رواية لنا موعد اخر الفصل الحادي والسبعون71 بقلم لولا
رفيده دخلت لقيت بنت عمرها زي عُمر يزن بتلعب بالالعاب فتابعت بابتسامه قلب ماامي يانااس وراحت شالتها وحضنتها فالبنت اتضايقت وكانت هتعيط فدخلت مريم اللي فتحت لرفيده الباب وعمرها 20 سنه فتابعت بتوتر: هتعيط يهانم هاتيها عنك
رفيده بصتلها بحده فمريم اتوترت وسكتت فتابعت رفيده بحده: انتي شكلك اتجننتي ونسيتي نفسك
مريم بتوتر انا اسفه ياهانم حقك عليا
فالبنت بالفعل فضلت تعيط فرفيده بصتلها وتابعت بحب لالا ياروحي مالك يعمري في ايه وفضلت تبوس خدها وهي بتهزها علشان تسكتها بس بردو فضلت تعيط وشاورت على مريم وتابعت ماماا
مريم غمضت عينيها بتوتر وخوف ورفيده اتصدمت وقلبها وجعها وتابعت چوري ..چوري بُصيلي
چوري كانت بتعيط وبتشاور عايزه مريم فرفيده اتعصبت وتابعت غوري من قداامها واعمليلي كوباايه قهوه اخلصيي
مريم بخوف حاضر يا هانم امرك وطلعت من الاوضه بالفعل فرفيده قعدت چوري اللي بتعيط على السرير ووطت قدامها على ركبتها على الارض وتابعت بوجع ليه بتعملي فيا كده ؟ ليه مصممه تقهريني زي ابوكي ؟ انتي فكراني خبيتك هنا علشان بكرهك؟ لااا لاا والله ابداا ودموعها زادت وتابعت هو اللي بيكرهني ووقت الجد هيطلقني وياخدك مني ده جاحد ومعندوش قلب وحطت ايديها على خدها تمسح دموعها وتابعت بدموع انما انتي هنا في اماان وصدقيني يوم ما يطلقني اوعدك هكون عملت فلوس من ورااه واسيبله يزن اللي هياخده مني بسبب نفوذه طبعا وهاجي اخدك انتي ونساافر براا واعيشك احلى عيشه وباست خدها وتابعت بدموع انما امك مش وحشه يا چوري والله ما وحشه بس ابوكي اللي مسابليش اختيارات تانيه ..طول الوقت حاسه انه هيرميني في اي لحظه فلازم أمن نفسي مش كده؟
جوري بصتلها وهي بتعيط فرفيده اتوجعت وتابعت بدموع يعني طلعتي نفس ملامحه بالظبط مقولتش حاجه ده حبيبي مهما عمل.. انما هتفضلي توجعيني زيه وتعيطي في حضني انا وتسكتي مع مريم كده؟
چوري فضلت تعيط فدخلت مريم بالقهوه وحطيتها على الكومود فچوري شاورت عايزاها فتابعت بتوتر طب انا هخرج يا ست هانم
رفيده بجمود اقعدي يا مريم وتنهدت وتابعت اقعدي سكتيها
مريم بتوتر دلوقتي؟
رفيده بحده اومال هتسيبيها بتصرخ كده وزورها يتعبها؟! اقعدي اخلصيي
مريم اتخضت وتابعت حاضر يا هانم وقعدت وخدت چوري في حضنها تطبطب عليها فابتدت تسكت فرفيده ابتسمت بوجع وتابعت معلش ..طريق بدأناه ولازم نكمله ..طبيعي متعرفنيش وانا بجيلها مره في الشهر
مريم الدموع اتجمعت في عينيها وتابعت هو انا ينفع اطلب منك طلب يا هانم؟
رفيده بصتلها بجمود وتابعت لا مينفعش ..لان انا عارفه طلبك وقيلالك اليوم اللي هتولدي فيه يزن وتديهولي تنسيه وللابد
مريم اتوجعت وتابعت بدموع نفسي اشوفه ..اشوفه مره واحده ..انا عمري ما منعت انك تشوفي بنتك فنفسي انا كمان اشوف ابني ولو لمره
رفيده بعصبيه ليه ياروح امك هو انتي ليكي ان تمنعيني اجي بيتي ولا ايه؟؟! متنسيش نفسك يابت وتنسي اصلك ده انا جبتك من الشوارع يا لمامه ونضفتك وجبتلك بيت متحلميش تشوفيه في احلامك فاتعدلي كده واحترمي نفسك انا طلبت طلب وانتي وافقتي واشتريتي فخلاص متجيش تعيطيلي
مريم بدموع انا وافقت اديكي يزن لاني مكنتش هعرف اولده من غير ابوه اللي ينتقم منه ربنا اللي اعتدى عليا ووقت الجد هرب وسابني في مصيبه مع اهلي فاضطريت اهرب من بلدي وانتي كتر الف خيرك ساعدتيني اولده وقولتيلي هتبقي فتره ولما تسافري انتي وبنتك انا هاخد ابني بس الفتره دي طولت اوي وانا هموت عليه
رفيده تنهدت وتابعت بحده بقولك ايه يمريم علشان نخلص من ام الحوار ده ومنفتحوش تااني.. انتي كنتي عيله 18 سنه حامل في الحراام ومش لاقيه بيت يقااويكي وانا وانتي عارفين اللي تهرب من بلدها حامل وتيجي هناا وتقعد في الشوارع مصيرها ايه .. غير ابنك االي كان ممكن تتحبسي بسببه ويعتبر زناا علشان ابوه راجل ناقص فانا عملت معاكي جميله كبيره اوي وولدتك ونضفتك وجبتلك شقه وفلوس وكل اللي تحتاجيه بتلاقيه فكل ده مش لله كده .. اكيد التمن غاالي وانتي دفعتي تمن كل ده حته منك وانا كمان اتخليت عن حته مني فـ زي ما بداانا لازم هنكمل ندب بقى وقررف مش عاايزين
مريم بدموع معاكي حق وانا فعلا اللي وافقت بس كنت مضطره علشان شوفت من الدنيا بما فيه كفايه ومكنتش هقدر اشوف تاني في الشوارع بس مطلبتش غير اشوفه مره ..مره واحده ياست هانم
رفيده بعصبيه وده مبقااش ابن امير العجان الزباله علشان تشوفيه ده بقى ابن الدكتور عصاام السيووفي اللي اسمه لوحده يهز رجاله بشنبات فقبل ما تقولي اي كلام اعرفي مقاامك الاول
مريم بدموع مانا عارفه والله العظيم انه مش قليل وعارفه ان كتيير عليا ان يزن يتسجل باسم البيه بس غيابه تاعبني يا هانم تاعبني اوي
رفيده بحده معلش مضطرين نعيش بقى علشان انا بنزل اشوف البت قبل شغلي انما يزن مقدرش اخده وانزل بيه ده عصام لو شم خبرر بس اني بدلت بنته بولد غريب اقسم بالله ماهيخلي حد فيناا عايش انتي متعرفيهوش والاحسن تتلمي وتسمعي كلامي علشان لا انا ولا انتي قده
مريم بدموع عارفه اني مش قده ومقدرش احط اسمي جنب اسمه في حواار عابر بس انا ام وانتي ام فابوس ايديكي حسي بيا انا عملت كده مضطره خوفاا من اهلي يلاقوني ولا اقعد في الشارع
رفيده بحده وقبضتي التمن كويس اوي ولسه هتقبضيه مش كفايه ابنك اللي مكنش يساوى تعريفه بقى ابن البشوات واتكتب باسمه شركه ادويه وانا اللي بنتي عايشه مستخبيه هناا !!
مريم بدموع كل ده ميفرقليش قد مايفرق وجوده قدامي
رفيده بسخريه كان زمان وجوده ده يقلبي قبل اتفقنا بس طلما نفذناا خلااص انسيه و لما يوصل لسن حضانه بقى هبقى اجيبه مره اوريهولك
مريم بدموع وصدمه: لسه هستنى كل ده!!
رفيده بحده احسن ما اقولك انسيه خاالص ولا ايه
مريم بدموع خلاص انا اسفه بس هو انا المفروض لما اروح اطلب ابني هقوله ايه
رفيده بحده انتي مش هتنطقي غير لما انقل الملكيه بتاعت الشركه من يزن لياا انا ومجرد ما يطلقني اطلع انا وبنتي برا مصرر روحي بقى عرفيه وخدي ابنك انما غير كدده هنفضل زي ما احنا
مريم بدموع وتوتر طب هو متزعليش مني يعني ياهانم افرضي عصام بيه مطلقكيش زي مانتي متوقعه علشان تاخدي البت وتسافري هيحصل ايه؟
رفيده تنهدت بقهر وتابعت متستعجليش هو مش بيحبني ومهما طولت مسيره هيرميني بس لو مطلقنيش يبقى تنسي ان ليكي ابن ومقابل ده ليكي مبلغ محترم كل شهر لا يزن هيعلى اوي ..هيعلى ويعلينا معااه
مريم بدموع بس انا مكنتش عايزه كل ده
رفيده نفخت بعصبيه وتابعت بقولك ايه متقرفنيش بقى مش اللي هنعيده هنزيده سيبي البت خلاص سكتت وقومي شوفي ناقصكم ايه اجبهولك واجيب قد ايه لبن لچوري؟
مريم حطت چوري على السرير واديتها لعبتها وتابعت چوچا مش بتشرب اللبن وحاولت معاها كتير بس بترفضه جدا وورقه الطلبات كتباها في المطبخ ثواني هقوم اجبهالك وقامت وسابت رفيده اللي ابتسمت وهي بتبص لچوري وسرحت
فلااش بااك اول جوازها هي وعصام
رفيده خدت شاور وخرجت من الحمام وهي لابسه البورنص وشعرها بينقط على الارض فلقيت كوبايه اللبن اللي على الكومود زي ماهي وجنبها كوبايه قهوه فاضيه وعصام قاعد على السرير ماسك الفون فتنهدت بضيق وتابعت يعصام متعصبنيش مش كل ما اعملك لبن على الفطار هتسيبه وتقوم تعمل قهوه صحتك مش عجباني خالص بجد
عصام ساب الفون وقام وتابع وهو بيمشي ناحيتها: ليه مالها صحتي يعمري؟
رفيده فضلت ترجع لورا وهي بتضحك وتابعت لالا ملهاش يحياتي بهزر
عصام شد وسطها ليه فشهقت وفضلت تضحك فبصلها بحب وتابع لا قوليلي يمكن مقصر ولا حاجه
رفيده بصتله وتابعت بضحك عصام احترم نفسك انت فاهم قصدي هاا
عصام بضحك اومال مالها صحتي مش فاهم؟ الكلمه دي عايده على ايه يعني؟
رفيده حطت ايديها حوالين رقبته وتابعت بضحك اقصد صحتك عامه يحبيبي لان كتر القهوه بيتعبك انما اي حاجه تانيه مقدرش اتكلم لا
عصام بضحك اه بحسب كنت هراجع ونشوف ايه اللي مش عاجبك
رفيده بضحك يا ابني اتلم بقى الله وابعد كده واشرب اللبن ده وحياه روفي عندك
عصام بضيق عارفه لو حلفتي على المايه وجمدت مستحيل احطه في بوقي مستحيل
رفيده بضيق يووه يعصام بجد تعبتني معاك
عصام سابها وراح يفتح الدولاب يجيب تيشرت وتابع بضحك مش هشربه والله مستحيل انا مش بطيقه وانتي عارفه ومن ساعه ما اتجوزنا بقالنا 10 ايام اهو كل يوم اسيبلك الكوبايه فافقدي الامل بقى واشربيه انتي الف هنا يحبيبي
رفيده بضيق جتك القرف هشربه انا ومسكت الكوبايه تشربها
عصام بضحك وغمز ايوه اشربيه انتي .. اهم حاجه صحتك انتي انما انا تمام
رفيده فضلت تضحك وضربت كتفه كذا ضربه متتاليه وتابعت بضحك يا ابنيي بقى احترم نفسك الله فعصام فضل يضحك
بااك
فدموعها نزلت وهي مبتسمه وقلبها وجعها وبصت لچوري وتابعت: مش سيباله اي حاجه حتى كرهو لـ اللبن
فمريم سمعتها وهي داخله وحطت الورقه جنبها وتابعت بابتسامه حتى ملامحه كلها والله يا هانم ..انا اول ما شوفت الدكتور استغربت اوي قولت سبحان الله يارب طلعاله باللملي
رفيده اتصدمت وتابعت وانتي شوفتي الدكتور فين ان شاء الله؟
مريم اتصدمت انها قالت واتوترت وقلبها دق بعنف وتابعت هاا ..هيكون فين يعني؟ واتوترت اكتر وتابعت ما حضرتك وريتني مره صوره ليكم
رفيده قامت شدت شعرها جامد فصرخت بوجع فتابعت رفيده بحده انتي هتستعبطي عليا يابت انتي؟! ده انا مورتكيش صوره ابنك هوريكي صوره جوزي!!
مريم عيطت بوجع من ماسكه ايديها وتابعت بخوف وعياط صدقيني انتي اللي ورتيهوني ياهانم انا هعرفه منين يعني
رفيده شدت شعرها اكتر وتابعت بعصبيه قسما بالله يمريم وغلاوه بنتي انتي لو منطقتيش لهساوي وشك بالاسفلت
مريم عيطت فشدت على شعرها اكتر وتابعت بعصبيه اخلصيي يلاا
مريم بعياط وهي بتتوجع من ماسكه ايديها تابعت هقولك ..هقولك والله بس سيبي شعري مش قادره
چوري خافت وفضلت تعيط وهي باصه لمريم وتابعت مااماا
فرفيده قلبها وجعها وبصت لبنتها بقهر وزقت مريم كانت هتقع وفضلت تعيط وهي حاطه ايديها على راسها من فرط الوجع فبصتلها وتابعت سيبتك لاجل دموع چوري مش اكتر وقربت منها وهي فضلت ترجع بخوف فتابعت رفيده بهدوء مخيف: انما اقسم بالله انتي لو مقولتي تعرفي عصام منين لهزعلك وبالجامد اوي وانتي عارفاني
مريم بدموع وتوتر روحت شركه السيوفي اللي هنا مره وشوفته وهو واقف قدامها
رفيده اتصدمت بشده وتابعت شركه ايه؟!! انتي اتجننتي؟؟!
مريم بخوف وعياط افهميني بس انا والله كنت ..
رفيده قاطعتها لما ضربتها بالقلم بقوه فعيطت بوجع فمسكت شعرها وتابعت بعصبيه روحتي لعصاام الشركه ليه يازباله؟؟!! عايزه تقوليله الحقيقه يمرريم!! فكراني هسيبك عاايشه انتي ولا ابنك بعدهاا؟!
مريم خافت بشده ومسكت ايديها باستها وتابعت بانهيار وخوف انا اسفه ابوس ايدك سامحيني حقك عليا اناا ضعفت وابني وحشني وكنت هقوله انما والله ماقدرت اقرب ولا اوريه وشي
رفيده لفت شعر مريم على ايديها وشدته بقوه وتابعت بعصبيه ده انا هطلع عين اهلك انتي فااكره ايه يابت؟؟ فاكرره اني سهله هعديلك اللي كنتي هتهببيه ده عاادي!!
مريم اتوجعت وعيطت بشده وتابعت والله العظيم ..والله العظيم ياهانم كانت مجرد فكره ومن زمان انما مقدرتش اعملها ولا هعملها والله
رفيده بعصبيه هي ايه دي اللي مجرد فكره ياروح امك!! انتي مستوعبهه اناا كان ممكن يجراالي اييه من ورا غبائك يحيواانه يا زبااله الشواارع انتي !! ده عصاام يقتلني بدم باارد ومش هيهمه وانا ساعتها اقسم بربي لموتلك ابنك وعليا وعلى اعداائي
مريم خافت بشده وتابعت بعياط وخوف انا اسفه انا اسفه والله حقك عليا وباست راسها وايديها وتابعت بانيهار والله ماهقول حاجه ولا هفتح بوقي بكلمه وهعيش خدامه ليكي ولبنتك العمر كله بس ارجوكي متأذيش ابني ارجوكي ده هو اللي فاضلي في الدنياا
وچوري فضلت تعيط بانهيار ونزلت من على السرير وراحت حضنت رجل مريم فرفيده بصت على چوري بوجع وسابت مريم وتابعت بوجع هدي البت متخليهاش تعيط وهغور اجبلك الطلبات علشان امشي ومشيت فمريم وطت جابت چوري تسكتها ووقفتها متابعه بعياط: رفيده هانم
رفيده بصتلها وتابعت خير
مريم بعياط متأذيش ابني ابوس ايدك وانا اوعدك اللي حصل مش هيتقرر تاني
رفيده بتنهيده طول مانتي بتسمعي كلامي يزن في امان وبصت على چوري اللي سندت راسها علي كتف مريم وسكتت واتوجعت اوي وتنهدت بقهر ومشيت وهي بتسحب الورقه من على الكومود
--
عند ادهم كان مغمى عليه والباب اتفتح ودخلت حنين وهي مرعوبه عليه وشافته فاتخضت بشده وتابعت بدموع وخوف اادهم ..اادهم مالك يحبيبي وراحت عدلته وخدته في حضنها وفضلت تطبطب على وشه بخفه وتابعت بعياط ادهم ررد علياا ..رد علياا ابوس ايدك واتعصبت بدموع وتابع جاسرر ..جاسرر تعالى عاايزااك
جاسر الحارس للاوضه دخل وتابع اوامرك ياست حنين
حنين بعياط وعصبيه انتواا ازاي سايبينه بالحااله دي هاا اتجنتتواا وصلت بيكم للدرجه ديي ده مبياكلش!!
جاسر بخوف ياست حنين واحنا ذنبنا ايه احنا بننفذ اوامر والدك
حنين بعياط وعصبيه هات باقى البهايم اللي برا وقولهم يجوا ينقولوا ادهم اوضتي يلاا
جاسر بصدمه اوضتك ازاي يعني ياست هانم؟
حنين قامت وقفت وتابعت بعصبيه وانت ماال اهلك انت تنفذ وبس انا دكتوره وهشوفه ماله واراعيه
جاسر بخوف لا يا انسه حنين مش هينفع عادل بيه لو عرف هيودينا كلناا ورا الشمس
حنين بعياط مش هيعرف يجاسر بابا مسافر يومين ومحدش في الفيلا ارجوك ساعدني اسعفه ادهم هيموت وده مكنش هدف بابا مش كده؟
جاسر بلع ريقه برعب وتابع مش عارف اخاف يعرف ساعتها هيقطع رقبتنا كلنا وانتي اولناا
حنين بدموع اوعدك بابا مش هيعرف صدقيني ..انا مجرد ما اطمن عليه هنزله هنا تاني بوعدك
جاسر بتنهيده طيب يا انسه حنين روحي انتي وانا هجيبهولك انا والرجاله
حنين بفرح ربنا يراضيك يجاسر يارب براحه عليه والنبي
جاسر بابتسامه حاضر متقلقيش
وبالفعل مشيت راحت اوضتها وحضرت ادواتها الطبيه ودقايق ولقيتهم داخلين بيه فتابعت بلهفه حطوه على السرير هناا
فبالفعل نيموه فتابعت حنين بدموع خلاص روحوا انتوا ارجعوا شغلكم
فهزوا راسهم بتمام ومشيوا فتابع سالم احد الرجال بحده: حلوين احنا كده واحنا بنطلع راجل اوضتها مش كده؟؟
جاسر بحده احترم نفسك انسه حنين دكتوره وقلقانه على ادهم بحكم انسانيه شغلها وهتخلص وهنزله تاني
سالم بحده خليك انت طبلها وعادل بيه لو عرف هيقتلنا كلنا واحد واحد
مسعد بتنهيده هشش كفايكم وش كلمته قالي يومين تلاته منا ما اجي فمش هيعرف ان شاء الله وبعدين ده انسان بردو ومربوط بقاله سنتين في اوضه ضلمه والحمام والاكل بالمواعيد مش كده انتوا مش شايفين منظره!!
سالم بحده اما نشوف اخره طيبه قلوبكم الزايده دي شكلكم اتجننتوا والله وبقتيوا تتعاطفوا ..ويوم ماتتعاطفوا يبقى على ادهم العامري اللي كان هيحبسنا كلنا
جاسر بتنهيده طبيعي ده ظابط مخابرات عايزو يعمل ايه لاكبر تاجر سلاح في الشرق الاوسط؟!! هو مع الحق واحنا مع الباطل فده طبيعي
سالم بسخريه هو مش محتاج يعمل خلاص حنين هانم هتخربها فوق دماغنا وهتشوفوا
في الاوضه عند حنين كانت بتكشف عليه بالسماعه وغمضت بحزن وحطت ايديها على جبينه حست بحرارته الشديده فتنهدت بوجع وقامت وقفت وكتبت ادويه في ورقه وطلعت من الاوضه ونزلت سلالم الفيلا وفتحت الباب فلقيت مسعد واقف فتابعت بلهفه مسعد معلش هاتلي الادويه والمحلول ده من الصيدليه بسرعه
مسعد هز راسه بتمام وتابع اوامرك يا هانم وخد منها الورقه ومشي وحنين دخلت المطبخ وسخنت الشوربه باللحمه وخدت منها طبق وكوبايه عصير وطالعه من المطبخ الباب خبط ففتحت وخدت الشنطه حطتها على الصنيه وتابعت بابتسامه تسلم يا مسعد تعبتك
مسعد بابتسامه تعبك راحه يهانم وقفل الباب وراه وحنين طلعت دخلت اوضتها وبصت لادهم بقهر وحطت الصنيه على الترابيزه وفتحت الشنطه وبدات تحضر المحلول وقعدت جنب ادهم اللي ابتدى يصحي وهو بيتاوه بوجع بصوت منخفض فحنين بصتله بلهفه وتابعت ادهم ..ادهم انت كويس يحبيبي؟؟!
ادهم وهو مغمض تابع بتعب بموت يا حنين
حنين بدموع ولهفه الف بعيد الشر عنك يقلب حنين متقولش كده انا معاك والله وهتبقى كويس ومسكت دراعه وربطته كويس علشان تبين الوريد بس اوردته كانت ضعيفه اوي فتابعت بدموع وقهر يعمري عليك الكفره الكلاب بيسمعوا كلامه ومش بيدوك تاكل منهم لله ده انا مش لقيالك وريد
ادهم نهج بتعب وتابع حنين
حنين حطت ايديها على خده وتابعت بدموع ولهفه ايه يعيون حنين
ادهم بصلها بتعب وتابع انا مش كويس ابوكي شكله قدر عليا وهزمني فعلا
حنين بعياط ولا ابويا ولا الدنيا كلهاا هتقدر عليك يا ادهم فوق واقف على رجلك من تاني ابوس ايدك وبصتله بلهفه ودموع وتابعت عارف انت عجبتني ليه لما شوفتك اول مره؟ عجبتني علشان انت الوحيد اللي قدرت تقف تحط عينك في عين عادل العجمي من غير ماتخاف وضحيت بنفسك علشان اهلك انت اقوى منه يا ادهم ده هو اذاك علشان يفضل شايف ان مفيش حد يقدر عليه
ادهم بتعب بس انا مبقتش قادر ياحنين ..صحتي وقوتي خانوني ومبقتش قادر حتى اقف اصلب طولي
حنين بعياط هتقف على رجلك وهتبقى كويس انا هعلقلك المحلول دلوقتي وهتاكل وصدقني هتبقى زي الفل ومسكت ايديه بتحاول تلاقي وريد وتابعت بدموع ادهم معلش يحبيبي افتح واقفل في ايدك كذا مره
ادهم عمل كده بحركه ضعيفه واجهاد وهي بالعافيه لقيت وريد فتابعت بسم الله ودخلت سن الابره فادهم تأوه بوجع فبصتله بلهفه ودموع تابعت بس بس حقك عليا هي رخمه وهي داخله بس والله خلاص ولزقتها وقامت علقت المحلول وجابت المايه السقعه والقماش وقعدت علشان تعمله كمادات فادهم مسك كف ايديها بضعف وتابع بتعب حنين
حنين مسكت ايديه اللي مسكاها كويس وتابعت بدموع ولهفه ايه يحبيبي سمعاك
ادهم بتعب لو حصلي حاجه او معرفتش اخرج من هنا في يوم من الايام ..امنتك امانه تروحي لـ لميا وتحكيلها كل حاجه وتقوليلها اني محبتش ولا هحب قدها
حنين قلبها وجعها وتابعت بقهر لميا !! وابتسمت بدموع وتابعت لسه مش قادر تنساهاا يا ادهم؟
ادهم الدموع اتجمعت في عينيه وتابع انسى مين؟ انسى لميا؟! ده انا انسي الدنيا ومافيها ومقدرش انساها
حنين ابتسمت بدموع وتابعت يبختها وتنهدت بقهر وتابعت بدموع انت عارف اني بحسدها؟
ادهم غمض بوجع وتنهد وتابع انا عارف انك جدعه وطيبه وعكس ابوكي خالص بس صدقيني صعب يا حنين ..انا مش هينفع
حنين بدموع ايه اللي مش هينفعه بابا؟ بابا مش فارقلي وعمره ما افتكر ان ليه بنت عايشه اصلا فانا مستعده اتجوزك واقف قصاده وقصاد الدنيا بحالهاا علشانك يا ادهم
ادهم اتعدل في قاعدته فتاوه بتعب فحنين عدلته بلهفه وتابعت حاسب حاسب على مهلك وعدلت المخده وراه فادهم قعد كويس ورجع ضهره لورا وتابع خلاص تمام كده تسلمي
فحنين قعدت تاني قدامه فادهم تنهد وتابع بصي يا حنين انا يمكن في الاول لما لاقيتك غلبانه ومش زي ابوكي كنت هستغلك انك تساعديني وتخرجيني من هنا بس لما عرفتك كويس وعرفت قد ايه تعبتي في حياتك وعيشتي لوحدك صعب عليا ان الخذلان يجيلك مني فوافقت افضل محبوس بس مأذكيش وشوفتك زي زينه بالظبط وبص لعينيها اللي فيها دموع بوجع وتابع انما اكتر من كده صدقيني مش هعرف القلوب مش ملكنا وانا متجوز وبحب مراتي ومش هقدر احب غيرها
حنين بدموع هساعدك تمشي واتجوزني وانا والله عمري ماهضايق لميا وحياتك يا ادهم
ادهم بوجع يحبيبتي مش مسأله تضيقيها بس فعلا مش هينفع ارجوكي افهمي موقفي انا صعب قلبي يبقى لغيرها وانتي اصلا متعرفيش تعملي حاجه وانا مش هحطك في مشكله مع ابوكي بس اديني فونك اعمل منه مكالمه تانيه لان المره اللي فاتت جاسر دخل وملحقتش واديتك الفون
حنين بدموع بابا شاكك فيا ومراقب الفون اليومين دول
ادهم بصدمه يعني ايه!! مانا كده مش هعرف اكلم حد
حنين تنهدت بقهر وتابعت هفكر في حل وهخليك تكلم اهلك قريب متقلقش ودموعها نزلت وتابعت عارف يا ادهم ..على قد مانفسي اساعدك تتحرر من هنا على قد ما مقهوره اني مش هشوفك تاني وانا نفسي تفضل قدامي العمر كله
ادهم بوجع اشمعنا انا ياحنين ده انا الوحيد اللي اذيت ابوكي وكنت هحبسه
حنين بوجع بعيدا عن ان زي مانت قولت القلوب مش ملكنا بس انا حبيتك للسبب ده تحديدا يا ادهم ..انك تقف قصاد عادل العجمي دي مش عايزه راجل ..دي عايزه اسد وانت عملتها ..كان ماسكك من ايدك اللي بتوجعك وجابك يوم فرحك لهنا مخضوض وخايف وبردو حطيت عينك في عينيه بكل جحود وقوه ..بابا اللي انا عشت اخاف منه وشوفت الكبير قبل الصغير بيخاف منه وبيعمله الف حساب انت وقفت قصاد بكل قوه فحسيت ان ده الضهر اللي عايزه اتحامى فيه من الدنيا كلها فدخلت واتكلمت معاك يوم والتاني والعاشر ودموعها نزلت وهي بتبصله وتابعت فحبيتك يا ادهم.. حبيتك غصب عني والله علشان لقيت فيك الامان اللي عشت ادور عليه
ادهم تنهد وحط ايديه على خدها وتابع والامان ممكن يتفصل في اخ واب مش حبيب بس وانا هفضل امانك العمر كله حتى بعد ما اخرج من هنا ياحنين
حنين حطت ايديها فوق ايديه اللي على خدها وابتسمت بدموع وتابعت ربنا ميحرمنيش منك ابدا يارب
ادهم ابتسملها وسكت فمسكت القماش وتابعت بلهفه اه صحيح نسيت الكمدات ده انت جسمك مولع
ادهم عرفتي منين اني تعبت؟
حنين بابتسامه مسعد قالي انك سالت عليا وكنت تعبان فطلبت منهم يجيبوك هنا وهتنزل لما تخلص المحلول وتاكل واطمن عليك وحطت القماش بالمايه على جبينه
ادهم غمض بتعب وتابع تاعبك معايا اوي ياحنين
حنين ابتسمت وتابعت ياريت كل التعب حلو كده
ادهم ابتسم بوجع وتابع حلو ايه بس ده انا نسيت شكل الشوارع والناس وهدومي متبهدله ووشي متبهدل وشعري تقل اوي ودقني بقى واصل لحد صدري زي الارهاب وحاجه تقرف
حنين ابتسمت بوجع وتابعت لما تخلص خد شاور يحبيبي بس حقك عليا مش هقدر اقولك تحلق هيبان انك خرجت لما بابا يشوفك
ادهم ابتسم بوجع وتابع عارف طبعا كتر خيرك عملتي اللي عليكي وزياده
حنين بدلت القماشه وتابعت بابتسامه: متقولش كده انا حقيقي مهما اعمل علشانك هفضل شيفاه بسيط
ادهم تنهد بعمق وسكت ورجع راسه لورا وغمض عينيه فحنين طبطبت على ايديه وتابعت بقلق ادهم انت كويس؟
ادهم بصلها بوجع والدموع اتجمعت في عينيه وتابع هبقى كداب لو قولتلك اه انا بموت بالحياا ومش قادر اتصرف
حنين بوجع واحشتك مش كده؟
ادهم تنهد بقهر وتابع واحشتني بس؟ دي واحشتني فوق ماتتخيلي والدموع اتجمعت في عينيه وتابع مش قادر اتخيل حالتها عامله ازاي في غيابي.. انا كنت كل حاجه ليها والوحيد اللي بتثق فيه وبسبب ابوكي كسرتها في اكتر يوم كنا مستنينه ..ومن غير ما اشوفها اكيد خست واطفت ومبقيتش هي حبيبتي اللي عرفتها
حنين ابتسمت بوجع وتابعت بس انت قولتلي انها قويه جدا وشبهك فكل حاجه
ادهم ابتسم بوجع وتابع ده حقيقي لميا قويه جدا بس مع الكل وبتيجي عندي انا تضعف وتبين الجزء اللي محدش يعرفه في شخصيتها ..انا نقطه ضعفها الوحيده علشان كده عارف شكلها هيبقى ازاي من غير ما اشوفها
حنين ابتسمت بدموع وتابعت هانت ان شاء الله وتجتمع بيها
ادهم تنهد بوجع وتابع يارب يا حنين..يارب ..سنتين بحالهم ملمحتش طيفها وهموت من بعدها ومُنى عيني لو هيحصلي اي حاجه اشوفها مره واحده بس قبلها واملي عيني بيها واخدها في حضني واقولها قد ايه الوقت اللي فات كله كان مستنيها
حنين دموعها نزلت وتابعت بابتسامه صدقني حاسه انه قريب
ادهم بوجع يارب يسمع منك وتنهد بوجع وتابع كانت دايما تقولي انت الوحيد اللي تقدر تكسر لميا الجارحي يا ادهم فبلاش توجعني بعد ما وثقت فيك وفكره اني مشيت من الفرح اكيد قهرتها مش كسرتها بس
حنين اتصدمت وتابعت ايه لميا الجارحي!!
ادهم استغرب صدمتها وتابع اه مالك في ايه؟؟
حنين بتوتر لا مفيش بشبه بس اصل حاسه كنت بقرا الاسم ده في جريده قبل كده
ادهم بابتسامه اه ده حقيقي هي لميا مراتي ..كانت صحفيه وحاجه جامده اوي والكل كان عايز يأذيها من شطارتها بس الكلام ده قبل جوازنا ومن ساعتها قدمت استقااله وسابت شغلها
حنين اتصدمت من كلامه وابتسمت بتوتر وتابعت ااه يبقى علشان كده
ادهم باستغراب مالك يا حنين في ايه؟!
حنين بابتسامه متوتره: مفيش يحبيبي مفيش يلا بقى اقوم احضرلك الحمام لحد ما المحلول يخلص وتاخد شاور وتاكل وكده كده هما بيسبولك هدوم تغير فهجبلك منها
ادهم هز راسه بماشي وسرح وهو بيفتكر لميا وموجوع من بعدها عنه واشتياقه ليها وهي قامت وهي بتلعب في ايديها بتوتر وتابعت بهمس معقول هي نفسها؟!
وشويه والمحلول خلص فتابع ادهم بتنهيده حنين
حنين خرجت من الحمام وتابعت ايه ياروح حنين
ادهم المحلول خلص اهو
حنين بابتسامه زي الفل والحمام دفي وراحت قعدت جنبه ومسكت قطن وشالت اللزق وتابعت خد نفس واكتمه فادهم عمل كده وهي شالت الكانيولا وحطت القطنه وهي مسكاها جامد وابتسمت وتابعت بالشفا يعمري يلا على الشاور بعدين هتاكل وتاخد الادويه فادهم تنهد بوجع واتعدل نزل رجليه على الارض فتابعت بلهفه على مهلك استنى متقومش بسرعه يلا واحده واحده وقومته يقف وسندته لحد الحمام وتابعت بحب كل حاجه هتحتاجها جوه حتى الطقم الجديد
فادهم هز راسه بماشي ودخل وهو بيتسند وقفل الباب وبص على ملامحه وشعره التقيل ودقنه الطويله ووشه المجهد اتقهر وغمض عينيه بوجع
وبرا حنين رتبت الاوضه وشغلت الشاشه ووطت الصوت وجابت القناه ووقفت مصدومه وهي شايفه لميا المقدمه للبرنامج وبتتكلم مع حد من الضيوف وبتضحك فتابعت بهمس يعني طلعتي انتي فعلا مرات ادهم!! وبصتلها بسخريه وتابعت دي اللي اتكسرت واطفت!! وابتسمت بوجع وتابعت والله انت طيب يا ادهم ومتعرفش اي حاجه دي مديره جريده ومذيعه وعملت كل حاجه في حياتها في غيابك ودموعها نزلت وتابعت ازاي قدرت تعمل كل ده في غياب جوزها اللي متعرفش عايش ولا ميت!! هي دي كده بتحبه!! اخص بجد
وقعدت على السرير وهي باصه للشاشه بكرهه لـ لميا وسرحت وفاقت على فتحه ادهم للباب فقلبت القناه بسرعه فطلع وهو لابس الطقم الجديد وبينشف شعره وتابع كنتي مشغله ايه؟
حنين بلعت ريقها بتوتر وتابعت ده مسلسل بس جيه اعلان اشمعنا؟
ادهم بابتسامه لا مش هقولك هتضحكي عليا ورمى الفوطه على جنب وقعد فحنين راحت قعدت جنبه وتابعت بتوتر لا طبعا مش هضحك قول بس
ادهم بابتسامه وانا خارج سمعت كلمتين طشاش كده فحسيت البنت اللي بتتكلم صوتها زي صوت لمياا اوي
حنين فتحت عينيها بذهول وضحكت بتوتر وتابعت لالا لميا ايه بس بتخرف بيها يا ادهم وفضلت تضحك بتصنع
ادهم بضحك ماناا مكنتش هقولك علشان تريقتك دي
حنين بتوتر وضحك ااه اصل لميا ايه هيجيبها في المسلسل يعني ومسكت الطبق وتابعت يلا كل علشاان ادويتك
ادهم بابتسامه تعبتك معايا اوي ياحنين لولاكي كان زماني موت جوه ومحدش حس
حنين بحب ودموع الف بعيد الشر عنك يخش كل اللي يكرهك وانت لا يحبيبي
فادهم ابتسم وبدا ياكل وهي بصاله صعبان عليها اوي ثقته وحبه لـ لميا اللي من وجهه نظرها متستهلهمش
-
عند علي وحبيبه
حبيبه كانت نايمه على صدر علي وواخدها في حضنه ومتغطين وشعرها مغطي نص وشها والمنبه رن الساعه10 فعلي كرمش عينيه بضيق وحط ايديه بعشوائيه يدور على الفون على الكومود لحد ما لقاه وداس عليه قفله وفتح عينيه ببطئ وهو بيتاوب وبص لحبيبه واستغرب نومها العميق رغم صوت المنبه المزعج فابتسم وتابع يخرابي ياناس على اللي نايم مش داري بالدنيا وشال شعرها بعيد عن وشها ورفع دقنها بايديه وقرب باسها برقه فمصحيتش ففضل يبوسها كذا مره متتاليه برقه وهي ولا هنا ففضل يضحك وتابع: ماتت دي ولا ايه .. وخبط على وشها براحه وتابع بحب بيبه .. انتي يابت
حبيبه بنوم عميق اممم
علي بضحك اممم ايه بس يحبيبي قومي يلا وسند جبينه على وشها واستنشق ريحتها بعشق وهمس بهيام : يخرابي عليكي يحبيبه الواحد مش مصدق اللي بيحصل ولو عليه يقعد جنبك كده سنه بحالها لحد مايستوعب ومش هيمل
حبيبه بنوم شديد همست: علي
علي غمص عينيه بتأثر وتابع بضحك واحده علي من دي كمان ومش مسئول عن رده فعلي هاا
حبيبه نامت في حضنه وتابعت بصوت ناعس مخليها اكتر جاذبيه: علي بليز سيبني انام شويه
علي بضحك ده بليز انتي ارحمي امي من الرقه دي فين حبيبه اللي صوتها كان بيجيب اخر الدنياا هاا جايه تتعبلي اعصابي دلوقتي بس وماله ماتتعب ونداويها وبيشد طرف الغطا
فحبيبه ضحكت وتابعت علي اتربى بجد عايزه انام وحطت ايديها على صدرها تمسك الغطا
علي بضحك فوقتي دلوقتي يعني ده انتي يخرابي منك
حبيبه نامت تاني على صدره وتابعت بهمس تعبانه اوي والله حقك عليا
علي بصلها وتابع تعبانه مالك في ايه ؟
حبيبه بنوم مفيش يعمري عادي متقلقش
علي رفع وشها ليه وتابع حبيبه مبهزرش مالك في ايه تاعبك؟
حبيبه ابتسمت وهي مغمضه وتابعت والله مفيش حاجه انا حاسه اني مرهقه شويه بس
علي بتنهيده طب اوعي هقوم اخد شاور واعملنا نفطر علشان تلحقي تاخدي شاور انتي كمان ونلبس لسه قدامنا سكه سفر
حبيبه فتحت عينيها ببطئ وبصتله وتابعت علي متأجل السفر شويه لبكره يحبيبي علشان حقيقي مش قادره خالص وحاسه اني عايزه ارتاح
علي فضل يضحك وحط ايديه على وسطها وشدها ليه وتابع لا انتي صحتك مش عجبااني خالص اومال ايه الكيرفي والكلام الجامد ده ..على الفاضي ولا ايه؟!
حبيبه بضحك شكله على الفاضي اه والله انا بجد مرهقه وكله منك وضربته في صدره
فعلي فضل يضحك وتابع الواحد كان على العهد وابن ناس وملتزم فضلتي تظهري قدامي وتحركي مشاعري العمر ده كله عايزاني اعمل ايه لما تبقي مراتي حلالي بين ايديا طبيعي ماصدقت يعني
حبيبه بضحك لا وانت ماصدقت فعلااا وضربته في كتفه
فعلي فضل يضحك بشده وتابع خلاص بقى قلبك ابيض يا مدام علي الجارحي
حبيبه ابتسمت بحب وتابعت نورعين مدام علي الجارحي من جوه والله وحضنته ودموعها نزلت على كتفه فعلي حس وتابع بقلق مالك يحبيبتي في ايه؟؟ وحط ايديه على خدها وتابع انتي اضايقتي من اي حاجه امبارح صح؟؟ طب حقك عليا والله انا ...
حبيبه قاطعته لما حطت ايديها على شفايفه وابتسمت بدموع وتابعت اخص عليك يعلي هتضايق من ايه بس يحبيبي؟! انا بعيط علشان انا حلمت عمري كله ابقى مراتك واشيل اسمك .. كنت شيفاه حلم بعيد اوي ياعلي .. وبصت حواليها لاوضتهم وتابعت عمري ما كنت اتخيل ان يجي عليا يوم ابقى في بيتك وحلالك وخلاص بقيت مراتك ونايمه في حضنك وضحكت من بين دموعها وتابعت انا مجرد التخيل بس كان بيسعدني فانت فاهم انا حاسه بايه؟؟ دي حاجه اشبه بالحلم او الجنه على الارض
علي بصلها بحب واضح ورجع شعرها ورا ودنها وتابع بحب: فاهم وباسها برقه وتابع اني بعشقك وباسها تاني وتابع وبموت فيكي وباسها تاني و ندمان على كل لحظه ضيعتها وانتي مش معايا
فحبيبه ابتسمت وتابعت متندمش علشان لولا اللي حصل ده عمرك ماكنت هتعرف قيمتي وضحكت وتابعت ياابني ده انا النور اللي نور حياتك
علي بصلها بحب وحط ايديه على ضهرها يشدها ليه وتابع بضحك انا مش عايزك تنوري حياتي وغمز وتابع اطفي النور وتعالي
فحبيبه فضلت تضحك وتابعت تصدق ان انت خساره فيك الكلام الحلو
علي فضل يضحك وتابع ما دي حلويات بردو بس افعال ..انا راجل بحب ابين حبي بافعالي ايه الغلط بس
حبيبه بصتله بحب وتابعت عارف يعلي؟
علي بحب احب اعرف ياعيون علي
حبيبه ضحكت وتابعت بابتسامه لما بشوف نفسي ناقصني حاجه ببص لنفسي بعينيك بحس اني مبسوطه وراضيه
علي بضحك لا انتي متشوفيش احسن ..ناقصك حاجه ايه ياهبله وبصلها من فوق لتحت وغمز وتابع ده انتي بطاايه صدقت والله لما قولت عليكي كده تقوليش قلبي حاسس
حبيبه فضلت تضحك وتابعت لا بتكلم معاك بجد والله انا ساعات بحس ان فيا عيوب وابتسمت بفرح وتابعت بس لهفتك عليا دي مخليااني حاسه احساس مش عارفه اوصفهولك بس انا بجد مبسووطه
علي بحب حبيبه انتي كتير على اي حد مش انا بس وانا اللي يبختي انك حبيتيني واستنتيني وحقيقي كله من رضا ربنا علياا .. انا خدتك علشان انا مبفوتش فرض وبطيع ربنا فانعم عليا انه جعلك مراتي وبصلها بحب وحط ايديه على خدها وتابع انتي اللي صليت علشانها شكر مش استخاره يحبيبه .. ولما بيجي حد يقولي ربنا يرزقك على قد اللي بتعملوا بقولهم انا خدت رزق الدنيا كله في حبيبه وابتسم وتابع فاياكي تقولي على نفسك كده تااني
حبيبه حضنته جامد وتنهدت بارتياح وتابعت بدموع كنت هموت بالحيا لو كل اللي حصل بيناا ده حصل بينك انت وهي ولا حتى لو كانت سمعت منك كل الكلام ده
علي طبطب على ضهرها وتابع بحب اقولها الكلام ده ازاي بالعافيه يعني؟! اما انا معرفتوش غير على ايدك وباس راسها بعمق وتابع عمري ماكنت هلمس ست غيرك ربنا كاتبلي كده ودي واحده متجوزه فبلاش نجيب سيره حد احسن لانك والله العظيم عمرك ماكنتي ولا هتكوني زي اي بنت في الدنيا مش هي بس
فحبيبه بصتله بدموع وتابعت بحبك اوي بجد
علي بحب وانا بموت فيكي وضحك وتابع ومش عاارف كنت اعمى ومش شايف الحلويات دي ازاي طب والله لو كنتي اتجوزتي غيري كنت هعيش اضرب راسي في الحيط مره الصبح ومره بالليل
فحبيبه فضلت تضحك وتابعت ده مضاد حيوي كده
علي بضحك ده انا اضرب بالنار كمان مضاد حيوي ايه بس ومشى ايديه على ضهرها وهي قريبه منه وتابع بضحك دي اختك ياعلي !! اختك !! كنت مخبوط بايه على نفوخي انا لما قولت كده؟!
حبيبه فضلت تضحك وتابعت كنت غبي نقول ايه بقى
علي بضحك هسامحك علشان دي حقيقه
حبيبه بضحك طب بليز سيبني انام شويه مش قادره وحياتك يعلي واحنا نايمين الصبح ملحقتش اناام بجد
علي بضحك مش انتي اللي بطل ما لازم نسهر ننام ونسيبك ازاي يعني؟
حبيبه فضلت تضحك فعلي ضحك اكتر وتابع ده قسما بالله لقد هرمنا ده الواحد مش مصدق انك في حضني عادي خلاص
حبيبه بضحك يعلي اتلم بجدد
علي فضل يضحك وتابع خلاص ارتاحي شويه لحد ماخد شاور واعمل الاكل
حبيبه بفرح والله بموت فيك وباست خده ورايحه تنام فعلي شدها وتابع بضحك بوسه عدله واسيبك مش ابن اختك انا علشان البوسه دي
فحبيبه فضلت تضحك وتابعت علي متكسفنيش علشان خاطري
علي بحب لا احنا بقينا واحد مفيهاش كسوف اصلا
فحبيبه ضحكت وتابعت طب غمض عينيك
فعلي غمض عينيه وتابع بضحك اهو ياستي غمضنا
فحبيبه بصت لملامحه بعشق وابتسمت وحطت ايديها حوالين رقبته وقربت باسته بحب ورايحه تبعد فعلي حط ايديه على ضهرها وشدها ليه وباسها بعمق واعتلاها ودقايق وسند جبينه على جبينها وتابع بضحك عايز اقوم من ساعه ماصحيت خدي بالك ومش عارف
حبيبه ضحكت وضربته في صدره وتابعت ولا عمرك هتتربى اوعاا يلا قووم
علي بضحك قلبي مش مطاوعني بصراحه ووطى باس رقبتها بعمق فحبيبه تاوهت بوجع وضربته في كتفه وهي بتضحك وتابعت يعلي بطل رخاامه ويلا وحياتي عايزه انام شويه لحد ماتحضر الاكل بلييز
فعلي فضل يضحك وتابع ماشي خلاص والله قايم وبالفعل قام دخل الحمام وسابها فحبيبه فتحت الدرج جابت مرايا صغيره وبصت على رقبتها وتابعت بضحك يخرابي منك ياعلي بجد وابتسمت بحب وهي بتفتكر كل وقت جمعها بيه ومبسوطه وجواها شكر وامتنان شديد لربنا انه حققلها امنيتها وجعلها لعلي ومفيش حد غيره لمسها وابتسمت وهي بتغمض بارتياح وبتحضن المخده وتابعت كل التفاصيل دي كانت هتبقى غير مقبوله ووحشه اوي مع غيرك ياعلي فاللهم لك الحمد بجد ونامت بعمق وهي مبسوطه
وشويه وعلي خرج وهو لافف على وسطه فوطه وبينشف شعره بغيرها ودخل الدريسنج وجاب قميص اسود وبنطلون ابيض ولبس وشمر اكمام قميصه ولبس ساعته وحط النضاره جوه القميص ورش برفيوم وبص على حبيبه لقاها نايمه فابتسم وتابع ينورعيني عليكي تعبانه صحيح وراح جنبها كانت نايمه بالجنب فوطى باس خدها وهي محستش فتابع بضحك اممم دي دخلت في غيبوبه تاني وفضل يمشي مناخيره على خدها بينكشها بس بردو محستش فضحك وباس خدها وقام ودخل المطبخ وفضل يحضر في الفطار وهو بيدندن اغاني بصوت هادي وشويه وخلص كل حاجه وخد الصنيه ودخل حطها على السرير على جنب وتابع بحب بيبه .. يعيوني وراح قعد جنبها ومشي ايديه على كتفها طالع نازل بيصحيها وتابع بيبه .. ياباباا اصحي
حبيبه بنوم اممم
علي وطى باس كتفها الظاهر من الغطا وتابع بحب قومي يلا الاكل جهز اهو
حبيبه بتعب: علي ضهري واجعني اوي وبجد حاسه عايزه انام حاول اجل السفر علشان خاطري
علي بحب مش هينفع يحبيبي علشان حجزنا التذكار فانتي عارفه مينفعش منسافرش .. قومي بس كده كلي لقمه واعملك مساج بالزيت اللي جبتيه في الجهاز ده بعدين تاخدي شاور سخن وجسمك هيفك وهتبقي زي الفل
حبيبه بضيق حاضر ياعلي هقوم واتعدلت في قاعدتها وتابعت علشان قولتلك ناجل الموضوع ده للنهارده انت مرضتش
علي تنهد وتابع طب هتفرق ايه معاكي مش فاهم؟ هنا من هناك بنسبالي تفرق وفهمتك ليه علشان عايز نبقى في بيتنا انما امبارح من انهارده تفرق ايه؟
حبيبه بتنهيده خلاص يعلي
علي تنهد وتابع تمام يلا علشان تاكلي
ورايح يقوم فحبيبه مسكت ايديه وتابعت بحزن رايح فين ؟
علي بتنهيده هجيب مايه وجاي
حبيبه بدموع طب اقعد ثواني
فعلي قعد جنبها ومسح دموعها وتابع ممكن متعيطيش لاي سبب؟
حبيبه بدموع مش قصدي ازعلك وحياتك عندي وانا والله العظيم مبسوطه بس الفكره ان فعلا كان الاحسن يبقى السفر بعد يوم الصباحيه
علي بتنهيده وادينا حاجزين يحبيبه وكنت واخد رايك ووافقتي مفروض انا اعمل ايه مش فاهم؟ لو مش عايزه خلاص منسافرش وخليكي هنا وانا ابقى اسافر شغلي بعد اسبوعين الاجازه
حبيبه بدموع لا طبعا هاجي معاك مقدرش استغنى عنك تاني خلاص وقربت باسته بحب وتابعت حقك عليا والله مقصدش
علي بحب مفيش حاجه ينورعيني خلاص كلي هجيب المايه وجاي وخرج وحبيبه بدات تاكل بالفعل فثواني وعلي جيه وابتسم على شكلها وقعد جنبها ومسح على شعرها وباس راسها بعمق وتابع الف هنا على قلبك
حبيبه بحب وهي بتقطم ورق عنب: تسلملي ينورعيني ومسكت ورق عنب وتابعت امسك
فعلي فتح بوقه وكل منها وتابع بحب كملي انتي يعمري انا هاكل اهو
حبيبه باعجاب وهي بتاكل: الاكل تحفه بجد
علي بحب اه ده حقيقي متلمسش امبارح سخنته وقولت نفطر منه
حبيبه بضحك نعمل ايه في حضره الظابط اللي كان حامي عليناا امبارح
علي فضل يضحك وتابع قلب حضره الظابط اصلا
حبيبه بضحك اهو انت بتاع كلام وبس لو ده حقيقي كنت حطيت دبابيس فيها صورتي على كتافك بدل النجوم لان المفروض انا نجمتك الوحيده
علي فضل يضحك وتابع ولما اتجازى ويعلقوني هتيجي تسليني؟
حبيبه بضحك ولا اعرفك طبعا هنهزر ولا ايه
فعلي فضل يضحك وتابع واطيه وتعمليها يا ام حمزه
حبيبه بهيام: عيون ام حمزه الا انا صحيح هجيب حمزه امتى علشان يسليني في غيابك
علي بتضحك يعني على بكره او بعده بالكتير يكونوا اكدوا عليه في الصيانه عشان يجي تمام وميتعبكيش
حبيبه فضلت تضحك وتابعت انت بتهزر يعلي!!
علي بضحك لا انتي اللي بتهزري ياروح علي مالك في ايه ده احنا لسه متجوزين امبارح
حبيبه بحب طب وهو 10 ساعات في بيت علي باشا الجارحي دول شويه؟
علي فضل يضحك وتابع علي باشا الجارحي ظابط شرطه مش ساحر بس اوعدك نعمل اللي علينا وغمز وعدي الجمايل يستي
حبيبه فضلت تضحك وتابعت اعد اييه انت هتعملهم عليااا اما بنسبالك الطلب ده جاي على هواك
علي بضحك اه الصراحه اكدب يعني
حبيبه بضحك ايوه فاتلم كده
علي بضحك بحاول بس مبعرفش ومسك المعلقه فيها مكرونه بشاميل ياكلها
فحبيبه كالت منه وتابعت بضحك لحقتني بالاكل علشان كنت هلمك صحيح بس عارف نقطه ضعفي
علي بضحك شوفتي بقى اصل لازم تدرسي اخصامك كويس وانتي بنسبالي عاجنك وخابزك خلاص
حبيبه بضحك مفيش منه يحبيبي
علي بضحك طب بلاش تجربيني احسنلك انا بكلمتين اخليكي زي العجينه واشكلك على مزاجي
حبيبه بضحك لا يعمررري مفيش منه الكلام دده ووقفت على ركبتها على السرير ومسكت قميص علي وقربت منه وتابعت لو فاكر انك ممكن تضحك عليا بكلمتين تبقى غلطاان ..وباسته بحب وتابعت انت ممكن تضحك عليا بكلمه واحده بس ..ولو انت اللي هتتكلم فممكن اتخلى عن الكلمه كمان ونخليها نظره
فعلي فضل يضحك بشده وتابع يخربيت اهلك انهارده هتوقفي حالنااا ومش هننزل خاالص
فحبيبه فضلت تضحك بدلع فعلي بص للساعه وتابع بضحك مفيش وقت للاسف كلي بسرعه يلا ونشوف الكلام ده هنااك
حبيبه بضحك لا يحبيبي هي الحياه فرص خلاص
علي بضحك طب اللي ميرجعش في كلامه بقى دلوقتي كلي يلا ومدلها ايديه
فحبيبه ضحكت وكالت منه وبعد شويه علي قام شال الاكل وغسل الاطباق وحبيبه نامت على بطنها وحضنت المخده وشويه ودخل لقاها نايمه فتابع بضحك يادي الليله السوداا دي مفيهاش صباحيه مباركه خاالص انهارده البت ولا اللي ضاربها بعيار
حبيبه بضحك اخرس خالص
علي بضحك ياشيخه اتنيلي بقى ده انا اسمع ان يوم الصباحيه ده العروسه بتبوس جوزها كده وتقوله صباحيه مباركه يحبيبي وتقعد معاه وانتي ولا اللي شغاله بحجاره تتكلمي كلمتين وتفصلي
حبيبه فضلت تضحك وتابعت تعالى طيب
علي راح قعد جنبها وتابع بضحك خيير
فحبيبه اتعدلت وحطت ايديها على صدرها تسند الغطا وباسته بحب وتابعت صباحيه مباركه يحبيبي وعمرري ونورعيني وكل دنيتي
فعلي ابتسم بعشق وحط ايديه على خدها وقرب باسها بعمق ودقايق وسند جبينه على جبينها وتابع بهيام: صباحيه مباركه على احلى بنت عيني شافتها في الدنيا كلها وبصلها وهو مبتسم وتابع مبارك علينا ياحرمي المصون
حبيبه بضحك نورعيون حرمك انت والله ورايحه تتعدل تأوهت من ضهرها وتابعت ااه لاالا بجد تاعبني اوي
علي بحب نامي طيب زي ماكنتي هعملك مساج بالزيت
حبيبه بحرج علي بس احترم نفسك
علي بضحك والله العظيم مفيش في نيتي حاجه بطلي عبط انتي مراتي
حبيبه بضحك ليه محسسني اني المفروض اطمن كده كانك بتقولي انتي اختي ..ماهي المصيبه اني مراتك يعني مضمنكش جبت ايه من عندك انت كده؟
علي فضل يضحك وتابع قله الثقه للدرجه دي يعني .. طب اعتبري هتحرش يحبيبه ترفضي؟
حبيبه بضحك لا طبعا يعيون حبيبه لو متحرشتش بمراتك هتتحرش بمين يعني واتعدلت فتحت الدرج طلعت الزيت وتابعت بضحك اخلص يعلي ونامت علي بطنها تاني
فعلي فضل يضحك بشده وتابع طب بتعصبيني ليه من الاول طيب وبينزل الغطا عن ضهرها
فحبيبه مسكته وتابعت بضحك اتربى هاا وهات اي تيشرت حمالات البسه
علي بضحك واعمل ازاي معلش يعني لما تلبسيه؟
حبيبه بضحك من جوه التيشرت عادي
فعلي فضل يضحك وتابع بس يحبيبتي ربنا يهديكي يارب ونزل الغطا شويه وحطلها من الزيت وبقى يعملها مساج بايديه الاتنين وحبيبه بالفعل ارتاحت وبقيت تتاوه بارتياح وبعد شويه تابعت بهمس وهي بتنام: تسلم ايديك يحبيبي بجد
علي بضحك علشان تعرفي انك بنت كلب ظالمه بس وقومي كده انتي هتفصلي تاني ولا ايه
فحبيبه فضلت تضحك وتابعت حاضر بحاول بس اشوف هبدا موضوع الشاور ده ازاي علشان فعلا هنتاخر بسببي
علي بضحك لا وعلى ايه؟ وقام ووطى شالها بين ايديه وتابع تاخديه حالا
حبيبه بضحك علي نزلني بالله عليك متسكفنيش وحيااتي يا عليي
علي فضل يضحك وتابع اهدي بقى متقرفيناش ودخل قعدها على الرخاامه وشغل حنفيه البانيو على السخن ولما اتملى بردها شويه وحط شاور في المايه ومسك كوره فواره سودا وحطها في المايه فبقيت كلها سودا فحبيبه فضلت تضحك لانها فهمت عمل كده ليه
فعلي ضحك وتابع انا مقدر انك هتقعدي شويه على الوضع ده فحطيتها علشان متتكسفيش مني ياستي شوفتي بضحي ازاي يلا تعالي بقى
فحبيبه بصتله بحب وتابعت مش بحبك من فراغ والله ونزلت الغطا وعلي مبصلهاش علشان ميحرجهاش وشالها حطها في البانيو وتابع بحب كده بردو مكسوفه؟
حبيبه بحب لا زي الفل وشكرا انك بتديني مساحه اتعود ياعلي
علي حط مايه وبعده شامبو على شعرها وتابع بحب يعيون علي ده انا تحت امرك ووطى باس خدها وتابع وبعدين ده الطبيعي متشكرنيش على حاجه
حبيبه جسمها فعلا ارتاح فتنهدت بارتياح وتابعت رغم احراجي ورخامتي دي عليك بس الا ان فعلا انا اسعد واحده في الدنيا كلها انهارده
علي بحب واثق من غير ماتقولي وشغل الدش
حبيبه بضحك يعلي اغسله مره واحده انت هتخليه يرغي حته حته ده كده هنقعد لبكره
علي بضحك اسكتي انتي لو سمحتي ده حبيبي ده ومش هلعبكه في بعض واغسله مره واحده ولا هعك فيه سبيني اعمله بطريقتي واحده واحده
حبيبه بضحك طيب يحبيبي اعمل اللي يريحك وبدات تكمل الشاور اثناء ماعلي بيعمل شعرها وبعد شويه خلصت فقام علي جبلها البورنص وتابع بحب يلا تعالي
حبيبه بضحك غمض
فعلي غمض وابتسم فقامت وغسلت الشاور عنها ودخلت جوه البورنص وباست علي بحب وتابعت خلاص فتح
علي بضحك بترديلي الجميل يعني
حبيبه طلعت للاوضه وتابعت بضحك اه علشان انت شطور وسمعت كلامي وغمضت بجد
علي طلعلها وتابع بضحك اعمل ايه بطاوعك مؤقتا مع ان مبقاش ليه لازمه التغميض يعني
حبيبه بضحك نفسي يكمل خمس دقايق متربي وحدفت عليه المخده فعلي فضل يضحك وتابع يلا البسي بسرعه علشان جايين يباركولنا وهناخد الشنط وهننزل بمجرد ماينزلوا
حبيبه بحب حاضر تعالى انت بس اختارلي لبسي بليز يعلي
علي بحب بس كده ده من عيوني وراح دخل الدريسنج وفضل يدور بين لبس حبيبه فدخلت حبيبه وهي بتنشف شعرها وتابعت: علولي انا هلبس بنطلون ها فمتختارش دريسات
علي بحب طب والله الدريسات عليكي اجمل وبعدين انتي عروسه وفي ناس جايه
حبيبه نفخت بضيق متابعه يووه بقى يعليي متنكدش علياا بالله علييك
علي بحب اسمعي انتي كلامي وشوفي شكلك هيبقى عامل ازاي وطلع دريس ابيض تلت كم وضيق من على الصدر وواسع نفشه بسيطه لتحت طوله بعد الركبه بشويه ومطرز تطريزه رقيقه على الوسط فصفر باعجاب ومتابع وااو ده هيبقى تحفه بجد جربيه كده
حبيبه بضيق انا غلطت والله لما قولتلك اختارلي هات وشديته منه
فعلي فضل يضحك وتابع هتبقى قمر والله وبعدين ده مسافه السكه يا ستي وبمجرد ما نوصل بيتنا اقلعيه محدش هيعترض ولو مش عايزه تلبسي خالص بردو محدش هيعترض
فحبيبه شهقت بخجل وضربته في كتفه وتابعت بضحك امشي اطلع برا انت والله ما اتربيت اطلع يلا
فعلي فضل يضحك بشده وتابع مش بقولك امنياتي طيب
حبيبه بضحك طب اطلع يا علي واخلص بجد ووحياتي عندك متدخلش
علي بضحك والله انتي مخك تعبان بس معلش وخرج وسابها وهي ضحكت وتابعت مترباش بجد ولبست الدريس وكان بالفعل جميل جدا عليها ومطلعها حور من الجنه وخرجت وعلي مكنش في الاوضه فقعدت قدام التسريحه تعمل ميكاب فدخل وابتسم تلقائي لما شافها وتابع بحب شوفي طالعه قمر ازاي وراح وطى باس راسها بعمق وتابع وهو بيبصلها في المرايه بابتسامه حقيقي خطيره مشوفتش ولا هشوف في الدنيا كلها اجمل من مراتي
فحبيبه ابتسمتله بحب وتابعت بضحك يعيوني انت ربنا يديمك ليا يارب
علي بحب ويديمك ليا يا حبيبه عيوني وانتبه لانها بتحط ميكاب وتابع حبيبه متكتريش
حبيبه وهي بتحط البلاشر تابعت حاضر والله
فابتسم وهو بيمسح بايديه على شعرها بحنان وتابع تيجي اعملك روج طبيعي يفضل معاكي كتير؟
حبيبه بصتله في المرايه باستغراب وتابعت :ده ازاي يعني شوفت طريقته فين ؟ وبيتعمل بدم الغزال ولا ايه؟
على بضحك لا انا عارفها ها موافقه ولالا؟
حبيبه بستفهام : يعني شفايفي هتبقى حمرا عادي كده من غير ما احط روج وهتطول؟
علي بضحك اه والله
حبيبه بابتسامه طب تمام ازاي الحاجه اهي قدامك وشاورتله على المستحضرات بتاعتها
علي ابتسم بخبث وتابع انتي اللي ادتيني الموافقه اهو
حبيبه استغربت ورايحه تتكلم اتفاجئت بيه شدها قومها من على الكرسي وقرب باسها بعمق وايديه بتعدي عليها بحب وبتقربها منه اكتر بتملك فغمضت عينيها ولفت ايديها حوالين رقبته وبادلته الحب فشاالها وهو لسه بيبوسها ومشي بيها وحطها على السرير وايد حبيبه بتفك زراير قميصه وفاجاه سمعوا صوت خبط على الباب فاتنفضوا بعيد عن بعض
حبيبه اتحرجت واتعدلت في قاعدتها وهي بترجع شعرها ورا ودنها وعلي غمض عينيه بضيق وفضل يهمس وتابع استغفر الله العظيم يا رب حبكت يعني دلوقتي؟؟!!
حبيبه بحرج وتوتر ده احنا اللي حبكت دلوقتي !! ما انت عارف ان مفيش وقت ويادوبك هننزل عشان الطياره قوم ياعلي قوم شوف الناس
علي بضيق غااير وقام وهو بيقفل زراير قميصه وتابع ده انا لو اعطر في اللي اخترع الصباحيه ده وان الناس اللي معندهاش دم دي تيجي لاتنين عرسان تاني يوم جوازهم كنت قتلته على الفكره الزفت دي
حبيبه ابتسمت بحرج وتابعت انت اللي عايز تتربى هو ده الروج
؟؟
علي بضحك طب قومي شوفي شفايفك عيب عليكي يماما انا مبقولش كلمه مش قدها
فحبيبه قامت بالفعل وظبطت هدومها وبصت في المرايه اتفاجئت بشفايفها لونها احمر
فاتكسفت وتابعت يخربيتك يا علي هو ده منظررر الاقيها من ايه وايه!!
علي فضل يضحك بشده وتابع اخلصي بقى الناس عايزانا ومتطلعيش كده اعملي رقبتك بالكريم بتاعك ده معرفش اسمه ايه وسرح شعره
حبيبه بضحك كريم !! انت بعد كريم دي متنطقش تاني خالص
فعلي فضل يضحك وتابع معرفش انا الكلام بتاعكوا ده اسمه ايه المهم متخرجيش غير لما تظبطي هدومك وشكلك انا طالع افتحلهم لان الباب هيتكسر بس متتاخريش ها
حبيبه بتوتر حاضر يا حبيبي فعلي ابتسم وقرب باسها برقه وخرج وقفل الباب وهي وقفت تحط ميك اب وتابعت بضحك يخرابي عليك يا علي يقولوا عليا ايه لما يشوفوا شكل شفايفي كده وحطت ليب جلوس لونه هادي على شفايفها خلى شكلها اجمل ومسكت الفاونديشن دارت العلامه اللي في رقبتها ووقفت تظبط شعرها
وبرا عند علي رانيا حضنته وتابعت بفرح صباحيه مباركه يقلب امك من جوه
علي بحب الله يبارك فيكي يحبيبتي وباس راسها وتابع تعالي اقعدي وبص لهاله وتابع ادخلي يا خالتي نورتي
هاله دخلت وتابعت بابتسامه صباحيه مباركه يحبيبي
علي بحب الله يبارك فيكي يغاليه
فدخلوا قعدوا فتابعت رانيا بحماس وفرح: فينها عروستنا الحلوه عايزين نطمن عليها
علي بابتسامه بتجهز وجايه يحبيبتي ثواني بس اقوم اجبلكم حاجه تشربوها
رانيا بشهقه وضحك تجيب لمين يوااد ده بيتنا وانا وهاله اللي مروقينه ومظبطينه كبرت وهتعمل علينا صاحب بيت دلوقتي يولاا
علي فضل يضحك وتابع مقدرش ياست الكل بيتك طبعاا بس الاتيكيت وكده
هاله بابتسامه ولا اتيكيت ولا حاجه احنا جايين نطمن عليكم بسرعه وهنمشي علشان طايرتكم حتى مرضتش استنى نيره تجهز قولتلها انا خمس دقايق ونازله فجينا لوحدنا
علي بابتسامه هشوفهم كلهم تحت قبل مانتحرك باذن الله
رانيا بحب ودموع توصلوا بالسلامه يقلب امك
علي راح جنبها وخدها في حضنه وباس راسها وتابع بحب طب ليه العياط طيب وتقلقيني عليكم؟
هاله دموعها نزلت وتابعت غصب عنها يحبيبي 3 شهور مده مش قليله نهائي هتوحشونا
علي تنهد وتابع صدقوني على عيني انا كمان بس خير وهيجروا والله كل حاجه بتعدي
رانيا رايحه تتكلم لقيوا حبيبه جايه وتابعت بابتسامه وفرح حباايب قلب حبيبه جايين لوحدكم ليه فين العياال
رانيا وهاله زغرطوا بفرح لما شافوها وقاموا وقفوا يسلموا عليها فهاله حضنتها جامد ودموعها نزلت وتابعت لقينا الوقت اتاخر فمش هيعرفوا يلحقوا يجوا وبصتلها بحب ودموع وتابعت مليوون مبروك يقلب امك من جوه هتواحشيني
حبيبه اتأثرت وتابعت بحب ودموع وانتي اكتر والله وباست راسها وايديها
رانيا بحب ودموع تعالي في حضني يابت هتوحشيني يكلبه
حبيبه ضحكت وحضنتها وتابعت بحب والله وانتي اكتر يارنوش قلبي
رانيا ابتسمت بدموع وتابعت خلي بالك من نفسك ومن جوزك يحبيبه بلاش مشاكل وعناد ها
حبيبه بضحك حاضر والله
رانيا بصت لعلي وتابعت وانت كمان حطها في عينيك الاتنين وخرجها وفرحها الاسبوعين دول
علي حط ايديه على كتف حبيبه وتابع بحب ده من عيوني الاتنين والله
رانيا بحب ودموع ربنا يحميكم يا ابني ويرزقكم الذريه الصالحه
فكلهم رددوا اللهم امين يارب فابتسمت رانيا وتابعت تعالي عايزاكي في كلمتين وسحبتها ومشيت فعلي فهم وبص لهاله وابتسم وتابع منوره ياست الكل
هاله بضحك بنورك ياخويا وشدت دراعه وتابعت بهمس طمني
علي فضل يضحك وتابع دول نفس الكلمتين اللي هناك مش كده؟
هاله بضحك اخلص يعلي الله
علي بضحك ماهي زي القرد قدامك اهي ياست الكل عايزه ايه تاني طيب؟
هاله بهمس تطمني عامه تمام ولا لسه
علي بصلها برفعه حاجب وعدل لياقه قميصه بغرور وتابع لسه مين يا ام نيره لا مسمحلكيش ده العرق يمد لسابع جد نسيتي اني ابن قاسم ولا ايه
هاله فضلت تضحك وتابعت ياخوياا الف بركه بس فكر تعمل زي قاسم كده وتتجوز تاني وحبيبه تخرطك للبط
علي فضل يضحك وتابع لالا مقدرش هي مكفيه وموفيه
وعند رانيا بصت لحبيبه وتابعت بهمس حاد ماتنطقي يابت
حبيبه بضحك ماقولتلك الحمدلله الله عايزه ايه يوليه
رانيا بضحك لا ما الحمدلله دي مبقيتش تأكل عيش بنتي خدعتني بيها قبل كده
حبيبه فضلت تضحك وتابعت لالا وغلاوه علي عندي الحمدلله فعلا يماما
رانيا فرحت وحضنتها وتابعت يانورعيني انتي الف ملييون مبرووك يقلب امك من جوه
حبيبه اتكسفت وابتسمت وتابعت ربنا ميحرمنيش منك ابدا ينورعيني
رانيا فضلت تضحك وتابعت مالك يابت مكسوفه؟ يخرب عقلك مش ده علي اللي قولتي لكريم يجوزهولك لما كان محبوس وتدخلوا في السجن
حبيبه فضلت تضحك وتابعت حصل قولتها بس سيبك الواقع مختلف انا بجحه بالكلام بس
رانيا بابتسامه طب سيبك من انه ابني وصارحيني اتضايقتي من حاجه؟
حبيبه بتفاجئ نعم؟! انا اتضايق ومن علي؟!! ده مستحيل وابتسمت وتابعت علي براحته يارانيا محدش يقدر يتكلم بس بتكسف فاهمه
رانيا بضحك ديتها اسبوع وهتشوفي حبيبه تانيه خالص استني بس
حبيبه بضحك ده كده كده
علي راحلهم وهو ماسك شنط السفر وتابع بضحك طب يلا مخلصوش الكلمتين ولا ايه؟
رانيا بضحك يلا ياخويا جايين اهو وبالفعل نزلوا كلهم تحت قدام العماره وكريم ونيره واسراء وابتسام وعلي الاب اللي كانوا موجدين يودعوهم
-
في بيت رفيده كانت قاعده مع حماتها قدام الشاشه وهي بتاكل يزن
هند بتنهيده مصحتيش عصام يفطر ليه يارفيده؟
رفيده بتنهيده اتعصب عليا كالعاده وقالي انه فطر
هند بس غريبه انك مروحتيش الشغل انهارده ايه نزلك من الصبح بقى؟
رفيده بصتلها وتابعت كنت مخنوفه يخالتي فنزلت اشم شويه هواا بس علشان ميفتحش تحقيق قولتله الشغل عايزني بدري
هند بتنهيده هو شاف البت اللي ماتتسمى بنت اللوا دي امبارح؟
رفيده بسخريه شافها بس؟ ده فصصها بعينه ومشالش عينيه من عليها اليوم كله وولا في احترام لبنت الكلاب اللي قاعده جنبه
هند بحده طبعا ماهو رجعك انتي ويزن البيت وراح البار وجالي الفجر سكران وهاتك يتخريف بيها إيلين إيلين وحاجه تقرف
رفيده الدموع اتجمعت في عينيها وتابعت المفروض اعمل ايه مع البني ادم ده بجد!! انا حقيقي تعبت
هند بحده تستاهلي مانا ياما قولتلك صممي واقطعي رجله من بيت الجارحي وهو هينساها بالوقت انما طول ماهو هناك وسط ناس بيحبوها وبيكرهوكي عمره ماهينساها
رفيده بعصبيه ودموع على اساس ايه يعني؟؟ هو ابنك ده حد بيقدر عليه!! واتعصبت اكتر بدموع وتابعت هو ده لو لييه كبير يحكمه هيفضل بياخد الزفت اللي مدمرره ده وبيقول قدام اي حد بكل بجاجه عاادي كأن ده طبيعي؟؟ ابنكك باظ يخاالتي بااظ واخرتناا مع بعض معروفه بس الله واعلم امتى
هند طبطبت عليها وتابعت بحزن اهدي طيب حقك عليا وتنهدت وتابعت صدقيني عصام عايز اهتمام يارفيده انتي ابقي اديني يزن واهو عيد جوازكم قرب والبسي حلو كده واتقربي منه ولو عرفتي تاخديه في صفك والله هينسى بيت الجارحي باللي فيه وساعتها محدش هيتكلم عن إيلين قدامه ولا هي لما تروحلهم البيت او في اي مناسبه هيشوفها فلازم ترجعيه خاتم في صباعك وتقطعيه من هناك لو لسه باقيه عليه
رفيده بقهر ودموع عصام ملمسنيش بقاله سنتين وشويه يخالتي..عيد جواز ايه اللي بتتكلمي فيه؟ ده فات واحد والتاني واللي جاي التالت.. عصام مش هيبعد عن اهله مهما عملت او قولت و.. "وسكتت بتفكر في حاجه"
هند باستغراب و ايه؟
رفيده بصت قدامها وتابعت الا في حل واحد بس وبصتلها وتابعت وعدت نفسي قبل كده اني مش ههني علي في حياته علشان كل اللي جرالي من تحت راسه هو ومراته ودلوقتي فكرت في حاجه هتقطع رجل عصام من هناك وهتريحي من علي خالص
هند بخوف بتفكري في ايه يابنت عادل شكلك هتودينا في داهيه
رفيده بابتسامه بالعكس ..انتي لما تعرفي هتتبسطي زيي لانك بردو مبتحبيش علي وبتحبي تأذي رانيا ولا ايه؟
هند بابتسامه اكيد طبعاا بس نفكر بعقل يارفيده
رفيده سرحت وتابعت معتش فيا عقل ياخالتي هي مش هتخلص الا كده
هند بحده لاياروح امك لازم العقل انتي فاضلك طلقه ولو عكيتي الدنياا واطلقتي مالكيش راجعه لعصام ليوم ما تموتي
رفيده ابتسمت بقهر وتابعت على اساس انا كده متجوزه؟ ده انا وصلت بيا مره اتحايلت عليه واقوله محتجالك وحسسني اني زيي زي بقيت الستات بس كل مره رده بيقهر اكتر من المره اللي قبلها وبيزقني ويبعدني عنه.. عصام سايبني لاجل يزن بس يخالتي فانا هجرب ولو صابت يمكن علاقتنا تتحسن وميبقاش ليه غيري فغصب عنه هيرجع يتعلق بيا ولو خابت فاهي كده كده خربانه
هند بقلق بتفكري في ايه يارفيده؟
رفيده بصتلها وتابعت هقولك
-
عند ابتسام نيره كانت قاعده معاها في الصالون بيلفوا محشي فكريم خرج وتابع بضحك يعني مش هتروحي شغلك وقاعده معاها اهو؟
نيره بحب وانا اقدر سوما تطلب مني طلب ومنفذهوش
ابتسام بضحك روح قلب سوما انتي
كريم قعد وتابع والله يابنتي انا قولتلك يوم الجمعه ده خديه اجازه زينا انتي اللي منشفه راسك وبتشتغلي الاسبوع كله
نيره بتنهيده مبعرفش اسيب نفسي لدماغي كده واقعد يوم كامل مبعملش حاجه يكريم
كريم بابتسامه ليه يقلب كريم في ايه شاغل دماغك؟
نيره تنهدت وتابعت ولا حاجه كبر دماغك وبصت للمحشي وهي بتلف فكريم رايح يتكلم الباب خبط فتابعت ابتسام معلش يحبيبي قوم شوف مين
كريم بضحك دي هتطلع نهله لما عرفت انك هتعملي محشي وبط انهارده صممت تيجي تساعدك ونتغدا سوا
نيره بضيق امم طب انا افتكرت ان في بيشنت مهم انهارده هيقفل حشو العصب فرايي اني اقوم ونهله تكمل
ورايحه تقوم فكريم فضل يضحك وراح يفتح فابتسام مسكتها وقعدتها وتابعت بهمس اقعدي واتلمي متبينيش انك غيرانه يابت
نيره بهمس حاد عندك حق مانا فعلا مش غيرانه انا هطق وابنك ده اخرته معاياا حاجه من اتنين يا اروح اقول لبابا انه اتحرش بياا علشان يدوه علقه محترمه ويتجوزني ورجله فوق رقبته يا اقتله بالسكينه اللي قدامناا دي ونخلص
فابتسام اتفاجئت بشده وفضلت تضحك وكريم دخل بنهله وتابع بضحك ايه ده في ايه
ابتسام بضحك لا مفيش
نهله قعدت جنب ابتسام وحضنتها وتابعت عامله ايه ياماما واحشاني وبصت لنيره وتابعت عامله ايه ياروحي
نيره بضيق بخير الحمدلله
ابتسام بحب الحمدلله والله يقلب ماما
فنيره اتغاظت وضربت رجل ابتسام من تحت الترابيزه فابتسام فضلت تضحك بشده وكريم فهم ومنع ضحكته بالعافيه وقعد قدامهم وتابع اساعدكم في حاجه؟
نهله بحب لا ياروحي احنا هنعمل خليك انت بس قاعد معانا اقوم اعملك قهوه؟
نيره رايحه تتكلم فكريم ابتسم وتابع ياريت واحشتني قهوتك جدا فاتصدمت بشده وابتسمت بسخريه
نهله بحب عيوني هقوم اعملهالك وقامت بالفعل فابتسام بصت لنيره وتابعت ايه روحتي لغايه فين؟
نيره بابتسامه معاكي يحبيبتي اهو انا بس سرحت في اغنيه لانغام تحفه اوي معلقه معايا اليومين دول بتقول ايه بقى؟
ابتسام بضحك اه بتقول ايه؟
نيره وهي بتغني بصوت حلو جدا تابعت: انكر وجودي احلفلهاا ..ان الغرام بينها انتهى وابتسمت وتابعت وهي بتغني: اضحك عليها وقولهاا ..قولهاا ..ان اللي جاي في حياتك لعيونها هي ..وان اللي داوي اهاتك ضحكتهاا هيي ..عرفها بياا جااوب علياا ياتسيبني اقول القصه وتشهدها هيي
كريم ابتسم بوجع من جمال احساسها بالاغنيه لانه عارف انها تقصده وبتلمح انه منسيهاش فبصلها وتابع وايه سر اعجابك بالاغنيه؟ انتي فكرك ان في حد في الدنيا يتجرا يعرفك ويحبك ويسيبك ويروح لغيرك؟ ولو ده فرضا حصل ..فكرك مستني تقوليله يعرفها بيكي؟ ده هيتلغبط ويقول اسمك بدالها يانيره
ابتسام بصتلهم بوجع ونيره الدموع اتجمعت في عينيها وتابعت عندك حق .. هو لو كان حبني فعلا مكنش وصلني لاني اغني اغنيه زي دي وقامت وتابعت وهي بتمسك دموعها شويه وهطلعلك يخالتي ومشيت وهي بتتسابق مع دموعها فكريم اتعصب وزق الكوبايه اللي قدامه فوقعت اتكسرت فخرجت نهله وتابعت بحزن كريم
كريم بحده ابوس ايديكم مش عايز كلام من حد وسابهم ونزل فتابعت نهله بحزن كفايه حقيقي كده حرام وصلوا لمرحله تقهر
ابتسام بقهر سمعتي البت بتغني بتقول ايه؟
نهله ابتسمت بوجع وتابعت يكفي انها واثقه ان انا الطرف اللي بيضحك عليه وانه فعلا محبش بعدها
ابتسام بتنهيده ماهو مسكتش وعك الدنيا وقالها اللي يحبك ميعملش كده
نهله بحزن يحبيبتي هو بيقول كده لانه فعلا معملش فيها كده
ابتسام بوجع وهي ايش عرفها يانهله؟ هي فهمت انه بيوجعها للمره المليون
نهله بابتسامه متهيالك نيره واثقه ان كريم منسيهاش بس انكاره اللي واجعها
ابتسام بوجع ربنا يهديهم يارب يابنتي
-
عند سلمى كانت بتحضر الغدا وسمعت مالك بينادي عليها فطفت على الاكل وطلعت من المطبخ دخلتله البلكونه كان واقف مع مصطفي فابتسمت وتابعت ايه يحبيبي
مالك بحب بقولك يعمري معلش لو مش هتعبك تعملي شوربه خضار وتنزليها لامي علشان تعبانه وبعتتلك واتس بتقول مشوفتيش
سلمى بحب ده من عيوني حاضر والفون مع ابنك تحت اصلا فمشوفتش انا هعملها دلوقتي
مصطفى بحب وكوبايه قهوه بالله عليكي يا ام علي
سلمى بضحك مع انك مغلبني ومش عايز تفرحني بيك بس وماله من عيوني يامصطفى
مصطفى بضحك تسلم عينيكي يارب
سلمى باست خد مالك وتابعت عايز قهوه معاه؟
مالك بحب طلما من ايديكي الحلوين مقدرش اقول لا وباس خدها
سلمى ابتسمت وتابعت من عيوني ودخلت المطبخ عملت القهوه ودخلتها وعملت شوربه الخضار ونزلت بيها لحماتها وتابعت بحب مليون سلامه عليكي يغاليه
هدي بتعب الله يسلمك يابنتي تعبتك
سلمى بحب تعبك راحه يا ام الغالي فين دواكي اجيبهولك
هدي بتعب في درج اوضتي جوه يابنتي
سلمى دخلت وفتحت الدرج واتصدمت من وجود فون مالك التاني اللي مانعها تمسكه وقالها كلمه السر من ساعه اخر خناقه فلما طلبته قالها انه ضاع ويمكن علي رماه من البلكونه فمسكته وقعدت بذهول وفتحته ودخلت واتساب اتصدمت بواحده اسمها مها بعتاله واحشتني هتيجي امتى يحبيبي