رواية خبئني بقلبك من قسوة العالم الفصل الثاني عشر12 بقلم ميمو
في العربية عند فارس فضلو ساكتين شوية لحد ما ليالي بصت من الشباك وقالت .... هو الاجتماع ده هياخد وقت
فارس من غير ما يبصلها ... غالبا لا
ليالي ... و غالبا دي معناها ايه
فارس بابتسامة خفيفة ... معناها لما نوصل هتعرفي
ليالي ... إجابة مستفزة
فارس ..... المفروض انك اتعودي
ليالي بضحك .... للأسف اه
سكتوا تاني وبعد كام دقيقة فارس بيقف مرة واحد بالعربية
ليالي ... وقفت ليه
فارس ... عشان الطريق زحمه
ليالي ببرود ... اه ما انا شايفه
فارس بضيق ... امال بتسالي ليه
ليالي بعيظ... جه في عقلي اسئال
فارس... اسئلتك كتير انت وعقلك
ليالي ... خلاص مش هسألك تاني
فارس ... هيكون احسن
بصتلو بضيق وغيظ مكتوم وسكتت
بعد شوية
ليالي .... فارس
فارس .. هممم
ليالي ... متبقاش شديد اوي في الاجتماع
فارس باستغراب ... ليه؟
ليالي ... عشان الناس متخفش منك وتهرب
فارس بابتسامة جانبيه... وانتي ؟
ليالي ... انا ايه؟
فارس ... بتخافي مني ؟
ليالي سكتت ثواني وبعدين ابتسمت ... يعني ساعات
فارس بضحكة خفيفه ... كدابه
ليالي ... ليه
فارس وباصص للطريق ... عشان لو كنتي بتخافي مكنتيش اتكلمتي معايا بالطريقة دي
ليالي بصتله كام ثانية من غير ما ترد، وبعدين لفت وشها ناحية الشباك وسكتت.
فارس لمح نظرتها، لكنه مقالش حاجة وكمل سواقة.
وبعد كام دقيقة، كانوا وصلوا للمكان.
فارس ركن العربية، ونزل هو وليالي، واتجهوا سوا ناحية مدخل المكان. دخلوا، وكان مازن وصل قبلهم واستقبل الضيوف.
فارس بيقرب من الترابيزة، وليالي ماشية جنبه.
الحوار كان مترجم:
فارس بجدية وهيبة:
— أهلًا، أستاذ مارك.
مارك بابتسامة:
— أهلًا، أستاذ فارس. اسمح لي أعرّفك على ابني، جان.
جان بابتسامة:
— أهلًا، أستاذ فارس.
بيسلم على فارس، وبعدها عينه بتروح ناحية ليالي، وبيبصلها بإعجاب واضح.
فارس بياخد باله من نظراته، وملامحه بتتغير للحظة، ويبص لجان بضيق وجدية.
فارس ببرود:
— أهلًا. اسمح لي أعرّفك على المهندسة ليالي، هتكون معانا في الاجتماع.
وبيكمل وهو مركز مع جان بنظرة حادة:
— وابنة عمي.
مارك بابتسامة:
— أهلًا، سنيوريتا ليالي، تشرفت بمعرفتك.
بيمد إيده عشان يسلم عليها، لكن فارس بيتدخل بسرعة وبيسلم عليه بدلها.
ليالي بتبص لفارس باستغراب، وبعد ما يقعدوا، تقرب منه وتهمس:
ليالي بضيق:— إنت بتسلم مكاني ليه؟ أنا إيدي مقطوعة؟
فارس بيبصلها بضيق، وبيتكلم بهمس:— مش وقت جنانك خالص. بعدين نتكلم.
ليالي بضيق وهي بتعدل قعدتها:— أوووف... ماشي، ماشي يا فارس.
فارس بيتجاهلها، وبيوجه تركيزه ناحية مارك.
مارك بجدية:— خلينا نبدأ في تفاصيل الصفقة...
ويبدأ الاجتماع، وكل واحد يفتح ملفه، بينما فارس بيتابع كلام مارك بتركيز، وليالي بتسجل الملاحظات قدامها.
جان من الناحية التانية بيفضل من وقت للتاني يبص ناحية ليالي.
بعد شوية ليالي بتبدأ تلاحظ نظرات جان وبتضيق
ليالي بهمس ... فارس المفروض اننا خلصنه صح
فارس بهدوء ... اه هنمضي بس ونمشي
ليالي ... طب انا هخرج استناكم في العربية
فارس ... ليه؟
ليالي بتفكير ... ضهري ضهري وجعني ومش هقدر اقعد اكتر من كدة هروح العربية
فارس بخوف وضيق... انا مش قولتك تخدي المسكن عاندي بردو
ليالي بضيق ... انا حرة ولو سمحت هات المفاتيح اخرج استناكو في العربية
فارس ... لا
ليالي ... ليه
فارس .... مش هسيبك تقعدي لوحدي في العربية طبعا وضهرك وجعك
ليالي بضيق اكتر بسبب نظرات جان اللي بقت مش مريحة ومش عايزه حد ياخد باله ... فارس انا عايزة اخرج
فارس بيبصلها باستغراب من ضيقها المتزايد، وبعدين بيلتفت ناحية المكان اللي كانت بتبصله. بمجرد ما يشوف جان، ملامحه بتتغير، لكنه بيحافظ على هدوئه.
فارس بهدوء وهو في دماغه حاجة... ماشي، بس مازن هيوصلك، وأنا همضي وأجيلكم.
ليالي ... مازن يوصلني ليه هو انا طفله
فارس بهمس و حزم.... ليالي خلصنا ، مازن
مازن بيبصله باستغراب ... ايه في ايه
فارس بجدية.... وصل ليالي للعربية عشان تعبانة وانا همضي واجي وراكو
مازن ... اوكيه هوصلها وارجعلك
فارس بجدية... لا خليك انا هاجي وراكو على طول
مازن بيبص له بشك، كأنه حاسس إن في حاجة مش طبيعية، لكنه بيهز راسه ويقوله.... تمام
اول ما ليالي ومازن بيخرجو
فارس بيقوم مرة واحد وبيمسك جان من قميصه ويديلو بالبوكس
مارك بيقوم مفزوع وبيحاول يبعد فارس عنه.
مارك بخضة... ماذا تفعل، أستاذ فارس؟!
فارس بغضب وهو بيبص لجان... أنا قلت لك من البداية إنها تقربني، وإنك متبصش لحاجة متخصكش.
فارس بحدة وهو بيبص لمارك...
فارس... الثفقة دي اتلغت.
على الناحية التانية...
ليالي بتدخل العربية وتقعد بحذر بسبب ألم ظهرها.
مازن... أنا هروح أشوف فارس وأجيلك عشان نمشي.
ليالي... أوكيه.
مازن بيرجع للمطعم، وبمجرد ما يدخل، بيشوف فارس واقف قدام جان ومارك بيحاول يهدّي الموقف.
مازن بيقرب منه بسرعة.
مازن بصدمة... إنت عملت إيه يا فارس؟
فارس بجمود وحزم... أنا قلت اللي عندي... مفيش اتفاقات.
مارك بيبص لفارس بغضب وبيحاول يستوعب اللي حصل.
مارك... أستاذ فارس، هذا تصرف غير مقبول.
فارس ببرود... تصرفي كان رد على تصرفه.
مازن بيبص لفارس، وبعدين لجان، وملامحه بتوضح إنه بدأ يفهم سبب اللي حصل.
مازن بجدية وهو بيبص لمارك...
مازن... سيد مارك، الخطأ من البداية كان من ابنك. وانت من تحتاج الصفقة لتدعم شركتك، مش إحنا.
مارك بيحاول يهدّي الوضع، وبيبص لفارس...
مارك... سيد فارس، أنا أعتذر نيابةً عن جان. وأعطيك وعد إن
من الآن، أي شيء يخص الصفقة سيكون التعامل فيه بيني وبينك مباشرة، ولن يكون لجان أي تدخل.
فارس بجمود وهو بيبص لجان...
فارس... ده اللي كان المفروض يحصل من البداية.
جان بيبص لفارس بضيق، لكنه بيسكت.
مازن بيلتفت لفارس...
مازن... خلصنا؟
فارس بياخد نفس هادي، وبيعدل قميصه...
فارس... أيوه. نخلص التوقيع ونمشي.
وبيوقعوا الاتفاق أخيرًا ويخرج فارس ومازن من المطعم.
ليالي وهي بتبص لهم باستغراب... إيه ده؟ كل ده عشان توقّعوا؟
فارس ببرود... كان فيه شوية كلام قبل التوقيع.
ليالي بتبص له أكتر... كلام؟ بس إنت قلتلي إنكم هتمضوا وتيجوا على طول.
فارس ببرود وهو بيفتح باب العربية... واتأخرنا شوية.
ليالي بتبص في ملامحه، حاسة إن في حاجة حصلت لكنه مش بيقولها...
ليالي... هو في حاجة حصلت
فارس ببرود... لا.
ليالي بعدم تصديق... مش مصدقك
فارس ببرود ... براحتك
مازن بيخبط على شباك العربية
فارس بيفتح الشباك . ... خير
مازن باحرج .... احمم العربية بتاعتي عطلت خدني في طريقك
فارس ببرود ... طب اركب أنجز وابقا شوف حد يجي يجبهالك
وبيركب مازن وراه
ليالي بفضول ومحاولة لمعرفة ما يخفيه فارس بتحاول توقع مازن وتقول ... صح ازاي اللحصل جوه ده يا مازن انت كنت فين
مازن ظن إنها عرفت... ولله انا دخلت لقيته عاجن الواد
ليالي بتبص ل فارس بضيق ... يعني في حاجة حصلت بجد ، يعني كدبت عليا
فارس ونفسو يولع في مازن في اللحظة دي وبيبصلو من المراية بغيظ رد عليها ببرود ... حاجة متخصكيش
ليالي بترفع حاجبها وبتركز مع مازن... لا بجد، أنا بسألك إيه اللي حصل؟
مازن بتوتر... مفيش حاجة، يعني فارس كان... بيتفاهم معاه بس.
ليالي بسرعة... بيتفاهم معاه؟ إنت من شوية قولتلي إنه كان «عاجنه»!
مازن يتلخبط... ما أنا قصدي... عاجنه بالكلام!
فارس من المراية بيرمي له نظرة باردة تخليه يبلع باقي كلامه.
ليالي بتبص لفارس بشك... بالكلام؟ إنت كنت بتضربه ولا بتتكلم معاه؟
مازن، من غير ما يحس إنه بيوقع نفسه أكتر... لا، ما هو الأول ضربه وبعدين...
يسكت فجأة.
الصمت يملأ العربية.
ليالي ببطء... الأول ضربه؟
فارس ببرود قاتل... مازن.
مازن بيحاول يصلح بسرعة... أقصد... ضربه في الكلام!
ليالي مستغربة... إيه ضربه في الكلام دي؟
مازن بيحك رقبته ومش عارف يبص لفارس... يعني... كلام جامد شوية.
ليالي بتبص لفارس... وإنت قولتلي مفيش حاجة حصلت.
فارس بضيق وهو مركز في الطريق... عشان مفيش حاجة تخصك.
ليالي... لو مفيش حاجة، ليه مازن متوتر كده؟
مازن بسرعة... أنا؟ متوتر؟ لا خالص! أنا زي الفل.
وبعدين يهمس لنفسه... يا رب العربية تقف وأرمي نفسي منها.
ليالي تسمعه... إيه؟
مازن بسرعة... قلت يا رب نوصل بالسلامة!
فارس من المراية... إنت لو اتكملت كلمة واحدة تاني، مش هنحتاج نوصل أصلًا.
مازن يسكت فورًا.
ليالي تبتسم ابتسامة صغيرة وهي أخيرًا حست إنها مسكت طرف الخيط... تمام يا مازن، أنا مش هسألك تاني.
مازن يتنفس براحة.
ليالي تكمل بهدوء... هسأل فارس نفسه.
مازن يقفل عينه ويهمس... كده أنا متّ.
فارس ببرود... مفيش حاجة تسألي فيها.
ليالي... أمال ليه لما سألت مازن، اتوتر؟
مازن بسرعة... لا يا ليالي، أنا بس—
فارس يقاطعه بنظرة حادة.
مازن يسكت ثانيتين، لكنه من توتره يطلع منه الكلام قبل ما يفكر...
مازن... بس هو كان خايف تعرفي إنه هو ....
يسكت فجأة.
فارس يضغط على الفرامل فجأة، والعربية تهدى بقوة.
ليالي بتبص لمازن... هو إيه؟
مازن عينه تتسع، ويبص لفارس.
فارس يلتفت له ببطء، وصوته هادي بشكل يخوف...
فارس... كمّل.
مازن يبلع ريقه... أنا... نسيت.
ليالي بحدة... لا، إنت ما تنساش بعد ما بدأت!
فارس يرجع يبص للطريق، وملامحه جامدة...
فارس... آخر مرة هقولها، الموضوع انتهى.
ليالي تفضل باصة له ثواني، وبعدين تقول بهدوء...
ليالي... لأ، واضح إنه لسه ما بدأش أصلاً.
مازن يغمض عينه ويتمتم لنفسه...
مازن... أنا ليه ركبت معاكو كنت خد تاكس
فارس بضيق ... انا بقول كدة برود
ليالي وقررت تعرف بالزن
ليالي .... فارس
فارس باصص على الطريق يرد ببرود... خير
ليالي بفضول وهدوء ... ضربته ليه
فارس ببرود .... حاجة متخصكش قولت
ليالي بفضول وزن... بس انا عايزة اعرف عايزه اعرف قول يلا
فارس بيبص لمازن من المراية بضيق وحدة ..... ايه رايك
مازن بتوتر ... رأي في ايه انا ساكت اهو
فارس بسخريه وبرود.. اه ساكت بعد ايه
ليالي ... فارس
مش بيرد
ليالي ... فارس ،فارس يا فااارس
فارس بضيق... عايزه ايه
ليالي ... بليز قولي بقا قول قول يلا
فارس بعصبيه من زنها ... عشان كان بيبصلك بنظرات مش مريحة، ارتحتي ياريت مسمعش صوتك باقي الطريق
ليالي بتبصلو و بتحاول تستوعب ان فارس كان واخد باله
ليالي بهدوء ... انت كنت واخد بالك
فارس ببرود.. اه يعني
ليالي .. يعنى ايه اه يعني ، انت كنت واخد بالك من امتى
فارس ... لما قولتي انك عايزه تخرجي
ليالي ... عشان كدة وافقت اخرج بعد ما كنت رافض
فارس ... اه ، وكفاية اسأله
نظرت ليالي إليه وظلت صامتة للحظة، ثم قالت بهدوء:
ليالي: — شكرًا.
نظر إليها فارس للحظة، ثم أعاد عينيه إلى الطريق وقال ببرود:
فارس: — مفيش داعي للشكر.
حاولت ليالي أن تعدّل جلستها، لكنها ما إن تحركت حتى شعرت بألم في ظهرها، فكتمت أنينها بصعوبة وقالت بخفوت:
ليالي: — فارس... وقف عند أي صيدلية وإحنا ماشيين.
نظر إليها فارس باستغراب، ولاحظ تعبير الألم على وجهها، ثم قال بجدية: ليه؟ ضهرك لسه بيوجعك؟
ليالي... لا
فارس ... انت لسه بتعندي في وجعك ، انا جمبك وسامع آهاتك
ليالي بضيق ... كله بسببك
فارس بتنهيدة ... مش قادر اجادل معاكي تاني ، انا بعترف انك اكتر واحدة عندك طاقة للجدال خلاص
بعد دقائق بيقف قدام صيدليه
فارس بينزل ويفتحلها الباب ... يلا انزلي
بتنزل ليالي براحة بسبب ألم ضهرها
وبيدخلو الصيدلية يجيبو مسكن ، ويرجعوا العربيه
يناولها فارس ازازة مياه وبتاخد المسكن
ليالي بهدوء ... شكرا
فارس بهدوء ... مفيش داعي للشكر
مازن بيبصلهم بذهول... هو انتو كدة طبيعيين يعنى ، انتو مش كنتو مش طيقين بعض من شوية ، انا قولت حد هيخلص على التاني
فارس وليالي في صوت واحد: — مالكش دعوة!
مازن بيبصلهم ثواني بذهول، وبعدها يهز راسه بسخرية: مازن: — ما شاء الله... من شوية كنتوا هتخلصوا على بعض، ودلوقتي بقيتوا بتردوا عليّا في صوت واحد!
ليالي بضيق: — هو ليه بيحب يتدخل في كل حاجة.
فارس ببرود: — ما ترديش عليه وخلاص.
ليالي بتبص له باستغراب:— هو أنا طلبت رأيك؟
فارس ببرود :_ مش انتي اللي بتسالي
ليالي بضيق ... بسأل عقلي مقولتش يا فارس ولله
فارس من غير ما يبصلها ببرود: — طب ياريت تسكتي انتي وعقلك باقي الطريق
مازن بيضحك: — أهو رجعنا تاني... الحمد لله، كنت فاكر إن الصيدلية عملت معجزة.
ليالي بتبص له بضيق، وبعدها تسند ضهرها على الكرسي بحذر.
فارس بياخد باله من حركتها، فيبص لها للحظة: فارس بجدية: — خلي ضهرك مرتاح، ومتتحركيش كتير.
ليالي بهدوء: — حاضر.
مازن بيبص لفارس باستغراب، لكنه يفضل ساكت.
فارس يرجع يبص للطريق، وكأنه محصلش حاجة، بينما ليالي تسند راسها على الكرسي وتغمض عينيها شوية.
مازن بابتسامة جانبية: — أنا مش هقول حاجة... بس واضح إن فيه حاجات كتير اتغيرت وأنا مش واخد بالي.
فارس ببرود: — ما تبدأش.
مازن يضحك: — حاضر يا سيدي... ساكت.
بعد شوية بيكونو قدام بيت مازن
فارس ... اتفضل انزل يلا وياريت عربيتك متعطلش وانت معايا تاني ، عشان مش هركبك معايا
مازن وهو بيفتح الباب: — حاضر يا عم فارس، بس على فكرة أنا مش اللي عطّلت العربية.
فارس ببرود: — المهم إنها عطّلت وإنت فيها.
مازن بيبص له باستنكار: — يعني بدل ما تقولي حمدلله على السلامة، بتطردني؟
ليالي بتضحك بخفة وهي بتبص من الشباك.
مازن بيبصلها: — إنتِ بتضحكي؟ ده أنا كنت هبات في العربية بسببكم!
ليالي بابتسامة: — معلش يا مازن، المرة الجاية خد معاك ميكانيكي.
مازن بسخرية: — لا، المرة الجاية هاخد عربية تانية... أضمنلي.
فارس ببرود: — يلا يا مازن.
مازن بينزل من العربية، ويقفل الباب، وبعدها يميل على الشباك ويبص لفارس وليالي بابتسامة مشاكسة:
مازن: — سلام يا حلوين اقابلكم في عيد الميلاد
ليالي باستغراب: — حلوين مين؟
مازن بيضحك: — ولا حاجة، سلام.
فارس بحدة: — مازن!
مازن بيجري خطوتين وهو بيضحك: — خلاص خلاص، مش هتكلم!
ليالي بتبص لفارس وتضحك، وفارس يبصلها بضيق مصطنع، وبعدها يحرك العربية.
ليالي ... هنروح المول ؟
فارس وهو باصص قدامه ... اه