قال الدكتور بتوتر شديد: ملك هانم انتي سامعاني
قالت ملك ببرود وهي على نفس الوضع: ليه فاكرني طارشة يا روح أمك
تنفس الجميع براحة شديدة وقال الدكتور بجدية: حضرتك حاسة بإيه
حاولت ملك أن تنهض فذهب إليها فهد وأمسك يدها وساعدها أن تنهض وأمسك مالك يدها الأخرى ونظرت إليه ملك وابتسمت ونظرت إلى فهد نظرة مطمئنة لكي يطمئن عليها بعد أن لاحظت الخوف على ملامحه وقالت ملك ببرود ونظرت إلى الطبيب: غور من وشي وشوفلي حاجة للصداع ده
أومأ لها الطبيب بإحراج شديد وذهب إلى الخارج وقالت ندى ببكاء: مامي انتي كويسة صح
نظرت إليها ملك ونظرت إلى عشق فرأتها تبكي هي وندى بقوة كبيرة ففتحت يدها إليهم فذهبا إلى أحضانها بسرعة وبكوا وكل من في الغرفة كتم دمعه وقالت ملك بمرح خفيف: لا عشق الجارحي بتعيط على حد انا مش مصدقة نفسي
قالت عشق بدموع: ماما متسبنيش تاني
قالت ملك وقبلتها: انا عمري ما هسيبك إلا لو غصب عني وبعدين يا بت بهدلتي هدومي
قالت عشق ومسحت دموعها في ملابسها: ما انتي السبب حد قالك تعملي حادثة وتبوظي العربية الغلبانة كده
قالت ملك بغيظ مصطنع: يعني اللي فارق معاكي العربية
قالت عشق بمرح وخرجت من أحضانها: طبعا يا ملكة ده العربية باظت خلاص انتي عارفة العربية دي بكام دلوقتي
قالت نور وضمت ملك: بس يا بت سيبي ملك في حالها حمد الله على السلامة يا قمري
قالت ملك وضمتها: الله يسلمك
ذهبت أسيل إليها ورأت ملك دموع أسيل فقالت بغضب شديد: على فكرة انا مموتش علشان تعيطوا لما أموت كده ابقوا عيطوا براحتكم
ذهبت أسيل إلى أحضانها سريعا وقالت بدموع شديدة: لا يا ملك أرجوك انا مقدرش أعيش من غيرك متخلنيش أبقى يتيمة تاني
قالت ملك بحنان وضمتها: بس يا هبلة انتي مش يتيمة انتي معاكي عيلة وكبيرة كمان
دق الباب وابتعدت أسيل عن ملك فدخل الطبيب وقال بهدوء وجدية: المفروض أكشف دلوقتي علشان الأشعة ماكنتش كويسة في آثار كبيرة بسبب الضربة على الدماغ
قالت ملك ببرود كأنها لا تسمع شيئا: فين المسكن اللي قولتلك عليه
قال الدكتور بهدوء: انتي مش أي مسكن هينفع معاكي علشان كده خدي ده هيكون كويس للصداع وكمان مش هيأثر بنسبة كبيرة عليكي
أخذت ملك هذا المسكن ووضعته في فمها وارتشفت ماء الذي أتى به مالك إليها وقال فهد بهدوء مصطنع: وهي الضربة دي هتأثر عليها إزاي
قال الدكتور بجدية: ممكن دوخة وصداع وكمان ممكن تنسى حاجات بتحصل معاها وممكن لو فكرت زيادة عن اللزوم يجيلها صداع شديد بس كل ده هيتعالج مع العلاج والوقت
قالت عشق بضيق: يعني بعد ده كله تقول هيتعالج ما كنت تقول ادفنوها بالحي أحسن
ابتسمت ملك إليها ونظرت إلى الطبيب وقالت ببرود: خلصت انت
أومأ لها الدكتور فقالت ملك بجمود: طب اطلع برة
نظر إليها الدكتور باستغراب فقالت ملك بغضب شديد: اطلع بررررره
ذهب الطبيب بخوف شديد من غضبها إلى الخارج وقالت ندى بخوف منها: مامي انا خايفة أوي
نظرت إليها ملك بشرود وحاولت أن تهدئها وضمتها إليها وقالت بحنان: بس يا قلبي مفيش حاجة
خرجت ندى من أحضانها وقالت ببراءة: يعني انتي مش هتزعقي تاني
ابتسمت ملك بحب لهذه الطفلة وقالت: أيوه يا روحي خلاص
ونظرت إلى العائلة وقالت: يلا كل العيلة على القصر مش عايزة حد هنا
قال مالك بهدوء: بس مينفعش تبقي لوحدك
نظرت له ملك ورأت بأنه في عينيه نظرة حزن وخوف لا أحد يفهمها إلا هي فنظرت إلى العيلة وقالت ببرود: كل العيلة تروح القصر وانا هاجي على بليل بس خلي مالك هنا يلا
قال حازم: بس يا ملك انتي لسه تعبانة
قالت ملك بنرفزة: قسما بالله لو ما مشيتوا لا همشي انا من المستشفى ومحدش هيعرف انا فين
قال نصار بهدوء: تمام يا ملك بس خدي الدوا بتاعك
أومأت له ملك ببرود وذهبت جميع العيلة إلا مالك وعشق وعلي وفهد وأدهم وعمر وليد وخالد وطارق وقالت ملك إلى عشق: وانتي يلا على البيت دلوقتي
قالت عشق بخوف: طب تعالي معايا
قالت ملك بحنان: روحي يا قلبي وانا جاية وراكي
قالت عشق: يعني هتيجي بسرعة
قالت ملك وقبلتها: هاجي بس روحي دلوقتي يلا
أومأت لها عشق وذهبت إلى الخارج إلى العائلة لكي تذهب معهم إلى القصر وقالت ملك ببرود: علي حضر نفسك علشان هنسافر بعد بكرة
قال علي: بس انتي عاملة حادثة والم
قطعت ملك حديثه وقالت بنفاد صبر: علي نفذ وخلاص
قال علي باحترام وطاعة: تمام يا ملكة بس هنسافر فين
تجاهلته ملك ونظرت إلى طارق وقالت: طارق الصفقة بتاعة إسبانيا قولهم إن الملكة بنفسها اللي هتسلمها
قال طارق باستغراب: يعني اشمعني الصفقة دي انتي اللي هتسلميها
قالت ملك ببرود: ما انت هتشوف واحدة نفس جسمي وطولي وهتعمل إنها الملكة وهتكون في تسليم الصفقة دي
قال طارق بإيماء: ت
قطع حديثه هاتف الملكة الذي دق فأمسك علي الهاتف ونظر إليه وقال باستغراب: ده رقم من أمريكا
نظرت ملك أمامها وقالت ببرود: هاته
أعطى علي الهاتف إلى ملك التي أخذته وفتحت الخط ووضعت الهاتف على أذنها لكن لم تسمع أحد يتحدث لبعد دقيقة وأكثر تقريبا فقالت ملك بملل شديد أمام عيون رجالها المستغربة وفهد الذي نظر إليها بترقب شديد للذي تفعله هذه الفتاة الآن: لو متصل علشان تسمعني سكوتك اقفل أحسن
قال الشخص: عاملة ايه
قالت ملك ببرود: أحسن منك
قال الشخص بغضب: يعني ايه انا وصلتني أخبار زي الزفت عنك ايه الحادثة اللي انتي عملتيها يا ملك
قالت ملك ببرود شديد: أولا صوتك ميعلاش عليا ثانيا الحادثة بسيطة أوي
قال الشخص بهدوء: عملتيها إزاي يا ملك
تنهدت ملك بثقل ووجع شديد ففهمها الشخص وقال: خلاص يا ملك هانت قربنا نخلص وبعدين انا عاوز أشوفك
قالت ملك بهدوء: بعدين مش دلوقتي خليك انت في شغلك دلوقتي
قال الشخص ببرود: تمام يا ملك بس انا عاوزك في حاجة ضرورية
قالت ملك بانتباه: في ايه وانت بتكلمني منين أصلا
قال الشخص بحزن: هربت شوية علشان أطمن عليكي علشان الأخبار وصلت هنا بتقول إنك عملتي حادثة وممكن تموتي
عادت ملك بظهرها إلى الخلف وقالت ببرود شديد: وطبعا مبسوطين إن كنت هموت مش كده
قال الشخص: تعرفي إن توقعت إن اللي هنا هينبسطوا فعلا وانبسطوا بجد لكن هو مش مبسوط وحلف إن لو حصلك حاجة هيهد الدنيا علينا كلنا
قالت ملك باستغراب مصطنع: وده ليه إن شاء الله
قال الشخص بخبث: انتي مش عارفة ليه يا ملكة
قالت ملك بغموض: ميهمنيش انت عارف المهم إن دلوقتي الموضوع ده ينتهي خلال شهرين بالكتير انت فاهم
قال الشخص باستغراب: وده أعمله إزاي يعني ده لو معايا مصباح علاء الدين مش هخلص خلال الشهرين دول
قالت ملك ببرود: لا هيحصل انا جاية خلال أسبوع أكون خلصت الشغل اللي هنا
قال الشخص بغضب: انتي أكيد اتجننتي يا ملك احنا متفقين على إنك تخلصي بعد ما انا أديكي الإشارة وتنفذي لكن متفقناش على إنك تظهري خالص في الموضوع في وقت زي ده
قالت ملك ببرود: مش ملك الجارحي اللي تستخبى من حد ولازم أصفي حسابي الأول
قال الشخص بغضب: بس احنا متفقناش على كده احنا اتفقنا إنك تظهري في النهاية
قالت ملك ببرود: انت اللي قلت كده قولي إمتى انا قولتلك إني موافقة أصلا
قال الشخص بصوت عالي: يعني انتي ضحكتي عليا يا ملك
قالت ملك بهدوء: ممكن تهدى شوية
قال الشخص: أهدى إزاي وانتي بتضيعي نفسك قدامي يا ملك
قالت ملك: بقولك ايه اقفل وانا كده كده هعمل اللي انا عايزاه انا مش ناقصة صداع
قال الشخص بهدوء مصطنع: تمام يا ملك لكن اعرفي إني مش هسمح إنك تضيعي مني زي اللي راحوا وسلام يا ملكة
أنهى حديثه وأغلق الهاتف فنظرت ملك إلى الهاتف ببرود وسخرية وقالت ببرود: حد فيكم يجبلي هدوم علشان أخرج من هنا
قال أدهم بهدوء: بس انتي لازم تقعدي شوية في المستشفى لحد ما تبقي كويسة
قالت ملك: انا كويسة دلوقتي يلا كله برة وهاتوا هدوم يلا
وبالفعل خرج الجميع من الغرفة ونظر فهد إلى ملك فنظرت إليه ملك وأغلقت عينيها وفتحتها دليل على أنها بخير وخرج فهد من الغرفة ولم يظل في الغرفة سوى مالك وملك التي نظرت إليه وفتحت يدها وقالت: تعالى يا ابن الملكة
ذهب مالك إلى أحضانها وضمها بقوة وقال بخوف شديد: كنت حاسس إني بتخنق لما كنتي بعيد عني يا ماما
قالت ملك بحنان: أمك كويسة دلوقتي يا مالك انت مش لازم تضعف كده انت فاهم يا مالك انت ابن الملكة وابن الملكة مش ضعيف
قال مالك: بس ابن الملكة من غير الملكة بيضيع يا ملك مش هقدر أعيش الموقف اللي عشته امبارح تاني انا كنت هموت وانا مش عارف فيكي ايه وبتتوجعي ولا لا انا مش هقدر
أخرجته ملك من أحضانها وقالت: لا يا مالك انت مينفعش تضعف أبدا وكمان الأيام اللي جاية مش عايزة غير ابن الملكة وطول ما انا بعيدة انت مكاني لحد ما أرجع ولو مرجعتش يبقى انت مكاني على طول
قال مالك بحزن شديد حاول أن يخفي دموعه: بس انتي مينفعش تسيبيني أبدا يا ماما حرام عليكي تعملي فيا كده
قالت ملك وضمته بقوة كبيرة إلى أحضانها: بس انا مقولتش إني هسيبك انا معاك دايما يا حبيبي
قال مالك: اوعديني إنك مش هتسيبيني يا ملكة
قالت ملك بابتسامة: أوعدك إني مش هسيبك غير لما روحي تطلع للي خلقها يا مالك
هبطت دمعة من عين مالك وخرج من أحضانها وقال: لا متقوليش كده انتي هتفضلي معايا على طول
قالت ملك ومسحت دمعته: صح هفضل معاك بس مينفعش إن ابن الملكة يعيط غير قدام الملكة صح
قال مالك: صح وانا عمري ما هخلي ضعفي يظهر قدام حد غيرك مهما حصل
قالت ملك لتغيير الموضوع: انا عايزة قهوة ممكن تجبلي
قال مالك وقبل وجهها: من عيني يا ملكة خمس دقايق وهتكون عندك أحلى قهوة
ابتسمت ملك إليه وذهب مالك إلى الخارج فقالت ملك وهي تتسطح على الفراش: ادخل مفيش داعي لوجودك برة
دخل فهد وجلس على الفراش بجانبها وقال: انتي إزاي عرفتي بوجودي برة
قالت ملك ومدت يدها له لينام بجانبها ونام فهد بجانبها بالفعل ونامت ملك بين أحضانه وقالت: قولتلك قبل كده بعرفك من ريحتك يا فهد
قال فهد ومسح على شعرها: عاملة ايه دلوقتي
قالت ملك ودفنت نفسها في أحضانه: كويسة متقلقش عليا انا الملكة
قال فهد بهدوء: الحادثة دي حصلت إزاي يا ملك
قالت ملك ببرود: كنت سرحانة ومخدتش بالي من العربية اللي خبطت فيا
رفع فهد وجهها إليه نظر إليها وقال: متأكدة يا ملك
أومأت له ملك ولعبت في شعر صدره الذي يظهر من قميصه فقال فهد بمكر: انتي مش قد الحركة دي يا ملكة فبطلي أحسن عيب كده يا ماما
قالت ملك ونظرت إليه بابتسامة: ومين قالك إن الملكة بتعمل حاجة مش قدها
قال فهد بخبث: بس انتي لسه طالعة من حادثة خطيرة يا ملك وكمان انتي لسه تعبانة فمتلعبيش في عداد عمرك أحسن
قالت ملك بخبث ووقاحة: قول إنك مش قادر يا فهد وانا هفهم على طول مفيش داعي تعمل كل ده
عدلها فهد بحذر أصبحت أسفله وقال بخبث شديد: مين ده اللي مش قادر لا دي مينفعش يتسكت عليها علشان كده مش هسيبك غير لما أثبتلك عكس اللي بتفكري فيه
قالت ملك: لا خلاص انا كنت بهزر معاك بس
قال فهد بخبث فهو عرف أنها لا تريد ذلك وبأنها تمزح فقط: لا يا قلبي انا مينفعش أسيبك كده أبدا وانا معاكي
قالت ملك بخوف: فهد اهدى كده انا كنت بهزر خلاص في ايه
عاد فهد كما كان وضمها إلى أحضانه وقال: ما كان من الأول ضروري تخليني أعمل كل ده يعني علشان تعرفي إنك مش قد اللعب دلوقتي
قالت ملك بغيظ: امشي يا فهد امشي قبل ما حد ييجي يلا انا غلطانة إني خليتك تدخل من الأول
قال فهد بحزن: ملك انا زهقت من الوضع ده بجد وتعبت من كل حاجة وخلاص مبقاش فيا علشان أستحمل يا ملك
قالت ملك باستغراب: يعني ايه
نظر إليها فهد وقال: يعني زهقت من الجواز بطريقة دي يا ملك وتعبت من الوضع اللي احنا فيه
ابتلعت ملك ريقها وقالت بحزن تحاول تخفيه عنه: يعني هتسيبني يا فهد
قال فهد بحزن شديد: