رواية حب المراهقة بقلم نور ربيع
رواية حب المراهقة الفصل الرابع والثلاثون34 بقلم نور ربيع
اللهم اخرجني من اشد الضيق الى اوسع الفرج انك على كل شي يا رحمن يا رحيم 🤍🥀.
فجأة ..
وسط زحمة المطار وصوت الناس، ظهر أحمد من بعيد، وفي إيده هدية لميار مخصوص بمناسبة رجوعها من السفر
الكل بصو وراهم ناحيه الصوت اللي نادى باسم ميار .. اتفاجئوا بوجود احمد اللي ما كانوش متوقعينه ،
لكن ميار أول ما بصت وراها وعيونها وقعت عليه ، اتفاجئت بوجوده ..
ابتسم أحمد وهو بيبص لميار، ابتسامة هادية كانت باينة على ملامحه، وفتح دراعاته ليها، سابت كل اللي حواليها ميار وجريت ناحيته، ورمت نفسها في حضنه وهي بتعيط من الفرحة.
لكن اللي محدش قدر يشوفه، إن ورا الابتسامة أحمد دي كان فيه وجع كبير، وجواه كلام كتير وأسئلة ملهاش إجابة… كان بيحضنها، لكن عقله في مكان تاني خالص، بيفتكر كل كلمة قالتها عن نور، وكل لحظة صدق فيها كلامها.
وكان أحمد بيبتسم بوشه… لكن جواه سر كبير، وخطة بدأ يرسمها في صمت، مستني اللحظة المناسبة عشان يكشف الحقيقة كاملة… وساعتها ميار هتعرف إن مش كل ابتسامة معناها أمان، وإن اللي جاي هيقلب حياتها رأسا على عقب
ميار بدموع ولهفه عليه: احمد وحشني اوي يا احمد
أحمد طبطب على ضهرها بابتسامة غامضه: إنتي أكتر ياحبيبتي نورتي القاهرة ...
كان كل ده تحت انظر وليد ... وهو متضايق جدا وغيران من تصرف ميار واحمد ... قرب نحياتها بغيره عمياء.
شد وليد ميار من دراعها بغضب و بحزم، وعيونه ثابتة عليها بنظرة مليانة غيرة، وقال بنبرة حاسمة ..
وليد بغير وغضب: في ايه كفايه احضان في بعض
ميار بصتله وضحكت: في ايه يا وليد أنت ده احمد وفيها ايه يعني لما احضنه ،
وليد بحدة:ميار، أنا مش بحب أكرر كلامي مرتين…
الكل قربوا منهم وهما بيضحكوا ، على غيره وليد لميار ، الا شخص واحد وكانت .. شهد فضلت واقفه مكانها ثابته وهي مندهشه ان احمد رجع .. لكن كانت بتحاول تكون قوية في لحظه دي ..
أميرة قربت منه بابتسامه: حمد لله على يا حبيبي .
وحضنته والكل سلم عليه، وهما مبسوطين جدا انهم رجعو اتجمعوا من تاني
━━━━━━━━━━━━━━━━━━━━━━━━━
في السعوديه ..
في منزل كريم ..
كانت نور وسارة بيجهزوا سفرة العشا، وحطوا عليها أطباق الكبسة باللحم، والجريش، والسمبوسة الساخنة، جنبها التمر واللبن، وريحت الأكل مالية المكان بدفا وراحة.
قعد كريم على السفرة، وشال حياة على رجله، بينما نور وسارة قعدوا جنبهم وسط جو عائلي هادي وجميل.
مسكت حياة قطعة من اللحم، وابتسمت بسعادة وهي بتقول ببراءة ..
حياة :بابا، أبغى كمان! الأكل مرة حلو
ضحك كريم وهو بيبصلها بحب: بالعافية يا قلب أبوك، بس شوي شوي يا حلوة
ضحكت سارة، ونور بصتلهم بابتسامة دافية، وهي حاسة إن اللحظات البسيطة دي هي أجمل نعمة ممكن الإنسان يعيشها… بيت مليان أمان، وقلوب مجتمعة على المحبة، ونعمة تستحق الحمد كل يوم.
وفجأة، تبدلت ابتسامة نور لحزن هادي، وبصت لكريم بعيون مليانة امتنان، وقالت بصوت واطي ..
نور بحزن شديد: كريم، ما أعرف كيف أشكرك على كل شيء سويته عشاني، وعلى وقفتك جنبي ، وانك فتحت بيتك الي و لحد ما وصلت للمرحلة دي… مستحيل أنسى فضلك عليا طول عمري.
بصلها كريم بحب، وقال بنبرة دافية: لا تقولين كذا يا جميله، أهم شيء عندي أشوفك بخير، وأشوفك اسعد انسانه بهالكون ، إنتي تستاهلين كل هذا يا جميله قلبي .
ابتسمت نور وسط دموعها، وهي بتبص لكريم بامتنان، مش مستوعبة إزاي شخص كان غريب عنها في يوم من الأيام، بقى أمانها وسندها بعد ربنا. الغريب فتحلها باب حياة جديدة، واحتواها في وقت الكل تخلى عنها، وطلع أحن عليها من أقرب الناس ليها، اللي ظلموها ووجعوها من غير رحمة. وساعتها أدركت إن مش كل قريب سند، ومش كل غريب غريب… فبعض القلوب بتقرب منك برحمة، وبعضها بتوجعك رغم إنها من دمك.
ساره بدموع : بس أوعي يوم من الأيام تنسينا إذا رجعتي لأهلك يا جميلة، خليكي فاكرة إن ليكي ناس هنا يحبونك، ولا تنسينا مهما أخدتك الدنيا بعيد عنا .
حطت نور إيديها على وشها، وهي بتحاول تكتم شهقاتها، لكن قلبها كان مليان وجع ومشاعر أكبر من قدرتها على التحمل، وقالت بصوت متقطع من البكاء
نور: مستحيل… مستحيل أنساكم إنتوا أهلي يا ساره، أنا ما عاد ليا أهل غيركم… إنتوا أهلي وكل دنيتي، وإنتوا اللي حسستوني إن لسه في الدنيا أمان وقلوب تعرف تحب بصدق.
كريم بصلها بدهشة من حالتها ، قامت ساره من على السفره وحضنتها من عند اكتافها وقبلت راسها بحب
ساره أبتسم وهي بتمسح دموعها: دموعك غالية علينا يا جميلتي، لا تبكين يا حبيبتي، إحنا بنحبك وما نرضى نشوفك زعلانة، وبإذن الله بنظل سوا طول العمر، وما يفرقنا إلا الموت.
حياة بزعل علي نور انها بتعيط : ليه تبكين يا ماما انا هيك راح ابكي انا كمان ...
نور مسحت دموعها بسرعه ابتسمت بلطف: لا لا يا حياتي لا بتبكين انا بخير ..
كريم وهو بيلطف الجو : يا جماعة، الله يهديكم، برد الأكل! اهدوا شوي خلونا نتذوق هالأكل الزين، قلبتوها حزن ومناحة ليه؟ يلا بس، كل واحد ياكل ويخلينا ننبسط ...
راحت ساره قعدت علي السفر بابتسامة ..
ابتسم كريم وهو بيبص لساره، وقال بنبرة كلها حماس ..
كريم : عاد الحين خلونا نترك الحزن على جنب، عندي خبر حلو أبي ابشرك فيه
بصتله سارة بفضول وقالت: عسى خير يا خويا؟ وش عندك؟
ابتسم كريم وهو بيبص لنور: أبشرك يا سارة، جميله من اليوم صارت شريكتي في الشركة، وبتكون معي في كل خطوة جاية بإذن الله
شهقت سارة بفرحة، وبصت لنور وهي تقول ..
ساره بسعادة: يا بعد قلبي يا جميلة الف مبارك يا عمري، والله إنك تستاهلين كل خير
نور ابتسمت والدموع بتلمع في عيونها: يروح قلبي الله يبارك فيكي يا روحي تسلميلي يا عيوني .
وقعدو يتعشو في جوه هادي مليان فرحه ما بينهم ، بالرغم من السرعان اللي جوه نور ..
نور قامت اخدت حياه على رجلها وبقت تاكلها بحنان وهي مبسوطه بيها جدا ،
حياه ببراءه تسلم هل ايدين الحلوين يا مامي الاكل كتير حلو
نور باست خدها بحنان وحب: بالهنا يا عمري على قلبك بالهنا كلي.
━━━━━━━━━━━━━━━━━━━━━━━━━
في القاهرة
في منزل السيوفي ،
كانت سفرة الأكل بتتجهز، واميره وامال وشهد رايحين جايين بين المطبخ والسفرة، وكل واحدة بتحط طبق وهي بتضحك وتهزر مع التانية.
أما ميار، فكانت قاعدة جنب مرات عمها سميرة، اللي بصتلها بحب وابتسامة واسعة، وربتت على إيدها بحنان.
سميرة: نورتي القاهرة وبيتك يا نور عيني، البيت كان ناقصه ضحكتك والله
ميار ضحكت وهي بتسند راسها على كتفها: ده أنا اللي كنت محرومة منكم يا مرات، وحشتوني أوي.
سميرة: وإنتي كمان يا حبيبتي، بس خلاص، رجعتي لحضننا تاني، ومش عايزينك تغيبي عننا تاني.
ضحكت ميار وبصتلها: ماانا رجعه تاني كده كده يا مرات عمي والله
عبدالله بابتسامة: أن شاء الله تقضي اجازتك بس ، ونحدد كل حاجه علشانك إنتي وليد وبعد كده كله سهل ..
محمد بهدوء: أيوه أن شاء الله وبعدين اجزتك لسه بدري عليها يا ميار ما تستعجليش ،
ميار بابتسامة هاديه: أيوه هما اصلا مديني مده طويله تكون كل حاجه خلصت هنا ان شاء الله
أمجد بابتسامة: أن شاء الله يا بنتي
━━━━━━━━━━━━━━━━━━━━━━━━━
في المطبخ ...
أمال دخلت وقالت ...
امال بتنهيده تعب: كده كل حاجه خلصت يا جماعه يلا بينا . علشان نتعشى وعشان كمان ميار تدخل ترتاح شويه الساعه داخله على 4:00
شهد بصتلها , وكانت حط صنيه على الرقم بتحطي فيها اطباق فيها اكل ليها عشان تاكل في اوضتها ..
شهد بقلق: ماما كفايه كده إنتي تعبتي أوي النهارده ، روحي اتعشي بقى
وأنتي كمان يا مرات عمي .
أميرة بابتسامة: أنتوا الاتنين تعبتو والله كفايه كده يلا عشان نتعشى بقى وتروحي ترتاحوا
شهد بابتسامه: تعب ايه بس يا مرات عمي دي ميار الغاليه ،
امال بصت للصينيه باستغراب ، اللي في ايد شهد
امال: لمين الصينية دي يا شهد
شهد بهدوء: احم ماما انا حابه اكل في اوضتي . معليش
أميرة فهمت قالت بهدوء: ما تاكلي معانا يا شهد وفيها ايه يعني
شهد بسرعه: لا لا بلاش أ
قطعتها امال بنبره هاديه: شهد قرارها صح انا كمان هاكل معاها فوق يا اميره علشان، مش هسيبها تاكل لوحدها
شهد: لا يا ماما كلي معاهم وانا هاكل لوحدي فوق ..
امال: لا يلا بس علشان تتعشى عشان ما اكلتش حاجه من الصبح عشان ترتاحي كمان .
سمعوا صوت من الصالون، بينادموا عليهم .
أميرة بسرعه: طيب يلا يا جماعه،
واتجاهوا بره المطبخ ، وفي ايد أميرة كوبايه ميه كبيره ليهم ...
━━━━━━━━━━━━━━━━━━━━━━━━━
♡ حــكــايــة بــقــلــم الــكــاتــبــة نــور ربــيــع NR ♡ ━━━━━━━━━━━━━━━━━━━━━━━
في يوم جديد
في منزل هاني
كانت ليلى قاعدة عند أمينة، والجو مليان دفء وضحك بالرغم الحزن اللي جواهم لكن كانوا بيحاولوا يعدوا ايامهم ،
وأمينة كانت مبسوطة جدا بوجودها، خصوصا وهي شايلة رهف الصغيرة بين إيديها، بتلاعبها وتضحك معاها.
ابتسمت أمينة وهي بتبص لليلى، ومدت إيديها تاخد منها رهف بحنان، وقالت بمرح ..
أمينة بابتسامة: هاتي يا ستي رهف، خدي شيلي رائف كمان شويه ،
ضحكت ليلى وهي بتبص للأطفال بعيون مليانة حب، وقالت بحنان ..
ليلى بابتسامة بسيطه: عسلات عسلات ما شاء الله ولا حول ولا قوه الا بالله عليهم ؟ دول حبايب قلبي، ربنا يحفظهم ويبارك فيهم.
ابتسمت أمينة وهي بتبصلها ، وسابت رهف في حضنها، بينما ليلى فضلت تداعب رائف وتبوسه بحنان، وكأن ضحكة الأطفال كانت قادرة تنسيها أي تعب أو هم، وتملأ قلبها بفرحة صافية.
بعد شويه جبت أمينه صينية فيها اطباق تسالي عباره عن لب وسوداني وبيبسي وشيبسي
ليلي ابتسمت: ياربي من وقت ما جيت وانتي مش مبطله اكلات ومشروبات قدامي كفايه بقى
أمينه قعدت بابتسامة حب؛ انا عندي كام ليلي، ده انا ما صدقت انك جيتي ليا
ليلي بابتسامة: حبيبتي ربنا يديمك ليا أمينه: ويديمك ليا يا روح قلبي ..
مامتك عامله ايه كده
ليلي: ماما الحمدلله بخير يا حبيبتي
أمينه بابتسامة: ربنا يجعلها دائما تكون بخير يا قلبي ..
ليلي بفضول: اخوكي عامل ايه دلوقتي ، و مراته اللي هي اسمها شهد ما اتنزلتش عن القضيه دي ؟
أمينه اتنهدت بحزن: الحمد لله والله ولا اعرف عنه حاجه مفيش غير هاني اللي بيروح يزوره كل فتره بالعافيه ، لما يديهله زياره هو بيطمني عليه
ليلي بحزن شديد جواها: هو اه اللي عملوا فيها غلط كبير ، بس عائله السيوفي دي صعب اتعامل معهم أن كان كبير ولا صغير
أمينه بحزن: ايوه هتقوليلي عليهم ،
ليلي بتردد: أمينه انا عاوزه اقولك حاجه بخصوص نور و اللي حصل معاها في بيت خالتها اميره .
أمينه بصتلها بنتبة: خير يا ليلي تعرفي ايه قوليلي ...
ليلي بعد اسرار كبيره جواها، قرارات انها لازم تحاكي كل حاجه لامينه على اللي حصل لنور الفتره اللي عاشت فيها،
ليلي بدموع وحزن: هحكيلك
━━━━━━━━━━━━━━━━━━━━━━━━━━━━
في السعودية
في شركه كريم
دخلت نور مكتب كريم بهدوء، وفي إيدها ملف الصفقة، لكن أول ما قربت من المكتب لقيته بيتكلم في التليفون
نور شاورت لي بابتسامة وهمست بصوت واطي وقالتله...
نور بهمس: يا كريم، أبي توقيعك على هالملف، عشان نكمل إجراءات الصفقة الجديدة. كريم بصلها بنتبه، وهو رأسه بابتسامة ،،
فجأة، اتغيرت ملامح كريم وهو حاطط التليفون على ودنه، وأول ما سمع الخبر، اعتدل في قعدته ورفع صوته بفرحة كبيرة وضحك ...
كريم بسعادة كبيرة وضحكه: أوووووه أخيرااا يا رجال أخيرا! والله اني ما اقدر اصدق هالخبر ،، أخيرا بتعقد قرانك على بنت عمك يا وليد
و كان اللي مع كريم في المكالمه وليد ، بيقوله عن أخباره الجديدة , فرح جدا من قلبه لي
اتجمدت نور مكانها، والصدمة ضربتها في قلبها،
نور بصدمه لنفسه قالت: وليد هد وليد ميار رجعت !! .
وفي اللحظه دي حاولت تتمالك نفسها وتخبي وجعها، لكن إيديها ارتعشت فجأة، ووقع الملف من إيدها على الأرض، بينما دموعها نزلت غصب عنها،
كريم بص للملف اللي وقع من أيدها ،
فلفت ضهرها بسرعة عن كريم، وأنزلت نقابها على وشها، تحاول تداري انهيارها… لكن قلبها كان سبقها للانكسار.
وطلعت بره المكتب ...
كريم بابتسامة لوليد: طيب يا وليد، ومتى بتحددون موعد عقد القران إن شاء الله . عسى نفرح فيك قريب يا رجال ؟
وليد بابتسامة سعيده : الليله ان شاء الله يا صاحبي ، المهم هتيجي ومعاك اسرتك ان شاء الله ؟ اوعى تقول انك مش جاي ؟!!
كريم ضحك بسعادة لي: يا رجال، وش تقول أنت؟! أنا ما صدقت الخبر من الفرحة انا جاي بدون عزومه اصلا، والله إننا من زمان ننتظر اليوم اللي نشوفك فيه عريس يا خويا
وليد ضحك بابتسامة: تسلم يا أبو حياة يا ابو الواجب كله ، منتصر هناك على اسبوع ده ان شاء الله تنزل انت واسرتك لان في الاسبوع ده هيكون كاتبه الكتاب ..
كريم بابتسامة: ابشر ابشر أن شاء الله يا وليد ...
━━━━━━━━━━━━━━━━━━━━━━━━━
في نفس الوقت ...
دخلت نور مكتبها بخطوات سريعة، وقفلت الباب وراها، وسندت ظهرها عليه وهي تحاول تسيطر على أنفاسها…
لكن أول ما رفعت نقابها، انهارت دموعها فجأة، وحطت يدها على فمها تكتم شهقة وجعها.
نور بصوت موجوع وهي تهز راسها بصدمة: وليد بيعقد قرانه على ميار لا… لا، معقولة
نزلت دموعها وهي بتبص للفراغ بعيون مليانة قهر، وقلبها يوجعها من الظلم اللي عاشته، ومن الفرحة اللي ميار بتعيشها على حساب وجع غيرها.
مسحت دموعها بقوة، ورفعت راسها بانكسار وغضب.
نور بنبرة موجوعة وحاسمة: مبارك عليكي يا ميار… بس والله ما أخليكي تتهنين بفرحتك، مو بعد كل اللي سويتيه فيني! اليوم… بيكون آخر يوم ليكي وإنتي عايشة دور البريئة، ومن هذا الاسبوع كل شيء بينقلب عليكي
━━━━━━━━━━━━━━━━━━
في منزل عائلة السيوفي ...
في غرفة أحمد
كان أحمد قاعد لوحده، عيونه ثابتة على نقطة فاضية قدامه، وعقله مشغول بألف فكرة. تلفونه كان في إيده، وكل ما يفتكر الظلم اللي حصل لنور بيدوس على إيده بغضب، وكأنه مش قادر يسامح نفسه على كل لحظة صدق فيها الكدب.
أخد نفس عميق، وقال لنفسه بحزم: خلاص... كفاية لحد كده! لازم الحقيقة تظهر، وعيلة السيوفي لازم تعرف كل حاجة عن اللي ميار عملته في نور... حتى لو الدنيا كلها اتقلبت فوق دماغي
لسه هيقوم من مكانه عشان ينفذ قراره، لقى باب الأوضة بيتفتح، ودخل أبوه وهو بيبصله بابتسامة.
محمد: أحمد فاضي يا ابني
أحمد بتنهيده متعبه: أيوه يا بابا، خير؟
قرب محمد منه وقعد جنب على طرف السرير ، :
محمد بنبرة حاسمة: جهز نفسك، الليلة هنحدد كتب كتاب وليد وميار ان شاء الله ..
اتجمد أحمد مكانه، واختفت كل ملامح الهدوء من وشه، وبص لأبوه بصدمة ،
أحمد : كتب كتاب مين يا بابا؟
محمد بصله باستغراب: ميار ووليد يا أحمد! إنت مالك اتغيرت كده ليه؟ دي فرحة أختك، ولا إنت مش عايزها تفرح؟
سكت أحمد، وبص قدامه بشرود، وصوت جواه بيصرخ ان لو بوظ فرحه وليد اللي كان مستنيها من سنين ممكن يتوجع جدا في لحظه دي ..
وهنا قرر ان لازم يسكت لحد بعد كتب الكتاب ، ما يتم على خير وتعدي الليله دي ..
محمد: يا ابني انت سرحان في ايه مش بترد عليا ليه ؟
أحمد انتبهله رد بسرعه: ايوه ايوه يا بابا معاك ، لا ما فيش حاجه بس كنت سرحان في حاجه موضوع الشغل وكده ، الشغل شغلني جدا
ثم اخد نفس طويل بصله وقال بابتسامه بارده عكس اللي جواه ..
أحمد: ربنا يتمملهم فرحتهم على خير ويسعدهم يا بابا .
محمد أبتسم: يا رب وربنا يوفقك في حياتك ويعوضك يا احمد
أحمد: أمين يا بابا
━━━━━━━━━━━━━━━━━━━━━━
في اوضه ميار ...
كانت ميار وشهد قاعدين سوا ...
شهد بسعادة: تعرفي يا ميار انا مبسوطه جدا انك رجعتي ومش مصدقه نفسي والله العظيم
ميار بصتلها بابتسامة حب: وانا اكتر والله العظيم اكتر حاجه مفرحاني انك رجعتي وطلعت عايشه يا شهد الحمد لله بجد
شهد اتنهدت بابتسامة: الحمد لله ربنا نجاني من الموت الحمد لله الف مره .
المهم بقى عايزين نخطط كده هنعمل ايه ، بالظبط عايزين الكتب الكتاب يبقى مختلف وتبقى ليه لما فيش زيها ونروح المول ونشتري فساتين
ميار بابتسامة سعيده وغرور: طبعا ده هتبقى احلي ليله من الف ليله وليله دي ليلتي انا ووليد بعد وقت كبير هنبقى لبعض ..
شهد بابتسامه: ان شاء الله يا حبيبتي ربنا يتمملك على خير يا رب
ميار بفضول: طمنيني عليكي أنتي عامله ايه ما بعتيش احسن وتعافيتي دلوقتي ؟؟
شهد ابتسمت بلطف وطمانيه: الحمد لله الحمد لله انا بقيت احسن عن الاول وابتديت حياتي من اول وجديد وبدات صفحه جديده وحياتي احسن عن الاول وقفلت على الماضي ، وهبتدي دراسه وهبني مستقبل حلو ليا واحقق حلم ماما وبابا اني اكون مهندسه . مش هيأس وهربي ابني في بيئه حلوه وهعيشه احلى عيشه وهكون انا الام والاب والسند وكل حاجه في الدنيا
ميار بصدمه: ايه ابنك ؟ ابنك فين ده ؟؟
شهد بابتسامه حزينه: ماانا حامل في عمر إنتي متعرفيش؟.
ميار بصدمه أكبر: إنتي حامل؟ بس انا ما اعرفش الموضوع ده ما قلتليش عليه خالص
شهد ضحكت بسيط: لا إنتي فايتك كتير نسيت اقولك على الموضوع ده مش انا بس حامل ماما كمان يا روحي. عقبالك انتي ووليد يا رب
ميار: اممم كمان ده انا فايتني كتير فعلاً ،، بصتلها وكملت بعصبية: مبسوطه بالحمل كده ليه يا شهد ما تنزليه انتي لسه صغيره ده انتي يا دوب عمرك 18 سنه وبعدين يعتبر جه على الدنيا وأنتي مغصوبه على حاجه مش عايزاها من أساسا فنزليه عشان ما يبقاش عقبه في حياتك وما تنسيش ابوه يبقى مين ابوه الشيطان اللي اسمه مهران وأنتي وبتدرسي هتعملي بيه ايه نزلي وكده كده هتطلقي
شهد بصتلها بزعل منها : لا لا طبعاً مش هنزله انا مستحيل اعمل كده ، انا اي نعم كنت بفكر في كده بس ندمت دي حته مني مستحيل اعمل كده انا بحبه اوي وعايزاه وهربيه وهسميه عمر كمان أن شاء الله
ميار بسخرية: إنتي عبيطه والله،
شهد بزعل منها: كفايه احباط فيا بقى يا ميار مهما ان كان مين ابوه مش هفرط فيه ابدا ، ويلا قومي خلينا نشوف مرات عمي اميره بتعمل ايه ونعمل معاها ، عشان الليله طويلة هنا
ميار اتعدلت على السرير ومسكت التليفون: هكلم وليد اسبقيني وانا جايه وراكي
قامت شهد: ماشي ...
━━━━━━━━━━━━━━━━━━
في منزل هاني ...
امينه اتصدمت جدا من كلام ليلى اللي قالتلها عليه ،
مش قادره تستوعب ..
أمينه بصدمه ودموع: حسبي الله ونعم الوكيل فيهم ليههه كده ليهه بجد
ليلي بدموع: زي ما بقولك يا أمينه هو ده اللي حصل ، وبعدها رجعت علي هنا .
كانت أمينة قاعدة بتفتكر كل لحظة قاسية عاشتها نور كانت بتعدي قدام عيونها كأنها بتحصل من جديد...
افتكرت وجع نور، ودموعها، والظلم اللي شافته وهي ما كانتش حاسة بحجم معاناتها. واللي كانت بتعيشها فيه , والكراهيه اللي سببتها ما بينها وما بين ابوها ..
حطت إيدها على قلبها، وغمضت عيونها بألم، وهي حزينه جدا، ودمرها وجعها
امينه بدموع وندم : يا وجع قلبي عليكي يا نور... يا ترى استحملتي كل ده إزاي؟! أنا إزاي ما حستش بيكي؟ إزاي سيبتك تتوجعي لوحدك؟!
نزلت دموعها بغزارة، ومالت براسها وهي بتبكي بحرقة، ندمها كان بيوجعها أكتر من أي كلام... لأنها أخيرا فهمت إن نور ما كانتش محتاجة غير حد يصدقها، لكنها اتوجعت من أقرب الناس ليها
ليلي بعتاب فيها: وأنتي يا امينه إنتي وجعتيها أوي وبكتيها وهي ما كانتش مسامحاكي ، ليه كده يا أمينه
امينه عيطت جامد بتانيب ضمير: والله العظيم انا ما وحشه يا ليلى والله انا ما وحشه انا عارفه اني كنت انانيه وعارفه اني ظلمتها ووجعتها بس كل ده كانت غيره مني مش اكتر والله العظيم بس انا ندمانه ندمانه على كل حاجه وبتمنى انها ترجع وهطلب منها السماح حتى لو هبوس على رجليها كده
ليلي مسكت أيدها طبطبت بحنان عليها وهي مش قادره تشوفها بالحاله دي
ليلي وهي بتتنهد : اهدي يا حبيبتي اللي فات مات المهم انها ترجع لينا بالسلامه واحنا مش هنسيبها لحظه تزعل ، كده ولا هنفرط فيها ما تزعليش نفسك ان الله غفور رحيم
أمينه بدموع وحزن شديد: ادعي يا ليلي أدعي أنها ترجع ...
ليلي بحزن؛ بدعيلها بدعيلها والله العظيم ...
أمينه بصتلها باستغراب : انتي بتقولي انك انتي رحتي لوليد شركته وحكيتي لي وهو ما صدقش؟
ليلي بحزن: اه يا أمينه وهو ما صدقنيش وطردني .
أمينه بتوعد وغضب شديد: لو هو ما صدقش ابن امجد فانا اللي هروح هفضحها في قلب البيت هناك وهكشف حقيتها الواطيه دي
ليلي بيأس: محدش هيصدق يا امينه
أمينه بكرهه لميار: لا هيصدقوا وهتشوفي يا ليلى لازم تتكشف حقيقتها ، عشان اللي عملته فيها وعشان الظلم والفتنه اللي وقعتها فيها ،،
━━━━━━━━━━━━━━━━━━━━━━━
كان مهران قاعد في ركن الزنزانة، ضهره مسنود على الحيطة، وملامحه مليانة تعب وقسوة،
كان في ايده سيجاره بيشرب فيها ، وكل تفكيرة في عالم تاني خالص ..
فجأة سمع صوت ،،
( بِسْمِ اللَّهِ الرَّحْمَٰنِ الرَّحِيمِ
﴿إِذَا جَاءَ نَصْرُ اللَّهِ وَالْفَتْحُ ١﴾
﴿وَرَأَيْتَ النَّاسَ يَدْخُلُونَ فِي دِينِ اللَّهِ أَفْوَاجًا ٢﴾
﴿فَسَبِّحْ بِحَمْدِ رَبِّكَ وَاسْتَغْفِرْهُ إِنَّهُ كَانَ تَوَّابًا ٣﴾) " سوره النصر "
بص تجاة الصوت مهران ، كان راجل كبير في الأربعينات واقف بيصلي في هدوء، وبيقرأ قرآن بصوت خاشع هز سكون المكان.
غمض مهران عيونه ببطء، وفجأة صورة شهد وهي بتعيط قدامه اقتحمت تفكيره، وافتكر كل مرة كسر فيها قلبها، وكل دمعة نزلت منها بسببه وكل لحظه سودا عياشها فيها
إيده ارتعشت، ورمى السيجارة على الأرض، وحط إيده على وشه وهو بيحاول يمنع دموعه، لكن صوته خرج مبحوحا من شدة الوجع.
مهران بهموم ويأس: . هو أنا عملت إيه في حياتي وفي حياه البنت دي؟! إزاي قدرت أظلمها بالشكل ده؟!
فتح عيونه وبص قدامه بشرود، وكأن صوت القرآن صحى جواه جزء صغير .. و ضمير كان هربان منه سنين...
لكن الحقيقة اللي واجهته كانت أوجع من إنه يقدر يستحملها.
ولأول مرة، مهران ما قدرش يهرب من صوت شهد وانهيارها.. حتى وهي مش موجودة. 🥀
━━━━━━━━━━━━━━━━━━━━━━━━━━
في منزل عائله السيوفي ..
اجتمع رجال عائلة السيوفي في الصالون، وكان وليد قاعد وسطهم، بيتكلموا في ترتيبات كتب كتابه على ميار.
أمجد بابتسامة: إيه رأيكم يا جماعة، كتب الكتاب يوم الخميس الجاي دا؟
محمد أبتسم هز راسه بالموافقة: على بركة الله، الخميس مناسب، ونعمل حفلة عائلية بسيطة.
وليد اتكلم بهدوء: وبالنسبة للشقة، أنا خلصتها على كده وميار اختارت اللي هي عايزاه والمكان واختارت الفرش وكله خلص ، فاضل بس شوية حاجات بسيطة، وهتبقى جاهزة قبل كتب الكتاب.
أحمد ابتسم وقال بجمود: كده تمام يبقي كده كتاب الكتاب الخميس، والفرح الكبير نحدده بعدين، ونسيب كام يوم دول لتجهيز كل حاجة.
عبدالله بابتسامة : على البركه يا جماعه ربنا يتمم عليك خير يارب .
محمد مد إيده يصافح امجد بابتسامة: اتفقنا يا جماعة، ألف مبروك للعروسين.
اتصافحوا وسط التهاني، ووليد ابتسم بسعادة، من غير ما يعرف إن اللي جاي هيقلب كل الاتفاقات دي رأسا على عقب...
أميرة بابتسامة سعيده: مبارك عليك يا وليد ربنا يتمملكم على خير يا رب يا بني
وليد بابتسامة: الله يبارك فيكي يا مرات عمي
سميرة بابتسامة: ربنا يتمملكم على خير يا حبيبي ويسعدكم يارب
وليد بابتسامة: يارب يا امي يارب
━━━━━━━━━━━━━━━━━━━━━━
كان وليد وميار قاعدين سوا ، والضحك والهزار مالي المكان، وهو ما بينهم وكانوا مبسوطين جدا ، بلحظاتهم دي
وليد كان بيبصلها بابتسامة عاشق .
وليد ضحك بمكر: يعني كتب الكتاب يوم الخميس، وبعدها أسفرك مكان حلو، ولسه هتقولي عايزة تفكري؟
ميار ضحكت: طب ما يمكن المكان اللي في دماغك يطلع وحش
وليد رفع حاجبه: وحش؟! ده أنا هسفرك مكان يخليكي تنسي اسمك حتى
ميار بانبهار مصطنع: يا سلام! طب فين بقى؟
وليد ابتسم بحب: مفاجأة يا ستي، بصي جهزي شنطتك، عشان بعد كتب الكتاب هنقضي كام يوم في شرم الشيخ، بحر وهدوء وفسح، وكل اللي الايام الحلوه اللي بتحلمي بيها معايا.
ميار بسعادة: بجد يا وليد؟! أنا بحب شرم الشيخ أوي
وليد ضحك: أهو لقينا حاجة نتفق عليها، فاضل بس كتب الكتاب وتبطلي نكدك ده
ضحكت بغيظ مكتوم: أنا نكدية؟ طب خلاص، مش هسافر معاك
وليد بصلها بتمثيل الجدية: خلاص، هسافر أنا لوحدي وأبعتلك صور البحر😂
ميار ضحكت أكتر، ووليد فضل باصصلها بحب، قبل ما يقول بهدوء ..
وليد بحب: ربنا يتمملنا على خير يا ميار، ونبدأ حياتنا مع بعض وإحنا مبسوطين.
ابتسامتها هديت، وبصتله بخجل وهي بترد
ميار: آمين يا رب… وتفضل مبسوط معايا دايما.
وكانو بيتفقوا على كل حاجه في الايام الجايه هما مبسوطين جدا ومتفقين مع بعض
━━━━━━━━━━━━━━━━━━━━━━
دخل المساء على الابطال .
في السعودية،
كانت نور قاعدة في أوضتها، ضامة نفسها وبتعيط بقهره وحرقة دم، ودموعها مش راضية تقف، وكل ذكرى وجع عاشتها كانت بتعدي قدام عيونها من جديد، كأنها لسه بتحصل دلوقتي.
رفعت عيونها للسما، وصوتها خرج مكسور من بين شهقاتها ..
نور بحرقة وقهره: حسبي الله ونعم الوكيل بكل من ظلمني ووجع قلبي… حسبي الله بكل دمعة نزلت مني بسببه، وبكل ليلة نمت فيها مكسورة ومقهورة… يا رب، أنت أعلم باللي شفته وعانيته، وأنت أعدل من كل البشر، وما يضيع عندك حق مظلوم.
ودفنت وشها بين إيديها، ورجعت تعيط بصمت… وجعها كان أكبر من الكلام، وذكرياتها كانت رافضة تسيبها حتى للحظة واحدة
━━━━━━━━━━━━━━━━━━━━━━━━━
خرج كريم من الاوضه بتاعته ، لاقي ساره قاعده قدام الشاشه، وحياه نايمه جنبها
كريم باستغراب: وين جميلة يا سارة؟ يعني مو قاعدة معكي؟
ساره انتبهتله :ما أدري، ليه مو قاعدة معاي اليوم… من عقب ما تعشينا ونومت حياة، دخلت غرفتها.
كريم أستغرب:بشوفها، الظاهر هيك نامت.
اتجاه ناحيه اوضه نور ،
━━━━━━━━━━━━━━━━━━━━━━━━━
نور لما لقيت كريم فتح الباب ودخل الاوضه ، مسحت الدموع بسرعه
كريم بقلق: جميله شوفي .
نور بصتله وقامت بجمود: احم ما في شئ .
قرب منها بقلق وبلهفه عليها:وش فيكي ليه تبكين؟ إنتي بخير ؟! .
نور كانت بتحاول تتماسك نفسها بالعافيه , فقالت بصوت مهزوز وهي بتدير وشها الناحيه الثانيه .
نور بهموم ودموع: صدقني مو في شيء
كريم باسرار: لا في شئ احكيلي شو فيكي
وفجأة ، ماقدرتش نور تستحمل أكتر من كده تتحمل لألم لوحدها ، ارتمت في حضن كريم وهي بتعيط بحرقة، ومسكت في هدومه بإيديها الاتنين جامد، كأنها خايفة يسيبها هو كمان.
كريم اتوجع قلبه عليها، فضمها لصدره بحنان، وشدها لحضنه أكتر، وإيده بتمسح على ضهرها برفق، وهو مش قادر يستحمل يشوفها بالوجع ده.
نور بصوت متقطع من العياط: أنا تعبانه كتيييرر يا كريم تعبانه والله العظيم … من كل شيء حواليا
غمض كريم عيونه بألم، وضمها أكتر، وقال بصوت دافي وهو بيسند راسها على صدره ..
كريم بحنان : ششش… أنا معك يا نور، تسمعيني؟ طلعي كل اللي بخاطرك، بس إياك تظنين إنك لحالك وأنا جنبك.
واتعلقت نور فيه أكتر، بينما كريم فضل حاضنها، وقلبه بيتوجع على كل دمعة بتنزل من عيونها. هو مش فاهم بقى حالها بقى مقلوب كده ليه فجأة
نور غيرت ملامحها فجأة، ورسمت ابتسامة رقيقة على وشها، وبصت لكريم بعيونها الخضرا اللي كانت مليانة حب كصديق وكل حاجه ليها ووجع مستخبي. مسكت إيديه الاتنين، وباستهم بحنان، بصوت دافي ..
نور بصدق: والله إني أحبك يا كريم، وبكمل عمري معك، وبنربي بنتنا حياة سوا، وبنشوفها تكبر قدام عيوننا لين تصير عروسة… الله لا يحرمني منك ولا منكم يا رب
اتفاجئ كريم من كلامها ورد فعلها، وبصلها بدهشة ممزوجة بفرحة كبيرة، وشد على إيديها بحب، وطبع بوسة حنونة على جبينها،
كريم بحب ليها: الله لا يحرمني منك يا عيون كريم، ولا من هالضحكة الحلوة ..
نور ابتسمت ابتسامة رقيقة، مخبية وراها وجع كبير وقرار بالانتقام، وبصت لكريم بحماس مصطنع ..
نور : لازم نحضر هذا الحفله يا كريم، ونكون أحلى ثنائي بالليلة كلها
ضحك كريم بثقة: هذا أكيد مو بس ولد عمتي، هذا خويي وأقرب الناس لي، وأبشري، بنولعها لي الليلة
ضحكت نور ضحكة عالية وهي بتبص لكريم، ضحكة كانت مليانة حماس في عيونه بانها ترجع وتنتقم من اعدائها ، لكن وراها قلب بيتحرق ووجع مستخبي ونار مش هتطفي غير لما تاخد حقها. ابتسامتها وسعت وهي بتقول جواها
نور بغل وكراهيه : استنوا يا اللي ظلمتوني… اللي جاي مش زي اللي فات، والليلة دي هتكون بداية كل حاجة.
واستمرت ضحكتها تعلى، بينما عيونها الخضرا كانت شايلة وجع كبير ووعيد أخفته ورا ابتسامتها… واللي جاي كان أكبر بكتير من إن حد يتخيله
━━━━━━━━━━━━━━━━━━━━━━━━
هنا كل واحد من أبطال بيستعد لحكايته اللي جايه على طريقته… فيه اللي كان بيجهز لفرحة استناها عمره كله، وفيه اللي كان بيحلم ببداية جديدة، وفيه اللي الوجع سرق النوم من عيونه، وخلى عقله مشغول بألف حساب وحساب.
ميار كانت غرقانة في تجهيزات فرحتها مع وليد، بتضحك وتخطط لأيامها الجاية وهي سعيده ، وهي مش عارفة إن وسط الفرحة دي، فيه حقيقة مستخبية ممكن تغيّر كل حاجة.
وفي الناحية التانية، كان فيه قلب مكسور بيحاول يلم نفسه، وعقل مش بيهدى طول الليل، بيراجع كل موقف، وكل كلمة من وقت رجوع الذاكره، وكل ظلم عدى عليه… مش ناسي، ولا قادر يسامح بسهولة، ومستني اللحظة اللي كل واحد فيها يواجه نتيجة اللي عمله.
بين فرحة بتتجهز، ووجع بيكبر، وانتقام بيتخططله في صمت… كانت الحياة بتحضر مفاجأة محدش فيهم عامل حسابها.
لأن مش كل اللي بيضحك سعيد، ومش كل اللي ساكت استسلم… وأحيانا، أكتر لحظة بتحس فيها إن كل حاجة بقت تمام، بتكون هي نفسها اللحظة اللي قبل انكشاف الحقيقة
━━━━━━━━━━━━━━━━━━━━━━━━
في أحد المولات الكبيرة في القاهرة...
كانت ميار وشهد في المول ، بيشتروا فساتين لكتب الكتاب ليهم ..
وبعد ما خلصوا شراء اللي عايزينهم من المول
وقفت ميار عند الكاشير في المول، وحطت الاكياس اللي فيها الفساتين والحاجات اللي اختارتها هي وشهد على الكاونتر، وطلعت كارت البنك بتاعها وهي بتبتسم.
ميار بابتسامة:الحساب كله كام يا فندم؟
ردت الموظفة بالمبلغ، فميار دفعت الحساب، وبدأت تجمع الأكياس بمساعدة شهد.
شهد وهي بتبص للأكياس وتضحك : إحنا كده اشترينا نص المول يا ميار
ميار بمزاح: معلش بقى ، ده كتب كتابي انا وليد مش كل يوم، ولازم نكون جاهزين من الألف للياء
شهد بغرور: دا أكيد
طلعت ميار وشهد من المول ،يكملونا باقي شرايه حاجتهم لنا
كانت ميار وشهد بيتنقلوا بين محلات العبايات الخليجيه ، وكل واحدة فيهم شايلة كذا كيس، والضحك مش بيفارق وشوشهم، خصوصا إن كتب الكتاب بكره، وكل واحدة عايزة الليلة دي تطلع أحلى من خيالها.
وقفت شهد قدام فاترينة فيها عبايات افراحي نسائي ، عيونها لمعت بإعجاب وهي بتشاور على عبايه لونها اسود خليجي .
شهد بفرحة: ميار، بصي على العبايه دي حلو أوي، إيه رأيك أجيبه لمرات عمي اميره؟ هي بتحب الستايل ده جدا .
قربت ميار منها، وبصت للعبايه كويس، وبعدها هزت راسها بإعجاب.
ميار بابتسامة: تحفة يا شهد بس استني، ماما تستاهل حاجة أفخم من كده، تعالي نشوف المحل اللي جنبنا، أنا شوفت فيه عبايات خليجيه تجنن.
ضحكت شهد وهي بتشدها من إيدها.
شهد: يا بنتي انتي هتخليني أشتري المحلات كله
ميار بغرور وثقه: أومال إيه ده كتب كتاب وليد وميار يا بنتي ، ولازم عائله السيوف تبقى احلى واجمد عائله في القاهره كلها .
شهد بضحكه غرور ومرح؛ اووووه أومال ايه
دخلوا المحل التاني، وبدأت شهد تختار عبايات انيقه لمرات عمها أميرة وسميرة ،
وفضلت تتفرج على العبايات الفرايحي بألوانها المبهجة، .
وقفت شهد قدام عبايه، وأول ما عيونها وقعت عليها، فتحت بقها بانبهار وقالت بفرحة
شهد باعجاب: نهار أبيض! إيه الجمال ده! دي مش عبايه دي تحفة ملكية دي اللي تليق بمرات عمي أميرة بالظبط
كانت عبايه خليجيه وعليها طرحه ونقاب سودا فخمة، قماشها ناعم وانسيابي، والتطريز الدهبي العريض مغطي منطقة الصدر ونازل على أطراف الأكمام الواسعة المفتوحة، مديها شياكة وفخامة تخطف العين.
قربت شهد ولمست القماش بإيديها، وبصت لميار بحماس وقالت ..
شهد بابتسامه: إيه رأيك بقى؟ متخيلة مرات أميرة وهي داخلة القاعة بالعبايه دي؟ دي هتخطف عيون كل اللي موجودين .
ميار ابتسمت وهي بتتأمل في العبايه بإعجاب، وردت عليها .
ميار انبهرت،: تحفههه ذوقك جااامد. يا بت يا شهد، اختيارك تحفة ماما تستاهل حاجة مميزة زي دي في ليله دي
شهد ابتسمت برضا، ورفعت العبايه من على الملكان قدامها وهي بتقول بثقة ..
شهد: خلاص، دي بتاعتها أنا مش هسيب المحل ده غير لما أجهز كل حاجة تليق بفرحتنا ..
ميار ضحكت: طيب يلا يلا يختي علشان نختار لمرات عمك سميرة كمان ..
وراحت شهد وميار يختاروا لسميره بالفعل ..
وقفت شهد تتأمل في العبايه المعروضه على الملكان باعجاب
ميار بابتسامة اعجاب: تحفه العبايه دي يا شهد صح ؟
شهد: جدا يا ميار ...
كانت العبايه . فاخرة باللون الأسود الملكي ومعاها طرحه ، العبايه تميزت بقصة الفراشة المصنوعة من قماش الشيفون الانسيابي الخفيف، ومزينة بـتطريز ذهبي براق يمتد بأناقة على طول الأطراف والأكمام.
ابتسمت شهد وهي بتبص للعبايه باعجاب وفخر من الفساتين والعبايات الخليجيه و الملكيه إللي تليق بمكانتهم في العائلة، ليكون اطلالهم في المناسبة القادمة خطافة للأنظار كالعادة.
وجهزوا العبايات والحاجه اللي اختاروها ،، وراح يدفعوا في الكاشير الفاتوره .
طلعوا من المحل وهما اديهم مليانه بالاكياس الكتيرة
ميار بصت لشهد وقالت: تعالي بقى نروح محل بتاع الشباب .. نشتري لوليد واحمد طقمين حلوين
شهد اخد نفس بتعب: تعبت يلا بقى يا ميار
ميار بضيق:لا ما هو حملك ده مش هيجي فوق راسي دي لسه الايام جايه طويلة مفيش تعب ها ؟
شهد بغيظ مكتوم: والله بكره تجربي تعب الحمل والوجع يا ميار
ميار بعصبية: لا مش عاوزة، كده كده انا مش هخلف ولا افكر في الموضوع ده خالص ..
شهد بصتلها وشهقت بصدمه: ايه بعد الشر ليه بتقولي كده، قولي كلام غير . كده الحرمان من الخلفه حاجه وحشه يا ميار
ميار بلا مبالاه: عادي يعني مش عايزه اطفال مش بحبهم مش عايزه اخلف انا. دلوقتي طويل
شهد بتنهيده تعب: ربنا يهديكي يارب يا ميار
ميار بسخرية: ويهديكي يا ختي ..
وكملوا طريقهم ، وراح يشتروا للشباب هدومو
━━━━━━━━━━━━━━━━━━━━━
في ليلة شتوية هادية من ليالي القاهرة، كان المطر بينزل بغزارة على الطرقات، والمدينة غارقة في أضواء الشوارع المنعكسة على الأسفلت المبلول. وفي مطار القاهرة الدولي، كانت صالة الوصول مليانة بحركة المسافرين، وأصوات الإعلانات بتتردد في أرجاء المكان، بينما أبواب المطار الزجاجية بتكشف عن أجواء شتوية باردة، استقبلت للتو طيارة جاية من المملكة العربية السعودية، وبدأ الركاب يتوافدوا على صالة الوصول، كل واحد شايل معاه حكاية وراجع لناس مستنياه...
وفي وسط الزحام، ظهر كريم... في المقدمة، لابس لبس أنيق، وماسك إيد حياة الصغيرة بإيده، وبالإيد التانية بيجر شنطة سفره، وخلفه وهور بعبايتها السودا الأنيقة ونقابها، بتجر شنطتها، ووراها
و سارة بعبايتها السود ونقابها، وهي كمان بتجر شنطة سفرها.
كانت حياة بتبص حواليها بفضول، بينما كريم لف وشه ناحية نور وسارة، وابتسملهم ابتسامة دافية، وقال بارتياح ..
كريم: الحمد لله على السلامة يا بنات، نورتوا القاهره
ابتسمت سارة وهي بتبص من ورا نقابها على المطر اللي باين من إزاز المطار، وقالت بمرح ...
ساره : الله يسلمك يا كريم، شكله بنستقبل القاهرة بالمطر أجل
ضحك كريم بخفة، وبص لحياة اللي كانت بتشد إيده وبتشاور على المطر بفرحة، فابتسم وهو بيقول ..
كريم ضحك بسيط : واضح إن حياة أكثر وحدة فينا مبسوطة بهالرحلة
ضحكت سارة،وهي ماشيه جنبه بخطوات بطيئه ، بينما نور كانت جنبهم ، عيونها بتتنقل بين أرجاء المطار وبتراقب كل حاجة حواليها من ورا نقابها. القاهرة رجعت قدام عيونها من جديد،
لكن المرة دي نور ما رجعتش بنفس القلب اللي سابها ومشي... كان جواها كلام كتير، وقرارات أخطر، وخطة بتترسم في صمت، ومحدش من اللي حواليها عنده أدنى فكرة عن اللي بتخططله.
لمح كريم شرود نور، فبطا خطواته وهو بيبصلها في صمت، وحس بغصة غريبة في قلبه... كأن اللحظة دي بتقوله إن الرحلة دي ممكن تكون بداية خسارتها للأبد، وإنها أول ما ترجع للقاهره، هي ممكن تخرج من حياته تماماً.
بصلها بحزن حاول يخبيه وابتسم ابتسامة باهتة، ورجع عيونه للطريق وهو بيدعي في سره إن إحساسه يطلع غلط...
فجأة، وقفت عربية وليد قدام بوابة الوصول، ونزل منها بسرعة وهو بيدور بعيونه وسط الناس، لحد ما لمح كريم وأسرته طالعين من المطار ، فابتسم بفرحة واتحرك ناحيتهم بخطوات سريعة.
وليد بابتسامة وقبول: السلام عليكم ورحمة الله وبركاته، حمد لله على السلامة يا غالي
كريم ابتسم أول ما شافه، وساب شنطته وفتح دراعاته، واتعانقوا بحرارة وسط ضحكاتهم.
كريم ضحك جامد بابتسامة: الله يسلمك يا وليد، وحشتني يا راجل
وليد بضحكه و ابتسامه: حبيبي حبيبي يا صاحبي اللي واحشني نورت القاهره كلها واهل القاهره يا غالي ..
هنا أول ما عيون نور وقعت على وليد، اتسمرت مكانها للحظة، وحست إن الزمن رجع بيها لوجع كانت بتحاول تدفنه جواها. فضلت باصهله من بعيد، وعيونها بتلمع بدموع حبستها بالعافية، بينما إيديها شدت على مقبض شنطتها بقوة.
كان واقف قدامها بنفس ملامحه، لكن هي مكنتش نفس البنت اللي ثابته للوجع ورا ضهره...
لفت وشها بسرعة ناحيه تانيه قبل ما حد يلاحظ تأثرها، وخدت نفس مرتعش، وهي بتهمس جواها بوجع
نور بدموع وجع: حتى إنت يا وليد... لسه وجعك عايش جوايا 💔
وبعدها وليد بص لاسره كريم ورحب بيهم،
وليد أبتسم بهدوء: السلام عليكم ورحمه الله وبركاته حمد لله على سلامتكم يا جماعه ..
ساره أبتسم بهدوء: عليكم السلام ورحمه الله وبركاته الله يسلمك ويحفظك ...
إنما نور هنا ما كانتش قادره ترد ، وكانت بتنهار من تحت نقابها لكنها كانت لفته وشها الناحيه الثانيه عشان ما حدش يلاحظ عليها .
ثم وليد وقعت عيونه على حياة الصغيرة، فنزل لمستواها وفتح دراعاته بابتسامة واسعة.
وليد بفرحه بيها: يا روح قلبي إنتي تعالي يا حياتي ...
حياه بصتله ببراءة و ابتسمت ، وبعدها بصت لابوها
بص كريم لحياة بابتسامة حنونة، وقالها : حياتي، هذا عمك وليد اللي دايم نكلمه بالتلفون، يلا يا قلبي روحي سلمي عليه وبوسيه.
ابتسمت حياة ببراءة، ومدت إيدينها ليه هو اترمت في حضنه وبراءه وهي مبتسمة ..
حملها وليد في حضنه ووقف بيها وباس خدها وهو بيضحك وقال..
وليد بحب: يا حبيبت قلب عمو يا حياتي ، كبرتي يا قمر ماشاء الله تبارك الرحمن ..
حياه ضحكت ببراءة طفوليه ، ولفت إيديها حوالين رقبته ، وباست خده
وليد وابتسامه: أجمل حياة في الكون ده كله
ضحكت سارة وهي بتبصلهم، بينما كريم كان بيتابع المشهد بابتسامة دافية،
إنما نور واقفة جنبهم في هدوء، بتراقب كل حاجة من ورا نقابها وجواها وجع كبير ...
لكن في لحظه الحلوة دي، كان فيه كلام كتير لسه متقالش، وأسرار مستنية اللحظة المناسبة عشان تظهر.
━━━━━━━━━━━━━━━━━━━━━━━━━
كانت القاهرة في اللحظات دي غرقانة في موجة مطر شديدة، السما ملبدة بغيوم رمادية تقيلة، والرعد بيشق سكون الليل، والمطر بيخبط بعنف على أسطح العربيات والشبابيك، بينما الشوارع اتغطت بالمياه، وأنوار المباني انعكست على الأرض في مشهد يخطف الأنفاس، كأن المدينة كلها عايشة جوه فيلم سينمائي مليان بالغموض.
وفي بيت كريم، كانوا وصلوا من وقت قصير، بعد محاولات كتير من كريم إنه يتهرّب هو وأسرته من إصرار وليد على إنه يروح معاهم البيت ويقضي الليلة عندهم، لكن كريم كان مُصرّ إنه ما يحملوش فوق طاقتهم أو يسببلهم أي إزعاج، لحد ما قدر أخيرا يفلت منه ويوصل بيته مع أسرته.
كانت سارة ونور اول ما رجعوا من السفر كل واحده فيهم مسكت حاجه من البيت ، تنظفها . والبيت كان محتاج يتروق من أوله لآخره؛ التراب كان مغطي الأثاث، والستائر محتاجة تتغسل وتتعلق من جديد، وحتى الصالون كان باين عليه إنه مقفول بقاله فترة طويلة.
سارة كانت واقفة على السلم الصغير، بتحاول تركب الستائر بعد ما غسلتها وبعدها ،لبست جوانتي التنضيف، وبتنفض التراب عن على الانتريه وبتلمع الترابيزة، ونظفت السراير
إنما نور فكانت بتكنس وبتمسح البيت كله ، وبتنقل الشنط . من مكان للتاني وهي بتبص حواليها على الفوضى اللي لسه مستنياهم.
صوت المطر الغزير كان بيخبط على الشبابيك، والهوا بيزق الميه على الإزاز، والجو بره كان عاصف لدرجة إن نور وقفت لحظة تبص من الشباك، وبعدها رجعت تكمل تنضيف وهي بتتنهد بتعب.
أما كريم، فكان واقف جنب الشباك، ماسك تلفونه وبيتكلم مع وليد، اللي قاله بعتاب خفيف ..
وليد: يا أخي مش كنت جيت عندنا الليلة دي يا كريم انت واسرتك بدل الجو ده وبيتكم اللي مبهدل؟ ده إحنا كنا هنقضي سهرة حلوة سوا يا جدع وعمك امجد الكل هنا سال عليك ، وقالوا ما جاش ليه معاك
ابتسم كريم وهو بيبص للمطر اللي مش راضي يهدى، ورد عليه بنبرة هادية ..
كريم: يا رجال، ما يحتاج ، البنات قربوا يخلصون تمام، وطلبنا العشا وإحنا جايين، والأمور بتتيسر بإذن الله. وبكرة إن شاء الله بنجيك ونضبط كل شيء، عشان نفرح فيك ونشوفك عريس، الله يتمملك على خير يا رب.
أبتسم وليد بهدوء: امين امين يا صاحبي على خيره الله هنستناك انت واسرتك بكره ان شاء الله
كريم: باذن الله ، إيه صح، بتسوون عقد القِران في البيت ولا بالقاعه بتخلونها حفلة عائلية صغيرة؟
وليد ضحك وهو بيتنهد: لا النكديه اللي معايا دي ما فيش حفله صغيره ولا على الهادي كده في البيت مع بعض كعائله هنعمله في قاعه ، عايزه الليله تبقى كبيره أن شاء الله ميار
ضحك كريم بابتسامة: يا رجال، الله يتمملكم على خير يا رب، ويسعدكم ويهنيكم، ويرزقكم الذرية الصالحة يا رب العالمين
وليد بابتسامة: أمين يا غالي
━━━━━━━━━━━━━━━━━━
كانت القاهرة بتتزين بأضواء الليل، وفي واحدة من أفخم قاعات المناسبات، كانت عائلة السيوفي حاجزة قاعة كبيرة جدًا، متصممة بذوق راقٍ يخطف العين من أول لحظة.
القاعة كانت مليانة ورود بيضاء ووردية، والكريستال متدلي من السقف في شكل ثريات ضخمة بتنور المكان، والطاولات متغطية بمفارش بيضاء أنيقة، وفي مقدمة القاعة كان فيه مكان مخصص للعروسين، مزين بالورد والإضاءة الذهبية، وخلفهم حروف اسمي وليد وميار متداخلة بشكل أنيق.
الليلة دي كانت ليلة كتب كتاب ميار ووليد، اللي استنوا اليوم ده بفارغ الصبر، لكن محدش من الموجودين كان يعرف إن وسط الفرحة دي، فيه حكايات لسه ما اتقفلتش، وحق لسه ما رجعش لأصحابه
━━━━━━━━━━━━━━━━━
في غرفة خاصة داخل القاعة، كانت ميار واقفة قدام المراية، بتبص لنفسها بإعجاب، وعلى وشها ابتسامة واسعة وهي بتتأمل فستان كتب الكتاب الأبيض. وهي سعيده جدا
( ميار كانت لابسة فستان كتب كتاب رقيق أبيض عليه لفه حجاب هادي نفس لون، وميك اب كامل مناسب بشرتها البيضاء)
وقفت أميرة قدامها، وهي بتبصلها بسعادة، وقالت بإعجاب
أميرة بسعادة: ما شاء الله يا ميار، إيه الجمال ده كله! إنتي طالعة زي الأميرات بجد.
ابتسمت ميار وهي بتبص لنفسها في المراية، وردت بغرور خفيف ..
ميار بسعادة كبيرة جواها: عارفة يا ماما، أنا من زمان بحلم باليوم ده، والحمد لله أخيرا جه الوقت اللي اسمي يرتبط بإسمه.
أميرة بابتسامة: ربنا يسعدك و يتمملك على خير يا حبيبتي .
ميار بصتلها بابتسامة كلها سعاده: امين يا ماما ، وبعدين ايه الحلويات دي العبايه . و الطرحه ونقاب هتاكل منك حته اقسم بالله العظيم
ضحكت أميرة بابتسامة: أن شاء الله يجبر بخاطرك زي ما جبرتي بخاطري كده .
في نفس الوقت، دخلت أمال وسميرة وشهد، وكل واحدة فيهم كانت متأنقة بطريقتها.
كانت شهد لبسه فستان سواريه ، بلون بيبي لون مع خمار ماليزي نفس ألوان ، وكانت حاطه مكياج بسيط خالص مناسب معاها ...
و كانت أمال لابسة فستان بلون سكري الراقي، بقصة محتشمة وتطريز ذهبي ناعم عند الأكمام، وحجاب مناسب للون الفستان.
أما سميرة فكانت لابسة العبايه الملكية السودا مع الحجاب بتاعها
شهد قربت منها بابتسامة: ربنا يسعدك يا ميار، ويتمملك على خير، إنتي وليد يارب .
بصتلها ميار بابتسامة وحب: زي الله يبارك فيكي ياروحي عقبالك بقى يارب.
شهد بحزن لنفسها: لا عقبالي ايه بقى ما راحت عليا من زمان .
سميرة بابتسامة قربت منها هي و امال
امال بابتسامة: ماشاء الله تبارك الله ايه العسل ده قمر الله اكبر ربنا يتمملك على خير يا حبيبتي يارب
سميرة بابتسامة: ربنا يتمملكم على خير يا بنتي ويسعدكم يارب ويبعد عنكم اي حاجه وحشه
ميار بابتسامة بصتلهم: تسلمولي يا حبايب قلبي . ربنا يديمكم ليا
وبصت لمرايه تشوف نفسها ، وابتسمت ابتسامة صغيرة، لكن للحظة عابرة افتكرت نور، ووشها اتغير من غير ما تحس.
لاحظت سميرة شرودها، فسألتها: مالك يا بنتي؟ سرحتي في إيه؟
رجعت ميار لابتسامتها بسرعة وقالت:لا لا مفيش يا مرات عمي، بس متوترة شوية.
لكن الحقيقة إن جواها كان فيه إحساس غريب، إحساس بتحاول تتجاهله من أول اليوم، وكأن فيه حاجة جاية هتغيّر كل شيء
━━━━━━━━━━━━━━━━━━━━━
في الناحية التانية، كان وليد واقف في غرفه الرجال ، واقف بيظبط نفسه ، واقف بكل اناقه لابس بدلة كتب كتاب بيضاء فخمة، مكونة من جاكيت أبيض أنيق وبنطلون أبيض متناسق معاه، وتحت الجاكيت قميص أبيض ناصع، مع بابيون أبيض زاد من رقي إطلالته. وكان لابس كوتشي أبيض كلاسيكي أنيق، وساعة فضية فخمة في إيده، وشعره متصفف بعناية. كان شكله راقي ووسيم، والابتسامة الممزوجة بالتوتر مرسومة على وشه، وهو مستني اللحظة اللي ميار تبقى مراته رسمي قدام كل العيلة
أما أحمد، فكان واقف بكامل أناقته، لابس تيشيرت أبيض بسيط زاد من وسامته، وبنطلون أسود متناسق معاه، وحاطط جاكيت أسود على كتفه بستايل شبابي جذاب، وفي رجله كوتشي أبيض نضيف، وساعة سوداء في إيده كمّلت أناقته. كان شكله أنيق وملفت، واثق من نفسه، وكل تفصيلة في لبسه كانت بتعكس هيبته وشخصيته.
وبالرغم من وجود أحمد في حياه عائله السيوفي حاليا كان مجرد اظهار كده قدامهم ، فكان الهدوء مرسوم على ملامحه، وابتسامته البسيطة تخفي وراها أسرار كتير محدش يعرف عنها حاجة... كان باين إنه هادي ومستقر، لكن جواه كانت فيه عاصفة بتكبر يوم عن يوم، وأفكار بتتصارع في عقله، ووجع ساكت مستني اللحظة المناسبة عشان يظهر.
كان أحمد هادي لدرجة تخوّف، وكأن اللي جاي منه مش مجرد رد فعل... ده إعصار هيقلب حياة ناس كتير، من غير ما يديهم حتى فرصة يستعدوا
أحمد قرب من وليد بابتسامة: ايه الحلاوه دي يا معلم .
وليد بصله بابتسامة كبيرة: تسلم يا ابو حميد ..
أحمد: ربنا يتمملك على خير يارب
وليد بابتسامة: حبيبي يا احمد عقبالك يا رب
اكتفى احمد بابتسامه بسيطه: تسلم ، اومال كريم ما جاش ليه لحد دلوقت يا وليد؟
كريم مسك الفون باستغراب: ما اعرفش الجدع ده تأخر كده ليه ، هشوف وهرن عليه
أحمد: ايوه رن شوفه كده اتاخر ليه قبل كتب الكتاب ما يبدا
━━━━━━━━━━━━━━━━━━━━
أمام قاعة كتب الكتاب…
وقفت عربيه كريم الفاخرة أمام القاعة، وسط أضواء الزينة الذهبية اللي كانت منورة المكان، والورود البيضاء المتوزعة على جانبي المدخل، بينما أصوات الموسيقى الهادية كانت بتخرج من جوه، معلنة عن ليلة عائلية مليانة فرحة
انفتح باب العربية، ونزل كريم بكامل أناقته، لابس بدلته البيضاء الفخمة، ظبط أكمام بدلته وبص ناحية مدخل القاعة بابتسامة هادية، قبل ما يلف ويفتح الباب التاني لنور ، ظهرت نور بفستانها الأبيض الراقي وحجابها اللي زادها وقار وجمال وكانت لابسه نقاب صغير علي ملامحها ، كانت ماسكة إيد حياة اللي نزلت وراها، بفستانها الأحمر، وشعرها الأشقر كانت حاطه توكه حمراء في شعرها جميله ،
اما سارة نزلت بخطوات بطيئة وهادية . كانت زي الأميرات بفستانها الستان الفضي الميتاليك اللي كان بيبرق ويتحرك معاها بنعومة تحت إضاءة الشارع . أكمامه المنفوخة وخمارها الأبيض الشيفون المنسدل على كتافها مع النقاب ونقشة "الهيد بيس" اللي بتلمع فوق رأسها، كل ده خلاها تظهر بإطلالة في منتهى الحشمة والفخامة، وكأنها لسه خارجة من كتاب حكايات.
وقف كريم لحظة، وبص لنور وهو
بيضحك بخفة وقال : والله يا جميلة، ما يصير هيك إحنا الضيوف ولا العريس والعروس ؟
نور بدلع وهي تضحك: يا كريمووو، بالله عليك فيه أحلى مننا؟ لازم نكون أحلى وأكشخ ناس في القاعة، سايرني يا حبيبي، الليلة ليلتنا بعد
ساره بضحكة ومشاكسة: أخاف الناس تنغش فيكم وتحسبكم إنتوا العريس والعروس، مو وليد وميار
كريم بضحكه: حاسس انه هيك راح يصير يا عالم
انفجرت نور بالضحك، وكريم ضحك معاها،
سارة بضحكه: يا كريم انت وجميلة إنتوا جايين تباركون لوليد وميار ولا جايين تخطفون الأضواء منهم
نور قربت من سارة وهي بتضحك، وقالت بغرور : يا سارو إحنا مالنا ذنب، الجمال ده رزق من ربنا
وبعدها مسك كريم ايد نور وهي مبتسمة، ومشيت جنبه بكل ثقة، وسارة جنبهم ماسكه ايد حياه ،
━━━━━━━━━━━━━━━━━━━━━
كان المأذون لسه مخلص كتب كتاب وليد وميار،
وقال الماذون بابتسامه ومباركه ليهم: بارك الله لكما، وبارك عليكما، وجمع بينكما في خير.
وصوت المباركات والضحك مالي القاعة، والعيلة كلها متجمعة حواليهم، وكل واحد بيبارك ليهم ويتمنالهم حياة سعيدة.
وفجأة…
ظهر كريم بخطوات ثابتة وواثقة، وجنبه نور بفستانها الأبيض الأنيق، وجنبهم سارة وحياة .
في لحظة واحدة، أنظار الموجودين كلها اتجهت ناحيتهم، والكلام بدأ يقل تدريجيا، لحد ما بقى فيه همسات خفيفة بين المعازيم.
كريم دخل بهيبته المعهودة، وملامحه هادية، و نور…
نور كانت ماشية جنبه ايدها في ايده ، بابتسامة رقيقة من تحت النقاب .. محدش يقدر يشوف وراها إيه، ولا يعرف إيه اللي مخبياه جوا قلبها.
كانت عيونها بتتنقل على كل شخص من عائله السيوفي وهي شايله اسرار كبيره جواها ليهم .
فجأة، اتسعت عيون نور بصدمة وهي بتلفت نظرها بين الموجودين، لحد ما عيونها وقعت على شهد، اللي كانت واقفة جنب ميار وبتباركلها بابتسامة هادية.
نور اتجمدت مكانها، وقلبها بدأ يدق بعنف، وكأنها مش قادرة تصدق اللي شايفاه.
نور همست لنفسها بذهول: معقول... شهد عايشة
قداموا خطوات لقدام ناحيه وليد وميار،
نور وهي بتقدم خطوات ناحيه ميار قالت في نفسها: استمتعي بفرحتك يا ميار… لأن النهارده أنا جيت أباركلك، لكن اللي جاي… مش هيكون زي ما انتي متوقعة ، عاوزاكي استمتعي براحتك لان دي اول البدايه الانتقام منك ،
كريم بابتسامة: مبارك عليك يا وليد ، الله يسعدكم في ايامكم القادمه يا رب
وليد انتبهله قام بابتسامة: الله يبارك فيك يا اصاحبي تسلم
وهنا… حصلت اللحظة اللي ميار ما كانتش مستعدة ليها ابدا
نور قربت من ميار مباشرة.
ابتسامتها كانت هادية، لكن عيونها كان فيها انتقام كبير…
ميار هنا اتلفت ناحيتها ، أول ما عيونها وقعت على نور…
ابتسامتها اتجمدت
هنا قلبها انقبض ميار
اتسعت عيونها بصدمة، ووشها فقد لونه بالتدريج، وإيديها اللي كانت ماسكة باقة الورد ارتخت من غير ما تحس.
ميار همست بصوت بالكاد خرج منها: نــور؟!
نور مالت راسها قليلا، وكأنها مستغربة رد فعلها، وقالت بنعومة: ايه يا ميار… أنا نور. شوفي؟ شكلك اتفاجئتي لما شوفتيـني
ميار حاولت ترد، لكن لسانها انعقد، وحست إن القاعة بكل اللي فيها اختفت فجأة، وإن الأصوات بقت بعيدة عنها، وإن الدنيا اسودت في عيونها.
حضنتها نور : مبارك عليكي يا ميار… أتمنى من قلبي إن فرحتك اليوم تفضل فاكرة معاكي كل حاجة عملتيها.
اتسعت عينا ميار أكتر، وسحبت نفسها بسرعة، بينما نور رجعت لوقفتها الطبيعية وكأنها ما قالتش أي حاجة.
وفي اللحظة دي، كانت نور عارفة إن أول خطوة اتاخدت… وإن ميار، مهما حاولت تخبي خوفها، مش هتقدر تفضل مطمنة طول الوقت.
نور بصت لوليد بابتسامة وعيونها مليانه دموع وجع وقهر: مبارك عليك يا استاذ كريم تتهنى بيها يا رب في الايام القادمة ..
رفع وليد عيونه فجأة ناحية الصوت اللي سمعه، وقلبه دق بعنف… كان متأكد إن الصوت ده صوت نور، الصوت اللي مستحيل ينساه مهما عدى من سنين.
لكن أول ما عيونه وقعت عليها، اتجمد مكانه، والابتسامة اختفت من على وشه، وبصلها بصدمة مش قادر يخبيها، كأنه مش مصدق إنها واقفة قدامه فعلًا
همس بصوت مهزوز: نــور؟!
أحمد بصدمه بص لنور: دي نــور
شهد قربت بصدمه هي أيضاً منها: إنتي نوور؟؟
وفجأة، وقبل ما الكل يستوعب الصدمة، أنوار القاعة اتغيرت، واشتغلت أغنية بصوت عالي هز المكان كله، فكل العيون اتجهت ناحية نص القاعة…
كانت نور واقفة بثبات، والكل بيبص لنور باستغراب، لحد ما نور رفعت إيديها بهدوء، ومسكت اربطه النقاب، وشالته عن وشها خالص
وفي اللحظة دي… الزمن وقف
وليد فتح عيونه بصدمة، ووشه فقد لونه، وميار اللي كانت لسه مصدومه،من رجوع نور لحياتهم مره ثانيه .
أما شهد، فدموعها لمعت بابتسامة انها رجعت. وهي بتبص لنور وعيلة السيوفي كلها وقفت مش مصدقة اللي شايفاه.
أميرة كانت بتتأمل بعيونها في نور بصدمه: نووور
نور اللي الكل افتكر إنها راحت… واقفة قدامهم،
موجوده ، لا ورجعت وهي زوجه كريم ..
رفعت نور عيونها ناحية ميار، وابتسمت ابتسامة هادية، لكن وراها حكاية وجع وانتقام لسه ما بدأتش…
وهنا كانت البداية… أول خطوة في طريق انتقام نور! 🔥
نور رجعت، بس مش نور اللي ميار كانت تعرفها زمان والكل… رجعت وهي شايلة جواها وجع سنين، وحقيقة لو ظهرت هتقلب الموازين، وتكشف وشوش استخبت ورا أقنعة البراءة.
لكن اللي ميار ما تعرفوش، إن اللي حصل النهارده مجرد بداية… وإن الصدمات اللي جاية أكبر بكتير من إنها تتخيلها، وإن كل سر اتدفن هييجي يوم ويتكشف، وكل دمعة نزلت ظلم هييجي يوم ويبان سببها.
نور ابتسمت… لكن ابتسامتها كانت بداية حكاية، نهايتها لسه محدش يعرفها🔥