رواية خلف الاضواء بقلم نور الهادي
رواية خلف الاضواء الفصل الخامس عشر15 بقلم نور الهادي
قال حسن _ رجعتى يا عروسه بس اى للحلاوه دى
قالت ديما بغضب: إنت إزاي تدخل الشقة كده؟!
قال حسن : لا، أنا أدخل وأعمل اللي أنا عايزه. ويلا عشان تيجي معايا يا عروسة، شقتك جاهزة. ده أنا استنيتك كتير!
قرب منها ومد إيده يمسك إيدها، وقال بابتسامة مستفزة: هاخد إجازة أسبوع مخصوص عشانك، ولا أخليها شهر اصلى هغرب ف العسل؟
زقته ديما جامد، ورجعت لورا وهي بتبصله بغضب.
قالت: ابعد! إياك تلمسني، إنت سمعتني؟! عروسة إيه وشقتي إيه؟ إنت شارب حاجة؟!
قال حسن باستنكار ساخر: شارب حاجة؟ هو إنتِ متعرفيش ولا إيه؟! لا، بقولك اتعدلي في كلامك وإنتِ بتكلمي جوزك، ويلا من هنا!
قالت ديما بصدمة: جوزي إيه؟! إنت اتجننت؟!
قال حسن بثقة: آه، جوزك! وإنتِ تبقي مراتي. ما تقولها يا إبراهيم؟
بصت ديما لإبراهيم بصدمة، بينما قالت منى بذهول: إنت تعرف الى بيقولة...انا عملت إيه؟!
مسك حسن إيد ديما تاني، وقال بابتسامة مستفزة: أنا جوزك يا حلوة.
سحبت إيدها منه وهي مش مستوعبة كلامه.
قالت ديما بصدمة: إنت بتقول إيه؟!
قال حسن: بقولك جوووزك! مبتسمعيش؟!
قالت ديما وهي بتبصله بعدم تصديق: إنت بتقووول إيييه؟! أنا متجوزة؟!
ضحك حسن بسخرية وقال: ابتديتي تفهمي أهو! يلا يا حلوة.
سحبها من إيدها، فصرخت ديما وهي بتحاول تفلت منه.
قالت: اوعى! بقولك إنت اتجننت! أكيد إنت مجنون! أنا متجوزتكش، ولا تربطني بيك أي حاجة!
قال حسن بثقة: لا، ما أنا معايا عقد مُمضي من جوز أمك.
بصت ديما لإبراهيم بصدمة، وكأنها مستنية منه ينفي الكلام ده.
قالت منى بذهول: يا نهارك أسود!
ابتسم حسن وقال: واستنيتك عشان أحوّل العقد ده لواقع.
قالت ديما وهي بتبصله بصدمة وغضب: إنت بتقول إيه؟! إبراهيم مين اللي جوزني بيك؟!
كان إبراهيم ساكت، خايف ومرعوب وحزين، ومش قادر يرفع عينه في عينها.
قربت ديما منه، وصوتها بدأ يرتعش من الصدمة.
قالت: إنت عملت إيه؟! اللي بيقوله الحيوان ده بجد؟!
قال حسن بغضب: حيوان؟! ده إنتِ عايزة تتربي بقى!
كان هيضربها، لكن إبراهيم مسكه وقال: اهدى يا حسن، مش كده. هي بس لسه بتستوعب.
قال حسن بعصبية: أنا مش هعتمد عليك في حاجة! اديتك الفلوس، وفي الآخر لما رجعت متعرفنيش؟! اسمع، خليك فاكر كلامي كويس.
قال إبراهيم بخوف: هي لسه راجعة، أنا هقولها، بس بالراحة شوية.
قال حسن بتهديد: مش بعيد الفلوس اللي اديتهالك، والإيجار اللي مديهولك، واللي بديهولك، تفتكر إنك هتشغل دماغك عليا؟! أنا اشتريتها، ولو فكرت تبقى ذكي زي بنت مراتك، هتندم إنت وهي!
بص حسن لديما وقال ببرود: هجيلك لما تكوني هديتي كده، وأفهمك غلطك، بدل ما أشوهك عشان رجوعك والأفورة اللي إنتِ عملاها في نفسك.
خرج وساب وراه صدمة اتعلقت في الجو، والبيت كله غرق في صمت تقيل.
كانت ديما ساكتة، لسانها مشلول، زي عينيها اللي بتتحرك برعب وخوف وهلع.
قالت بصوت متقطع: م... متجوزة؟!
كان إبراهيم ساكت، ومنى حاطة إيدها على بقها، بتحاول تستوعب اللي حصل، ومش قادرة تصدق حقيقة جوزها واللي عمله، وإن الفلوس اللي كانت معاه كلها من حسن عشان بنتها.
قالت ديما وهي بتترعش: أ... أنا متجوزة؟! جوزتوني ليه؟!
لفت ديما ناحيتهم، وجسمها كله بيرتعش.
قالت منى: ديما...
قالت ديما بصدمة وانهيار: عملتوا فيا إيه؟! إزاي... إزاي تعملوا فيا كده؟! تجوزوني من غير علمي؟!
كانت في صدمة وهول جحيم المعرفة، مش قادرة تستوعب اللي اكتشفته، ولا تصدق إن أقرب الناس ليها عملوا فيها كده.
تمتمت وهي بتبص قدامها بذهول: متجوزة... ب... بس أنا متجوزة... يعني إيه؟! يعني أنا متجوزة اتنين؟!
بصولها بصدمة كبيرة، بينما عينيها امتلوا بالرعب، ورددت بصوت أضعف:
قالت ديما: أ... أنا متجوزة اتنين؟!
قالت منى بحزن وخوف: مكنتش أعرف والله، وحياتك عندي مكنتش أعرف!
قالت ديما بصراخ: أماااال مييييين اللي يععععرف؟! مييييين؟!
مسكت ديما في إبراهيم وقالت: إنت عملت فيااا إيه؟!
قال إبراهيم: ديما، اهدي!
قالت ديما بانهيار: هوديك في مصيبة! إنت عارف حجم اللي عملته؟! عارف عملت إييييه؟! إزاي أبقى مرااااته؟! إزاي؟!
زقته جامد وهي بتصرخ فيهم: بتعملوا فيا كده لييييه؟! عشان الفلوس؟!
رمت الحاجات اللي على الأرض، وقالت بصوت مخنوق من العياط والغضب: عايزين تدمروني! بتبيعوني لييييه؟! مجوزني من ورااايا وأنا معععرفش؟!
قال إبراهيم: كنت بحسب إنك هترجعي، وهتعرفي إن حسن كويس، وعيشته هتريحك.
قالت ديما بصراخ: آخررررس! مش عايزة أسمع منك كلمة! تخلصني من اللي أنا فيه... سمعتتتني؟! أنا مش هكون للحيوان ده لو على جثتتتتي! سمعتتتوني؟! هوديك ف ستين داهيه هوديكو ف ستيييين داااااهيه بالعقد ده
دخلت الأوضة وهي بتقفل الباب وراها بعنف.
منى بصت لإبراهيم، وقربت منه بخطوات صادمه غاضبة، وقالت: مين اداك الحق تعمل كده؟!
قال إبراهيم: أنا فكرت في مصلحتها.
قالت منى بحدة: مصلحتك إنت وبس! إنت كلب، زي كل اللي همك الفلوس بس، مش بنتي!
مسكته من هدومه بقوة، وعينيها مليانة غضب وتهديد.
قالت: إنت طلعت أحقر مما كنت أتخيل! لو حصلها حاجة، هقتلك يا إبراهيم! لو بنتي صابها أذى، هقتتتلك! هوديك في مصيبه على اللي عملته!
قال إبراهيم: أنا جوزك يا منى، أيا كان، جوزك وأبو بنتك!
قالت منى بغضب: ريم دي هي اللي مصبراني عليك، بس لما توصل إنك تبيع ديما، يبقى لاااا! يبقى مش هيخلصني منك غير موتك! وينعل أبو بنتي واللي عايزاه!
قال إبراهيم: مننننى!
كانت ريم واقفة عند الباب، عينيها مدمعة بحزن من اللي بتشوفه. راحت لأوضة ديما ودخلت، لقت ديما قاعدة ساكتة، صامتة، وسط المصيبة اللي عرفتها وسمعتها. الدموع متحجرة في عينيها، وهي بتبص للحيطة كأنها مش مستوعبة اللي حصل، وكأنها تايهة في عالم تاني.
..............
كان حسن قاعد عند محله، بيشرب شيشة.
قال واحد من رجاله: هتعمل إيه يا باشا؟
قال حسن: هخليها مرعوبة شوية، وهاخدها النهارده قبل بكرة.
قال التاني: أنا خليت الواد مروان يراقب بيتها، عشان لو في أي حاجة، بس لحد دلوقتي منعرفش غريبة مين دي، والسواق ده من مين برضه.
قال حسن ببرود: ميهمنيش، كل اللي يهمني حاجة واحدة، وهي ديما... وهكسر غرورها النهارده لما تبقى معايا.
.............
في العربية، كان جاسر بيرن على ديما، فقال أسامة:
— في حاجة؟
قال جاسر وهو بيبص للموبايل :
— ديما مش بترد على تليفونها لأول مرة.
قال أسامة :
— تلاقيها مشغولة مع أهلها، وسايبة تليفونها، ومستنياك.
سكت جاسر بصله اسامه من قلقه، فقال جاسر:
— بص قدامك.
ابتسم أسامة من اهتمام جاسر الواضح بديما، وبرغم إنه بيحاول يخفيه، لكنه بيفشل. ولأول مرة، يشوف جاسر واقع في فتاة، بيهيم بيها عشقًا بالشكل ده.
كانت العربيات بتدخل الشوارع، والناس بتلف بدهشة ناحية العربيات الفارهة، وكأنهم بيشوفوا مشهد من السيما. حتى أصحاب المحلات خرجوا من محلاتهم لما شافوها.
قال واحد منهم باستغراب:
— دول تبع مين؟
_مين ده
_جاى لمبن
وقفت العربيات قدام العمارة اللي فيها شقة ديما، ونزل السواق يفتح لجاسر، اللي نزل وهو لابس نضارته الشمسية السودا.
اتسعت عيون الناس بصدمة ودهشة أول ما شافوا الوش ده.
قالت واحدة من الستات:
— مش ده اللي بيطلع في التلفزيون؟!
ردت التانية وهي مش مصدقة:
— هو ده جاسر الهاشمي بنفسه!
اتصدمو من شوفته
طلع جاسر وهو بيقول:
— خليكوا هنا.
أومأ أسامة والحراس، ووقفوا جنب العربيات، بينما جاسر دخل العمارة، والشارع كله بقى واقف على رجل، مش مصدقين اللي شايفينه.
قال ولد باستغراب:
— جاسر الهاشمى هنااا؟ وبيعمل إيه عند عمارة المعلم حسن؟!
أخد بعضه ومشي، وهو لسه مش مستوعب اللي شافه.
كانت الشقة ساكتة، معتمة بالغم والهم والحزن. الصمت مطبق، والظلام دامس، وكل واحد قاعد في مكانه من غير كلام.
لحد ما الباب خبط.
قام إبراهيم، وهو شاكك إنه ممكن يكون حد من رجالة حسن، بينما ريم كانت قاعدة مع أمها، اللي غرقانة في حزنها ورعبها.
فتح إبراهيم الباب، وفجأة عينه اتعلقت بالشخص اللي واقف قدامه.
بصله جاسر بثبات، بينما إبراهيم بصله من فوق لتحت، لملابسه وساعة إيده الفارهة، ونضارته اللي مخفتش ملامحه.
اتجمد إبراهيم مكانه، وفقد القدرة على النطق لما عرفه.
قال بصدمة:
— إنت...انت؟؟؟؟
قال جاسر بجدية:
— ديما هنا؟
اتصدم إبراهيم أكتر لما جاسر سأله عن ديما، وفي اللحظة دي، قالت ريم باستغراب:
— مين يا ماما؟
قامت منى بتردد، وراحت ناحية الباب، وهي بتقول:
— مين...؟
لكنها سكتت أول ما شافته، واتسعت عينيها بصدمة.
قلع جاسر نضارته الشمسية وقال بهدوء:
— ممكن أدخل؟
كان إبراهيم ومنى مصدومين من شوفته، وجاسر بيبصلهم في عينيهم، واستقبالهم الغريب خلاه يشك إن ديما ما قالتلهمش عنه.
قالت منى بتلعثم:
— أ... اتفضل، اتفضل.
زقت منى إبراهيم بعيد عن وش جاسر عشان توسعله الطريق، ودخل جاسر الشقة البسيطة، لكنه ما التفتش لجدرانها ولا لأي حاجة فيها، كان كل اللي بيدور عليه هو ديما، اللي ملقهاش قدامه.
قالت ريم بصدمة وصياح:
— جاسر الهاشمي!
وحطت إيدها على بقها عشان تمنع نفسها من الصراخ من شدة صدمتها.
بصلها جاسر وقال:
— إنتِ ريم؟
قالت ريم باندهاش:
— تعرفني؟
قال جاسر بهدوء:
— ديما كلمتني عنك.
ابتسمت ريم بفرحة وسعادة كبيرة، وقالت بحماس:
— إنت... إنت جميل أوي زي الصور! أنا بحبك أوي، أنا وصحابي!
ابتسم جاسر بهدوء على كلامها، بينما قالت منى بتردد:
— حضرتك... عايز ديما؟
بصلها جاسر وقال:
— هي هنا، لأني مش شايفها... واضح إنها مكلمتكمش عني.
قالت ريم بسرعة:
— ديما في أوضتها!
ومسكت إيد جاسر وقالت بفرحة:
— من هنا.
مشي جاسر مع ريم، بينما إبراهيم كان واقف بيبصله بصدمة، فاقد القدرة على النطق.
راح إبراهيم ناحية الشباك، وبمجرد ما بص منه، اتسعت عينيه أكتر لما شاف العربيات الفارهة والشارع كله متجمع بيتفرج، والحراس الواقفين جنب العربيات.
وقعت عينه على أسامة، ففضل باصصله بصدمة، قبل ما يتمتم لنفسه:
— ده نفس الراجل اللي جه سأل عنها!هو الى كان بعته
كانت منى قاعدة ساكتة، والخوف مسيطر عليها، بينما إبراهيم بيبصلها بصدمة، وقال:
— إزاي... معقول الهاشمي يعرف ديما وجايلها بنفسه؟!
قالت منى بضيق:
— منك لله يا إبراهيم!
قال إبراهيم بتوتر:
— وأنا كنت أعرف منين؟!
قالت منى بغضب:
— اخرس! لسه ليك عين تتكلم؟!
قال إبراهيم وهو بيفكر في المصيبة اللي وقعوا فيها:
— خلينا في المصيبة دي، لما حسن يعرف هتبقى مصيبة!
ردت منى بقهر:
— اتحرق إنت وهو... في نار جهنم إنتوا الاتنين! أنا كل اللي يهمني ديما وبس.
بصلها إبراهيم بذهول، وكأن عقله لسه مش قادر يستوعب اللي بيحصل، وقال:
— هما متجوزين؟! في حب بينها وبين جاسر الهاشمي؟! عرفتوا منين... إزاي ديما وده؟!
بصتله منى بضيق وقرف، ومردتش عليه، وقامت ومشيت، مش قادرة تتحمل وجوده ولا تسمع منه كلمة تاني.
كانت ديما قاعدة في أوضتها ساكتة، متحركتش من مكانها، وجسمها متكور على نفسه بشكل هزيل، وكأنها فقدت القدرة على الإحساس بأي حاجة حواليها.
انفتح الباب بهدوء، ودخلت ريم، اللي بصت لديما بحزن على حالتها، قبل ما تلف ناحية جاسر اللي دخل وراها.
قالت ريم بهدوء:
— ديما...
ردت ديما بصوت خافت ومن غير ما تبصلها:
— سيبيني لوحدي يا ريم.
قرب جاسر منها، وعينيه اتعلقت بيها، وهو شايفها متكورة على نفسها بالشكل الغريب ده، وملامحها باهتة وشاحبة.
قال بصوت هادي:
— ديما...
اتجمدت ديما مكانها أول ما سمعت صوته.
دقات قلبها زادت بشكل مفاجئ، ما بين الخوف والاشتياق، ورفعت عينيها ببطء، بتلف بنظرها ناحية الصوت، لحد ما شافته واقف قدامها.
اتسعت عينيها بصدمة، وهمست وكأنها مش مصدقة اللي شايفاه:
— جاسر...
قرب منها جاسر بابتسامة هادية، ومد إيديه ليها وضمها لحضنه.
اتجمدت ديما بين دراعيه، مصدومة من وجوده، ومش مستوعبة إنه قدامها فعلًا، بينما جاسر ضمها أكتر، وكأنه بيحاول يطمنها من غير ما يحتاج يقول أي كلمة.
أما ريم، ففضلت باصة لأختها باندهاش، مش مصدقة إنها شايفة ديما في حضن جاسر الهاشمي بنفسه. ابتسمت بخجل، وخرجت بهدوء من الأوضة، وسابتهم لوحدهم.
رفعت ديما وشها ببطء، ولسه الصدمة باينة في عينيها، وقالت بصوت مرتعش:
— جاسر...
قال جاسر وهو بيبصلها بعتاب خفيف:
— مبترديش على تليفونك ليه؟
سكتت ديما، وفضلت باصة له من غير ما ترد، وهي مش بتبادله العناق. رفعت إيديها ببطء، لكن جاسر حس بحاجة غريبة في تصرفاتها، فبعد عنها شوية، وديما نزلت إيديها تاني.
بصلها باستغراب وقال:
— قاعدة كده لوحدك ليه؟
قالت ديما بصوت حزين:
— جيت ليه دلوقتي؟
رد جاسر بابتسامة هادية:
— وحشتيني. خلصت اللي في إيدي وجيتلك، مقدرتش أستنى لليوم اللي بعده.
سكتت ديما، وعينيها بدأت تلمع بالدموع اللي بتحاول تمنعها بالعافية.
قالت بصوت متردد:
— جاسر...
لاحظ جاسر نبرتها الغريبة، واختفت ابتسامته تدريجيًا، وهو بيسألها بقلق:
— مالك؟
مسكت ديما إيده بقوة، وكأنها بتستنجد بيه، ومش عارفة تبدأ كلامها منين.
قالت بتردد:
— جاسر، لازم أقولك على حاجة.
عقد جاسر حاجبيه باستغراب، وقال:
— في إيه؟
مسك وشها بإيديه ورفعه برفق، لحد ما عينيها اتقابلت بعينيه، وقال وهو بيتأمل ملامحها:
— افتكرت إني هاجي ألاقيكي فرحانة ومستنياني... ليه حاسس إني شايف حزن في عينيكي؟
قرب منها أكتر، وبص في عينيها بتركيز، قبل ما يسألها بقلق:
— إنتِ كويسة؟ تعبانة؟ حاسة بحاجة؟
بص لعينها اكتر وكأنه خايف تكون رجعتلها النوبات من تانى وبتتتابم
مسكت ديما إيده اللي على وشها، وضمتها بين إيديها، وكأنها بتتمسك بيه.
قال جاسر بقلق متزايد:
— مالك يا ديما؟ شوفت أهلك مفرحتكيش؟
هزت ديما راسها بتردد، وقالت بسرعة:
— مش زي ما إنت فاهم، أنا...
قاطعها جاسر وهو بيسألها بجدية:
— حد ضايقك؟ جوز أمك عملك حاجة؟
حاولت ديما تخبي دموعها، لكن دمعة خانتها ونزلت على خدها.
اتغيرت ملامح جاسر في لحظة، وحس بقبضة قوية بتعصر قلبه، فقرب منها وقال:
— ديما، في إيه؟ اتكلمي!
لمسها بحنان وقال_انا جنبك
قبل ما ترد، دوّى صوت قوي من بره، خلّى جاسر يلف ناحية الباب باستغراب.
أما ديما، فانقبض قلبها من القلق، ومسكت إيده بقوة أكبر، كأنها خايفة يسيبها ويخرج.
بصلها جاسر بعدم فهم، وقال:
— إيه الصوت ده؟
بصتله ديما بعينين مليانين خوف، وشدت على إيده أكتر.
قالت بسرعة، قبل ما يتحرك من مكانه:
— استنى يا جاسر... خليني أقولك الأول، قبل ما تخرج!
كان حسن داخل العمارة بعصبية، وهو بيزعق بصوت عالي:
— هي فييييين؟!
قال إبراهيم بتوتر:
— في إيه يا حسن؟
صرخ فيه حسن:
— اخرس إنت وابعد عن وشي!
ودخل الشقة بعنف، وهو بيرزع الباب وراه، بينما منى قامت من مكانها وقالت بغضب:
— إنت عايز إيه؟!
بصلها حسن بحدة وقال:
— بنتك فييييين؟! ما أنا لو أعرف إن ليكم في المشي البطال، كنتوا تيجوا معايا دوغري!
صرخت منى في وشه:
— اخرس! قطع لسانك!
حاول إبراهيم يتدخل، لكن حسن زقه بعيد عن وشه، ودخل ناحية الأوضة، لحد ما وقف عند الباب وبص لجاسر وديما وقربهم من بعض.
اتسعت عينه وابتسن بسخرية وغضب، وقال وهو بيهز راسه:
— ه، الله، الله! ده الكلام طلع بجد وحقيقي! والفنان هنا بنفسه! بس محدش اتخيل إنه يطلع جاي تبعك! وبتمنعوني أدخل، سايبينهم في الأوضة لوحدهم كمان، وفي الوضع ده!
عقد جاسر حاجبيه بغضب، وبصله من فوق لتحت، قال
— مين ده؟!
لف حسن ناحيته، قال
— وكمان متعرفنيش؟! لا، دي مهزلة بقى! لا أكون قاطعتكم عن اللي بتعملوه؟ ما الدنيا طلعت سايبة على الآخر!
اتغيرت ملامح جاسر، وقام من مكانه، وهو بيبصله بنظرة مخيفة.
قال بغضب مكتوم:
— اتكلم عدل بدل ما أعدلك! مييين ده؟!
كانت ديما ساكتة، وعينيها محمرة من العياط، وباصة لحسن بخوف، بينما جاسر وقف قدامها كأنه حاجز بينها وبينه.
ضحك حسن بسخرية وقال:
— تعدل مين؟! إنت فاكر شويتين النجومية اللي بتعملهم في الأفلام هيمشوا عليا؟!
صرخت منى فيه:
— بس كفاااية بقى! اطلع بره!
لف حسن ناحيتها وقال بتحدٍّ:
— أنا اللي أطلع؟! ما لو كنت أعرف إنكم بيت كده، مكنتش بصيتلكم من الاول!
في اللحظة دي، جاسر فقد أعصابه، وخطى ناحيته بسرعة، ونزل بقبضة قوية على وشه.
اتسعت عيون الجميع بصدمة، وحسن نفسه اترنح من قوة الضربة، قبل ما جاسر يمسكه من هدومه ويقربه منه.
قال جاسر بنبرة مرعبة:
— وإنت في بيت الناس، اتعلم تتكلم!
مسكه من رقبته وجرّه بعيد عن الأوضة، فحسن حاول يفلت منه، ورفع إيده يضرب جاسر، لكن جاسر تفادى ضربته بسهولة، ونزل بكف قوي على وشه.
شهقت منى وريم بصدمة لكنها فرحانه، بينما إبراهيم وقف مكانه مش قادر يستوعب اللي بيحصل.
حسن حط إيده على وشه، وبص لجاسر بذهول وغضب، وصاح:
— إنت بتمد إيدك عليا كمان؟! جايبينلي بلطجي؟!
كان إبراهيم واقف مصدوم من اللي بيحصل، بينما صوت الخناق بدأ يجذب الجيران، اللي جهم من شققهم يتفرجوا على مصدر الصوت. أول ما شافوا جاسر، اتصدموا وبدأوا يتهامسوا.
— مش ده الفنان جاسر الهاشمي؟!
رفعوا تليفوناتهم وبدأوا يصوروا اللي بيحصل، بينما حسن كان بيبص لجاسر بغضب شديد، وقال بتهديد:
— ده أنا هربيك! أنا هخليك متعرفش تنفع في السيما ولا غيرها!
طلع تليفونه ورن على رجاله، وهو بيزعق:
— إنتوا فين يا كلاب؟! تعالوا فورًا!
بصله جاسر باحتقار وقال ببرود:
— هتجيب حد يدافع عنك؟ هديك فرصة تطلع بره، ولو شوفت وشك هنا تاني، هتندم!
ضحك حسن بسخرية وقال:
— إنت اللي تطلع بره! وهكسرلك رجلك وإيدك اللي كنت ماسكني بيها!
غضب جاسر واتحرك ناحيته، لكن ديما بسرعة ووقفت قدامه، وقالت بتوسل:
— جاسر، خلاص!
بصلها جاسر باستغراب، لكن حسن استغل اللحظة وقال باستهزاء:
— جايبة عشيقك يزباله؟!
قبضت ديما على إيدها بقوة، بينما جاسر بص لحسن بغضب وصاح:
— اخرس!مين الكلب ده
وبعدين لف ناحية ديما، وقال بحدة:
— ساكتة ليه يا ديما؟!
رد حسن بسخرية:
— ما تقولي يا أختي قوليلو ياخاينع قوليلي الكلب ده يبقى مين!
بص جاسر لديما اللي فضلت ساكتة، والخوف واضح في عينيها، قبل ما يرجع يبص لحسن ويقول بغضب:
— بيكلمك كده ليه..مييين؟!
في اللحظة دي، حسن زق ديما بقوة، وقال باستهزاء:
— واقفة تتمحني قدامك؟! طب هقولك أنا أبقى مين!
رفع راسه بتحدٍّ، وبص لجاسر مباشرة، وقال:
— أنا أبقى جوز الحلوة اللي إنت كنت قاعد معاها في الأوضة لوحدكو بتحبو ف بعض!
اتجمد جاسر مكانه، وبص لحسن بذهول من الكلام اللي سمعه، قبل ما يلف ببطء ناحية ديما، وكأنه مستني منها تنفي اللي اتقال.
أما حسن، فابتسم بانتصار، وقال:
— عرفت مين بقى اللي هيخرج؟ إنت ولا أنا؟!
رجع جاسر يبصله، وعينيه ضاقت بغضب، وسأله بصدمة:
— جوز مين؟!
رد حسن بثقة:
— أنا أبقى جوز ديما! إنت بقى مين يا حلو؟!
حست ديما بالخوف انه يصدق ده عنها، وبصت لجاسر، مش عارفة تقول إيه ولا تبدأ منين، بينما ملامح جاسر اتغيرت تمامًا، وعينيه اتعلقت بيها بصدمة ووجع.
قال بصوت منخفض، لكنه كان مليان غضب:
— بيقول إيه ده يا ديما؟!
همست ديما بصوت مرتعش:
— جاسر...
قاطعها حسن باستهزاء، وهو بيقرب منها:
— ما تتكلمي يا خيتي! ردي! ولا عينيكي من الصدمة اتقطعت؟!
وفجأة، مسكها حسن بعنف من دراعها، وشدها ناحيته، وهو بيزعق:
— ردي على عشيقك! ده أنا هقتلك النهارده!
مسكه جاسر من هدومه بعنف، وبعده عن ديما، ونزل بقبضة قوية على وشه، خلت حسن يترنح من مكانه، بينما ديما رجعت لورا بخوف من شدة اللي بيحصل.
قال جاسر بغضب:
— حط إيدك عليها، وأنا اللي هقتلك!
بصيتله ديما وانه دافع عنها ومهتمش بالى قاله
كان بق حسن اتعور من الضربة، وبص لجاسر بصدمة، مش مصدق إنه اتضرب بالشكل ده.
قال بذهول:
— إنت بتضربني؟!
لكن جاسر تجاهله، ولف ناحية ديما وقال بحدة:
— ادخلي هاتي حاجتك، عشان نمشي!
صرخ حسن بغضب:
— تمشوا فين؟! إنت فاكرها هتتحرك معاك دي؟! دي مراتي! عايز تاخد مراتي مني؟!
بص جاسر لديما، وعينيه مليانة غضب، وقال بصوت حاد:
— لسه واقفة؟!
اتجمدت ديما مكانها، مش عارفة تتحرك من الخوف، بينما حسن استغل اللحظة وصرخ:
— بقولك مش هتمشي في حتة! يا خونة يا ولاد...!
مد إيده عشان يضرب جاسر، لكن جاسر مسك إيده بسرعة، ولواها بعنف، واداله بروصيه ضربة قوية خلته يترنح ويتأوه من الألم.
قال جاسر بصرامة:
— اطلع بره!
رد حسن وهو بيتألم:
— مش طالع! بقولك مش...
لكن جاسر ما سابلوش فرصة يكمل، وركله بقوة، فحسن اتخبط في الترابيزة وصرخ من الألم.
مسكه جاسر من هدومه، وجرّه ناحية الباب، وبعدها رماه بره الشقة بعنف. اتزحلق حسن على السلم ووقع، واتعورت دماغه، بينما الناس اللي واقفة اتراجعت من شدة الصدمة.
فضل حسن بيتلوى من الألم، ورفع عينيه ناحية الشارع، وفجأة اتسعت عينيه بذهول لما شاف رجّالته مطروحين على الأرض، وحراس جاسر واقفين حواليهم، ولا واحد فيهم قدر يقرب من العمارة.
رفع عينيه ناحية جاسر، اللي كان واقف عند باب الشقة، وملامحه مليانة غضب، قبل ما ينزل ناحيته بخطوات ثابتة.
بصله حسن بخوف، وحاول يرجع لورا، لكن جاسر مسكه من هدومه تاني، ورفع إيده كأنه هيوجهله ضربة جديدة.
في اللحظة دي، جريت ديما ناحيته، ومسكت إيده بسرعة، وقالت بصوت مرتعش:
— جاسر... بس، كفاية!
بصلها جاسر وهو لسه ماسك حسن من هدومه، وقال حسن بتحدٍّ وهو بينزف:
— لو فاكر إنك هتخرج من هنا بيها، تبقى غلطان!
بصله جاسر بغضب، لكن ديما شدت على إيده وقالت بتوسل:
— بس يا مستر جاسر، أرجوك!
اتغيرت ملامح جاسر لما سمعها بتناديه باللقب ده، وبصلها باستغراب، بينما قالت ديما بصوت مرتعش:
— سيبه بعد اذنك... أرجوك.
ابتسم حسن بتعالي، وبص لجاسر وكأنه انتصر عليه، لمجرد إن ديما بتدافع عنه.
كررت ديما برجاء:
— سيبه خلاص!
رد جاسر بغضب:
— خلاص إيه؟! مش شايفة بيقول عنك إيه؟!
بصت ديما حواليها، فلاحظت العيون المتجمعة عليهم، والموبايلات المرفوعة، وكأنها بقت مشهد في فيلم بيتفرج عليه الناس من كل ناحية.
رجع جاسر يبصلها وقال بحدة:
— اتكلمي!
ضحك حسن بسخرية وقال:
— هتتكلم تقول إيه؟! عايزها تقف في وش جوزها؟!
كان جاسر هينقض عليه بجنون من الكلمه دى صرخت ديما بخوف:
— جاسر!
جاسر من غير ما يبص لحسن:
— متتكلمي! ساكتة ليه؟!
مسكت ديما إيده بقوة، والدموع بدأت تتجمع في عينيها، وقالت برجاء أكبر:
— سيبه، أرجوك! خلاص بقى... خلاااص!
بصلها جاسر بصدمة وغضب، وكأنه مش قادر يصدق إنها لسه بتترجاه يسيب الراجل اللي أهانها وهددها قدامه وقال عنهتةمراته.
قال بصوت مرتفع:
— خلاص إيه؟! إنتِ ساكتة وهو بيقول إيه؟! سامعة؟! اتكلمي! قولي مين الحيوان ده اللي بيقول عنك كده وليه؟!
قالت ديما— جووووزي!
اتجمد جاسر مكانه.
بصلها بصدمة، وكأن الزمن وقف عند الكلمة دي، واختفت كل الأصوات حواليه، حتى أصوات الناس اللي كانت بتتكلم وبتصور.
أما أسامة، اللي كان واقف عند باب العمارة، فاتسمر مكانه هو كمان، ومقدرش يتحرك خطوة واحدة، لا يقرب ولا يبعد، من هول الصدمة اللي سمعها.
فضل جاسر باصص لديما، مش قادر يستوعب اللي قالته، ولا مصدق إن الكلمة دي خرجت من بقها هي.
قال بصوت خافت، مليان ذهول:
— بتقولي إيه؟!
رد حسن بتعالي، مستمتع بالصدمة اللي ظهرت على وش جاسر:
— جوزها! مسمعتش؟!
لكن جاسر ما كانش سامع غير صوت ديما، ولا شايف غير عينيها المتحجره فيها دموع. ساب حسن من غير ما يحس، واتحرك ناحية ديما بخطوات بطيئة، وعينيه مثبتة عليها.
وقف قدامها، وقال بصوت مرتعش من شدة الصدمة:
— مين ده اللي جوزك؟!
فضلت ديما ساكتة، ودموعها بتنزل من غير ما تقدر ترفع عينيها في عينيه.
كرر جاسر سؤاله، المرة دي بنبرة موجوعة:
— جوزك إزاي يا ديما؟!
مسك جاسر إيد ديما، وبصلها بقلق شديد، وقال بنبرة هادية رغم الغضب اللي جواه:
— ديما... بصيلي في عيني. في حد هنا مهددك؟ متخافيش من أي حد، أنا معاكي، وحياتك عندي، واللي هيقرب منك همحيه من على وش الأرض!
بصتله ديما بعيون مليانة دموع، وحاولت تثبت صوتها وهي بتقول:
— شكرًا يا مستر جاسر، إن حضرتك قلقان عليا وجيتلي بنفسك، بس أنا كويسة.مكنش ف داعى لمجيتك ا...
بصلها جاسر بصدمة، مش مستوعب هي بتقول إيه، ولا ليه بتتعامل معاه بالرسمية دي، وكأنها مش عارفاه.
قال بذهول:
— إنتِ بتقولي إيه؟! وبتتكلمي كده ليه؟!
ردت ديما وهي بتحاول تمنع دموعها:
— من فضلك امشي... كفاية!
صرخ جاسر:
— كفاية إيه؟!
مسكها من دراعها بقوة، وقال بانفعال:
— كفاية إيه؟! إنتِ بتقولي إيه يا ديما؟!
بصتله ديما في عينيه، والدموع نزلت على خدودها، وقالت بصوت مكسور:
— بقولك جوزي!
اتسعت عيون جاسر، ورد بصدمة:
— جوزك يعني إيه؟! يعني إيه وأنا...!
قاطعته ديما بصوت مرتعش:
— مستر جاسر، كفاية، أرجوك امشي!
فضل جاسر باصلها بذهول، وكأنها بتخبي جوازهم وحقيقتهم، زي ما بتخبي علاقتهم وحبهم، وبتتعامل معاه كأنه مجرد شخص غريب عنها.
هز راسه بعدم تصديق، وقال:
— إنتِ اتجننتي أكيد!
ضحك حسن بسخرية، وقال:
— مجنونة عشان بتقولك حقيقتها!
لكن ديما ما كانتش مركزة معاه. عينيها كانت بتتنقل بخوف بين الكاميرات والشاب اللي واقف بيصورهم، وبين جاسر، اللي مكنتش عايزاه يظهر في الفيديو ولا عايزة حد يعرف ويشوف وشه لو فيديو نزل وشافو الى حصل هيتأذى بسببها
لاحظ جاسر نظراتها المرتبكة، لكنه كان غارق في صدمته، ومش قادر يفهم سبب تصرفاتها.
صرخ فيها:
— اتكلمي! بتقولي إيه؟!
مسكها من دراعها وسحبها ناحيته، بينما حسن صرخ بغضب:
— إنت واخدها على فين؟!
لكن جاسر ما اهتمش بكلامه، وزق ديما ناحية الحيطة، ووقف قدامها، مانعها من إنها تبعد عنه.
قال بصوت غاضب وموجوع:
— إنتِ عارفة حجم اللي بتقوليه؟!
دمعت عيون ديما أكتر، وحاولت تبعد إيده عن دراعها، لكنه كان لسه متمسك بيها، والغضب مسيطر عليه.
شد على دراعها بعنف، وقال من بين أسنانه:
— عااارفة بتقولي إيه؟! اسحبي كلامك!
فضلت ديما ساكتة، وعينيها معلقة بالموبايل اللي بيصورهم، بتحاول تبعد وش جاسر عن زاوية التصوير، وخايفة الفيديو ينتشر وتتكشف علاقتهم قدام الناس.
لكن جاسر فسر سكوتها بطريقة تانية، وافتكر إنها فعلًا بتنكر كل حاجة بينهم.
قرب منها أكتر، وقال بانفعال:
— اسحبي كلامك يا ديما!
رفعت عينيها ليه، ودموعها مغرقة وشها، لكنها ما ردتش.
فصرخ فيها، وقد فقد السيطرة على غضبه:
— اسحبي كلامك بدل ما أقتلك!
قالت ديما وهي بتحاول تبعد عنه:
— كفاية، وامشي من هنا!
بصلها جاسر بصدمة، وكأنه مش مصدق إنها بتطلب منه يمشي، وقال:
— أمشي؟!
قبض على دراعها، فشهقت ديما من الألم، بينما قال بصوت مخنوق من الغضب:
— إنتِ عارفة اللي بتقوليه؟! عارفة يعني إيه ده جوزك؟! قولتيلي إن مفيش حد في حياتك، قولتيلي كده بلسانك!
قالت ديما:
— أنا... كنت بكدب عليك....انا كدابببه
بصلها جاسر بحدة، وكأن اعترافها كان أقسى من أي حاجة تانية ممكن يسمعها.
كملت ديما :
— جوزي... دي الحقيقة.
اتراجع جاسر خطوة، وهز راسه بعدم تصديق، وهو بيتمتم:
— إنتِ... إزاي؟! مستحيل... مستحييييل!
وفجأة، ضرب الحيطة اللي جنبها بقبضته بعنف، فانتفضت ديما من الخوف.
صرخ جاسر:
— يعني اى كنتِ بتكدبي؟!
دمعت عيون ديما أكتر، ومقدرتش ترد.
قرب منها جاسر، وصوته بيعلى مع كل كلمة:
— يعني إيه؟! انطقي! كنتِ بتخدعيني؟! كنتِ بتكدبي عليا؟! ده أنا... أنا وقفت انتقامي عشانك! أنا اخترتك إنتِ! كل ده كان لعبة منك؟!
بصتله ديما بألم، والدموع بتنزل على خدودها، مش قادرة تتحمل نظراته ولا تسمع اتهاماته.
قال جاسر بصوت مرعب:
— عارفة أنا ممكن أعمل فيكي إيه؟! أنا هقتلك يا ديما... هنهيكي! هدمرِك بنفس الحاجة اللي دمّرتيني بيها!
وأشار ناحية حسن، اللي كان واقف بيتابع اللي بيحصل بابتسامة خبيثة، وقال جاسر باحتقار:
— أنا وهو... قد إيه طلعتِ أرخص مما توقعت! كل ده... كل ده كنتِ معايا؟!
رد حسن باستفزاز:
— لم لسانك يا !
لف جاسر ناحيته، ونزل بقبضة قوية على وشه، فترنح حسن للخلف، وبدأ الدم ينزل من وشه، بينما عيون جاسر بقت مرعبة من شدة الغضب.
صرخت ديما:
— بس يا جاااسر! كفاية بقى! كفاااية! امشي!
جريت ناحيته ومسكت إيده، بتحاول تمنعه من ضرب حسن مرة تانية، وقالت بصوت مكسور:
— سيبه، أرجوك... أبوس إيدك، امشي!
بصلها جاسر، وشافها بتدافع عن حسن وبتحاول تحميه منه، فحس إن آخر خيط كان رابط قلبه بيها بيتقطع.
أما حسن، فابتسم بانتصار وهو بيبص لجاسر، وكأن كل اللي كان محتاجه إنه يشوفه بيتألم بالشكل ده، بعدما ديما اعترفت بيه هو، وأنكرت علاقتها بجاسر قدام الناس.
رجع جاسر بعينيه لديما، وقال بصوت هادي بشكل مخيف:
— هتندمي...
سكت لحظة، وبعدين كمل وهو بيبصلها بوجع وغضب:
— مش أنا اللي يتلعب بيا يا ديما... مش أنا!
قرب منها خطوة، وعينيه ثابتة على عينيها وقرب منها وهمسلها
— أنتى طالق