رواية حب المراهقة بقلم نور ربيع
رواية حب المراهقة الفصل الثاني والثلاثون32 بقلم نور ربيع
ليلى كانت واقفه قصاد مكتب وليد، ودموعها بدأت تنزل وهي بتبصله بحزن،
بينما وليد كان قاعد مكانه مستني يسمع منها رد فعل عن اسم نور لما سمعو منها، من غير ما يتخيل إن الكلام اللي جاي هيقلب حياته.
وليد بعدم فهم: مالها نور ..؟؟ إنتي تعرفي حاجه عنها او عن اختفائها ؟
ليلى بصوت متهزج: يا استاذ وليد انا صاحبه نور من حوالي سنتين ونص ، من قبل ما تعمل الحادثه نور مظلومة يا استاذ وليد... والله العظيم نور بريئة، وميار هي اللي دبرت كل حاجة علشان تطلعها من حياتك ومن حياة عيلتك .
وليد اتصدم وانفعل جد: إنتي بتقولي إيه؟! إنتي اتجننتي؟! ايه اللي انتي بتقوليه ده وانتي مين اصلا ..
ليلي بدموع وحلفان صادق: والله العظيم ميار اللي انت مرتبط بيها وبتحبها بنت عمك هي اللي عملت كل ده وانا معايا الدليل والدليل انها نور بتحبك عملت كل ده علشان خاطر بدات تتعلق فيك ، ميار دي بني ادمه جاحده وبتكره الخير اللي نوراه ومش بتحبها فعملت كل ده عشان تكرهوها علشان تمشي من حياتك يا استاذ وليد
وليد هنا حس انه في دوامه حرفيا ،،، هو بقى مصدوم من كلامها ومن رد فعلها واتهامها لميار
وليد قام من مكانه بعصبية، وخبط بإيده على المكتب.بعدم صدق
وليد بغضب: اخرسييي خاااالص ايه اللي حضرتك بتقوله ده انتي مجنونه ولا ايه ؟ إنتي عارفه ومستوعبه بتقولي ايه بظبط.؟؟ إنتي كدابه و جاية ...
ليلي باندفاع وعياط شديد: لا لا والله العظيم يا استاذ وليد قسما بالله ما بكذب وربنا شاهد على كل كلمه ..
الشخص اللي عمل كل ده في ميار انا اعرفه جدا وانا كنت مرتبطه بيه . كان ليا علاقه بيه وعرفت كل ده منه لما اتعرفت على نور ودخلتها على حياتي ولما حكيت لنور كل ده فهي عملت حادثه وراحت مع الحقيقه وهي مظلومه صدقني .؟؟
وليد ما كانش قادر يصدق حاجه نهائي من كل الكلام ده ولا قادر يصدق اي كلمه ضد ميار نهائي ودا كان هيجننو حرفيا في اللحظه دي من كلام ليلى
وليد بغضب شديد وصوت عالي: بطلي كدب يا بت انتي وخرجي بره ، انتي شكلك واحده نصابه .. انتي تعرفي انتي بتتكلمي على مين اصلا؟؟
ليلي حسيت بالهزيمه والاحباط من انه مش عايز يصدقها ..
ليلي برجاء لي : اسمعني بالله عليك وصدقني صدقني عشان هترجع تندم .. ميار اتفقت مع شخص اسمه خالد انا اعرفه جدا ولو مش مصدقني حضرتك انا هوديك لحد عنده وتساله. .. وهي حطت المخدر لنور، علشان لما الكل يدخل ويشوفهم، يفتكروا إن نور ليها حبيب وليها علاقه بيه نور ملهاش ذنب، والله العظيم ملهاش ذنب صدقني ميار هي بني ادمه حقيره وغداره .. وانا ما رضيتش اجي واقول على الموضوع ده من زمان لاني عارفه انكم مش هتصدقوني . و ... و
وليد قطعها من غير ما يديها الفرصه انها تكمل وما كانش مصدق ولا كلمه منها حرفيأ ...
وليد بغضب وبصوت عالي اخرجي بره يا بت إنتي مش عايز اشوف وشك هنا تاني ولو لمحتك هنا تاني هنهيكي من على وش الارض . وسيره بنت اللي اسمها نور دي ،، ما تجيبهاش قدامي تاني ..
ليلى بصتله بيأس وعدم امل أنه يصدقها ،
مسحت دموعها وهي بتقول آخر كلام عندها ..
ليلى ضحكت بحزن شديد: هتفتكر كلامي ده يا استاذ وليد، وهييجي اليوم اللي تعرف فيه إنك ظلمت نور بنفسك ... وساعتها مش هتقدر ترجعلها الأيام اللي ضاعت منها ..
ثم اخدت نفس طويل وكملت بثقه: وانت يا استاذ وليد خسرت واحده زي نور .. وضيعتها من ايدك وهي بتحبك كل الحب ده ورحت لواحده تانيه ما تسواش ...
وليد نادى بصوت عالي جدا هز اركان الشركه كلها ، وهو مش طبق يسمع منها ولا كلمه اكتر من كده ...
وليد بغضب شديد وصوت عالي: ياااااا اااااامن
راحت ليلى تجاه الباب .. مسكت الباب بايدها وبصيت مره تانيه لي وقالت اخر جمله.
ليلي بدموع وصدق: مش محتاجه بايه الامن والله .. انت اللي هتندم علي كل لحظه وجعت فيها بنت مظلومه انت وهلك ...
وخرجت من المكتب، وسابت وليد واقف مكانه بيتنفس بغضب، وإيده مقبوضة بشدة.
وليد بغضب وهو بيزيح الأوراق من على مكتبه: كلكم بقيتوا تتكلموا عن نور وكأنها ملاك! أنا مش عايز أسمع اسمها نهائي البني ادمه دي
لكنه، رغم غضبه، فضلت كلمات ليلى ترن في ودانه... ولأول مرة، دخل الشك قلبه، حتى لو كان رافض يعترف بده
━━━━━━━━━━━━━━━━━━━━━━━
كانت نور قاعدة على السرير، ساندة ضهرها على المخدات، وعيونها سرحانة في نقطة بعيدة قدامها، ودموعها بتنزل على خدودها ببطء من غير ما تحس بيها. إيديها كانت بتترعش بخفة، وعقلها لسه مشغول بالرؤيه اللي شافتها الغريبة اللي لمحتها، ووجع راسها مآثر عليها ..
وفجأة، باب الغرفه اتفتح ودخل كريم وسارة وحياة، لكن أول ما عينيهم وقعت عليها، خطواتهم وقفت، خصوصا لما لاحظوا دموعها وسرحانها.
سارة بقلق وهي بتقرب منها بسرعة: جميله يا قلبي، وش فيكي؟ ليه تبكين؟
حياة قعدت جنبها على السرير، ومدت إيدها تمسح دموعها بحنان.
حياة بخوف: مامي حبيبتي، وش صايرلك؟ تكلمي، خوفتين عليكي؟
كريم قرب منهم بسرعة، وملامحه اتغيرت أول ما شاف حالتها، وقف قدامها وبصلها بقلق شديد.
كريم بلهفة: جميله انتي بخير؟ فيكي شيء شوفي؟؟
نور انتبهت لوجودهم، ومسحت دموعها بسرعة وهي بتحاول ترسم ابتسامة صغيرة على وشها، لكن عيونها فضحتها.
نور بصوت مهزوز: مو في شئ ... أنا بس دوخت شوية، لا تقلقون عليا
كريم قلق عليها ... قعد جنبها عشان يطمن عليها ..
كريم بقلق: دوخة شو بس يا جميلة؟ انتي تبكين ووجهك شاحب، أكيد فيه حاجة مضايقتك، احكيلي الحين شوفي.؟
نور هزت راسها بالنفي، ودموعها رجعت تتجمع في عيونها، فوطت وشها عشان تخبيها عنهم.
نور بضعف: والله مو في شئ صدقني... بس تعبانة شوي ومحتاجة أرتاح يا كريم .؟
سارة بصتلها بحزن، ومسكت إيدها بين إيديها. .
سارة بصتلها بحنان، ومسكت إيدها بين إيديها.
سارة بحنان: طيب يا حبيبتي، بس لا تخوفينا عليكي كذا مرة ثانية، لو فيكي شيء قوليلنا، إحنا جنبك.
حياة حضنتها من جنبها، ونور اخدتها في حضنها ..
بينما كريم فضل باصصلها بعدم اقتناع، حاسس إن فيه حاجة أكبر من مجرد دوخة، وإن جميلة بتحاول تخبي عنهم وجع مش قادرة تحكي عنه.
كريم بهدوء وهو بيبصلها في عيونها: طيب، ارتاحي الحين، يا جميلة بس أنا مو راح اتركك لحالك، اتفقنا؟
نور هزت راسها بخفة، ورجعت تسند ضهرها على السرير، بينما سارة وحياة فضلوا جنبها يطمنوا عليها.
ساره بضحك ومرح:الظاهر هيك إننا انحسدنا يا جميلة .؟؟
نور ضحكت بخفه: حاسه هيك .. بس لا تشيلين هم، ما راح نرحم تركيا ولا اسطنبول برضو، وبننبسط زي ما إحنا، وبنطلع من هنا الليلة إن شاء الله.
حياه انبسطت جدا: هيهييهيي مبسوطه كتير ...
نور باست خدها بحنان: يا حياتي إنتي
ساره ضحكت بابتسامة: أن شاء الله يا جميلتي ...
كريم حس بسعادة كبيرة جواه وهو شايف جميلة قدامه اتكلمت وضحكت ، وكأن ضحكتها رجعت الروح لقلبه من جديد. ابتسم من غير ما يحس، وعيونه فضلت متعلقة بيها، حامد ربنا بينه وبين نفسه إنه شافها بالفرحة دي، وإنها بدأت ترجع لطبيعتها من تاني .
━━━━━━━━━━━━━━━━━━━━━━━
ليلي كانت ماشية في الشارع ودموعها مغرقة وشها، وقلبها موجوع من نفسها، حاسة بالعجز لأنها مقدرتش تعمل أي حاجة علشان خاطر نور. مسحت دموعها بإيديها، وحاولت تتمالك نفسها وهي بتكمل طريقها،
فجأة ...
عيونها وقعت على حاجة خلتها تتجمد مكانها.
نار كانت طالعة من بيت خالد، والدخان الأسود مالي المكان
ليلي بصت للبيت بصدمة، وعيونها اتسعت وهي بتحط إيديها على بقها.
ليلي بصدمة ودموع: نار!؟ يا نهار أبيض! النار طالعة من بيت خالد اخته لميس .. جوه البنت ، وهو أكيد مش موجود
من غير ما تفكر لحظة، جريت ناحية البيت بكل قوتها، ودموعها بتنزل بغزارة، وفضلت تخبط على الباب بعنف وهي بتصرخ بأعلى صوتها.
ليلي برعب: لــمــيــس لــمــيــس افتحي يا لــمــيــس ردي عليااا
لكن مفيش أي رد.
صوت صراخ ليلي بدأ يجذب انتباه الناس، وفي ثواني الشارع كله اتقلب، والناس اتلمت قدام البيت، وكل واحد بيحاول يعرف إيه اللي بيحصل.
ليلي كانت بتخبط على الباب بإيديها وهي بتعيط بانهيار.
ليلي بصوت مبحوح وصرخه: الحقوووني يا ناس! البنت جوه! لميس جوه اخت خالد ومش بترد عليا! لازم نفتح الباب، البنت هتموت جوه
واحد من الرجالة قرب منها بسرعة، وحاول يفتح الباب، لكنه كان مقفول بإحكام، والنار بدأت تزيد، والدخان بقى أكتر وأكتر.
راجل من الناس بص حواليه بقلق: ابعدوا عن الباب يا جماعة! لازم نطلب المطافي بسرعة
ليلي صرخت فيه وهي بتشاور على البيت: اتصلوا بالمطافي! حد يتصل بالمطافي! والبت جوه، حرام عليكم، الحقو لميس
وبدأت تضرب على الباب تاني، وصوتها بيتكسر من العياط.
ليلي بانهيار وصرخه: ياااا لــمــيــس
وفجأة، وسط الدوشة وصوت الناس، وصل لودنها صوت خافت جاي من جوه البيت...
صوت خبط ضعيف على الباب الداخلي، وراه صرخة مكتومة
ليلي سكتت لحظة، ورفعت راسها بصدمة، ودموعها وقفت في عيونها.
ليلي برعب: لــمــيــس؟! لــمــيــس انتي جوه؟! ردي عليا يا حبيبتي
الصوت اتكرر، أضعف من الأول، وكأن اللي جواها بتستغيث بآخر قوتها.
ليلي حطت إيديها على الباب وصرخت بكل صوتها ..
ليلي بانهيار: لــمــيــس اصبري يا لــمــيــس والله ما هسيبك هنطلعك من هنا يا حبيبتي . منه الله اخوكي الشيطان اللي سايبك لوحده طول الوقت منه لله ربنا ينتقم منه ..
وفي اللحظة دي، واحد من الجيران جري وهو بيصرخ إن المطافي والإسعاف في الطريق، بينما اتنين من الرجالة بدأوا يحاولوا يفتحوا الباب، وليلي واقفة مش قادرة تبطل عياط، وعيونها متعلقة بالنار، وكل اللي في دماغها إنها لازم تنقذ اخت خالد قبل ما يفوت الأوان.
━━━━━━━━━━━━━━━━━━━━━━
♡ حـكـايـة بـقـلـم الـكـاتـبـة نـور ربـيـع NR♡
━━━━━━━━━━━━━━━━━━━━
عند وليد في شركته ..
كان وليد قاعد في مكتبه، ساند ضهره على الكرسي، وملامحه باين عليها الضيق. كلام ليلي كان لسه بيتردد في دماغه، وكل ما يحاول يشغل نفسه في الشغل، يلاقي نفسه سرحان فيه من جديد. لكن ما كانش بيحاول يفكر مع نفسه لمجرد تفكير انه يصدق اي كلمه على ميار .
مسك تلفونه وفضل يبص فيه شوية، لحد ما فتح الاكونت ، ودخل علي صفحه ميار . ورن عليها،
وقال يمكن صوتها يخفف عنه الخنقة اللي جواه.
ميار ردت بابتسامة وهي بتتكلم معاه، ووليد أول ما سمع صوتها، ابتسم ابتسامة خفيفة رغم ضيقه.
ميار بابتسامة: هاي عامل إيه يا وليد
وليد أبتسم بضيق: هاي وعليكم السلام ورحمه الله وبركاته
ميار ضحكت بخفه بهزار معاه قالتله:Are you making fun of me? Okay, fine then, sir. 🙄
( بتتريق عليا؟ ماشي يا سيدي، أوكي )
وليد ضحك بسيط:God forbid! I’m not making fun of you, sweetheart. ❤️
( حاشا لله مش بتريق عليك يا جميل)
ميار ضحكت بحب لي: اوكي عامل اي طمني عليك
وليد اتنهد بحب وقال: تعرفي يا ميار انا من دقيقتين بس كنت هموت من ضيقتي اللي جوايا بس اول ما سمعت صوتك بالي بقى ريك..
ميار ابتسمت بحب: ربنا يروق بالك دايما يا وليد
وليد بابتسامة: امين
ميار بفصول: قولي بقى ايه اللي مضايقك؟ مالك؟ صوتك مش عاجبني، فيه حاجه.؟
وليد أخد نفس طويل، وسكت لحظة قبل ما يتكلم. وكان ليلى مآثر فيه جدا وصادمه حرفيأ .. لكن كان مقوي نفسه ومداري ..
وليد بتردد: مفيش يا ميار، بس مخنوق شوية، فقولت أسمع صوتك يمكن أفوق.
ميار بحنان: طب ما تحكيلي يا وليد، إيه اللي مضايقك؟ يمكن لما تتكلم ترتاح.
وليد جه يتكلم و يحكيلها، وكان خلاص هيتكلم، لكنه سكت فجأة، وتراجع عن كلامه في آخر لحظة.
وليد بابتسامة هاديه: مفيش حاجة تستاهل يا ميار، شوية ضغط في الشغل وهيروحوا لحالهم.
ميار فضلت ساكتة ثواني، حاسة إن فيه حاجة مخبيها عنها، لكنها ما ضغطتش عليه.
ميار بهدوء: براحتك يا وليد، بس متشيلش كل حاجة جواك لوحدك، أنا موجودة لو احتجت تتكلم.
وليد ابتسم بصدق المرة دي، وحس إن مجرد كلامها ريحه شوية، لكنه فضل مخبي اللي جواه، مش عارف ليه متردد يحكيلها، ومش قادر يصدق فيها ايه حاجه لحد الآن
وليد أبتسم بهدوء: صح شهد كسبت القضيه ومهران خد 10 سنين غير القضايا اللي لسه يتحكم عليه فيها ..
ميار اندهشت وفرحت لشهد: بجددددددد يستاهل الحقير ده حقيقي يا وليد
وليد بطمانيه: الحمد لله ربنا نصرها ورجعت لينا بخير وسلامه
ميار : الحمد لله حقيقي احنا الروح رجعت لينا من تاني بجد..
وليد: ايوق الحمد لله الف مره .
ميار فجأة افتكرت كلام شهد لما قالتلها إن نور ملهاش ذنب، ولا حتى مرات أبوها ليها علاقة باللي حصل، للحظة اتلخبطت وحست إن يمكن تكون ظلمت نور فعلت ، لكنها خبت اللي جواها وسكتت، وحتى ضميرها موجعهاش لحظه أبدا من ناحيتها .
وليد سألها سرحتي فين، رجعت تتكلم معاه عادي وكأن مفيش حاجة حصلت، وهي جواها ألف سؤال بدأوا يتفتحوا من جديد
━━━━━━━━━━━━━━━━━━━━━━━━━
كان أحمد قاعد في عربيته على جنب الطريق، مطفي الموتور .. وسند راسه على الكرسي لورا
بشرود، ماسك تلفونه وبيفكر في موضوع البنت اللي اسمها لمياء عبد الهادي اللي كانت متفقه في اللعبه مع مهران ضد شهد ، لحد ما قرر يتصل بأحد معارفه علشان يعرف وصل لإيه بظبط.
أحمد بجدية: أيوه يا باشا، طمني، وصلت لحاجة بخصوص البنت اللى اسمها لمياء؟
فضل يسمع الطرف التاني باهتمام، لحد ما ملامحه اتغيرت فجأة، واعتدل في قعدته وهو بيقول بنبرة حاسمة ..
أحمد بجمود: تمام تمام، أنا مستني منك كل التفاصيل في أسرع وقت.
قفل المكالمة، وحط تلفونه جنبه، وبص من شباك العربية بشرود، عاوز يوصل للبنت دي عشان ينتقم منها على اللي عملته في شهد . زي ما انتقم من مهران
━━━━━━━━━━━━━━━━━━
في منزل عائله السيوفي ...
كانت شهد قاعدة جنب أميرة، مرات عمها، بتسمع منها كل الأخبار اللي حصلت في السنتين ونص اللي غابت فيهم، وكل خبر كان بيوجع قلبها أكتر من اللي قبله، لحد ما عيونها اتملت بالدموع، و بحزن واتكلمت باندفاع.
شهد بحزن: نور ملهاش ذنب يا مرات عمي، والله ما ليها أي يد في اللي حصل، لا هي ولا أمينة! أنا ميار و أحمد ظلموها ، بس هما كانوا فاهمين غلط
أميرة بحزن شديد: عارفه عارفه انها نور ملهاش يد في أي حاجه. ودي فتنه هما كسروها كسروا بخاطرها اوي يا شهد .. والاصعب كمان الفتنه اللي وقعت فيها فالشخص اللي كان موجود هنا ..
سكتت شهد بشتات وهي مش قادره تحدد مين بالظبط بيكرهه نور في البيت ده وعمل فيها كده
شهد بحزن؛ معليش يا مرات عمي ما تزعليش انا عارفه انها بنت اختك وعارفه ان هيعتبر بنتك اللي ربيتيها ، والله حتى انا زعلت من اللي حكيتيه واللي عرفته نور مستحيل تعمل كده دي خطه من حد . دي نور ما فيش زيها ولا في زي قلبها الجميل
أميرة اتنهدت بحزن شديد: نفسي ترجع والله نفسي ترجع اوي يا شهد نفسي اطمن عليها واخدها في حضني
شهد طبطبت علي أيدها بحنان وتفاؤل بالخير: هترجع هترجع يا مرات عمي ما تقلقيش وحقها يرجع ان شاء الله قريب زي ما ربنا نصرني وجاب حقي كده ، الحق هيظهر في اسرع وقت ما تقلقيش يا حبيبتي ..
أميرة: يارب يارب يا شهد ادعيلها كتير، الدعوه في ظهر الغائب مستجابه
شهد بلطف: دا أكيد يا مرات هدعيلها كتير
━━━━━━━━━━━━━━━━━━━━━━
في المستشفى، كان خالد واقف قدام أوضة لميس، رايح جاي بخطوات متوترة، وعيونه متعلقة بالباب، مستني أي حد يخرج يطمنه عليها، وقلبه بياكله الخوف.
ليلي كانت واقفة بعيد عنه، عيونها مليانة دموع، وبصتله بغضب وقهر.
ليلي بدموع وبلوم فيه: ما إنت لو كنت بتهتم بيها، مكنش حصلها كل ده! ذنب البنت دي في رقبتك لحد يوم الدين، حسبي الله ونعم الوكيل فيك
خالد بعصبية وشتات: اسكتي يا ليلي! أنا مش ناقصك، سبيني في اللي أنا فيه
ليلي بانهيار: اللي إنت فيه ده بسببك! بدل ما تحميها وتخاف عليها، سايبها لوحدها، وأهو حصل اللي حصل! منك لله
خالد تجاهل كلامها وهو بيحاول يتماسك نفسه ، وعيونه فضلت معلقة بباب الأوضة، لحد ما الدكتور خرج أخيرا. جري عليه بلهفة،
خالد بخوف: دكتور، طمني بالله عليك! لميس اختي كويسة، صح؟ قول إنها كويسة
ليلي بدموع: بالله عليك يا دكتور طمنا عليها
الدكتور بحزن: البقاء لله... الطفلة لميس توفت بسبب الحريق اللي تعرضتلها. شد حيلكم يا جماعه.
خالد اتجمد مكانه، وبصله كأنه مش فاهم الكلام.
خالد بصدمة: إنت بتقول إيه؟! ماتت إزاي؟! لا... لا يا دكتور، إنت أكيد غلطان
ليلي حطت إيديها على بقها، وانفجرت في العياط.
ليلي بوجع وعياط: يا رب...و لا حول ولا قوة إلا بالله! يا حبيبتي يا لميس يوجع قلبي عليكي ..
وبصت لخالد بانهيار وغضب: يا ريتك كنت اهتميت بيها بدل ما تسيبها لوحدها! البنت ملهاش ذنب في إهمالك، أهي راحت منك، ومش هترجع تاني! منك لله يا خالد
وسابته ودخلت في نوبة عياط،
أما هو ففضل واقف مكانه، حاسس إن الدنيا كلها اسودت في عيونه، وكلام ليلي بيتردد في ودانه.
«أهي راحت منك، ومش هترجع تاني!»
ولحد الان مش مستوعب كلام الدكتور . ولا قادر يصدقه
دخل أوضتها بخطوات تقيلة، ولما شافها نايمة على السرير ومغطاة، قرب منها بإيد بتترعش، وسحب الغطا عن وشها بحذر.
خالد بدموع وصوت مكسور: لميس... يا بنتي، قومي يا لميس... أنا أهو جنبك.
مد إيده لمس ملامح وسها اللي اتدمرت من أثر الحريق ، وانحنى عليها وهو بيعيط.
خالد بانهيار: سامحيني يا لميس... أنا آسف، والله آسف... يا ريتني كنت فوقت بدري، يا ريتني كنت خفت عليكي وما سبتكيش لوحدك محبوسه في البيت .
ضمها لحضنه، وفضل يعيط بحرقة، لكن المرة دي مفيش صوت هيخرج من لميس، ولا إيد صغيرة هتتمسك في هدومه، ولا عيون هتبصله مستنية منه الحنان من أخوها اللي بقالها في الدنيا دي ..
خالد بصوت مخنوق: يا ريتني أنا اللي كنت مت... يا ريتني كنت عملت أي حاجة قبل ما أخسرك يا لميس
لكن ندمه جه متأخر، والطفلة اللي كانت محتاجة أمانه طول عمرها، مبقاش ينفع يعوضها عن أي حاجة.
━━━━━━━━━━━━━━━━━━━━━━━━━━━━
تأرجح اليخت بخفة فوق مياه البوسفور، والنسمة الباردة كانت بتداعب المكان، بينما ألوان الغروب بتنعكس على سطح الميه وتدي المنظر سحر خاص.
كانت حياة ، واقفة بحماس بتبص لطيور النورس اللي بتحلق حوالين اليخت، وعيونها بتلمع بفرحة طفولية وهي بتشاور بإيديها الصغيرة.
حياة بابتسامة ببراءة : بأبي كريم شوف الطير الكبير .
كريم ابتسم بحنان، وانحنى بسرعة شالها بين دراعاته ، قعد علي حافة المركب، وبعدها باس خدها وهو بيقول
كريم بحنان: يا عيون ابوكي شفتيه كيف يطير؟
ضحكت حياة وهي بتتابع الطير بعيونها، والضحكة دي لوحدها كانت كفاية تنسي كريم أي تعب، وتخليه يحس إن اللحظة دي من أجمل لحظات حياته.
على اللي قصادهم، كانت سارة ونور قاعدين جنب بعض، لابسين عباياتهم السودا الفضفاضة ومناقبهم، وفوقها قبعات شتوية تحميهم من البرد.
سارة كانت ماسكة فونها وبتصور المنظر، قبل ما ترفع عيونها لكريم وتقول بإعجاب ..
ساره بسعادة كبيرة: والله يا خوي هالرحله ردت روحنا بالله
كريم ابتسم وهو بيعدل حياة بين إيديه، ورد عليها بهدوء ..
كريم بابتسامة : تستاهلون يا سارة، أدري إن المشي هلككم، واليوم أبيكم تنبسطون وتغيرون جو على راحتكم.
حياة بدأت تتحرك بين دراعاته عشان تنزل، فحطها على الأرض بحذر، وفضل متابعها بعيونه وهي بتجري بخطواتها الصغيرة ناحية . سارة
فتحتلها دراعاتها وضمتها، وبعدها بدأت تصوؤ معاها صور لطيفة،
بينما سارة كانت بتتأملهم بابتسامة هادية، باينة في لمعة عيونها من ورا النقاب.
كريم بص لجميلة اللي كانت واقفة على بعد خطوات منه، بتتأمل برج الفتاة وسط الميه، والسماء اللي بدأت تتلون بدرجات البرتقالي والبنفسجي.
قرب منها بهدوء، وخلع الشال الصوفي اللي حوالين رقبته، ولفه برفق على كتفيها من فوق عبايتها .
نور بصتله ، وعيونها لمعت بمفاجأة لطيفة.
كريم بصلها بحنان وسألها: بردانة يا جميلتي؟
جميلة ضمت الشال حواليها، وردت بصوت هادي ..
نور بابتسامة لطيفه؛ شوي، بس الحين أحسن،
ثم سكتت قليلا ... وهي مشتته ، بعدها قالتله
نور بصوت مخنوق: حاسه اني كنت محتاجة هالهدوء من زمان.
كريم اتفاجئ من كلامها .. بصلها وقال باستغراب
كريم: شوفي يا جميلة في شئ حاسس انك مو علي طبيعتك ؟؟
نور وهي بتتنهد بابتسامة: مو في شئ احساس مو أكتر ...
كريم شك أن بدأت ذاكرتها ترجع ليها وده خلاه يحزن جدا من جواه .. لكن ما بينش في اللحظه دي ..
اتنهد ببطء ... وبعدها
كريم مد إيده ومسك إيدها برفق، وقال وهو بيتأمل في عيونها ..
كريم بحنان: أهم شي عندي أشوفك مرتاحة ومبسوطة يا جميلة، ولا تفكرين بشيء ولا تقلقين . إنتي عندي بهالدنيا كلها وبدي اياك تنبسطي وتفرحي ..
نور بصتله بامتنان، وحست بدفا كلماته يوصل لقلبها قبل الشال ما يدفي جسمها. كانت عارفة إن سعادتها مش محتاجة حاجات كبيرة، وإن اهتمامه بالتفاصيل الصغيرة هو اللي بيخليها تحس بالأمان معاه.
وفجأة، صوت محرك اليخت بدأ يهدى، معلنا اقترابهم من مرسى أورتاكوي، والأنوار بدأت تلمع حوالين المسجد التاريخي والجسر المعلق، كأن المدينة كلها بتستعد لليلة جديدة.
كريم بص ناحيتهم بحماس، ورفع صوته شوية ..
كريم بابتسامة: يلا يا جماعة، وصلنا! الحين بنروح ناكل كومبير ووافل، وحياة ليها أحلى ألعاب بعد
حياة أول ما سمعت كلمة وافل، بدأت تنط في مكانها وتصفق بإيديها الصغيرة، وهي بتقول بفرحة ..
حياة بحماس وفرحه طفوليه: وافل بابا، أبي وافل
ضحكت نور و سارة عليها ..
وبدأوا يستعدوا للنزول من اليخت، وسط أجواء دافية خلت برد إسطنبول أهون بكتير.
━━━━━━━━━━━━━━━━━━━
في بيت ليلي
كانت ليلي قاعدة على السرير، عيونها مليانة دموع، وأمها قعدت جنبها بحزن.
شادية بحنان: لسه الحزن مسيطر عليكي يا بنتي؟ هتفضلي شايلة كل ده لوحدك لحد إمتى؟
ليلي بقهرة: تعبت يا ماما، والله تعبت... حاسة إن مفيش حاجة حلوة بتكمل معايا، وكل ما أفرح بحاجة ألاقيها بتضيع مني.
حضنتها شاديه بحزن، وليلي دفنت وشها في حضنها وعيطت.
ليلي بضيقه وعياط: ليه كل حاجة بحبها بتبعد عني؟ ليه عمري ما بفرح من قلبي زي باقي الناس؟
شادية بحزن شديد: بس يا حبيبتي ما تعترديش على قضاء ربنا وتقولي ليه انتي كده بتكفري استغفري ربنا بدل كلامك ده يا حبيبتي، ومهما الدنيا ضاقت بيكي، متفقديش الأمل فيه. يمكن اللي جاي يعوضك عن كل اللي فات.
رفعت ليلي وشها، ودموعها لسه على خدودها وهي مهمومه وحزينه جدا
ليلي بوجع ويأس: طب إمتى يا ماما؟ إمتى قلبي يرتاح وأحس إن الدنيا أخيرا بقت حلوة معايا؟
شادية وهي بتمسح دموعها بحنان وبطمنها: قريب إن شاء الله يا حبيبتي، خليكي واثقة إن ربنا مش هيسيبك. وانه هيجبرك وهيقر عينك بدعواتك وامنياتك بس انتي قولي يا رب وتفائلي خير ورب الخير لا ياتي الا بالخير .
ليلي رجعت لحضنها، وهمست بقهر ...
ليلي بوجع وهموم: يارب يا ماما... أنا خلاص تعبت، ونفسي تظبط معايا لو مره واحده كده بقى والله تعبت جبت أخري .
شادية: اذكر ربنا كتير يا ليلى اذكر ربنا واستغفري لعلها يفرج همك ان شاء الله قريب.
( ڪل حاجة بتعدي حتي لو باين قدامك دلوقتي إنها معقده ومبتعديش بس هي في الحقيقة هتعدي عدي عليك الأوحش لو تفتڪر وانت ڪملت وموجود دلوقتي ممڪن يعدي عليك حاجات أصعب ڪمان بس انت ڪتافك هتقدر تتحمل عشان ربنا دايما بيديك علي قد ما تقدر تشيل لڪن انت اللي متعرفش قيمة قدرتك وحملك وقوتك وصدقني هتعدي وهتڪمل وممڪن يعدي بعدها الأحلي اللي مڪنش ييجي في بالك إنه يحصل بس انت بطل وتستحق الأحلى ♡. )
━━━━━━━━━━━━━━━━━━━━━
في زنزانه المساجين عند مهران ..
كان مهران قاعد في السجن، عيونه بتلف حوالين المكان وهو لسه مش مستوعب إنه بقى سجين، وإن كل اللي خططله انهار في لحظة، وخسر كل حاجة كان فاكر إنها مضمونة.
نزل راسه بين إيديه، والحزن والهم باينين على ملامحه، قبل ما يرفع عيونه تاني بنظرة مليانة إصرار وغضب مكتوم.
مهران بصوت مخنوق: خسران... أنا بجد خسرت كل حاجة
سكت لحظة، وبلع غصته، وبعدها ظهرت على وشه ابتسامة باهتة وهو بيهمس بوعيد ...
مهران بقلب مقبوض ومهموم : بس لسه الحكاية مخلصتش يا شهد... فاكرة إنك كده انتصرتي؟ لأ، والله لأ... أنا هرجع، والمرادي مش هسيبك تفلتي مني، وهخليكي ليا مهما حصل... حتى لو الدنيا كلها وقفت قصادي
━━━━━━━━━━━━━━━━━━━━━━
في منزل هاني ..
كانت أمينة قاعدة لوحدها، عيونها تايهة في الفراغ، وعقلها مش سايبها من كتر التفكير في كل اللي بيحصل في الحياة ، والظلم اللي ظلمته لاقرب الناس ليهم هي واخوها
اتنهدت بوجع، وهمست لنفسها بصوت مكسور ..
أمينه بندم كبير: إحنا عملنا إيه كل اللي بيحبونا ، ازونه في ايه عشان خاطر نعمل فيهم كده؟
أمينه كملت بدموع وتأنيب ضمير: يارب سامحنا يا رب سامحنا يا رب وبدل سيئاتنا الى الحسنات واعف عنا وارحمنا انت وحدك ارحم الراحمين ..
رد اخويا ليا سالم يا رب واعف عنو يا رب يا رب اعفو عنه وسامحه يا رب اعفى عنو يا رب ..
وكانت بتنهار في كل دعوه ، وبتدعي من قلبها ..
سكتت لحظة، ودمعة نازله بحرقه قلب .. وهي بتفتكر نور، واختفاءها اللي ساب جواها وجع أكتر و اكتر ..
أمينه بدموع وهموم: ونور يارب ؟ نور اللي ذنبها في رقبتي هي وامها . رجعها يارب ورجع حقها يارب انا عارفه اني اسيت عليها بس انا مش وحشه والله ما وحشه يارب
سكتت بحيرة وشتات .. بتسأل نفسها ميت سوال في يوم ...
هي فين وإيه اللي حصلها؟!
أمينه بدموع وحزن: أنا كل يوم بصحى على أمل إنك ترجعي، وكل يوم الأمل ده بيتكسر جوايا من جديد.. وحشتيني أوي، وغيابك واجع قلبي، ومش عارفة أعمل إيه من غير ما أعرف إنتي بخير ولا لأ
المشكله اني لما اتعودت عليكي تعودت على المشاكل معاكي والله ..
غطت وشها بإيديها، وخرج صوتها مخنوق من كتر الوجع: يا الله هونها يارب هونها.
━━━━━━━━━━━━━━━━━━━━━━
في منزل السيوفي ..
في غرفة احمد
اميره دخلت لي ..
لقيته قاعد علي سرير . سرحان قعدت جنبه بهدوء ..
أميرة بحزن: احمد عرفت حاجه عن نور؟
أحمد انتبه ليها وقال بشرود :لا بس ما تقلقيش انا مش ساكت خالص . مستني اخلص من موضوع شهد بس وبعد كده هدخل علي موضوع نور .. انا مش هيهدى ليا بال غير لما اعرف مين اللي عمل فيها كده واعرف هي راحت فين بالظبط ..
أميرة بأمل فيه : بالله عليكي يا احمد بلاش تسكت دور عليها . ورجع حقها زي ما قدرت تكسب علي مهران وقدرت ترجع شهد رجعلي نور بنت خالتك الله يرضي عليك ..
أحمد بصلها بكل ثقه؛ حاضر ما تقلقيش وادعي كتير يا امي .
أميرة بدموع بتلمع في عيونها: يارب يارب يا أحمد ينصرك في كل وقت ويبعد عنك اي حاجه وحشه يا بني يارب . ويرجع نور لينا سلمه..
أحمد بص لفون وهو منظر مكالمه؛ امين يا امي امين
سكتت لثواني ...
بعدها قالت بتردد
اميره بهدوء: احمد انت لسه بتحب شهد؟
احمد اتفاجا من رد فعلها .. قال بصوت مخنوق: ليه بتسالي السوال ده؟
أميرة بحنان: لو مكنتش بتحب شهد، مكنتش تحفر ورا مهران طول المده دي كلها انك تنتقم منه على اللي عمله في حبيبتك وخيانته ليك ..
أحمد فاضل ساكت .. وجواه سرعان شديد ..
جه يتكلم ..
فجأة رن تلفونه . قطع كلامه
أحمد بص لفون بسرعه: أخيرا
أميرة باستغراب: خير يا احمد
أحمد بسرعه: لحظه لحظه يا امي مكالمه مهم ..
أميرة بقلق: ماشي يا ابني ..
فتح أحمد مكالمته ..
أحمد بحزم : احم السلام عليكم
فجأة ملامح أحمد اتغيرت وهو بيسمع الطرف التاني، وسرعان ما ارتسمت ابتسامة غامضة على وشه
وقال بحماس و ابتسامه خبيثه ارتسمت جنب شفايفه ..
أحمد بجمود: تمام تمام جيلك حالا .
قفل المكالمة، وقام من مكانه بسرعة، وخطف مفاتيح عربيته وانطلق ناحيه الباب
أميرة قامت بسرعه بخضه عليه: أحمد في ايه يا ابني طمني.؟؟
أحمد وهو خرج من باب بسرعه بخطوات سريعة : مشهور ضروري يا امي لازم . اخلصه . لما ارجع هقعد اتكلم معاكي ..
واختفى من قدامها تماما طلع لبره على عربيته ..
أميرة وهي بتتنهد بقلق: يارب ما توجع قلبي عليه ونور طريقه يا رب يا رب .
كان هاني سايق عربيته في هدوء، ملامحه باهتة وعيونه مليانة حزن، وقلبه تقيل من كتر التفكير اللي جواه على نور، مش قادر يتقبل غيابها أكتر من كده ولا عارف يطمن قلبه عليها إزاي.
وفجأة، صوت أذان المغرب بدأ يتردد في الشوارع،
لاقي جامع . قدامه علي الطريق .. فخفف سرعته وركن عربيته على جنب، وكأنه لقى في النداء ده السكينة اللي كان بيدور عليها من ساعة ما نور غابت عن عيونه.
نزل من العربية، واتجه للمسجد بخطوات تقيلة، وهو حاسس إن مفيش في إيده حاجة يعملها غير إنه يلجأ لربنا، الوحيد اللي عارف وجع قلبه وحجم خوفه عليها.
وبعد ما خلص صلاته، رفع إيديه للسما، وعيونه غرقت بالدموع، وخرج صوته مبحوح من كتر الوجع وهو بيدعي من قلبه ليها ...
هاني بضيق وهموم: يا رب، أنا مليش غيرك، يا رب احفظ نور بنتي بعينك اللي مبتنامش، وطمني عليها، وردها ليا سالمة يا رب. يا رب، بنتي غاليه علي قلبي يارب ... سامحني يا رب على اللي انا عملته فيها وفي منال سامحني واعف عني وردني اليك ردا جميلا اللهم ردني اليك ردا جميلا.
مش قادر علي غيابها يارب اكتر من كده دلني على طريقها يا رب ردها ليا سلمه يا رب ..
كمل بهموم اكبر جواه : يارب انا طلبت منك عيل ترضيني بيه يا رب .. وما حرمتنيش يا رب اديتني بدل العيل اتنين اللهم لك الحمد والشكر كما ينبغي لجلال وجهك وعظيم سلطانك اللهم باركلي فيهم واجعلهم ذريات صالحات يا رب .. يارب مش عايز بقى غير من الدنيا دي إني أشوفها بخير وأطمن إنها بخير قدامي. يا رب، لو هي خايفة، طمن قلبها، ولو هي تعبانة، خفف عنها، ولو هي لوحدها، كن معاها ومتسبهاش لحظة واحدة. يا رب، رجعها لحضني يارب، واجمعني بيها على خير، وطفي نار قلبي عليها، فإنت وحدك العالم بحالي يارب ..
وسكت للحظات، عاجز حتى عن إنه يكمل كلامه، ودموعه بتنزل في صمت، قبل ما يمسح وشه بكف إيده ، وقال بصوت مكسور ...
هاني بهموم الدنيا ويأس: أنا تعبت يا رب... والله تعبت من خوفي عليها، بس أملي فيك كبير، وعارف إنك أرحم بيها مننا كلنا.
فضل رافع إيديه شوية، مستني السكينة تنزل على قلبه، وكل اللي جواه أمنية واحدة بتتردد من غير توقف: يا رب، نور ترجع... وترجع بخير.
━━━━━━━━━━━━━━━━━━━━━━━━━━━━
كان أحمد ركن عربيته قدام بيت هادي في شارع جانبي، خلع نظارته ... نزل من عربيه بخطوات سريعة وملامحه جامدة، لكن عيونه كان فيهم غضب مكتوم.
طلع السلم وخبط على الباب بقوة، وبعد لحظات فتحته بنت، أول ما شافته اتفاجئت ورجعت خطوة لورا.
البنت بقلق: مين حضرتك؟؟
أحمد دفع الباب ودخل بخطوات حاسمة، وعيونه متثبتة عليها.
أحمد بحدة: أنا الملازم أحمد السيوفي... وحقيقتك اتكشفت خلاص يا آنسه لمياء، واللعبة اللي إنتي ومهران لعبتوها خلاص انتهت
لمياء اتجمدت مكانها، ولون وشها اتغير، لكنها حاولت تتماسك.
لمياء بارتباك: إنت بتقول إيه؟! أنا معرفش إنت بتتكلم عن إيه
أحمد قرب منها، وصوته بقى اقوي: متعرفيش؟! طب وشهد اللي اتدمرت حياتها بسببكم؟ والخدعة اللي عملتوها فيها؟ والسنين اللي ضاعت من عمرها وهي بعيدة عن أهلها؟ هتقوليلي برضه متعرفيش؟!
لمياء رجعت لورا وهي بتبص حواليها بتوتر، وفجأة عقلها رجع لليوم اللي مهران اتفق معاها فيه علي شهد ،
أحمد بغضب: ساكتة ليه؟! اتكلمي مين اللي خطط لكل ده؟ وإيه علاقه شهد بمهران؟
لمياء بانفعال: أنا معملتش حاجة لوحدي مهران هو اللي كان بيقولي أعمل إيه
أحمد ضحك ضحكة قصيرة مليانة مرارة.
أحمد: أهو أخيرا لسانك اتفتح! يعني اعترفتي إنك كنتي شريكة معاه
لمياء بخوف منه: إنت ملكش حق تحاسبني
أحمد بصرامة: اسمعي يا بت إنتي، أنا مش جاي أسمع إنكار ولا تبريرات. ولا كل ده أنا عاوز الحقيقة، وعاوزك تعترفي بكل حاجة عملتيها في شهد، من أول يوم دخلتي حياتها لحد آخر مصيبة حصلتلها من مهران .
لمياء بتوتر: أنا قولتلك مليش دعوه بحاجه مهران راشد هو سبب دمار حياه شهد .
أحمد وهو بيقرب خطوة بتهديد: عاوزك تعترفي بالحقيقة كامله... لأن اللي حصل في حياتها مصيبه كبيرة، ووجودك في حياة شهد مكنش بريء زي ما انتي فاكرة. فكري كويس قبل بتكدبي في اي كذبه لان كل كذبه تتحاسبي عليها وهتروحي فداهيه
كلامه رجع لمياء بذاكرتها لورا، لليوم اللي كانت بتتفق فيه مع مهران علي شهد .. من غير متعرف الخبث اللي من ورا البراءه الكذابه دي ، و من غير ما تعرف إن البنت اللي قدامها واثقة فيها كانت جزء من خطة أكبر منها.
لمياء بخوف شديد: بص انا هحكيلك علي كل حاجه بس بالله عليك ، تسيبني في حالي وتطلعني من الموضوع ده انا ما ليش دعوه باي حاجه ما ليش دعوه صدقني انا قطعت علاقتي بمهران والعلاقه اللي بنا انتهت من زمان من وقت ما اسافر روسيا . وانا معرفش حاجه عنه
أحمد بصلها بتركيز وبدأت تحكي
فلاش باك...━━━━━━━━━━━━━━
في شقة مهران، كانت لمياء قاعدة قدامه على الكنبة، بتبصله باهتمام وهو بيتكلم بنبرة هادية، وعلى وشه ابتسامة غامضة.
لمياء باستغراب: يعني إنت عاوزني أعمل إيه بالظبط؟ مش فاهمة إنت بتفكر في إيه يا مهران
مهران سند ضهره وقال بثقة: الموضوع بسيط... انتي هتدخلي حياة شهد واحدة واحدة، من غير ما تشك فيكي. هتقدمي في نفس الثانوية اللي هي فيها، وهتقربي منها، وتبقي صاحبتها، وتخليها تثق فيكي وتحكيلك كل حاجة عنها.
لمياء بتردد: وده هيفيدك بإيه؟ ما هي عندها صحاب كتير
مهران بحدة: أنا مش عاوز أي صاحبة ليها، أنا عاوز واحدة تعرف تدخل حياتها من غير ما تحس، واحدة تبقى قريبة منها لدرجة إنها متشكش فيها لحظة. وانتي هتعملي ده ، لحد ما تجيبي رجلها ليا
لمياء سكتت شوية، قبل ما تسأله بقلق ..
لمياء: طب وإنت عاوزني أعمل كده ليه؟ إيه اللي بينك وبين اللي اسمها شهد الدرجة دي؟
مهران بصلها بنظرة باردة، وبعدها طلع تليفونه وفتحه على صورة شهد وهو بيتامل في ملامحها.
مهران بغل مكتوم: هموت عليها وعايزها ليا عايز اسرقها من حبيبها عايز اكسر قلبه عليها . وأنتي الوحيده اللي هتقدري توصليني لكل ده لما تصاحبيها وتاخدي عليها وتخليها تكلمني على اساس انك انتي من ورا الشاشه ..
لمياء بغيره: اممم والله وانا مش ماليا عليك حياتك ولا إيه ..؟
مهران بصلها ببرود وقال باستفزاز: النوع بتاعتك ده ما تملاش عيني انا عايز واحده تملا علي حياتي تكون شريكة اصليه تبقي ام عيالي تقدر تشيل مسؤوليه وتحبني واحبها بجد . وانا اللي اتحكم فيها واكون قادر عليها ..
لمياء بغل مكتوم: يعني انا مفيش فيا الصفات دي مهران ؟؟
مهران بقرف: تؤتؤ طبعاً شهد هي اللي طالبها وعايزها ورايدها ومش هسيبها الا لما تكون ليا في حضني ..
لمياء بغضب مكتوم: تمام ولو شكت فيا ؟
مهران بابتسامة جانبية: مش هتشك، طول ما أنتي بتعرفي تمثلي كويس
كمل مهران بتحذير: وخلي بالك يا لمياء، أنا مش بحب الغلط، ومش هسمحلك تبوظي اللي بخططله. انتي بدأتي معايا، يبقى هتكملي للآخر .. لحد ما اخد شهد من اهلها . هقدملك في المدرسه صاحبيها وخدي وادي معاها لحد ما تعرفي كل اسرارها وتديني رقمها وانا هكلمها على اساس انك انتي لحد ما تبقي ليا
بصتله لمياء بتردد، لكنها في النهاية هزت راسها بالموافقة.
بعد كام يوم، كانت لمياء قاعدة جنب مهران ، ماسكة تليفونها وبتبص لشات شهد، قبل ما تبعتلها رسالة.
لمياء في الرسالة: هاي يا شهد، أنا لمياء، اللي اتعرفنا على بعض في المدرسة. عاملة إيه؟
بعد دقائق، ظهر ردت شهد.
شهد: الحمد لله كويسة، أنتي عاملة إيه؟
ابتسمت لمياء وبدأت تتكلم معاها، والرسائل بينهم استمرت يوم ورا يوم، لحد ما بقوا يتكلموا بالساعات، وشهد بدأت ترتاحلها وتحكيلها عن يومها وأهلها وكل حاجة بتضايقها.
وعن المشاكل اللي ما بيننا وما بين احمد . وكل حاجه بتحصل في حياتنا
لمياء بعتت رساله بخبث: خلاص يا روحي ولا تزعلي انا هخليكي تتجوزي اخويا اخويا طيب جدا . سيبك من أحمد ده
شهد ردت بسرعه بزعل: لا لا طبعاً أنا بحب أحمد مش عايزه غيره ..
مهران لمح رساله والنار انشعلت جواه حرفيأ ...
والمصيبة إن اللي بدأ برسالة صداقة، كان بداية سلسلة من التهديدات اللي هتغير حياة شهد بالكامل...
كانت شهد خارجة من المدرسة، وفجأة لقت مهران واقف قدامها، بيبصلها بابتسامة واثقة، وكأنه مستني اللحظة دي من زمان.
شهد باستغراب: إنت مين؟ وعاوز مني إيه؟
مهران قرب منها خطوة، وقال بهدوء: أنا الشخص اللي بتتكلمي معاه كل يوم يا شهد... أنا اللي كنتي بتحكيله كل أسرارك، واللي كان بيسمعك لما تكوني زعلانة.
شهد فضلت بصله بعدم استيعاب، وملامحها بدأت تتغير وهي بتحاول تربط كلامه بكل الرسائل اللي كانت بينهم.
شهد بصدمة: إنت... إنت مهران مين؟! إزاي؟! وإنت عرفتني منين أصلًا؟!
ابتسم مهران، و شايف الصدمة اللي على وشها.
مهران: أيوه، أنا مهران. ويمكن تستغربي إني ظهرتلك بالشكل ده، بس أنا خلاص مش عاوز أفضل مستخبي ورا الشاشة. أنا حبيتك يا شهد، وعاوز أتقدملك رسمي، وأطلبك من أهلك.
شهد رجعت خطوة لورا، وملامحها اتبدلت تماما، وكأنها اكتشفت إنها كانت بتتكلم مع شخص تاني غير البنت اللي كانت مخدوعه فيها ..
شهد بصدمه وغير استوعاب: ازاي ازاي وانا كنت بكلم بنت اسمها لمياء عبد الهادي ازاي ده .؟؟
مهران أبتسم وقال بنبره بارده: دي اختي اللي كانت دايما بتحكيلك عليا
شهد رجعت بيتها وهي بتترعش، ملامحها شاحبة وعيونها مليانة صدمة، مش قادرة تستوعب إن الشخص اللي كانت بتحكيله أسرارها وبتأمنله، طلع واحد ..
نهاية الفلاش باك... ـــــــــــــــــــــــ
لمياء بخوف ودموع: بس يا باشا وادي كل الحكايه والباقي انت عارف اكيد ، لكن من بعد ما البنت انتحرت انا ما اعرفش اي حاجه عنه ..
أحمد بص لمياء بصدمة وغضب بعد ما بدأت الحقيقة تتكشف قدامه، وقبض إيده وهو بيقول بذهول ..
أحمد بصدمه وحده: معقول معقول كل ده يتعمل فينا يا عصابه .؟؟ ، يا بت ***** وانتي بعتيها لمهران بإيدك؟! انتي إزاي قدرتي تعملي فيها كده؟
لمياء برعب: أنا مكنتش أقصد، والله مهران هو اللي—
أحمد مقاطعها بغضب: اخرسي! كل ده هيتقال في التحقيق
اندفع ناحية الباب، ولما حاولت لمياء تفلت منه، مسكها من ذراعها بقوة وسيطر عليها، وهي بتصرخ وبتحاول تبعد عنه.
لمياء بصرخه: سيبني إنت بتعمل إيه؟! ابعد عني
أحمد زقها ناحية العربية وسط صرخها عالي ...
أحمد بنبره مليانه غصب شديد: دا إنتي هتروحي في ستين داهيه يا بنت *********
وطلع احمد بعربية فوراً ...
━━━━━━━━━━━━━━━━━━━━━━━━━━
في اسطنبول ..
في الوقت ده كانت نور في مكالمة مع ميار ...
ميار بابتسامة خبيثه: فينك مختفيه كدا وحشاني اوي ؟
نور بابتسامة هاديه: يا عمري إنتي اكتر بالله وحشاني ... طمنيني عليكي عامله ايه
ميار بغل: الحمد لله يا روح قلبي. بس ايه الحلويات اللي بشوفها دي في الاستوريات بجد طلعتي اجمد بقى تخيلي يا جميله ..
نور بابتسامة: حبيبت قلبي تسلميلي هذا من ذوقك الجميل يا عمري ..
شو فرحك مقرب ؟
ميار بسعادة كبيرة جواها: خلاص هانت يا روحي هبتدي الاسبوع ده ان شاء الله امتحاناتي واخلص الامتحانات وهنزل القاهرة وحبيبي هيكون ليا العمر كله ..
نور فرحت ليها: عن جد؟ الله يتمملك على الف خير يا روحي ويوفقك بحياتك الجايه ..
كملت بحماس : شو رايك اجي انا وجوزي ، كده كده كريم لبيت بالقاهره يا ميار
ميار لنفسها بغل قالت: ياريت ياريت تجي وتشوفي بعينك انا ووليد بقينا لبعض اللي انتي كنتي هتموتي عليه يا نور يا ريت بتمنى من قلبي
ميار ابتسمت بخبث: يا عمري أكيد تعالي هدعيكي وتيجي لينا . ونصف ليكي بيتنا
نور بفرحه وحماس: اوووووه ياريت بجد ...
سكتت بحيرة نور ، بعدها قالت
نور بتردد: ميار بدي احكيلك شئ؟
ميار باستغراب: اممم شوفي احكيلي انا معاكي؟
نور بجمود وحيره كبيرة: انا حاسه اني بعرفك حاسه انه في ما بيننا رابطه وماضي كبير ..
ميار اتصدمت من رد فعلها، قالتلها بارتباك : ايه ؟ لا طبعاً انا ما اعرفكيش غير من طريق السوشيال ميديا . مش اكتر يا حبيبتي
نور باحباط وحزن: جايز الله اعلم يكون احساس هيك وخلاص ..
ميار بغل وكرهه ليها: اه اه اكيد ...
ميار فتحت الكاميرا ... وهي عاوزه تشوفها وتشوف التغيير اللي هي فيه كل يوم والتاني ..
فتحت نور الكاميرا، وبمجرد ما ظهرت ملامح ميار قدام عيونها، قلبها انقبض فجأة، وحست بإحساس غريب هزها من جواها... ملامح مألوفة، وذكرى بعيدة بتحاول ترجع، ضحكة قديمة، وأيام حلوة جمعتهم ببعض، لكن الصورة كانت مشوشة ومش قادرة تستوعبها.
اتسعت عيون نور، ونفسها بقى متقطع ، بقيت تتأمل في ملامحها أكتر ... وهنا الماضي أصبح قدامها كله ..
وفجأة إيدها بدأت ترتعش بعنف، والفون وقع من إيدها على الأرض، وصوت ارتطامه دوى في المكان، والشاشة اتشرخت قدام عيونها.
فضلت نور باصة لفون بصدمة، ودموعها اتجمعت في عيونها وهي بتحط إيدها على راسها، بتهمس بصوت مرتجف ..
نور بصدمه ودموع: ااااه ميار... أنا افتكرت إيه ؟ معقول؟؟؟
━━━━━━━━━━━━━━━━━━━━━━━━━━━━
اما ميار ..بصت لشاشة تلفون باستغراب بعد ما المكالمة اتقفلت فجأة، وعقدت حواجبها باستغراب
ميار باستهزاء: هي غبيه ولا ايه نور قفلت ليه فجأة؟! هي ماتت ولا ايه ..؟
ثم ضحكت بسخرية وكراهية ليها: يلا في داهيه ياريت تكون ماتت ..
كده كده لحد الان باقيه عليها . وعاملاها صاحبه السوشيال ميديا عشان اعرف اخبارها مش اكتر من كده
وضحكت بغل جواها ليها ..
━━━━━━━━━━━━━━━━━━━━━━━
في منزل السيوفي كان الجرس بيرن ورا بعض .. بدون توقف
سميرة اتخضت . قامت ، وراحت ناحية الباب تفتح بخطوات سريعة وملامحها كلها غضب، وهي بتزعق ..
سميرة بعصبية: في إيه يا أحمد؟! لازمته ايه الرن ده كله ا
لكن كلامها اتقطع فجأة، وعيونها وسعت بصدمة وهي شايفة أحمد داخل الصالة، ماسك بنت من شعرها وبيجرها وراه بعنف، والبنت بتصرخ من الوجع، لحد ما رماها على الأرض بقسوة.
سميرة دخلت وراه بسرعه: احمد مين دي .؟
كانت مصدومه هي شايفه . أحمد داخل الصالة، ماسك بنت من شعرها وبيجرها وراه بعنف، والبنت بتصرخ من الوجع، لحد ما رماها على الأرض بقسوة.
أحمد حدفها على الارض بقسوة قلب..
لمياء بألم وعياط وجواها مرعوبه: أرجوك سيبني حرام عليك بقى
أحمد بصلها باحتقار وقال: اسيبك؟ اسيبك ده ايه ده انا اوديكي في داهيه إنتي واهلك
أميرة طلعت علي صوت بسرعه .. وهي بتبص للبنت المرمية على الأرض، وسألت بصدمة
أميرة بصدمه: مين دي يا أحمد؟! في إيه؟! و إنت جايبها هنا ليه؟
في اللحظة دي، شهد كانت نازلة على السلم بسرعة، امال نازله قدام وهي وراها ..
شهد عيونها لمحتها .. فجأة اتصدمت ..
افتكرت كل حاجة... افتكرت خوفها، ووجعها، والأيام اللي عاشتها وهي مش عارفة إذا كانت هترجع لأهلها تاني ولا لأ. بسبب مهران اللي سلمتها لي .من غير رحمه
إيديها بدأت ترتعش، وخطواتها بقت أسرع وهي بتنزل باقي السلم.
شهد بصوت مرتعش من الغضب ..
شهد: هو إنتي ..؟
لمياء رفعت راسها ناحيتها، وأول ما شافتها، وشها اصفر وتصدمت أنه وقعها في شهد ..
شهد بصدمه وتوعد ليها: أخيرا جيتيلي لحد عندي ... جيتي تحت إيدي يا حلوه ده أنا مش هرحمك هاخد حقي منك ثالث ومثلث يا روح امك ...
ونزلت تجري بدون تردد وهجمت علي لمياء ...
آمال حطت إيدها على صدرها بصدمة، وهي بتبص لأحمد بعدم استيعاب ...
امال: شهد إنتي بتعملي ايه؟ مين دي يا أحمد؟! وإنت بتعمل فيها كده ليه؟! حرام عليك ...
وبصت لشهد بصدمه اكبر ، اللي الاول ما شافتها راحت هجمت عليها بدون رحمه
لكن شهد بدون تردد راحت ناحيتها ونزلت فيها ضرب ،وهي مش قادره تنسى اي وجع سبته ليها
امال بزعيق في شهد: شهد إنتي بتعملي ايه سيبيها بقولك
شهد ما ردتش لانها اصلا ما كانتش شايفه اي حد ولا سامعه
اندفعت ناحيتها، ومسكتها من شعرها، وبدأت تضربها وسط صرخات لمياء ومحاولاتها إنها تبعد عنها.
شهد بصرخة خرجت من قلبها وانهيار : انتي سلمتيني لمهران ليه؟! عملتلك إيه عشان تعملي فيا كده؟!
لمياء بصرخات وألم: سيبيني! آآه! ابعدي عني يا شهد
أحمد وقف بيتفرج، وعلى وشه ابتسامة شماتة، وقال بصوت ساخر ..
أحمد مستمتع من اللي بتعمله فيها: أيوه يا شهد... طلعي كل اللي جواكي. دي أقل حاجة تستاهلها اديها على دماغها ودماغ اهلها اللي ما عرفوش يربوها ..
سميرة بصتله بغضب وزعيق: رد علينا، ريحتنا! مين دي؟ وليه سيب شهد تعمل فيها كده .؟
أميرة بصرخه فيه؛ أحمد في ايه بقولك رد عليا ..
رد أحمد بنبرة باردة خالية من أي إحساس ..
أحمد ببرود ؛ دي الحرباية اللي كانت السبب خراب حياه شهد .. دي اللي سلمت شهد بإيديها لمهران، ودلوقتي شهد بتاخد حقها.
وقعت كلماته على آمال زي الصاعقة، عيونها وسعت من الصدمة والغضب، وقالت بصوت مليان غضب ...
آمال بغضب وصوت عالي: بقى البت المعفنه الزباله .. اللي عملت في بنتي كده ده انا هشرب من دم اهلها .
ما كملتش كلامها، واندفعت هي كمان تشارك شهد في ضرب لمياء. الاتنين هجموا عليها، وانهالوا عليها بالضرب، وسط صرخات لمياء اللي ملات المنزل ..
حاولت أميرة تتدخل، واتقدمت بخطوات مرتبكة وهي بتصرخ فيهم ..
أميرة بصوت عالي: كفاية إنتي وهي سيبوها.. ربنا هو اللي هيعاقبها على كل حاجة، مش كده
لكن سميرة بصتلها بغضب وزودت الطينه بله:تستاهل ما تقوليش كفاية.. خليهم يعلموها ا ويفشوا غاليلهم فيها الحقيره دي ..
اتعالت ضحكات أحمد الساخرة، بينما كانت لمياء بتتلوى على الأرض، ومش قادرة تحمي نفسها من الضربات، وصوت استغاثتها بيتقطع وسط غضب شهد ووجعها.
أميرة حاولت تشد آمال بعيد، لكن أحمد وقف في طريقها فجأة، ومد إيده يمنعها ببرود مستفز ..
أحمد بشماته فيها: بعد اذنك يا ام أحمد بلاش تتدخلي.. سيبيهم يربوها، خلي شهد ترجع كرامتها اللي اتهانت.
زعقت أميرة بغضب والدموع بتلمع في عيونها منه:كده حرام! اللي بيحصل ده عذاب
رد أحمد بكل برود، وهو رايح ناحية الكرسي عشان يقعد ويحط رجل على رجل
أحمد ببرود وستمتع: هي اللي حرمت على نفسها العيشة.. خليها تاخد على دماغها يا اميره
كانت شهد بتضرب وهي جواها بتتفتت من الوجع، وكل ضربة بترجعلها ذكريات السنتين اللي عاشتها في العذاب مع مهران. افتكرت نظرات مهران، وحبسها، وصوته المرعب، ودموعها وحسرتها.
امال لشهد: شهد سيبيها عليا كفايه انتي كده
شهد بانهيار وحرقه قلب: لا يا ماما انا عايزة أشرب من دمها يا ماما! سيبيني أقتلها وأخلص منها .
قربت سميرة من شهد، وضغطت على كتفها بقوة وهي بتقول بغل .
سميرة بفرحه فيها: طلعي وجع قلبك يا شهد.. طلعي السنتين اللي عشتيهم في جحيم، والحسرة علي نفسك
بصت أميرة لسميرة بغضب شديد وصاحت فيها : سميرة، بس بدل ما تهدي البنت وتقولي كلمة عاقلة، بتولعي الدنيا أكتر وبتزودي النار حطب .
علق أحمد وهو بيتابع اللي بيحصل كأنه بيتفرج على فيلم: أيوه كده.. حطي بنزين على النار يا سميرة خدي فكرة واشتري بكرة
كان بيبتسم بشماتة، وجواه رغبة كبيرة في الانتقام من مهران وكل اللي ليهم علاقة بيه.
حاولت لمياء تقوم وهي بتصرخ من الوجع، لكن آمال ضربتها على ضهرها، فوقعت على الأرض تاني. وفي لحظة غضب أعمى، اندفعت شهد وركلت لمياء في بطنها.
انحنت لمياء على نفسها من شدة الألم، وخرجت منها صرخة قطعت الصمت ..
لمياء بألم: ااااااه
━━━━━━━━━━━━━━━━━━━━━━━━━━━━
في الوقت ده...
دخل وليد من باب منزل الخارجي، راجع من شغله وعقله مشغول من كتر التفكير والضيق اللي محاوطه من أيام.
فجأة، سمع صوت صراخ ودوشة جاية من جوه. قلبه اتقبض بقلق،
دخل بسرعه عشان يشوف إيه اللي بيحصل.
اتسمر وليد مكانه من الصدمة، وقال بصوت عالي هز المكان ..
وليد : ايههههه ده؟! في إيه اللي بيحصل هنااا؟
بصله أحمد ببرود، وأشار بإيده ناحية الأرض وهو بيقول باستفزاز: تعال تعال، اتفرج معايا على فيلم الأكشن ده، فايتك كتير المشهد جامد
صرخت أميرة في أحمد وهي بتتجه ناحية آمال: بس بقى! إنتي إيه، معندكيش دم خالص؟!
ومسكت آمال من دراعها بقوة وهي بتزعق: كفاية بقى.. كفاية لحد كده
لكن شهد، من شدة غضبها، اندفعت تاني ناحية لمياء عشان تضربها. وليد مقدرش يستحمل المنظر، فاتدخل بسرعة وفصل بينهم، وبعدها انحنى وساعد لمياء تقوم من على الأرض، ووقف قدامها يحميها.
بصلهم كلهم، وعيونه بتلمع من الغضب، وبصوت عالي: ايهههه في ايههه؟ أنتوا اتجننتو ولا ايه
استغلت لمياء الفرصة، وسحبت دراعها من إيد وليد برعب، وجريت ناحية الباب الخارجي وهي بتعيط بهستيريا، وخطواتها متلخبطة من شدة الخوف والوجع.
حاولت شهد تجري وراها، لكن وليد صرخ فيها بصوت عالي ..
وليد بغضب وبحزم: شهد غوري اطلعي على أوضتك.. كفاية لحد كده
وقفت شهد مكانها، والدموع مغرقة وشها، وقالت بوجع وغضب
شهد بدموع وحزن:بس.. بس دي السبب في كل اللي حصلي! أنا عايزة حقي منها يا وليد .
قاطعها وليد بصوت حازم: قولت غورييي على فوق
بصتله شهد بغيظ وقهر، وبعدها لفت وشها وطلعت السلم وهي شايلة جواها غضب ووجع كبير.
بص وليد للباقيين، وبصلهم بغضب مكتوم وهو بيقول: وإنتوا الثالثة.. واقفين وفرحانين باللي بيحصل؟ ولميتوا علينا الناس، وصوتكم جايب آخر الشارع؟
رفع أحمد إيديه ببراءة مصطنعة، ورد ببرود: ما تجمعش يا غالي.. أنا من ساعة ما دخلت البيت ما مدتش إيدي ولا قولت كلمة واحدة
بصتله سميرة بغيظ وقالت بسخرية: يا سلام علي أساس انك انت ما قولتش " أيوه كده.. حطي بنزين على النار يا سميرة خدي فكرة واشتري بكرة "
سقف احمد بايده بهزر بيحاول ينكر : الله عليكي يا مرات عمي الله انا قولت كده؟
آمال بنبرة مليانة حقد ووعيد: لو مكنتش جيت في اللحظة دي.. كنا خلصنا عليها اقسم بالله .
هزت أميرة راسها بتعب وإحباط، وقعدت على أقرب كرسي وهي بتتنهد بحرقة
أميرة بتعب : كفاية بقى، حرام عليكم! كل ده مكتوب عند ربنا. بدل الغل ده كله، ادعوالها ربنا يهديها.. مش تعملوا فيها كده دي ليها حسابها عند ربنا.
بصتلها آمال، وعيونها بتلمع بدموع القهر والحزن، وردت بصوت مخنوق:لا، مش حرام! دي تستاهل أكتر من كده مية مرة! بنتي كانت بتموت بسببها وهي في إيدين مهران الكلب.. ساعتها ليه مكنش حد بيقول حرام؟! ليه مكنش حد بيفتكر ربنا؟
وليد اتنهد بغضب من تصرفاتهم .. قال بصوت مخنوق جدا
وليد:كفايه يا جدعان كفايه بالله عليكم انتوا كل يوم و التاني ليكم حوار ايه ده
وراح سايبهم وماشي . وهو هيطق منهم
━━━━━━━━━━━━━━━━━━━━━━━
مع أذان الفجر، قام أحمد من نومه علي صوت المنبه ،
اتوضى وراح صلى في الجامع .
بعد مرور ساعة تقريباً…
كان أحمد لسه راجع من الجامع بعد ما صلى الفجر، دخل أوضته وجاب شنطته اللي مجهزها للسفر، وبعد ما اتأكد إنه ما نسيش حاجة، شالها وخرج من الأوضة بكل هيبه وهو لبس بدله شرطة الشرطه .. وتجاه ناحية باب البيت.
لكن قبل ما يوصل للباب، سمع صوت خطوات سريعة نازلة على السلم، وبعدها صوت شهد وهي بتنادي عليه بلهفة ووجع.
شهد بسرعة، وصوتها بيترعش: أحمد… استنى بس، أرجوك! عاوزة أتكلم معاك شوية!
وقف أحمد مكانه، وقبض إيده على مقبض الشنطة، لكنه ما بصش ناحيتها، ولا حتى لف وشه.
أحمد بجمود : قولي اللي عندك بسرعة يا شهد، عشان ورايا سفر ومش فاضي.
وقفت شهد قدامه، بتحاول تجمع شجاعتها، وعيونها مليانة دموع.
شهد وتوتر
شهد بدون مقدمات:أحمد، بص… خلينا نبدأ صفحة جديدة مع بعض، وننسى كل اللي فات. إنت هتتقدملي ونتجوز، ونعيش حياتنا بالحلال، ونبقى أنا وإنت وابننا اللي في بطني أسرة واحدة. أرجوك، ادينا فرصة نصلح كل حاجة.
ضحك أحمد ضحكة قصيرة، مفيهاش أي فرحة، بالعكس، كان وراها وجع سنين. وهو زي ماهو مكانه، مديها ضهره
أحمد بسخرية حزينة: والله؟ دلوقتي افتكرتي إننا ممكن نبدأ من جديد؟ لأ يا شهد، أنا مش عايز كده. ابدئي إنتي حياتك من غيري، وخدي بالك من نفسك ومن اللي في بطنك، واعتبريني مش موجود.
شهد عيطت بقهرها: ليه يا أحمد؟ ليه بتعمل فيا كده؟ ما إنت عرفت الحقيقة وعرفت أنا كنت بمر بإيه! أنا والله ما عايزة من الدنيا غيرك، نفسي نعيش مع بعض، ونربي الطفل إللي جوايا سوا . عاوزه اربي معاك أنت، وننسى كل الوجع اللي عشناه. أنا بحبك يا أحمد!
أحمد لف ناحيتها، وبصلها بنظرة كلها عتاب ووجع، وكأنه بيحاول يفهمها قد إيه كلامها جه متأخر.
أحمد بحزن: وإنتي فاكرة إن الحقيقة لما ظهرت هتمسح كل اللي حصل؟ فاكرة إني هنسى السنتين اللي فاتوا كأنهم ما كانوش؟ فاكرة إني هنسى اليوم اللي وقفت قدامك فيه وقلبي مفتوح ليكي، وقولتلك إني بحبك، وانتي ما صدقتينيش؟ مشيتي ورا خوفك وضعفك، وسبتيني أواجه كل حاجة لوحدي. عمرك ما جيتي قولتيلي الحقيقة، ولا اديتيني فرصة أكون جنبك وأحميكي من اللي كان بيحصلك
انفجرت شهد في العياط، وهزت راسها وهي بتحاول تبرر موقفها.
شهد بعياط وقهر : سامحني يا أحمد، أرجوك سامحني! أنا كنت خايفة… خايفة منه، وخايفة منك، وخايفة تحكم عليا قبل ما تسمعني. والله ما كان قصدي أوجعك ولا أخسرك. أنا حتى لما قولتلك إني مش بحبك وإن قلبي مع حد تاني، كان غصب عني… كنت بحاول ألتزم بالوعد اللي وعدته لمرات عمي كنت عاوزه ابعدك عني، وكنت عايزة كل حاجة بينا تحصل بالحلال، بعيد عن الغلط ومن ورا أهلنا. كنت فاكرة إني كده بحمي نفسي وبحميك، ما كنتش أعرف إننا هنخسر بعض بالشكل ده
سكتت لحظة، ومسحت دموعها بإيديها، وبصتله برجاء.
شهد: أحمد، أنا مش بطلب منك تنسى كل حاجة في يوم وليلة… أنا بطلب منك تديني فرصة أعوضك، وأثبتلك إني عمري ما حبيت غيرك. أرجوك، ما تسبنيش كده!
نزل أحمد عينه للأرض للحظة، وكلامها كان بيوجعه أكتر ما بيبين. كان نفسه يصدق إن كل حاجة ممكن ترجع زي الأول، لكن الخوف من تكرار نفس الوجع كان أقوى من قدرته على إنه يمد إيده ليها.
رفع عيونه ليها واتكلم بنبرة هادية، لكنها قاسية.
أحمد بقرار نهائي: أنا مصدقك يا شهد… مصدق إنك كنتي خايفة، وانك بتحبيني ومصدق إنك مكنتيش عايزة كل ده يحصل. بس ده مش معناه إن كل حاجة جوايا رجعت زي الأول. أنا تعبت، تعبت من كتر الهموم والتفكير، ومش قادر أرجع لنفس المكان تاني. مش عايز أكمل معاكي، ومش عايزك تستني مني حاجة.
شهد بصدمة، ودموعها نزلت أكتر: يعني إيه؟ يعني بعد ما عرفت إني مظلومة، وبعد كل اللي حصل لينا، لسه مش عايزني؟!
أحمد هز راسه ببطء، من غير ما يقدر يبصلها: أيوه يا شهد… ده قراري النهائي.
فضلت شهد باصهله ثواني، كأنها مستنية منه يتراجع أو يقول كلمة واحدة تطمن قلبها، لكنه فضل ساكت.
شهد بيأس ووجع: تمام يا أحمد… أنا هدوس على قلبي، وهحاول أنساك زي ما إنت عايز. هكمل حياتي، وهخلي بالي من نفسي
ومن ابني، ومش هطلب منك حاجة تاني. بس عايزاك تعرف إنك كنت أغلى إنسان عندي، وإن مفيش حد دخل قلبي غيرك. أنا حبيتك بجد، وكنت بتمنى أعيش عمري كله معاك… بس خلاص، هحاول أدفن الحب ده جوايا، حتى لو أخد مني عمري كله.
الكلمات نزلت على أحمد زي السكاكين، لكنه خبي وجعه ورا ملامح جامدة، ورفع الشنطة من الأرض.
أحمد بصوت مخنوق بيحاول يخفيه: أتمنى فعلا تعيشي حياتك وتنسي اللي فات… يمكن ده يكون أريح لينا إحنا الاتنين، وأحسن لكل اللي حوالينا.
لف وشه ومشي ناحية الباب، وكل خطوة كان بياخدها كانت أصعب من اللي قبلها، لكنه أصر ما يبصش وراه، لأنه كان عارف إن نظرة واحدة منها ممكن تضعف قراره كله.
أما شهد، فأول ما شافته بيبعد عنها، انهارت في مكانها، وحطت إيدها على قلبها وهي بتعيط بحرقة.
شهد ببكاء وجع:يا رب… يا رب طلعه من قلبي، يا رب! أنا مش قادرة أعيش بالوجع ده… يا رب قويني
خرجت أميرة من أوضتها على صوت عياطها، وجريت عليها بخضة.
أميرة بقلق: شهد! مالك يا حبيبتي؟ إيه اللي حصل؟ أحمد قالك إيه؟
لكن شهد ما قدرتش ترد، كل اللي قدرت تعمله إنها رمت نفسها في حضن أميرة وفضلت تعيط، وكأن كل الكلام اللي جواها اتحول للانهيار.
قعدتها أميرة على الكرسي، وفضلت تربت على ضهرها بحنان، وهي بتحاول تهديها.
أميرة بحزن: اهدي يا حبيبتي، عشان خاطري… اهدي، أنتي مش لوحدك، احنا معاكي وجنبك يا شهد.
لكن شهد فضلت تعيط، وقلبها موجوع على حب كانت فاكرة إنه أخيرا هيرجعلها، لكنه اختار يمشي.
ــــــــــــــــــــــــــــــــــــــــــــــــــــــــــــــــــــــــ
قدام البيت…
خرج أحمد وهو شايل شنطته، وحطها في شنطة العربية، وبعدها وقف لحظة وسند إيده على باب العربية، محاولا ياخد نفسه ويجمع شتات أفكاره.
كان عارف إنه لو فضل واقف أكتر من كده، ممكن يرجعلها، وممكن يضعف قدام دموعها وينسى كل اللي عاشه.
ركب العربية، وشغل المحرك، وانطلق في طريقه للسفر.
طول الطريق، كان ساكت تماما، وعيونه ثابتة على الطريق، لكن عقله كان لسه عند باب البيت… عند صوت شهد وهي بتنادي عليه، وعند دموعها وهي بتترجاه ما يمشيش.
أحمد بينه وبين نفسه، بحزن: انساها يا أحمد… انساها. إنت اللي اخترت تبعد، يبقى لازم تستحمل قرارك. حتى لو قلبك لسه عايزها… ما ينفعش ترجع لنفس الوجع تاني.
شد إيده على عجلة القيادة، وأخد نفس طويل، محاولا يمنع دموعه من النزول.
أحمد في نفسه بوجع: يا رب قويني… أنا مش عارف أنا بعمل الصح ولا بغلط، بس أنا تعبت، والله تعبت.
وكمل طريقه للكتيبة، شايل جواه هموم كبيرة ، وحزن كبير جواه
━━━━━━━━━━━━━━━━━━━━━━━━━━━━
فجأة، وقفت نور قدام المرايا، عيونها متعلقة بانعكاس صورتها، ونظراتها مليانة قسوة وشر، وكأن كل الوجع اللي عاشته زمان اتحول في اللحظة دي لغضب ملوش حدود. قبضت إيديها بقوة، ورفعت راسها وهي بتبص لنفسها بنظرات مرعبة، قبل ما تصرخ بصوت عالي هز سكون الغرفه ...
نور بصوت مليان حقد وانتقام: نوووور هتنتقم منك يا مياااار قريب أوي... وهتشوفي بنفسك . هتدفعي ثمن كل حاجه عملتيها فيها .