثواني ساره، عيونها بتتنقل بين أمال وحياة، وفجأة كأنها أخدت قرارها. نزلت حياة من حضنها بسرعة وسلمتها لأمال، ودموعها مغرقة عيونها.
سارة وهي بتترجاها بدموع: طنط أمال، عمتي سميرة بنت أخوي أمانة معاكم... تكفين انتبهوا ليها، ولا تخلونها تقرب من أي أكل أو شرب لين نتأكد من كل شيء.
سميرة بخوف عليها: وانتي رايحة فين يا سارة؟
سارة وهي بتبكي: أبي ألحق أحمد! قلبي مو مطمّن عليه... أحس إن فيه شيء مو طبيعي
امال مسكت ايد حياه بسرعه .
سارة : تكفين، أحد يعطيني مفتاح سيارة! لازم أوصل لأحمد الحين، قبل فوات الأوان
أمال بخوف شديد: مفتاح عربية عبدالله هنا هجبلك المفتاح الحقي بسرعه .
وجبت ليها المفتاح بالفعل ...
ساره بدموع وخوف شديد: انتبهوا علي حياة . الحين بنطمن علي احمد أبشروا بالخير
امال بدموع وخوف: بسرعه يا ساره أكيد هو ما بعدش .
سميرة بقلق شديد: أن شاء الله خير خير .
وطلعت ساره بالعربية بالفعل. وهي بدور بعيونها علي احمد .
━━━━━━━━━━━━━━━━━━━━━━━━━
في صالة بيت نور، كانت الأجواء هادية ومطمئنة. نور قاعدة مع شهد، والضحكة صافية بين البرائة والأخوة. فجأة، شاشة تليفون شهد نورت باسم المحامي. انتفضت شهد بلهفة وقامت من مكانها.
شهد: نور، ده المحامي.. هيدخل الأوضة أرد عليه بسرعة وراجعالك.
نور بابتسامة دافية وصافية: تمام يا حبيبتي، خدي راحتك وادخلي الغرفة، على بال ما أصلح لينا أكل ناكله.
شهد دخلت وقفلت باب الأوضة، وفي المطبخ كانت نور واقفة قدام البوتاجاز، مشغولة بتجهيز الأكل، وسرحانة في دنيا تانية.. دنيا مليانة بوجع الذكريات. رفعت إيدها ببطء ومسحت دمعة هربت من عينها وهي تفتكر وليد وكريم، وكل القهر اللي عاشته.
في نفس اللحظة دي، بره عند باب البيت المفتوح.. ظهر ظل غريب ومخيف.
كانت ميار.
خطواتها كانت بطيئة زي الحية، وعيونها الجاحظة بتلف في المكان بغدر. في إيدها كانت ماسكة سكينة، وصوابعها مقبوضة عليها لحد ما ضوافرها ابيضت. ملامحها كانت خالية من أي ذرة إنسانية، كأن الانتقام الأعمى غسل مخها. سمعت صوت شهد جاي من الأوضة، فبرمت ضهرها، وبكل خسة وقفت ورا الباب وقفلت المزلاج بالراحة من غير ما تعمل أي صوت.
لفت وشها ناحية المطبخ.. وعينها جت على نور.
نور حست فجأة ببرودة غريبة وسكون مرعب حل في البيت. الهوا اتقطع. وقفت مكانها، السكوت لف المكان، وببطء شديد وبقلب مقبوض.. لفت وشها ناحية الباب.
اتفزعت ورجعت خطوة لورا، وعينها اتسعت بذهول .
نور بخضه: ميار؟! أنتي وش تسوين هنا؟ وش هذه السكينة؟!
ميار قربت منها بخطوات بطيئة ومرعبة، ونور بترجع لورا برعب لحد ما ضهرها خبط في رخامة المطبخ ومابقى في مفر.
ميار ضحكت ضحكة صفرا، مليانة غل: فاكرة إنك هتعيشي حياتك عادي بعد كل اللي حصل؟ فاكرة إنك هتفضلي تاخدي مني كل حاجة وتمشي واثقة في نفسك؟
نور بصوت مرتعش وجسمها كله بيترعش: ميار.. اهدي.. أنتي مو في وعيك! نزلي السكينة من إيدك، حرام عليكي
لكن ميار كانت مغمية العين والقلب. الشر كان سايقها. وفجأة، رفعت السكينة وهجمت بغل أعمى على نور.
نور صرخت صرخة شقت سكون البيت ،
نور: مياااار.. لأااااااا
نور غرزت إيدها في إيد ميار، وبقت تقاوم بكل ما تملك من قوة، السكينة كانت بتترعش في الهوا بينهم، والاتنين بيعافروا. نور دموعها نزلت من الخوف والصدمة، وصرخت بوجع ،
نور :يا قاتلة! يا مجرمة.. بعدي عني تبين تقتلينني يا جاحدة؟ وش سويتلك عشان تسوين فيني هيك؟!
في الأوضة، شهد سمعت الصرخة. قلبها سقط في رجليها. قفلت مع المحامي في ثانية وجريت على الباب. هزت المقبض.. الباب مقفول من بره
بقت تخبط على الباب بكل قوتها وجنونها .
شهد: نوووور نووور فيكي إيه؟ مين قفل الباب! افتحي يا نور.. ردي عليا يا نووور
المطبخ كان بيغلي. ميار صرخت بجنون وغل، والدموع نازلة من عيونها من كتر الحقد ،
ميار بحرقه قلب: أخدتي مني كل حاجة! كل حاجة يا نور! خليتي يوم فرحي أسود يوم في حياتي، وفضحتيني قدام الدنيا كلها! مش هنسى اللي عملتيه فيا.. ضيعتي مني حبيبي
نور وهي بتنهج وبتقاوم والسكينة بتقرب من وشها ، قالت
نور: أنا ما أخدت منك شيء يا ميار.. أنتي اللي ضيعتي حالك بإيدك وبتصرفاتك الزبالة
ميار بصرخة هزت الحيطان: هندمك.. هندمك ياااا نوووور
صوت ميار وصل لشهد جوه الأوضة، شهد انهارت، دموعها غدقت وشها وصوتها اتنبح وهي بتخبط بجسمها كله على الباب ،
ميار بصرخه: ميار! ميار أوعي تأذي نور! مش هسامحك يا ميار.. افتحي بالله عليكي.. سيباها في حالها
فقدت شهد أعصابها تماماً، وبإيد بترتعش طلعت التليفون وطلبت رقم أحمد وهي بتصرخ بهستيريا على الباب ،
شهد بعياط وخوف: ابعدي عنها يا ميااار
وفي اللحظة دي.. وبغدر سريع، حررت ميار إيدها وضغطت بكل عزمها.. وغرزت السكينة في بطن نور.
نور صرخت صرخة مكتومة، طالعة من أعماق روحها: آآآه!.. يا رب
الزمن وقف. نور تراجعت خطوتين، مش مستوعبة، الوجع شل حركتها. رجلها خارت ووقعت على الأرض. إيدها راحت أوتوماتيك لبطنها، وصوابعها اتغطت بالدم الدافي. رفعت عينها المكسورة وبصت لميار، والصدمة في عيونها كانت أقوى بمليون مرة من طعنة السكينة.
نور بصوت متقطع، وأنفاسها بتنسحب: حسبي الله ونعم الوكيل فيكي يا ميار.. خصيمتك ليوم القيامة..
ميار وقفت مكانها متجمدة، بتبص لنور وهي غرقانة في دمها، وبصت لإيدها اللي عليها آثار الجريمة. للحظة، ظهرت على وشها ابتسامة شماتة مريضة، وبدأت تضحك بصوت عالي.. ضحك جنوني وهستيري وهي بتبعد لورا خطوة ورا خطوة ،.
ميار: أنا.. أنا قتلتك.. قتلتك يا نووور.. أه فعلا. أخيرا
ميار هربت وهي بتضحك زي المجانين، ونور فضلت مرمية على الأرض، لا حول لها ولا قوة، بتتنفس ببطء شديد، وعينها بتغيم، والروح بتنسحب من جسمها وهي مش سامعة غير صريخ شهد البعيد.. والدنيا حواليها بتتحول لسواد.
━━━━━━━━━━━━━━━━━━━━━━━━━━
أحمد كان سايق العربية، سايق والهموم واكلة دماغه، وفجأة شاشة التليفون نورت برقم مش مسجل ، بس هو حافظه زي رقم شهد.
عقد حواجبه باستغراب، وهز رأسه وهو بيبص للشاشة
أحمد باستغراب: دي شهد؟! عاوزه إيه وبترن ليه ؟
إيده اترعشت شوية، بس رد بتردد ،
أحمد: الو أيوه
مجاوبتوش بكلمة طبيعية، جاوبه صريخ هستيري، صوت مرعوب ومكسور ومنهار من أبعد مكان في الدنيا.. صرخة شقت سكون العربية ،
شهد بصرخه: الحق يا أحمد... نووووور ميار قتلتها... تعال بسرعة يا أحمد، الحقنيييي
الخط قطع، بس صرختها م قطعتش جوه عقله. أحمد اتسمر في مكانه، رجله ضغطت على الفرامل فجأة فالعربية زحفت على الأسفلت وصوت الكاوتش صرخ في الشارع. الصدمة كانت أكبر من قدرته على التنفس، حس إن الهوا اتقطع عن الرئة، والدنيا فجأة اسودت في عينه، ومابقاش شايف قدامه غير سواد كحيل.. كأن النور انطفى من العالم كله.
وفي عز ذهوله وصدمته، حس بفوران غريب في بطنه.. سخونية رهيبة بدأت تتحرك في عروقه زي الزيت المغلي. وهو مي يعرفش مالو .
السم بدأ ينتشر بسرعة مرعبة في جسمه. أحشاؤه كانت بتتقطع، ونبضات قلبه بقت دقاتها عنيفة ومسموعة في ودانه. حاول يرفع إيده يمسك الدريكسيون، بس صوابعه خذلته واتعوجت، وجسمه كله بدأ يتنفض ويرتعش بقلة حيلة.
العرق البارد غرق وشه، ونزل سيل على عينه المفتوحة على آخرها من الرعب والألم. كان بيموت، بس الوجع اللي في قلبه على "نور" كان أقوى بمراحل من وجع السم اللي بياكل في أطرافه. حاول ينطق، حاول يصرخ باسمها، بس صوته طلع مخنوق، مجرد حشرجة ضعيفة: نـ.. نور؟ لا.. يا رب لا.. يا يا ميار
شهد بخضه عليه صرخت: اااحمد مالك مالك يا أحمد الوو .
مفيش رد نهائي من أحمد ..
شهد اترعبت جدا
شهد بصرخه وانهيار: يااا ااحمد مالك رد عليا بالله عليك مالك انت كمان أحمد أحمد .
بدأت الرؤية تغبش أكتر، وجسمه هبط وسند راسه على الدريكسيون بتعب وهو مش سمع اي حاجه حواليه، والتليفون وقع من إيده المرتعشة على أرضية العربية.. وهو بينفث أنفاسه الأخيرة، كانت دموعه بتنزل وبتخلط العرق، وعقله مشحون بصورة نور، والسم بيطفي آخر نبضة في قلبه وهو مش عارف يروحلها.
━━━━━━━━━━━━━━━━━━━━━━━━
في نفس اللحظة دي، كانت سارة سايقة عربيه بأقصى سرعة، الدموع مغرقة وشها وهي بتبص يمين وشمال في الشوارع زي المجنونة. وهي بتدور على أحمد وقلبها مقبوض حتت.. حاسة إن فيه خطر كبير بيحاوطه.
فجأة، لمحت عربية أحمد من بعيد. فرحة خطفت قلبها لثواني، بس الفرحة دي اتقلبت لرعب صاعق أول ما ركزت في حركة العربية.. العربية مكانتش ماشية طبيعي، كانت بتروح شمال ويمين بغباء، بتطوح على الأسفلت كأنها سفينة غرقانة وسط موج عالي، وبتخبط في الرصيف وترد تاني.
سارة برقت عيونها بذهول وصدمة، وصرخت بأعلى صوتها، صرخة طلعت من كل حتة في روحها ،
ساره بصرخه: أحمدددد اقف بسرعة.. أحمدددد
العربية مكملة طوح، وأحمد مش مع الدنيا تماما. سارة شافت إن العربية لو كملت كدة هتدخل في رصيف المحلات أو هتفرم أي حد ماشي في الشارع. في ثانية واحدة، خدت قرار انتحاري.. داست بنزين بكل قوتها، سرعتها جنحت في الشوارع، وكسرت الدريكسيون عشان تسبقه، وراحت لافة بعربيتها بالعرض وضربت فرامل قاسية (فرررررك) عشان تقفل عليه الطريق تماما وتفديه وتفدي الناس.
أحمد جوة عربيته، السواد عامي عينه، والسم مشل حركته تماما . رجله كانت كابسة على البنزين ومفيش أي إدراك.
في لحظة مرعبة حبست أنفاس الشارع كله..
وفجأة .
(بوووووم)
عربية أحمد خبطت في عربية سارة من الجنب بكل قوتها
صوت الارتطام كان زي انفجار قنبلة، صدى الحديد وهو بيتعجن في بعضه هز المكان. من قوة الصدمة، عربية أحمد اتقلبت رأسا على عقب، وطارت في الجو لفتين وهي بتتفرفك، والازاز اتبعثر في كل حتة زي المطر، ونزلت على سقفها على الأسفلت بقوة مرعبة وهي بتطلع شرار ودخان أسود كثيف.
عربية سارة من الصدمة لفت حولين نفسها كذا مرة واتحدفت على الرصيف والكبوت اتعجن بالكامل.
الدنيا كلها وقفت في الشارع.. الحركة اتشلت تماما. الناس جريت بصريخ، والكل مذهول من منظر العربيتين المقلوبين وسط الشارع، وصوت الكاوتشات اللي لسه بتلف في الهواء، والهدوء المرعب اللي حل بعد الانفجار.. هدوء مفيش فيه غير صوت تسريب بنزين، ودخان طالع للسما، وجوه العربيات أحمد وسارة غرقانين في دمهم ومش حاسين بالكون.
━━━━━━━━━━━━━━━━━━━━━━━━━━━━
شهد كانت بره عالم الدنيا تماما.. الصدمة شلت عقلها وجسمها. ولفت ضهرها و سندت ضهرها على الباب، وقعدت على الأرض وهي منهارة حرفيا. حطت إيدها على بقها عشان من الصدمه والرعب، وصرخه مكتومة، دموعها كانت بتنزل في صمت رهيب، وعيونها مفتوحة على الآخر وبتلف في الفراغ.. مابقتش فاهمة ولا مستوعبة إيه اللي بيحصل ورا الباب ده؟ هل أحمد بيموت؟ ولا نور اللي راحت؟ ودنها صمتت عن كل أصوات الدنيا، ودخلت في حالة ذهول كامل، كأن الروح سابت جسمها وهي لسه عايشة.
━━━━━━━━━━━━━━━━━━━━━━━━━━━━
في نفس اللحظة بره، دخلت أميرة من باب البيت ، لقته مفتوح بشكل غريب. أول ما خطت عتبة البيت، حست بقبضة عنيفة في قلبها، ونبضاتها بدأت تسرع بشكل مرعب. البيت كان هادي هدوء مخيف ومريب، هدوء ما يبشرش بخير أبدا.
أميرة بقلب ليطمن حطيت أيدها علي قلبها: خير خير يارب .
بدأت تبص شمال ويمين بقلق، ونادت بصوت مرعوب ومخضوض ،
أميرة بقلب مقبوض : نور شهد! يا بنات انتوا فين؟
لكن مفيش أي رد اثر ليهم حواليها.
شهد جوه الأوضة مش سامعاها أصلا ، غايبة عن الوعي وهي صاحية من كتر الوجع.
وفي المطبخ.. كانت نور بتلفظ أنفاسها الأخيرة. الرؤية بدأت تغبش في عينها، وفجأة شافت طيف أمها "منال" واقفة بعيد.. واقفه بتبتسملها ولامة إيدها وبتمدها ليها عشان تاخدها وتطلع بيها للسما.
نور كانت بتفتح وتغمض عيونها بصعوبة، وروحها بتتسحب منها، بس كانت لسه متمسكة بالحياة بكل قوتها ، بصت لطيف أمها وقالت.
نور بكسرها ومستنجدة: لا .. لا تتركيني يا أمي.. أنا مو بدي اترك الحياة وروح..
ومع آخر ذرة طاقة في جسمها، خرجت من نور صرخة قوية وموجعة.. صرخة هزت أركان البيت كله.
الصرخة دي رعبت أميرة و هزتها وهي واقفة في الصالة. قلبها سقط في رجليها، وجريت زي المجنونة تجاه الصوت اللي جاي من المطبخ وهي بتصرخ بأعلى صوتها ،
أميرة برعب؛ نووووور
أول ما رجليها عتبت المطبخ، اتسمرت مكانها.. الصدمة كانت أكبر من عقليتها البشرية. الدم كان مغرق الأرض، ونور مرمية في وسطه زي الوردة اللي اتقطفت قبل أوانها.
أميرة صرخت صرخة شقت السقف، صرخة صدمة وذهول، ونزلت على ركبها بسرعة لمستوى نور، شدتها لحضنها بكل قوتها، والدم بدأ يسيح ويغرق هدوم أميرة وإيديها.
هزتها وهي بتبكي بهستيريا وبتترجاها ،
أميرة بجنون : يا حبيبتي.. يا بنتي قومييي.. قومييي عشان خاطري.. نوووووور
صرختها الأخيرة دي ملأت المكان، وفي اللحظة دي.. الدنيا وقفت، والحياة اسودت تمام وقفت من هنا في حياة أميرة ،
وقفت الدنيا تماما على أبطالنا…
وكأن الزمن قرر يحبس أنفاسه، ويسيب كل واحد فيهم واقف على باب انتظار طويل، مش عارف نهايته فرح ولا وجع.
وليد… اللي كان مستني نور يرجعلها، عشان يبدأ معاها حياة جديدة، حياة كان بيحلم يعوضها فيها عن كل لحظة وجع عاشتها… كان مستنيها بقلب مليان أمل، ومش عارف إن الأمل نفسه بقى واقف على حافة الموت.
ومهران… اللي كان بيعد الأيام والليالي، مستني لحظة خروجه من السجن، عشان يرجع لشهد، ويعيش معاها ومع البيبي حياة كان فاكر إنها هتكون بداية جديدة… ماكانش يعرف إن القدر ممكن يقلب كل أحلامه في لحظة، وإن اللي مستنيه بره الأسوار مش بالضرورة يكون الحياة اللي رسمها في خياله.
وأحمد… اللي استنى سنين عشان يشوف مستقبله بيتفتح قدامه،
ويحس أخيرا إن تعبه ما راحش هدر… كان مستني بكرة، مستني الفرصة اللي تعب عشان يوصلها، لكن بكرة نفسه بقى بعيد، محاط بأسئلة محدش عنده إجابة ليها.
وأب… كان من كام يوم بس، واقف مش مصدق إن بنته رجعت لحضنه بعد سنين من الغياب. كان فاكر إن رجوع نور هو الانتصار اللي استناه عمره كله… وإن اخيرا ربنا عوضه عن كل ليلة نام فيها وقلبه موجوع عليها.
ماكانش يتخيل إن الفرحة اللي دخلت بيته هتتحول في لحظة لحزن يهد جبال… وإنه بدل ما يفضل مستني ضحكتها وصوتها، هيجي خبر يهد كل حاجه جواه في لحظات الجايه.
وأخ… كان فاكر إن آخر حاجة ممكن تخطفها منه الحياة هي أخته سارة، وبنته الوحيدة حياة. كان شايف فيهم الدنيا كلها… سارة اللي كانت دايما ضهره، وحياة اللي كانت النور اللي بيهون عليه كل تعب.
أما عائلة السيوفي… فكانت واقفة وسط دمار ما يشبهش أي وجع عرفوه قبل كده. بيت كان مليان أصوات وضحك وذكريات، بقى ساكت، وكل ركن فيه شايل خوف على غالي، ودمعة على حلم اتكسر. أمّهات بتدعي، وآباء قلوبهم عاجزة، وأحباب كل واحد فيهم مستني خبر يطمنه… لكن مفيش غير الصمت، وصوت القلوب اللي بتترجي ربنا ما يكتبش عليهم فراق جديد
وفي اللحظة دي، ماكانش فيه حد كسبان… كان فيه عيلة كاملة بتواجه أقسى امتحان، وقدر بيكتب نهايات ماحدش مستعد ليها… ولسه الحكاية ما قالتش كلمتها الأخيرة
🌹🌹🌹🌹🌹🌹🌹🌹🌹🌹🌹🌹🌹🌹
💚 مرحبا بكم ضيوفنا الكرام 💚
هنا في كرنفال الروايات ستجد كل جديد
حصري ورومانسى وشيق ابحث من جوجل باسم الروايه علي مدوانة كرنفال الروايات وايضاء اشتركو في قناتنا👈علي التليجرام من هنا يصلك اشعار بكل جديد من اللينك الظاهر امامك
🌹🌹🌹🌹🌹🌹🌹🌹🌹🌹🌹🌹🌹🌹
💚 مرحبا بكم ضيوفنا الكرام 💚
هنا في كرنفال الروايات ستجد كل جديد
حصري ورومانسى وشيق ابحث من جوجل باسم الروايه علي مدوانة كرنفال الروايات وايضاء اشتركو في قناتنا👈علي التليجرام من هنا يصلك اشعار بكل جديد من اللينك الظاهر امامك
🌹🌹🌹🌹🌹🌹🌹🌹🌹🌹🌹🌹🌹🌹
تمت بحمد الله
عاود زيارتنا قريبا لقراءه الجزء الثاني