رأوا في أقل من ثانية واحدة يخرج من القصر مجموعة كبيرة من الحراس وشاب في الثلاثين من عمره ويرفعون الحراس السلاح عليهم وقال هذا الشاب بانبهار وهو ينظر إلى ملك: ما هذا الجمال يا فتاة
عمر بمرح وخوف: شوفتي يا أختي احنا هنموت وانتي هتطلعي منها سليمة
ملك ببرود: اخرس يا حيوان
ونظرت إلى هذا الشاب وقالت ببرود: خلي رجالتك تنزل السلاح وإلا هما اللي هيزعلوا مش أنا
لم يتحدث الشاب فهو ينظر إليها باستغراب قالت ملك وهي تنفخ آخر نفس من سيجارتها: أمم واضح إنك مبتفهمش هفهمك أنا بطريقتي
ورمت السيجارة وفي لحظة سحبت ملك السلاح الخاص بأدهم وعلي وأطلقت على يد كل الحراس سقطت الأسلحة منهم ونزفت إيدهم بعنف صدم الجميع من فعلتها وخاصة هذا الشاب فلا أحد توقع هذا وقالت ملك وهي تعطي الأسلحة إلى أدهم وعلي: الواضح إنك فاكرني جاية أهزر معاك
نظر إليها هذا الشاب بصدمة وغضب شديد وقال: ان
قطع حديثه خروج شخص كبير في العمر من القصر نظر إلى ملك وقال: أول ما سمعت صوت ضرب النار قلت مين اللي أمه داعية عليه اللي يضرب نار على قصري كده لكن أول ما شوفتك من البلكونة قلت لازم أنزل أشوفك بنفسي
نظرت ملك إليه وهي تميل برأسها ببرود وقالت: المرحومة كانت راضية عني ودعيتلي في ليلة القدر يعني مش أنا اللي يحصلي زي اللي بيحصل لأي حد بيهجم على قصرك
الشخص بإعجاب بعد أن رأى حال الحراس: لا واضح إنك تستاهلي لقب الملكة
ملك ببرود: شكلك متابع وعارف مين اللي قدامك
الشخص: ومين ميعرفش الملكة
الشاب بصدمة: يعني انتي الملكة
ملك: سؤالك لمواخذة غبي وانت أغبى منه
الشاب بغضب: انتي إزاي تقولي كده
ملك بتحذير: صوتك يا حلو علشان ميوحشكش
صمت الشاب وقال الشخص وهو ينظر إلى الحراس الذين ما زالوا على الأرض: بس اللي عملتيه في رجالتي ده غلط يا ملكة
ملك بجمود: أنا محدش يرفع عليا ولا على رجالتي سلاح ورجالتك عملوها وأنا حذرت بس كان فاكرني بلعب وكمان احمد ربنا إني عملت كده بس
الشخص بانبهار: لا جريئة يا ملكة والكلام اللي سمعته عن جبروتك طلع صح
الشاب بغضب: انت بتقول إيه يا بابا بدل ما تديها طلقة تخلص عليها
ملك ببرود وسخرية: هتعرف لوحدك ولا هتجيب حد معاك المهم أنا جاية في حوار أخلصه وأمشي على طول
الشخص: وأنا كمان كنت عاوزك في موضوع وكنت هنزل بنفسي مصر علشانك يا ملكة
ملك ببرود: خير إيه اللي يخليك تنزل مصر علشاني أنا
الشخص بهدوء: انتي عملتي حاجات مفيش رجالة بشنبات عملوها كفاية اسمك اللي عملتيه في خلال سنة ونص إذا كان في الأعمال أو المافيا
ملك ببرود واخرجت سيجارة من العلبة: شكلك متابعني من زمان وإن حد زيك يتابعني بشكل ده يبقى فيها إنه
الشخص: ولا إنه ولا حاجة بس انتي اللي عملتيه يستاهل فعلا
ملك وهي تشعل السيجارة: الخلاصة علشان مش فاضية وكمان الكلام ده مبياكلش عيش قول اللي عاوزه على طول
الشخص: مش هنتكلم برة أنا بدعيكي على قصري المتواضع انتي ورجالتك الفترة اللي قاعدة فيها هنا
ملك بغرور: لا قول اللي عندك وأنا أقول اللي عندي ونخلص من الحوار كله
عمر بهمس إلى وليد: هو القصر ده متواضع وهي مش راضية تدخل ده أنا لو موت هكتب في الوصية إني أدفن في القصر ده
وليد بنفس الهمس: اسكت يالا لو الملكة سمعتك هتعمل منك شاورما
الشخص: مينفعش يا ملكة اتفضلي نتكلم جوة علشان الحوار كبير أوي وعايزين نتكلم فيه بهدوء يلا ندخل اعتبري القصر قصرك وأنا في عندي حاجات جديدة عايزك تجربيها وتقولي رأيك سمعت إن مزاجك عالي ولازم تجربي اللي عندي
نظرت ملك إلى الشباب وقالت ببرود: ليه لا تمام
ودخلت ملك القصر بغرور وثقة وذهبوا خلفها الجميع ورأت ملك أن القصر عملاق من الداخل أيضا ودخلت غرفة المعيشة بعد أن أشار عليها الشخص
وجلست ملك على الكرسي ووضعت قدم على الأخرى وسحبت نفس كبير من السيجارة ونظرت إلى الشباب ورأتهم يجلسون وعمر منبهر بشدة بالقصر وابتسمت بسخرية وقالت في داخلها: والله شكلي جايبة معايا ابن أختي يا رب الصبر عليه وعلى التاني ده الراجل جاية أصطاده اصطادني كده الخطة هتتغير وهنلعب على المكشوف
قالت هذا ونظرت إلى الشخص الذي يعطي أوامر إلى ابنه وجلس على الكرسي الذي أمامها وقال لها: القصر نور يا ملكة
ملك ببرود وكبرياء ونزعت النظارة السوداء: أي مكان أدخل فيه طبيعي يبقى منور يا دانيال
دانيال بصدمة: انتي عارفة اسمي إزاي
ملك ونفخت الدخان في وجهه من بعيد: أنا أعرف حاجات عنك انت نفسك متعرفهاش
الشاب بنفس صدمة والده: وده إزاي أبويا محدش يعرف عنه حاجة
ملك بلا مبالاة: أهو عارفة كل حاجة عنه المهم كنت عايزني في إيه
دانيال وفتح صندوق صغير من الخشب واخرج شيء في يده: الأول جربي الصنف ده وبعدين نتكلم
أطفأت ملك السيجارة في الطبق الخاص بها وأمسكت هذه المخدرات في يدها وقربت من أنفها وشمت وقالت: شكلك مفكر إنك بتتعامل مع تلميذة أو عيل من العيال اللي مشغلهم عندك يا دانيال
دانيال: ليه يا ملكة هو معجبكيش ولا إيه
رمت ملك المخدرات على الطاولة وقالت: ده كله برشام مفهوش عشرة في المية من الصنف الحقيقي احنا هنصيع على بعض ولا إيه
نظر دانيال إلى ابنه وابتسم وقال: لا طلعتي فاهمة بتعملي إيه أنا عاوز أجرب حاجة من عندك
ملك ببرود: أنا حاجتي مش مضروبة الحاجة بتاعتي سليمة مش ببيعها وأنا خالطة عليها حاجات علشان أزود الكمية ومفيش ليك مخدرات عندي
دانيال بهدوء: وأنا مش عاوز مخدرات أنا عاوز حاجة تاني
ملك ببرود واستغراب: وعاوز إيه من عندي غير المخدرات
دانيال وهو يراقب رد فعلها: عاوز سلاح مختوم بختم الملكة
ملك بصوت عالي: نعممممم
دانيال: ممكن تهدي شوية وكمان دي هتبقى صفقة حلوة وهتاخدي أي مبلغ انتي عايزاه
ملك بجمود: أعتقد إنك واخد معلومات عني كفاية يعني عارف إني آخر حاجة بفكر فيها الفلوس وعارف كمان إن سلاح الملكة لرجالتي وبس
دانيال: عارف بس اطلبي أي حاجة عاوزاها وأنا موافق مقابل السلاح ده
ملك ببرود وتفكير مصطنع: أممم تمام بس مش هيبقى هو هو
دانيال باستغراب: يعني إزاي مش هيبقى هو هو
ملك: يعني هعمل رسمة جديدة مش هيبقى السلاح بتاع رجالتي هيبقى تصميم مختلف تمام
الشاب: طب والجودة هتبقى عاملة إزاي
ملك: هتبقى أقل شوية بس اسمه طالع من مصانع الملكة وده اللي يهمكم
دانيال: وأنا موافق
ملك ببرود: تمام ودلوقتي شرطي علشان السلاح يتنفذ
دانيال باستغراب: هو انتي مش قولتي شروطك
ملك ببرود: لا طبعا أنا لسه هقول شروطي وافقت هنفذ السلاح موافقتش انت اللي خسران مش أنا
دانيال بهدوء: وإيه هو شرطك يا ملكة
ملك ببرود وهي تعود بظهرها إلى الخلف: هتعمل ورقة دلوقتي مكتوب فيها إني أصفي اللورد ورجالته واحد واحد بنفسي
دانيال بصدمة شديدة: بتقولي إيه انتي عارفة مين اللورد اللي عاوزة تصفيه ده
ملك نهضت والتفت حول الكرسي الذي يجلس عليه: انت عارف إني بيك أو من غيرك هنفذ اللي في دماغي يبقى انت استفيد واكتب اللي قلت عليه دلوقتي وبس
دانيال باستغراب: وانتي عايزة تصفيه ليه ده انتي هتدخلي معاه صفقة أنا نفسي اتصدمت بالنسبة اللي هو عملها ليكي
ملك ببرود وضعت يدها على الكرسي من الخلف: قرارك علشان مش معايا وقت كتير
الشاب باستغراب: طيب مادام انتي كده كده هتصفيه ليه عايزه الورقة دي من بابا وكمان مقابل حاجة زي السلاح
ملك بجمود: علشان مفيش حد يجي يسألني عن السبب القرار هيبقى من الأب الروحي فمحدش هيجي يقولي انتي عملتي كده ليه
دانيال: ولو أنا موافقتش إيه اللي هيحصل غير إني هخسر السلاح
ملك ببرود وهي تلعب في شعرها: وقتها هعمل الحاجة اللي جاية علشانها وانت الوحيد اللي هتخسر برضو
خاف دانيال وابنه وقال دانيال: موافق يا ملكة بس عاوز خمس تلاف حتة سلاح
ملك ببرود: ابعت هات ورقة علشان تكتب القرار
دانيال لابنه: هات ورقة من المكتب يا جاك
ذهب جاك وبعد قليل أتى في يده الورق الخاص بالأب الروحي للمافيا وكتب دانيال فيها كما قالت ملك ووقع عليها وأعطاها إلى ملك وقرأت ملك الورق وقطعتها وقالت ببرود شديد: معجبتنيش اكتب واحدة تاني واكتب فيها السبب إنه خاين للمافيا وكان هيسلم أي حد اتفق معاه وهياخد الفلوس ويهرب يلا
كتم دانيال غضبه منها وكتب كما قالت ووقع عليها وأعطاها مرة أخرى وطبقتها ملك وأعطتها إلى رجالتها وقالت: كده اتفقنا بعد ما أخلص السلاح هيوصلك وكمان محدش يعرف إني كنت هنا ولا شافني وأي حاجة هتطلع برة المكان ده انت المسؤول قدامي يلا يا شباب
وكادت أن تذهب لكن نهض دانيال وقال: خليكي الفترة اللي انتي قاعدة فيها في لندن يا ملكة
خرجت ملك وقالت ببرود: مش الملكة اللي تقعد في مكان مش باسمها
ذهبت ملك إلى الخارج وخرجوا خلفها الشباب وصعدوا السيارات وذهبوا من هذا القصر وقال جاك ابن دانيال بعد رحيل الملكة بالإنجليزي: ما هذا الذي يجعل أحد مثل الملكة تريد أن تقتل اللورد
دانيال: لا أعرف لكن الملكة سوف تفعل هذا عن قريب لذلك يجب علينا أن نرى أحد آخر يأخذ مكان اللورد
جاك: حسنا يا أبي لكن لماذا لا نجعل الملكة هي من تمسك خلفه
دانيال بغضب: هل انت جننت هي لا تعمل أسفل يد أحد والجميع يخاف منها وأنا أيضا كيف أن أجعلها تعمل مكانه وهي إذا قلت لها كلمة واحدة لا تعجبها سوف تقتلنا جميعنا
جاك: آسف أبي لا أدري هذا
دانيال: اغرب عن وجهي الآن
ذهب جاك بخوف من والده ونظر دانيال أمامه وقال: هذه الصفقة ممتازة للغاية فأنا سوف أملك خمس آلاف قطعة من سلاح من الملكة إنها ثروة كبيرة حقا
عند الملكة ذهبت إلى منزلها في لندن وخرجت من السيارة وقالت للشباب: حد فيكم يشوف حاجة ناكلها لحد ما أنزل
وأمسكت حقيبتها وذهبت إلى غرفة في هذا المنزل ودخلت إلى الحمام ونزعت عنها ملابسها بالكامل وخلعت عنها هذا الشاش الذي ملفوف على رأسها لتشعر بوجع فالشاش يلتصق على الجرح وقفت تحت الماء البارد وبعد قليل نظرت إلى نفسها في المرآة بشرود ولبست روب الحمام وخرجت وفتحت الحقيبة وأخرجت منها ملابسها
وارتدت تيشيرت أسود قصير بأكمام قصيرة مزينة بشراشيب طويلة وبنطلون جينز فاتح ضيق هاي ويست ممزق عند الركبتين بحزام أسود عريض ببكلة فضية وشنطة كروس سوداء صغيرة بجنزير فضي وبوت أسود شعرها الطويل منسدل إطلالة عملية للشارع بلمسة ملكة قوية
مع حذاء كعب عالي أسود من الشمواه الفاخر بكعب رفيع طويل جدا ومدبب وسوار كاحل رفيع يلف القدم ومقدمة مفتوحة مزينة بسلسلة ذهبية سميكة تزيد الفخامة تصميم يبرز جمال القدم بكل رقي حذاء ملكي لا تختاره إلا ملكة تعرف قيمة الأناقة
ووضعت لاصقة على الجرح صففت شعرها بهدوء وفردته على ظهرها وذهبت إلى حقيبتها وأخذت مسكن لهذا الصداع التي بها وأغلقتها وخرجت من الغرفة وذهبت إلى الطاولة التي بها الطعام وترأستها وقال علي بهدوء: هنعمل إيه تاني يا ملكة
قطمت ملك من الخيارة التي بيدها وقالت ببرود: هنروح نسلم البضاعة في إسبانيا
أدهم باستغراب: وده ليه ما البنت راحت مكانك وخلاص
ملك: أولا البت دي مش هتنفع دورها إنها تسافر مكاني لكن في التسليم هيتعرف إنها مش أنا ثانيا في حاجة في البضاعة مراحتش لازم تروح لصاحبها
وليد بحماس: أنا فهمت كده هنسافر إمتى
ملك: دلوقتي بعد ما نخلص الأكل
عمر بتمزيق: يعني احنا ملحقناش نتفرج على المكان مش كفاية إن متفرجناش على القصر اللي احنا كنا فيه
ملك بغيظ شديد وهي ترمي عليه السكاكين بحذر وسرعة شديدة: امشي يا ابن الكلب من قدامي إيه ده أنا لو معايا عشق هتبقى أعقل من كده انت فضحتني
عمر بمرح وهو يحاول أن يتفادى السكاكين: في إيه بس يا ملك ده كله علشان عاوز أتفسح شوية من ساعة ما اشتغلت معاكي متفسحتش خلاص حرام عليكي يا شيخة براحة عليا شوية
ملك بهدوء مصطنع: تعرف يا عمر لو فضلت قاعد قدامي هعمل فيك إيه
عمر باستغراب: هتعملي إيه
ملك بشر: هقطعك وهعمل منك فراخ محمرة دلوقتي
نهض عمر بخوف شديد وركض إلى الغرفة وقال: لا خلاص يا ملكة أنا هروح
نظرت ملك إلى الشباب الذين يكتمون الضحك بصعوبة قالت: اضحكوا علشان متموتوش مش ناقصين هم دلوقتي
انفجروا الجميع في الضحك وقال أدهم بعد أن هدأ: كده احنا هنقتل اللورد ونخلص من الحوار
ملك ببرود: تؤ ده يستوي على نار هادية لحد يوم التسليم وبعدين نشوف هنعمل معاه إيه
عمر بمرح وقد خرج من الغرفة: ليه هو رز ده الإنسان لازم يستوي على نار عالية علشان يستوي بسرعة بس أنا عندي سؤال في زوري لازم أسأله بجد يا ملك
ملك: تعرف يا عمر لو سؤال تافه متلومش غير نفسك
عمر: لا والله انتي ليه مرضتيش نقعد في قصر الراجل ده
ملك بهدوء: عمرك ما تثق في أي حد بيشتغل في المجال ابن ال$$$$ ده علشان محدش بيهمه غير الفلوس ويعمل أي حاجة علشانها
فهد ببرود شديد: واحنا المفروض منثقش فيكي على كده
ملك ببرود وسخرية: ليه هو أنا قولتلك في مرة ثق فيا
صمت الجميع ولم يتحدثوا قالت ملك إلى نفسها: كده احنا رجعنا لنقطة الصفر من تاني يا فهد بس كده أحسن يا رب عديها سليمة
أدهم: بس هو إزاي دانيال ده شكله مش مصري وهو بيتكلم مصري أكتر مني حتى
وليد: آه والله يا ملكة ده أنا في الأول لما انتي كلمتي ابنه مصري قلت أكيد مش هيفهم
ملك: واحد زي دانيال أو ابنه لازم يتكلموا مصري علشان بيتعامل مع مصريين كتير ويخاف حد فيهم يضحك عليه
علي: بس احنا هنعمل خمس تلاف حتة سلاح إمتى وانتي فاضية ترسمي سلاح دلوقتي أصلا
ملك ببرود: هبقى أرسمها بعدين سيبك منه دلوقتي
عمر بمرح: بس الشو بتاع ضرب النار على إيدهم كان حلو أنا اتفاجئت مكنتش أتوقع كده الصراحة
أدهم: آه والله أنا توقعت إن فعلا في رصاص هيضرب لكن منهم هما وخصوصا لما الملكة هددتهم
ملك ببرود: ليه يا خويا فاكر نفسك ماشي مع سوسن
وليد: الصراحة أنا كمان خوفت ده كان من أصعب المشاهد اللي شوفتها في المافيا وحقيقة صعب
علي: صح وكمان معرفش إمتى انتي أخدتي السلاح مننا
ملك نهضت وقالت: طب يلا علشان في مشاهد تاني تحضروا حد يروح يجيب الشنطة من الأوضة
ذهب وليد وأتى بحقيبة وقالت ملك: يلا علشان الطيارة الساعة خمسة
أدهم: ليه هو احنا مش هنروح بطيارتك
ملك ببرود: مينفعش نروح بيها إسبانيا علشان هيتكشف أول ما الطيارة تخطي المطار يلا بينا
ذهبوا الجميع إلى السيارات وصعدت ملك السيارة وتفاجأت بفهد وهو يصعد بجانبها ونظرت إليه ولم تتحدث وقادت السيارة وقالت: خير يا سيادة المقدم
فهد بهدوء: احنا دلوقتي لوحدنا يا ملك فمفيش داعي للكلام ده
ملك ببرود ونظرت إلى الطريق: خير جايلي ليه يا فهد
فهد: وهو لو واحد جاي لمراته يبقى لازم يكون في حاجة يا ملك
ملك بسخرية: آه مراته اللي هي بتبيع نفسها ليه مش كده
فهد بغضب: ملك الكلام اللي بتقوليه مينفعش انتي فاهمة بتقولي إيه
ملك وهي تزيد من السرعة: ليه يا فهد باشا مش انت اللي قلت كده
فهد بغضب شديد: أنا مقولتش كده وبعدين انتي مراتي يعني إزاي تبيعي نفسك ليا وانتي كلك على بعضك بتاعتي
ملك ببرود: أنا مش بتاعة حد يا سيادة المقدم أنا بتاعة نفسي
فهد بغيظ: في إيه كل شوية سيادة المقدم بطليها يا ملك علشان وحشة أوي منك
ملك: مش هبطلها وأنا حرة في حياتي يا فهد
فهد بغضب وصوت عالي وامسك يدها بقوة: لا يا هانم انتي مش حرة انتي من يوم ما اتكتب اسمك جنب اسمي وانتي مش حرة فاهمة
أوقفت ملك السيارة بعد أن لاحظت أن سيارة الشباب قد تخطتهم ونظرت إليه وقالت: في إيه لكل ده يا فهد
حاول فهد أن يهدأ قليلا ونظر إلى الخارج من النافذة وقال: مفيش حاجة يا ملك خلاص
ذهبت ملك إليه وجلست على قدمه ولفت يدها حول رقبته وقالت: في إيه يا فهد مالك
فهد نظر إلى عينيها: مفيش يا ملك
ملك قبلت وجهه: مش هقول تاني مالك متضايق مني ليه يا فهد
يقبلها فهد قبله سطحيه علي شفتيها وقال: اضايقت اوي بعد ما قولتلي ان وراكي شغل وانتي في حضني يا ملك وكمان اللي عملتي علشاني اتمنت انك تعملي مش علشان تودعيني علشان بتحبيني بجد مش مجرد واجب وخلاص
نظرت ملك اليه وضعت يدها خلف رأس وضعت شفتيها علي شفتيه وتقبلها لاول مرة في حياتها صدم فهد في البدايه ولكن حركت شفتيها على شفيفه جعلته يفقد عقله تناول هو شفتيها يقبلهم بعشق شديد يحاول أن يثبته اليها وقبلها بقوه وهو يمص بقوه وفرحه فهي للمره الاولي تقبله ويشعر بأنها تحبه صحيح انها تفعل كل هذا به ولا تشعر بمشاعره لكن هو يعشقها بشده
ترك فهد شفتيها بعد انقطاع انفاسها ونظر إليها وشفتيها حمراء بشدة قال فهد بخبث: شكلنا هنتمسك بفعل فاضح في الطريق العام يا ملك هانم
ملك نهضت وجلست مكانها: متنساش انك في لندن يا فهد يعني مش هيحصل حاجة
قبل فهد وجهها: انتي وحشتني اوي يا ملك
ملك بابتسامة وذهبت الى احضانه: وأنت كمان يا فهد بس مش هينفع ارجع في اللي انا بعمله دلوقتي لازم تدعمني يا فهد علشان خاطري
فهد قبل اعلي رأسها: وانا معاكي في كل حاجه يا قلب الفهد
أغلقت ملك عينيها باستمتاع شديد بين أحضانه لكن تذكرت شيء قالت بفزع شديد وهي تخرج من أحضانه: الطيارة لازم نلحقها يا فهد
فهد بغيظ: ما احنا كنا كويسين يا ملك لازم تقلبي دلوقتي كده
قادت ملك السيارة بسرعة كبيرة وقالت: والله يا فهد لو الطيارة راحت ما هسيبك
فهد نظر إلى سرعتها: لا اطمني يا حبيبتي انتي كده هتموتيني قبل ما توصلي للطيارة حتى
ملك: بس يا فهد علشان أركز في الطريق وإلا هنموت بجد
وبعد قليل وصلت ملك إلى المطار في الوقت المناسب لأن الطائرة كانت سوف تقلع صعدوا بها ملك وفهد وأقلعت الطائرة على الفور وقال أدهم باستغراب: انتوا كنتوا فين ده كله
ملك ببرود: العربية حصل فيها عطل علشان كده اتأخرنا شوية
ونظرت إلى فهد غمز إليها فهد بمشاكسة نظرت إليه بغيظ شديد ونظرت بعيد عنه لكي لا أحد يلاحظ نظرتهم ويعرف بشيء الآن