رواية لنا موعد اخر الفصل السبعون70 بقلم لولا
حبيبه فضلت تضحك وضربت كتفه وتابعت بضحك روح الغي باقي الحجز يعلي وضربته وتابعت بضحك روح يلاا بدل ما ساعه كمان وهتفضحنا قدام الناس
علي فضل يضحك وتابع لالا هاجي على نفسي ففضلت تضخك وفضلوا يرقصوا وبعد شويه قعدوا على الكوشه بيتكلموا فجات رانيا وتابعت بضحك وفرح : ايه يابت الحلويات دي هتتسحدوا انهارده والله
حبيبه بضحك حبيبه قلبي يارنوش
علي بضحك عمال اقولها كفايه لحد كده ونمشي مش عاجبها ياست الكل
رانيا فضلت تضحك وتابعت هتموت وتمشي انتي ربايتك وسخه زي ابوك
فعلي فضل يضحك بشده فتابعت حبيبه بضحك عملنا ايه انا وانتي في حياتنا علشان ربنا يوعدنا بيهم متربوش كده ها
رانيا فضلت تضحك وتابعت الحلو كله ياختي هو في زي قاسم ولا ابن قاسم وباست خد علي
فحبيبه بصتلها بذهول وعلي فضل يضحك بشده ومسك ايديها باسها وتابع بضحك حبيبه قلبي وعيوني انتي والله
حبيبه بضحك انتي يوليه انتي هتظهري على حقيقتك وتعملي علياا حماا دلوقتي علشان لبست في ابنك خلاص؟؟
رانيا فضلت تضحك وتابعت هو انا اقدر يحبيبه ده انتي بنتي وغلاوتك من غلاوه علي والله وانتي عارفه كده كويس
حبيبه بحب ربنا ميحرمنا منك ابدا ياست الكل وباست ايديها
رانيا باست راسها وتابعت بحب والدموع متجمعه في عينيها: فرحتي بيكم مش سيعاني والله انا استنيت انهارده ده من وانتي وعلي عيال قد كده وكنت بدعي ليل نهار يجعلكم لبعض الف حمد وشكر ليك يارب
حبيبه بحب ودموع ربنا يديمك انتي ودعواتك يعمري والله
علي بحب دي احلى دعوه دعيتهالي حقيقي ورفع ايد حبيبه باسها بحب فحبيبه بصتله بحب ودموعها بتنزل
رانيا بصتلهم بحب وتابعت بدموع مش هوصيك عليها يعلي ومش هقولك حبيبه في عينيك ..حبيبه في قلبك ..اياك يا ابني تيجي عليها في يوم دي القلب الوحيد اللي حبك واخلصلك وشال معاك الوحش كله
علي ابتسم بحب وتابع صدقيني انا مقدرش اجي عليها حبيبه بقيت حته مني وانا بحبها اكتر ماهي بتحبني بكتير
رانيا بحب ودموع ربنا يسعدكم يحبيبي ويرزقكم الذريه الصالحه يارب ووطت تحضنه فعلي قام وقف وحضنها وباس راسها بعمق وطبطب عليها وتابع خلاص بقى ياست الكل احنا اتجوزنا مش موتنا
رانيا ضربت صدره بخفه وتابعت بضحك من بين دموعها: اخص عليك قطع لسانك بعيد الشر عنكم ده الملافظ سعد
علي فضل يضحك وتابع طب خلاص متعيطيش طيب مبحبش دموعك انتي عارفه
رانيا بحب ودموع فرحانه بيكم اوي يعلي شكلك بسم الله ما شاء الله زي القمر طالع سبحان الله زي قاسم بالظبط ودموعها نزلت بحب
علي بابتسامه اللي خلف مامتش ياست الكل
حبيبه قامت وقفت وتابعت بضحك لا والله علي بس اللي حلو يعني؟؟
رانيا بضحك انتي ؟! ده انتي طالعه اللهم بارك ست العرايس كلهم واحلى من علي كمان ولا تزعلي ده انا جيت عاكستك انتي الاول
حبيبه بضحك ايوه كده احبك يارنوش قلبي
رانيا بضحك والله يابت يحبيبه ستات الشارع كله قاعدين يحكوا ويتحاكوا عليكي ويقولوا ايه الحلاوه دي وفستانها وجماله وشعرها وحلاوته وحركاتها مع جوزها باين بتموت فيه وحسدوكم حسد يكفي 10 سنين قدام
حبيبه فضلت تضحك بشده فتابع علي بضحك اممم مانا حاسس هيطلع علينا كل ده لما نروح السخان هيموتنا او ماس كهربائي اي حاجه بقى
رانيا فضلت تضحك وتابعت بس يا واد اتلم فال الله ولا فالك وغمزت وتابعت ان شاء الله ليلتك فل ياقلب امك
علي فضل يضحك بشده فتابعت حبيبه بحرج بدل ماتقوليله سيب البت تتخمد الفرح فرهدها ماشي يارانيا
علي بضحك اتخمدناا كتير مفيهاش نوم من انهارده خلاص
حبيبه وشها احمر ورانيا فضلت تضحك بشده وتابعت اتلمي يابت واتمسي وقولي يامساا ماسكين الواد عنك بالعافيه من ايام الخطوبه وانتي كنتي متحمسه جرالك ايه هيجوا منين الـ 8 كده
حبيبه بضحك الكلام شئ والافعال شئ تاني خالص يا رنوش انا بتاعه كلام بس ابنك اللي خد الوضوع جد
رانيا بضحك وغمز لا يشيخه وبالنسبه لواقفتكم بتاعه العوده من الكليه دي والواقفات الكتيير اللي قفشتكم فيها ايه نسيتي
علي فضل يضحك وتابع يوليه استري يوليه ما اتجوزتها وصلحت اغلاطي اهو
حبيبه بضحك ماشي يارانياا طب ايه رايك هأجل الخلفه وشوفي مين اللي هتشيلك عيال علي
رانيا بضحك لا متقدريش ده انتي هتموتي عليهم اكتر مني هتمثلي يابت
علي فضل يضحك فحبيبه بصت لعلي وتابعت بضحك هو انا باين علياا اوي كده اني واقعه ايه الفضايح دي
علي بضحك عادي يعمري مانتي واقعه وانا واقع وشالله ما عننا قومناا خالص خلينا نعيش هي ناقصه نكد
حبيبه فضلت تضحك فجات سلمى وتابعت بضحك ايوه اضحكي كمان انتي هي العين اتاخدت كده كده خلاص
حبيبه بضحك الله هو في ايه يجماعه عمركم ماشوفتوا عروسه فرحانه يعني
رانيا بضحك بالطريقه دي لا بيبقوا مكسوفين بردو انما انتي هتعرفي الكسوف منين وانتي لازقه للواد من وانتوا قد كده؟
علي فضل يضحك بشده وتابع ده هي عجباني علشان مبتتكسفش وفرحانه بيا اصل احنا طلع روحناا علشان اليوم ده فطبيعي ماصدقناا
حبيبه بضحك ايوه بالظبط كده وهروح انام واعوض التنطيط ده كله
علي بصلها برفعه حاجب فكلهم فضلوا يضحكوا بشده فتابعت حبيبه بتوتر ايه ياروحي
علي برفعه حاجب لا ولا حاجه خالص
فارس جيه وتابع : علي تعالى ثواني عايزينك وسياده اللوا عايز يتصور معاك
فعلي مشي مع فارس فحبيبه قعدت وسلمى ساعدتها في فرد في الفستان على الكوشه ونفخت بضيق فتابعت رانيا باستغراب مالك يابت انتي قلقانه صحيح؟
حبيبه فضلت تلعب في صوابعها وتابعت بتوتر اوي اصل انا مش بيرفكت يعني وكنت عايزه اعمل ليزر وحمام مغربي برا علي رفض وعملت كل ده لوحدي ومش مقتنعه بيه
سلمى قعدت جنبها وتابعت بحب حبيبتي طبيعي يرفض لان ده حرام ومش كل الرجاله بتوافق بيه وانتي زي القمر وطبيعه جسمك حلوه فبطلي عبط كده لان والله مابيهمهم حاجه قد ان هما مع البنت اللي بيحبوها فمتنكديش على نفسك
حبيبه بتوتر انا متوتره يسلمى وحاسه ان كل الشجاعه اللي كنت بقولها اتبخرت خلاص
رانيا قعدت جنبها من الناحيه التانيه وابتسمت ومسحت على شعرها وتابعت بحب ده خوف وتوتر طبيعي زيك زي اي عروسه بس علي هيطمنك ولو مطمنتيش عمره ماهيعمل حاجه انتي مش راضيه عنها فكي كده يعمري وباست جبينها
حبيبه سندت راسها على صدر رانيا وتابعت بتنهيده غالبا الحسد بدا بدري انا حاسه اني عايزه اعيط
رانيا بتفاجئ بسم الله الرحمن الرحيم مالك ينورعيني بس
حبيبه بدموع مش عارفه بس اتخنقت
سلمى بابتسامه ده توتر وانا كنت كده وعيطت في الكوشه بردو ومكملتش يومي بضحك غير لما مالك حلفلي ان مش هيحصل حاجه اول يوم ده
حبيبه ضحكت من بين دموعها فرانيا بصت لسلمى بذهول وتابعت نعم ياروح امك؟ واتعصبت وتابعت واجيلك في الصباحيه تضحكي عليا يسلمى!!
حبيبه فضلت تضحك فسلمى بصت لامها وتابعت بضحك ايه يماا ايه يحبيبتي انا فات سنتين وشويه على جوازي ومعايا علي خلاص عايزه ايه انتي
رانيا بحده بس بردو نكدتي على الراجل اول يوم وضحكتي علياا
سلمى بضحك والنبي ياختي لتشوفي اللي هتنكد على ابنك انهارده دي وتسيبيني انا في حالي انا خليته ابو علي خلاص
حبيبه بضحك لا يحبيبتي مقدرش انكد عليه ده هما شويه توتر وهيروحوا لحالهم متدخليش بيني انا وجوزي ياصفرا انتي
فرانيا فضلت تضحك بشده فتابعت سلمى بضحك شوف البت!ماشي يحبيبه هعديهالك انهارده بس علشان فرحك
حبيبه ضحكت وفضلوا يتكلموا معاها ودقايق ونزلوا وعلي جيه وهو ماسك ايد تولين وتابع بحب اهي حبوبه اتصوري معاها زي مانتي عايزه يعمري
حبيبه بصت لتولين اللي الدموع نازله على وشها وتابعت بخوف مالك يعمري في ايه بتعيطي ليه؟
علي بتنهيده عايزه تيجي تتصور معانا واسيا بتقولها مش وقته اتصوري في الاخر علشان مش فاضين فكانت بتعيط عايزاكي
حبيبه بصتلها بحب ومسحت دموعها وتابعت يعمري انتي وشالتها قعدتها على رجليها وفضلت تبوس خدها وتابعت بحب بس يحياتي متعيطيش انا معاكي اهو وهنتصور براحتك سيبك من اسيا الكلبه دي
تولين بدموع يعني انتي فاضيه؟
حبيبه بصتلها بتأثر وتابعت يحياتي ياناس ده انا لو مش فاضيه افضالك هو انا بحب حد قدك ياتوتي؟ ده انتي بنتي وحبيبتي وصاحبتي مش كده؟
تولين بابتسامه ااه كده
حبيبه بحب يلا معاكي فون ولا نتصور بفون خالو؟
تولين بحب معايا فون بابي وجابت الكاميرا في فون فارس وتابعت اهو ونعمل تيك توك يحبوبه ماشي؟
حبيبه بضحك ماشي يعيون حبوبه وانتي قمرايه كده ايه الفستان التحفه ده لابسه ابيض زيي عايزه تاخدي مني عريسي يابت انتي ولا ايه
علي فضل يضحك وتابع العرض مغري الصراحه ..شعر اصفر وعيون زٌرق ولابسالي فستان ابيض وحاطه طرحه يعني جاهزه اهو ومفيش حلاوه بعد كده
تولين فضلت تضحك واتكسفت وخبت وشها في حضن حبيبه فحبيبه وعلي فضلوا يضحكوا اكتر فتابعت حبيبه بضحك لا بصيلي كده وقولي لخالك يتلم زي ما متعودين مش علي لحبوبه بس؟
تولين بضحك اه هو ليكي انتي بس وانتي عروسه حلوه اوي اصلا واحلى مني ومن كل العروسات
علي وحبيبه فضلوا يضحكوا بشده فتابعت حبيبه بضحك من كل العروسات مره واحده؟
تولين بضحك اه والله وحطت ايديها على خدها وتابعت بجد جميله خالص عايزه ابوسك وباست خدها
فحبيبه اتفاجئت وفضلت تضحك وتابعت يعمرييي انتي ده مفيش اجمل منك ومن عيونك والله وباست خدها كذا مره وتولين كانت بتضحك
علي بضحك يعني حلوه اختيارات خالو يا توتي مطلقهاش؟
تولين شهقت ورفعت صابعها بتحذير لعلي وتابعت لالا حبوبه حلوه متسيبهاش خالص والله ازعل منك واخاصمك ومش هكلمك ابدا
علي قعد جنبهم وتابع بضحك يخراابي كل ده لا مقدرش ده انتي نورعين خالو وباس خدها
تولين بضحك وبوس حبوبه كمان علشان متزعلش
حبيبه بضحك لا يعمري انا مقدرش اغير منك انتي بالذات انتي بنتي وانا اللي مربياكي
تولين بضحك يبوسك زيي بردو
علي فضل يضحك وتابع يسلام بس كده؟ نبوسها يعمري ده عز الطلب والله وبص لحبيبه بحب وتابع بهيام ده احنا شفايفنا تحت امر حبوبه
حبيبه بهمس وضحك: احترم نفسك ولم نظراتك البت قاعده ها
علي فضل يضحك وباس خدها وتابع بوستها اهو ياتوتي
تولين سقفت بفرح وهي بتضحك وتابعت يلا نتصور كلنا بقى
حبيبه بضحك تولين فرحانه بينا اكتر مننا
علي بضحك ده هي مختارانا لبعض من قبلنا احنا شخصيا بموت فيها
تولين بفرح وانا بموت فيك وفي حبوبه وفرحانه اويي اويي وكل يوم كنت اقول لمامي يلا نروح فرح خالو وحبوبه تقولي لسه لسه وزهقت
علي فضل يضحك وتابع ليكي حق يابنتي والله حتى خالك زهق وجاب اخره
حبيبه زغدته بايديها وتابعت بضحك مش هقول اتلم تاني ها
علي بضحك ده كده كده علشان انا حالف على ام الكلمه المستفزه دي
فحبيبه فضلت تضحك واتصوروا هي وعلي وتولين صور كتير سوا وعملت مع حبيبه تيك توك
وبعد شويه البنات اتجمعوا فوق الاستيدج وحبيبه ماسكه بوكيه ورد طبيعي غير اللي علي جابهولها ووقفت واديتهم ضهرها وتابعت بضحك ها مستعدين؟
البنات بضحك في نفس واحد مستعدين وعدوا سوا3..2..1
وحبيبه رمت البوكيه وراها ولفت تشوفه والبنات كلهم رفعوا ايديهم يتسابقوا مين تمسكه والناس بتضحك عليهم ونيره شيفاه جاي ناحيتها فبقيت ترجع لورا بضهرها من غير ماتبص وهي رافعه ايديها وبالفعل وقع في ايد نيره ففضلت تضحك بفرح وثواني وشهقت بخضه لانها كانت وصلت لاخر الاستيدج وهتقع بس ايد كريم اللي اتلفت حوالين وسطها لحقتها بسرعه فوقعت في حضنه والبوكيه وقع من ايديها فلفت ايديها حوالين رقبته فالبنات فضلوا يضحكوا بشده ويتهامسوا وحبيبه بصتلهم بتفاجئ وفضلت تضحك وتابعت الحق يعلي ده كريم لو مظبطها مع الاستيدج مش هتتعمل كده
علي بضحك بس يخربيت امك وطي صوتك
عند كريم بص لنيره وتابع بضحك اعتبر دي اشاره يا دكتوره؟
نيره اتحرجت وبصت في عينيه وتابعت اشاره لايه بالظبط يا بشمهندس؟
كريم بابتسامه اننا هنفرح بيكي طبعا.. مش مسكتي البوكيه؟
نيره بابتسامه اممم قريب هحصلك علطول
كريم ضحك فجات نهله وتابعت كويس لحقت اختك يكريم لو كانت وقعت منظرها كان هيبقي صعب
نيره وقفت كويس وحاولت متبينش انها مش طيقاها وتابعت وهو يقدر كريم يسيب نيره تقع؟ ده انتي شكلك لسه متعرفيش غلاوه نيره جواه
نهله بحب لا عارفاها كويس يعمري انتي واخده جزء مش هين في قلبه بردو فلازم اكون عارفاها
نيره بابتسامه تؤ متجيش في بالك لانها اعمق من ما تتخيلي
كريم منع ضحكه بالعافيه ووطي جاب البوكيه وتابع بحب امسكي يعمري وقع منك
نهله بابتسامه هتتخطب قريب ان شاء الله ونلاقي حد ياخد الحلاوه دي كلها
نيره بابتسامه لا يقلبي مش ناويه اصل كريم بيغير علينا اوي وكلهم اندال اتجوزوا وخذلوه بس نيرو متعرفش تجيب واحد يشارك كريم فيها.. عن اذنك ومشيت وكريم فضل يضحك بشده فنهله بصتله برفعه حاجب وتابعت بضحك لا والله انت بتضحك يكريم؟؟
كريم بضحك اصل انتي مش سامعه فظيعه بجد هتموتني
وعند رفيده كانت بتاكل يزن زبادي فتابع باباا
فتنهدت بضيق وتابعت مش عارفه والله راح فين ابوك تعب نفسيتي انهارده
يزن شاورلها علي عصام وتابع بابا
فرفيده بصت لقيته بالفعل واقف مع اخواته البنات وإيلين واقفه معاهم وبيتكلموا كلهم بس واضح عصام مش بيوجه لإيلين الكلام فاتعصبت جدا وشالت يزن وقامت وهي ماسكه ديل فستانها وراحت وقفت معاهم ومسكت دراع عصان بايديها التانيه وابتسمت وتابعت اخباركم ايه
عصام شافها تنهد بعمق فاسيا ابتسمت وتابعت بخير يحبيبتي انتي عامله ايه
رفيده بحب الحمدلله طول ما جوزي وابني معايا انا مش ناقصني حاجه في الدنيا
إيلين تنهدت بقهر وسكتت فتابعت اسيا بابتسامه يارب يديم حسهم ليكي يحبيبتي وتخاوي يزن قريب باذن الله
رفيده بحب طب والله يا اسيا بتحايل علي اخوكي بس هو مش مقتنع وبصتله برفعه حاجب
سلمي بحب ليه كده يحبيبي خد الخطوه وربنا يسعدكم بإذن الله
عصام بتنهيده مش وقته لما يزن يشد حيله شويه باذن الله نبقي ساعتها نفكر نخاويه
اسراء بحب انتي خليكي وراه وهو هيستسلم في مره وهيوافق هتشوفي ده انتي متعرفيش بيحب ليلوو وتوتي بنات اسيا قد ايه
إيلين قلبها وجعها وكانت عايزه تمشي بس خافت علي شكلها قدامهم بس هي فعليا مكانتش مستحمله وجود رفيده ولا قربها من عصام بالشكل ده ولا كلام اخواته معاها مع انها عارفه انهم مش بيحبوها ولا بيكرهوها بس بيعاملوها حلو علشان اخوهم مش اكتر ورغم كده حست بغيره وقلبها وجعها
رفيده بابتسامه مكنتش اعرف ان عصام بيحب البنات اصلا تخيلي!!
عصام بصلها وتابع بتنهيده ليه هو انا لو كنت جبت بنت مكنتش هحبها انتي مجنونه؟
رفيده بتنهيده والله كلامك معاياا ان لو جبت ولد هتكتبله شركه الادويه اللي هنا في القاهره وعملت كده ليزن فعلا انما لو كانت بنت لا هتتكفل بمصاريفها وكل اللي تتمناه وبس ..ففهمت انك بتفضل الولاد
اسيا بضحك يحبيبتي الاملاك ملهاش علاقه بالمحبه هو بيتكلم صح لان يزن هيكمل مسيرته كراجل اعمال انما البنوته هيبقي ليها حياتها وجوزها فطبيعي ميكتبش حاجه باسمها واخوها اللي يدير شغل ابوها من بعده بس ليها جزء من الميراث قطع لساني بعد عمر طويل زي ما الشرع بيقول
عصام تنهد بعمق وتابع تعرفيني من ساعه ما اتولدت وعمرك ماهتتغيري ودايما الفلوس اللي بتيجي في بالك واسيا بقالها سنتين بس قريبه مني وفهمتني اكتر منك لان لو المحبه بالفلوس يبقي انا بعشقك على اللي بتاخديه من ورايا يا رفيده
رفيده بذهول عصام انا مجاش في بالي حوار ان البنت مسيرها تتجوز ده وبتكلم عادي ان طلما بتحب عيالك زي بعض يبقي الطبيعي ان البنت زي الولد بطل تفهمني بالطريقه دي
عصام بحده لا طبعا الطبيعي مخليش بنتي ليها املاك والرجاله الانطاع تطمع فيها وفي فلوس ابوها انما اللي تعوزه هيبقي تحت رجليها عكس يزن ده راجل وهو اللي هيمشي الشغل وان شاء الله يطلع انصح من ابوه ويختار اللي تصونه وتحبه هو مش فلوسه
رفيده الدموع اتجمعت في عينيها ومشيت وسابته فتابعت سلمي بحزن ليه كده يحبيبي
عصام بحده سيبك منها مش ناقص قرف ولا عمرها هتتغير فلوس فلوس ينعل ابو الفلوس يشيخه
اسيا بحزن يحبيبي هي فهمت انك لما قولت مش هكتب للبنت انك بتفرق وبتحب الولاد في رجاله كده فعلا
عصام بحده وانا مالي بالرجاله اللي كده؟؟ ليه معشراني كل السنين دي وبتنام جنبي على مخده واحده 3سنين ولسه معرفتنيش يا اسياا؟!
إيلين تنهدت بقهر وتابعت عن اذنكم ومشيت
اسراء بضحك اهي التانيه اتقمصت من المخده الواحده اللي انت جبت سيرتها ومشيت
عصام بحده تولع ..الله ينعل صنف الحريم كله حاجه تقررف قسما بالله ومشي وسابهم ففضلوا يضحكوا بشده فتابعت اسراء بضحك يخربيت ابوكم بنات جبتوا للراجل عقده
اسيا بضحك انتي بتقولي فيها صعبان عليا والله
سلمي بابتسامه بس رفيده باين عليها فعلا اتغيرت هو اخوكم اللي بيتلككلها
اسراء بتنهيده بس يهبله انتي ميغركيش الشويتين دول انا مستحملاها لاجل انها مرات عصام وام يزن بس والله
اسيا بضحك عصام نفسه مش مستحملها بس احنا بنعمله خاطر انما فعلا مش حساها اتغيرت لا دي جات تكيد إيلين
سلمى بحزن جماعه بطلوا ظلم دي ست وغيرانه علي جوزها وحقها بصراحه لانها عارفه انه بيحب غيرها حطوا نفسكم مكانها مره
اسراء بتنهيده يحبيبتي دي مبتتغيرش فكك من الجو ده وطلما انتي قولتي اتغيرت يبقي بصمت بالعشره انها لسه بنت كلاب علشان انتي مفيش اعبط منك فبعكس رايك في الناس علطول
اسيا فضلت تضحك فتابعت سلمي بضيق لا بجد مبهزرش اومال عينيها دي بتقول ايه هاا ردي عليا لان هي بتحب اخوكي بجد ونفسها تخلف تاني وهو بيبصلها مش طايقها
اسراء بتنهيده رفيده عرفت قيمه عصام لما لقيت علي اخوه وكده علي طار للابد فاحترمت نفسها واتقت الله في بيتها بس من البدايه مفيش احترام لجوزها يسلمى فبطلي عبط واعقلي والنبي ها
سلمى بحده علي اساس لو مش اخوات كانت رجعت لعلي ياروح امك؟
اسراء بابتسامه لا طبعا بس مكانتش هتحاول ترجع لعصام هي رجعت علشان مبقاش قدامها اختيارات تاني وعصام ميترفضش واي بنت تتمناه فلما ملقيتش في امل في ده قالت خليني في ده
سلمى بضيق لا يا اسراء عصام اصلا موافقش يرجع وطلقها لتاني مره وكان هيخطب إيلين واللي رجعهم حملها في يزن فاللي انتي بتقوليه ده وارد كان تفكيرها زمان انما لما شالت ابنه وخلفت ورجعوا عرفت قميته واتغيرت فعلا وبقيت عايزاه يحبها وبتغير من إيلين جداا اديكي شايفه
اسراء بضيق وارد عامه ربنا يهديهم علي بعض انا مبحبهاش بس معلش كله لاجل ابن اخويا
اسيا بتنهيده هتموت وتحمل واخوكي حارمها من حقوقها مفيش واحده تستحمل كده علشان الفلوس بردو فيمكن فعلا اتغيرت ربنا يحنن قلب عصام عليها يارب فكلهم رددوا امين يارب وحسن شاور لاسراء تروحله فابتسمت وتابعت عن اذنكم يبنات جوزي عايزني
سلمى بضحك روحيله ياختي
اسيا بضحك تروحله مين ده انا اللي هروح لعلي اقوله على جوزي دي
اسراء بضحك ياربي عليكم مشوفتش صفاار كده
اسيا بضحك هنصفر منك انتي يا معفنه ليه ان شاء الله ماحنا متجوزين ومخلفين يحبيبتي
اسراء بضحك اكمنكم قدمتوا وكده وانا لسه فريش وهعيش ايامي
سلمى بضحك شوف الحيوانه الجزمه
اسيا بضحك مسيرهاا تقدم هي كمان يحبيبتي هو حد هيفضل فريش علطول جتها ستين نيله
اسراء بضحك يارب ياختي بس اتنيل اتجوزو ومشيت فضحكوا عليها وتابعت سلمى بضحك مفروض علي كان بدأ بيها
اسيا بضحك فاتته دي فعلا بس سيبك منها الملزقه دي وتعالي نشوف عيالنا علشان مالك وفارس جابوا اخرهم وهنطلق
سلمى بضحك يلا
وعند اسراء راحتله وتابعت بحب ايه يعيوني
حسن بحب كالتي ولا لسه؟
اسراء بحب لا مقعدتش كالت هو كريم حطلي من الاكل اللي بيتوزع بس انا مقضياها تنطيط من هنا لهنا فمكالتش انت كالت؟
حسن بحب لا بردو ومسك ايديها وتابع تعالي نروح نتغدا برا ونرجع بسرعه
اسراء بابتسامه طب قول لعلي علشان ميعملناش حوار
حسن بضحك علي رايق انهارده قالي اعملوا اللي تعملوه محدش يسألني في حاجه
اسراء فضلت تضحك وتابعت انهارده يوم التخلي العالمي عن مسئوليتنا ولا ايه
حسن بضحك ده هيتخلى عن العالم كله مش مسئوليتكم بس
اسراء فضلت تضحك وتابعت بحب بصراحه حقه ربنا يسعده نورعيني ده واشيل عياله يارب
حسن بحب عندك حق والله يارب اللهم امين وباس جبينها وتابع بحب وعقبالنا بقى
اسراء الدموع اتجمعت في عينيها وتابعت تفتكر يوم زي ده هيجي عادي؟
حسن بحب وميجيش ليه؟ ده انا بيطلع عين امي ليل نهار علشان اخره الطريق تبقي معايا العمر كله فمتستبعديهاش كده
اسراء بحب ودموع من كتر مانا بتمنى اليوم ده مش مستوعبه يعني ايه هيجي وكابوس انك بعيد عني ومكنتش عارفه اشوفك ولا اكلمك طول الوقت هينتهي ياحسن
حسن رفع ايديها باسها بحب وتابع بوعدك انه قريب اوي هنبقى زي علي وحبيبه كده وكل القرف اللي شوفناه ده هينتهي وبصوا عليهم كانوا بيتصوروا مع الناس وبيضحكوا وفرحانين اوي فاسراء ابتسمت بحب من بين دموعها وتابعت يارب بجد يارب والله من كل قلبي
حسن مسح دموعها وتابع مش عايز اشوف دموعك بقى متزعلنيش منك يا ساسو
اسراء بصتله بحب وابتسمت وتابعت ده من نن عيون ساسو والله
حسن ابتسم وباس جبينها ومسك ايديها وتابع يلا وخدها وخرجوا يروحوا المطعم
وبعد 3ساعات كمان علي وحبيبه كانوا بيرقصوا الراقصه الاخيره سلو ومندمجين مع بعض وبيتكلموا ومش باصين على حد خالص فنهله ابتسمت وهي باصه عليهم وتابعت بابتسامه كريم ماتيجي نقوم نرقص بليز
نيره بصتلها بضيق فكريم ابتسم وتابع يسلاام ده من غير بليز يعمري تعالي قومي وقام وقف ومسك ايديها فمشيت معاه وهي بتضحك وحطت ايديها حوالين رقبته وكريم حط ايديه على وسطها يرقصوا سلو
فنيره قلبها وجعها جدا والدموع اتجمعت في عينيها وبصت لابتسام اللي قاعده جنبها وتابعت شايفه تصرفات ابنك؟؟ ده منظر واحد حبني في يوم من الايام؟؟ بيحط ايديه على وسطها قدامي؟؟
ابتسام بابتسامه اهدي يانيره ولما نروح نتكلم يعمري
نيره بحده اهدى ايه؟؟ ده انا لو اطول اقوم اكسرله ايديه دلوقتي والله العظيم تلاته ما هتأخر علشان ده حقيقي انسان مترباش
ابتسام بضحك اخص عليكي وهيهون عليكي كريم؟
نيره بحده اه يهون همسكه اعجنه وامسك الحلوه بتاعته دي وانحلها الشعريتين اللي فرحانه بيهم دول
ابتسام فضلت تضحك بشده فتابعت نيره بضيق خليكي انتي اضحكي بس انا مش هستحمل الوضع ده وقامت وهي بتمسك فستانها وراحت عند نهله وكريم وتابعت بابتسامه معلش يا نونو ممكن تسبيلي اخويا شويه؟ متعودين انا وهو بنرقص كل مناسبه وكان مواعدني انهارده
كريم كتم ضحكه بالعافيه ونهله بصتلها بابتسامه وتابعت وماله ياستي ارقصي معاه وسابتهم ووقفت بعيد نسبيا
ونيره حطت ايديها حوالين رقبه كريم فكريم ابتسم بحب وحط ايديه على وسطها وتابع جنب ودنها: قولتلك ان حلاوتك زايده انهارده؟
نيره بصتله برفعه حاجب وتابعت جنب ودنه: لا مقولتش بس انا اللي عايزه اقولك اني مش هبله ومبيتاكلش بعقلي حلاوه
كريم ضحك ضحكه رجوليه خلته زايد وسامه فنيره بصتله وابتسمت بحب وسرحت في ضحكته فبصلها وتابع بضحك انا مباكلش بعقلك حلاوه على فكره انا بقول الحقيقه هعمل كده ليه؟
نيره بتنهيده مش يمكن لانك اتغيرت وبقيت تلمس بنات اجنبيه عنك؟
كريم بابتسامه مين اللي غريب يانيره دي خطيبتي
نيره بحده ايه خطيبتك دي مش فاهمه على اساس كاتبين الكتاب يعني ولا ايه؟؟
كريم بضحك لا طبعا بس برقص معاها زي ما برقص معاكي كده مفيش في نيتي حاجه ولا انتي بقي اللي حلال؟
نيره بحده انا غيرها يكريم ودي اخر مره اسمعك بتقارن بيني وبين اي حد عامه علشان انا تعبت من تصرفاتك دي ومبقتش عارفه افهمك حقيقي والدموع اتجمعت في عينيها بغزاره
كريم شاف تجمع الدموع في عينيها وتابع بقلق بس بس اهدي متعيطيش مالك في ايه تولع الدنيا كلهاا
نيره بدموع بطل تخليني اغير ممكن؟؟
كريم بابتسامه انتي بتغيري يانيره؟ ومسك كف ايديها لفها مع الاغنيه ورجعها تاني وهو بيحط ايديه على وسطها فبصتله وهي بتحط ايديها حوالين رقبته وتابعت بدموع فوق ماتتخيل
كريم بحب وماله ياستي مش هخليكي تغيري لان متخلقش ولا هيتخلق اللي نونتي تغير منه اصلا
نيره بصتله بوجع وتابعت كريم انت بجد هتتجوز نهله؟
كريم باستغراب اومال خاطبها نهزر؟
نيره قلبها وجعها وتابعت بتحبها؟
كريم بص لعينيها وتابع بهيام بموت فيها
نيره جاهدت متنزلش دموعها وتابعت ربنا يسعدكم يحبيبي بس ياريت متتغيرش عليا ومكانتي تفضل زي ماهي ها
كريم بحب زي ماهي واكتر يعمري هي دي فيها كلام
نيره حست انها نفسها تعيط فتابعت الاغنيه فاضلها كتير؟
كريم رايح يتكلم فجات نهله وتابعت بحب ممكن تسيبهولي شويه بقى؟
نيره هزت راسها بماشي كأنها ماصدقت ومشيت وهي بتمنع دموعها بالعافيه وطلعت على برا ومالك شافها لانه متابع الموقف فحط علي على رجل سلمى وقام خرج وراها لقاها بتعيط وصوت عياطها صعب جدا فاتخض عليها وراح مسك دراعها وتابع بخوف مالك يانيرره في اييه
نيره شافته اتصدمت وتابعت بدموع وتوتر ابدا مفيش حاجه يحبيبي انا زعلانه ان حبيبه هتمشي بس
مالك برفعه حاجب عليا انا الشويتين دول؟
نيره بعياط انا بكدب بصراحه وتعبانه اوي يمالك وقلبي واجعني
مالك اتوجع من شكل عياطها ومسح دموعها وباس جبينها وتابع بوجع: طلما بتحبيه يانيره تعبتيه وتعبتي نفسك من الاول ليه؟؟
نيره اتصدمت وبصتله وتابعت بتوتر ودموع انت ..انت قصدك ايه انا
مالك بابتسامه قصدي انتي فهماه كويس وحط ايديه على خدها يمسح دموعها وتابع واخد بالي انك اضايقتي من رقصه مع نهله وغيرتي
نيره بدموع ووجع انا اه رفضته زمان بس والله ندمت وبحبه وعيطت بانهيار وتابعت بحبه اوي والبيه ماصدق رفضته وراح خطب ومسمي نفسه بيحبني بجد قال
مالك بحب وولا عمره هيعرف يعوض ضافرك يابت انتي هبله ولا متعرفيش قيمه نفسك؟
نيره بدموع مش ده الواضح ابدا يا مالك وصدقني انا حاولت كتير اقرب منه وببقى بتكلم بثقه ان لسه بيحبني انا بس هو كل مره مبيفشلش يثبتلي العكس
مالك بابتسامه طب اهدي طيب وامسحي دموعك دي وتعالي ندخل علشان محدش ياخد باله وهنتكلم في الموضوع ده لما اجيلك البيت دموعك غاليه ومحبهاش تنزل لاي سبب ومسحهم
نيره بحب يارب يديمك ليا يحبيبي بجد
مالك بحب ويديمك ليا يعمري وابتسم وتابع وتعالي هنرقص انا وانتي ونغيظ ابن الكلاب ده الحلوه اللي معاه مش احسن منك يعني
نيره ضحكت من بين دموعها وتابعت ماشي يلا بينا هظبط الميكاب بس وجيالك
مالك بحب اتفقنا
وبالفعل دخلوا ومالك راح لسلمى ووطى همس جنب ودنها: حبيبتي بستأذنك هرقص شويه مع نيره علشان عيطت من تصرفات كريم ها
سلمى فرحت من جواها انه استأدنها الاول مع انها بنت عمو وزي اخته عادي بس هو بص لمشاعرها وحب يعرفها الاول فابتسمت وتابعت ماشي يعمري
مالك ابتسم بحب وباس راسها بعمق ونيره جات وتابعت بابتسامه يلا يا لوكا
مالك بحب يلا يقلب لوكا
علي الاب بضحك واخد البت ورايح فين يالا
مالك بضحك اختي ورايح ارقص معاها اقعد انت شوف اللي قاعده بتعيط جنبك دي بس وسيبلي انا البت
علي بتنهيده تعبت والله يا مالك هي الحريم الفهم عندهم بعافيه
مالك فضل بضحك فتابعت هاله بعياط لا والله؟! ده والله انت اللي مبتحسش البت هتغيب عننا 3 شهور يعلي وانت بنسبالك عادي كده!!
علي ضرب كف وفي كف وتابع بحده يهااله هي هتتحبس 3 شهور!! دي اتجوزت يحبيبتي وربنا يسعدها ويفرح قلبها ونشوف عيالها يارب ومسافره مع جوزها وهترجع تاني والله
هاله بعياط لا يعلي لا مش هعرف اعيش من غير واحده فيهم اسبوع مش تقولي 3 شهور
علي بضيق انا والله ماشي بعلاج مش ناقصك روح يا مالك روح شوف هتعملوا ايه يا ابني سيبك منها
مالك فضل يضحك وتابع المشكله فضلت تكفر في اهلهم وعايزه تجوزهم ولما واحده اتجوزت خربت الدنيا اهو
علي شاور بايديه بمعنى "مجنونه" فهاله شافته وزغدته بايديها فتاوه بوجع فمالك فضل يضحك بشده وتابع لا والله انتوا فظاع بجد وخد نيره ومشي بيها راحو وقفوا على الاستيدج جنب علي وحبيبه وحط ايديه على وسطها وهي لفت ايديها على رقبته وبقيوا يرقصوا سوا وكريم شافهم فاتعصب جدا وحاول ميبينيش
وعلي خد باله من الموقف فهمس جنب ودن حبيبه وهما بيرقصوا سلو : الظاهر ان ابن اختي هيتيتم قريب
حبيبه فضلت تضحك وتابعت بس يعلي بعيد الشر عنه اخص عليك
علي بضحك انا بقولك اللي هيحصل والله ده كريم باصصله هيموت ويقسمه نصين ده اخويا وانا عارفه
حبيبه بضحك واخده بالي بس كريم يستاهل ماهو اللي حرق دمها الاول
علي بضحك فيقوم مالك يردها !! ده هيطلع عين اهله انهارده قسما بالله
حبيبه فضلت تضحك فتابع علي بضيق ما تيلا انتي كمان اخلصي اغنيه بارده صحيح
حبيبه فضلت تضحك وتابعت يعلي علشان خاطري اتربي
علي بضحك انسيي ..ولا اقولك سيبك من النسيان انا عايزك تفقدي الذاكره ومتبقيش فاهمه يعني ايه تربيه اصلا
حبيبه فضلت تضحك
وعند كريم كان متعصب جدا فتابع نهله خلاص مش لازم نكملها للاخر
فنهله هزت راسها بماشي وبعدت عنه وكريم بص على ايد مالك اللي بتلف نيره وهو بيرقص معاها ففستانها اتنفش فاتعصب جدا وخرج لبرا وولع سجاير ونفخ دخانها بعصبيه فحسن خرجله وهو بيضحك وتابع اهدى اهدى بس حقك عليا انا يكبير
كريم بحده ادخل جوه ياحسن وسيبني في حالي
حسن بضحك ادخل جوه مين ده انا شامم ريحه الشياط من على بعد 100 كيلو فجيت اطفيك
كريم نفخ دخان السجاير بعصبيه وتابع علشاان مالك عارف كل حاجه وبيستعبط وعايزها تردلي الموقف
حسن بضحك اخوها يكريم متدقش مانت لو حضنت اسراء مش هقدر افتح بوقي
كريم بعصبيه اسرااء دي بنت من بناتي انا اللي مربيهاا انما هو يعرف نيره بقااله قد ايه مش فاهم ؟؟
حسن بضحك يحبيبي ماهي بنت عمو بردو فمش هتفرق العشره في بينهم دم واخوه
كريم بعصبيه بلا دم بلا اخوه انا اشوف وشه بس
مالك من وراه بضحك هتعمل ايه يعني ياالا انت
كريم لف شافه وتابع بعصبيه ده انا هطلع عين اهلك وراح مسك جاكت بدلته وتابع بعصبيه انت بتطااوعها يا ماالك؟؟ رايح ترقص معاها وتحرقواا دمي؟؟ على اساس اييه وبنت عمك هي اللي غلطانه في حقي ومطفحاني الدم؟؟
مالك بضحك الله وانت مالك ببنت عمي مش انت خاطب ياعم انت؟؟
كريم بعصبيه ماالك متعصبنيش ما كلكم عارفين انها لعبه خاطب ايه وزفت ايه هو انا عارف احب غيرهاا اللي ذلتني وجابتني الارض دي؟
مالك بابتسامه بس هي متعرفش انها لعبه وعيطت بسببك يا بيه فانا علشان اهون عنها عملت كده ..سيبك من الغيره يكريم لان دي اختي بس فعلا كانت منهاره فكنت لازم اتدخل
كريم اتصدم وتابع هي عيطت؟
مالك بتنهيده انهارت مش عيطت بس ونيره بتحبك يكريم ..كفايه ابوس ايدك لحد كده لانها فكراك ماصدقت ترفضك فروحت خطبت ومش مقتنعه انك بتحبها
كريم تنهد بوجع وتابع علشان غبيه.. غبيه وعمري ماشوفت ولا هشوف اغبى منها ورجع خصلات شعره لورا بايديه وتنهد بعمق
فحسن بصله وتابع قولها قريب يكريم نيره استوت بما في الكفايه
كريم بسخريه انا مجتش عليهاا زي مانتوا فاهمين ياحسن لانها رغم خطوبتي بردو معترفتش لنفسها انها بتحبني بجد غير من 6 شهور بس ..وقالت لامي كده فـ دي متعذبتش في بعدي السنتين زي مانا اتعذبت ولا حاجه
مالك بحزن حقك عليا المهم متضيعوش اللي جاي بقى
كريم بوجع كله على الله يا ابو علي
ومالك رايح يتكلم لقيوا علي وحبيبه خارجين والبنات بتزغرط وراهم ووقفوا والناس بتيجي تسلم عليهم فتابع بتنهيده طب يلا دلوقتي ونكمل كلامنا بعدين
وبالفعل راحو ناحيتهم ووقفوا معاهم واللواء جيه وسلم على علي وتابع بابتسامه مليون مبروك ياحضره الظابط عقبال الباشا الصغير
علي بابتسامه الله يبارك فيك يافندم عقباال ماتفرح بـ إيلي يارب
مراد بضحك يارب يسيدي ونحصلكم بقى
علي بضحك باذن الله يحبيبي
إيلين تنهدت بوجع وسكتت
فتابع كامل بحب مبروك يحبيبه فرحانلك كأنك إيلين والله يابنتي
حبيبه بابتسامه الله يبارك فيك يا انكل يارب يخليك لينا
إيلين حضنت حبيبه وتابعت بحب مليون مبروك يقلب اختك
حبيبه ابتسمت وهي بتحضنها وتابعت عقبال ما اشوفك فرحانه ومبسوطه ينورعيني
وعصام خرج من القاعه وهو شايل يزن ورفيده ماسكه في دراعه ومشي من جنبهم كأنه مش شايفهم فرفيده استغربت وتابعت غريبه!! مسلمتش على اخوك وباركتله ليه يعصام؟
عصام بتنهيده مش لازم
ورايح يخرج لبرا ناحيه عربيته فلقى حد مسك دراعه اللي شايل بيه يزن فبيبص لقاها رانيا فبصتله بخذلان وتابعت يعني مسلمتش على اخوك؟!
عصام تنهد بوجع وتابع انا وانتي عارفين انه مش هيفرح لو عملت كده وده كمان عريس فبلاش حاجه تضايقه انهارده بالذات
رانيا تنهدت بوجع وتابعت لينا كلام كتير اوي مع بعض لازم نتكلم فيه لان مش اخوك بس اللي غضبان عليك بس مش وقته دلوقتي يعصام
عصام تنهد بقهر وتابع حاضر يما ووطى باس ايديها ودموعه نزلت ورفع وشه بصلها وتابع بوجع انا همشي عايزه حاجه؟
رانيا حطت ايديها على خده وتابعت بوجع ودموع: عايزه اسمع عنك كل خير يعصام ..عايزاك زي ما معتبرني امك كده وبتقولي يما متوجعش قلب امك عليك اكتر من كده يا ابني
عصام ابتسم بوجع وتابع صدقيني بحاول
رانيا بدموع وهتفضل تحاول لحد ماتبقى زي قاسم وعلي ده الدم اللي بيجري في عروقك مهما افعالك عملت العكس
عصام ابتسم بوجع وتابع هبقى اجيلك ونتكلم
رانيا بدموع هستناك
فعصام هز راسه بماشي ومشي وهو ماسك ايد رفيده وشايل يزن فتابعت بصدمه: هي مرات ابوك عرفت انك بتدمن مش كده؟
عصام تنهد وتابع بحده خليكي في حالك يا رفيده ووصل عند العربيه وفتحها وركب
رفيده ركبت جنبه وتابعت بحده في ايه ياخي هو السؤال حرام بتطمن عادي
عصام بحده لا متطمنيش معتقدش هتفرق معاكي بحاجه
فرفيده نفخت بضيق وبصت للشباك وسكتت ومشيوا
-
وبعد شويه عند علي كانوا وصلوا وكريم دخل شارعهم والشباب كانوا عاملين زفه قدام العماره بتاعته وماسكين شماريخ فعلي شافهم وهو قاعد مكانه فبص بذهول وتابع بضحك ينهاار اسود ومنيلل هو انا مش قاايل عاايز اطلع شقتي في صمتت !! ايه اللي بيهببواا ده الله يخربيتوكم هو محدش اتجوز في البلد غيرري ولا اييه !!
كريم فضل يضحك بشده وتابع الحق عليهم بيعملولك قلق يعني
علي بضحك يسيدي انا مش عاايز قلق ولا زفت انا عاايز اطلع شقتيي يحول الله ياارب
حبيبه بحرج ممكن تبطل قله ادب شويه؟
علي بضحك يابنتي فهمتي ايه انا عايز اخد شاور اتحررت من البدله الله
حبيبه ضربت كتفه وتابعت بضيق اتحررت في شهر10 اه وماله
فعلي فضل يضحك وتابع هنزل افض الليله دي خليكي في العربيه لحسن النار تمسك في فستانك ومنلاقيش ترعه تطفيكي زي نوسه في الفيلم ماهي ليله باينه من اولها اتحسدنا ومش عارف اوصل باب شقتي
فكلهم فضلوا يضحكوا فعلي ضحك وتابع انتوا فاكريني بهزر !! اقسم بالله ابدا انا كان حلمي اتجوزها ..دلوقتي حلمي اوصل باب شقتي
كريم بضحك دلوقتي حلمك تتجوزها بجد
علي فضل يضحك وتابع فهمان اقسم بالله
حبيبه بحرج حقيقي انتوا الاتنين متربتوش
فكلهم فضلوا يضحكوا وعلي نزل وقف مع الشباب وشكرهم وحبيبه شيفاهم من العربيه وشويه وراح فتحلها باب العربيه ومدلها ايديه وتابع بحب يلا يعمري هاتي ايدك
حبيبه ابتسمت بحب ومسكت ايديه ونزلها من العربيه وخرج فستانها ومشي بيها والبنات كانت عماله تزغرطلهم فتابعت رانيا بفرح روحي يابت يا اسراء هاتي كوبايه اللبن لاخوكي ومراته
علي مسح على وشه بضيق وتابع لبن ايه يماا على المسا اوعي طلعينا في الليله السودا دي
رانيا بضحك ماتهدى يواد دي عاده عندنا في البلد تشرب لبن قبل ماتطلع شقتك كده علشان ليلتك تبقى بيضه
علي بضحك باماره ايه طيب؟؟ هو انتوا راضين تسيبوني انهارده؟؟ ده هي ليله سودا من اولها
فكلهم فضلوا يضحكوا بشده وحبيبه اتكسفت وضربت دراعه ففضل يضحك وتابع اعملهم ايه طيب ما خرجوا الواحد عن شعوره
اسيا بضحك هنطلعك يعريس اهدى على نفسك شويه
علي بضحك انا هادي يحبيبتي بس منمتش امبارح الليل كله وعايز اطلع اريح تعبت وربنا
حسن بضحك لا يغالي من غير حلفان ماحنا عارفين انك تعبت اوي
فكلهم فضلوا يضحكوا فتابع علي بضحك ماشي يحيوان يا ابن الكلب انت افوقلك بس
فارس بضحك ايوه لما تفوقله متعكرش مزاجك دلوقتي
علي فضل يضحك فتابعت حبيبه بهمس وحرج: انت لو مطلعتنيش دلوقتي هطلع لوحدي والله
علي بضحك حاضر والله ذنبي ايه انا طيب هو انا اللي موقفنا؟
اسراء نزلت بالكوبايه وتابعت بلهفه اهو يا ماما امسكي
فرانيا خدتها منها واديتها لعلي فتابع بضيق مش عارف انا ايه الكلام الفاضي ده واللي مبيحبش اللبن طيب؟
رانيا بضحك خد بوق يواد واتلم يلا
علي بضحك طيب خلينا نخلص على الله ميكونش في فقره الساحر بعد كوبايه اللبن فكلهم فضلوا يضحكوا فعلي مسك الكوبايه شرب بضيق ووجها ناحيه حبيبه فشربت من ايديه فمسح شفايفها بايده التانيه ووجهه الكوبايه لرانيا فابتسمت وتابعت يلا اطلع بعروستك المفتاح اهو
علي بفرح يفرج الله اخيراا جات الفقره اللي الواحد مستنيها في ام اليوم ده وخد منها المفتاح وتابع يلا يا بيبه
حسن بضحك لا يلا يا بيبه ايه انت عاملنا فيها ظابط ونجوم ونسور ومعرفش ايه وهتطلع البت على رجليها؟!! مايجي على العضلات
علي فضل يضحك وتابع يسيدي وماله نشيلها ووطى شال حبيبه بين ايديه زي الفراشه ووقف من غير ماضهره ينحنى فكلهم فضلوا يسقفواا وفرحانين بيهم فتايع فارس بضحك ايوو يا علووه
حسن فضل يسقف وتابع بضحك ايه ياعم الجمال ده شوف ضهره مفرود ازاي انا هطلع اخد الحمام انت مش محتاجه
فكلهم فضلوا يضحكو بشده وحبيبه لفت ايديها حوالين رقبته وخبت وشها في صدره وتابعت بهمس علي انا مكسوفه اوي
علي فضل يضحك وتابع طالعين اهو يعمري ومشي بيها يطلع السلالم وكلهم بيصفروا ويسقفولهم وفرحانين بيهم اوي ومع طلوع علي لخطوات السلم الصوت بيقل تدريجيا فبصلها بحب وتابع اللي يتكسف اللي بيعمل حاجه حرام انما انتي طالعه مع جوزك قدام الدنيا كلها يعني مفروض ترفعي راسك
حبيبه بحرج بابا ومالك وكريم واقفين فمش عارفه احط عيني في عينهم
علي بضحك الله هو احنا لسه عملنا حاجه للكلام ده؟!
حبيبه ضربته في صدره بحرج ففضل يضحك وتابع خلاص والله هسكت خالص
حبيبه بضحك ايوه شاطر
علي بضحك هفعل بس
حبيبه بضحك يووه يعلي بقى
فعلي ضحك ووصل عند شقتهم فنزلها قدام الباب وتابع بحب استني افتح وبالفعل فتح الباب وتابع ادخلي يعمري
حبيبه ابتسمت ودخلت وعلي دخل وقفل الباب وعلق المفاتيح وراح حضنها من ضهرها وباس خدها وتابع نورتي بيتك يعروسه
حبيبه لفتله وتابعت بحب منور بصاحبه ينن عين العروسه
علي ابتسم وحط ايديه على خدها وتابع مش مستوعب ان كل الصعب عدا وادينا بقينا في بيت واحد وقفلنا ام الباب ده علينا اخيرا
حبيبه ابتسمت والدموع متجمعه في عينيها وتابعت مش قادره اوصف غير ان جوايا فرحه وامتنان لربنا لا يوصفوا انه قدرنا ووصلنا لهنا.. اني اجي بيتك واكون مراتك ده حلم عشت احلم بيه عمري كله
علي وهو بيقلع جاكت بدلته تابع بابتسامه طب ايه مش ناويه نكمله؟
حبيبه فضلت تضحك وتابعت علي احترم نفسك كده واهدى احنا لسه داخلين هاا
علي رمى الجاكت على جنب وتابع بضحك مانا عارف يعمري هو حد قال كل حاجه دلوقتي ده لسه السهره صباحي وشد وسطها ليه وتابع بس نبدا بأي حاجه كده
حبيبه بتوتر مش هقولك اتلم علشان اتفقنا بس بليز سيبني
علي سند جبينه على جبينها وتابع بحب اسيب مين ده انا ماصدقت قسما بالله ووطى باس رقبتها برقه فانفاسه جات على رقبتها ووترتها وجسمها ارتعش وعينيها انكمشت وهي مغمضه وتابعت عليي
علي بصلها وباس خدها وتابع ايه يعيون علي
حبيبه بتوتر ابعد كده بس خليني اعرف اتنفس انت وترتني
علي بضحك يحبيبه متعصبيش ام الواحد بقى هببت ايه انا لكل ده
حبيبه بلهفه ابعد بس احنا اصلا نسينا نعمل التيك توك اللي مستنياه عمري ده كله
علي بصلها بضيق وتابع تيك توك ايه وزفت ايه اللي بتبعديني علشانه يحبيبه هو احنا فاضيين للكلام الفاضي ده!!
حبيبه بتوتر تعالى بس نعمله والنبي وعينيا ليك بعدها
علي مسح بايديه على وشه وتنهد بعمق وتابع ايه هو التيك توك اللي عايزه تعمليه يحبيبه فهميني علشان نخلص في ام الليله السودا دي
حبيبه بضحك بص يسيدي احنا هنطلع ونقفل الباب ونشغل الاغنيه بتاعه الدار امان دي واحنا بنفتح ونتصور في المرايا دي وخلاص
علي بتحذير ده وخلاص يحبيبه ها؟
حبيبه بابتسامه اه والله ده وخلاص يلا وراحت فتحت باب شقتهم وخرجت فعلي خرج وراها وتابع بتنهيده لا حول ولا قوه الا بالله وقفل الباب وتابع يلا شغليه
حبيبه شهقت وتابعت اشغل ايه يعلي؟؟ يعلي فين جاكت بدلتك يعلي فين الواقعيه يعني لما نتصور في المراياا
علي مسح على وشه بضيق وتابع ياستي قلعت على السلم عريس وفرحان يلاا صوري بلا واقعيه بلا ملوخيه مش ناقصين كلام فاضي على المسا
حبيبه بتمثيل حزن : كلام فاضي!! تريند نفسي اعمله معاك بقى كلام فاضي يعلي؟!
علي بضيق لا ازاي اناا اللي ابن كلاب حقك على راسي وباس راسها وتابع هدخل اجيب جاكتي علشان الناس متقولش حاجه والواقعيه من عيني وفتح الباب ودخل يلبس الجاكت وحبيبه فضلت تضحك بشده وخرج وقفل الباب وتابع بحده اخلصي علشان هبتدي اقلب بجد
حبيبه بضحك طول بالك علياا يعلي علشان والله هتخوفني منك بالفستان وهروح لامي
علي وهو بيظبط الجاكت تابع برفعه حاجب ده عند امك عارفاها؟ مش كفايه الناس بتتجوز بياخدوا راحتهم وانتي حتت الجاكت اللي قلعته كبدايه وبقول بسم الله لبستهولي تاني؟
حبيبه فضلت تضحك وتابعت يلا بس هنصور اهو ومش هقولك حاجه تاني يسيدي والله
علي بضيق اخلصي
وبالفعل حبيبه شغلت الفيد وفتحت مع علي الباب ودخلوا ومشيوا لقدام المرايا فحط ايديه علي وسطها وباس خدها وقفلت الفيد فبصلها وتابع هاا اي حجج تانيه ياست حبيبه؟
حبيبه بضحك لا يقلب حبيبه كنت هقولك نتصور شويه بس خايفه منك
علي بابتسامه جدعه يعمري خافي ..احيانا الخوف بيبقي التصرف الصح
حبيبه فضلت تضحك وعلي راح قفل الباب وتابع يلا فداهيه ان شاء الله مش هنفتحه لحد بكره واحنا نازلين
حبيبه بضحك نعم وانت عايزني احط وشي في وشك انت بس انهارده اليوم كله؟
علي قلع جاكت بدلته ورماه علي جنب وراح شد وسطها ليه وتابع بحب ليه وانتي هتعوزي مين غيري من اللحظه دي اصلا؟
حبيبه حطت ايديها الاتنين علي خدوده وقربت منه وهمست هحتاج ايه من الدنيا والدنيا كلها بين ايديا يعلي؟؟ انا لو عشت معاك العمر كله في جزيره لوحدنا مش همل
علي بابتسامه معتقدش اننا لو قعدنا العمر كله في جزيره هنبقي لوحدنا
حبيبه ضيقت عينيها وتابعت بضحك ليه بقي مش فاهمه
علي بضحك هنجيب الـ8 عيال اللي بتتمنيهم ماحنا لوحدنا علطول بقي
حبيبه فضلت تضحك بشده وتابعت انت قليل الادب والله
علي بضحك هو انتي لسه شوفتي قله ادب وشدها ليه وتابع بحب عارفه انا اتمنيت انهارده قد ايه يحبيبه؟
حبيبه بصت في عينيه وتابعت عارفه ان مهما اتكلمت مش هتعرف توصف اتمنيت انهارده قد ايه
علي بحب يبقي فهمتي اللي عايز اقوله وشدها ليه ووطي باس رقبتها بعمق فحبيبه اتوترت وتابعت علي ..علي انا مغيرتش ها اوعي دلوقتي
علي بصلها بهيام وتابع فكل حالاتك مبهره ولسه رايحه تتكلم فقرب باسها بعمق وايديه بتقربها منه وحبيبه لفت ايديها حوالين رقبته وقربته ليها اكتر واتنفضوا لما الباب خبط فبعد عنها ورجع شعره لورا بايديه بضيق شديد وهو بياخد نفسه
حبيبه بتوتر شوفت علشان قولتلك اوعي دلوقتي
علي بضيق ادخلي اوضتك يحبيبه
حبيبه بتوتر حاضر وانت شوف مين بس امسح الروج ده الاول والنبي وشدت مناديل وبقيت تمسح الروج اللي في وشه
فعلي اتنهد بضيق وتابع حقيقي عالم معندهاش دم
حبيبه بتوتر طبيعي يعلي اكيد بيجيبوا الاكل ما ده متوقع انت اللي مستعجل
علي بصلها برفعه حاجب فبلعت ريقها بتوتر وتابعت انا داخله اوضتي ورفعت فستانها علشان تعرف تمشي كويس وعلي مسح علي وشه بضيق وراح فتح الباب فكانت اسراء شايله الصنيه وتابعت بضحك اسمع ان الاكل بيبقي الاول انت بقي موقفني بقالك ساعه بتعمل ايه يولا هاا ودخلت حطت الصنيه
فعلي فضل يضحك ومسكها من قفاها وتابع وانتي مال امك يقليله الربايه يحيوانه انتي هاا في واحده تقول لاخوها الكبير كده؟! ده انا معرفتش اربيكي دقيقه قسما بالله ومعترف
اسراء فضلت تضحك وتابعت الله مش انت اللي اتاخرت عليا يعلي ماتتلموا بقي ما طبيعي نشك فيكم انهارده يعني
علي بضحك ما تشكوا ولا تتنيلوا ولا تغوروا في ستين داهيه حتي دي مراتي ومحدش يقدر يفتح بوقه
اسراء بضحك حقك يابا منقدرش نتكلم
علي بضحك جدعه يلا بقي علي براا يقلب اخوكي وبلغيهم ان علي اتجوز واتغير وبقي جاحد علي اهله ومانع الزيارات ومسكها من قفاها خرجها برا
اسراء فضلت تضحك وتابعت اخص عليك يعلي الجواز غيرك من اول نص ساعه كده
علي بضحك ده من اول ثانيه يلا اتكلي يحبيبتي اتكلي ولو جايه ومعاكي لبن العصفور مش عايزو متخبطيش
اسراء فضلت تضحك وتابعت اومال ايه بقي بار باهلك ومش عاارف ايه ده انت هتمنعنا نيجي اهو
علي بضحك ده انا عاق ابن كلب مين قال بار ؟
اسراء فضلت تضحك بشده وتابعت ده حسن حالف يطلع ياخد منك حمامه ووالله ماسكاه بالعافيه مش راضي يتلم ومصمم يطلع بردو
علي بضحك لااا يطلع فين استني اديهالك واديهاله والله ما عايزهاا هي ناقصه حسن كماان وراح يجيب طبق واسراء فضلت تضحك فراح جاب الطبق وجيه فتح الصنيه وحط حماتين في الطبق وتايع امسكي اهو اتنين كمان مش واحده بس مشوفش وش امه
اسراء فضلت تضحك فحسن جيه من وراها وتابع بضحك متشوفش وش ام مين يصاحبي ؟ انا ؟ سرك وسندك اللي ياما طفحتني المرار معاك
علي فضل يضحك وتابع حبيب قلبي الغالي هو انا اقدر؟؟
حسن بضحك بعد اييه بقي انت هتعملهم علياا ماخلاص حبيبه نورت حياتك ومبقاش في غم وهم تقعد تحكيه لحسن
علي بضحك مين قاالك كده ده انا واخد عين جيباني الارض اهو ومكنتش عارف اوصل شقتي ودلوقتي مش عارف اوصل اوضتي فمتقلقش هشاركك المرار بردو بس دلوقتي خد خطيبتك واسحب الله يباركلك
اسراء فضلت تضحك بشده فتابع حسن بضحك اه يقلب اخوك انت صعبت عليا والله اوعي يا اسراء ندخل نتعشاا مع الراجل ويحكيلنا ده باين عليه شايل ومعبي وده صاحبي مقدرش اسيبه كده
اسراء فضلت تضحك فتابع علي بضحك لا ياعم سيبني سيبني بدل ما اسيب الدنيا انا وارحل في الليله السودا دي
اسراء فضلت تضحك فتابع حسن بضحك الله مش انت اللي بتقول شايل ومعبي؟
علي بضحك لا انت مش فااهم انت لو قعدت انا هشيل وهعبي اكترر
حسن بضحك يسيدي هتعشاا وهمشي بس والله
علي بضحك يسيدي انا شخصياا مش هتعشاا ده ايه الغُلب ده ياربي امشي يالاا امشي اكلك مع خطيبتك اهوو
اسراء فضلت تضحك فتابع حسن بضحك لالا اخص متوقعتهاش منك ياصاحبي المدام غيرتك علينا بدري اوي
علي بضحك مش لماا تسيبونيي في حالي علشان تشيل اللقب ده الاول يشيخ ارحموا اللي جابوناا بقي وقفل الباب
واسراء وحسن فضلوا يضحكوا بشده لدرجه عينيهم دمعت فتابعت من بين ضحكها لالا مش قادره بجد علي هيموتني
حسن من بين ضحكه: كتر الف خيره بردو شاف كتير الراجل فماصدق ففضلوا يضحكوا
وعلي راح اوضته وفتح الباب دخل لحبيبه لقاها قاعده زي ماهي بالفستان فابتسم وتابع مغيرتيش ليه كل ده؟
حبيبه بتنهيده مش عارفه افتحه كل ده يعلي؟
علي بضيق عالم بارده قسما بالله وابتسم وتابع بس متقلققش طردتهم محدش هيجي تاني خلاص
حبيبه فتحت عينيها بذهول وتابعت بضحك ينهار اسود طردت مين يعلي؟؟
علي بضيق اسود اكتر من كده يشيخه ارحمينا بقى ده في عين ديناصور بصالنا في اليوم انا مش عارف اتلم عليكي يحبيبه وبكره هنسافر
حبيبه بابتسامه طب فيها ايه لو أجلنا لبكره؟ انا بفكر معاك عادي والله
علي بتنهيده فيها ان انا حابب دخلتنا تبقي في شقتنا مش عايز ده يحصل برا ومعرفش هتفهميني ولالا بس اليوم ده بذكرياته عايزو يفضل هنا انما لو انتي مش حابه انهارده ده كلام تاني
حبيبه بلهفه لا طبعا انت بتقول ايه انا بفكر معاك عادي يعلي علشان فرهده اليوم
علي بابتسامه قومي بس الاول اساعدك تغيري الفستان ده وتاخدي شاور بعدين نشوف الموضوع ده
حبيبه بابتسامه اقعد شيلي الطرحه الاول
علي قعد جنبها وتابع بابتسامه يسلام بس كده ده من عيوني وبالفعل فضل يشيل البنص ويمسكها في ايديه لحد ما خلصهم وشال الطرحه وباس خدها وتابع شيلناها اهو قومي يلا
حبيبه ابتسمت وقامت وقفت فعلي راح حط البنص علي الكومود وعلق الطرحه وقلع جزمته وراح وقف وراها وابتدي يفك الرباط وتابع بابتسامه ادخلي خدي شاورك والبسي الاسدال علشان نصلي
حبيبه بابتسامه حاضر يحبيبي
علي فك اخر رباط وفتح السوسته وحضنها من ضهرها وتابع بحب اتفك خلاص وباس خدها بعمق وسند راسه علي كتفها وهو حاضنها من ضهرها ومغمض عينيه بارتياح فحبيبه وجهت راسها ناحيته وبصتله بحب وتابعت اه وهمشي ازاي كده؟
علي بصلها بحب وتابع هو لازم تمشي؟
حبيبه بضحك اخلص يعلي مش فاضيه لدلعك ده
علي بحب ده انتي مش هتفضي الايام الجايه غير لدلعي هنهزر ولا ايه
حبيبه قربت وشها من وشه وهمست بحب ده انا عيوني الاتنين ليك
علي فضل يضحك وتابع لا كده مش هنخلص روحي بس يلا خدي شاور وانا رايح الحمام التاني يلا بسرعه مش عايز استني ساعه هاا
حبيبه بضحك هتستني طبعاا ونزلت الفستان وخرجت منه وفضلت بطقم الكارينا توب وبرموده فعلي بصلها باعجاب شديد وصفر باعجاب وتابع يخربيت ابوكي يشيخه ايه ده!!
حبيبه بضحك احترم نفسك بقى مش كل ماتشوفني بيهم هتعمل كده وعلقت فستانها وتابعت اطلع برا يلا
علي قام مشي ناحيتها وهي بقيت ترجع لورا وتابعت بضحك علي اتلم يلا وروح خد شاور زي ما اتفقنا فعلي شد وسطها ليه فشهقت وفضلت تضحك وتابعت يعلي بقى
علي بصلها باعجاب شديد وتابع قلب علي وروح علي وعُمر علي كله
حبيبه بصتله بحب وتابعت ممكن تسيبني اخد شاور؟
علي بصلها بهيام وتابع اسيبك بعد ماشوفتك كده ازي يعني هو انا راجل اهبل؟
حبيبه بضحك سبق وسبتني عادي
علي بحب كنا في الاتيليه دلوقتي انتي مراتي وفي بيتي وفي اوضتي اسيبك ازاي بالله عليكي؟
حبيبه بصتله بنظره مليانه حب وحطت واحده من ايديها علي خده وتابعت بحب: عارف يعلي ..انا فضلت عمري كله مستنياك تحبني ربع ماحبيتك بس ..انما اللي انا فيه دلوقتي عدي كل اللي في خيالي.. ساعات بفتكر نفسي بحلم.. اصل ازاي؟ ازاي من متجوز بنت غيري وبعيد عني كل البعد ..لجوزي وحلالي واقرب حد ليا دلوقتي!! والدموع اتجمعت في عينيها وتابعت انا زمان كنت بترعش وبتوتر وبخاف منك لو ايدي لمست ايدك علشان عارفه ان انت ملتزم بس دلوقتي خلاص بقيت قريبه منك ومش بيفصل بينا حته تعدي الهوا وبقي ده العادي والطبيعي انت فاهم انا حاسه بايه؟؟
علي باس جبينها بعمق وحط ايديه علي خدها وتابع انا مش محتاج اكتر من اني اعمل فلاش باك صغير لزمان وارجع لدلوقتي علشان افهم احساسك ففاهمك يحبيبه وفاهمك فوق ماتتصوري ولما بقعد اسرح زيك كده وافتكر زمان مبستوعبش ازاي نصيبي كان قدام عيني وانا زي الغبي بضيع وقت مع حد تاني بس خلاص احنا في دلوقتي ودلوقتي بتاع حبيبه وعلي وبس
حبيبه ابتسمت من بين دموعها وتابعت اطلع بقي علشان خاطري عايزه افاجئك
علي بحب الاسدال الاول هاا متنسيش
حبيبه بحب حاضر والله وباست خده ودخلت الحمام وقفلت وعلي ابتسم وطلع هو كمان وشويه وخد شاور واتوضي ولبس بنطلون بيتي اسود وتيشرت نص ابيض وحضر السجاد والمصحف وقعد يستناها وبص للساعه وتابع ايه يحبيبه مش كده يحبيبتي
حبيبه فتحت باب الحمام وخرجت لابسه الاسدال وتابعت بابتسامه خلصت
علي بصلها بحب وتابع انتي عارفه ان شكلك بالحجاب تحفه فوق ماتتصوري؟
حبيبه ابتسامتها وسعت وتابعت هبتدي افكر فيه بجديه قريب ان شاء الله ادعيلي بالهدايه
علي بحب مبطلتش ولا هبطل ادعيلك بيه وركز في وشها وتابع حبيبه انتي شيلتي الميكاب من رموشك؟
حبيبه بضحك الميكاب من رموشي!! هو الميكاب كله بيتحط في رموشي يعلي؟!
علي بضحك مانا معرفش اسمها ايه اللي بتتحط دي حوراتكم كتير في الميكاب
حبيبه بحب مسكرا يحبيبي وشيلاها دي رموشي العاديه
علي بحب ما شاء الله اللهم بارك ده انتي متحطيش مسكرا
حبيبه ضحكت فتابع علي بضحك لا اول مره اركز فيهم وانتي مش حاطه ميكاب اومال بتحبي رموشي انا اكتر ازاي بقي ماحلوين اهم
حبيبه بحب رموشك احلي واطول بطل تواضع يولا
علي بضحك قلب الولا تعالي يلا اتوضيتي؟
حبيبه بحب اه وبالفعل راحت مع علي وصلي بيها وقرا قران وابتسمت بحب من جمال صوته اللي عاشت تستني تسمعه من بعيد علشان تقوم تصلي وتدعي يكون نصيبها اخيرا بقى معاها واقرب حد ليها وسامعه صوته في بيتهم فدموعها نزلت بفرح وهي بتشكر ربنا وكملوا صلاه وبعدين علي لف حط ايديه علي راسها يدعيلها وهي بصاله ومبتسمه والدموع في عينيها وشويه وخلصوا وقاموا يشيلوا السجاد والمصحف فتابع علي بحب حرما ينورعيني
حبيبه بحب جمعا يحبيبي
علي مسك ايديها باسها بحب وتابع اطلع واسيبك ولا اقعد عادي؟
حبيبه بحب الافضل اطلع علشان هعوز المرايا
علي بابتسامه مابلاش ميكاب يحبيبه انتي تحفه كده وعجباني والله
حبيبه بحب ده ميتسماش ميكاب هحط تنت بس اصلا انما هعوزها علشان اشوف نفسي واظبط شعري
علي بحب طيب هطلع انا وباس جبينها وطلع وحبيبه خدت نفسها بتوتر وتابعت اهبب ايه دلوقتي!! الله يخربيت الجواز على اللي عايزه تتجوز وحطت ايديها على قلبها وتابعت اهدي يحبيبه اهدي بلاش افوره ده علي انتي بس متبقيش رخمه والدنيا هتبقى زي الفل هو بيحبك ومستحيل يضايقك ريلكس ياروحي ريلكس وبصت للمرايا وتابعت انا اتجننت اه والله اتجننت ودخلت فتحت الدولاب في الدريسنج وتابعت بتوتر والله كله لبس ميتلبسش بس معلش قدر الله وما شاء فعل مضطره البس منهم مش قدامي حل تاني وطلعت لانجيري ابيض اللي اشتريته ليوم فرحهم ولبسته وكان ستان حماله ومقور من عند الصدر بفتحه كبيره وضيق على الصدر وواسع لتحت وطوله لحد قبل الركبه وفوقه روب كم شفاف فبصت لنفسها كانت مبهره فاتوترت وتابعت يخربيت كده ده انا بنت واعجبت بنفسي البس بيجامه احسن ولا اعمل ايه؟! وتنهدت بعمق وتابعت بس تخلف ده علي ايه الهبل ده هتستخبى من علي يحبيبه اتجننتي!! انا هخرج واللي يحصل يحصل عادي ده نورعيوني براحته وخرجت من الدريسنج وقعدت قدام التسريحه حطت تنت احمر هادي على خدودها وشفايفها ومسكرا شفافه فردت رموشها اكتر بس ورشت برفيوم وسرحت شعرها وسابته وراها بطول ضهرها وتابعت بس كده زي الفل وعلت نبره صوتها وتابعت عليي
علي من برا: ايه يا بيبه اجي؟
حبيبه بحب اه يحبيبي
علي راح بحماس وهو مبتسم وفتح الباب فقامت وقفت لما شافته فانبهر بيها وفضل باصصلها وساكت فضحكت وتابعت اييه في اييه مفيش راي؟؟
علي بذهول اقول رايي في مين؟ فيكي؟ انا لو قولت رايي هبقى بظلمك بالكلام علشان انا ساكت بدور على كلام يوصف مش لاقي
حبيبه ضحكت وتابعت يعيوني انت
علي ضحك وتابع لا بجد ايه ده!! ومسك ايديها لفها وتابع يخربيت حلاوه امك يشيخه
حبيبه بضحك كل ده علشان لابسه قصير ومفتوح ده انت مشوفتش ربايه والله
علي بضحك قصير ومفتوح ايه ده انتي لو لبستي شوال هتغريني بردو والله السر في حبيبه مش في لبسها
حبيبه لفت ايديها حوالين رقبته وتابعت بحب وانت بقى بتضعف عند حبيبه؟
علي شد وسطها وتابع بهيام اوي ..ده انا ببقى اضعف واحد في الدنيا
حبيبه فضلت تضحك وتابعت طب اوعا بس كده علشان انا اتوترت وجرعه الشجاعه خلصت سيبني اخد وقتي
علي بحب يسلام يعمري ده انا معاكي ميحصلش بينا اي حاجه وموافق استناكي من دقيقه لعشر دقايق بحالهم
حبيبه فضلت تضحك وتابعت علي مبهزرش بجد الغي ونشوف الموضوع ده بكره قلبي هيقف
علي بضحك ده انتي اللي بتهزري قسما بالله انا مش عايز افوق عليكي يحبيبه هاا اتلمي وعدي ليلتك قولتلك هستنى من دقيقه لعشره يلا معاكي وقتك
حبيبه بضحك نعمم اعمل بيهم ايه دول؟؟
علي بضحك حلووين احمدي ربك انا كنت قاعد بعد الدقايق في القاعه فالعشر دقايق كتير بنسبالي
حبيبه بضحك لا خليهوملك احنا مبنشحتش انا عايزه بكره
علي بحب لا بكره مين قلبك ابيض ..بكره الاعاده
حبيبه شهقت وتابعت بضحك اعاده ايه يعلي نهارك اسود؟
علي بضحك اعاده مسلسل الاسطوره على mbcمصر يقلبي عارفك بتحبيه مالك في ايه
حبيبه فضلت تضحك بشده وتابعت عارف انا هطاوعك تدري ليش؟
علي بضحك ليش يجلبي
حبيبه بضحك لانك هتتعبني معاك في المناهده وبردو هتعمل اللي في دماغك فخليني اوافق قبل ما افقد طاقتي في المناهده
علي بتنهيده لا لحظه هو انتي فعلا رافضه انهارده؟
حبيبه بذهول ينهار ازرق ده احنا اتنشينا عين صحيح علي والنبي متقلبش وشك انا بهزر
علي بتنهيده اصل مينفعش اكون انا بس اللي عايزك مش هتقبلها
حبيبه فتحت عينيها بذهول وتابعت مالك يعلي انت بس مين؟! اشحال مش كنت بتمنى اليوم ده زيك واكتر!! انا متوتره فبنكشك يحبيبي مش بتكلم جد
علي تنهد وتابع حبيبه ريحيني انتي بجد مستعده؟ صدقيني لو انتي عايزه تنامي خلاص سيبك من كل اللهفه والكلام اللي قولته وهعملك اللي انتي عايزاه
حبيبه لفت ايديها حوالين رقبته ووقفت على اطراف صوابعها وقربت باسته برقه وهمست انا كل اللي عايزاه دلوقتي اني احقق اخر حاجه اتمنيتها وابقي مراتك بجد يعلي
علي ابتسم من كلمتها وحط واحده من ايديه على خدها وقرب باسها بعمق وايديه بتعدي عليها وتقربها منه اكتر وهي حاطه ايديها حوالين رقبته ومتجاوبه معاه بحب فلما لاحظ تجاوبها اتشجع يقرب اكتر ومد ايديه نزل روبها وقعه على الارض فاهي رفعت ايديها تاني لفتها حوالين رقبته وهي بتبوسه بعمق ونزلت ايديها ترفع تيشرته فعلي بعد عنها ثواني قلعه ورماه على جنب وشد وسطها ليه وقرب باسها تاني ودقايق وشالها بين ايديه وهي لافه ايديها حوالين رقبته وحطها على السرير بهدوء وقرب باسها بعمق وايديها بتقربه اكتر وبتتفاعل معاه بحب
-
تاني يوم الصبح عند اسيا كانت واقفه بتحضر الفطار علشان زياد وشهد جايين يفطروا معاهم
تولين دخلتلها وتابعت بحماس مامي هي تيته جايه مع عمو؟
اسيا بحب لا يعمري تيته تعبانه شويه هنبقى نروحلها احنا المهم لميتي الالعاب بتاعت ليلو اللي في الصاله زي ماقولتلك؟
تولين بحب اه وكنستها كمان
اسيا بحب ياروحي ياناس على بنتي الشطوره ووطت باست خدها فتولين فرحت وتابعت هروح البس البيجامه البينك واجهز علشان لما عمو يجي اكون حلوه
اسيا بضحك روحي يعمري ولبسي لولا زيك
تولين بحب حاضر ومشيت فاسيا ابتسمت وكملت تعمل الاكل وبعد شويه لفت تجيب حاجه من التلاجه فشهقت بخضه لما خبطت في صدر فارس العريض وتابعت بضحك حرام عليك يفارس خضتني
فارس حط ايديه على وسطها وتابع بضحك سلامتك من الخضه يعيون فارس ووطى باس خدها وتابع مصحتنيش اساعدك ليه بدل ماتعملي كل ده لوحدك؟
اسيا بحب خلاص يحبيبي انا قربت اخلص روح انت بس خد شاور لحد ما الاكل يجهز وزياد يجي
فارس بغمز ماتيجي قبل الشاور عايزك في كلمتين
اسيا بضحك مش عايزه اعرفهم حفظااهم وسيبني في حالي لسه خارجه من الشاور وشعري منشفش
فارس بضحك اخص على اللي ربوكي مش عايز من وشك حاجه
اسيا بضحك فارس الراجل جااي وبناتك صاحيين مش وقتك وبعدين علي اللي عريس مش انت هاا
فارس بضحك احنا كرجاله لما واحد بيفرح بنفرح كلنا معاه من اول وجديد انتي ايه مزعلك بقى؟
اسيا فضلت تضحك وتابعت انتوا كرجاله مشفتوش ربايه والله روح خد الشاور اخلص ولفت تقلب الاكل
ففارس باس خدها ومشي وهي ابتسمت وشويه ونده عليها وتابع اسياا
اسيا من برا : نعم يحبيبي
فارس بحب تعالي ثواني
اسيا طفت النار ودخلتله الحمام وتابعت ايه يفارس
فارس كان واقف جوه الكبينه فمد ايديه وتابع هاتيلي الشاور من على الرف علشان مغمض عيني من الشامبو وحطيلي الفوطه علشان نسيتها
اسيا بضحك 100 مره اقولك تتلم وتاخد حاجتك قبل ماتدخل وراحت جابت الفوطه وحطيتها ومسكت الشاور ومديته ليه وتابعت بضحك امسك بس وغلاوه اسياا اتلم ومتشدنيش انا ولا مستعده اتكسف ولا مستعده اتغرق وفي ناس جايه
فارس فضل يضحك وخد الشاور منها وتابع انا صلا بتكسف ومبحبش حد يشاركني الشاور بتاعي ومكنتش هشدك يحبيبتي
اسيا فضلت تضحك وتابعت ايوه علي يدي يحبيبي مانا عارفه قد ايه انت خجول
فارس بضحك ايوه انا فعلا خجول
اسيا فضلت تضحك وتابعت يعني مش علشان انا قولتلك وغلاوتي متشدنيش؟؟ تؤ تؤ انت خجول فخليك ثابت على مبدائك هاا يارب دايما خجول كده يعمري وطلعت وقفلت الباب ففارس ضحك وتابع بنت كلب والله وكمل الشاور
وشويه واسيا لبست الدريس والطرحه علشان لما زياد يجي وفونها رن برقم هي عارفاه فبصت للفون واتوترت وراحت عند الحمام سمعت صوت الدش شغال فاطمنت انه لسه مخلصش ودخلت البلكونه وردت وتابعت الو
-حاضر انا قولت اني هفكر
-لا مش اساسي طبعا وبعدين انهارده الجمعه وفارس قاعد من شغله خليها في يوم وسط الاسبوع
-هقرر وهقولك ومتتصلش بيا تاني انا لما اعرف اتكلم هرن من نفسي علشان فارس لو عرف فيها موتي والله العظيم
-
عند ادهم كان قاعد في اوضه اربع حيطان تشبه السجن ودقنه طويله جدا وباين عليه الارهاق وايديه متسلسله بجنزير في الحيطه وشكله صعب وتعبان ففضل يكح وتابع بصوت متعب : عايز مايه ومشي بتعب وهو بيزحف على الارض وراح عند الباب الحديد المقفول عليه وضرب ضربات ضعيفه برجله وتابع بتعب مخلوط بحده: انتوا يبهايم ياللي براا عايز مايه ومش قادر جسمي سخن وتعباان
احد الرجال بحده بقولك ايه متقرفناش معندناش اوامر نرد عليك
ادهم بلع ريقه بتعب وتابع وهو بيغمض بصوت ضعيف ومتعب: هاتلي حنين وابتدي ينهج وتابع قول لحنين اد هم عا يزك
الراجل بحده مش هعرف اقولها طبعا انت اتجننت بس لو هي جات قدامي هخليها تدخلك
ادهم بتعب :حرام عليك ..ابوس ايدك قولها وصوته ابتدي ينخفض فسند راسه علي الحيط وهو بياخد نفسه بالعافيه وغمض بتعب واغمي عليه وهو بيستسلم للواقع
-
عند رفيده كانت راكبه عربيتها وفونها رن
رفيده بتنهيده ايوه يعصام
عصام انتي نزلتي شغلك ولا روحتي فين؟
رفيده اه رايحه الشغل بس عايزني بدري انهارده
عصام ويزن فين؟
رفيده نايم مع جريس في اوضتها متقلقش
عصام تمام يارفيده باي
وقفلت معاه وشويه ووقفت تحت عماره ونزلت وطلعت الدور الـ3 وخطبت ففتحتلها بنوته20 سنه فتنهدت وتابعت هي فين؟
البنت بتوتر جوه ياهانم
رفيده دخلت لقيت بنت عمرها نفس عُمر يزن بتلعب بالالعاب فابتسمت وتابعت قلب ماامي ياناس