قال بتوتر شديد بنفس اللغة: لا يا ملكة إنت يمكنك أن تأتي في أي وقت تريدينه
نظرت إليه ملك وابتسمت ببرود شديد وقالت: معك من الوقت خمس دقائق يمكنك أن ترتدي ملابسك سأنتظرك في الغرفة التي بجانبك اذهب عن وجهي
أنهت حديثها وذهبت ملك إلى غرفة أخرى وجلست على الفراش الذي يوجد بها نظر إلى أدهم الذي قال: هو كان بيعمل إيه قبل ما يطلع
ابتسمت ملك ببرود شديد وقالت: أقولك ومتزعلش
ضرب فهد أدهم خلف رأسه بقوة وقال: بيعمل إيه يعني يا غبي أكيد مكنش بيقيم الليل
عمر باستغراب نظر إلى ملك: أيوه مش المفروض إنك بنت يعني تتكسفي على الكلام ده
ملك ببرود: ده المفروض وأنا مبعملش بيه يا خويا
كاد فهد أن يتحدث لكن دق الباب ودخل ماك بعد أن ارتدى ملابسه نظرت إليه ملك وقالت ببرود: هل تعرف لماذا أنا أتت إلى هنا
ماك بخوف شديد منها: لماذا يا ملكة أنا لم أفعل شيئا معك
ملك بجمود: اممم وصفقة المخدرات التي أخذتها انت وأنا قلت إن تذهب إلى ماكس لماذا تخالف أوامري
ماك بخوف: أنا كنت أريد هذه المخدرات لكي أقوم بتوزيعها إلى الأماكن التي تريدها
ملك ببرود شديد: ماذا تعرف عن اللورد
ماك باستغراب: اللورد أليس هذا شريكك في الصفقة التي تتم في مصر هذه السنة
صدموا الشباب بشدة ونظر فهد إليها بسرعة وصدمة للذي قاله هذا الآن نظرت إلى ماك وقالت ملك ببرود: ليست هذه المعلومات التي أريدها ماك قول لي معلومات جديدة وهذه الفرصة الأخيرة لك
خاف ماك أكثر وقال ماك بخوف ورعب شديد منها: لكنني لا أعرف معلومات عن اللورد
ابتسمت ملك ببرود شديد وقالت: سوف أعد إلى الخامس إن لم تقول المعلومات التي أريدها سوف تموت في الحال
ماك بخوف شديد: أن قلت لكي شيء سوف يقتلني
ملك ببرود وكأنها لم تسمع شيئا: 1
ماك: لا أعرف شيء عنه صدقيني
ملك: 2
ماك برعب شديد استغربه الشباب: لا يا ملكة
ملك: 3
ماك: سوف يقتلني بتأكيد أرجوكي اتركيني
ملك أخرجت سلاحها وجهزته بيدها: 4
ماك: أرجوكي يا ملكة
ملك: 5
ماك بسرعة: سوف أخبرك كل المعلومات لكن لا تقتلني أرجوكي
نهضت ملك وقالت ببرود شديد: وهذه المعلومات لا أريدها الآن
قبل أن يتحدث كانت ملك أطلقت عليه الطلقات عليه ليصبح من ضمن الموتى على الفور ذهب فهد وأمسك ملك بسرعة نظر إلى ماك الذي فقد حياته الآن نظر إليها وقال بغضب شديد: ليه قتلتيه يا ملك كان هيقول كل المعلومات اللي احنا عايزينها وبندور عليها
نظرت إليه ملك وهي قريبة منه وابتعدت عنه قليلا وقالت ببرود: وأنا عطيته فرصة وهو طلع غبي وده مش ذنبي أنا سيبك منه ويلا علشان نمشي
نفخ فهد بغضب شديد من تصرفاتها وقال أدهم: بس ازاي وكل الجثث دي موجودة كده هنعمل فيهم إيه
ملك ببرود: لا ما في قنبلة هتتفرج بعد خمس دقايق من دلوقتي
عمر بخوف: يعني هي اشتغلت دلوقتي
ملك بتأكيد: أيوه وناقص أربع دقايق كده
ركض أدهم وعمر إلى الخارج بسرعة وأمسك فهد يدها وسحبها معه إلى الخارج بسرعة كبيرة وهبطوا في المصعد بسرعة وخرجوا من هذا المكان صعدوا السيارة وقاد فهد بعيدا عن المكان بسرعة كبيرة وبعد أن ابتعدوا سمع الجميع صوت انفجار كبير اوقف فهد السيارة وهبطت ملك منها ونظرت إلى هذه النار التي شعلت أمامها عن بعد مسافه قليله منهم خرج فهد من السيارة وقال بغضب شديد إليها: ممكن أفهم إيه اللي حصل ده وكمان إمتى حطيتي القنبلة دي وأنا مسبتكيش لحظة واحدة
نظرت إليه ملك وجلست على السيارة وقالت ببرود: أول ما دخلت المكان
نفخ فهد بقوة كبيرة وقال: طب وافرضي كنا في المكان دلوقتي واتفجرت بينا كنتي هتعملي إيه وقتها يا ملك هانم
أخرجت ملك علبة السجائر وأشعلت سيجارة وقالت: محدش بيموت ناقص عمر
كاد فهد أن يصرخ بها لكن قال أدهم بهدوء: خلاص يا جماعة المهم يا ملكة دلوقتي ازاي انتي شريكة اللورد في الصفقة اللي احنا عايزين نخلص منها
ملك بلا مبالاة: اتعرض عليا أدخلها وآخد نص نسبة المكسب وأنا وافقت عادي
جز فهد على أسنانه بقوة كبيرة وقال: يعني انتي أكيد عارفه ميعاد التسليم صح
ملك بسخرية: شريكته أكيد يعني مش هيخليني أقشر بصل أكيد معرفني كل حاجة تخصها يا فهد
فهد بغضب وصوت عالي: أومال احنا بنعمل إيه معاكي دلوقتي وفي كل مكان رايحين معاكي ممكن أعرف
نفخت ملك الدخان وقالت ببرود شديد: انتوا في شغل تبع الملكة
فهد بغضب شديد: واحنا شغلنا إيه من الأساس يا ملك احنا ما صدقنا وصلنا للمخابرات وأكيد معملناش ده علشان نشتغل معاكي في الآخر
ملك بجمود شديد: وأنا مجبرتش حد على حاجة انتوا التلاتة دخلتوا الشغل ده بمزاجكم وكمان أنا ممكن كنت أدخل البضاعة دي البلد من غير ما حد يعرف بس أنا قلت إني أساعدكم وأنا أوصل للورد وأعمل في اللي أنا عايزاه وانتوا تمنعوا البضاعة تدخل البلد يعني خد وهات واحنا الاتنين هنستفاد
أدهم بهدوء: طب يا ملكة احنا هنعمل إيه دلوقتي
رمت ملك السيجارة بعد أن لاحظت غضب فهد الشديد منها: معايا مقابلة مع مساعد اللورد وبعد كده هنقابله واحنا بنمضي الورق يعني نهايته قربت أوي
عمر باستغراب: طب ليه متقبلوش الأول ليه المساعد
ملك بسخرية: البيه مش بيثق في حد بسهولة علشان كده عايز يعرف إذا كان ده فخ ولا أمان
نظر إليها فهد وقال: بس كده ممكن يكشفنا ويعرف إننا في المخابرات
ملك نظرت إليه: تؤ محدش يعرف أشكالكم في المافيا
فهد بنفاد صبر: ازاي يعني واحنا ممكن حد يكون عارفنا عادي وكده كل حاجة هتخرب
ملك بسخرية: ليه يا خويا حد قالك قبل ما تيجي إنك رايح تشتغل مع عيلة اطمن أنا عملت ألف اختبار ومحدش عرف إنكم مخابرات وكمان لو كان حد عرف انتوا كنتوا من زمان في خبر كان ويلا علشان زهقت من كتر الكلام
أنهت حديثها وهبطت من على السيارة صعدت بها وصعد الجميع وذهبوا إلى القصر وصعدت ملك إلى غرفتها وذهبت إلى الحمام وقفت أسفل الماء البارد لفترة طويلة ونظرت أمامها وقالت في داخلها: هانت هجيب حقك وهقول لولادك مين أبوهم بس أجيب حقك الأول وبعدها أقدر أتكلم عنك قدام ولادك الاتنين
أنهت حديثها وأغلقت عينيها بقوة وحزن شديد وخرجت بعد قليل وارتدت طقم نوم رقيق جداً باللون الأبيض من القطن المضلع منقوش بورود صغيرة وردية مكون من توب بحمالات رفيعة مزين بدانتيل أبيض ناعم على الصدر ووردة صغيرة في المنتصف، مع شورت قصير بنفس النقشة والدانتيل طقم ناعم كالنسمة يليق بأميرة حالمة في ليلة هادئة
ذهبت تسطحت على الفراش ونظرت إلى سقف الغرفة بشرود شديد وتذكرت
(فلاش باك)
ملك بمرح: إيه يا أوس هنروح فين يا برنس
أوس بابتسامة مصطنعة: المكان اللي انتي عايزاه يا ملوكة
شعرت ملك بأن وجد به شيء قالت: تعالى نروح نقعد على البحر شوية ونشم هوا
نهض أوس وأمسك يدها وسحبها وقال: تعالي يلا
وبالفعل ذهبوا إلى الشاطئ وجلسوا على الرمل وتحدثوا في الكثير من الأشياء إلى أن قالت ملك بجدية: بفكر أدمج السنتين دول مع بعض إيه رأيك علشان أخلص
ابتسم أوس وقال بهدوء: فكرة حلوة حتى تخلصي بدري وكمان علشان تبتدي حياتك العملية
ملك بمرح: لا أنا إذا كنت هدمج السنتين مع بعض عايزه أنام سنة كمان علشان أرتاح وبعد كده أشوف إذا هشتغل أو ودوني على بيت حبيبي أحسن
أوس بضحك: وانتي فاكرة إن أسر أو معتز هيسمحوا بحد ياخدك منهم دول ياكلوا حي قبل ما يفكر يقرب منك حتى
ضحكت ملك على ضحكته ونظرت إليه وهو نظر إليها بابتسامة حزينة بشدة لاحظتها ملك وضعت يدها على يده وقالت: مالك يا أوس
وضع أوس يده الأخرى على يدها وقال بمرح مصطنع: مفيش يا مزة
ابتسمت ملك وقالت: مش عليا يا ابن السيوفي فيه إيه
أوس بابتسامة مصطنعة: وأنا قلت مفيش يا بت الجارحي اطمني كله تمام
ملك بحزن: ما دام ابتديت تكدب عليا يبقى مينفعش نبقى صحاب يا أوس
أوس باستغراب: يعني إيه
سحبت ملك يدها ونهضت وقالت: يعني كفاية أوي كده احنا من أول يوم اتفقنا نكون صحاب اتفقنا إن اللي هيخبي حاجة على التاني يبقى من حق التاني يعمل أي حاجة هو عايزها وأنا مش عايزه في حياتي واحد بيكدب عليا يا أوس
نهض أوس وضمها بقوة كبيرة وقال: لا يا ملك أنا مقدرش أعيش من غيرك بجد أوعي تقولي كده تاني
لفت ملك يدها حول ظهره وضمته بقوة وقالت: بيقى احكيلي يا أوس
أغلق أوس عينيه بقوة كبيرة وقال: أنا في مصيبة يا ملك
ابتعدت ملك عنه بسرعة وقالت بخوف شديد عليه: فيه إيه يا أوس قلقتني
أوس بحزن ودموع استعدت للنزول: خلوني مدمن يا ملك أنا مدمن مخدرات دلوقتي
ملك بصدمة: انت بتقول إيه يا أوس انت بتهزر صح
صمت أوس لم يعرف ماذا يقول إليها أم يرد عليها ضربت ملك على صدره بقوة كبيرة وصرخت به بدموع قالت: قول ازاي يا أوس ازاي ده حصل اتكلم
أمسك أوس يدها وضمها إلى أحضانه بقوة كبيرة وقال: بس اهدي يا قلبي مفيش حاجة وكله تمام اهدي خلاص
ملك بدموع: ليه يا أوس ليه عملت كده ليه
أوس بحزن: وحياتك عندي غصب عني يا ملك مكنتش أعرف والله
خرجت ملك من أحضانه وقالت: ازاي يعني يا أوس قولي علشان أرتاح والنبي
جلس أوس على الرمل وأمسك يدها وجعلها تجلس بجانبه وقال وهو نظر إليها: فاكرة الشاب اللي أنا اتعرفت عليه من قريب
أومأت له ملك وقالت: أيوه مش ده اللي انت بتقول إنه صاحبك دلوقتي
أومأ أوس إليها وقال بحزن شديد: أيوه وهو كان عزمنا عنده في مرة وحط في العصير بتاعي كمية مخدرات وكل مرة كنت أروح عنده كان يحط في الأكل أو العصير بتاعي كمية مخدرات لحد ما خلاني مدمن يا ملك
هبطت دموع ملك بحزن وقالت: وانت عرفت ازاي وإمتى
مسح أوس دموعها بيده وقال: من يومين جه وقالي كل حاجة عملها معايا
ارتمت ملك بين أحضانه وضمها أوس بقوة كبيرة وقالت ملك بدموع: طب هو هيستفاد إيه لما يعمل كل ده يا أوس
أوس: عايزني أشتغل معاهم في شغلهم
خرجت ملك من أحضانه وقالت باستغراب شديد: وإيه هو شغلهم ده
أوس بغيظ منها: انتي غبية يا ملك يعني خلوني مدمن أكيد يعني مش علشان يعني أشتغل عندهم دكتور أكيد شغل في القرف اللي شربهولي ده
ملك بخوف: وانت هتعمل إيه أوعى يا أوس أوعى تقول إنك هتشتغل معاهم بجد
أمسك أوس يدها وقال: متقلقيش انتي وأنا هحاول أحل الموضوع وإن شاء الله كله هيعدي
ملك: بص انت لازم أول حاجة تروح مصحة علشان تتعالج وبعدها كل حاجة هتكون سهلة
نظر أوس إلى الماء بتوهان شديد: مش عارف يا ملك مش عارف حاجة خالص دلوقتي
أخرجت ملك هاتفها وقالت: استني هكلم معتز وهو هيلاقي حل أكيد
أمسك أوس يدها ومنعها أن تدق إلى معتز وقال: لا يا ملك أنا مقولتليش مشكلتي علشان تقولي لمعتز واطمني أنا عارف هعمل إيه كويس في الموضوع ده يلا علشان أوصلك للقصر علشان معتز وأسر ميتكلموش معايا ولا قالوا حاجة ويلا علشان نروح
(باك)
خرجت ملك من ذاكرتها وتنهدت بحزن شديد وقالت: طلعت غبي يا أوس كان في حلول تانية كتير أوي بس انت اخترت الأسهل ليك والأصعب ليا أنا حرام عليك اللي عملته ده
أنهت حديثها ونهضت وعادت شعرها إلى الخلف ونظرت إلى الساعة ورأتها أنها تخطت الآن السابعة صباحا تنهدت بقوة كبيرة ونهضت من على الفراش وذهبت إلى الحمام واستحمت وخرجت وذهبت إلى غرفة الملابس وارتدت فستان سهرة من القطيفة الفاخرة باللون الكحلي الملكي بقصة أوف شولدر طويلة الأكمام مزينة عند الأكتاف والأساور بدانتيل أبيض فاخر، بقصة ضيقة طويلة تحتضن الجسد بكل فخامة فستان يلمع تحت الأضواء ويعطي هيبة ملكة متوجة على عرش الأنوثة مع حذاء كعب عالي فخم باللون الأزرق الملكي من الشمواه بمنصة أمامية عالية مرصعة بالكامل بمسامير ذهبية لامعة وكعب رفيع طويل مرصع بنفس المسامير الذهبية وسوار كاحل ذهبي لامع يلتف حول القدم حذاء جريء وقوي لا ترتديه إلا ملكة تعشق الفخامة والسيطرة
ذهبت إلى الخارج وهبطت على الدرج بطلتها الخاطفة للأنفاس ذهبت إلى غرفة الطعام ورأت الجميع ينتظرونها ابتسمت وجلست بجانب أولاد ونظر إليها مالك وقال: ماما انتي خارجه
ملك بجدية: أيوه فرع الشركة اللي هنا فيه شوية مشكلة هروح أشوفها وهرجع على طول
أومأ لها مالك وقالت عشق بمرح: طب هاتيلي وانتي جاية كيلو موز يا لوز
نهضت ملك وقالت بغيظ شديد: طيب امشي يا بت الكلب من هنا يلا يا شباب خلينا نمشي
نصار: أيوه الشباب مين علشان أفهم
رفعت ملك حاجبها وقالت: وانت معتبر نفسك من الشباب يا نصار ولا إيه
نصار بغيظ: لا يا اختي أنا شباب وشباب أوي كمان
ابتسمت ملك ببرود وقالت: ماشي يا عم الشباب نبقى نشوف الموضوع ده بعدين
دخل في هذه اللحظة منصور وقال باحترام إلى ملك: فيه نادي هنا المدير بعد ما عرف إنك هنا بعتوا لحضرتك دعوة لسباق عربيات عالمية تحبي تشتركي فيه يا ملكة
ملك ببرود: أنا مش فاضية للهبل ده
وكادت أن تذهب لكن قال مالك بهدوء: ليه يا ماما ما تشتركي فيه
نهضت عشق وذهبت إلى ملك وأمسكت يدها وقالت: آه والنبي يا ملك عايزين نتسلى شوية
ندى برقة: صح يا مامي وكمان أنا عايزه أتفرج على السباق ده
تنهدت ملك بقوة ونظرت إلى منصور وقالت: هو إمتى
منصور: النهارده الساعة تلاتة يا ملكة
أومأت ملك وقالت: تمام قولهم إني هاجي النهارده
ضمتها عشق وذهبت ندى وضمتها هي الأخرى بسعادة كبيرة ابتسمت لسعادهم وضمتهم وخرجوا من حضنها وقالت ملك بهدوء: جهزوا نفسكم وأنا هاجي قبل بشوية أكون خلصت شغلي
عشق بسعادة: ماشي تعالي يا ندى نشوف هنلبس إيه بسرعة
أنهت حديثها وأمسكت يد ملك وركضوا إلى غرفتهم ابتسمت ملك عليهم وأتت عيونها بعيون فهد الذي نظر إليها بابتسامة ابتسمت ملك ونظرت بعيدا عنه بسرعة وقالت: يلا خلينا نخلص
وذهبت ملك إلى الخارج لتذهب هي والشباب إلى الشركة التي توجد في هذه البلد
دخلت ملك إلى الشركة رأها المدير ركض إليها بسرعة وقال إليها بإيطالي: الشركة بأكملها تضيئ ما أن دخلتي بها يا ملكة
ملك ببرود: اعدل لسانك يا روح أمك مش ناقصك هي
المدير بإحراج شديد: أكيد يا ملكة اتفضلي
ذهبت ملك إلى المكتب وقال عمر الذي ذهب مع الشباب خلفها إلى أدهم: شوفت قصف الجبهة اللي على حق
أدهم بنفس الهمس: طيب اسكت لتيجي تسكتك هي بنفس الطريقة
دخلوا إلى المكتب جلست ملك على الكرسي وقالت إلى المدير: روح هات قهوة وورق الشهور اللي فاتت
ذهب المدير ليفعل كما أمرت الملكة وقال فهد بملل شديد: طب ممكن أعرف احنا جايين هنا ليه دلوقتي
عادت ملك بظهرها إلى الخلف وقالت ببرود: لو انت مش شايف هنا فيه شغل عاوز يخلص قبل الساعة تلاتة يا فهد باشا
عمر بغباء: أيوه واحنا مالنا بيه دلوقتي
ملك بنفاد صبر: تقعد ودلوقتي هيجي ورق هنراجع الحسابات اللي فيه وخلاص مش محتاجة تفكير دي
فهد: طب احنا مالنا بشغل الشركات ده
ابتسمت ملك ونظرت إليه وقالت: لا عندي مفيش حاجة اسمها مليش علشان رجالة الملكة كل حاجة بيشتغلوا فيها يا فهد
بعد قليل أتى المدير إليها معه الورق والقهوة وبدأوا الجميع يفعلون كما قالت ملك وانتهوا بعد فترة من هذا العمل وأغلقت ملك آخر ملف معها وقالت: يلا خلينا نشوف السباق الزفت ده هيرسي على إيه
فهد باستفزاز شديد: إيه يا ملكة خايفة ولا إيه
ملك ببرود: قولتلك وهرجع أقولك تاني مش ملك الجارحي اللي تخاف من حاجة أنا أصلا دخلته بس علشان الولاد مش أكثر ويلا نمشي
وبالفعل نهض الجميع وذهبوا إلى القصر ودخلت ملك القصر رأت عشق تنتظرها وقالت بحماس كبير ما أن رأتها: يلا يا ماما خلينا نشوف بقالك كتير مدخلتيش سباق وأنا متحمسة أوي للسباق ده
ابتسمت ملك إليها بحب وقالت: ماشي يا قلبي هروح أغير هدومي وجاية على طول
أومأت لها عشق وصعدت ملك إلى غرفتها وفعلت روتينها وخرجت من الغرفة بعد قليل ارتدت جاكيت بومبر قصير باللون الزيتي العسكري بجيوب أمامية وسحاب وأزرار فوق توب أبيض من الدانتيل بحمالات رفيعة وبنطلون جينز أسود ضيق هاي ويست بحزام أسود ورباط طويل متدلي مع سنيكرز أبيض وشنطة ظهر سوداء صغيرة مرصعة بنجوم فضية تمشي بكل ثقة وخصلات شعرها الأسود الطويل تتطاير إطلالة ملكة عملية وقوية
هبطت إلى الأسفل ونظرت إلى الجميع وقالت: يلا
أومأوا الجميع إلى ملك وذهبوا إلى الخارج صعدت ملك سيارتها وقادتها إلى هذا النادي والسيارات العائلية خلفها وبعد فترة دخلت الملكة إلى هذا النادي
أتى إليها هذا المدير وقال بلغة إيطالي: مرحبا بك سيدتي أنا سعيد للغاية لأنك أتيت اليوم وهذا شرف لينا جميعا
أومأت له ملك بلا مبالاة وقالت: ما هو الوقت الذي يبدأ به هذا السباق
المدير: نحن في انتظارك فقط وسوف نبدأ بعد قليل تفضلوا بالدخول جميعا
عشق بمرح: أنا حاسه إن الراجل ده بيشتم أمي آه يا ملك يا غلبانة بتتشتمي وانتي بتهزي براسك وخلاص
ملك بصوت لم يصل سوى لعائلتها فقط: بس يا بت الهبلة الناس بتتبص عليكي
عشق: أنا اللي بت هبلة الراجل بيشتمك وانتي ساكتة المفروض تقلبي المكان فوق دماغه مش تبتسمي كده
مالك: بس يا عشق يا حبيبتي الراجل بيرحب بينا بس انتي اللي حوله ومش فاهمة حاجة
عشق بإحراج مصطنع: أنا بقول إن الراجل محترم محدش صدقني مش عارفه إيه الناس الظالمة دي والله
ضحك الجميع عليها وذهبوا جلسوا على الطاولة وقال فهد باستغراب: بس مالك ازاي عرف هما قالوا إيه
مالك بهدوء: ملك علمتني كام لغة أمشي بيهم حالي
عمر: انت عارف كام لغة
مالك بلا مبالاة: سبعة
صدموا الشباب بشدة وقال أدهم: كام
مالك باستغراب: فيه إيه عملتوا كده ليه
خبط عمر على كتفه وقال: يا ابني والله انت بطل بجد
استغرب مالك أكثر وقال: ليه يعني
أدهم بهدوء: إن واحد عنده تمن سنين يبقى عارف سبع لغات دي حاجة تخلي أي حد فخور بيه يا مالك بجد برافو عليك
ابتسم مالك وذهب إلى ملك وضمها وقال: الفضل لكل ده إني معايا أم زي ملك الجارحي وأنا فخور إنها أمي بجد
ضمته ملك بقوة كبيرة وقالت: أنا اللي المفروض أكون فخورة إن معايا ابن زيك يا حبيبي
عشق بمرح: إيه وأنا محدش فخور بيا خلاص
ندى ببراءة: أنا يا عشق فخورة بيكي بجد
عشق ضمتها: أنا عارفه إني مش هطلع غير بيكي من أم العيلة دي يا ندوش
نهضت ملك وقالت: طب احمدي ربنا إن فيه حد اعترف بيكي يا قلب أمك يلا أشوفكم بعد ما أخلص
عشق بمرح: أيوه جه دور نمرتك عايزه عرض حلو يا ملكة وعايزه فوق الممتاز كمان
ملك بغيظ مصطنع: خليتي أمك راقصة يا بت الجزمة
عشق بمرح: مفيش داعي أرد شتيمتك منك فيكي يا ملكة
ملك: أنا همشي قبل ما بكرة يكتبوا الملكة تقتل بنتها لسبب غير معروف
عشق بخوف مصطنع: لا يا ملك مضيعش نفسك علشان واحدة زيي مستاهلش والله
ملك باستفزاز: معاكي حق والله يلا باي
ذهبت ملك إلى سيارة السباق وصعدت وبدأ هذا السباق أسفل ترقب الجميع وقادت ملك سيارتها ببطء شديد نظر إليها فهد وقال باستغراب شديد فهو يعلم سرعتها جيد: هي بتسوق كده ليه
مالك بهدوء: علشان بتستعد بعد ما تعدي الخط الأول هتسرع أكثر
أدهم وهو نظر إليه: وانت إيه اللي عرفك
مالك: ماما معلماني السواقة وطرق كتير للسباق
رفع فهد حاجبه وقال: يعني انت بتعرف تسوق
مالك بلا مبالاة وملل: كل أنواع العربيات تقريبا وسيبني بقى علشان أتفرج علشان السباق بدأ
نظر إليه فهد واستغرب هذا الطفل بشدة ونظر إلى سيارة ملك التي قادت سيارتها بسرعة كبيرة وبعد فترة فازت ملك بالفعل ومرت إلى الخط بسرعة هبطت من السيارة وذهبت إلى الطاولة وقال مالك إليها بابتسامة: مبروك يا ملكة
ملك بحب لعبت بشعره: الله يبارك فيك يا قلب الملكة
المدير في الميكروفون: من الواضح أن الفائزة في هذه السنة هي صاحبة لقب الملكة من الممكن أن تسمحي لنا أن تتفضلي على المسرح لاستلام
ارتشفت ملك من زجاجة الماء وقالت: مالك استلم انت الجايزة
نهض مالك وقال: تمام يا ملكة
وذهب مالك بغرور وثقة لا تليق إلا بابن الملكة
حازم بهدوء: الولد هيطلع نسخة من أبوه يا ملك حتى لما يحب بعد كده هيتعبك أوي زي أبوه بالظبط
نظرت ملك إليه بسرعة على هذا الحديث الذي قاله الآن ونظرت إلى عشق بسرعة كبيرة ورأتها صفقت بيدها ولم تنتبه إليهم نظرت إلى حازم وقالت ببرود: لا يا ابن عمي ده تربية الملكة غير أبوه
ابتسم حازم بخبث شديد وقال: والملكة مين رباها غير أبوه مالك
نظرت إليه ملك و