رواية لهيب أنتقام الملكة الفصل الثلاثون30 بقلم بيري الصياد
ملك ببرود وسخرية: وهل هي والدتك التي حاولت أن تقتلني
ماكس بخوف: لا يا ملكة أنا لم أفعل هذا
ملك ببرود وهي تمد يدها إلى وليد: هل تعلم أكثر شيء تكرهه الملكة
لم يتحدث قالت ملك بصوت عالي أفزعه وهي تجهز السلاح الذي أعطاه إليها وليد: تحدث لا تصمت
ماكس بخوف: ما هو هذا الشيء
أطلقت ملك طلقة في قدمه وقالت ببرود شديد: الكذب هو الشيء الذي تكرهه الملكة بشدة أيها الحقير
صرخ ماكس بصوت عالي بشدة من الوجع وقالت ملك ببرود: اصمت اللعبة سوف تبدأ الآن تحدث كيف درت هذا الاتفاق
ماكس بوجع وخوف شديد من الذي سوف تفعله به هذه الملكة: قمت بتواصل مع رجالي في مصر وهما فعلوا هذا الحادث
أطلقت ملك طلقة على قدمه الأخرى وقالت: هذا هو الحديث الذي كنت أريد أن أسمعه والآن تحدث ما هو العقاب الذي تستحقه انت بعد فعلتك
ماكس برجاء ووجع شديد: ماذا يا ملكة ارحميني أرجوك أنا لم أفعل شيئا آخر أرجوك تتركيني
ملك ببرود: لكن أنا لا أرحم أحد الذي يرحم هو الله من أنا لكي أرحم والآن سوف تتعاقب بطريقتي على ما فعلته
ماكس: لا يا ملكة أرجوك ارحميني
ملك ببرود وخبث: أوه أجل ماكس أنا سوف أرحمك لأنك حاولت أن تقتلني لكن ماذا عن الذي فعلته اليوم
ماكس بخوف ووجع شديد: أرجوك اتركيني يا ملكة
ملك وضعت السلاح مكان قلبه: والآن اذهب إلى الجحيم
وأطلقت ملك عليه عدة طلقات وسقط هذا الماكس وذهبت روحه على الفور وقالت ملك إلى رجالها ببرود: يلا نمشي
أدهم باستغراب شديد: طب دلوقتي هنمشي إزاي وانتي ولعتي في العربيات كلها
ملك: حد يجيب عربية من العربيات بتاعة الحيوان ده علشان نمشي بيها
ذهب طارق وقاد سيارة من هذه السيارات ووقف بها أمام الجميع وقالت ملك ببرود: يلا وزعوا نفسكم على العربيات
صعد فهد وعلي وطارق مع ملك وصعد الباقي بالسيارة الأخرى وذهبوا إلى القصر ودخلوا بعد فترة القصر وجلست ملك على الكرسي وقالت إلى رجالها: في كام واحد من رجالتكم هنا
علي بهدوء وهو يجلس: في تقريبا خمسة وأربعين واحد
ملك ببرود واشعلت سيجارة: طارق وعلي هتنزلوا مصر النهاردة وهتبعتوا تزودوا الرجالة اللي معايا هنا
طارق: بس ليه يا ملكة احنا مش عاوزين نمشي غير لما تخلصي من اللي عايزة تعمليه
نفخت ملك نفس من السيجارة وقالت: محتاجاكم في مصر أكتر نصار مش هيقدر على الشركة لوحده وكمان عايزة الرجالة دي تكون هنا بكرة بالكتير
وليد باستغراب: ليه ده كله يا ملكة احنا مخدناش كمية الرجالة دي قبل كده
ملك ببرود: علشان صفقة اللورد معادها قرب أوي ولازم كل حاجة تخلص زي ما خططتلها بالظبط
رفع فهد حاجبه وقال: هي إمتى معاد الصفقة دي
نظرت إليه ملك وقالت بهدوء: هنروح النهاردة أمريكا وهنقابل المساعد بتاع اللورد نتفق على كل حاجة
أخرج علي هاتفه وقال: أنا هتصل أبعت للرجالة بس مش هنمشي غير مع بعض يا ملكة وإذا كان على الشركة هخلي واحد صاحبي هيديرها مع نصار وهو محل ثقة متقلقيش منه
أومأت له ملك بهدوء وقالت: تمام اجهزوا علشان هنمشي دلوقتي
عمر بمرح: تعرفي إن الفترة دي أكتر فترة سافرت فيها في حياتي أنا مسافر تلات بلاد في أقل من الأسبوع بس انتي مبتقعديش فيهم مش عارف ليه ما تقعدي يومين في كل بلد علشان ألحق أتفرج عليها على الأقل وبعدين نمشي
ابتسمت ملك ببرود شديد وقالت: هتقعد في أمريكا كتير لحد ما نخلص يعني أسبوعين تقريبا
أدهم بهدوء: في حاجة عاوز أسألها
نفخت ملك الدخان وقالت: أمم
أدهم: ليه قتلتي ماكس وإيه اللي كان ناوي يعمله معانا أصلا
ذهب علي وضرب وليد خلف رأسه وقال: آه وانت عارف ومتقوليش يالا
وليد بغيظ ووضع يده مكان الضربة: وأنا مالي يا عم هي اللي قالت إن محدش يعرف الموضوع ده
ملك بغيظ شديد: انت بتبيعني يا حيوان
جلس وليد وقال: مش أحسن ما اتضرب يا أختي حتى كده يسيبوني ويمسكوكي انتي هتقدري عليهم أما أنا غلبان ومش هقدر على حد
طارق: أيوه صح يا ملكة إيه الحوار ده
رفعت ملك كتفها وقالت: لا حوار ولا حاجة يوم الحادثة بتاعتي الحيوان ده جه ليا
أنهت حديثها وهي تشير على وليد الذي ابتسم ببلاهه واستكملت ملك وقالت: وهو عرف إن الحادثة مدبرة وبعد ما طلعت من المستشفى عرف إن ماكس هو السبب في الحادثة وبس كده
رفع فهد حاجبه وقال: وهو هيكسب إيه لما يقتلك كده
ملك ببرود: كنت واخدة صفقة بخمسين مليون دولار فقال يخلص مني ويكسبها هو
علي: وانتي عايزة تفهميني إنك معرفتيش تتخلصي من العربية اللي بعتها وكانت السبب في الحادثة ما انتي على طول بيحصل معاكي أكتر من كده وبتعدي عادي
نهضت ملك وقالت: المرة دي كنت سرحانة ومخدتش بالي غير بعدين
طارق باستغراب وفضول: طيب هو كان عايز يعمل إيه فينا
ملك ببرود: نفس اللي عملته في رجالته كان هيحصل معانا يلا علشان نمشي
أنهت حديثها وذهبت إلى غرفتها ونهض فهد وقال وهو يذهب إلى غرفته: يلا يا شباب كل واحد يجهز نفسه خلينا نمشي
ذهبوا الجميع إلى غرفتهم لكي يجهزون كما قال فهد لكي يذهبوا من هذه البلد
بعد قليل هبطت ملك وقد ارتدت فستان سهرة أسود ضيق يبرز القوام بقصة هاي كول وأكتاف مكشوفة ووشاح أبيض من الشيفون ينسدل من الرقبة على الأكتاف مثل عباءة ملكية وقصة طويلة حتى منتصف الساق مع كلاتش فضي صغير في يدها تقف بكل رقي فستان ملكي يليق بملكة تعرف كيف تخطف الأنظار
مع حذاء كعب عالي بلاتفورم فاخر باللون الأبيض والأسود مقدمة بيضاء لامعة من الجلد ومنصة أمامية سميكة عالية باللون الأسود اللامع وكعب رفيع طويل جدا أسود بلمعة معدنية تصميم جريء يبرز طول الساق بكل هيبة حذاء ملكي لا ترتديه إلا ملكة تعشق السيطرة
ورأت الشباب ينتظرونها قالت: وليد هات الشنطة معاك
أومأ لها وليد وذهب وأتى بهذه الحقيبة التي بها أشياء الملكة بعد أن أتى ذهبت إلى الخارج وقالت ملك ببرود: كده تمام يلا بينا
ذهبت ملك والجميع إلى الخارج وصعدت سيارتها وقادت إلى المطار وقاد الجميع السيارات خلفها ووصلوا بعد فترة إلى المطار وذهبوا جميع الحرس ورجال الملكة إليها وذهبت ملك إلى الطائرة الخاصة بها وصعدت بها وأقلعت الطائرة وذهبت إلى أمريكا وبعد عدة ساعات طويلة وصلت ملك إلى أمريكا وهبطت من الطائرة ورأت أن هناك يوجد عدد كبير من الصحفيين ويركضون إليها بسرعة كبيرة لكي يسألون عنها فهي لم تفعل مقابلات تلفزيونية من فترة طويلة وقال أحد الصحفيين: ماذا تفعل الملكة في حياتها هذه الأيام
صحفي آخر: ماذا تفعلين في أمريكا الآن يا ملكة هل هناك مشكلة لديكي
ملك ببرود: أنا الآن في أمريكا للعمل فقط يجب أن أذهب الآن
وقفوا الشباب للصحفيين لتذهب ملك إلى السيارة وتصعد في الخلف وقاد السائق إلى قصر الملكة في أمريكا ووصلت ملك إلى القصر وقالت إلى الشباب: اطلعوا ارتاحوا دلوقتي وبالليل انزلوا علشان عاوزاكم في موضوع مهم
أنهت حديثها وذهبت إلى غرفتها في هذا القصر
ودخلت بها ونزعت حذاءها ورمته على الأرض بإهمال وذهبت إلى الفراش ورمت جسدها عليه وقالت في داخلها وهي تنظر إلى سقف الغرفة: خلاص قربت من الطريق اللي بقالي سنين مستنياه هانت وهاخد حقه وحق كل واحد ظلمه بس لازم أخطط للجاي بدقة أكتر من كده علشان اللي عايزاه يحصل وميكونش في ولا غلطة
أنهت حديثها بحزم على الذي تريد تفعله ونهضت وذهبت إلى المرآة وجلست على الكرسي ونظرت إلى نفسها وقالت بحزن شديد ودموع تلمع بعيونها: وحشتوني أوي من ساعة ما رحتوا وأنا مش عارفة أعيش حاسة وكأنهم خدوني معاهم مبقاش في ملك من يوم ما هما راحوا مبقتش أنا بتاعة زمان
أنهت حديثها ووضعت رأسها على يدها ونظرت أمامها وهي تتذكر
(فلاش باك)
كانوا الجميع يجلسون على الطاولة وهم يتناولون وجبة العشاء ودخلت ملك عليهم وقالت: مساء الخير
نظروا إليها الجميع وقالوا: مساء النور
ابتسمت ملك وذهبت إلى نادية وقبلت وجهها وفعلت هذا مع الجميع ونهضت نادية وجلستها ووضعت إليها الطعام وقال معتز بهدوء: كنتي فين كل ده يا ملك
ملك وهي تفتح فمها إلى نادية التي تضع الطعام في فمها: كنت مع أوس علشان بيذاكرلي علشان الامتحانات قربت أوي
معتز بغيره شديدة: في إيه كل شوية مع أوس وكمان بيذاكرلك هو ليه
كادت ملك أن تتحدث لكن قال أسر بنفس الغيرة والغضب: صح يا ملك أنا موجود لو حاجة عاوزاها تعاليلي أنا ليه تروحي لأوس ده
ملك: أولا أوس يبقى صاحبي ثانيا هو شرحه حلو أوي وأنا بفهم أكتر منه
نهض معتز وقال بغضب شديد وصوت عالي: بس متقوليش صاحبي اسمه زميلك وبعدين إيه بتفهمي منه على أساس احنا مش بنفهمك كويس يا ملك
نفخت ملك بقوة كبيرة ونظرت إلى نادية وقالت: شوفي جوزك وأخوكي علشان مقومش وأمشي
نادية بغضب شديد وهي تنظر إلى معتز وأسر: في إيه انت وهو ما تسيبوا البنت في حالها مش كفاية عليها اللي هي فيه اليومين دول
أسر بغيره وغضب شديد: انتي مش شايفة بتقول إيه على اللي اسمه أوس ده وكمان ليه على طول معاها حتى في المدرسة مش بتسيبه غير في الفصل وكمان لما حد فينا يقول إنه هيروح يجيبها من المدرسة تقول لا أوس هيجيبني ليه كل ده يعني هو كان من بقية أهلها ولا إيه
تنهدت نادية بقوة وهي تعلم بأن هذه الغيرة لن تنتهي وقالت: سيبها تاكل الأول وبعدين ابقى اتكلم معاها يا أسر مش دلوقتي
ملك بغضب من غيرتهم الشديدة عليها: في إيه انت وهو وبعدين ده أوس يعني أخويا وكمان هو شاطر جدا في المدرسة وأنا بفهم منه وطنط مها بتبقى مستنيانا علشان تاخدنا وأنا بروح معاها يعني بكون مع طنط مش مع أوس بس انتوا إزاي تفضلوا ساكتين لازم تعملوا كده مع أي حد يقرب مني
دعاء وضعت يدها على كتفها: خلاص يا حبيبتي أكيد هما مش قاصدين هما من حبهم فيكي بيعملوا كده
ملك بحزن مصطنع: بس أنا زهقت هما مش فاهمني ومش بيحسوا بيا يا دعاء
نادية بحزن شديد لأجلها: بس يا قلبي هما بيحبوكي علشان كده خايفين عليكي
نهضت ملك وقالت بتمثيل وحزن: لا يا نادية هما بيعملوا كده علشان عارفين إني بضايق أنا طالعة أنام تصبحوا على خير
وذهبت ملك وهي تسير وغمزت إلى أسد فهم وابتسم عليها فهي ماهرة بتمثيل بشدة لدرجة أنها جعلت الآن الجميع يحزنون عليها وهو أيضا وقالت نادية بغضب وحزن شديد: أهو خليتوا البنت تمشي من غير ما تاكل حاجة
نظر أسد على طبق ملك لم ير طعام من الذي كان يوجد الآن ابتسم بسخرية شديد وقال أسر بغيره شديدة: انتي مش شايفة الواد ده على طول معاها إزاي وكمان مش عاوزني أتكلم
نادية: طب عجبك كده البنت كده هتهبط من الدروس وكمان الامتحانات قربت حرام عليكم تعملوا فيها كده دلوقتي
معتز بغيظ: انتي مش شايفة إنك مدلعاها زيادة عن اللزوم يا نادية
حازم بسخرية شديد: لا معاك حق يا ابن عمي هي ملك اتدلعت على إيد نادية بس
أسر بحزن شديد على ملك: أنا لازم أروح أصلحها هي أكيد زعلانة دلوقتي وبتعيط
ملك بهمس إلى نفسها وهي تأكل الشوكولاتة التي في يدها وهي في الأعلى: صح يا خويا زعلانة أوي انتوا قاسيين أوي أهي أهي أهي
ومثلت ملك البكاء ومسحت دموعها المصطنعة التي ليست موجوده من الأساس وسمعت معتز قال: تعالى نروح نجيبلها حاجة بتحبها ونصالحها بيها
ابتسمت ملك بفرحة طفولية وقالت: أخويا ابن أمي وأبويا حبيبي وربنا يا أسطا هو ده أخويا اللي فاهمني بجد
أسر: لا تعالى نصالحها قبل ما تنام وبعدين نبقى نجيب اللي هي عايزاه بعدين
ملك بغيظ شديد: روح انت بس وأنا هستناك لحد ما تيجي هات أي حاجة وانت جاي هتدخل عليا بإيدك فاضية حتى عيب في حقك إيه الهم ده يا ربي
نهض معتز وقال: طب تعالى نروح
فزعت ملك بشدة ونهضت بسرعة وقالت: جايين يا بت الفقرية لازم ألحق أجري يا مجدي
وركضت ملك إلى غرفتها وجلست على الفراش وتنفست براحة وقالت: أنا مالي تعبت كده ليه أكيد أنا تخنت من أكل طنط مها الولية دي بتعمل شوية أكل إيه عنب يا بخت أوس والبت نور عندهم أم زي دي أكيد يوميا بتعملهم أكل حلو لازم أفكر أخليها تعملي أكل إيه بكرة
أنهت حديثها بتفكير شديد وسمعت الباب يدق ابتسمت بخبث وأكملت تمثيل وهي ترى جميع العائلة أتوا إلى غرفتها ونهضت وقالت بحزن مصطنع: خير جايين هنا ليه مش كفاية مكلتش بسببكم عاوزيني أسيب البيت وأمشي بالمرة
ضمها أسر وقال: متقوليش كده يا قلبي انتي عارفة إننا بنحبك أوي صح
ضمته ملك وقالت: عارفة بس انتوا مش فاهميني أنا بحب أوس والم
قطع حديثها أسر الذي قال بغضب شديد: بس متقوليش بتحبي واسكتي أحسن يا ملك
خرجت ملك من أحضانه وقالت: برضو مفيش فايدة اللي بقوله مش بتسمعوا أبدا
معتز بغيظ شديد: ما انتي اللي بتقولي بحبه ومش عاوزانا نتعصب
ملك جلست وقالت: انتوا مفيش فايدة فيكم أنا تعبت منكم بجد
ذهبوا إليها أسر ومعتز وجلسوا بجانبها وضموها وقال معتز: خلاص يا قلبي احنا بنحبك وانتي عارفة ده ومنقدرش نخلي حد يشاركنا فيكي
أسر: صح يا ملك انتي عارفة إننا بنحبك صح
ملك بحب: وأنا كمان بحبكم أوي ويلا علشان جعانة أوي
نادية سحبتها من بينهم وتوقفها أمامها: تعالي يا روحي كملي أكلك انتي مكلتيش حاجة
(باك)
خرجت ملك من ذكرياتها ونظرت إلى الساعة وقالت بغموض شديد: تعالى نشوف هتعمل إيه بعد ما تعرف إني في أمريكا
وابتسمت بجمود وخبث وقالت: وهتعمل اللي أنا عايزاه يا لورد وهنشوف مين فينا اللي هيكسب في الآخر