رواية لهيب أنتقام الملكة الفصل الحادي والثلاثون31 بقلم بيري الصياد
في المساء نهضت ملك وذهبت إلى الحمام ونزعت هذا الشاش الطبي الذي على الجرح ونزعت هذه الأسلاك من الجرح وفعلت في كل جروحها هكذا وقفت أسفل الماء واستحمت ووضعت منشفة كبيرة على جسدها الناصع وخرجت ودقت إلى علي وقالت: علي جهزوا نفسكم علشان هنطلع
علي باستغراب: شغل ولا إيه
ملك ببرود: لا طالعة من بتوعي يلا اجهزوا
وأغلقت الهاتف وذهبت إلى المرآة وأمسكت جهاز تصفيف الشعر الخاص بها وفعلت شعرها وذهبت إلى غرفة الملابس وارتدت فستان سهرة طويل ضيق يبرز القوام من قماش شبكي فاخر مرصع بالكامل بالترتر الذهبي اللامع بقصة أوف شولدر تكشف الأكتاف وأكمام طويلة ضيقة وقصة مجسمة تحتضن الجسد حتى الأرض فستان ملكي فخم يلمع مع كل حركة لا ترتديه إلا ملكة تحب أن تخطف الأنظار
وحذاء كعب عالي بلاتفورم فاخر باللون الذهبي مرصع بالكامل بالجليتر اللامع منصة أمامية عالية جدا وكعب رفيع طويل معدني ومقدمة مفتوحة وأربطة رفيعة تلتف حول الكاحل والساق بكل دلال تصميم فخم جريء يبرز جمال القدم حذاء ملكي لا تختاره إلا من تعشق الفخامة والبريق
وضعت مكياج خفيف وعطرها الذي يجذب كل من حولها ونظرت إلى نفسها وابتسمت بفخر وأمسكت هاتفها وعلبة السجائر وهبطت إلى الأسفل
في الأسفل كانوا يقفون الجميع في انتظار ملك وقال فهد وهو ينظر إلى علي: يعني مش عارف هنروح فين
علي: والله لا هي قالت إنها هتطلع طلعة من طلعتها
أدهم باستغراب: أيوه اللي هما إيه طلعتها دي
وليد: يعني مكان فاتح جديد كباريه يعني
فهد بصوت عالي: نععععععععم كباريه إيه ده
فزع الجميع بشدة من صوته وقال طارق بخضة من صوته: في إيه يا ابني يعني هي أول مرة ليها ما تهدى شوية
هبطت ملك في هذا الوقت ونظر إليها فهد بغضب شديد بسبب هذه الملابس التي ترتديها ونظرت إليه ملك وفهمت غضبه الشديد قالت ببرود شديد: يلا بينا
وذهبت إلى الخارج وهي تحاول تتجاهل نظرة فهد إليها وصعدت ملك سيارتها وقادت إلى الملهى الليلي ووصلت بعد قليل خرجت من السيارة ومعها الشباب ودخلوا الجميع إلى الملهى الليلي وأتى مدير هذا المكان وقال بترحيب شديد: مرحبا بك قد انرتي المكان بأكمله تفضلوا بالدخول
دخلوا الجميع ونظرت ملك إلى المكان وأشارت إلى طاولة كبيرة كانت بعيد عن الجميع قليلا ولا يوجد بها إزعاج إلى حد ما وذهب المدير ليفعل كما تريد وجعل الذين يجلسون على الطاولة يذهبوا من المكان وذهبت ملك والشباب وجلست ملك ببرود شديد وطلبت أنواع معينة من الخمور وأتت إليها بعد فترة صغيرة وقال فهد بغضب شديد يحاول يكتمه بقدر الإمكان: احنا جايين نعمل إيه هنا
ارتشفت ملك من الكأس القليل وقالت ببرود: جايين علشان نجرب حاجات جديدة
نظر إليها فهد بغضب شديد قالت ملك بغمزة إليه: النوع ده حلو خد جربه يا فهد
وأعطت له الكأس وأخذ فهد الكأس منها ارتشف منه وهدأ قليل فهذا النوع من الخمور يعمل على تهدئة الأعصاب وبعد قليل دخل مجموعة من الرجال يلفتون الأنظار إليهم ونظرت ملك إليهم بغموض شديد وجلسوا على طاولة بجوار طاولة ملك وأمسكت ملك علبة السجائر ووضعت سيجارة في فمها وأشعلتها وارتشفت من الكأس ببرود وهي تراقب هذه الطاولة دون أن أحد يلاحظ هذا
وبعد قليل ذهبوا هذه المجموعة وأتى شخص منهم إلى ملك وهو في يده باقة ورد كبيرة باللون أحمر وقال: هذه الباقة لكي سيدتي
نظرت إليه ملك وابتسمت بجمود وأخذت الباقة منه وانتظرت أن يذهب وذهب هذا الشخص بالفعل لترمي ملك الباقة على الأرض وأمسكت الكارت الذي كان يوجد في الباقة وقرأت محتوى في داخله: أمريكا نورت بوجودك هنتقابل قريب أوي وهتبقي معايا وفي حضني يا ملكتي توقيع حبيبك
أمسكت ملك القداحة وأشعلت في هذا الكارت والشباب ينظرون إليها باستغراب ونظرت إليهم ملك وقالت ببرود لكي تغير الموضوع: علي الرجالة هيوصلوا إمتى
علي بهدوء: بكرة الصبح هيكونوا هنا هما حاليا في الطيارة
أومأت له ملك ونظرت أمامها وقال أدهم بهدوء: هو المعاد إمتى
ملك ببرود: بكرة
فهد باستغراب: بالسرعة دي
أومأت له ملك بهدوء وقالت: أنتوا تعرفوا شكل اللورد
رفع فهد حاجبه وقال: لا طبعا احنا هنعرفه منين
ملك بسخرية: صلاة النبي أحسن يعني أنتوا متعرفوش شكل اللورد
فهد بغيظ شديد: أيوه احنا هنعرفه منين يعني يا ملك ما أكيد مش عارفين
ملك بغيظ وصوت واطي: انت يا بني ادم مش المفروض بتشتغل على القضية دي من فترة يعني عارف مين اللي المفروض تقبض عليه
اقترب فهد بوجهه منها بشدة وقال: أيوه يعني أعمل إيه معرفش شكله علشان كل ما نقبض على حد من رجالته يقول شكل مختلف عن التاني ومحدش عرف يحدد شكله إيه بالظبط
ابتعدت ملك عنه بسرعة ونظرت إلى الجميع الذين ينظرون إليهم باستغراب ونظرت إليه وارتشفت الكأس ونهضت وقالت: طب يلا بينا
وذهبت ملك إلى الخارج وذهبوا خلفها الشباب وقالت ملك ببرود وهي تصعد السيارة: هنروح على القصر
وصعدت ملك وقادت السيارة ببطء وبعد قليل قادت بسرعة كبيرة وقال أدهم الذي يجلس بجانب فهد الذي يقود سيارته باستغراب: هي بتسوق كده ليه دي ممكن كده تعمل حادثة كده
نظر فهد إلى سيارة ملك بخوف عليها وقال وليد: اهدى هي كده عايزة تتوهنا علشان تروح مكان ومحدش يعرف عنها حاجة أهو شوفت
أنهى حديثه بعد أن اختفت سيارة ملك من أمامهم غضب فهد بشدة من فعلتها فهي غامضة ولا أحد يعرف بما تفكر وماذا تريد أن تفعل وهذا الذي يغضبه منها بشدة
عند ملك كانت تقود السيارة بسرعة كبيرة ونظرت إلى المرآة ولم ترى أحد يراقبها اسرعت أكثر وبعد ساعة تقريبا وصلت إلى المنزل الذي تريده وخرجت من السيارة ودقت الباب وفتح إليها شخص ودخلت ملك إلى المنزل وأغلقت الباب خلفها وذهبت إلى أحضان هذا الشخص الذي ضمها باشتياق وقوة شديدة وقال: وحشتيني أوي يا ملك
ملك بمرح خفيف: إيه يا أسطا ده انت لسه شايفني في إيطاليا من شهر ونص تقريبا لحقت أوحشك كده
أخرجها الشخص من أحضانه وقال بغيظ شديد: بت امشي من هنا وبعدين انتي بتسمي اللي حصل في إيطاليا ده إني شوفتك ده أنا ملحقتش حتى أبص في وشك الفقري ده
ذهبت ملك وجلست على الأريكة وقالت: بس والنبي علشان متعصبة وعلى آخري بجد
الشخص جلس بجانبها: وده ليه يعني ده حتى بعتلك ورد أي بنت في الدنيا تتمنى
ملك بغضب: وحد قالك إني كنت عايزة ورد أنا كنت مخططة لحاجة تانية غير دي
الشخص نظر إليها: واللي هي إيه يا حبيبتي
نظرت إليه ملك ولم تتحدث فهم الشخص على الفور وقال: انتي هبلة يا ملك
ملك بغضب شديد: متغلطش بس
الشخص بغيظ: مغلطش إيه انتي عايزه أول ما حضرتك توصلي هنا ييجي يقولك نورتي يا ملك هانم أكيد هيستنى لحد المعاد وكمان احمدي ربنا إنه جه النايت النهاردة علشان يشوفك عايزة إيه تاني
نفخت ملك بقوة كبيرة وقالت: انت مش فاهمني أنا عايزة أخلص بأسرع وقت علشان كده قلت أعمل أي حركة يمكن نخلص وأعرف اللي أنا عايزاه أعرفه من زمان
الشخص بهدوء: ناوية على إيه ومتخبيش عني حاجة علشان لو بعد كده عرفت بصدفة حاجة هقتلك بجد
رفعت ملك حاجبها وقالت: انت بتهدد الملكة إنك تقتلها يا حبيبي
الشخص مسح على شعرها وقال: مش معايا أنا الكلام ده يا ملك يلا قولي علشان حاسس إنك ناوية على مصيبة بجد
ابتسمت ملك وقالت: الأول اوعدني إنك هتقف معايا
الشخص بنفاذ صبر وهو يشعر بأنها سوف تفعل شيء كبير سوف يقلب حياة الجميع: ملك يلا انجزي
تنهدت ملك وقالت: اسمع $$$$
وقصت له ملك جميع خططها والذي تريد فعله وقال الشخص بعدم تصديق بعد أن انتهت: انتي عارفة هتعملي إيه في نفسك كده يا ملك هو انتي اتجوزتي فهد ولا لسه
أومأت له ملك بهدوء فهم بأن هذا الزواج قد تم وقال: وانتي عايزة يشوف كل ده ويسكت ده مش بعيد يقتلك يا ملك لازم تشوفي حاجة غير دي الموضوع ده مفيهوش هزار
ملك ببرود: هو ده اللي هيتعمل أنا لازم أعرف الحقيقة حتى لو هخسر أي حد في الدنيا مش هتفرق معايا
الشخص بغضب شديد وصوت عالي: انتي أكيد اتجننتي يا ملك انتي عايزه واحد يشوف مراته وهي كده ويسكت يا ملك وجع القلب صعب أوي أنا مجرب وعارف انتي مش هتستحملي ده
ملك بحزن شديد: أنا قلبي اتوجع أكتر بكتير من ده يعني مجتش عليه هو كمان
فهم الشخص حزنها امسك يدها وقال: لا والله لا يا ملك مش هتقدري اسمعي مني الوجع ده غير كل اللي مريتي بيه في حياتك ده حب يا ملك وانتي عمرك ما جربتي وأول مرة تحبي متوجعيش قلبك بطريقة دي دلوقتي شوفي أي حل تاني غير ده
ترمت ملك بين أحضانه بحزن ووجع شديد وقالت: والله دورت وملقيتش غير كده علشان أعرف الحقيقة انت فاكر إني كده مبسوطة وأنا بنهي حياتي للمرة ألف ومش هعرف إذا كان هنرجع تاني ولا لا أنا مش عايزة أخسر فهد بس مجبورة علشان أعرف الحقيقة كاملة لازم أعمل كده
ضمها هذا الشخص بقوة كبيرة وقال: معلش يا قلبي أنا عارف إنه صعب عليكي كل ده يلا كلمي الأولاد عايز أسمع صوتهم علشان أعرف هما طالعين لمين
ابتسمت ملك وهي تعلم بأنه يريد يفعل ذلك لكي يخرجها من حالة الحزن التي بها وخرجت من أحضانه وقالت: هكلمهم دلوقتي
وأخرجت ملك الهاتف ودقت إلى مالك ووضعت الهاتف على مكبر الصوت وسمعت مالك وقال بلهفة: ماما عاملة إيه
ملك بحنان: كويسة انت عامل إيه يا قلبي
مالك: أنا كويس انتي فين كل ده
ابتسمت ملك ونظرت إلى الشخص وقالت: بعدين هبقى أقولك أومال فين إخواتك
مالك: أنا قاعد مع أنس وهما في الأوضة بتاعتهم
ملك: اديني أنس وروح هاتهم علشان أكلمهم يا حبيبي
مالك: حاضر
وأعطى مالك الهاتف إلى أنس الذي قال باشتياق: ماما انتي وحشتيني أوي
ملك بحب: وانت كمان يا روحي عامل إيه والمدرسة أخبارها إيه معاك
أنس: كل حاجة تمام والمدرسة كويسة جدا وأنا فاهم كويس منها
دخلت عشق الغرفة بهجوم وقالت: انتي يا وليه فينك ده كله انتي ما صدقتي تمشي وما اتصلتيش بيا ليه ها اتكلمي وقولي ليه يا ملك
ملك بغيظ شديد ووضعت وسادة على فم الشخص وهو يضحك على عشق: انتي سايبة فرصة أتكلم يا بت الكلب انتي من ساعة ما اتكلمتي وانتي مش مبطلة كلام خالص
عشق: اتكلمي وياريت تقولي سبب مقنع علشان لو غير كده أنا هتبرى منك خلاص
ملك: انتي اللي هتبري مني ده أنا هدخل الجنة بطيارة علشان مستحملاكي يا حيوانة
ندى برقتها المعتادة: مامي انتي وحشتيني أوي
ملك نظرت إلى الشخص الذي يسمعهم وعينيه تدمع بشدة: وانتي كمان يا قلبي وحشتيني أوي عاملة إيه مع عشق
عشق بمرح: والله يا ملك أنا ماباكلش لحم بني آدمين علشان كده سيبتها ومجيتش جنبها لحد دلوقتي
ملك بغيظ مصطنع: عارفة يا أختي بس بشوفك يمكن تكوني عاملة مصيبة ولا حاجة
عشق بطيبة مصطنعة: لا يا ماما أنا طيوبة خالص ومعملتش ولا حاجة اطمني
ندى ببراءة: لا يا عشق انتي بوظتي المطبخ وكمان اتخانقتي في المدرسة ومالك وأنس ضربوا الولاد كلهم علشانك وكمان انت
قطعت حديثها عشق التي وضعت يدها على فمها بسرعة وقالت: بس الله يخربيتك فضحتيني انتي محدش يقولك على حاجة أبدا كده
ملك بغيظ شديد: عملتوا إيه يا ولاد ملك ما أنا عارفة متسيبوش حاجة حلوة أبدا اتكلموا يا ولاد الجزمة وقولوا عملتوا إيه
أنس بهدوء: اهدي بس يا ملك مفيش حاجة كله تحت السيطرة اطمني
مالك: صح يا ماما متقلقيش انتي بس
ملك: عملتوا إيه أنا مقدرش أسيبكم لازم تعملوا مصيبة كده
إياد بمرح: بصي يا مزة أنا هقول على كل حاجة حصلت بس هتدفعي كام
ملك باستحقار مصطنع: مادي وحقير زي أبوك قول وأنا هعمل كل اللي انت عاوزه بعد ما أرجع يا كلب
إياد: كده اتفقنا بصي بنتك عشق في ولدين واحد منهم قالها شعرك حلو يا عشق بنتك تسكت لا ليه تسكت مينفعش كانت تموت فيها لو عملتها قامت ردت عليهم وهي بتردح ولا كأنها جاية من أحسن حارة شعبية فيكي يا مصر هوبا بقى يدخل مين قولي مين
ملك برفعة حاجب: مين
إياد: أنس باشا يروح ماسك الواد طحنه يروح الواد التاني ينادي صحابه يجوا صحاب الواد يروح أنس ابنك ضربهم كلهم ويجي مالك ضرب معاه وعيالك كسبوا المعركة دي بس الصراحة كانت فظيعة والمدرسة كلها اتلمت عليهم وقالوا إنهم عملوا حاجة حلوة لما ضربوا العيال ده وكمان شهدوا معاهم لما المدير جه والموضوع خلص كده
ملك نظرت إلى الشخص: أستاذ أنس وأستاذ مالك اللي عملتوه صح
أنس ببرود شديد: أيوه ولو رجع بيا الزمن تاني كنت هعمله تاني ولو آخر يوم في عمري مش هسمح إن حد يقرب من عشق يا ماما
ابتسم الشخص بهدوء على هذا الصبي وقال مالك: أيوه يا ملكة الواد واللي معاه كانوا عاوزين يتربوا من زمان وكده هما طول عمرهم ما هيجوا جنب حد مننا وانت والله ما سيبك يا إياد الكلب
قال هذا ونظر إلى إياد بتوعد قال إياد بخوف: أنا في حماية عمتو صح يا ملك أوعي تبيعيني أنا ابن أخوكي برضو
ملك بابتسامة: صح يا قلب عمتك هو في حمايتي ولو حد جه جنبه يبقى بيغلط فيا تمام أنس مالك
أنس ومالك: تمام يا ملكة
عشق بمرح: ها يا مزة هتيجي إمتى الشغل مخلصش
ابتسمت ملك إليها وقالت: لسه حبة كمان وهاجي
عشق بحزن: انتي وحشتيني أوي يا ماما يا ريت تيجي بسرعة بجد
ملك بهدوء: حاضر يا قلبي هحاول عاملة إيه انتي في المدرسة
عشق بغيظ: والنبي ما تجيبي سيرتها دي حاجة تغم النفس وعيالك يوميا بيجوا يصحوني من أحلى نومة علشانها ده الواحد زهق والله
ملك: بس يا بت في إيه وبعدين دي مدرسة يعني لازم تروحي علشان تطلعي حاجة كبيرة
عشق بمرح: أكليني وهبقى كبيرة لكن المدرسة مبتكبرش حد يا ملك
ملك بغيظ مصطنع: تعرفي يا عشق هعمل فيكي إيه بعد ما أرجع
عشق: هتعملي إيه أكيد هتعمليلي كيك زي اللي عملتيها قبل ما تمشي صح
ضحك الشخص عليها بخفة ونظرت إليه ملك وابعدت الهاتف عنه قليلا لكي لا أحد يلاحظ صوته وقالت ملك: بس يا بت فين البنات والباقي
مالك: الكل في الشركة مفيش غير طنط سارة وبتعمل الأكل تحت دلوقتي
ملك: تمام ابقوا سلمولي عليهم يلا لازم أقفل دلوقتي علشان عندي شغل كتير
عشق بخوف: ماما خلي بالك من نفسك وارجعي بسرعة علشان خاطري
ملك بابتسامة: حاضر يا قلبي يلا باي
الولاد: باي
أغلقت ملك الهاتف ونظرت إلى الشخص الذي ظهر عليه الحزن قالت ملك وتخفي هذا الحزن: إيه رأيك في تربيتي أكيد تخليني فخورة طول عمري مش كده
الشخص قبل أعلى رأسها: أكيد يا روحي كفاية إنهم بيحبوا بعض ويعملوا أي حاجة علشان بعض بس شكل الجارحي والمصري هيعيدوا أمجادهم من تاني
ابتسمت ملك وقالت: والله نفس الكلام اللي قولته بس دول هيتعبوا أكتر
ضغط الشخص على يدها التي بين يده وقال: انتي اللي هتتعبي معاهم مش هما كلهم مش هيفهموا غير لما توجهيهم للطريق ده
ملك: مش يمكن أسيبهم وهما يتوجهوا للطريق لوحدهم
الشخص بغضب شديد: بس يا ملك انتي هتعيشي ليهم أنا وهما منقدرش نعيش من غيرك أنا خسرت كل حاجة مينفعش أخسرك انتي كمان فاهمة
ذهبت ملك إلى أحضانه وضمها بقوة كبيرة إليه وظلوا على هذا الحال إلى فترة طويلة وخرجت من أحضانه ملك وقالت: اللورد ناوي على إيه متعرفش
الشخص: مش عارف هو بس بيجهز البضاعة بنفسه ومش عاوز أي غلط وبيهدد لو في حاجة غلط حصلت هيولع فيهم كلهم
أومأت له ملك وقالت: كده أحسن لينا كل ما يهتم بالبضاعة كل ما هيتوجع عليها أكتر
دق هاتف ملك ونظرت إليه ملك ورأت المتصل فهد لتفصل الهاتف قال الشخص: اللي بتعمليه غلط يا ملك
ملك باستغراب: إيه هو
الشخص بهدوء: فهد جوزك يعني يعرف انتي بتعملي إيه وكمان أنا متأكد إنه دلوقتي هيشيط من اللي بتعمليه ولو انتي زودتي اللي بتعمليه هو عمره ما في حاجة هتمنعه يسيبك وهيسيبك بسهولة كمان حافظي عليه يا ملك يمكن هو اللي هيرجع ملك من تاني أنا هروح أعمل حاجة ناكلها لحد ما تكلميه
أنهى حديثه ونهض وذهب أمسكت ملك الهاتف وتدق على فهد وفتح فهد وقال بغضب شديد وصوت عالي بشدة: انتي فين يا ملك كل ده وكمان ليه تمشي بطريقة دي
ملك بهدوء: ممكن تهدى شوية وبعدين أنا عايزة أقعد مع نفسي شوية عايزة أفكر هعمل إيه في اللي جاي
فهد وحاول يكتم غضبه الشديد الآن: طب ما هنا تفكري ولا هو التفكير مش بييجي غير وانتي بعيدة انتي فين أنا هاجي آخدك
تنهدت ملك بقوة كبيرة وقالت: فهد أنا بخير وهاجي بكرة الصبح علشان نقابل مساعد اللورد اطمن لازم أقفل دلوقتي
فهد: ماشي يا ملك بس خلي بالك لو صبري نفذ هعمل حاجات عمرك ما اتخيلتيها تيجي من فهد سلام
وأغلق الهاتف ونظرت ملك إلى الهاتف ببرود ودخل الشخص وهو في يده الطعام وقال: تعالي كلي علشان نشوف هنعمل إيه
نهضت ملك وذهبت إلى الطاولة وجلست نظر إليها الشخص وقال: انتي مصممة على اللي انتي عايزه تعمليه
ملك بهدوء: مفيش غير الحل ده علشان نعرف كل حاجة وبعدين لازم أخلص من الموضوع ده بأسرع وقت علشان تعبت بجد
الشخص وضع يده على يدها: هنخلص إن شاء الله من الموضوع ده قريب أوي
ابتسمت ملك وبدوا أن يتناولون الطعام ونظرت ملك أمامها وهي تفكر في الذي تريد تفعله وبدأ هذا الشخص أن يتحدث معها في عدة أشياء إلى أن خرج ضوء الصباح ونهضت ملك وقالت: أنا لازم أمشي يا دوب ألحق أوصل
ضمها الشخص وقال: ماشي يا قلبي احنا كده ممكن منتقابلش تاني غير لما نخلص
ملك حضنته وقالت: أمم يلا انت كمان روح شغلك علشان محدش يحس بحاجة باي
أشار إليها الشخص وتذهب وابتسمت ملك وذهبت إلى الخارج وصعدت سيارتها وقادتها بسرعة كبيرة ونظر الشخص خلف سيارتها وابتسم بغموض وقال: ربنا يسترها يا ملك ويعديها على خير معاكي