رواية حب المراهقة بقلم نور ربيع
رواية حب المراهقة الفصل الثالث والثلاثون33 بقلم نور ربيع
بعد مرور عدة أيام...
تغيرت حاجات كتير، وأحداث جديدة بدأت ترسم ملامح مختلفة لحياة الأبطال، وكأن الأيام كانت بتجهز لكل واحد فيهم مفاجأة محدش يتوقعها...
لكن أكتر تغيير حصل كان في حياة نور، اللي مبقتش البنت اللي الكل يعرفها! اتبدلت ملامحها، واتغيرت نظرتها للحياة، وبقت شخصية تانية تماما؛ هادية من بره، لكن جواها أسرار وقرارات محدش يعرف عنها حاجة، وكأنها قفلت صفحة من ماضيها وقررت تبدأ من جديد، بس المرة دي بشروطها هي
وفي الليلة دي تحديدا...
كانت القاهرة على موعد مع حدث هيقلب موازين كتير، ميار أخيرا نازلة من السفر، وهي فاكرة إنها راجعة لحياتها جديدة، وإن كل اللي حاسباه هو اللي هيكون
لكن اللي ميار متعرفوش إن في حاجات كتيره اتغيرت، وإن في أسرار قربت تظهر، وحقايق هتظهر هتقلب حياتها تماماً ..
والأخطر من ده كله... إن نور اللي كانت فاكرة إنها خرجت من حياتها للابد، ما تعرفش انها محضره مفاجاه كبيره هتخرب في حياتها اللي كانت بتحلم بيها من زمان هي وشاركها .
━━━━━━━━━━━━━━━━━━━━━━━━━━━━
في السعوديه ...
في قلب المملكة العربية السعودية، وتحديدا في مدينة الرياض، كانت الشمس بتشرق في سماء صافية، وأشعتها الذهبية بتنعكس على واجهات المباني الفخمة، والشوارع الواسعة اللي بتجمع بين رقي العمارة الحديثة وهيبة المكان. أجواء هادية وأنيقة، وحركة العربيات الفخمة بتملأ الطرق، وكل زاوية في المدينة ليها طابع مميز يجمع بين الأصالة والرقي.
وفي وسط الأجواء دي…
وقفت عربية ملاكي فخمة قدام مبنى أنيق، واجهته الزجاجية بتلمع تحت أشعة الشمس.
وبعد لحظات، اتفتح باب العربية، ونزلت منه نور بكل هدوء وثقة.
كانت لابسة عباية سودا فخمة، واسعة وأنيقة بتفاصيل ناعمة تبرز رقيها، وحجابها متنسق بعناية مع نقابها، وفوقه نظارة شمسية زادت من غموض إطلالتها. وفي إيدها شنطة سود راقية،
بينما خطواتها كانت ثابتة وهادية، فيها شياكة وهيبة تلفت الأنظار من غير ما تحتاج تعمل أي مجهود.
نور وقفت لحظة، ورفعت إيدها تخلع النظارة الشمسية، ثم مسكتها بإيدها وعدلت شنطتها على كتفها، وبصت قدامها بثبات، قبل ما تتحرك بخطوات واثقة ناحية مدخل المبنى.
كانت أناقتها واضحة في أبسط تفاصيلها، من طريقة وقفتها لحد هدوئها وثقتها بنفسها.
وفجأة…
ظهر قدامها أحد الموظفين، وبمجرد ما شافها، ابتسم باحترام وقال
الموظف :السلام عليكم ورحمة الله وبركاته، حياكِ الله يا أستاذة جميلة، نورتي المكان.
رفعت نور عيونها ناحيته، وردت بابتسامة هادية ظهرت في نبرة صوتها
نور وعليكم السلام ورحمة الله وبركاته، الله يحييك، تسلم.
الموظف : أستاذة جميلة، اليوم عندنا اجتماع مهم، والمهندس كريم يقولك جهزي حالك.
نور بابتسامة عريضة: أبشري يا أستاذ، إن شاء الله.
وكملت طريقها وراحت على مكتبها ، بخطوات هادئه واثقه في نفس ..
━━━━━━━━━━━━━━━━━━━━━━━
في أوروبا ...
في شقه ميار ...
كانت ميار واقفة قصاد السرير، بتقفل شنط سفرها ، قدامها بتتأكد إنها لمت كل حاجتها قبل ما تمشي.
كانت بتكلم مامتها أميرة في الوقت ده ..
أميرة: تأكدي انك مش ناسيه حاجه يا ميار
ميار بهدوء: لا يا حبيبتي اطمني لميت كل حاجتي، وسلمت الشقة لصاحبتها، واتأكدت إن كل حاجة تمام.
أميرة بلهفة: أخيرا يا حبيبتي البيت هينور برجوعك والله يا ميار ، كلنا مستنينك بفارغ الصبر . حتى شهد
ميار بابتسامة: احنا هنعمل احلي داخله في المطار أن شاء ، قوليلها جهازي نفسك . علشان تجي معاكي إنتي و بابا وليد أن شاء الله بليل
أميرة بابتسامة: طبعاً أن شاء الله يا حبيبتي وهي مستنياكي علي نار والله
أميرة: ماشي يا ماما ، هقفل دلوقتي
علشان هرن علي وليد وهتحرك حالا عاوزه حاجه ، نتقبل في المطار أن شاء الله بليل، قولي لشهد تجهز نفسها
أميرة: ماشي يا حبيبتي أن شاء الله خد بالك من نفسك ، في حفظ الله
وقفلوا ميار
ابتسمت ميار وهي سعيده جدا، وهي بتبص من شباك الشقة لآخر مرة، وبعدين سحبت شنطتها ناحية الباب.
ميار بمكر خفي: وأنا كمان يا ماما... وحشتني القاهرة أوي، وحشني كل حاجة فيها.
وخرجت من الشقة، من غير ما تعرف إن رجوعها المرة دي مش هيكون مجرد زيارة عادية... وإن في مفاجآت كتير مستنياها أول ما تحط رجلها في القاهرة!
━━━━━━━━━━━━━━━━━━━━━━━
في القاهرة
في شركة وليد...
اتفتح باب الشركة بهدوء، ودخل وليد بخطوات ثابتة وواثقة، كأن المكان كله عارف إن صاحبه وصل.
كان لابس قميصه الأنيق وبنطلون أسود، وساعته الفخمة في إيده، وملامحه فيها هيبة وهدوء يخطفوا الانتباه من غير ما يحتاج يتكلم. عيونه كانت بتتحرك في المكان بنظرة جادة، وكل خطوة منه كانت محسوبة، وثقته في نفسه واضحة في وقفته وطريقة مشيه.
الموظفين أول ما شافوه، وقفوا باحترام وبدأوا يلقوا عليه التحية.
" صباح الخير يا فندم.
"صباح الخير يا استاذ وليد .
رد وليد بابتسامة خفيفة وهو بيكمل طريقه: صباح النور،
كمل بجدية:. كل واحد يركز في شغله، وياريت اجتماع النهارده يكون كل حاجة فيه جاهزة.
وصل لمكتبه، فتح الباب ودخل، ثم حط مفاتيح عربيته على المكتب واتجه ناحية الكرسي الجلدي الفخم، وقعد بثبات، وسحب اللابتوب قدامه.
ضغط على زر الاتصال الداخلي، وبعد ثواني ردت . السكرتيرة
السكرتيرة: أيوه يا فندم، تحت أمرك.
وليد بنبرة هادية وحاسمة: صباح الخير. عاوز الملفات الجديدة كلها على مكتبي، ملفات الشراكة والعقود، وكمان آخر التقارير المالية. ومحدش يدخل عليا قبل ما الملفات تكون جاهزة، إلا لو في حاجة ضرورية.
السكرتيرة باحترام: صباح النور حاضر يا فندم، خمس دقايق وكل حاجة هتكون عند حضرتك.
وليد قفل الاتصال، رجع ضهره للكرسي، وشبك صوابعه قدامه، وبص من الواجهة الزجاجية على حركة الشركة تحت، وابتسامة ثقة بسيطة ظهرت على وشه.
وليد مكنش مجرد رجل أعمال ناجح... ده كان راجل عارف هو عاوز إيه، وعارف إزاي يوصله.
لكن وسط كل الهيبة دي، كان فيه شيء واحد شاغل تفكيره، شيء كل ما يحاول يبعده عن دماغه يرجع يفرض نفسه عليه من جديد وهي حكايه نور ...
جه لي فجأة اتصل وكان من ميار ...
وليد أبتسم وقال: اسمع صوتها قبل تطلع الطياره ..
وفتح وبدأ معاها مكالمه ،
كانوا مبسوطين جدا وبيحلموا بالايام الجايه لحظات مليانة سعادة وراحة ما بينهم، وكل واحد فيهم فاكر إن اللي جاي هيكون أجمل، وإن الأيام أخيرا هتعوضهم عن كل اللي شافوه... لكن محدش فيهم كان يعرف إيه اللي مستنيهم في الأيام الجاية، ولا إن القدر بيخبيلهم مفاجآت هتغير مجرى حياتهم تماما، وإن الهدوء اللي هما عايشينه دلوقتي يمكن يكون آخر لحظات الأمان قبل ما تبدأ العاصفة
━━━━━━━━━━━━━━━━━━━━━━━━━
في السعودية.
في شركة كريم
كان الجو مليان بالحركة والاستعداد لاجتماع مهم، الموظفين بيتنقلوا بين المكاتب، والمساعدين بيراجعوا الملفات، وعلى الشاشة الكبيرة في قاعة الاجتماعات ظهرت بيانات صفقة استثمارية ضخمة هتحدد ملامح المرحلة الجديدة للشركة.
السكرتيرة دخلت مكتب نور ،
السكرتيرة باحترام: السلام عليكم أستاذة جميله، الأستاذ كريم ينتظرك في قاعة الاجتماعات، والاجتماع بيبدأ الحين.
نور انتبهت : وعليكم السلام، تمام، يعطيك العافية.
السكرتيرة: الله يعافيك،
تحركت نور وراه بخطوات هادية وواثقة، وهي بتراجع في دماغها تفاصيل شغلها، لحد ما وصلوا لباب قاعة الاجتماعات.
دخلت نور، وكانت القاعة واسعة وفخمة، طاولة اجتماعات طويلة في المنتصف، وحواليها مجموعة من كبار المسؤولين والمستشارين الماليين، وكل واحد قدامه ملف وأوراق خاصة بالصفقة.
وفي مقدمة القاعة، كان قاعد كريم ، بيتابع المستندات باهتمام، وبيتكلم مع أحد المسؤولين بجدية وثقة.
كريم ما كانش مجرد صاحب شركة عادية؛ اسمه معروف في مجال الأعمال، وقراراته الاستثمارية ليها وزنها، والناس اللي بتتعامل معاه عارفة إنه بيدرس خطواته كويس قبل ما ياخد أي قرار.
واللي ما يعرفوش بعض الموجودين في القاعة، إن نور اللي دخلت بهدوئها وأناقتها مش مجرد موظفة مسؤولة عن الحسابات والأمور المالية في الشركة، لكنها كمان زوجة كريم ، اللي ليها مكانة خاصة عنده.
رفع كريم عيونه أول ما شافها، وابتسم ابتسامة بسيطة، ثم شاور للكرسي اللي جنبه.
كريم: حياك الله يا جميله، تعالي اجلسي هنا.
نور: الله يحييك.
قعدت نور في مكانها، وبعدها بصت للملفات الموجودة قدامها .
كريم وجه كلامه للحاضرين بنبرة رسمية ..
كريم: طيب يا جماعة، خلونا نبدأ اجتماعنا. مثل ما اتفقنا، اليوم بنراجع تفاصيل الصفقة الجديدة، ونشوف كل بند فيها قبل ما نتخذ القرار النهائي.
فتح المستشار المالي الملف الموجود قدامه، وبدأ يعرض تفاصيل المشروع على الشاشة.
المستشار المالي: الصفقة تتعلق بتوسع الشركة في قطاع جديد، وفيه فرصة للدخول في شراكة استثمارية مع مجموعة ثانية. لكن قبل اعتماد الاتفاق، نحتاج نراجع التكاليف المتوقعة، ونسبة الأرباح، والالتزامات المالية على المدى الطويل.
كريم هز راسه باهتمام: صحيح، ما أبي نستعجل في أي قرار قبل ما نتأكد إن كل الأرقام واضحة، وإن المخاطر محسوبة بشكل دقيق.
بدأ المستشار يعرض الأرقام، ونور كانت بتتابع كل تفصيلة باهتمام، لأنها بحكم مسؤوليتها المالية عارفة كويس إن أي رقم صغير ممكن يغير حسابات الصفقة بالكامل.
وبعد دقائق من النقاش، رفعت نور عيونها ناحية الشاشة، ثم فتحت الملف اللي قدامها.
نور: لو سمحتوا، عندي استفسار بخصوص التكاليف التشغيلية في السنة الأولى.
بصو الحاضرون ناحيتها، بينما كريم ساب القلم من إيده وبصلها باهتمام.
المستشار المالي: تفضلي يا أستاذة جميله.
نور: التقديرات الموجودة هنا مبنية على إن حجم التشغيل بيكون ثابت طول السنة، صح؟ لأن لو فيه توسع تدريجي في النشاط، لازم نراجع توزيع المصروفات، ونتأكد إن التدفقات النقدية بتغطي الالتزامات في كل مرحلة.
سكت المستشار لحظة، ورجع يبص للأوراق اللي قدامه، ثم بدأ يراجع الحسابات.
المستشار المالي: كلامك صحيح، هذي النقطة تحتاج مراجعة فعلًا قبل اعتماد الأرقام النهائية.
كريم ابتسم بفخر، وقال بهدوء: عشان كذا أحب إن نور تكون موجودة في الاجتماعات المالية. التفاصيل هذي ما ينفع نتجاوزها.
نور اكتفت بابتسامة بسيطة، ورجعت تبص للملف، بينما بدأ باقي المسؤولين يناقشون التعديلات المطلوبة.
واستمر الاجتماع وسط نقاش جاد عن تفاصيل الصفقة، والأرباح المتوقعة، وشروط التعاقد، لحد ما كريم طلب من المستشار القانوني عرض مسودة الاتفاقية على الشاشة.
كريم: الحين ننتقل لبنود الاتفاق. أبي كل شيء يكون واضح، من المسؤوليات إلى الصلاحيات، عشان ما يكون فيه أي خلاف بعدين.
ولما خلص عرض البنود، قفل كريم الملف اللي قدامه، وبص للحاضرين.
كريم بجمود: قبل ما نختم الاجتماع، فيه موضوع ثاني أبي أتكلم عنه معكم
.
القاعة هديت، وكل الأنظار اتجهت ناحيته.
كريم لف ناحية نور، وابتسملها ابتسامة غامضة.
كريم: وأعتقد إن الموضوع هذا بيكون أهم مفاجأة في اجتماع اليوم.
نور رفعت عيونها لي باستغراب، وحاولت تفهم هو بيخطط لإيه، لكن كريم اكتفى بابتسامته، ثم مد إيده ناحية الملف الأسود الموجود قدامه.
وهنا بدأت المفاجأة الحقيقية… لأن كريم كان مجهر قرار هيغير مكانة جميله عنده في الشركة،
فتح كريم الملف الأسود، وطلع منه ورق رسمي، وبعدها رفع عينيه للحاضرين وقال
كريم بثقة: قبل ما ننهي اجتماعنا، حاب أعلن عن قرار جديد يخص مستقبل الشركة. بعد دراسة طويلة، قررت أوسع صلاحيات نور، وأدخلها شريكة معاي في الشركة، بحصة رسمية وحقوق واضحة في الإدارة والأرباح.
نور بصتله بصدمة، وعيونها وسعت من المفاجأة، مش مستوعبة الكلام اللي سمعته.
نور بدهشة: كريم إنت وش تقول؟!
ابتسم كريم وهو بيبصلها بحب وفخر: أقول إنك تستاهلين يا جميلة. أنتي مو مجرد موظفة عندي، أنتي إنسانة أثبتت كفاءتها، وأنا واثق في قدراتك. وأبيك تكونين شريكتي في نجاح الشركة، بجهدك وخبرتك.
الحاضرين بدأوا يباركوا لنور، والمستشار القانوني وضح إن الاتفاقية هتتراجع بنودها رسميا قبل التوقيع النهائي.
نور كانت فرحتها مش سايعاها، وبصت لكريم بابتسامة عريضة وهي بتقول ..
نور بابتسامة وسعيدة: والله ما توقعت منك هالمفاجأة ابدا
كريم ضحك: تستاهلين أكثر، يا شريكتي.
ضحكت نور بخجل، وبدأت تقرأ أوراق الاتفاقية باهتمام، بينما كريم كان بيتابعها بابتسامة فخور بيها.
وفي اللحظة دي، ما كانتش نور مجرد زوجة رجل أعمال ناجح… دي كانت بتبدأ خطوة جديدة في حياتها المهنية، بمكانة صنعتها بكفاءتها وثقة كريم فيها.
لكن المفاجأة دي كانت مجرد البداية … ❤️
━━━━━━━━━━━━━━━━━━━━━━
داخل كتيبة القوات الخاصة...
بعد ما انتهى أحمد من تدريباته الشاقة، توجه بخطوات ثابتة ناحية غرفته الخاصة، وملامحه باين عليها الإرهاق، لكنه محتفظ بهيبته وانضباطه المعتاد
دخل الغرفة، وخلع قبعته العسكرية وحطها على السرير، ثم مد إيده ياخد تليفونه وهو منتظر مكالمه مهمه،
فلاحظ مكالمة فائتة على الشاشة.
اتغيرت ملامحه للحظة، وفضل باصص للاسم بتركيز، قبل ما يمسك التليفون ويضغط على الرقم عشان يتصل تاني...
مسك الفون بسرعه ورن بلهفه...
أحمد بسرعه: ألو، السلام عليكم... أيوه، أنا معاك
الشخص: عليكم السلام أيوه يا أحمد بيه، أنا معايا خبر بخصوص خالد اللي حضرتك اللي قولتلي عليه .
أحمد قعد بسرعه وقال بتركيز: خالد؟ أيوة أيوة معاك كمل بسرعه
الشخص بنبره غير مطمنه : أيوه، بس الموضوع المرة دي مختلف… خالد سلم نفسه، وقرر يعترف بكل حاجة عملها، وسجل فيديو بيحكي فيه الحقيقة بالتفصيل، وبعتهولك علشان تعرف كل اللي حصل بنفسك.
أحمد عقد حواجبه بصدمة: سلم نفسه؟! وإيه اللي خلاه يعمل كده فجأة؟ لما هو هربان يعتبر
الشخص: معرفش، بس الفيديو معايا، هبعتهولك دلوقتي، وهتفهم منه كل حاجة ... كمل بقلق: بس يا أحمد بيه اللي هتسمعه ما يطمنش خالص
أحمد قلق جدا: في ايه طمني؟
الشخص بتردد: لا يشبه اسمع بنفسك انت ، سلام ..
أحمد بص لتليفونه بتركيز، وقلق جدا ..
وبعد لحظات وصلته رسالة فيها الفيديو.
وفتح الفيديو، وظهرت صورة خالد على الشاشة في فيديو ، وملامحه باين عليها التعب والندم.
خالد بص للكاميرا، وأخد نفسا عميقا، وبعد لحظات من الصمت بدأ يتكلم .. وكان قاعد على الكرسي وايدي متكلبشه ..
خالد في الفديو: أنا خالد… والنهارده قررت أقول الحقيقة كاملة، مهما كانت العواقب. الحقيقة اللي خبيتها، واللي بسببها حياة البنت إللي اسمها نور اتقلبت، واللي ميار كانت طرف فيها…
احمد بدا يسمع بتركيز وهو ملهوف يعرف مين سبب كل ده ..
خالد بصوت مهزوز: أنا النهارده قررت أقول الحقيقة كاملة، ومش هخبي حاجة تاني… أنا ظلمت بنت بريئة اسمها نور، وكنت واحد من الأسباب اللي خلت اهلها تتهمها في شرفها وعِرضها، من غير ما يسمعوا منها ولا يعرفوا الحقيقة
البنت اللي اتظلمت اهلها كتير حكموا عليها من غير ما يعرفوا الحقيقة، كانت ضحية مؤامرة مدبرة ..
أحمد بغضب شديد: اخلص كمل مين يا بني ..
وكان بيسمع وهو مستعجلع و ملهوف جدا ويموت ويعرف مين السبب ...
خالد في الفيديو بحزن شديد: والله العظيم، أنا عارف إن اللي عملته جريمة في حق بنت مالهاش ذنب، بس أنا وقتها كنت بمر بظروف صعبة، ومكنتش لاقي حتى فلوس أدفع بيها إيجار الشقة اللي ساكن فيها ومعايا قطه صغيره ما كنتش عايزها تتبهدل، وده خلاني أوافق على حاجة عمري ما كنت أتخيل إني أعملها.
سكت خالد لحظة، وبعدين كمل: انا بتمنى الفيديو ده يوصل لحد من عيله السيوفي ويسمعه ويعرف الحقيقه بقى علشان ضمير يرتاح ،
في يوم كنت قاعد على قهوة، وفجأة جتلي واحدة اسمها ميار محمد . قعدت قدامي وقالتلي إنها عايزاني أعمل مقلب كبير في بنت اسمها نور، مقلب عبارة عن فتنة تخلي أهل البيت كلها تصدق عنها كلام مش حقيقي، وتشوه سمعتها، والكل يصدق إنها غلطانة.
أحمد هنا اخد صدمه كبيره، وعاد فيديو مره ثانيه وبقا يسمع ، وهو مش مصدق ..
اسمها ميار محمد
كمل خالد في الفيديو: سألتها وقتها: انتى عايزة تعملي فيها كده ليه؟ قالتلي إن دي حاجة تخصها، وإن كل اللي يهمني أنفذ اللي بتطلبه، وفي المقابل هاخد مبلغ من الفلوس يخليني أحل مشاكلي.
خالد نزل عينيه للأرض، وصوته بقى أضعف: وأنا من غبائي وطمعي في الفلوس، وافقت! وافقت أظلم بنت بريئة علشان شوية فلوس، ومفكرتش للحظة إن البنت ممكن تدفع تمن اللي عملته طول عمرها. ساهمت في نشر الكدب، وخليت أهلها تصدق اتهامات باطلة في حقها، وأنا النهارده جاي أعترف بكل ده، ومستعد أتحاسب على كل كلمة قالتها وكل حاجة عملتها.
رفع خالد عينيه للكاميرا، وقال بحسم: دي الحقيقة كاملة زي ما حصلت، وأنا مستعد أقول كل التفاصيل قدام جهات التحقيق، وميار لازم تتحاسب على اللي عملته، وأنا كمان أتحاسب على ظلمي لنور.
أحمد بصدمه وغير استوعاب:إيه؟ ميار اختي؟
قالها بصوت مخنوق، وهز راسه بعدم تصديق، قبل ما يعيد الجزء اللي خالد ذكر فيه اسمها.
أحمد بصدمه:لأ… لأ، مستحيل! إزاي؟! إزاي ميار تعمل كده؟
قام من مكانه فجأة، وبدأ يتحرك في الغرفه بخطوات متوترة، وعقله بيرجع بيه لذكريات كان فاكرها حقيقة، وطلع وراها سر كبير!
وفجأة، بدأ شريط الذكريات يتسحب قدام عيونه…
افتكر ميار في كل لحظة وهي واقفة قدامه، بتبصله بملامح مليانة غضب وغل، وبتتكلم بثقة وهي بتحاول تشككه في نور.
ميار: أحمد، إنت لسه مصدق نور؟! دي بتكلم واحد من ورانا، وإنت آخر واحد يعرف
افتكر نظراتها وهي بتقرب منه وتكمل كلامها من غير ما تديله فرصة يفكر.
ميار بغل: فوق بقى يا أحمد نور مش زي ما إنت فاكر، دي بتضحك علينا دي زيها زي ابوها،
ميار: نور هي السبب في موت شهد هي سبب يا احمد دي إنسانة أنانية، ومش فارق معاها غير نفسها
ورجعت نبرة صوتها تتردد في ودانه، بنفس الاتهامات اللي كانت بتكررها كل مرة، لحد ما خلته يشك في نور، ويصدق إن البنت اللي قدامه مش بريئة زي ما كان فاكر.
ميار: نور كدابة يا أحمد! نور فيها العبر كلها، وإنت هتندم لو فضلت تدافع عنها
رجع أحمد للحاضر…
وقف مكانه فجأة، وحط إيده على راسه، وعيونه مليانة صدمة وحزن من نفسه.
تذكر فجأة لما كانت بتصرخ، وتقولهم انا مظلومه معرفش الشحن ده ..
ضرب بإيده جامد بعصبية، وصوته خرج محمل بالغضب: إزاي قدرتي تعملي كده؟! إزاي قدرتي تظلمي نور بالشكل ده، وتخليني أصدق عنها كل الكلام ده؟
سكت لحظة، وبص لتليفونه اللي لسه الفيديو مفتوح عليه، قبل ما يتمتم بحزن ..
أحمد بحزن وصدمه : ليه كده يا ميار ليه حرام عليكي يا شيخه تخلينا نجي عليها بالشكل ده حرام عليكي . ربنا ينتقم منك يختي
نزل راسه، وأخد نفس طويل، لكن الصدمة كانت أكبر من إنه يقدر يستوعبها بسهولة.
الحقيقة ظهرت أخيرا… لكن أحمد اكتشف إن أكتر حاجة وجعته مش بس إن ميار كذبت عليه، إنما إنه ممكن يكون ظلم نور بنفسه لما صدقها . وان الكل صدقها وظلمها وما ادهاش فرصه تبرر ..
رفع عيونه تاني، واتغيرت ملامحه من الذهول للجدية، وقال بتوعد ...
أحمد بتوعد وقلب مليان غل من ميار: انا اللي هنتقم منك يا ميار ، وهدوقك بدل الوجع وجعين على اللي عملتي في نور ده..
━━━━━━━━━━━━━━━━━━━━
في منزل السيوفي
كان البيت مليان سعادة وضحك وهزار، وكل ركن فيه فيه حركة واستعدادات لاستقبال ميار، وكأنت أميرة وسميره وامال وشهد بتجهز لفرح مش مجرد رجوع بنتهم للبيت.
في المطبخ، كانت أميرة واقفة قدام الرخامة، مشغولة في تحضير المحشي بكل أنواعه؛ ورق عنب وكوسة وباذنجان وكرنب، وصوابعها بتتحرك بسرعة وهي بتحشي، وكل شوية تبص على الحلة ... وكانت من الوقت لثاني بتطمن . علي الفراخ اللي في فرن .
وقالت وهي بتضحك أميرة ..
أميرة: يا جماعة، محدش يقرب من المحشي ده غير لما ميار تيجي، أنا عاملاه مخصوص علشانها و الفرخ
أما أمال، فكانت واقفه في جنب الثاني ، بتحضر صواني الحلويات، من البسبوسة والكنافة لحد الجاتوه، وهي بتظبط آخر صينية بابتسامة مش قادرة تخفيها.
أمال بفرحة: البنت دي وحشتني أوي، نفسي أشوفها داخلة عليا وأضمها لحضني
أميرة بابتسامة سعيده: أن شاء الله توصل علي خير يارب
امال : أمين أمين
وفي الصالة، كانت سميرة بتفرش المفارش الجديدة، وتظبط الستائر، وتحط فازات الورد على الترابيزات، وكل شوية ترجع خطوة لورا تتأمل شكل البيت وتضحك ..
وكانت شهد بتظبط اوضه ميار ..
وفجأة...
رن جرس المنزل.
شهد نزلت من اوضه ميار بسرعه،
وراحت تفتح الباب، لتتفاجأ بمندوب واقف قدامها، شايل بوكيه ورد ضخم، متغلف بورق أنيق، والورد الأحمر و الأبيض متداخلين بشكل يخطف العين.
المندوب: أوردر ورد لحضرتك، يا فندم.
شهد بدهشة واعجاب: واوووو تحفهههه ...
وكان بوكهاين ورد مش واحد بس ..
شهد استلمت البكاءات، وفتحت الكارت الصغير المرفق بيه،
سميرة قريت منها بابتسامة : إيه يا شهد الاوردر وصل ؟
شهد بصتلها بسعادة: في اه يا مرات عمي ، بصي حلوين ازاي جامدين جدا ..
اخدت سميرة وبدات تتفرج عليهم وهي مبسوطه جدا ..
شهد بابتسامه: تعالي تعالي يا مرات عمي ، نفرج ماما ومرات عمي على الاوردر ...
وكان اليوم ده اسعد ليله في حياتهم .. في وسط ضحك وهزار وسعاده في قلوبهم ...
━━━━━━━━━━━━━━━━━━
♡ حــكــايــة بــقــلــم الــكــاتــبــة نــور ربــيــع NR ♡
━━━━━━━━━━━━━━━━━
مع دخول المساء في المملكة العربية السعودية...
كان الهدوء بيغلف المكان، وأضواء الشوارع بدأت تنور الطرقات، والسماء اكتست بلون الغروب الساحر.
خرجت نور بخطوات هادية، وركبت عربيتها، قفلت الباب وشغلت المحرك، وبعدها اتحركت بعربيتها الفخمة وانطلقت على الطريق، وعيونها ثابتة قدامها، بينما أضواء المدينة بتنعكس على زجاج العربية، وملامحها كانت غامضة، كأن ورا الهدوء ده حكاية لسه محدش يعرف نهايتها...
كانت نور سايقة عربيتها على الطريق، وعيونها ثابتة قدامها، لكن عقلها كان في مكان تاني خالص... ذكريات كتير بدأت تهجم عليها من غير استئذان، ووجع حاولت تدفنه جواها رجع يفتح جروحها من جديد.
فجأة، لمعت الدموع في عيونها، وشريط ذكرياتها بدأ يعدي قدامها...
فلاش باك...
صوت ميار وهي بتطلع اسوء ما عندها ليها ،كانت بتوجعها وبتاذيها جدا وبتزرع الشك في قلوب عائله السيوفي ناحيتها، وبتشوه صورتها قدام كل اللي بتحبهم... كل كلمة، وكل موقف، وكل لحظة اتظلمت فيها كانت بترجع قدام عيونها كأنها بتحصل قدامها حالياً .
━━━━━━━━━━━━━━ فلاش باك
وقفت نور قدام المراية، وعيونها معلقة بانعكاس صورتها، وهي ذكرياتها السودا معلقه في دماغها
...و كل كذبة، كل خيانة، وكل لحظة انكسرت فيها بسبب ميار.
انهارت دموعها، وملامحها اتبدلت من الحزن لقسوة مخيفة، وهمست بصوت مرتجف وهي بتبص لنفسها ..
نور بتوعد بالانتقام : ميار... والله ما راح أخليك تفلتين من اللي سويتيه فيني... أقسم بالله لأخليك تندمين على كل دمعة نزلت من عيوني
وفجأة، ضربت المراية بإيدها الاتنين، فاتحطمت وتناثر الزجاج، ووقعت نور على الأرض وهي بتتأوه من الألم، والدم بدأ يسيل من إيدها.
في اللحظة دي، انفتح الباب الجناح بسرعة
دخل كريم وسارة، وأول ما شافوها على الأرض، جري كريم ناحيتها وهو مخضوض عليها ....
كريم : جميلههههه يا الله، وش سويتي بنفسك ؟
نزل جنبها يحاول يساعدها، وسارة جرت عليها وهي بتقول برعب ..
ساره بخضه ودموع عليها :يا عمري جميله انتي بخير.؟
أما حياة، فوقفت عند الباب، وأول ما شافت نور بتبكي والدم على إيدها، انفجرت في العياط وهي بتنادي برعب .
حياه:ماماااا! ماما!
وفي وسط صراخهم وخوفهم عليها، كانت عيون نور لسه معلقة بكل وأحد فيهم وهي متحطمه تماما ... وكأنها قررت إن قلبها اللي اتكسر، مش هيرجع زي الأول أبدًا.
بعد شوية...
كانت نور راقده على السرير، وايديها ملفوفة بالشاش، ودموعها بتنزل في صمت، وعيونها معلقة بالسقف من غير أي تعبير . وهي مصدومة حرفيا من وقت ما الذكرى رجعت ولقيت كل ده قدامها .
كانت ساره قاعده جنبها، تمسح على شعرها بحنان، بينما كريم واقف قريب منهم وملامحه مليانة قلق، وحياة الصغيرة راقده في حضن نور وهي بتبص لنور بعيون مليانة دموع.
قالت سارة بصوت حنون: يا جميله، تكفين يا قلبي، كلمينا... قوليلنا وش اللي مضايقك، لا تكتمين كل هالوجع بقلبك.
اقترب كريم منها وقال بهدوء: جميله، شوقي شو يا اللي مضايقك،احكي شوفي .؟ تكفين لا تسكتين كذا، خوفتينا عليكي.
حياة وهي نايمه في حضنها ببراءة : ماما، لا تبكين...
غمضت نور عيونها بقوة، ولفت وشها الناحية التانية، من غير ما تنطق بكلمة واحدة ، وكانت كلمه حياة لمست قلبها .
لكن جواها، كان فيه شيء بيتغير... الوجع اللي كسرها بالأمس، بدأ يتحول لقرار، ودموعها اللي نزلت من شوية كانت آخر دموع ضعف تسمح لنفسها بيها.
«كفاية يا نور... كفاية ضعف، كفاية ما كنتي تسكتين عن حقك. من اليوم، ما راح أكون نفس الإنسانة اللي عرفوها... راح أتغير، وراح أصير أقوى من كل اللي حاولوا يكسروني. وميار... حسابك معي ما انتهى!»
فتحت نور عيونها ببطء، ومسحت دموعها بايدها من فوق الشاشه ، واتغيرت نظرتها تماما... نظرة هادية، لكنها كانت تخفي وراها قرارا لا رجعة فيه.
ومن اللحظة دي، بدأت نور صفحة جديدة... صفحة عنوانها القوة، واسترداد الحق، ومفاجآت محدش كان يتوقعها.
انحنت نور وباست راس حياة بحنان، وضمتها لحضنها للحظات، وكأنها بتحاول تستمد من براءتها القوة اللي محتاجاها.
وبعدها رفعت عيونها وبصت لكريم، ورسمت على وشها ابتسامة بريئة، ابتسامة كانت بتخبي وراها وجع كبير، وعيون بتحكي حكايات كتير محدش قدر يفهمها.
━━━━━━━━━━━━ العوده الى الواقع ...
نزلت دمعة من عين نور بوحع، وبعدها دموعها انهمرت بصمت، وإيديها اتشدت على عجلة القيادة، وهي بتحاول تتمالك نفسها، لكن الوجع كان أكبر من قدرتها على التحمل.
همست بصوت مكسور، وهي بتبص للطريق من ورا دموعها ..
نور بكرهه ليها: ليه يا ميار؟ ليه عملتي فيا كل ده؟ أنا أذيتك في إيه علشان تكسري قلبي بالشكل ده؟
سكتت، وشفايفها ارتعشت وهي بتحاول تمنع شهقاتها، لكن دموعها فضحت الوجع اللي جواها.
كانت نور سايقة وسط أضواء الطريق، لوحدها تماما... محدش شايف دموعها، ولا حاسس بالوجع اللي مستخبي ورا ملامحها الهادية.
وفي اللحظة دي، مسحت دموعها بإيد مرتعشة، وأخدت نفسا عميقا ، لكن قلبها كان لسه موجوع...
لأن أصعب وجع مش إن حد يكرهك، أصعب وجع إن حد يظلمك، ويخليك تدفع تمن ذنب إنت معملتهوش.
━━━━━━━━━━━━━━━━━━━━━━━━━━━━
في منزل هاني...
سكن الهدوء أرجاء المنزل، وفي جوف الليل، كان هاني وأمينة واقفين يصلوا قيام الليل، وكل واحد فيهم شايل وجع أكبر من قدرته على الاحتمال.
سجد هاني، ونزلت دموعه وهو بيرفع قلبه لربنا، يدعي لبنته بصوت مبحوح ..
هاني:يارب، بنتي أمانة عندك، احفظهالي بعينك اللي مبتنامش، وطمن قلبي عليها، وردها ليا سالمة يا رب، أنا ماليش غيرك يا رب ورجعها عليا بالف خير واجيبلها حقها يا رب ..
أما أمينة، فكانت دموعها بتنزل على سجادة الصلاة، وهي بتدعي لنفسها بالمغفره وبتدعي لاخوها من قلب موجوع ..
أمينه بدموع وجع:يارب، أخويا حبيبي ملوش غيرك، يارب فك كربه، وفرج همه، وطلعه من الضيقة اللي هو فيها، وردله راحة باله، يارب متكسرش قلب أخت على أخوها، أنا ماليش غيرك ألجأ لي يا رب
وسامحني يارب سامحني وردني اليك ردا جميلا
وفي اللحظة دي، اتعالت شهقات أمينة وهي ساجدة، بينما هاني كان بيحاول يكتم بكاءه، وكل واحد فيهم بيسأل ربنا الفرج في وجعه.
فسبحان من يعلم ما تخفيه القلوب، ويسمع دعاء لا يسمعه أحد، ويرى دموعا لا يراها بشر...
بعد شويه كانت امينه ماسكه المصحف بتقرا فيه ...
فجأة صوت البنوته عيطت ..
قفلت المصحف ، وقامت بابتسامة حملتها اخدتها في حضنها ..
أمينه بابتسامة بهتانه: يا عمري صحيتي يا مزعجه ..
ثم ضحكت بخفه ..
اما هاني ، في الوقت راقد على السرير .. وهو بيتنهد
هاني بحزن شديد: ادعي لنور ترجع يا امينه نور اتاخرت أوي علينا . مفيش أمل أنها ترجع ...
بصتلها امنيه أمينه دموعها نزلت فجأة بحزن .
اقتربت منه وقعدت وهي حامله طفله وقالت بصوت حنين لكن مليان حزن ..
أمينه: بدعي والله العظيم بدعيلها هي ومهران ان شاء الله هتفرج وهيجوا الفرحه تدخل على حياتنا بوجودهم. والدنيا هترجع تضحك لينا من تاني يا هاني ...
هاني بحزن واضح: يارب يارب ..
قرب من من الطفله قبل رأسها بحنان وحب .
━━━━━━━━━━━━━━━━━━━━━━━━
في منزل عائله السيوفي ...
كانت العائله بتستعد لرجوع ميار الى القاهره في الوقت ده .
وكانت السعاده مش ساعياهم ..
نزلت شهد بسرعه وفي ايدها الهدايا وكانت مجهزه نفسها وهي سعيده ..
كانت أميرة بتلبس نقابها ،
شهد بسعاده: انا خلصت
محمد بابتسامة: خلصتي يا شهد.
شهد: اه يا عمي ..
أميرة؛ وانا كمان .
امال طلعت بابتسامة من المطبخ وقالت ..
آمال: شهد اتصورا كتير عشان اشوف الصور وانتوا في المطار .
شهد بابتسامة سعيده: حاضر يا ماما
عبدالله: طيب يلا بينا فين وليد ...
جه صوت وليد بسرعه: انا اهو جيت ..
وضحك بابتسامة: خلصت اول واحد انا قاعد مستنيكم فوق ..
سميرة ضحكت: اهم حاجه بلاش تلقيع هاتوها وتعالوا على طول انا بقى احنا مصدقنا نزلت القاهرة هنموت ونشوفها
امال ضحكت: اه الاكل كمان هيبرد .
أميرة بضحكه و ابتسامه:لا مش هنتاخر جهزو السفره لحد ما ناجي بقى
سميرة بابتسامة: أن شاء الله علي خير ترجعون بسلامه يارب
محمد: أمين
امجد: طيب و أحمد ما قالش هيقابلكم في المطار ولا حاجه يا جماعه؟
محمد وهو بيتنهد : ما افتكرش انه يجي عشان كلمته الصبح قال إنه مش حابب يجي ..
وليد بسرعه: لحظه احمد جاي
الكل هنا تفاجئ من القرار ده انه احمد جاي يقبل ميار في المطار ...
أميرة بدهشة: بجد؟
سميرة عبد الله باستغراب: أيوه بس هو قال لينا الصبح أنه مش جاي
وليد: لا بطمن وهو كلمني من شويه واسال على طياره ميار امتى وقال انه هيقابلنا في المطار ..
محمد فرح: طيب حلو والله الحمدلله
شهد بستعحل: طيب يلا يا جماعه بقى همووووت واشوف ميار بسرعه ...
الكل ضحك وجواهم سعاده عارمة جدا جواهم...
آمال بتحذير: شهد اوعى بتنططي او اي حاجه علشان الحمل
شهد: حاضر يا ماما ما تقلقيش ..
عبدالله بصلها وقال: هي تقدر تتنطط ولا تتحرك وانا معاها براحتها ..
ضحكت شهد بخفه: اممم نسيت بابا أنه معايا
واتجاهوا ناحيه الباب محمد وعبد و امجد الله وليد وأميرة وشهد على المطار يستقبلوا ميار ...
━━━━━━━━━━━━━━━━━━━━━━━━━━━
في جوف الليل، كان أحمد واقف بيصلي قيام الليل، والتعب باين على ملامحه، وقلبه شايل وجع أكبر من قدرته على الاحتمال. وصدمات كبيره في اقرب الناس لي ...
وبعد ما خلص صلاته، رفع إيده للسما، وهو بيدعي بصوت ضعيف ..
أحمد بتعب وخنقه: يا رب، إنت العالم بالحقيقة، وإنت اللي شايف اللي بيحصل في الدنيا ، يارب وانت العالم و شايف الظلم اللي حصل لنور... يا رب رجعها لينا سالمة، ودلني على مكانها، وقويني لحد ما أرجعلها حقها وأكشف كل ظالم. يا رب، أنا مش هرتاح غير لما أشوفها بخير، وحقها يرجعلها قدام عيني زي ما ما ظلمناها وجعناها...
سكت احمد لحظة بخنقه كبيره، لكن الحزن فضل ساكن في عيونه وقلبه ،
أحمد بتوعد و بإصرار: أقسم بالله يا نور، مش هسيب حقك يضيع... وهفضل أدور عليكي لحد ما أوصلك، حتى لو الدنيا كلها وقفت في طريقي. ولاجيبلك حقك حتى لو ميار اختي هجيبلك حقك منها برضو .
وفي لحظة دي، كان أحمد أخد قراره... مش هيسكت عن الظلم تاني، ومش هيرتاح غير لما الحقيقة تظهر.
قام بسرعه طلع وهو محضر نفسه ، لرحله دي بعد ما اخد الاذن من الرائد .
لبس جاكيته الجلد الأسود، وظبط ساعته في إيده، وبعدها حط الكاب الأسود على راسه، وأخد مفاتيح عربيته وتليفونه، وقفل باب أوضته وراه. نزل بخطوات ثابتة، وركب عربيته، وشغل المحرك، وانطلق وسط الطريق، وملامحه جامدة وعيونه مركزة قدامه، و كان وخد قرار هيغير كل حاجة.
━━━━━━━━━━━━━━━━━━━━━━━━━━━━
في مطار القاهرة الدولي…
كانت الساعة تقريبا داخله على 3:00 بليل، وصالة الوصول مليانة مسافرين راجعين من رحلات مختلفة، وكل شوية باب الخروج يفتح على ناس شايلة شنطها، وعيون بتدور وسط الوجوه على أهلها اللي مستنيينهم.
كان وليد واقف جنب عمه محمد و أبوه وعمه عبد الله وأميرة جنبها شهد،
وكل واحد فيهم عيونه على باب الخروج، مستني اللحظة اللي ميار تظهر فيه..
أميرة ملهوفه علي ميار ، كانت كل شوية تبص على شاشة الرحلات، وبعدين ترجع تبص ناحية البوابة بقلق
أميرة بقلق: هي الطيارة وصلت من بدري، أثمال ميار اتأخرت ليه؟
وليد ابتسم وهو بيطمنها: اهدي يا مرات عمي، أكيد بتخلص إجراءات الوصول وبتستلم شنطها، مسألة وقت وهتطلع.
اما شهد، فكانت واقفه هتموت من السعاده جواها منتظره ميار تظهر قدامها بفارغ الصبر وهي في أيدها بوكيه الورد الكبير، وعيونها كانت ثابتة على البوابة،
لحد ما لمحت حركة المسافرين بدأت تزيد، وناس خرجت وهي بتجر شنط السفر وبتدور على اللي مستنيها.
وفجأة…
ظهرت ميار ...
شهد صرخت بدموع سعادة: مياااار اهيي .
ابتسمت من قلبها ميار، و السعادة ماليه قلبها ...
و كانت لابسة لبس سفر أنيق، وبتجر وراها شنطتها، وعيونها بتدور وسط الناس لحد ما شافت أهلها واقفين بعيد شوية.
في اللحظة دي، وشها نور بابتسامة واسعة، وسابت الشنط للحظة وهي بتسرع خطواتها ناحيتهم.
ميار بصوت عالي: مامااا شهد
وبقيت تشاور بايده عليهم ،،
وهنا شهد طلعت تجري عليها وهي طايره من السعادة ..
وهما الاتنين اترمو في حضن بعض جامد ، وكل واحده فيهم دموعها كانت نازله علي خدها . من لحظه لقاء اللي ما بينهم
شهد بدموع: وحشاني اوي يا ميار وحشاني اوي والله العظيم
ميار بدموع وفرحه جواها؛ انتي أكتر يا روح قلبي ..
وسلمت في أيدها بوكيه ورد ..
ميار ضحكت بفرحه ودموع في عيونها: يروح قلبي شكرا . وباست خدها بحب ..
أميرة اقتربت منها ، مدت إيديها ليها وجريت عليها، وميار ارتمت في حضنها بقوة، ولفت إيديها حوالين رقبتها، كأنها كانت مستنية اللحظة دي من مده طويله .
أميرة بدموع وهي بتحضنها وبتبوسها على خدها: حمد لله على السلامة يا ميار وحشتيني وحشتيني يا حبيبت قلبي
ميار وهي بتضحك وبتبوسها: وانتي كمان يا ماما، وحشتيني أوي
محمد قرب منهم، وملامحه مليانة فرحة، فميار خرجت من حضن أمها ورمت نفسها في حضنه، وهو ضمها لصدره وباس راسها.
محمد بحنان: نورتي القاهرة يا بنتي، البيت هينور بوجودك من الليله يا ميار
ميار بدموع: وحشتني يا بابا يا حبيبي اوي
محمد اخد نفس طويل بابتسامة: الله يسلمك يا نور عيني ..
قرب وليد بخطوات بطيئه جدا ، وابتسامه والفرحه مرسومة على ملامحه ،
كان شايل بوكيه ورد ضخم، وقال بابتسامة كلها حب وشوق ليها ..
وليد بابتسامة: حمد لله على سلامتك يا دكتوره ميار نورتي بلدك برجوعك…
بصت ميار للورد بدهشة، وحطيت أيدها على فمها وهي سعيده جدا وقالت بابتسامة مليانة فرحة ..
ميار بسعادة: كل ده عشاني أنا؟
وليد بابتسامة حب: طبعا عشانك إنتي … ولسه الرجوع ليه حكايات حلوة كتير.
شهد ضحكت بسعادة: يا سلام علي الحلاوه ...
وقربوا منها اعمامها وسلموا عليها ..
يتصوروا وكانوا مبسوطين جدا وكانوا كلموا امال وسميره فيديو في البيت ...
عبدالله بابتسامة: القاهره نورت بيكي يا غاليه .
ميار بصتله بابتسامة: دا منورة بوجودك يا عمو طبعاً
وليد بابتسامة سعيده: دي مش نورت بس دي الضحكه رجعت من تاني لينا
ميار بصتله بحب وهي سعيده جدا انه وهي شايفه قدام عيونها ... .
امجد بابتسامة: ربنا يحفظك يا ميار ويبعد عنك اي حاجه وحشه يا بنتي
ميار بابتسامة: تسلم يا عمو ربنا يخليك لينا ...
شهد طلعت فونها من الشنطه وقالت بابتسامة: وليد ميار ، تعالو جنب بعض علشان نصوركم صوره ..
ميار بسعادة: تمام يا حبيبتي ...
وقربوا من بعض ، لكنهم في ما بينهم مسافه كبيره طبعا وتصورو سوا ..
شهد: عمو محمد تعال انت ومرات عمي في وسط ميار ...
وبالفعل اتصوروا الصوره بالوضعيه دي ..
وبعد كده تصور وصوره كبيره جدا كلهم عائليه ... وهما مبسوطين جدا .
أمجد باستغراب: أحمد أتأخر كده ليه؟
عبدالله: مش عارف الظاهر كده مش جاي ..
وليد طلع فونه : هرن عليه لحظه ..
شهد هي وميار كانو واقفين يتصوروا وهما مبسوطين جدا بالحظات الجميله دي
━━━━━━━━━━━━━━━━━━━━━━━━━━━━
فجأة، وقفت عربية سوداء فخمة قدام المطار، ونزل منها شخص بخطوات ثابتة، ملامحه جامدة وعيونه شايلة أسرار محدش يعرف عنها حاجة.
دخل المطار وسط الزحمة، لحد ما وقعت عيونه على ميار وعيله السيوفي ،
وفجأة صوته دوى في المكان، وهو بينادي بغموض ...
"الشخص مــــيار .
اتجمدت ميار من الخضه مكانها، واختفت الابتسامة من على وشها،
بينما الكل لف ناحية الصوت بصدمة، وعيونهم اتسعت بمجرد ما شافوا الشخص اللي محدش كان يتوقع ظهوره
شهد بصتله بعيون مليانه وجع وحزن ..
━━━━━━━━━━━━━━━━━━━━━━━━━━━
من الاحداث القادمه ..
كانت ميار قاعدة لوحدها في أوضتها، ضامة رجليها لصدرها، ودموعها بتنزل في صمت، وعيونهاا مليانة خوف من اللي جاي. لأول مرة تحس إنها ضعيفة ومهزومة، وإن كل حاجة كانت بتتمناها ممكن تضيع منها في لحظة.
وفجأة، رفعت عيونها لما سمعت صوت وليد قدامها، واقف بيبصلها بعتاب وضعف جواه، وقال بصوت مكسور ..
وليد بنبره صوت مليانه عتاب قتل: ليه يا ميار؟ ليه كده؟ ليه الظلم والوجع ده كله؟
اتجمدت ملامحها، وشهقتها اتقطعت، ولفت راسها وراها ببطء، ولما شافت اللي واقف قدامها، عينيها اتسعت بصدمة، وكأنها شافت نهايتها بعينيها!