في شركة أكمل - الساعة 9 بليل.. الكل روح ومفيش غير نور قاعدة بتخلص شغل على مكتبها
نور تعبانة وحاطة راسها على المكتب.... أكمل طالع من مكتبه وسرح في جمالها وهدوئها
أكمل. لسه مخلصتيش؟
نور اتخضت انت لسه هنا؟
أكمل. كنت بخلص ورق.. لقيتك منورة الشركة كلها قلت اجي أشوف القمر ده بيشتغل كل ده ف اي.
نور. والله عايزة أروح تعبت اوي النهاردة
أكمل قرب وقفل اللابتوب بتاعها ....... لما تتعبي بعد كدا تيجي تؤمريني وتقوليلي عايزة امشي وتختاري احسن عربيه تروحي فيها
بقولك دلوقتي ممكن تسيبي الشغل.. عايز أتكلم معاكي.
نور .في ايه.... عملت حاجة غلط؟
اكمل. شد كرسي وقعد قدامها.. بص في عينيها جامد
من أول يوم جيتي فيه الشركة ....وانا قلبي وقع.
وقعت ف عيونك هدوئك اختلافك عن كل البنات الي موجودة ف الشركه وعرفتها رقتك صوتك احترامك وكل مرة اقول ده مش حب بس انا ببقي ضعيف اوي قدامك مقدرش حتي اعلي صوتي
كنت كل يوم بدخل الشركة بدور عليكي الأول.. لو جيتي بدري ببقى مبسوط.. لو غيبتي ببقى هتجنن.
كنت بزعق في الموظفين كلهم واجي عندك ومعرفش أزعق.. كنت بقول لنفسي ايه الهبل ده؟
لحد ما فهمت.. فهمت اني بحبك يا نور.
نور حاسه بمشاعر تجاهه بس انا كنت متجوزة ومخلفه
أكمل قام ومسك ايديها وقومها
بحبك.. بحبك من زمان.. بحب شطارتك وانت بتخلصي الشغل وبحب لماضتك وانتي بتردي عليا كلمة بكلمة.. بحبك وانتي مركزة ووانتي سرحانه بحبك وانتي معايا ف كل شغلي بحب حنانك ع آيهم وع كل الناس
بحب ابنك زي م يكون لحمي بالظبط وميهمنيش اي. ماضي
الشركة دي من غيرك ملهاش طعم.. وانا من غيرك حياتي مش حياة
بتمني ينور تكوني كل حاجة ف حياتي
تتجوزيني يا نور ...وتفضلي جنبي طول العمر تبقي شريكة حياتي مش شريكة شغلي بس
نور بضحكة مداريه تحت النقاب ..
هفكر
أكمل. العمر كله معاكي تفكري فيه يحبيبت قلبي
نور موافقة.. موافقة يا أكمل
أكمل . بجد موافقه
حبيبتي وافقت يناااااس بجد هتبقي مرااااااااااتي
نور بضحكه خلاص بقي هتفضحنا .
أكمل. هسسسس ... انتي خلاص هتبقي بتاعتي
في قاعة بسيطة على النيل.. كلها ورد أبيض وبرغندي ونور هادي.. مفيش ناس كتير.. بس كلهم بيحبوهم بجد
نعيمة قاعدة بتعيط من الفرحة، وأكمل واقف جنب كريم وبيظبطله البدلة...
خلاص بقيت عريس يكريم .... ادعيلي بقا.
كريم.. عقبالك يارب
أكمل: اهدى يا عريس.. هتقطع البدلة من التوتر.
كريم بيضحك وايديه بتترعش: أول مرة في حياتي أتوتر كده.. مبسوط اوي.
الباب اتفتح.. ودخلت سيرين ماسكه ف ايدين باباها
سيرين ماشية بشويش وعينيها على كريم.. أول ما شافته ابتسمت
لابسة فستان أبيض بسيط جداً.... وطرحة طويلة وراها.. ومفيش ميكب كتير..
أول ما كريم شافها.. نسي كل الناس.. نسي الموسيقى..نسي نفسه
بابا سيرين . بنتي امانه ف رقبتك يكريم
هسافر بره مصر تاني وبنتي هتفضل هنا ...تحافظ عليها يولد ...... لولا اني مابيك وعارفك مكنتش هوافق تتجوز بنتي بالسرعه دي
كريم. مش محتاج توصيني يعمي
كريم بصوت واطي ليها هي بس: كنت فاكر اني شوفتك حلوة قبل كده.. بس انتي النهاردة آسرتيني ... سحرتيني بجمالك
سيرين مكسوفة وعينيها في الأرض: كريم الناس بتبص.
كريم: خليهم يبصوا.. عايزهم يشوفوا انا هتجوز مين.. هتجوز روحي.
طلعوا على الكوشة.. المأذون موجود..
المأذون: يا كريم.. موافق تتجوز سيرين؟
كريم بص لسيرين ومسك ايديها جامد: موافق.. موافق قدام ربنا وقدام الدنيا كلها.. موافق تبقي مراتي وأم ولادي وكل حياتي.
المأذون: وانتي يا سيرين؟
سيرين بدموع فرح: موافقة.. موافقة يا كريم..
المأذون . بارك الله لكما وبارك عليكما وجمع بينكما في خير
نعيمه زغردت بفرحه كبيرة .....مبروك يولاد
كريم لبسها الدبلة.. ايديها بتترعش لدرجة الدبلة كانت هتقع.
كريم. اهدى
سيرين ب ابتسامه حاضر يروحي حاضر
وبعد ما لبسها الدبلة.. مقدرش يمسك نفسه.. حضنها قدام الكل.. حضن طويل.. كأنه بيقولها "أخيراً ...... أخيراً بقيتي حلالي".
سيرين في حضنه بتعيط: أنا بحبك يا كريم.. بحبك أوي.
كريم: وانا بموت فيكي يا قلب كريم.
الأغنية اشتغلت: ل اليسا "مكتوبه ليك" والكل قام يرقص.. وكريم وسيرين في نص القاعة بيرقصوا سلو.. ناسين الدنيا كلها
أكمل بص لنور: عقبالنا؟
نور بخجل يارب
الفرح انتهى وكله مشي
ف شقتهم الجديدة.. الباب اتقفل وراهم.. خلاص بقوا سوا
سيرين واقفة جنب الباب ماسكة الفستان ومكسوفة ومش قادرة تبصله.. كريم واقف قدامها بالبدلة وبيبصلها كأنه مش مصدق.
الصمت مالي الشقة
كريم بصوت واطي سيرين..
سيرين: اممم..
كريم قرب خطوة: انتي خايفة مني
سيرين هزت راسها بسرعة: لا.. بس.. مش مصدقة ان خلاص.. انا وانت في بيت واحد..
كريم ضحك وشال الطرحة من على وشها بشويش.. رفع وشها ليه.
كريم: بصيلي طيب.
سيرين رفعت عينيها.. عينيها مليانة خجل
كريم مسك ايديها
انا طول عمري بحلم باللحظة دي.. وانتي بفستانك الأبيض.. داخلة بيتنا.. بيت كريم وسيرين.
فاكرة لما كنتي بتقوليلي نفسي يبقى عندي بيت فيه ورد كتير
سيرين: فاكرة.
كريم شاور على البلكونة.. كلها ورود أبيض واحمر ...زارعه بإيده.
كريم: جبتهولك كله.. عشان كل يوم تصحي تلاقي وردة باسمك.
سيرين دخلت ف حضنه
سيرين وهي في حضنه انا بحبك أوي يا كريم..
كريم حضنها جامد
.. انتي مراتي.. حلالي.. حتة مني.
قربوا من بعض.. حضن دافي وطويل.. مليان أمان وحب سنين.. كلام كتير من غير ولا كلمة.. عناق يطمن.. وبوسة على الجبين تقول "أخيراً بقيتي ليا"
والليل سكت عليهم.. وهما لوحدهم.. أخيراً اطمنوا في حضن بعض
الطريق الصحراوي - العربية اللي واخدة عمر برا مصر
عمر مربوط ورا واتنين رجالة قاعدين جنبه. السواق سايق بسرعة.
واحد من الرجالة: خلاص قربنا على الحدود.. هنسيبه هناك زي ما أكمل بيه قال ونوصي عليه
عمر طول الطريق ساكت وعامل نفسه تعبان ومغم عليه.. بس هو كان بيفك الحبل بشويش
فجأة العربية وقفت.. كاوتش فرقع.
السواق نزل: يا نهار اسود.. شوفوا الكاوتش
الاتنين نزلوا يبصوا.. ودي كانت فرصته.
عمر فك الحبل مرة واحدة ونط من العربية وجري في الضلمة بتاعة الصحرا.
واحد منهم الحقوه! بيهرب!
هو ده ميعادها هي فين
عمر بيصرخ وهو بيجري: مش هتخلصوا مني! هرجع.. وهرجع آخد حقي.. سيرين ليا.. وكريم هيندم
السواق: ضاع مننا.. هنقول اي لأكمل بيه
التاني: هنقول الحقيقة.. انه هرب مننا
عمر بعيد.. قاعد ورا صخرة كبيرة.. بياخد نفسه.. وبيطلع التليفون الصغير تاني
عمر بيهمس: ألو.. أيوة يا كارلا.. اه هربت انتي فينك
جوا عربية كارلا وهي بتهرب عمر
العربية ماشية بسرعة في الصحرا.. عمر ساكت وسرحان.
كارلا بصتله: سرحان في ايه؟ في سيرين؟
عمر اتنهد: انتي متعرفيش سيرين دي بالنسبة ليا ايه.
من 15 سنة.. عمر وسيرين وكريم صغيرين في جنينة بيت العيلة
سيرين صغيرة بفستان أبيض وبتعيط عشان العجلة بتاعتها اتكسرت وكريم شدها من شعرها
عمر جري عليها: متعيطيش يا سيرين.. هصلحهالك.
وصلحها وقعد يلف بيها.. سيرين ضحكت وحضنته: انت أحلى واحد يا عمر!
من اليوم ده وهو شايفها بتاعته.. كبر وهو شايفها بتكبر قدامه.. كل مرة كانت تضحك كأن بيقول "الضحكة دي ليا انا".
لحد ما كريم سافر وهي سافرت معاه ف الشغل
عمر وهو بيفتكر وعينه حمرا: أنا حبيتها قبل ما هو يعرف يعني ايه حب.. كنت بحوش مصروفي عشان أجيبلها توكة واحنا صغيرين كنت بذاكر عشان أبقى أشطر واحد عشان تتباهى بيا.. وفي الآخر.. راحت لكريم.. عشان كريم أغنى؟ أحلى؟ لا.. عشان انا غبي وكنت ساكت.
كارلا سكتت شوية وعيونها دمعت هي كمان:
وأنا زيك..
كارلا من 5 سنين.. داخلة شركة أكمل أول مرة كسكرتيرة.. شايفة أكمل واقف بيهزق مدير
بقيت البس أحلى هدوم عشانه.. اعمل القهوة بتاعته بإيديا.. اسهر اخلص شغلي لحد م بقيت متفوقه وبقيت ايده اليمين
انا كمان حبيت٧ قبله ما يحب نور.. اديته كل حاجة.. وهو رماني زي الزبالة وقال عليا موظفة.. طب ما نور كانت موظفة بردو! اشمعنا هي؟
عمر بصلها:
عشان كده احنا شبه بعض يا كارلا.. احنا الاتنين اترفضنا من اللي بنحبهم من واحنا صغيرين.. احنا الاتنين اتوجعنا.
كارلا مدت ايدها: يبقى نوجعهم زي ما وجعونا؟
عمر مسك ايدها وشد عليها: اتفقنا.. سيرين هترجعلي.. وأكمل هيرجعلك.. حتى لو غصب عنهم.
والعربية كملت طريقها في الضلمه
*تاني يوم الصبح.. الشمس داخلة من البلكونه
سيرين صحيت قت نفسها في حضن كريم.. راسها على صدره.. وايده حضناها جام
فضلت تبصله شوية وهو نايم .
ابتسمت وحاولت تقوم بشويش عشان متصحيهوش.
أول ما اتحركت.. كريم شدها تاني.
كريم وهو لسه مغمض عينيه رايحة فين؟
سيرين بضحكه صباح الخير يا كسلان.. هقوم أعملك فطار
كريم فتح عينه وبصلها.. عينه كلها حب.....صباحية ايه اللي تقومي تعملي فطار؟ انتي لسه عروسة.. خليكي هنا.
سيرين بكسوف..اممم
قرب باس راسها.
سيرين.كريم..
كريم.اممم؟
سيرين .هو أنا بجد بقيت مراتك خلاص
كريم مسك ايدها وباسها.... مراتي وحبيبتي وكل دنيتي.. وأحلى حاجة حصلتلي
صباح الخير يا مراتي.. صباح الخير يا أحل حاجة ف حياتي
سيرين بعيوون كلها حب صباح الخير يا حبيبي
ف مكتب أكمل
يا مش مهندس أكمل االاستاذ عمر هرب مننا. تاني
أكمل بغضب انت بتقول اي
يخرج من مكتبه سريعا كي يطمئن علي نور
نور .... انتي كويسه يحبيبتي
نور. ايوا في اي
ليدخل المكتب كل من عمى وكارلا ممسكين بيد بعضهم البعض
أكمل بغضب انتو بتعملو اي هناووو.