رواية حب المراهقة بقلم نور ربيع
رواية حب المراهقة الفصل الخامس والثلاثون35 بقلم نور ربيع
سبحان الله وبحمده سبحان الله العظيم 💓
يا حي يا قيوم، برحمتِك أستغيث أصلح لي شأني كله، ولا تكلني إلى نفسي طرفة عين 💛 🥀
كانت نور واقفة في نص القاعة، ثابتة في مكانها، وعيونها بتلف على واحد واحد من عائله السيوفي اللي ، ولفتت نظر الموجودين عليها .
وفجأة ....
نور رفعت إيديها لربطة نقابها ،
كريم عيونه اتسعت بصدمة، وبصلها وكأنه بيحاول يفهم هي ناوية تعمل إيه، لكن قبل ما ينطق بحرف، كانت نور فكت الربطة ببطء، وسحبت النقاب من على وشها نهائيا
ساره بصدمه وبهمس: لك شو عم بتسوي يا جميله ؟؟
وفي اللحظة دي تحديدا ...
هنا كل عائله السيوفي بصو ليها بصدمه غير متوقعه وغير استوعاب ...
القاعة كلها اتقلبت
شهقات متتالية، وعيون اتسمرت مكانها، ووشوش اتغيرت ألوانها
وليد قام من مكانه مرة واحدة، وبصلها بذهول، أما ميار فكانت لسه مكانها ثابته عيونها على نور، وكأنها شافت شبح من الماضي رجع يحاسبها
في اللحظة دي... الزمن وقف جوه القاعة
محمد، ، فتح عيونه على آخرهما، وبص لاميرة، اللي كانت حاطة إيديها على بقها من الصدمة، وكأنها مش مصدقة إنها اللي قدامها تبقى نور .
أحمد اللي كان واقف وسط القاعه ، وعيونه على نور، فاتسمر مكانه، مصدوم، وكأنه مش قادر يصدق إنها واقفة قدامه أخيرا
بص لكريم بصدمه أكبر، ورجع بص لنور تاني، وهمس لنفسه بعدم تصديق: نور؟! مستحيل... نور رجعت طلعت عايشه مع كريم وطلعت مراته معقول المده دي كلها كانت مع كريم واحنا اللي قالبين عليها الدنيا وطلعت قدامنا واحنا مش واخدين بالنا ..
فضل باصصلهم بذهول، وعقله بيحاول يستوعب
، لحد ما ملامحه اتبدلت تماماً وهو بيستوعب إن رجوع نور بالشكل ده معناه إن في خطه كبيره بتخططها وهي عارفه كل الحقيقه، ومحدش هيخرج من الليلة دي زي ما دخلها
عبدالله لف وشه بسرعه ناحية ، امال وشهد وقال بصدمه ...
عبد الله : دي نور ، نور رجعت
امال وشهد اللي كانوا باصين على نور بذهول،
وسميرة ، اللي كانت مش مستوعبه ولا مصدقه ، انها نور رجعت لا ورجعت وتبقى مرات كريم ابن اخوها ، ازاي وامتى كل ده كان صرعان في عقلها ..
هنا الموسيقى اتغيرت، واشتغلت أغنية
وفجأة... ابتدت نور تتحرك مع نغمات الأغنية، وابتسامة غامضة ارتسمت على وشها، وبدأت ترقص بثقة تحت أنظار كل الموجودين، وسط صدمة عيلة السيوفي اللي كانوا لسه مش مستوعبين اللي بيحصل قدامهم ، والصدمه الاكبر انها بقت ترقص في وسط القاعه ..
أما كريم، فزادت صدمته فيها اكتر ، ومش قادر يصدق إن دي جميله اللي قدامه باللي عملته فجأة في القاعه مره واحده ،
كان وليد واقف مكانه متسمر، عيونه معلقة بنور و باللي بتعمله قدامهم، وعقله رافض يستوعب الصدمة اللي قدامه
همس لنفسه بعدم تصديق، وهو بيرجع بذاكرته للحظة من ثلاث سنوات اللي عرف فيها إن كريم هيكتب الكتاب وكان عايز يقف معاه هو وابوة أمجد...
وليد بصدمة ما بينه وبين نفسه: لا... مش معقول يعني البنت اللي كريم كتب كتابه عليها... هي نور نفسها؟
بلع ريقه بصعوبة، وعيونه فضلت تتابع نور وهي بترقص بكل ثقة، مش قادر يرمش حتى، وكأن كل اللي حواليه اختفى من الوجود.
في اللحظة دي، وليد حس إن الصدمة مش بس في رجوع نور... الصدمة إن نور اللي قدامه دلوقتي، وراها حكاية هو لسه مش عارف عنها أي حاجة
أما ميار، فكانت واقفة مكانها، عيونها متعلقة بنور اللي بترقص قدامها بكل ثقة، وبين كل خطوة والتانية كانت نور ترميلها نظرة ابتسامة مستفزة، كأنها بتفكرها إن اللي جاي لسه أصعب
ميار حست إن الدنيا اسودت في عيونها، وإن الليلة اللي كانت مستنياها بقت كابوس بسبب ظهور نور، خصوصا لما لقت كل العيون اتسحبت من عليها واتعلقت بنور
ميار جواها كان بيصرخ من الغضب: كتب كتابي باظ... ووجود نور معناه إن كل اللي جاي هينقلب على دماغها
هنا شهد ماقدرتش تستحمل أكتر من كده، وابتسامة فرحة كبيرة نورت وشها، وراحت ناحية نور بخطوات سريعة، وأول ما وصلتلها حضنتها وهي بتضحك بسعادة، وبدأت تشاركها الرقص وسط ذهول الموجودين
لكن نور...
نور اتجمدت مكانها للحظة
عيونها اتسعت بصدمة، وقلبها دق بعنف وهي حاسة بإيدين شهد حواليها، مش قادرة تستوعب إن شهد نفسها واقفة قدامها، عايشة، وبتحضنها بكل الحب ده ، البنت نفسها اللي وقعت من الدور الثاني قدام عيونها وماتت . في قبل المستشفي .
نور بصدمه كبيرة : شهد عايشة؟! معقوله أنا شايفاها قدام عيني عن جد؟
لكن نور تماسكت بسرعة، ودفنت صدمتها جواها، ورسمت ابتسامة واثقة على وشها، وكملت الرقص بكل هيبة، وكأن مفيش حاجة قدرت تهزها، رغم إن جواها ألف سؤال بيتصارعوا
وفي اللحظة دي، أميرة ماقدرتش تتمالك دموعها، قربت من نور بسرعة وفتحت دراعاتها، وضمتها لحضنها بقوة، والدموع بتنزل من عيونها وهي بتهمس بصوت مخنوق ...
أميرة بدموع سعاده كبيرة برجوعها: وحشتيني يا نور عيني... وحشتيني أوي يا حبيبت قلبي يا بنتي
نور فضلت ثابتة وسط الحضن، وحست في اللحظه دي ان قلبها بيتقطع ، ودموعها خانتها ونزلت فمسكتها جامد وضمتها نور وما قدرتش انها تشوفها قدام عيونها وترفض انها تبادلها الحضن ..
والقاعة كلها بتبص للمشهد بذهول، بينما ميار كانت واقفة بتتفرج عليهم، حاسة إن كل ثانية بتمر بتسحب منها جزء من سيطرتها على الليلة
قربت سميرة من كريم بخطوات سريعة، وملامحها كلها غضب وعتاب، ووقفت قدامه وهي بتبصله بنظرات حادة، وقالت بنبرة ساخرة مليانة عصبية ..
سميرة أهلا يا ابن أخويا! ما كنتش أعرف إن ذوقك حلو كده! بس برافو عليك، عرفت تختار
كريم بصلها بذهول من كلامها، مش مستوعب هي بتكلمه بالطريقة دي ليه، لكن سميرة كملت وهي بتشاور ناحية نور. .
سميرة بغضب:ياريت بقى تاخد مراتك وتمشي من هنا، كتر خيرك إنك جيت وباركت لابني، اتفضل يا حبيبي، يلا... وخد في إيدك مراتك
وسابت كلامها معلق في دماغ كريم، وبصتلهم بغيظ، بينما كريم وقف مصدوم من كلام عمته، ولف عيونه ناحية نور اللي كانت أميرة وشهد وامال واقفين حواليها، بيسلمو عليها
ساره راحت تجاه عمتها بسرعه بزعل: عمتي عمتي لحظه ، وراحت وراها، علشان تسلم عليها
━━━━━━━━━━━━━━━━━━━━
خرج كريم من القاعة بخطوات سريعة، والغضب كان واضح على ملامحه وصدمه، كان ماسك إيد نور وبيشدها معاه لحد ما وقفوا بعيد عن عيون الناس، وبعده سارة اللي كانت باصة لنور بعتاب وزعل
شد النقاب من ايد ساره، ورماه في إيدها بعصبية، وقال بنبرة مليانة غضب وصدمة ..
كريم : وش اللي سويتيه جوا يا جميلة؟! انتي مستوعبة اللي صار؟! كيف تسوين كذا قدام الناس كلهم، وقدام عائلة السيوفي إللي هما اهلي .
كانت نور على وشك الانهيار، جوه سرعان شديد وجع ، مش مصدقة إنها أخيرا وقفت قدام عيلة السيوفي وواجهتهم بعد كل اللي عاشته! لكنها تماسكت، ورفعت راسها بكبرياء، لأن دي كانت أول خطوة في طريق انتقامها... ولسه اللي جاي أصعب
سارة قربت من نور، وعيونها مليانة عتاب، وقالت بحزن ...
ساره يا جميلة، وش اللي سويتيه هذا قدام أهلنا والناس؟! إحنا طلعنا من القاعة وإحنا مو فاهمين أي شيء أنتي ليه سويتي كذا؟ وليه بهالطريقة بالذات؟
بصتلها سارة بعتاب اكبر، وهزت راسها وهي تكمل: والله كنت أتمنى إنك تفكرين قبل لا تسوين شيء زي كذا... إنتي تدرين قد إيش إحنا انصدمنا من اللي صار! ما توقعنا منك هالتصرف أبدا، ولا تخيلنا إنك بتسوين كذا قدام الكل
نور بصتلهم هما الاتنين، وسكتت لحظات، قبل ما ترفع عيونها لكريم وتقول بهدوء غريب ..
نور : خلصتوا؟ ولا باقي عندكم كلام ثاني؟
كريم بصلها بذهول، وسارة اتفاجئت من ردها، لكن نور أخدت نفس عميق، وعيونها لمعت بإصرار وهي بتكمل ..
نور بنبره هاديه وعيونها مليانه وجع: يوم تعرفون أنا ليه رجعت، وإيش اللي صار ليا من هالعالم ، وقتها بس بتفهمون إن اللي شفتوه جوا القاعة... ما هو إلا البداية، وإن اللي جاي أكبر بكتير من اللي تتخيلونه
كريم بصدمه وعدم فهم: وليه عبيقولوا ليكي يا نور انتي شو مخبيه عنا يا جميله
بصو كريم وساره لبعض بنظرات مليانه صدمه وعدم فهم ، ومش فاهمين ايه اللي حصل قدامهم ده ليله من جميله اللي يعرفوها.
━━━━━━━━━━━━━━━━━━━━━━━
كانت ميار قاعدة لوحدها في فراغ لوحدها، عيونها معلقة في نقطة مش شايفاها، ودموعها بتنزل غصب عنها، وهي مش قادرة تستوعب إن نور رجعت لحياتها من جديد، وفي الليلة اللي كانت بتحلم بيها من سنين هي وليد ..
بصت لفستانها الأبيض بتاع كتب الكتاب، وبعدها افتكرت وليد ونظراته اللي بقى شاغل باله بنور، وحست بغصة خانقاها.
ميار همست بوجع وغل: ليه يا نور؟! ليه ترجعي في اليوم ده بالذات؟! حتى كتب كتابي ما سيبتِهوليش أفرح بيه
مسحت دموعها بعصبية، وهي بتفتكر نور واقفة جنب كريم، لابسة الأبيض، والكل عيونه عليها، وكأن الليلة كلها بقت ليلتها هي ...
فجأة ظهر وليد ، وقدام خطوات بطيئه من ميار ،، انحنى لمستواها ومسك ايديها الاتنين ووقفها قصاده بحنان ...
وليد بابتسامة هاديه: بتفكري في ايه مالك ...
ميار بارتباك: احم مفيش حاجه ، كنت سرحانه شويه
وليد بتنهيده وشتات: انا عارف إن إللي حصل الليله دي بالذات كانت صدمه كبيره علي الكل ، وانا نفسي مش مصدق الموضوع ده .
ميار بغل وكراهية: بكرهه بكرهه اوي فوق ما تتخيل يا وليد ، و .. و
قطعها وليد بسرعه: هشششش إللي حصل بقى، بعدين نبقي نفهم الموضوع ده أساسا الحكاية دي ما تشغلنيش ، انا المهم فيكي إنتي ،،
كمل بغمزه وحب: أيه الحلاوه دي كلها يا ناس النهارده
ميار ابتسمت بخجل ورقه؛ والله النهارده بس ؟
وليد ضحك بابتسامة حب: لا طبعاً علطول يا جميل ،
شدها وليد واخدها في حضنه بحب كبير : بحبك يا ميار، مش قادر أوصفلك كل اللي جوايا، حرفيا الليله دي ، بس انتي بقيتي جزء من حياتي، وانتي الإنسانة اللي عايز أكمل معاها عمري كله. عايز أشوفك مبسوطة، وأكون العمر كله وضحكتك منورة وشك علطول ..
ابتسمت ميار وعلقت ايديها فيه ، ودفنت وشها في صدره بحب، بينما وليد طبع قبلة على رأسها .
ميار بحب: بعشقك بعشقك مووووت يا وليد والله العظيم كده
━━━━━━━━━━━━━━━━━━━━━━━━━━
♡ 𓆩 حَــكَــايَــة بِــقَــلَــم الْــكَــاتِــبَــة نُــور رَبِــيــع NR 𓆪 ♡
━━━━━━━━━━━━━━━━━━━━━━━━━━
في منزل عائلة السيوفي...
كانت العيلة متجمعين فيه ، بعد ما رجعوا من القاعة ، لكن مكنش في فرحه ، مفيش ضحك ولا كلام عن يومهم كان حلو او لا ، الكلام كان علي نور وصدمتهم فيها ...
الكل كان قاعد بملامح مصدومه ، وكل واحد فيهم بيرجع بذاكرته للي حصل قبل كده هنا من نور ، واللي في القاعة، ولسه مش قادر يستوعب إن نور رجعت لحياتهم من جديد، والأصدم من كده إنها طلعت مرات كريم
محمد ضرب كف بكف بعصبية وقال: أنا لحد دلوقتي مش قادر أستوعب اللي حصل البنت دي رجعت بعد المده دي كلها ؟ والأغرب من كل ده، إزاي اتجوزت كريم .؟
أميرة كانت قاعدة جنبه، وعيونها لسه مليانة دموع، فردت عليه بحزن ...
أميرة بابتسامة ودموع: أنا مش قادرة أنسى شكلها وهي واقفة قدامنا... يا محمد، دي نور بنت أختي اللي كنا فاكرين إنها راحت ومش هترجع تاني، طلعت كانت قدامنا وإحنا مش واخدين بالنا ..
عبدالله هز راسه بضيق وقال: أنا مش فاهم حاجة، ولا قادر أربط الأحداث ببعضها! كريم اتجوز نور إمتى؟ وإزاي؟ وليه مخبي عننا كل ده؟!
سميرة ردت بانفعال: ما هو ده اللي يجنن! ابن أخويا جاي كتب كتاب ابني، وفجأة يطلع لينا بمراته اللي هي نور ام المصايب كلها ، وتعمل اللي عملته جوه القاعة قدام الناس كلها هو إحنا ناقصين فضايح .
امال قالت بهدوء: يا جماعه اهدو في إيه الحمدلله أن البنت طلعت بخير وانها موجود مع شخص زي كريم امين ..
شهد بابتسامه هاديه: والله العظيم الواحد مبسوط انها رجعت بخير وسلامه دا أبوها هيفرح يعيني. دا أكيد هيتجننوا عليها ..
أميرة مسحت دموعها وقالت بصوت مخنوق مستغرب : بس أنا عايزة أفهم حاجة واحدة... هي ليه ما حاولتش تكلمنا؟ ليه ظهرت فجأة بالشكل ده؟ أنا كنت فاكرة انها لو رجعت ،، هتجنن علينا وهتجري علينا ، لكن لقيتها واقفة قدامي وكأنها غريبة عننا كلنا ..
سكت الجميع للحظات، قبل ما أمجد يتكلم وهو بيبص ليهم ..
أمجد بضيق شديد: انا كنت حاضر كتب كتاب كريم ونور انا وليد من ثلاث سنين، واحنا اللي كنا شهود ، وكان بنت اسمها في البطاقه جميله ، أنا أكتر حاجة مقلقاني مش رجوع نور لوحده... أنا مقلقني اللي ممكن يحصل بعد رجوعها. البنت دي واضح إنها شايلة جواها حاجات كتير، وظهورها بالشكل ده باللي عملته أكيد وراه سبب . انها ترجع في اليوم ده .
أحمد، اللي كان ساكت طول الوقت ملامحه باردة تماماً .. رفع عيونه وقال بنبرة جادة .
أحمد: نور فاقده الذاكره يا أمي ، علشان كده هي مش متعلقة بحد ..
أميرة أميرة بصتله بدموع ودهشه: أيوة صح أنت قولتلي انها فاقدة الذاكرة
أحمد لنفسه بشتات: وأنا عندي سؤال أهم من كل ده... ليه نور اختارت ليلة كتب كتاب وليد وميار بالذات عشان تظهر ؟ .. وليه عملت كل ده ليهه ..
انا لازم افهم الحقيقه منها
ساد الصمت في الصالون، وكل واحد بدأ يفكر في احتمال مختلف، لكن محدش فيهم كان عنده إجابة واحدة مؤكدة.
والسؤال اللي فضل معلق في عقولهم كلهم كان واحد:
نور رجعت ليه؟ وإيه الحكاية اللي مخبياها ورا الحركه اللي عملتها دي الليله ..؟
فجأة قام أحمد من مكانه، وخد تليفونه ومفتاح عربيته من جنبه، واتجه ناحية باب الصالون بخطوات سريعة، وقال وهو بيحاول يخفي اللي جواه ..
أحمد بغموض: أنا طالع مشوار وراجع يا جماعة سلام عليكم .
محمد بصله باستغراب، لكن أحمد ما استناش أي رد، وكمل طريقه وخرج من البيت، وفي دماغه ألف سؤال، وعزيمة واحدة مسيطرة عليه...
إنه يعرف الحقيقة بنفسه، مهما كانت الصدمة اللي مستنياه
━━━━━━━━━━━━━━━━━━
في بيت كريم .
كانت نور قاعدة على كرسي الانتريه، ملامحها جامدة رغم دموعها اللي بتنزل في صمت، وسارة وكريم واقفين قدامها مستنيين منها إجابة تفهمهم إيه اللي حصل.
وفجأة، كريم فقد أعصابه وقال بصوت عالي مليان اتهام
كريم بغضب وقسوة: إنتي مين بالضبط يا نور؟! وإيش حكايتك؟! إنتي نصابة وعم تنصبين علينا، ولا إيش السالفة بالضبط؟! احكي وفهميني، انتي مين، وإيش اللي مخبيته عني؟! إيش فيه أشياء ما أعرفها عنك؟! أبي أفهم، والله ما عاد أنا فاهم منك أي شيء
نور بسرعه رفعت عيونها لي، وانهارت دموعها وهي بتهز راسها برفض، وقالت بصوت متقطع ..
نور بصدمه وعياط : لا... لا يا كريم، تكفى لا تظلمني! والله إني مو نصابة، ولا عمري فكرت أضحك عليكم أو أستغلكم! أنا بنت انظلمت كتير بهالدنيا، ومالقيت أحد يوقف معي أو يجيبلي حقي... تعبت يا كريم، والله العظيم تعبت تحملت فوق طاقتي، وانكسرت من أشياء ما يعلم فيها إلا رب العالمين... كل اللي أبيه إنك تسمعني وتفهمني قبل لا تحكم عليا ، تكفى 😭💔
سارة بدموع وعتاب، وصوتها بيترعش من كتر الصدمة: تكفين يا جميله، فهمينا! إنتي هويتك إيش بالضبط؟! انتي مين، وبنت مين؟! وإيش حكايتك من الأساس؟! وليه دخلتي حياتنا فجأة كذا، وقلبتي كل شيء فوق تحت؟! إحنا وش سوينا عشان نعيش كل هالحيرة فجأة بسببك؟! احكي يا جميله، تكفين، قوليلنا الحقيقة... والله إننا ما عاد ندري نصدق إيش ولا نكذب إيش
وقفت نور وهي بتنهار تماما، أخدت نفس عميق وهي بترفع إيديها تمسح دموعها، وحاولت تستجمع كل قوتها عشان تقدر تتكلم. عينيها سرحت بعيد، وكأن كل ذكرى من ماضيها رجعت تتجسد قدامها من جديد.
كريم وسارة كانوا واقفين قدامها بملامح جامده ، مستنيين منها تحكي وتقول حاجه .
نور بصوت موجوع ومكسور : أنا كنت بنت عمري 14 سنة... كنت عايشة مع أمي منال، الله يرحمها.
أول ما نطقت اسم أمها، صوتها انكسر، ونزلت دموعها من جديد، وابتسمت وسط وجعها وهي بتفتكر ذكرياتها معاها.
نور : كنت عايشة حياة حلوة، والله يا كريم... كنت عايشة في جنة مع أمي. كانت هي كل دنيتي، ضحكتي، وأماني، وكل شي حلو في حياتي. ما كان عندي أب، ولا أخ، ولا عم، ولا خال... ما كان ليا إلا ربي وأمي. ومع كذا، عمرها ما حسستني إني وحيدة، ولا خلتني أحس إني محرومة من شي. كانت تحاول تعوضني عن كل شي، وتخليني أسعد بنت بهالدنيا .
سكتت لحظة، وعيونها غرقت بالدموع من تاني، وكأنها بتشوف أمها قدامها، بتفتكر صوتها وحنانها وكل لحظة جمعتهم سوا.
نور بصوت مهزوز : كنت إذا ضاق صدري، أروح أرتمي بحضنها، وكانت بكلمة منها تخليني أنسى الدنيا كلها. ما كنت أعرف إن الأيام ممكن تتغير بهالشكل، ولا تخيلت إن بيجي يوم أصير فيه لحالي من دونها.
سارة بصت لكريم بحزن، وكريم فضل يبص لنور بصمت، وملامحه بدأت تتغير وهو يسمع وجعها.
نور مسحت دموعها، وحاولت تكمل، لكن صوتها رجع يرتجف ..
نور بصوت ضعيف جدا: لين جاء اليوم اللي ظهرت فيه خالتي أميرة...
رفعت عيونها ليهم، وقالت بصدمة لسه عايشة جواها لحد دلوقتي : تدرون وش الغريب؟ أنا أول مرة أشوفها بحياتي! أول مرة أعرف إن لي أهل، وإن عندي خالة من الأساس
سكتت نور فجأة، وشفايفها ارتعشت وهي بتسترجع بداية الحكاية، ثم همست بانهيار ..
نور : ومن يوم ما دخلت خالتي أميرة حياتنا... اصبحت مره الأيام اللي كانت حلوة مع أمي، صارت ذكريات أتمسك فيها عشان أقدر أتحمل اللي جاي.
كريم وسارة تبادلوا نظرة صامتة... لأول مرة، بدأوا يسمعون حكاية نور من بدايتها، حكاية بنت كانت عايشة في جنتها الصغيرة مع أمها، قبل ما تتغير حياتها بالكامل .
نور مسحت دموعها، لكن أول ما افتكرت اللي حصل، انهارت من جديد، وحطت إيدها على صدرها وهي بتقول بصوت مخنوق ..
نور بصوت مكسور : يا ربي... يا ربي، اللي صار بحياتي ما له نهايه ابدا
رفعت عيونها لكريم، ودموعها مغرقة وشها، وكملت وسط شهقاتها: بعدها اكتشفت إن خالتي أميرة دخلت حياتنا عشان تاخدني من أمي... أمي اللي كانت مريضة بالسرطان، واللي كانت تخبي عني وجعها عشان ما أنكسر، لحد ما المرض أخدها مني وتركتني لحالي
كريم اتسمر مكانه، وسارة حطت إيدها على بقها بصدمة، مش مستوعبين إن نور فقدت أمها وهي لسه صغيرة.
نور ضربت على صدرها بوجع وهي بتقول: شفتي يا سارة؟ شفت يا كريم؟! البنت الصغيرة البريئه اللي كانت عايشة بجنة مع أمها، واللي ما كان ليها بالدنيا غيرها... انحرمت منها! راحت أمي، وراح معاها الأمان كله
صوتها انكسر، وفضلت تهز راسها كأنها بتحاول تهرب من الذكريات، لكنها كانت أقوى منها.
نور بصوت ممبوح : وبعدها دخلت البيت اللي دمر حياتي كلها! البيت اللي كنت أحسب إني بلقى فيه أهلي وسندي، وعشت بين ناس كنت أعتبرهم أهلي... اللي هم أهلك يا كريم
كريم الصدمات كانت بتنزل عليه زي الصاعقه ومش مستوعب كلامها، وسارة بصتله، لكن نور ما وقفت، كانت بتحكي وكأن كل اللي عاشته بيحصل قدامها من جديد.
نور بهموم : ظلموني... كسروني... واتهموني في شرفي يا كريم! حتى إنتوا ما تعرفون وش صار ليا هناك! اتهموني إني السبب في موت شهد، وحملوني ذنب ما لي أي علاقة فيه، وكأنهم كانوا يبغون يخلوني أدفع ثمن كل شي
سارة دموعها نزلت، وكريم فضل باصص لنور بذهول، عاجز حتى عن مقاطعتها.
وفجأة، نور رفعت صوتها بكل وجعها، وصرخت: وقعوني في فتنة كبيرة... الفتنة إللي أكبر من القتل يا كريم اتهموني في شرفي، وبهدلوني، وقهروني، وخلوني أخسر كرامتي وشرفي قدامهم . وأخسر نفسي وأعيش وأنا أحاول أثبت إني بريئة! ليه؟! أنا عملتلهم إيه؟!
وفي لحظة دي ، اترمت نور علي كرسي اللي وراها ، قعدت .. وسندت ضهرها لورا وهي حاطه ايديها على وشها و انهارت نور تماماً .
نور صرخت من أعماق قلبها: آااااااه يا ربي! آاااه... تعبت يا رب، والله تعبت 💔
كريم فضل واقف مكانه، مصدوم من اللي سمعه وحس بتانيب الضمير انه لحظه كان ممكن يدمرها ويضيعها هو كمان، وسارة كانت بتبكي بصمت، ولأول مرة الاتنين فهموا ان نور موجوعه و شايله كتير جواها .
راحت ليها سارة بسرعه ، قعدت جنبها اخدتها في حضنها بحنان ، كانت بتطبطب على ضهرها بحنان ..ونور حسيت هنا بضعف شديد . وانها روحها بتنسحب منها ببطء
اخدت نفس طويل .. جدا متعب ،
ثم كملت .. وهي روحها متعبه جدا . ولسانها اصبح تقيل عن الكلام .
نور مسحت دموعها بصعوبة، وكملت باقي حكايتها بصوت مكسور، وحكت عن كل شخص ظلمها من عيلة السيوفي ، وعن قسوة أبوها ومراته، وعن كل مرة كانت تحتاج فيها حد يصدقها ويوقف جنبها، ومكنتش تلقى غير الخذلان.
سكتت نور، ورفعت راسها، وملامحها اتبدلت، والدموع لسه في عيونها، لكن نظرتها بقت مليانة غضب وغل .
نور بتوعد وقلب مليان قسوة: بس خلاص... الحين جاء دوري! وليد وميار وأحمد بيذوقون من الوجع اللي ذوقوني إياه، وما راح أخليهم يتهنون بسعادتهم مثل ما حرموني من راحتي! بفرق بينهم، وبخليهم يندمون على كل لحظة ظلموني فيها، لين يصير كل واحد منهم ما يطيق الثاني
وقفت نور، ومسحت دموعها بعنف، وقالت بنبرة مليانة إصرار: ورحمة أمي يا كريم، ما راح أسامحهم بسهولة! كل دمعة بكيتها، وكل قهر عشته، بيرجع لهم... وأنا بنفسي بخليهم يواجهون الحقيقة اللي هربوا منها طول عمرهم
قرب اتنهد بجمود ، وقرب منها ، اخدها في حضنه بضيق الدنيا في صدره في لحظه دي
كريم بصوت مخنوق جدا وحزين عليها: حقك عليا يا ست البنات، والله العظيم حقك ليرجع، وكل واحد فيهم هيندم أكبر ندم على كل اللي عمله فيكي وهتشوفي بعينك كل واحد فيهم هييجي لحد عندك ويطلب منك السماح، وساعتها أنا مو عاوزك تسامحي ولا احد منهم بخليهم يعرفون قيمة الإنسان اللي ظلموه، ويحسون بوجعك اللي عِشتيه لحالك... لأن فيه جروح يا جميلتي، حتى لو اعتذر عنها ألف شخص، بتفضل علامتها في القلب العمر كله
نور بعياط وقهر، وصوتها يرتجف من كتر الوجع: ظلموني يا كريم، والله ظلموني كثير ما فيه أحد صدقني، ولا أحد عطاني فرصة حتى أدافع عن نفسي أو أبرر موقفي حتى أحمد، صدق أخته المنافقة الحقيرة وابوة، وكلهم صدقوها وجم عليا وطردوني، كأني ما كنت يوم من الأيام واحدة منهم .. ووليد... وليد بهدلني وضربني وكسرني، وخلاني أعيش حياة ما يتمناها حتى عدوي! عاملني كأني ما لي قيمة، وكأني إنسانة مالها كرامة ولا حق تدافع عن نفسها
وحياة كسرت قلبي... والله ما مسامحته على اللي سواه فيني، ولا على الوجع اللي عيشني فيه .
نور مسحت دموعها، لكن نبرة صوتها اتحولت لقهر وغضب مكبوت ..
نور بقلب موجوع مكسور: اكره وليد كتير اكرهو أكرههم يا كريم، أكرههم كلهم! وبخليهم يندمون على كل لحظة ظلموني فيها، وعلى كل دمعة نزلت من عيوني بسببهم ظلموني واتهموني إني السبب في موت شهد، وشوهوا صورتي قدام الكل، ولا واحد فيهم فكر يسمعني أو يعرف الحقيقة
حسبي الله ونعم الوكيل فيهم... الله ينتقم من كل ظالم، ويريني فيهم عدله، ويظهر الحق مهما طال الزمن 😭 .
حاول كريم يهديها، مكنش قادر يستحمل، وضعها ده وانهيارها، كان ضممها في حضنه بحنان ..
━━━━━━━━━━━━━━━━━━━━━━━
فجأة، سمعو باب الشقه بيخبط ..
كريم بص ناحية الباب باستغراب، وقام من مكانه وهو بيقول
كريم : مين اللي جاي بهالوقت؟
اتجه ناحية الباب وفتحه، لكنه اتفاجئ بأحمد واقف قدامه، ملامحه جادة وعيونه بتتلفت في كل مكان.
كريم باستغراب: أحمد؟! إنت شو اللي بتسوي هنا الحين ؟
أحمد ما ردش على طول، وبص لكريم بتركيز، قبل ما يسأله : السلام عليكم نور هنا يا كريم؟
وفي اللحظة دي، سارة، اللي كانت قاعدة جنب نور، سحبت النقاب على وشها بسرعة، بينما نور اتجمدت مكانها أول ما سمعت اسم أحمد ..
وبصت تجاة الصوت .
نظراتها اتغيرت في ثانية... وأحمد كان آخر شخص تتوقع تشوفه في اللحظة دي هنا .
كريم بنبره فيها جمود: عليكم السلام ورحمه الله وبركاته قصدك جميلة... زوجتي ؟
أحمد بهدوء : احم أيوة معليش علي الازعاج في الوقت ده ، بس اللي جوه
ي تبقي قريبتي نور تبقى بنت خالتي
وقبل ما كريم يرد . عليه ظهرت نور من ورا كريم . وقالت بضحكه مليانه سخريه، بتقلد احمد زمان ..
نور بوجع مخفي: اخيرا فهمتوا إن لكم بنت خاله ، كان هذا السؤال المفروض يجي من زمان وتسالون عنها يا احمد بيه
أحمد انتبهلها .. ثم اخد نفس ببطء ، بص لكريم وقال باستئذان
كريم : بعد اذنك يا كريم ممكن تسمحلي ادخل ، اتكلم شويه مع نور مش هاخد من وقتكم . كتير هما ما فيش غيرهم 10 دقائق بس .
نور دارت ظهرها لي وقالت بغل غرور: ما في شيء اتكلم في معك ،
وبعد اسرار كبير . من أحمد وافقت نور وكريم انها تسمح لي انه يقول إللي عنده ليها ...
━━━━━━━━━━━━━━━━━━━━━━━
أحمد بص لنور بندم واعتذار شديد: أنا آسف يا نور على المواقف اللي حصلت ، لما كنتي موجودة عندنا بس حطي نفسك في مكاني الزن على الودان امر من السحر
نور انفعلت بوجع ؛ آسف علي شو ؟ مو صور شيء يا احمد بيه ،، ثم بصتله بعصبية وقالتله بزعيق
نور: مين قالك اني انا نور ، انا مو نور نور ماتت من زمان انا أسمي جميله .
أحمد بعصبية: نور حاولي تفهمي ان اللي حصل ده كانت فتنه كبيره تمام ومن حق اي شخص يصدق اللي حصل فممكن تهدي ، عشان نعرف نتكلم
نور بنبره مليانه وجع وعصبية؛ وانا مو عندي شئ احكي فيه معك ،
كريم بعتاب وغضب، وهو بيبص لأحمد مباشرة:
اللي إنتوا عملتوه في بنت خالتك يا أحمد، غلط كبير ما يتغفرش بسهولة! إنتوا حتى ما اديتوهاش فرصة تدافع عن نفسها أو تقول كلمة واحدة تبرّئ بيها نفسها! وإنت بالذات يا أحمد، كنت شريك أختك في أذيتها وظلمها، وبدل ما تكون سند ليها وتحميها، كنت من الناس اللي كسروا قلبها
أحمد بص لنور بنبرة حاسمة، وعينيه مليانة غضب من اللي عرفه، وقال ..
أحمد بشرود: بس من هنا ورايح، أنا اللي بقولك يا نور، حقك هتاخديه بإيدك، وميار هتتحاسب على كل وجع سببتهولك! أنا مش هطلب منك تسامحيها، ولا هقولك انسي اللي حصل، لكن عاوزك تبقي قوية، وتواجهيها بالحقيقة اللي هي حاولت تدفنها. خليها تعرف إن ظلم الناس مش شطارة، وإن اليوم اللي كانت فاكرة فيه إنها انتصرت عليكي، كان أول يوم في خسارتها! خدي حقك يا نور، وأنا أول واحد هيقف شاهد على الحقيقة اللي حاولوا يخفوها
نور بصتله بصدمه ومسحت دموعها بسرعه بايديها : ايه ؟ ازاي انت بقيت ، ضدها بهالدرجه ؟ وشو ضمني ان انت كمان بدك توقعني في فخ زيك زي اختك .
أحمد بنبرة صادقه حلف: والله العظيم عايزك تاخدي حقك منها اقسم بالله ما بكدب عليكي في حاجه وانا واقف معاكي في ظهرك ،،
انا عايزك تسامحيني على كل حاجه يا نور انا عارف اني كنت مصدق ميار في كل حاجه ، بس صدقيني ندمت وعايزك تجيبي حقك منها جيبي حقك منها يا نور ما تسكتيش ليها وانا اللي بقولك انا اه اخوها انا بس ما تسيبيش حقك على كل حاجه عملتها فيكي ،
نور بذهول وعدم صدق: شو إللي بيخليني اصدقك ؟؟
طلع أحمد فون ، من جيبة وقال: هتشوفي دلوقتي ..
فتح أحمد الفيديو على تلفونه، وقربه من نور عشان تشوفه،
لكن أول ما نور رفعت عيونها للشاشة وشافت ملامح الشخص اللي ظاهر فيه، اتسمرت مكانها، والصدمة خطفت أنفاسها
إيديها بدأت ترتعش من غير ما تحس، وملامحها اللي كانت من شوية مليانة قوة وتحدي اتبدلت في لحظة.
نور بدموع وصدمه لا... مستحيل هذا خالد ..
وفجأة، رجعت بذاكرتها لليلة دي، للمقلب اللي عمله فيها، وللوجع اللي عاشته بسببه،
كريم لاحظ شحوب وشها، فبصلها بقلق، بينما سارة قربت منها وهي مش فاهمة سبب الصدمة اللي ظهرت عليها فجأة.
ساره بقلق: شوفي يا جميلة شو فيكي؟ إنتي بخير .
أما نور، ففضلت باصة للشاشة، وبتسمع خالد والكلام اللي بيقوله في الفيديو ،، وكريم وساره انتبهوا لكلامه بقى يسمعون بيقول ايه ..
بعد ما اخلص الفيديو ، اتنهد احمد من قلبه وبص لنور بجمود وقال ..
أحمد بهدوء: امم اقتنعتي ؟ الشخص هو هو نفسه إللي اتفق مع ميار هو نفسه . إللي حكا الحقيقه.
نور بصتله بغضب ودموع: انت شو بدك بدي افهم بس
قام أحمد وقال بنبره هاديه: ولا حاجه عاوزاكي ، تكوني بخير مش اكتر وتسامحيني ، وتكملي في الطريق اللي انتي جايه فيه وما تقفيش وما تخليش حاجه تهزك وخدي حقك ، وبالنسبه للفيديو اللي معايا ده هيساعدك كتير سلام يا نور ..
واخد بعضه وطلع من البيت وراح ماشي
أما نور فضلت بصه على اثرو وهو ماشي ، بتفكر في كلامه كويس ، هل فعلا عايز يساعدها ولا في فخ عاوز يوقعها فيه زي اخته .؟
━━━━━━━━━━━━━━━━━━━
مفيش ظلم بيدوم، ومفيش حق بيضيع عند ربنا، والأيام خلاص قربت تكشف كل سر مستخبي ورا أبواب مقفولة... كل حقيقة هتظهر، وكل دمعة نزلت من عين مظلوم هتيجي اللحظة اللي يترد فيها حق صاحبها، وكل وجع اتسبب فيه حد لغيره هيرجع يواجهه يوم ما يفتكر إنه نسي الماضي وبدأ صفحة جديدة
بس اللي جاي مش مجرد كشف أسرار... اللي جاي حساب، وندم، وصدمة هتخلي الكل يعيد حساباته من أول وجديد! واللي فاكر إن الحقيقة ماتت، لسه ما يعرفش إن في لحظة واحدة ممكن تقلب حياته كلها، وتكشف وشوش كانت مستخبية ورا ألف قناع...
━━━━━━━━━━━━━━━━━━━━━━━━━━
عند وليد وميار ..
وقفت ميار في المطبخ بتحضر الاكل ليهم ، وفجأة وليد قرب منها من وراها ولف إيديه حواليها بحب، فابتسمت بخجل، وهو طبع بوسة خفيفة على خدها وقال بمشاكسة ..
وليد بانبهار: اوعى الجامد اللي معايا إيه الجمال ده كله والحلاوه ، بقيتي بتعرفي تعملي حاجات حلوه اهو زيك .
ميار ضحكت بخجل: طب ابعد بقى عشان أعرف أكمل .
وليد بعشق فيها: أبعد إزاي بس؟ ده أنا مش عايز أسيبك لحظة
ابتسمت ميار، وهي حاسة بسعادة غامرة بين إيديه، من غير ما تعرف إن الأيام اللي جاية مخبية ليهم حاجات ممكن تغير كل حاجة .
وفجأة ميار حطت إيدها على بوقها، وبعدت عن وليد بسرعة وهي حاسة بغثيان شديد، وجريت ناحية الحمام
وليد اتخض راح وراها بسرعه، لقاها منحنية قدام الحوض وبتستفرغ، فقرب منها بقلق، ولم شعرها بإيده وبعده عن وشها، والتانية حطها على ضهرها بحنان.
وليد بلهفة: ميار! حبيبتي، إنتي كويسة مالك بس؟
ميار حاولت ترد، لكنها كانت حاسة بدوخة، فاستندت عليه وهي مغمضة عيونها.
ميار بتعب: مش عارفة يا وليد... حاسة إني دايخة ونفسي مقلوبة من الصبح.
وليد سندها بهدوء لحد ما قدرت تقف، وبص لوشها الشاحب بقلق.
وليد: طب تعالي اقعدي، وأنا هجيبلك مية... ولو لسه تعبانة هنروح نطمن عليكي عند الدكتور.
ميار هزت راسها بخفة،
وفضل وليد جنبها مش راضي يسيب إيدها،
ميار لنفسها بقلق: شكلي كده حامل .! بس معقول بسرعة دي.؟؟ دا احنا ما كملناش كتير لسه كاتبين الكتاب
اتنهدت وبصت لوليد بابتسامة متعبه ..
وليد بحنان:: بقيتي أحسن؟
هزت راسها: اه أحسن
━━━━━━━━━━━━━━━━━━━━━━
كانت نور ماشية بخطوات بطيئة في الشارع، وعقلها بيحاول يلم شتات ذكرياتها عشان تفتكر بيت صاحبتها ليلى فين بالظبط.
حطت إيدها على راسها من ثقل الذكريات، وفضلت تبص حواليها بتردد، لحد ما قربت منها ست بهدوء ، وقالت باستغراب ..
شادية: عفوا يا بنتي، إنتي واقفة تدوري على حد؟
رفعت نور عيونها وقالتلها بلطف: لو سمحتي، ممكن تدليني على بيت ليلى عاصم؟ أحس إني أعرف المكان، بس مو قادرة أتذكره زين.
شادية ابتسمت بحنان، وقالت: ليلى عاصم؟ دي بنتي يا حبيبتي... أنا أم ليلى
اتفاجئت نور جدا ابتسمت ثم مدت ايدها ليها بحب ..
نور بابتسامة: اهلين يا طنط انا ابقى نور صاحبه ليلى .
شادية اتفاجئت في اللحظه دي وقالت بصدمه: إنتي نور ؟
نور: إيه
دخلت شاديه ومعاها نور ..
شادية رفعت صوتها وهي بتنادي على بنتها: يا ليلى، تعالي يا حبيبتي، في واحدة عايزاكي
خرجت ليلى من أوضتها وهي بترد: أيوه يا ماما، مين اللي...
لكن كلامها اتقطع أول ما عيونها وقعت على نور الواقفة قدامها بصدمه، ودموعها نزلت من غير ما تحس.
ليلى بصدمة: نووور؟
نور ابتسمت بدموع: ليلي حبيبتي .
ليلي جريت عليها وحضنتها بقوة، ونور بادلتها الحضن وهي بتعيط بحرقة، كأنها أخيرا لقت جزء من روحها اللي ضاع منها.
نور بصوت متقطع: وحشتيني كتير يا ليلى والله العظيم ..
ليلى بعياط شديد: وانتي كمان يا نور، وحشتيني أكتر ما تتخيلي والله العظيم
بعد ما بعدت ليلى عنها شوية، فضلت باصة لنور وهي بتتأمل ملامحها بعيون مليانة دموع، وكأنها مش مصدقة إنها أخيرًا قدامها بعد الغياب ده كله.
ليلى بصوت مهزوز: أنتي بجد يا نور؟ مش حلم؟
نور دموعها نزلت أكتر، وهزت راسها وهي بتمسح على خد صاحبتها بحنان ..
نور بابتسامة ودموع: إيه يا ليلى، أنا هنا... والله إني اشتقتلك مرة.
رجعت ليلى حضنتها تاني بقوة، والاتنين فضلوا يعيطوا في حضن بعض، كأن كل الوجع اللي عاشوه ما كانله علاج غير اللحظة دي .
━━━━━━━━━━━━━━━━━━━━━━━━━━━━
كان مهران قاعد في زنزانته زي كالعاده، ساند ضهره على الحيطة، وعيونه تايهة في الفراغ، وشتات أفكاره مش سايبه لحظة يهرب فيها من وجعه. بقى حاسس إن الأيام بتعدي عليه تقيلة، وإنه مهما حاول يهرب من اللي عمله، ماضيه بيفضل يطارده.
غمض عيونه، وحط إيده على وشه، وقال ما بينه وبين نفسه بحنقة وتعب .
مهران بهموم وتعب: أنا تعبت... تعبت خلاص من اللي أنا فيه ده! يا رب، هو أنا هفضل كده لحد إمتى؟ هو مفيش راحة لقلبي ده؟ هونها من عندك يا رب، أنا خلاص مش قادر
وفجأة، قطع شروده ، نفس الشخص اللي من المساجين ، كان بيقرأ القرآن بصوت هادي وعميق، وصدى الآيات بيتردد في المكان. مهران رفع راسه ببطء، وسكت، وكأن الكلمات وصلت لمكان جواه كان مقفول من سنين.
الشخص بصوت خاشع: بسم الله الرحمن الرحيم
﴿وَنُنَزِّلُ مِنَ الْقُرْآنِ مَا هُوَ شِفَاءٌ وَرَحْمَةٌ لِلْمُؤْمِنِينَ وَلَا يَزِيدُ الظَّالِمِينَ إِلَّا خَسَارًا﴾
سورة الإسراء، الآية 82.
﴿إِن تَجْتَنِبُوا كَبَائِرَ مَا تُنْهَوْنَ عَنْهُ نُكَفِّرْ عَنْكُمْ سَيِّئَاتِكُمْ وَنُدْخِلْكُمْ مُدْخَلًا كَرِيمًا﴾ [النساء: 31]
فضل مهران باصص قدامه، والآية بتتردد في ودانه، حس إن قلبه مش قادر يتجاهل الكلام ده. نزل عيونه للأرض، وافتكر كل الظلم اللي ارتكبه، وكل دمعه كان سبب فيها لشهد،
اتنهد بوجع، وهمس بصوت مهزوز: يا رب... هو لسه فيه رحمة لواحد زيي؟! 😔
وسكت، لكن المرة دي ما كانش سرحانه في الانتقام ولا في إزاي يخرج من السجن... كان لأول مرة بيواجه نفسه، وبيسمع صوت ضميره اللي فضل سنين طويلة يهرب منه.
━━━━━━━━━━━━━━━━━━━━━━━━━━━
وقفت ميار قدام مراية الحمام، وفي إيدها اختبار الحمل، وعيونها متسمرة على النتيجة اللي أكدت إنها حامل. اتسعت عيونها بصدمة، وحطت إيدها على بطنها بذهول، من غير أي إحساس بالفرحة، بالعكس، كانت حاسة بشتات وارتباك، لأنها مكنتش مستعدة للخبر ده أبدًا.
ميار بهمس مرعوب: حامل؟! لا... لا، مش دلوقتي
فضلت باصة للاختبار، وعقلها بيجري في ألف اتجاه، قبل ما تحسم قرارها إنها تخبي الخبر عن وليد، على الأقل في الوقت الحالي. كانت عارفة كويس إنه هيفرح وهيطير من الفرحة لو عرف، لكن هي... كانت خايفة من مسؤولية جديدة مش مستعدة ليها، وقررت تواجه الموضوع لوحدها من غير ما يعرف أي حاجة.
━━━━━━━━━━━━━━━━━━━━━━━━━
في بيت ليلى
ليلى مسكت ايد نور بدموع ولهفه: كنتي فين يا نور كل ده وحصلك ايه احكيلي يا حبيبتي
نور بابتسامة سعيده برجوعها علي حياتها: بقولك كل شيء يا بعد قلبي، بس اهدي ولا تشيلين هم، تكفين... أنا معك، وما راح أتركك لحالك أبد.
ليلي باستغراب؛ نور انتي في حاجات كتيره اتغيرت معاكي ، لهجتك شخصيتك ملامحك حتى لبسك كل حاجه .
نور بابتسامة بريئه: بفهمك كل شيء يا بعد عمري.
ليلي بدموع وسعاده في نفس الوقت: نور انتي متعرفيش احنا كنا هنتجنن عليكي ازاي . وكنا بندعي ربنا ليل نهار انك ترجعي و باباكي وامينه متعرفيش هما بقى عاملين ازاي من بعدك ..
نور بسخرية وجع: آخر شي ممكن أفكر فيه هالشي.
ليلي بصدق: والله العظيم يا نور أمينه هتجنن عليكي ، انتي متعرفيش هي بقيت عامله ازاي من بعد ما اختفيتي ...
طلعت شاديه من المطبخ شايله صينيه فيها ضيافه لنور بابتسامة ..
مدت ايدها ضيفتها بكل حب ..
نور اخدتها بابتسامة: الله لا يحرمني منك، ويخليك لي يا رب.
قعدت شادية وقالت بضحكه صغيرة: ياااه إنتي بقى نور ؟
نور ضحكت بابتسامة: إيه ، شو رايك فيني
شادية بابتسامة هاديه؛ يا نور إنتي بنت مفيش زيك أبدا ما شاء الله ربنا يحفظك ، انا ما شفتكيش ولا اعرفك ولا عمري اتعاملت معاكي غير النهارده . بس من كتر ما بسمع عنك من ليلي حبيتك فعلاً . وكنت بدعيلك ترجعي في أسرع وقت لأهلك .. و فعلاً ليلي بنتي بتحبك اوي وكانت هتجنن عليكي . هي وباباكي ومراته .
سرحت نور فجأة، واختفت ابتسامتها واحدة واحدة، وهي بتفتكر معاملة أبوها ليها، ووجعها من أمينة اللي كانت فاكرة إنها لما تروح بيت ابوها هتلاقي الحنان والأمان معاهم، لكن لقت منهم وجع كسر حاجات كتير جواها.
نزلت عيونها وهي بتحاول تداري دموعها ،
ليلي بحنان: نور سرحتي في ايه يا حبيبتي . اتكلمي قولي حاجه .
خبيت وجعها جواها وارتسمت الابتسامه على ملامحها .. بعد ما ردت علي ام ليلي بكل حب . وشكرتها علي كلامها الجميل.
نور بدموع وحزن: جاهزه تسمعين شو صار لنور ؟
هزت راسها ليلي ، وهي بصلها . ومتشوقه جدا تعرفي هي راحت فين بالظبط . وايه سبب التغيير ده .
بدأت تحكيلها. من اول ما بعتت رساله ليها في ليلة اللي عملت فيها حادثه .
━━━━━━━━━━━━━━━━━━━━━━━━
وقفت عربية وليد قدام منزل السيوفي، فابتسمت ميار وهي بتفك حزام الأمان، وبصتله بحب .
ميار: هتنزل ولا ماشي الشركة؟
وليد بابتسامة: لا هروح بقى الشركه أن شاء الله بليل نلتقي سوا
ميار بابتسامة: اشطا .
نزلت ميار وقفلت باب العربية، وفضلت تلوح لوليد بابتسامة لحد ما عربيته اتحركت واختفت من قدامها، بعدها لفت ناحية باب المنزل وهي . مشغوله بموضوع الحمل اللي جه فجأة علي حياتها .
لكن اللي ميار ما كانتش تعرفه، إن اللي مستنيها ورا الباب ده مش مجرد مواجهة عابرة... دي لحظة اتأخرت كتير، ولما تيجي، مش هتسيب وراها أي حاجة زي ما كانت
وفجأة...
ظهر قدامها ظل ست واقفة بثبات، ميار رفعت عيونها، وابتسامتها اختفت تدريجيا لما حسيت انها تعرفها .
كانت أمينة ..
ورفع النقاب من على وشها .
وقفت أمينة قدامها بكل شجاعة، رافعة راسها، عيونها ثابتة على ميار، وقالت بابتسامة غامضة ..
أمينة بكراهيه فيها: أهلًا بالغالية... بنت الغاليه ميار .
ميار عقدت حواجبها باستغراب، وبصتلها من فوق لتحت قبل ما ترد بلهجة حادة ..
ميار: انتي مين؟ مش أنتي تبقي مرات هاني، مرات أبو نور برضه؟ إيه اللي جابك هنا، وإيه الكلام الغريب اللي بتقوليه ده؟
أمينة قربت منها خطوة، وابتسامتها اختفت، وحل مكانها تعبير مليان تحدي.
أمينة بهدوء رهيب: أيوه يا ميار، أنا أمينة... بس واضح إنك لسه ما تعرفيش أنا جايلك ليه دلوقتي ..
ميار حاولت تحافظ على ثباتها، لكن نظرات أمينة كانت مقلقاها، خصوصا لما أمينة كملت بصوت هادي ..
أمينة: في حاجات كتير اتدفنت، وفي ناس افتكرت إن محدش هيقدر يفتح قبورها تاني... بس أنا جاية أفكرك بحاجة واحدة يا ميار.
سكتت لحظة، وبصتلها في عيونها مباشرة. وقالتلها بملامح جامده وقلق ..
أميرة: إنتي عاوزة اي ؟ وايه السبب ظهورك في حياتنا فجاه اول مره في حياتك تظهري في حياتنا يعني ؟
أمينة ضحكت بنبره فيها سخريه: هقولك انا اصبري الصبر حلو برضو يا جميل ...
ثم بصتلها وقالت بنبره غامضه،: مش كل اللي بتدفنيه بيموت... ساعات الحقيقة بتفضل عايشة، لحد ما تيجي بنفسها وتخبط على بابك
اتجمدت ملامح ميار، واختفت ابتسامتها تماما، بينما أمينة فضلت واقفة قدامها بثبات، وهي مكرره بانها، هتقلب حياتها رأسا على عقب 🔥🖤
سبحان الله، والحمد لله، ولا اله الا الله والله اكبر. 🤍
وقفت أمينة قدام ميار، وعيونها مليانة غضب مكبوت، بينما ميار بتحاول تخفي ارتباكها ورا نظراتها.
وفجأة، أمينة رفعت صوتها وقالت بحدة: أنا جاية عشان أكشف حقيقتك يا ميار! جاية عشان أواجهك بكل اللي عملتيه في نور، بكل الظلم والفتنة اللي حطيتيها في طريقها، وبكل دمعة نزلت من عيونها بسببك فاكرة إنك هتفضلي طول عمرك تضحكي على الناس وتعيشي مبسوطة؟
كلام نزل على ميار زي الصاعقة.
اتلفتت حواليها بعصبية، وبخوف
اتجاهت ناحيه المنزل أمينه ، ميار مسكتها بسرعه وقفتها بغضب ..
أمينه كانت بتحاول تبعدها بغضب: ابعدي يا ميار سيبيني انا هفضحك حق نور هيرجع ومش هسكت ليكي اكتر من كده . سيبيني .
راحت زقتها لورا بعنف . ميار وقعت علي لورا علي ضهرها وصرخت بألم ..
ميار حطيت ايدها على بطنها بألم شديد: ااااه إنتي مجنونه
في لحظه دي ميار تألمت جامد من الواقعة ... دموعها نزلت من الوجع ..
لكنها فجأة فكرت في حيلة تقدر تقلب بيها الموقف لصالحها.
قامت وهي مش قادره تقام اصلا الوجع ..
وبقلب جامد بايديها الاثنين بكل قوه بقى تضرب على بطنها جامد اكتر من مره ، وبدأت تصرخ ،
ثم ألقت بنفسها على الأرض في حركة متهورة، بتحاول تفتعل موقفا تتهم فيه أمينة بإيذائها
وقفت امينه بخضه من صوت صرختها وبصت وراها ..
أمينة بصدمة: أنتي عملتي ايه يا ميار؟! أنا ما لمستكيش أصلا
لكن ميار فضلت تصرخ وتستغيث، فخرج أفراد عائلة السيوفي بسرعة على صوتها.
كانت أميرة و شهد .
أميرة بخضه : ميار مالك يا ميار .. بصت لامينه بصدمه
شهد طلعت تجري عليها بسرعه: ميار ميار مالك ؟
أميرة بغضب وزعيق فيها: إنتي بتعملي ايه هنا عاوزه ايه مننا تاني عملتي في بنتي ايه ؟
وجريت عليها علي ميار
شهد بدهشة من أمينه: إنتي بتعملي ايه هنا .. ومالها ميار حصلها ايه
أمينة بصدمه ودموع: والله ما عملتلها حاجة .
ميار كانت مرميه علي الأرض مش حاسه بنفسها حرفيأ ، حاطة إيدها على بطنها وبتبص لأمينة بنظرات اتهام، بينما أمينة واقفة مش فاهمة حصلها ايه بالظبط و ازاي . المواجهة اتقلبت بالشكل ده.
لكن وسط الصراخ والارتباك، كان فيه شيء أخطر بيحصل...
عينين كانوا بيراقبوا كل حاجة من بعيد.
عينين شافوا المواجهة من أولها، وسمعوا التهديد اللي خرج من فم ميار، وشافوا بنفسهم إنها سقطط نفسها ، وأنها كانت بتحاول تقلب الحقيقة على أمينة.
والأخطر من كده؟
إن الشخص ده ما كانش مجرد شاهد عابر... كان معاه شيء يقدر يغير مصير ميار كله
━━━━━━━━━━━━━━━━━━━━━━━
كانوا نقلو ميار على المستشفى ، وكل منهم من عائلة السيوفي واقفين قدام غرفة الكشف، مستنيين أي خبر يطمنهم على ميار، وكانو متوترين جدا وقلقانين عليها . ومنهم أمينه بعد الحاله اللي شافتها فيها دي ما قدرتش تسيبها غير لما تطمن عليها وتعرف هي عملت ايه في نفسها بالظبط ..
أميرة بصت لامينه بدموع وغضب: عملتي ايه لبنتي فهميني حصلها ايه
أمينه بدموع: والله العظيم ما ما عملتلها حاجه يا اميره ,دي بنتك هي اللي منافقه أنتوا ما تعرفيش هي عملت ايه ولا بتعمل ايه من وراكم
أحمد في لحظه دي كان موجود ، بصلها بعدم فهم.
لسه كان هيتكلم لكن سميره بكل غضب وصوت عالي وجهت كلامها لامينه ..
سميرة بغضب: اخرسي خالص والله ما حد منافق غيركم انتوا اللي منافقين وعالم لا تتعاشر ولا تتقبل انتوا ازبل ناس اصلا علي وجه الارض ..
أمينه اتصدمت جدا من كلامها ليها ..
شهد اندهشت جدا من كلامها ، ومن اهانتها ليها فقالت باندفاع على امينه
شهد بندفاع وعصبيه : مرات عمي انا ما اسمحش ليكي تعامليها بالطريقه دي . ما لوش لازمه الكلام ده دلوقتي
ثم بصت لا امينه وقربت منها بحزن شديد
شهد بعتذر: عمتي أمينه انا معرفش. أنتي عملتي ايه لميار او في ايه بينك او ما بينها . بس اتمنى انك ما تزعليش ، بعتذر ليكي بالنيابه عن اهلي على اللي بيعملوه
أمينه بعياط شديد والله العظيم ما عملتلها حاجه يا شهد انتي ما تعرفوش هي بتعمل ايه او عملت ايه في نور يا جماعه يا جماعه فهموني بالله عليكم ..
أميرة بغضب: عملت ايه هي ميار ها؟ عملت ايه يا أمينه. مين فيكم اللي عمل عمايل سود في نور انتي ولا هي عشان خاطر ربنا بقى اطلعي من حياتنا ، حتى بنت جايه تظلميها وتتهميها روحي منك لله
امينه اهانتهم ليها وجعتها جدا ما بقتش قادره تستحمل كلامهم وقسوتهم عليها ... جت تكلم قطعها دخول وليد في لحظه دي ... وهو بيقول
" في ايهه حصل ايه يا جماعه لميار ...؟ "
في اللحظة دي، ظهر وليد في آخر الممر، بخطوات تقيلة، وملامحه شاحبة من الهم اللي شايله جواه من صدمته من اللي اكتشفو. كان بيحاول يبان متماسك قدامهم، رغم إن فيه سر كبير مخبيه، وسكوته عنه كان بيضغط على قلبه يوم بعد يوم.
قرب منهم بسرعة، وبص لأميرة بقلق متصنع.
وليد: مرات عمي، ميار مالها؟! طمنيني عليها، هي كويسة؟!
أميرة بصتله بحزن، وقبل ما ترد، باب غرفة الكشف اتفتح، وخرجت الدكتورة بملامح جادة، فكل العيون اتعلقت بيها.
أحمد ناحيتها بسرعه بجمود
أحمد بملامح جامده: طمنيني يا دكتوره عامله ايه ميار ؟
الدكتورة أخدت نفسا هادي، ثم قالت بوضوح:للأسف، ميار كانت حامل، لكن الفحص بيشير إلى فقدان الحمل، وفيه إصابة قوية في منطقة البطن يا جماعه، متعرضه لضرب عنيف
اتجمد الجميع في أماكنهم
وليد بص للدكتورة بعدم تصديق، وكأن الكلام مش قادر يوصل لعقله.
وليد بصوت ضعيف جدا: حامل؟! ميار كانت حامل؟
أحمد بصدمه: ميار حامل؟
وليد ، رجع خطوة لورا، والصدمة باينة في عيونه. أما أميرة، فحطت إيدها على بوقها ودموعها نزلت، وسميره وشهد وامينه اتصدموا جدا ، كانوا عاجزين عن الكلام تماما
أمينة بصدمه لنفسها : يا نهار ابيض دي سقطت نفسها .
أميرة بدموع وصدمه لامينه: حرام عليكي يا شيخه حرام عليكي بنتي عملتلك ايه علشان تعملي فيها كده
أمينه عيطت من صدمتها بالاتهام ده : والله العظيم ما سقطته الاقيك جنبها دي هي اللي سقطت نفسها يا اميره صدقيني ..
سميرة قربت منها بغضب شديد وقالت: يا شيخه روحي منك لله ربنا ينتقم منك انتي واخوكي وربنا ياخد عيالك ويحرمك منهم
أمينه حطيت ايدها على قلبها بصدمه من الدعاء ده علي عيالها
أمينه بعياط وصدمه: بعد الشر ايه اللي إنتي بتقوليه ده
أميرة بصرخه فيها: اطلعي من حياتنا بقى اطلعي منك الله
أحمد، كان واقف من علي بعد عنهم .. مصدوم جدا، باصص لأمينة ، وعقله مش قادر يستوعب اللي بيحصل. هو يصدق مين؟ أخته اللي كل مرة بتحطه قدام حقيقة مختلفة، ولا أمينة اللي بتحلف إنها ما عملتلهاش حاجة؟ وكان تايه في اللحظه دي
اما وليد فكان واقف تايه مصدوم ، عيونه شارده في شيء كبير ، مخليه تايه عن العالم تماما ... وملامحه شاحبة، ولسه صدمة خبر الحمل مسيطرة عليه. جواه هموم وأسرار تقيلة، ومش عارف يواجهها إزاي، خصوصا إنه كان فاكر إن حياته أخيرا هتستقر.
شهد لامينه بدموع وعتاب: ليه كده يا عمتي أمينه؟ هي عملتلك ايه حرام عليكي مهما ان كان ما بينك وما بينها ايه بس ما كانش ينفع تعملي كده تضربيها وتسقطيني
أمينه بعياط: لا والله العظيم مانا
أحمد اتدخل في اللحظه دي وقال بغضب شديد
أحمد: كفايه مش عاوز اسمع حد فيكم
ثم بص لامينه وقالها بنبره منفعله وهو مش قادر يصدق انها أمينه تعمل كده في ميار ومتاكده انها كانت عايزه تفضح السر بتاع نور .. فهي عملت كده في نفسها
أحمد بغضب: امشي من هنا حالا يلا
سميرة قربت من أحمد بغضب معمي: لا مش هتمشي غير لما نسجنها وتاخد عقوبه كبيره ..
أمينه بصدمه وخوف: يا جماعه صدقوني انا ما عملتلهاش حاجه والله العظيم صدقوني بقى بنتكم دي ما حدش يصدقها بنتكم هي اللي عملت في نفسها كده
أميرة بدموع وغضب: وهي هتعمل في نفسها كده ليه هاا
أمينه: علشان ، وقبل ما تكمل كلامها وليد قطعها لثاني مره
وليد بهدوء مرعب: أمشي من هنا يا ست إنتي
أمينه بصتله وقالت بدموع: والله صدقني أنت علي الاقل، دي ميار دي انت ما تعرفهاش دي سقطت البيبي اللي كان في بطنها اللي منك اللي انت لسه ما فرحتش بيه صدقني . وليلي اللي قبل كده ج و و
وليد قطعها بغضب معمي حاد: قولتلك امشي بقولك
اتخضت امينه جدا ، ثم رجعت خطوتين لورا .. وهي بتعيط باحباط وراحت ماشيه
سميرة لوليد بعصبية: أنت ايه أنت مش عارف هي عملت ايه تموت تروح لسه ما جتش على الدنيا دي ازاي تسكت ليها يا اخي وتخليها تمشي كده بالسهوله من غير ما نعاقبها على اللي عملته ..
وليد دار ضهره لأهله، ومشي بخطوات تقيلة، شايل جواه هموم أكبر من قدرته على الاحتمال. بعد بعيد عنهم، وخلع دبلة جوازه من إيده، وبصلها بوجع قبل ما يرميها وراه بقرار حاسم
وليد بصوت مكسور ضعيف جدا: خلاص يا ميار... كل حاجة انتهت
كان أخد قرار كبير، قرار هيصدم كل اللي حواليه، وهيكسر قلب البنت اللي أخدت منه أغلى حاجة عنده... واللي لسه ما لحقش يفرح بيها ولا يعيش معاها فرحة حقيقية. 💔
━━━━━━━━━━━━━━━━━━━━━━
في بيت كريم ..
كانت نور عرفت الخبر بتاع ميار .
نور بصدمه: شو هي حامل ؟
ليلي بحزن شديد: أيوة يا نور وجابت كل حاجه في امينه والله العظيم امينه كانت رايحه تقول الحقيقه
نور دموعها نزلت وقالت بصدمه؛ لا لا قوليلها لا تحكين شيء . هذه لعبتي ،
قفلت نور وهي مش قادره تستحمل الصدمه دي . الصدمه اثرت عليها جدا وبكت من الحزن في اللحظه دي علي الموقف اللي عملته ميار وقتلت جواها روح ملهاش ذنب ..
نور بحزن شديد ودموع: لك شو هذا اللي عم بيصير؟ شو هذا اللي عم بتسوي يا ميار بحالك ، وبالي حواليكي .؟!!
حرام عليكي يا شيخه حرام عليكي ليهه هيك ..
حطيت أيدها علي وشها بكت جامد، وهي مش قادره تسيطر على دموعها من الصدمه وجع في قلبها ..
رفعت راسها نور من بين ايديها ، ظهرت على وشها ابتسامة صغيرة ممزوجة بوجع سنين، وهمست لنفسها
نور بشماته: يا رب، أنا عارفة إن الشماتة مش من أخلاق المؤمن، بس قلبي اتوجع كتير مر...
سكتت لحظة، وبصت قدامها بعيون مليانة قهر، وقالت بمرارة ..
نور: بس تستاهل يا وليد إيه، فرحانة فيك، ونفسي تحس بوجع الظلم اللي دوقتني منه... وتعرف قيمة الإنسان اللي ظلمته، بعد ما اخترت وصدقت اللي أذاني💔
━━━━━━━━━━━━━━━━━━━━━━━
كانت ميار نايمة على سرير المستشفى، وشها شاحب وعيونها مليانة دموع وخوف شديد، وأميرة قاعدة جنبها ماسكة إيدها وبتحاول تطمنها، رغم إن قلبها كان بيتقطع على بنتها.
سميرة كانت واقفة جنبها حزينه جدا علي فقدان البيبي اللي لسه ما جاش على الدنيا، وامال وشهد قاعدين على الكنبة،ساكتين لكن جواهم حزن من اللي حصل ..
دخل محمد ومعاه عبدالله بسرعه، وأول ما محمد شاف ميار قرب منها بهدوء، وحط إيده على راسها بحنان.
محمد بحزن: ألف سلامة عليكي يا بنتي... أنتي أهم من أي حاجة،
ميار انفجرت في العياط وهي بتقول بصوت متعب ..
ميار بعياط وتصنع حزن: البيبي يا بابا... أنا خسرت البيبي ، اللي لسه ما فرحناش بيه
أميرة حضنتها بقوة، ودموعها نزلت وهي بتطبطب عليها.
أميرة بدموع: معلش يا حبيبتي، معلش يا نور عيني... ربنا يعوض قلبك خير إنتي وليد، وإحنا كلنا جنبك، ومش هنسيبك لوحدك.
سميرة مسكت إيد ميار التانية، وقالت بحزن شديد واضح عليها ..
سميرة: متزعليش يا حبيبتي ربنا يعوضك إنتي وليد . دي لسه البداية باذن الله ربنا هيعوضك
عبدالله بتنهيده: لعله خير يا ميار ما تحطش في نفسك .
شهد قربت من ميار بحزن؛ متزعليش نفسك يا ميار، باذن الله بعد الجواز على طول هتشيلي والله ربنا هيعوضك ، خليكي واثقه في ربنا انه يرضيكي
ميار في نفسها بخنقه: اجعلي ما شفتها الخلفه . انا اعمل بيها إيه ، المهم دلوقتي في وليد اللي زمانه هيتجنن لما عرف الخبر ..
ثم بصت حواليها باستغراب: أومال فين وليد وأحمد يعني محدش موجود فيهم؟
امال قامت وقالت باستغراب هي أيضا: أحمد طلع يجبلك علاج من الصيدلية . لكن وليد طلع من بدري اوي منعرفش راح فين ..
ميار بغضب: ازاي ازاي يسيبيني ويمشي . راح فين
وفجأة، باب الأوضة اتفتح بهدوء، ودخل وليد بخطوات هادية، وعلى وشه ابتسامة باهتة، ابتسامة كانت بتحاول تداري وراها قوم قوم من الهموم والإحباط اللي شايلهم جواه.
الكل ابتسم أنه جه في لحظه دي ..
محمد ابتسم وقال : اهو وليد جه ولا تزعلي نفسك يا حبيبتي
ميار بدموع وعصبيه: وليد انت كنت فين ها؟
وليد بهموم وخنقه واضحه عليه: السلام عليكم
رد الكل عليه ..
وليد بص، لميار اللي كانت نايمة على السرير، فقرب منها وقعد جنبها، وقبل على بحنان.
وليد بابتسامة وراها ميت سوال: ألف سلامة عليكي يا ميار... كده تخوفيني عليكي .
ميار بصتله بخوف شديد أنه تخسرة؛ وليد وليد انت كنت فين كل ده وليه ما كنتش موجود عشان تطمن عليا
وليد رفع عيونه لمحمد، وأخد نفس عميق قبل ما يتكلم.
وليد بجمود: بص يا عمي، أنا كنت بفكر في موضوع الفرح... وإيه رأيك نحدد معاد من دلوقتي؟
عبدالله ابتسم باستغراب بسيط.
محمد: معاد الفرح؟ يا ابني إحنا لسه عايزين ميار تقوم بالسلامة الأول، وتسترد صحتها.
وليد هز راسه بابتسامة، وبص لميار اللي كانت بتسمع كلامه باهتمام.
وليد: وده اللي أنا عايز بالظبط يا عمي. إحنا هنعمل الفرح أول ما ميار تخرج بالسلامة من هنا وتقوم على رجليها، وتبقى أحسن من الأول. مش عايزها تحس إن اللي حصل وقف حياتنا، بالعكس... عايز أول يوم تخرج فيه من المستشفى يكون بداية فرحة جديدة ليها.
ميار عيونها لمعت بالدموع فرحه ، بس المرة دي دموع متلخبطة بين الخوف والفرحة.
ميار: بجد يا وليد؟ يعني مش هنأجل الفرح كتير؟
وليد بصلها بحنان، وحاول يضحك عشان يخرجها من الحزن.
وليد: يا ستي ده أنا لو عليا، أخطفك من المستشفى على شقتنا على طول
أميرة ضحكت وهي بتمسح دموعها.
أميرة: يا سلام! أومال إحنا هنجهز الفرح إمتى يا عريس؟ ولا فاكر إن الموضوع بالساهل كده؟
وليد بمزاح: لا يا ستي، أنا تحت أمركم. بس عندي شرط واحد.
عبدالله رفع حاجبه باستغراب: شرط إيه يا وليد؟
ثم قال بهزر: دا بيشرط عليك من دلوقتي يا اخويا الحق .
شهد ضحكت بسيط: خليك محضر خير يا بابا
وليد: ميار هي اللي تختار كل حاجة بنفسها؛ الفستان، والقاعة، والديكور، وحتى الأكل. أنا مش عايز أفرض عليها حاجة، أنا عايز اليوم ده يبقى على مزاجها هي.
ميار ابتسمت لأول مرة من قلبها، وقالت بفرحة انها أخيرا هيبقي معاها العمر كله .
ميار: أنا عايزة القاعة تبقى كلها ورد أبيض، وإضاءة هادية، وعايزة مدخل طويل كله شموع
عيلة السيوفي حوالين ميار، وابتدوا يتكلموا ويضحكوا، وكل واحد بيحاول يخرجها من الحزن اللي هي فيه، ويتمنوا إن الأيام الجاية تكون أحن عليهم، وإن ربنا يعوضهم عن طفلهم اللي راح . وهما ما يعرفوش انها هي سبب دمار ده كله ..
أميرة بحنان: ربنا يعوضكم خير يا حبايبي، ويرزقكم بالذرية الصالحة اللي تفرح قلبكم، ونشيل عيالكم على إيدينا ونفرح بيهم.
سميرة بابتسامة حزينه: وأنا هبقى تيته سميرة أول واحدة هتدلع حفيدي، ومحدش ل دعوة بيا
ضحكت ميار ، ورد وليد بضحكه موجوعه جدا.
وليد: لا يا امي، ده أنا هدلعه أكتر منكم كلكم
ضحكوا كلهم، وميار سندت راسها على المخدة وهي بتدعي من قلبها إن ربنا يجمعها مع وليد في اسرع وقت .
أما وليد، فكان بيبتسم معاهم، وبيشاركهم كلامهم، لكن عيونه كان فيها شرود غريب، وصراع محدش حاسس بيه.
كانوا كلهم بيخططوا لفرحة جديدة، وبيحلموا بطفل يجمعهم، لكن محدش فيهم كان يعرف وليد بيفكر في إيه، ولا إيه اللي ناوي يعمله بالظبط...
ابتسامته فضلت ثابتة على وشه، بينما جواه كانت فيه حكاية تانية خالص، حكاية لسه محدش يعرف نهايتها.
━━━━━━━━━━━━━━━━━━━━━━━
في بداية يوم جديد مليان بالأحداث والصدمات...
في بيت كريم
خبط كريم بإيده على ترابيزة الانتريه بغضب، وعينيه مليانة احتقار من اللي سمعه عن وليد، وقال بنبرة حادة ..
كريم بغضب: كيف؟! كيف هالمغفل يصدقها، ويخليها على ذمته، وفوق هذا كله يحدد موعد الفرح؟! وش فيه وليد؟ معقول هذا بني ادم مثلنا ولا شو؟! أنا للحين مو مستوعب إنه مرتبط بواحدة حقيرة مثلها
نور كانت قاعده قدامه، ودموعها بتنزل على خدودها، وكل ما تذكرت اللي حصلها، زاد الوجع والكره بقلبها.
نور بقهر: ما يقدر يشوف حقيقتها يا كريم! ما يقدر يكشف وجهها الحقيقي! وليد بيموت فيها، ومهما سوت، بيظل يصدقها ويوقف بصفها
سارة بصتلهم بحزن، وقالت بصوت هادي
سارة: يا جماعة، لازم أحد فينا يصحي وليد من اللي هو فيه ويحكيله الحقيقة قبل لا يتورط أكتر
قبل ما تخلص كلامها، قام كريم بسرعة، وخطواته اتجهت ناحية الباب.
كريم بغضب: خلاص طفح الكيل أنا بروحله الحين، وبحكيله كل شيء، وهالمغفل لازم يسمعني ويفوق من الوهم اللي عايش فيه
نور اتنفضت من مكانها، ولحقته ومسكته من ذراعه بسرعة، ودموعها بتنزل وهي بتترجاه ..
نور بانهيار: لا يا كريم، تكفى! لا تروحله! لا تخرب خطتي
كريم بصلها بعصبية، وبعد إيدها عنه وهو بيقول ..
كريم: خطتك إيش بس يا جميلة؟! لين متى بتخلينه مخدوع؟! والله لأروح وأحكيله كل شيء، حتى لو هنخسر بعض لازم يعرف الحقيقه الحين ..
طلع كريم من البيت ، وانطلق راح لوليد بعد ما رن وقاله انت فين بالظبط ،، ورحله
اما نور فضلت مكانها بتنهار من البكاء، بينما سارة كانت قربت منها بقلق، مش عارفة تمنع كريم ولا تقدر تتحمل تشوف نور بتتوجع أكتر .
━━━━━━━━━━━━━━━━━━━━━━━
نزل كريم من عربيته وهو في قمة انفعاله، شايل جواه غضب كبير من وليد، ومش قادر يستوعب إزاي لسه بيصدق ميار بعد كل اللي حصل. دخل الشركة بخطوات سريعة، وملامحه متجهمة، والموظفين بصوا لي باستغراب من هيئته الغاضبة.
وصل لمكتب وليد، فتح الباب بقوة، فرفع وليد عيونه من على الأوراق اللي قدامه، وبصله باستغراب.
وليد: خير يا كريم؟ فيه حاجة؟
كريم دخل وقفل الباب وراه، وبصله باحتقار شديد، ثم اندفع ناحيته وزقه لورا بعنف، وقال بصوت غاضب ..
كريم: أنا ما كنت أدري إنك مغفل وأهبل لهالدرجة
معقول للحين ما تعرف تميز بين الصادق والكذاب؟! معقولة وحدة تخدعك بهالسهولة، وإنت للحين تدافع عنها؟
كمل بصوت عالي غضبان جدا: إنت من نفس الليلة اللي نزلت فيها من السفر ، و عرفت فيها إني متزوج البنت اللي اسمها نور، عندكم، قالتلي إنها أكبر وحدة مخادعة ونصابة وبنت مو محترمة يب، وإنت وش
بتساوي الحين ؟
وليد اتراجع خطوتين من قوة الدفعة، واتبدلت ملامحه تماما، عيونه ثبتت على كريم بغضب بدأ يتصاعد جواه.
وليد بحدة: إنت جاي مكتبي عشان تهيني يا كريم؟! احترم نفسك واعرف إنت بتكلم مين
لكن كريم ما تراجع، بالعكس، قرب منه خطوة، وقال بسخرية لاذعة ،،،
كريم: أحترم حالي؟! أنا اللي المفروض أسألك هسؤال هذا إنت ما تشوف اللي قدامك؟ ولا الحب عماك لدرجة إنك صرت تصدق أي كلمة تطلع منها؟
وليد جز على أسنانه بقوة، وإيديه اتقبضت، وكان واضح إنه بيحاول يسيطر على نفسه بالعافية، لكن نظراته بقت مليانة غل.
فضل واقف مكانه، وعيونه بتطلع شرر من شدة الغضب، وفجأة ملامحه اتغيرت تماما، وظهر في نظراته شيء غامض خلى كريم يسكت للحظة.
وليد قرب منه بخطوات بطيئة، وقال بصوت واطي مليان انتقام، كاشف عن سر كان مخبيه جواه ...
كريم اتجمد مكانه، واتسعت عيونه بصدمة، وبص لوليد كأنه مش مصدق اللي سمعه.
كريم بذهول: وش؟ 😳
━━━━━━━━━━━━━━━━━━━━━━━
ليلة العمر... الليلة اللي هتتكشف فيها الأسرار 💔🔥
كان اليوم ده مش يوم عادي أبدا... ده كان يوم زفاف وليد وميار، اليوم اللي الكل كان مستنيه من زمان، واللي عائله السيوفي كانوا فاكرين إنه هيكون بداية حياة جديدة مليانة فرحة وسعادة للعروسين.
لكن محدش كان يعرف إن الليلة دي شايلة في قلبها مفاجآت تقيلة، وإن الضحكات اللي هتتعالى في القاعة، هتتبدل بعد شوية بصدمة وذهول، وإن في قلوب داخلة الليلة دي وهي شايلة فرحة عمرها، وقلوب تانية داخلة وهي مخبية وجع سنين.
أسرار هتتكشف... حقايق هتظهر... ووجوه هتتعرى قدام الكل
وفي واحدة بالذات، كانت مستنية اللحظة اللي هتقلب فيها كل الموازين
━━━━━━━━━━━━━━━━━━━━━━━
في احد القاعات اللي في القاهره الكبيره ...
كانت القاعة في أبهى صورها، سقفها العالي متزين بثريات كريستال ضخمة بتنور المكان، والورد الأبيض متوزع على الترابيزات بشكل راق، وممر طويل مفروش بالورود بيوصل لحد الكوشة اللي كانت متصممة باللون الأبيض والدهبي، وحوالين المكان إضاءة هادية بتدي للمشهد كله فخامة تخطف العين.
صوت الموسيقى كان مالي القاعة، والعاملين بيتحركوا في كل مكان عشان يجهزوا آخر التفاصيل، والضيوف بدأوا يوصلوا واحد ورا التاني، وكل واحد فيهم فاكر إنه جاي يشهد ليلة فرح عادية.
لكن بعيد عن كل الأضواء دي، وفي جناح خاص جوه القاعة...
كانت العروسة ميار واقفة قدام المراية الكبيرة، بتبص لنفسها بإعجاب، وعلى وشها ابتسامة واسعة مش قادرة تخبيها.
كانت لابسة فستان زفاف أبيض فخم، الجزء العلوي منه متصمم بشغل تطريز دقيق ولامع، مليان تفاصيل ناعمة من الخرز والفصوص الراقية اللي كانت بتلمع مع كل حركة، ووسطه محدد بشكل أنيق، أما الجزء السفلي فكان ضيق على جسم الفستان ونازل بانسيابية لحد الأرض، بيديله شكل ملكي وفخم.
شهد، اللي كانت واقفة جنبها، ابتسمت وهي بتبصلها من خلال المراية ..
شهد بابتسامه: بصراحة انتي قمر أوي يا ميار، ربنا يتمملك على خير ويسعدك إنتي ووليد.
ميار لفت ناحيتها بسرعة، ومسكت إيديها بحماس ..
ميار بسعادة:آمين يا رب! وعقبال ما نفرح بيكي إنتي كمان يا شهد،
وتعيشي أحلى أيام حياتك.
شهد ابتسمت، لكن للحظة قصيرة جدًا، عيونها سرحت في مكان بعيد... وكأن في قلبها وجع محدش حاسس بيه نهائي .
أما أميرة دخلت بابتسامة ... وهي بتقول .
أميرة بسعادة بيها: ماشاء الله ولا حول ولا قوه الا بالله ربنا يحفظك ويتمملك على خير يا نور عيني
حضنتها ميار بابتسامة سعيده: تسلميلي يا ماما ربنا يديمك ليا ..
دخلت آمال بابتسامة وهي بتضحك: طب ايه يا بنات . مش يلا، خلونا نخلص بقى، الناس كلها وصلت تقريبًا، والعريس زمانه مش طايق نفسه ومستني يشوف عروسته
ميار ضحكت بابتسامة: اوعى بقى علي الحلويات دي
ضحكت امال بابتسامة؛ مش احلي منك يروحي ماشاء الله ربنا يتمملك على خير
لحظات ضحك وفرحه . وهي ميار ما تعرفش المفاجاه اللي مستنيهها الليله في ليله دي بالذات ، والأخطر من ده كله... إن نفسها ما كانتش تعرف إن الليلة دي ممكن تكون بداية صدمة عمرها هي كمان
رفعت ميار عيونها للمراية مرة أخيرة، وابتسمت لنفسها بثقة، قبل ما تقول
ميار بسعادة عارمة: يلا بقى... أنا جاهزة أعيش أحلى ليلة في حياتي
━━━━━━━━━━━━━━━━━━━━━━━
♡ حــكــايــة بــقــلــم الــكــاتــبــة نــور ربــيــع NR ♡
━━━━━━━━━━━━━━━━━━━━━━━
كان في أوضة جانبية ، اوضه شباب ..
كان وليد وكريم و أحمد . كانوا واقفين حوالين شاشة كبيرة، وملامحهم كلها جدية وترقب، وكل واحد فيهم عارف إن الليلة دي مش هتعدي زي ما الكل متخيل.
قدامهم كانت الشاشة متوصلة بأجهزة العرض، والفيديوهات اللي هتكشف أسرار ميار وحقيقتها متجهزة، مستنية الإشارة الأخيرة عشان تظهر قدام كل الموجودين في القاعة
وليد بص لأحمد وقال بغموض: خلاص كده؟
أحمد هز رأسه بمعني أيوه وقال: تمام كده ..
قاعد وليد علي كرسي ..
وهو مش حاسس بنفسه حرفيأ ، وكانت الدنيا سود في عيونه في لحظه دي ، وبدل مكان بيجهز الفرحه الكبيره مع حب عمره ، كان بيجهز خطه كبيره مرسومه لحتى يدمرها ويكسرها ..
سرح وعيونه زايغة في الفراغ، وكأن كل حاجة حواليه فقدت معناها. الحزن كان باين على ملامحه، والغضب جواه بيتحول لكراهية كبيرة تجاه ميار، بعد اللي اكتشفو عنها .
كريم اقترب منه بحزن ، ثم حط أيده علي كتفه وقال وهو بيطمنو .
كريم بيواسي فيه: خلها على الله، ما بقولك لا تزعل، لأن ما فيه أحد بهالدنيا ما يزعل. ازعل وفضفض لربك، واحكيله كل اللي بقلبك، ولا تكتم وجعك داخلك. وخلها على رب العالمين، هو أعلم بالظلم اللي صار، وما يضيع عنده حق أحد، وربك بيحاسبها على كل اللي سوته.
رفع عيونه ببطء ناحية أحمد، وسكت لحظات، كأنه بيحاول يجمع شتات نفسه، قبل ما يقول بصوت مهزوز ومليان وجع ..
وليد بصوت مخنوق مكسور: شوفت اختك عملت أيه؟؟ شوفت يا أحمد ، أنا مش مسامحها، حتى لو كان ما بيني وما بينها الجنه .
أحمد بلع ريقه بصعوبة وقال بحزن شديد: مش عارفه اقولك ايه كلنا اتخدعنا فيها يا ابن عمي .
وليد نزل عيونه للأرض، وابتسامة ساخرة ظهرت على وشه وسط حزنه، قبل ما يقول بصوت مكسور
وليد بخنقه كبيره جواه لحد الان فيها : كانت فاكرة إن الليلة دي هتكون أسعد ليلة في حياتها... بس هي ما تعرفش إن الليلة دي ممكن تكون أصعب ليلة عدت عليها!
سكت لحظة، وبعدين رفع عينيه لأحمد، وفي نظرته وجع وغضب متداخلين ..
وليد بتوعد: أنا مش عايز أسمع تبريرات ... أنا عايز الحقيقة تظهر، والكل يعرف مين ميار بجد
أحمد رد بحزم: الحقيقة هتظهر يا وليد... بس لازم تكون مستعد لكل اللي هيحصل بعدها.
فون كريم رن في الوقت ده ...
كانت نور .
كريم بجمود: يلا، لازم نرجع لمكاننا... الليلة بدت.
━━━━━━━━━━━━━━━━━━━━━━━━━
كانت القاعة في منتهى الفخامة،
الكل كان مستني ظهور العروسة ميار والعريس وليد، الليلة اللي المفروض تكون أسعد ليلة في حياتها، واللي كانت بتحلم بيها من زمان.
لكن فجأة...
دخل من باب القاعة الرئيسي، نور بخطوات ثابتة وواثقة،
كانت لابسة فستان أسود أنيق وفخم، وحجاب أسود متناسق مع نقابها بنفس اللون، فكان مظهرها كله غامض ومهيب، يخطف الأنظار من غير ما تحتاج تعمل أي مجهود.
خطواتها كانت هادية، لكن ثقتها كانت كفيلة إنها تلفت الانتباه، وعيونها الخضراء اللي باينة من النقاب كانت مليانة إصرار، وورا الإصرار ده ابتسامة خفيفة، ابتسامة شماتة مكتومة، وكأنها عارفة سر محدش من الموجودين يعرفه.
جنبها كانت ماشية سارة اللي كانت ماسكه ايد حياه . وليلى، وكل واحدة فيهم ملامحها بتعكس ثقة وترقب، بيتبادلوا النظرات في هدوء، وكأن بينهم اتفاق من غير كلام.
نور رفعت عيونها ناحية الكوشة، وبصت لبعيد ناحية مكان العروسة، وبعدها همست بصوت منخفض ما سمعوش غير اللي جنبها ..
نور بابتسامة غامضه:الليلة دي مش هتعدي بالساهل... واللي مستخبي من زمان، خلاص جه وقته يظهر
وفي الناحية التانية من القاعة...
قرب محمد من ميار يسلمها لعريسها ، وملامحه مليانة فخر وسعادة، مش قادر يخبي فرحته وهو شايفها بفستان زفافها الأبيض الفخم، والطرحة الطويلة نازلة من وراها، ومكملة إطلالتها الملكية.
بصلها بحنان، وابتسم ابتسامة واسعة، وبعدها قبل راسها برفق، وقال بصوت كله فرحة ..
محمد بابتسامة: ألف مبارك يا بنتي... ربنا يتمملك على خير، ويسعد قلبك، ويجعل أيامك كلها فرح وراحة بال.
ميار ابتسمت بكسوف، وعيونها لمعت من الفرحة، وردت عليه بصوت رقيق
ميار ربنا يخليك ليا يا بابا، وما يحرمنيش منك أبدًا.
امجد بابتسامة: ربنا يتمملكم على خير يا ميار ويسعدكم
ميار بابتسامة: تسلم يا عمو ربنا يديمك لينا يارب ..
شهد بصت باستغراب حواليها: وليد كل ده بيجهز ايه ده ؟
سميرة بابتسامة : لا هو جاهز من بدري احمد قال ، هو اللي هيسلمها لوليد لحد القاعه تحت
شهد : اه ماشي يا مرات عمي
جه احمد بابتسامه، وراها حزن كبير منها وعدم مسامحه ليها .
ومد ايده
أحمد بابتسامة خبيثه: جاهزه يا عروسة؟
ميار بابتسامة سعيده: جاهزه يا أحمد باشا ..
ومد أيدها في أيده ،،
وبخطوات هادية، بدأ يتقدم بيها وسط القاعة، وإيدها مستندة على إيده، والناس حواليهم بتصفق وتبارك، وعيون الكل متعلقة بالعروسة اللي كانت ماشية بابتسامة واسعة، مقتنعة إن الليلة دي أخيرا بقت ليلتها.
لكن...
في وسط الزحمة والفرحة، كانت عيون نور متعلقة بيها من بعيد
في اللحظة دي... ابتسامة ميار اتجمدت على وشها
خطواتها وقفت للحظة، وعيونها اتسعت بصدمة، مش مصدقه إن نور موجودة هنا كمان ، وفي الليلة دي بالذات
ميار بخوف: نور؟! إيه اللي جابها هنا كمان ليله دي .
نظرات ميار نزلت تلقائيا على الفستان الأسود اللي نور لابساه، بغل من اللون الاسود اللي لابسهلها الليله دي
فاقتربت منها ، وقفت قصادها مباشره بخطوات واثقه، بكل هدوء، بتبادلها النظرات، وكأنها مستنية اللحظة دي من زمان.
ومدت إيديها وهي بتقول بابتسامة هادية، تخفي وراها شماتة كبيرة .
ميار حاولت ترسم ابتسامة على وشها رغم الصدمة اللي جواها، لكن نور ما ادّتهاش فرصة تفكر كتير، قربت منها وحضنتها قدام الجميع، وكأنها جاية تشاركها فرحتها فعلًا.
همست نور جنب ودنها، وابتسامتها الماكرة لسه مرسومة على عيونها.
نور : ألف مبارك يا عروسة... عساك جاهزة للمفاجأة الحلوة؟
حست ميار بقلق شديد من كلام نور، وعيونها اتملت بالصدمة وهي بتبصلها بعدم تصديق، وهنا فهمت إن رجوع نور مش صدفة، وإنها جاية وفي قلبها وجع أكبر بكتير من اللي الكل متخيله...
وفجــــأة...
الإضاءة في القاعة انطفت .
الموسيقى وقفت مرة واحدة، والضحكات اختفت، وعيون المعازيم اتجهت ناحية السقف باستغراب، و الجميع بص ناحيه للشاشة العملاقة الموجودة في مقدمة القاعة.
و الشاشة نورت
فجأة أحمد ساب إيد ميار وابتعد عنها بهدوء، من غير ما ينطق بكلمة واحدة.
ميار بصتله بعدم فهم، وقلبها بدأ يدق بعنف.
ميار بصوت واطي: أحمد هو في ايه؟
لكنه ما ردش... واختفى من قدامها تماما ..
وفي اللحظة دي، ميار لفت بسرعة تدور على نور، اللي كانت واقفة جنبها من ثواني، لكن الصدمة كانت إنها اختفت
نور انسحبت بهدوء وسط الزحمة، وراحت قعدت في مكانها جنب سارة وليلى، وعيونها متعلقة بالشاشة، وابتسامة غامضة مرسومة في عيونها من ورا النقاب.
الكل منهم من عائله السيوفي . بيتبادلوا النظرات بقلق، ومحدش فيهم فاهم إيه اللي بيحصل.
أمجد: هو فيه إيه؟ النور ده انطفي ليه؟
محمد رفع عيونه ناحية الشاشة، باستغراب
عبدالله: أنا هشوف السبب يا جماعه خليكم زي ما انتوا ..
وفجــــأة...
ظهر وليد واقف قدام ..
وهو يرتدي ملابس .. عباره عن " قميص اسود وبنطلون اسود "
وقف وليد قدام الشاشة بابتسامة غامضة، ورفع الريموت في إيده وهو بيبص للضيوف بثبات وقال بنبرة هادية: بما إننا كلنا متجمعين النهارده... حابب أقدملكم حاجة مميزة جدا
وفجأة، ضغط على زرار الريموت، فانورت الشاشة الكبيرة... وابتدت المفاجأة اللي محدش كان مستعد ليها!
ظهرت صورة خالد على الشاشة الكبيرة
وفي لحظة واحدة، ساد صمت تقيل على القاعة كلها، صمت قطعه صوت خالد وهو بيتكلم داخل الفيديو.
ملامح ميار اتبدلت في ثانية واحدة
الابتسامة اختفت من على وشها، وعيونها اتسعت بذهول، وبصت للشاشة كأنها مش مصدقة اللي شايفاه.
ميار، همست بصوت مرعوب مرتعش: هو ايه اللي بيحصل هنا فيه ايه ؟
رجعت خطوة لورا، وإيديها بدأت ترتعش، ووشها فقد لونه تدريجيا، وهي بتتابع ظهور خالد قدام مئات العيون اللي اتعلقت بالشاشة.
محمد، ، بص للشاشة، وبعدها بص لبنته بعدم استيعاب، وكأن عقله رافض يربط بين اللي بيسمعوا وبين بنته اللي واقفة جنبه بفستان زفافها
أما باقي عيلة السيوفي، فكانت الصدمة باينة على ملامحهم، وكل واحد فيهم مستني خالد يخلص كلامه
وقفت ميار في نص القاعة، متسمرة مكانها، عيونها معلقة بالشاشة الكبيرة، ومش قادرة تستوعب حرف واحد من اللي بيتقال
الدنيا حواليها بقت كأنها بعيدة... أصوات المعازيم، همسات الناس، حتى صوت الفيديو نفسه، بقى يوصلها بشكل مشوش، وكأنها انفصلت عن كل اللي حواليها من شدة الصدمة.
بصت بعيونها ناحية وليد، اللي كان واقف عند الشاشة، وبصتله بوجع وذهول، وكأنها لأول مرة تشوفه على حقيقته.
ميار لنفسها بصدمه كبيرة:هو كان عارف؟
وليد كان عارف كل حاجة من الأول؟!
عيونها اتملت بالدموع، وهي بتستوعب إن الشخص اللي كانت فاكرة إنها هتبدأ معاه حياة جديدة، كان عارف أسرارها، ومستني اللحظة دي عشان يكشفها قدام الجميع بالطريقة دي
أما عيلة السيوفي، فكانوا واقفين في ذهول، بعضهم حاطط إيده على بقه من الصدمة، والبعض التاني بيبص لميار بعتاب وعدم تصديق، بينما محمد أبوها، كان واقف عاجز عن الكلام، مش قادر يرفع عينه من على الشاشة.
وفي وسط الصمت التقيل ده...
وليد رفع إيده ، وعدل ياقة قميص، وظهرت على وشه ابتسامة باردة خالية من أي فرحة.
وليد بهدوء مستفز: ولسه... في مفاجأة تانية كمان
القاعة كلها سكتت، والأنظار اتحولت ناحيته.
ميار كانت بصله نظره رعب،
وليد ضغط على أحد الأزرار.
وفجأة... اتغيرت الصورة
ظهر فيديو جديد على الشاشة، وميار كانت فيه واقفة قدام أمينة
في البداية، محدش فهم المشهد، لكن مع مرور الثواني، بدأت الحقيقة تظهر قدام عيون الجميع.
كانت ميار واقفة قدام أمينة، بتحاول تمنعها من إنها تدخل وتحكي الحقيقة لأهلها، وكل ما أمينة تحاول تتحرك ناحية الباب، كانت ميار تعترض طريقها وتحددها بالسكوت ،، لحد ما بقيت تضرب على نفسها بضرب عنيف عشان تنزل البيبي وتتهمه في امينه
ساد صمت مرعب في القاعة.
لا موسيقى... لا تصفيق... ولا حتى همسة واحدة
أميرة حطت إيدها على صدرها، وعيونها اتملت بالدموع من شدة الصدمة، بينما محمد بص للشاشة، وبعدها لف ناحية وليد، وكأنه بيسأله من غير كلام: إزاي كل ده كان بيحصل وإحنا مش عارفين؟
محمد بصوت مليان صدمه: ميار... إيه اللي إحنا شوفناه وسمعنا ده؟
ميار بصرخه وجنون وهي بتبص حواليها: اطفو الشاشه دي كل ده كذب كذب مش حقيقي .
وليد قرب منها، بنظرات مليانه اسئله كتير وعتاب .
وليد بهدوء رهيب: كنتي فاكرة إنك هتقدري تخبي كل حاجة للأبد يا ميار؟ كنتي فاكرة إن محدش هيعرف حقيقتك؟
ميار هزت راسها بعنف، والدموع بدأت تنزل على وشها بصدمه كبيرة
ميار بكذب وصدمة: انا ما عملتش حاجه يا وليد ما عملتش حاجه كل ده كده ما تصدقش
وليد بصوت غضبان جدا : اوعى تكدبي يا ميار اوعي . دا انا شايفك بعيوني دي وسامعك وانتي بتقتلي بايديكي اللي في بطنك عشان خاطر ، مصيبتك ما تتكشفش اللي عملتها في بنت خالتك .
━━━━━━━━━━━━━━━━━━━━━━━━━━━━
تجمعت العيلة حوالين ميار، وكل واحد فيهم جواه ألف سؤال، ونظرات العتاب اللي موجهينها ليها كانت أقسى من أي كلام ممكن يتقال
أمها أميرة كانت باصهلها بوجع، وأبوها واقف قدامها مش مستوعب إن بنته اللي كان بيدافع عنها طول الوقت هي نفسها اللي ظلمت غيرها بالشكل ده وقتلت روح جواها ، وعمامها ونسوان عمامها كانوا بيتبادلوا النظرات في صدمة، أما أخوها أحمد فكان باصصلها وكأنه مش قادر يصدق إن كل ده طالع منها
ووليد... قصدها ، ملامحه جامدة، وعيونه مليانة خذلان، كأن كل حاجة كان بيتمناها في الليلة دي اتحولت لوجع كبير جواه.
محمد بصلها بعتاب وخيبه امل وقال: إزاي يا ميار؟! إزاي قدرتي تعملي كل ده؟! إحنا ظلمنا نور بسببك... ظلمناها وإحنا فاكرين إننا بنعمل الصح ، لو وجيتي وكملتي بمرات ابوها اتهمتيها أنها هي سبب اجهاض اللي في بطنك
ميار نزلت عيونها للأرض، ودموعها بتنزل من غير ما تقدر ترد، لكن محدش في العيلة اتحرك ناحيتها ولا حاول يبرر ليها اللي عملته.
وعلى بعد خطوات، كانت نور قاعدة على الترابيزه ، بتراقب المشهد في هدوء، والابتسامة مرسومة على ملامحها، والشماتة واضحة في عيونها... واخيرا كل واحد فيهم كشف حقيقتها الحقيقيه ،
وفجأة، أحمد تقدم لمنتصف القاعة، ورفع صوته عشان يلفت انتباه الضيوف اللي لسه موجودين.
أحمد باعتذار رسمي: بنعتذر لحضراتكم جميعا عن اللي حصل، لكن للأسف... الفرح مش هيكمل، ومفيش زفاف النهارده
اتبادلت العيون النظرات، وبدأت الهمسات تعلى في أرجاء القاعة.
وبدأ الضيوف ينسحبوا واحد ورا التاني، بعضهم بيهز راسه بعدم تصديق، والبعض التاني بيتكلم بصوت واطي عن اللي شافه، لحد ما القاعة اللي كانت من شوية مليانة زغاريد وفرحة، بقت شبه فاضية، ومفيهاش غير وجع وفضيحة وقلوب مكسورة.
أما ميار، ففضلت واقفة بفستان فرحها وسط القاعة، بتبص حواليها على الكراسي الفاضية، وكأنها مش مصدقة إن اللي كانت بتحلم بيه من ساعات، انهار قدام عيونها في لحظات .. ولا اهلها اللي كشفوا حقيقتها وفضحتها قدامهم ، وخسارتها الكبيره لوليد
━━━━━━━━━━━━━━━━━━━━━━━━━━━━
بعد ما القاعة فضيت تقريبا، وليد واقف مكانه للحظات، عيونه بتلف في المكان اللي كان المفروض يشهد على أسعد يوم في حياته... قبل ما يبص لميار، اللي كانت واقفة بفستان فرحها ودموعها مغرقة وشها.
قرب منها بخطوات بطيئة، ووقف قدامها، وبصلها بنظرة وجع خلتها ترفع عيونها لي بسرعة.
ميار بصوت مرعوب ومصدوم: وليد... أرجوك، اسمعني، أنا أفهمك كل حاجة
هز راسه بابتسامة حزينة، وطلع منه صوت مليان خذلان.
وليد بصدمه فيها: تفهميني إيه يا ميار؟! إني كنت مغفل؟! إني صدقتك لما كنتي بتحلفيلي إنك كنت بتشوفي اخطاء من نور هي ما كانتش بتعملها، ولا هتفهميني أن اللي شوفته قدام عينيا . وأنتي بتقتلي روح لسه ما جتش على الدنيا دي كان كذب زي اي كذبه بتكذبي عليها فينا ..!؟
ميار وهي بتعيط : أنا بحبك يا وليد، والله بحبك عملت كده عشان ما اخسركش
بصلها طويلا، عيونها بدأت تلمع من الوجع .
وليد بعتاب : بتحبيني؟! هو ده الحب عندك؟ إنك تخبي عني حقيقتك، وتخليني أظلم إنسانة مالهاش ذنب؟! كنتي بتبصي في عيني كل لحظه وأنتي عارفة إن نور بتدفع تمن حاجات انتي عملتيها
سكت لحظة، وبلع غصته بصعوبة، قبل ما يكمل بصوت أهدى لكنه أوجع.
وليد بصوت ضعيف موجوع : ليه يا ميار ليههه موتي البيبي اللي لسه ما جتش على الدنيا دي ليه قتلتيها بايدك. ليه م خلتنيش افرح بيها ، ولا افرح بيكي ليههه ... أنا موجوع بسببك ومكسور عشان كنت داخل الليلة دي وأنا فاكر إني اخترت الإنسانة الصح، وكنت مستعد أبدأ معاكي حياة وأحط أماني بين إيديكي... لكن اكتشفت إني معرفكيش أصلًا
ميار مدت إيدها ناحيته برجاء بانهيار : وليد، أرجوك، ما تسبنيش... كل حاجة ممكن تتصلح
بصلها بعيون مليانة وجع وعتاب، وقال بصوت عالي هز المكان: مفيش حاجة اتكسرت هترجع تاني يا ميار... مستحيل تقدري ترجعي كرامة البنت اللي ضيعتيها؟! تقدري ترجعي السنين اللي ضاعت من عمرها وهي بتدور على حد يرجعلها حقها؟! ولا تقدري ترجعي اللي انتي موتيه جواكي، اللي أنا ملحقتش حتى أفرح بيه، زيي زي أي حد كان داخل الليلة دي بقلبه وأمانيه؟
سكت لحظة، وابتسامة مرة ظهرت على وشه، قبل ما يقول:عارفة إيه أسوأ حاجة عملتيها؟ إنك خلّيتيني أندم إني حبيتك! كنت فاكر إني اخترت شريكة عمري، طلعت باختار وجعي بإيديا... انتي مش ضيعتي نور وبس يا ميار، إنتي ضيعتي نفسك من عيني، ودي خسارة مش هتعرفي تصلحيها مهما عيطتي
دار ضهره راح تجاه كريم ونور اللي كانوا قاعدين متابعين المشهد ، بملامح جامده وعيون مليانه شماته منهم
وليد لف ضهره لميار، ومشي بخطوات تقيلة لحد ما وقف قدام نور، وبصلها بعيون مليانة ندم، وقال بصوت ضعيف وندم
وليد بندم شديد :نور... أنا آسف سامحيني على كل اللي عملته فيكي، وعلى كل مرة صدقت فيها غيرك وظلمتك من غير ما أسمعك.
نزل عيونه لحظة، وابتسم ابتسامة مرة، قبل ما يبصلها تاني ويقول بغصة ..
وليد بصوت مكسور:سبحان الله... ربنا مش بيسيب حق حد مظلوم، أهو حقك رجعلك، وانتي قاعدة تتفرجي علينا يا نور ربنا يسعدك ويهنيكي مع كريم...
لف ناحية كريم، وربت على كتفه بخفة، وقال بابتسامة مكسورة
وليد :خد بالك منها يا كريم... دي تستاهل تتشال فوق الراس، وإنت تستاهل كل خير.
كريم بصله بحزن شديد، أما نور ففضلت ساكتة، عيونها بتتابعه من غير ما تنطق بكلمة.
رفع وليد عيونه ببطء، وبص لليلى بنظرة مليانة هزيمة وإحباط، وابتسامة مرة ارتسمت على شفايفه وهو بيقول بصوت مليان خذلان .
وليد بندم شديد : فعلًا كان عندك حق يا آنسة ليلى... انتي قلتيلي إننا هنندم، وإن الحقيقة مهما استخبت هتظهر، وأنا وقتها ما صدقتكيش...
سكت لحظة، ونزل عيونه بحسرة، قبل ما يكمل: أهو أنا واقف أهو... وندمان، بس للأسف ندم متأخر أوي!
وليد ما استناش رد من حد، اتحرك ناحية باب القاعة وخرج، شايل هم الدنيا فوق كتافه، ولسه مش قادر يستوعب إن اللي كان فاكره بداية عمره الجديد... انتهى قبل ما يبدأ
وخرج من القاعة، لكن الوجع اللي جواه خرج معاه... أما الصدمة، فكانت لسه أكبر من إنه يستوعبها.
كريم طلع ورا بسرعه ...
━━━━━━━━━━━━━━━━━━━━━━
وقفت أميرة قصاد ميار بصدمه فيها وحرقه قلب بسببها ...
أميرة بصرخه فيها: ليهههه كده ليههه حرام عليكي يا بنتي دا إنتي دمرتينا بعمايلك دي ..
ميار بانهيار وغضب شديد:ماما كفايه ما تزوديش عليا انتي كمان كفايه وليد اللي خسرته .
أميرة بقسوة قلب وغضب: انتي ما خسرتش وليد بس انتي خسرتي كل اللي حواليكي . حتى اهلك ..
محمد اقترب منها بخيبه امل فيها: يا خساره تربيتي فيكي يا ميار ، طلعتي
━━━━━━━━━━━━━━━━━━━━━━━━━━━━
وقفت ميار وسط القاعة بفستان فرحها، والدموع مغرقة وشها، والصدمة لسه ماثره عليها ..
أميرة بعياط وصرخه فيها: ليه يا ميار؟! ليه تعملي فينا كده؟! إحنا دافعنا عنك، ووقفنا في ضهرك، وظلمنا نور عشان صدقناكي... إزاي قدرتي تعملي كل ده؟ ولا الروح اللي كنتي حامل بيها تقومي تقتليها كده
محمد قالها بغضب وخيبه امل فيها: ليه كده يا بنتي ليه ضيعت نفسك وضيعتينا ليه الظلم والحقد اللي جواكي ده اذتك في ايه نور .. وليه تموتي روح بريئه بالطريقه البشعه دي
سميرة قربت منها بغضب معمي وصدمة كبيرة: حرام عليكي يا ميار ليه كده تحرمي ابني من الخلفه وتموتي اول فرحه ليه ، ليهه وليه الظلم اللي ظلمتي للمسكينه دي ليه حرام عليك يا شيخ حرام اذيناكي في ايه ،
دا احنا جينا عليها وظلمناها واتهمناها في شرفها ، نكتشف ان كل ده منك يا مجرمه
ميار بصتلهم بصدمه أكبر وجع من قسوتهم عليها ، ولاول مره في تاريخ حياتها تشوف قسوة قلب دي منهم عليها .
أمجد بعتاب وغضب فيها: اخص عليكي يا ميار ما توقعناش منك كده ابدا ، دا انتي خساره فيكي، انك تكوني بنتنا والله انتي لا شبهنا ولا زينا ابدا .
قرب منها احمد بنظرات عتاب ، وجواه شايل منها كتير
أحمد بعتاب وحزن: إحنا صدقناكي يا ميار! وقفنا ضد نور، وطلعنا إحنا اللي ظلمناها! انتي فكرتي في عواقب اللي عملتيه؟ فكرتي في سمعة العيلة ولا كل اللي كان فارق معاكي نفسك وبس؟
كمل بغضب أكبر هو مش قادر ينسى الفتنه اللي كانت بتحطها بينه وما بين نور
أحمد بعتاب قاتل: فاكره يا ميار فاكره لما كنتي بتحرديني على نور وتقوليلي
نور بتحب في السر نور بتكلم واحد من ورانا نور هي سبب موت شهد ، نور فيها و فيها فاكره كل ده ولا افكرك بيه ده كله ..؟؟
بصتله ميار بنظرات حقد وقالت بصرخه: ايوهههه فاكره كل حاجه مش ناسيه مش ناسيه يا احمد تستاهل تستاهل كل ده ..
أميرة بغضب: ليههه عملتلك ايه ردي عليا.
محمد بغضب شديد فيها: هي ما اذيتكيش يا ميار عمرها ماذتك ، إنتي اللي كنتي انانيه .
ميار بصرخه وانهيار: انا مش ، انانيه دي تستاهل تستاهل اكتر من كده انا بكرهها بكرهها موت لو اطول اقتلها هقتلها.
امال بعصبية وحزن منها: إنتي انانيه وجاحده يا ميار انتي قولتي انها سبب موت شهد وهي ما كانش ليها ايد في اي حاجه ليه كده يا شيخه ليه حرام عليكي، لما استكفتيش بالفتنه كمان بتاعتها ، واللي إنتي دخلتي عليها وخليتي ياخدعنا ، قومتي زودتي بموت البيبي وجبتي في امينه يا شيخه إنتي ايه بالظبط حرام عليكي.
سميرة بدموع وقسوة قلب عليها: احنا مش مسامحينك يا ميار مش مسامحينك ليوم الدين ولا وليد هيسامحك على الوجع اللي انتي سببتهله و الذاكره السود في ليله دي ..
عبدالله بعتاب يا خسارة يا ميار... كنا فاكرينك مظلومة، وطلعتي إنتس اللي ظلمتي! إزاي قلبك طاوعك تكسري حياة إنسانة بالشكل ده؟ مش زهقان عليكي تقتلي الروح لسه ما شفتش الدنيا دي .
وفي اللحظة دي، الحقيقة بقت واضحة قدام العيلة كلها... ميار خسرت ثقتهم، وخسرت وليد، وخسرت أكبر فرحة كانت مستنياها في ليلة عمرها
أما نور، فوقفت من على كرسي الترابيزه من بعيد، بتبص للمشهد وعيونها بتلمع، وكل الوجع اللي عاشته، وكل الظلم اللي اتحملته، وكل ليلة نامت فيها وهي بتسأل نفسها: ليه أنا؟ رجعوا قدام عيونها في لحظة واحدة.
بس المرة دي، نور ما كانتش البنت المكسورة اللي الكل سابها تواجه وجعها لوحدها... المرة دي كانت الحقيقة في صفها
حست بطعم الانتصار الحقيقي، انتصار بعد سنين من القهر، وبعد ما اترد اعتبارها قدام نفس الناس اللي ظلموها وصدقوا غيرها.
وفجأة، رفعت راسها، ومشيت بخطوات ثابتة ناحية ميار، لحد ما وقفت قصادها مباشرة.
ابتسامة واسعة ارتسمت على وشها، وفجأة ضحكت بصوت عالي، ضحكة كان جواها سنين من الوجع والغضب، قبل ما تبصلها وتقول بنبرة مليانة شماتة وانتصار ..
نور: يااااه... أخيرا أخيرا حقي رجعلي الحين يا صاحبة السوشيال ميديا! يا كذابة... يا مجرمة! تدريـن؟ كنت أتمنى أوقف قدامك وأنا ضعيفة، وأمثل دور الضحية اللي ما لها حيلة... بس للأسف يا ميار، الطعنات اللي طعنتيني فيها غيرتني مية وثمانين درجة!
قربت منها خطوة، وثبّتت عيونها في عيونها، وكملت بثقة ..
نور بجرأة: من نور الضعيفة اللي كنتي تظنين إنك كسرتيها... لنور القوية اللي واقفة قدامك الحين، وما عاد تخاف منك ولا من أحد
ميار رفعت عيونها ليها، والدموع محبوسة في جفونها، وملامحها مليانة هزيمة وذهول... مش قادرة ترد، ولا حتى ترفع عيونها في عين نور.
أما نور، فبصتلها للمرة الأخيرة، وابتسامتها اختفت تدريجيا، وحل مكانها هدوء مخيف...
لأن الليلة دي ما كانتش مجرد نهاية فرح ميار... دي كانت اللحظة اللي نور رجعت فيها حقها، ووقفت من جديد بعد ما افتكروها انتهت!
لكن هل الانتصار هيكون كفاية عشان يمسح كل اللي عاشته نور؟ ولا لسه في أسرار هتقلب حياة الكل
شهد قربت من ميار بدموع وغضب: ليه كده يا ميار ليه حرام عليكي يا شيخه. إنتي طلعتي وحشه كده ليه اتاري الزمان بيغير العالم يا بنت عمي . فعلا مفيش حاجه بتفضل علي حالها . ضيعتي نور وضيعتي وليد وضيعتي نفسك وضيعتي كل اهلك وحياتك خسرتيها الله يسامحك روحي ..
فضلت ميار تلف حواليها بصدمة، لحد ما القاعة فضيت تماما، ومبقاش حواليها حد... لا وليد، ولا عيلتها، ولا حتى حد يواسيها
بصّت لفستان فرحها والدموع بتغرق وشها، وهمست بانهيار:
ميار: خسرت كل حاجة... بقيت لوحدي!
وفي لحظة، انطفى كل شيء في عينيها، وبقت واقفة وسط القاعة الفاضية، بتواجه نتيجة كل حاجة عملتها بإيديها