رواية لهيب أنتقام الملكة الفصل الثاني والثلاثون32 بقلم بيري الصياد
وصلت ملك إلى القصر ودخلت ببرود ورأت جميع رجالها ينتظرونها قالت إليهم ببرود: جهزوا نفسكم علشان ورانا سفر طويل
ذهبت ملك إلى غرفتها وأغلقت الباب وذهبت إلى هذا المطبخ الصغير الذي في الغرفة وفعلت قهوة إليها وذهبت إلى الشرفة وجلست على الكرسي ونظرت إلى الأسفل ورأت يوجد عدد كبير من الرجال ونظرت إليهم بشرود وارتشفت من القهوة
ظلت على هذه الحالة إلى أن انتهت من القهوة نهضت وذهبت إلى الحمام وقفت أسفل الماء البارد لساعة كاملة وهي تفكر في الذي يجب أن يحدث الآن وخرجت من الحمام وذهبت إلى غرفة الملابس وارتدت طقم كاجوال باللون الزيتي الفاتح مكون من جاكيت قصير بأزرار أمامية وجيوب جانبية وفوقه توب أبيض وبنطلون كارغو بجيوب جانبية ورباط عند الخصر مع سنيكرز أبيض تقف بثقة وشعرها الطويل المموج منسدل إطلالة عملية مريحة بلمسة ملكة قوية
ونظرت إلى نفسها في المرآة وصففت شعرها وخرجت من الغرفة وهبطت إلى الأسفل بهدوء وذهبت إلى حقيبتها وفتحتها وقالت إلى رجالها وهي تجهز السلاح: لازم تتوقعوا في أي لحظة الغدر جهزوا سلاحكم للضرب على طول وافتكروا دايما احنا مش رايحين نلعب دول من أخطر المافيا في العالم يعني يا قاتل يا مقتول مفيش حاجة غير كده تمام
الشباب: تمام يا ملكة
فتحت ملك الكيس الخاص بالأفعى الخاصة بها لتخرج الأفعى وقفت على يدها وقالت ملك إليها: في وراكي مهمة لازم تعمليها جاهزة
وكأن هذه الأفعى تفهمها انزلت رأسها على يدها صفرت ملك بطريقة غريبة لفت الأفعى عليها وفي لحظة اختفت الأفعى في ملابس ملك امسكها فهد بسرعة وخوف وقال بصوت عالي: ملك انتي بتعملي إيه ممكن يحصلك حاجة كده
نظرت إليه ملك وابتسمت بهدوء لكن نظرت إلى رجالها ونظرت إلى فهد وابتعدت عنه وقالت: اطمن هي عارفة بتعمل إيه يلا بينا
وارتدت النظارة السوداء وخرجت ملك من القصر ونظرت إلى الرجال الذين يقفون في الخارج وقفت ملك في الأعلى وقالت بصوت عالي وهي ترمي السلاح أمامهم: اللي بيفكر يخون السلاح قدامه دلوقتي يضرب نفسه رصاصة وأنا هسمح إنه يموت علشان اللي هيخون هخليه يترجاني علشان أديه الرصاصة دي وأريحه ومش هيطولها يلا مين بيفكر
خاف الجميع بشدة وقالوا بصوت واحد: احنا معاكي يا ملكة ورقبتنا ليكي
ابتسمت ملك ببرود وأمسك رجل من الرجال السلاح وأعطاه إليها فأمسكته ملك ووضعته في ملابسها وذهبت إلى سيارتها وقالت إلى الشباب: عايزة سواقة حلوة علشان نوصل بسرعة يلا
وصعدت السيارة وقادت وذهبوا خلفها الجميع وكأنهم يذهبون إلى معركة وهم بهذا العدد الكبير ووصلت ملك إلى المكان التي فيه هذه المقابلة
بعد أربع ساعات ورأت ملك أمامها مبنى كبير أكثر من عشرين طابق وجلست ملك على السيارة وقالت إلى الشباب: حاسة إن في حاجة غلط
فهد باستغراب: إيه هي
ملك ببرود: دي مش مقابلة بيني وبين المساعد دي حاجة أكبر من كده
أدهم بهدوء: قصدك إننا اتغدر بينا
ملك ببرود ووضعت سيجارة في فمها: ميقدروش على كده بس أكيد المساعد مش هيطلب إنه يقابلني في مكان كبير زي ده هما قالوا إننا هنقابل المساعد لكن دلوقتي هنقابل اللورد
علي باستغراب: وهما هيعملوا كده ليه
فهد بهدوء وذكاء: علشان احنا لو حكومة مش هنكون مجهزين أي حركة دلوقتي وإن اللورد يقابل الملكة دلوقتي أضمن ليهم
نفخت ملك شفتيها من الدخان وقالت: صح وده اللي هما فكروا فيه
وليد: طب على كده احنا هنهجم دلوقتي ولا لا
ملك: طبعا لا لسه اللي احنا عاوزينه مخلصش علشان كده هنقابله مقابلة عادية خلاص ولا كأن في حاجة
نظرت ملك إلى الشخص الذي ذهب إليهم هو وبجانبه شخص آخر ونفخت من السيجارة نفس كبير وقالت: على فكرة هما مصريين دي معلومة على الماشي واللي جاي ده المساعد خلوا بالكم أي غلط بفورة
أومأوا لها الشباب بهدوء وأتى هذا الشخص وقال باحترام: اتفضلي يا ملكة نورتي المكان
ملك ببرود: الملكة مش بتستنى حد وأنا من الصبح واقفة هنا مستنياك يا
لم تكمل ملك وقال أيمن بسرعة: أيمن يا ملك هانم وآسف على التأخير اتفضلي
هبطت ملك من على السيارة وذهبت إلى هذا المبنى الكبير صعدوا في المصعد الكهربائي مع أيمن والشخص الآخر وفتح إليهم الشخص بعد أن وصلوا إلى الطابق ونظرت ملك حولها ورأت ان المكان به كاميرات مراقبة ففهمت أن اللورد يراقبهم منهم وجلست ملك على الكرسي ووضعت قدم على أخرى بغرور وثقة شديدة وقال أيمن المساعد الشخصي إلى اللورد: شوف يا جابر البشوات يشربوا إيه
جابر باحترام: تحبي تشربي إيه يا ملكة
ملك ببرود نظرت إليه: قهوة مظبوط
جابر إلى الشباب: وحضرتكم تحبوا تشربوا إيه
فهد بهدوء: قهوة سادة
قالوا الشباب المشروبات التي يريدونها وقالت ملك ببرود إلى أيمن: مش ملاحظ إن المكان ده مش مناسب لشغل زي ده
أيمن: الكبير هو اللي قال إنكم تيجوا هنا
ملك بجراءة وبرود: وهو ماله هنا ولا لا أعتقد إني هقابلك أنت مش هو
أتى صوت من خلفها وقال: مين قال إنك هتقابلي هو أنا اللي هقابلك يا ملكة
نظروا الجميع إلى هذا الشخص عدا ملك التي أخذت نفس كبير من السيجارة لعله يطفي هذه النار التي بداخلها ولا تنهض الآن وتقتل هذا الشخص ونفخت الدخان بعد أن رأته يجلس أمامها وقال: تعرفي إني من أول ما سمعت عنك وأنا معجب بيكي
ضغط فهد على يده بقوة وغضب شديد فقالت ملك بغرور وبرود: مش أول ولا آخر واحد أسمع منه الكلام التافه ده
ابتسم اللورد وقال: بس أنا غير يا ملكة أنا مفيش حاجة عاوزها ومخدتهاش
ملك باستغراب مصطنع: وإيه هو ده اللي انت عاوزه دلوقتي
اللورد بجرأة شديدة: عاوزك انتي
ملك بصوت عالي: نععععععععم
اللورد: قولولي إنك بتفهميها وهي طايرة يا ملك هانم يعني أكيد فاهمة كلامي كويس أوي
ملك ببرود: ومحدش قالك إني مليش في الرخص أنا الملكة يعني الحوارات دي مش ليا أنا
اللورد: وأنا مقولتلكش كده ممكن أتكلم معاكي على انفراد شوية
نظرت ملك إلى الشباب وأخذت نفس من السيجارة واطفئتها وقالت: تمام
وقفت وذهب اللورد إلى المصعد وصعدت ملك معه ببرود شديد وضغط اللورد على الطابق الخاص به نظر فهد خلفهم وهو يكاد تنكسر يده من الضغط عليها فهو ضغط عليها بقوة وغضب شديد منها ومن أفعالها وقال في داخله بغضب شديد يكاد يقتله من الداخل: ماشي يا ملك أنا كده جبت آخري منك واديتك بدل الفرصة ألف أنا دلوقتي هقدر أربيكي وأعمل اللي أنا عاوزه
وصل المصعد إلى الطابق ودخل اللورد وملك إلى غرفة المعيشة ونظرت ملك في جميع الغرفة لم ترى كاميرات مراقبة لتطمئن وجلست ليجلس بجانبها وقال: اديني فرصة أكون معاكي يا ملك وأنا عمري ما هخليكي تندمي يا ملك
ملك ببرود وكبرياء: أولا الملكة مبتندمش على حاجة عملتها ثانيا أنا مليش في الجو ده أنا عمري ما كنت كده علشان أعمل حاجة زي دي دلوقتي
اللورد بغضب مكتوم: أنا بقولك انتي هتبقي بتاعتي لو مش برضاكي هيبقى بالعافية يبقى ارضي وخلاص
نظرت إليه ملك وقالت ببرود شديد: محدش قالك إن الملكة عمرها ما عملت حاجة غصب عنها لو حصل اللي بتفكر فيه فده هيكون بمزاجي ولمزاجي غير كده لا
ابتسم اللورد وقال: تعرفي إني بحبك من زمان
ملك باستغراب مصطنع: اللي هو إزاي انت لسه شايفني النهاردة
اللورد: لا أنا شوفتك أول مرة من خمس سنين تقريبا ومن يومها وأنا براقبك دايما وحبيتك من اللي سمعته عنك طول الفترة دي
أخرجت ملك سيجارة من العلبة وقالت ببرود: وانت اللي بتبعت الورد على طول مش كده
اللورد: أيوه قولي إنك موافقة وأنا عمري ما هخليكي تندمي
ملك ببرود: موافقة
اللورد بفرح: بجد
أومأت له ملك بجمود سحبها من يدها وجعلها تنهض ويجعلها تقف أمامه قالت ملك: مش هنشرب حاجة الأول
اللورد وذهب إلى الهاتف وقال: انتي تأمري يا ملكتي أنا عندي نوع جديد هيعجبك أوي
ضغط على عدة أرقام وقال بعد أن فتح عليه الآخر: أيمن ابعت النوع الجديد
أيمن بخبث: تمام يا بوص
ذهب اللورد وجلس بجانبها وقفت ملك خلفه وتمثل أنها تفعل إليه مساج وسحبت دبوس من شعرها ونغزته في رقبته بهدوء شديد وابعدت عنه وجلست بجانبه وقالت ملك ببرود لكي ترى المفعول: مين اللي بيختار الورد على طول
اللورد: أنا وأنا كمان اللي بعته امبارح وكنت في النايت علشان أشوفك
لاحظت ملك أن مفعول الدواء قد بدأ أن يعمل ودق الباب وذهب هو وفتح الباب وعاد إليها ووضع المشروب على الطاولة وسكب إليها كأس وأعطاها أمسكت ملك الكأس وارتشفت منه وأشارت إليه أن يجلس ليفعل كما تريد وكأنه منوم مغناطيسي وقالت ملك ببرود وهي تنفخ من السيجارة: انت بتشتغل إيه
اللورد: أنا زعيم مافيا ولقبي في المافيا اللورد
ابتسمت ملك ببرود شديد وقالت في داخلها: كده أقدر آخد اللي أنا عايزاه منه
في الطابق الذي يوجدون بها الشباب بعد أن دق اللورد إلى المساعد الخاص به أيمن قال أيمن إلى جابر: ابعت النوع اللي جاي جديد للباشا يا جابر
أومأ له جابر وذهب ليفعل كما قال وقال أيمن إلى الشباب: هروح أجيب حاجة نشربها بدل القهوة لحد ما الملكة واللورد يخلصوا
وذهب من الغرفة انفجر هذا الفنجان الذي بيد فهد الذي كان يضغط عليه بجميع قوته ونظروا إليه الشباب بخوف وأمسك أدهم منديلا ووضعه على الجرح وقال: إيه اللي انت عملته ده يخربيتك
نظر فهد إلى يده ورآها تنزف بشدة وقال في داخله: ليه يا ملك ليه عملتي كده أنا عملتلك كل حاجة وانتي اللي فيكي فيكي ماشي يا ملك ماشي
أنهى حديثه ونهض وذهب إلى المصعد والشباب استغربوا حالته بشدة وضغط فهد إلى الأعلى الطابق الخاص باللورد فهو مكتوب على الزرار ليتذكر عهده إلى ملك عاد وضغط إلى الأسفل بغضب شديد ونزل وصعد السيارة وقاد بسرعة وتهور شديد وذهب من هذا المكان
في الأعلى عند الشباب قال وليد باستغراب: هو ماله وليه مشي قبل ما ملك تنزل
أدهم بهدوء: معرفش بس أكيد افتكر حاجة ضايقته بس هي الملكة اتأخرت كده ليه
خالد: أكيد بتعمل حاجة مهمة
أدهم: ليكون الملكة واللورد ع
قطع حديثه علي وقال بغضب شديد: لا يا أدهم انت بتقول إيه ملك مش كده ولا عمرها كده ملك قبل ما تكون الملكة فهي أختنا انت فاهم وأي كلمة عليها أنا مش هقبلها
أدهم: أنا مقولتلكش كده أنا بفكر بصوت عالي بس
جلس علي وقال: متفكرش في حاجة زي كده تاني
في الأعلى نهضت ملك وقالت إلى اللورد الذي يغلق عينيه ويفتحها وهو يريد ينام بشدة: انت مبسوط
اللورد بسكر وتوهان شديد: أيوه
ملك ببرود: احنا اتفقنا على إن الصفقة هتتم بعد تلات أيام صح
اللورد: صح وأنا موافق على كده
ابتسمت ملك ببرود شديد وقالت: كده تمام أنا لازم أمشي علشان ورايا شغل وهنقابل بعد تلات أيام باي
أشار إليها اللورد وخرجت ملك بجمود شديد من هذا المكان وهبطت إلى الأسفل ولم تر فهد مع الشباب وغمزت إلى شخص بدون ان أحد يراها فهم هذا الشخص وقالت إلى الشباب: يلا بينا
أيمن: أومال فين الباشا
ملك ببرود وذهبت إلى المصعد: نايم فوق تعبان وكمان بيقول محدش يزعجه علشان يرتاح
صعدوا المصعد وهبط إلى الأسفل وصعدت ملك السيارة وهي تلاحظ غياب فهد لكن لم تتحدث فهي تعلم لماذا ليس موجود الآن وقادت ملك السيارة إلى القصر ووصلت بعد فترة إلى القصر خرجت ملك وذهبت إلى الداخل ومعها رجالها وجلست على الكرسي وقال علي بهدوء: اتفقتي مع اللورد على إيه
ملك: اتفقنا بعد تلات أيام هنروح نستلم البضاعة وكل حاجة هتبقى تمام جهزوا نفسكم
أومأ لها علي بهدوء ونهضت ملك وذهبت إلى غرفتها ودخلت ببرود شديد لا يتناسب الذي بداخلها فهي من الداخل تريد أن تصرخ بلماذا حدث هذا لماذا فعل هذا به لماذا أنا الذي تخرج دائما خاسره وقطع أفكارها دخول فهد بغضب شديد وسحبها بقوة من يدها وصرخ بوجهها وقال: انتي واحدة أنانية يا ملك وعمرك ما هتتغيري انتي هتفضلي دايما مش بتفكري غير في نفسك قولتلك اعملي أي حاجة بس افتكري إني جوزك معملتيش كده وروحتي برضو عملتي اللي في دماغك أنا خلاص مبقتش قادر أستحمل عملتلك كتير وانتي ولا عمرك عملتي حاجة ليا علشان كده أنا خلاص مبقتش قادر إن أنا بس اللي أضحي علشان العلاقة دي يا ملك
أغلقت ملك عينيها بقوة كبيرة فهي لا تتحمل كل هذا وقالت: يعني إيه الكلام ده يا فهد
فهد بغضب: يعني أنا قولتلك حتى لو بعشقك إلا كرامتي ورجولتي يا ملك وانتي محافظتيش على واحدة منهم ونسيتي إنك على ذمة راجل وعملتي اللي في دماغك واللي شوفتيه مناسب ودلوقتي أنا كمان هعمل اللي شايفه مناسب لينا يا ملك
نظرت إليه ملك وقالت وهي لا تريد أن تفكر بشيء: قصدك إيه يا فهد يعني إيه
ترك فهد يدها وقال: يعني انتي طالق يا ملك هانم
يتبع